މުނިއަވަސް ރަހަފަތުގައި މިފަހަރު މިގެނެސްދެނީ ފޮނިކާއެއްޗެއް ތައްޔާރުކޮށްލާނެ ގޮތެވެ. އެގޮތުން މިލްކް ޕައުޑަރ ރަސްމަލާއީ ތައްޔާރުކޮށްލާނެ ގޮތް ގެނެސްދޭނަމެވެ.

ރަސްމަލާއީ އަކީ އިންޑިޔާ އަށް ނިސްބަތްވާ ފޮނިކާއެއްޗެކެވެ.

ބޭނުންވާނެ ތަކެތި:

– 1 ލީޓަރު ދިޔާކިރު

– ½ ޖޯޑު ހަކުރު

– 6-7 ކާފޫރުތޮޅި (މުގުރާފައި)

– 1 ޖޯޑު ހިކިކިރު

– 1 މޭޒުމަތީ ސަމުސާ ގޮދަން ފުށް

– 1 މޭޒުމަތީ ސަމުސާ ބޭކިންގ ޕައުޑަރ

– ½ މޭޒުމަތީ ސަމުސާ ކާފޫރުތޮޅި އޮށް

– 1 މޭޒުމަތީ ސަމުސާ ގިތެޔޮ (ބަދަލުގައި މާޖެރިން)

– 3 މޭޒުމަތީ ސަމުސާ ބިސް (ގިރާފައި)

– އާމަންޑްސް

– ޕިސްތާ ބަދަން (ޕިސްޓާޗިއޯ)

ތައްޔާރުކުރާނެ ގޮތް:

1- ތެއްޔެއްގެ ތެރެއަށް ކިރު، ހަކުރު އަދި ކާފޫރުތޮޅި އޮށް އެޅުމަށްފަހު ރަނގަޅަށް އެއްކޮށްލައި ހަކުރުކޮޅު ވިރެންދެން ރަނގަޅަށް ކައްކާލާށެވެ. (ގާތްގަނޑަކަށް 5 މިނެޓް ކެއްކުމުން ރަނގަޅުވާނެ އެވެ.) ކެކުމުން އެއްފަރާތެއްގައި ބަހައްޓާށެވެ.

2- ބޯތަށްޓެއްގެ ތެރެއަށް ހިކިކިރު، ފުށް، ބޭކިން ޕައުޑަރ، މުގުރާފައިހުރި ކާފޫރުތޮޅި އަޅައި ރަނގަޅަށް އެއްކޮށްލާށެވެ. ގިތެޔޮކޮޅު (ނުވަތަ މާޖިރީން) އެޅުމަށްފަހު ރަނގަޅަށް އެއްކޮށްލާށެވެ.

3- ލަސްލަހުން ބިސް އެއްކުރަމުން ފުށްގަނޑެއް އުފެދެންދެން މޮޑޭށެވެ. އެއަށްފަހު 5-8 މިނެޓާއި ދެމެދުގެ ވަގުތެއްގައި ފުށްގަނޑު އައިސްއަލަމާރީގައި ބާއްވާށެވެ.

4- ފުށްގަނޑު ނަގައި އެއް ސައިޒަކަށް ގުޅަ ހެދުމަށްފަހު ފަތިކޮށްލާށެވެ. (7-8 ގުޅަ މިތަކެތިން ހެދޭނެ އެވެ.)

5- ކިރުފޮދު ހޫނުވުމުން މަޑުގިނީގައި ބަހައްޓައިގެން ފަހަރަކު ގުޅައެއް ލަމުން 10 މިނެޓް ކައްކާށެވެ. ކައްކާއިރު ހަލުވައިގެން ނުވާނެ އެވެ.

6- އާމަންޑްސް (ކަނަމަދު) އާއި ޕިސްތާ ބަދަން އަޅައިގެން ގާނިޝްކޮށްލާށެވެ. އައިސް ކުރުމަށްފަހު މިލްކް ޕައުޑަރ ރަސްމަލާއީ އަށް އިންސާފުކޮށްލައްވާށެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: