މުނިއަވަސް ރަހަފަތުގައި މިއަދު މިގެނެސްދެނީ ރަޝަން ސެލެޑް ތައްޔާރުކޮށްލާނެ ގޮތެވެ. މިއީ ވަރަށް ފަސޭހައިން ތައްޔާރުކޮށްލެވޭނެ ރަހަފަތެކެވެ.

ބޭނުންވާނެ ތަކެތި:

– 2-3 އަލުވި ކިއުބްސް (އޮށްއޮށަށް ކޮށާފައި)

– 1-2 ކެރެޓްް ކިއުބްސް (އޮށްއޮށަށް ކޮށާފައި)

– ½ ޖޯޑު ފެހި އޮށް (ޕީސް)

– ½ ޖޯޑު މެޔޮނައިސް

– 1 މޭޒުމަތީސަމުސާ ކްރީމް

– 1 މޭޒުމަތީސަމުސާ ކާސްޓަރ ޝުގަރ (ބޭނުންނަމަ)

– ¼ މޭޒުމަތީސަމުސާ ލޮނު

– ¼ ސައިސަމުސާ އަސޭމިރުސް (މުގުރާފައި)

– ½ ޖޯޑު ޕައިންއެޕަލް ޗަންކްސް (އަލަނާށި އޮށްއޮށަށް ކޮށާފައި)

– 1 ޖޯޑު އާފަލު ކިއުބްސް (އޮށްއޮށަށް ކޮށާފައި)

– 2-3 މޭޒުމަތީސަމުސާ ހިކި މޭބިސްކަދުރު (ރެއިސިންސް)

– ½ ޖޯޑު ޒުވާރިއޮށް (ފެނުކައްކާފައި)

– 2-3 މޭޒުމަތީސަމުސާ ވޮލްނަޓްސް

ތައްޔާރުކުރާނެ ގޮތް:

1- ތެއްޔެއްގައި ފެންފޮދެއް ހޫނުކޮށް އޭގެ ތެރެއަށް އަލުވި، ކެރެޓް އެޅުމަށްފަހު 4-5 މިނެޓް ވާންދެން ކައްކާށެވެ.

2- ތެލީގެ ތެރެއަށް ފެހިއޮށް (ޕީސް) އެޅުމަށްފަހު އިތުރަށް 4-5 މިނެޓް ވާންދެން ކައްކާށެވެ. ކެކުމުން އައިސް ފެނުގެތެރެއަށް އަޅާފައި 10 މިނެޓް ބެހެއްޓުމަށްފަހު ފެން ފޮދު ހިއްކާލައި އެއްފަރާތެއްގައި ބަހައްޓާށެވެ.

3- ބޯތަށްޓެއްގެ ތެރެއަށް މެޔޮނައިސް، ކްރީމް، ކާސްޓަރ ޝުގަރ، އަސޭމިރުސް އެޅުމަށްފަހު ރަނގަޅަށް އެއްކޮށްލާށެވެ.

4- ބޯތަށީގެ ތެރެއަށް އަލަނާސި، އާފަލު، ޒުވާރި، ކައްކާފައިހުރި ތަރުކާރީ، ހިކިމޭބިސްކަދުރު އަދި ވޯލްނަޓް އެޅުމަށްފަހު ރަނގަޅަށް އެއްކޮށްލާށެވެ.

5- ގަޑިއެއްހައި އިރު އައިސްއަލަމާރީގައި ބެހެއްޓުމަށްފަހު ރަޝަން ސެލެޑް ކެއުމަށް ހުންނާނީ ފައްކާވެފައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: