ޕިއްޒާރާޓާ އަކީ ވަރަށް ފަސޭހައިން ތައްޔާރުކޮށްލެވޭނެ ރަހަފަތެކެވެ. މުނިއަވަސް އިން މިފަހަރު މިގެނެސްދެނީ ޕިއްޒާ އާއި ފަރާޓާގެ މީރު ދެ ރަހަ އެއްކޮށްލައިގެން ގެނެސްދޭ ރަހަފަތެކެވެ. މިއަދުން މިއަދަށްވެސް މި ރަހަފަތް ތައްޔާރުކޮށްލައިގެން އަޖުމަ ބަލައިލުން ކިހިނެތްވާނެ ހެއްޔެވެ.

ބޭނުންވާނެ ތަކެތި:

ޕިއްޒާ ސްޓަފިން އަށް

2 މޭޒުމަތީ ސަމުސާ ކެޕްސިކަމް (ކިއުބަށް ކޮށާފައި)

2 މޭޒުމަތީ ސަމުސާ ޒުވާރި (ފެނުކައްކާފައި)

2 މޭޒުމަތީ ސަމުސާ ފިޔާ (ކުދިކޮށް ކިއުބަށް ކޮށާފައި)

2 މޭޒުމަތީ ސަމުސާ ޓޮމާޓޯ (ކިއުބަށް ކޮށާފައި)

2 މޭޒުމަތީ ސަމުސާ ކަޅު ޒައިތޫނި (ކިއުބަށް ކޮށާފައި)

¼ ޖޯޑު ޗެޑަރް ޗީޒް (ގާނާފައި)

¼ މޮޒަރެއްލާ ޗީޒް (ގާނާފައި)

1 މޭޒުމަތީ ސަމުސާ ޕިއްޒާ ސޯސް

½ ސައިސަމުސާ ލޮނުމެދު (ޗަސްކޮށްފައި)

1 ½ ސައިސަމުސާ ރަތް މިރުސް (ފުނޑާފައި)

1 ސައިސަމުސާ ޕާރސްލީ (ހިއްކާފައި)

½ ސައިސަމުސާ ލޮނު (ނުވަތަ ރަހަލާވަރަށް)

ފުށްގަނޑަށް

2 ޖޯޑު ފުށް

¼ ސައިސަމުސާ ލޮނު (ނުވަތަ ރަހަލާވަރަށް)

3 ސައިސަމުސާ ގިތެޔޮ / ތެޔޮ

ބޭނުންވާނެ ވަރަށް ފެން

ގާނަފައިހުރި ޗެޑަރް ޗީޒް

ގާނަފައިހުރި މޮޒަރެއްލާ ޗީޒް

ސައިސަމުސާ ރަތް މިރުސް (ބޯކޮށް މުގުރާފައި)

ތައްޔާރުކުރާނެ ގޮތް:

ޕިއްޒާ ސްޓަފިން (2 ފަރާޓާއަށް)

1- ބޯތަށްޓެއްގެ ތެރެއަށް ކެޕްސިކަމް، ޒުވާރި، ފިޔާ، ޓޮމާޓޯ، ޒައިތޫނި އެޅުމަށްފަހު ކުޑަކޮށް ޗިސްކޮށްލާށެވެ.

2- އޭގެ ތެރެއަށް ޗެޑަރް ޗީޒް، މޮޒަރެއްލާ ޗީޒް، ޕިއްޒާ ސޯސް، ލޮނުމެދު، މިރުސް، ޕާރސްލީ. ލޮނު އެޅުމަށްފަހު ރަނގަޅަށް އެއްކޮށްލައި އެއްފަރާތެއްގައި ބަހައްޓާށެވެ.

ފުށްގަނޑު

1- ބޯތަށްޓެއްގެ ތެރެއަށް ފުށް، ލޮނު، ގިތެޔޮ / ތެޔޮ އެޅުމަށްފަހު ރަނގަޅަށް އެއްކޮށްލާށެވެ.

2- މަޑުމަޑުން ފެން އެއްކުރަމުން ފުށްގަނޑު މޮޑޭށެވެ. ފުށްގަނޑު މޮޑެވުމުން 20 މިނެޓް ވާންދެން ބަންދުކޮށްލާފައި ބާއްވާށެވެ.

3- ފުށްގަނޑުން ގުޅަ ވެށުމަށްފަހު ހިކި ފުށްކޮޅެއް ވިއްސާލާފައި ރޮށި ދަމާގޮތަށް ތަންކޮޅެއް ބޯކޮށް ދަމާށެވެ.

4- ތައްޔާރުކޮށްފައިވާ ޕިއްޒާ ސްޓަފިން އެޅުމަށްފަހު، ރޮށީގެ ހުރިހައި ފަރާތެއް ނަގައި ރަނގަޅަށް ތަތްކޮށްލާށެވެ. އެއަށްފަހު ރަނގަޅަށް އޮށްބާލާށެވެ.

5- ހިކިފުށްކޮޅެއް ވިއްސައިލުމަށްފަހު ރޮށިދަމާ އެތިން ދަމާލާށެވެ.

6- ތަވާގައި ތެޔޮފޮދެއް ނުވަތަ ގިތެޔޮކޮޅެއް އުނގުޅުމަށްފަހު މަޑުގިނީގައި ފަރާޓާ ރަނގަޅަށް ފިހާށެވެ.

7- ޗެއްޑާ ޗީޒް، މޮޒަރެއްލާ ޗީޒް އަދި ބޯކޮށް މުގުރާފައި ހުރި މިރުސް އެއްކޮށްލުމަށްފަހު ޗީޒްކޮޅު ވިރެންދެން މަޑުގިނީގައި ފިހާށެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: