| MUNIAVAS

އައްޒަ އަށް މުއާ ބުނަނީ “އައި ލަވް ޔޫ އިޒްނާ” މިހެންނެވެ. އެއަށް ޖަވާބުގައި އައްޒަ ބުނަނީ “މަޗް ލަވް އެންޑް މޯ މިސަސް” މިހެންނެވެ.

މިއީ ޢަބްދުﷲ މުއާޒް (މުއާ) ގެ ފޭސްބްކް ޕްރޮފައިލް އަށް މަރިޔަމް އައްޒަ (އައްޒަ) ގެ ފޮޓޯއެއް ލުމަށްފަހު ކޮށްފައިވާ ޕޯސްޓްގައި މުއާ ލިޔެފައިވާ އިބާރާތްކޮޅާއި އެއަށް ރައްދުގައި އައްޒަ ލިޔެފައިވާ އިބާރާތްކޮޅެކެވެ.

މިދިޔަ ހޮނިހިރު ދުވަހު މުއާ އޭނާގެ އިންސްޓަގްރާމްގައި އައްޒަ އާއި އެކު ނަގާފައިވާ ފޮޓޯއެއް ވެސް ވަނީ ޕޯސްޓް ކޮށްފައެވެ. އެ ފޮޓޯގެ ކެޕްޝަންގައި އައްޒަ ޓެގްކޮށް އޭނާ ލިޔެފައިވަނީ “އައި ލަވް ޔޫ” މިހެންނެވެ. އިޒްނާ މި ނަމަކީ މީގެ ފަސް އަހަރު ކުރިން ފެށިގެން މުއާ އައްޒައާއި ވާހަކަ ދެއްކި އިރު މުޚާތަބު ކުރަމުން ގެންދާ ނަމެއް ކަމަށް އޭނާ ވަނީ ބުނެފައެވެ. އެ ނަމަކީ މުއާ އަށް ވަރަށް ކަމުދާ ރީތި ނަމެއްކަމަށްވެސް މުއާވަނީ ބުނެފައެވެ.

މުއާގެ ފޭސްބްކް އެކައުންޓާއި އިންސްޓަގްރާމުން ފެންނަނީ އިސްކު ލޯބިވާ މީހަކަށް މުޚާތަބު ކުރާގޮތަށް އައްޒައާއި މުޚާޠަބުކޮށް ޕޯސްޓްތައް ޖަހަމުން އަންނަ ތަނެވެ. ހަމަ އެހެންމެ މުއާގެ ޕޯސްޓް ތަކަށް އައްޒަގެ ރައްދު ޖަވާބުތައް ހުންނަނީވެސް ހަމަ މި މޭރުމުންނެވެ. އެކަމަކު އެނގޭހެއްޔެވެ. މުއާ ވެސް އަދި އައްޒަ ވެސް ބުނަނީ އެމީހުން އުޅެނީ ރައްޓެހިވެގެން ނޫންކަމަށެވެ. އިސްކުގައި ޖެހިގެން ނޫންކަމަށެވެ.

މުއާ ބުނަނީ މީހުން މަޝްހޫރު މީހުންގެ ފޮޓޯ ލާކަމަށާއި ލަވްޔޫ އޭ ވެސް ބުނާ ކަމަށެވެ. އަދި އައްޒައަކީ ވެސް މަޝްހޫރު ތަރި އެއް ކަމަށާއި އޭނާގެ ފޮޓޯ ވެސް ހަމަ ލެވިދާނެ ކަމަށެވެ.

އައްޒަ ބުނަނީ އޭނާގެ އެހެން ރަހުމަތްތެރިން ވެސް އެގޮތަށް “އައި ލަވް ޔޫ” ޖަހާފައި ފޮޓޯ ޕޯސްޓު ކުރާ ކަމަށެވެ. ނަމަވެސް މުއާ އާއެކު އުޅެނީ ލޯބީގެ ގޮތުން ގުޅިގެންތޯ އަހައިލުމުން އައްޒަ ބުނީ “ނޯ ކޮމެންޓް” ކަމަށާއި އެއިރަކު މަސައްކަތް ކުރާ މީހަކާއި ގުޅުވައިގެން އަބަދުވެސް އަޑު އަރާނެ ކަމަށް އައްޒަ ބުނެއެވެ.

ނަމަވެސް މުނިއަވަސް އަށް ވަރަށް އިތުބާރުހުރި ގޮތަކަށް މުއާ އާއި އައްޒަގެ އިސްކުގެ ވާހަކަތައް “ލީނާ” ފިލްމުގެ ޝޫޓިން ފެށިތާ ދުވަސްކޮޅެއްގެ ތެރޭގައި ވަނީ ލިބިފައެވެ.

މުއާ ކޯ ޕްރޮޑިއުސްކޮށް، އޭނާ ޑައިރެކްޓް ކުރާ މިފިލްމު “ލީނާ” ގެ ލީޑްރޯލުގައި ހަރަކާތްތެރިވަނީ މުއާ އާއި އައްޒަ އެވެ.