އަރިދަފުސް ރޯގާ ޖެހިގެން ޑޮކްޓަރަށް ދެއްކުމުން ހޫނުފެނުން އާވިއެރުވުމަށް ޑޮކްޓަރުން ލަފާދެއްވުމަކީ ވަރަށް އާއްމު ކަމެކެވެ. ނަމަވެސް އުފެދޭ ސުވާލަކީ އާވި އެރުވުމުން ނުވަތަ “ސްޓީމް އިންހެލޭޝަން” ކުރުމުން އަރިދަފުސް ރޯގާ ރަނގަޅުވޭ ހެއްޔެވެ؟ މިކަމުން ލިބެނީ ކޮންކަހަލަ ލުޔެއް ހެއްޔެވެ؟

އާވިއެރުވުމަކީ އަރިދަފުސް ރޯގާ އަށް ވަރަށް ކުރިން ފެށިގެން ދެމުން އަންނަ ފަރުވާ އެކެވެ. މިއީ ސައިކުރާގެ އުމުރުން ވީހައި ގިނަދުވަސް ވެފައިވާ ކަމެއް ކަމަށް ޤަބޫލުކުރެވެއެވެ. އާވިއެރުވުމުން ‘ކޮންޖެއްޝަން’ ނުވަތަ ނޯށް ބެދުމުން ދުރުކޮށްދީ، ނޭވާލާން ފަސޭހަވެ އަދި އަރިދަފުސްރޯގާގެ ޖަރާސީމުތައް މަރާލައެވެ. އެހެނީ އަރިދަފުސްރޯގާ ޖައްސާ ވައިރަހަކީ ހޫނަށް ބަލިކަށި އެއްޗެކެވެ. ލެބޯރަޓަރީގައި ކޮށްފައިވާ ތަހްލީލުތަކުން ދައްކާގޮތުން، މިސާލަކަށް އަރިދަފުސްރޯގާ ޖައްސާ އެއްމެ އާއްމު އެއް ވައިރަސް ކަމަށްވާ ރައިނޯވައިރަސް ގެ މަސައްކަތްކުރުން 109 ޑިގްރީ ފެރަންހައިޓް ގައި ހުއްޓެއެވެ.

އެހެންނަމަވެސް، ކޮށްފައިވާ އެތަކެއް ދިރާސާތަކެއް ދައްކާގޮތުން ހޫނުފެނުން އާވިއެރުވުމުން އަރިދަފުހުގެ ސަބަބުން ނޯށުން ފެންއައުމާއި، ކިނބިހިއެޅުމަށް އެއްވެސް ތަފާތެއް އަންނަކަމުގެ ވަރުގަދަ ހެއްކެއް ލިބުންވަނީ ފޭލިވެފައެވެ.

2006 ވަނަ އަހަރު ޝާއިޢުކޮށްފައިވަ ރިޕޯޓެއްކަމަށްވާ ‘ދަ ކޮޗްރޭން ޑާޓާބޭސް އޮފް ސިސްޓެމިކް ރިވިއުސް‘ އިން ވަނީ ތަހުލީލުތަކެއް ހާމަކޮށްފައެވެ. މި ތަހުލީލުތަކުގައި ކުރިން ކޮށްފައިވާ މިފަދަ ދިރާސާތަކުގެ މަޢުލޫމާތުވެސް ހިމަނާފައި ވެއެވެ. މި ރިޕޯޓްގައި، ކޮންޓްރޯލް ކޮށްފައިވާ ހަ ޓްރެއިލްސް އެއްގެ މަޢުލޫމާތު ހިމަނާފައި ވެއެވެ. އެގޮތުން ރޯގާޖެހިފައިވާ މި ހަމީހުން ހޫނުފެނުގެ އާވި އެރުވުމަށް ބޭތިއްބި އެވެ.

މީގެ ތެރެއިން ތިން މީހަކަށް އެކަމުގެ ފައިދާކޮށްފައިވާކަން ދެއްކިއިރު، ދެން ތިބި މީހުންގެ ރޯގާ ގެ އަލާމާތްތައް އިތުރަށް ގޯސްވުން ނުވަތަ އެމީހުންގެ އެންޓިބޮޑީސް ގެ މިންވަރަށް އެއްވެސް ބަދަލެއް ނައިސް ހުރިތަން ނުވަތަ ވައިރަސް ގެ މިންވަރު އެއްވެސް ވަރަކަށް ދަށްވެފައެއް ނުވެއެވެ. އޭގެތެރެއިން އެހެން ދިރާސާތަކަކަށް ބަލައިލާއިރު، ކްލީލޭންޑް ކްލިނިކް ގައި 1994 ވަނަ އަހަރު ކުރި ދިރާސާގެ ނަތީޖާ ‘ދަ ޖަރނަލް އޮފް އެމެރިކަން މެޑިކަލް އެސޯސިއޭޝަން’ އިން ވަނީ ޝާއިޢުކޮށްފައެވެ. އެ ދިރާސާގައި، އަރިދަފުސްރޯގާ ޖެހިފައިވާ 68 މީހުންނަށް 60 މިނެޓް ވާންދެން އާވިން ފަރުވާ ދެވުނެވެ. އެގޮތުން އެމީހުންގެ ނޭފަތް ތެރޭގެ ހޫނުމިން 109 ޑިގްރީސް ފެރަންހައިޓަށް (42.77 ޑިގްރީ ސެލްސިއަސް އަށް) މަތިކުރެވުނެވެ. ނަމަވެސް އެ ފަރުވާއިން ނޯށްބެދުމާއި ކޮންޖެއްޝަން އަދި ކިނބިހިއެޅުމުގެ އަލަމާތްތަކަށް އެއްވެސް އަސަރެއް ކުރިކަމަކަށް ނުދައްކައެވެ.

އެހެންކަމުން ކޮޗްރޭން ރިޕޯޓްގެ ޚުލާސާގައި އެމީހުން ބުނެފައިވަނީ އެހެން ދެވަނަ ދިރާސާއެއް ކޮށް އާވިއެރުވުމުގެ ބޭނުންތެރިކަން ދަނެނުގަނެވޭހާ ހިނދަކު އަރިދަފުސްރޯގާ އަށް ފަރުވާ ދިނުމަށް ސްޓީމް އިންހެލޭޝަން ހެދުމަށް (ހޫނުފެނުން އާވިއެރުވުމަށް) ބަލިމީހުންނަށް ޚިޔާލުނުދިނުމަށެވެ. ނުވަތަ ރިކޮމެންޑް ނުކުރުމަށެވެ.

މީގެ މާނައަކީ އަރިދަފުސް ރޯގާ އަށް ފަރުވާދިނުމަށް އާވިއެރުވުމުން ލިބޭ ފައިދާ އާއިމެދު ލިބިފައިވާ ހެކިތައް އަދިވެސް މަދެވެ.

https://www.youtube.com/watch?time_continue=2&v=T9H0jyOdfPw&feature=emb_title

 

މަސްދަރު: ނިއުޔޯކްޓައިމްސް 2010

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: