ހައްދުންމައްޗާއި ކޮޅުމަޑުލު އަދި މާލެއާއި ދެމެދު “އެޕަލް ސްޕީޑް ފެރީގެ ޚިދުމަތް” ތަޖުރިބާކޮށްލުން ކިހިނެތްވާނެ ހެއްޔެވެ؟ ދުވެލިބާރު ލޯންޗެއްގައި އެންމެ 800 ރުފިޔާއަށް ލ. އަތޮޅުން ނުވަތަ ތ. އަތޮޅުން މާލެ ދަތުރުކޮށްލަން މިވަނީ މަގެއް ހުޅުވިފައެވެ.

 

“އެޕަލް ސްޕީޑް” ޚިދުމަތް ލ. އަތޮޅާއި މާލެ އާއި ދެމެދު އަދި ލ. އަތޮޅާއި ތ. އަތޮޅާއި ދެމެދު ލޯންޗް ފެރީ ޚިދުމަތްދޭން ފަށަން ނިންމާފައިވަނީ މިމަހުގެ 13 އިން ފެށިގެންނެވެ. އެގޮތުން 50 މީހުންގެ ޖާގައިގެ ދުވެލިބާރު ލޯންޗެއް މި ޚިދުމަތުގައި ބޭނުންކުރާނެ ކަމަށް ޚިދުމަތް ފޯރުކޮށްދޭ ފަރާތުގެ އޮފިޝަލެއް މުނިއަވަސް އަށް ބުންޏެވެ.

 

“މިއީ 50 މީހުންގެ ޖާގައިގެ، 4 އިންޖީނު އެޅި ހިތްފަސޭހަ ލޯންޗެއް. މިއީ ތ. އަތޮޅުން ލ. އަތޮޅަށް ޑޮކްޓަރަށް ދައްކަން އަންނަ ފަރާތްތަކަށް ވެސް ހުޅުވޭ ފަހިފުރުސަތެއް.” އެ އޮފިޝަލު ބުންޏެވެ.

 

“އެޕަލް ސްޕީޑް” ލޯންޗް ފެރީދަތުރުގެ އަގަކީ ލ. އަތޮޅުން މާލެއަށް ހަމަ އެންމެ 800 ރުފިޔާ އެވެ. ލ. އަތޮޅާއި ތ. އަތޮޅާއި ދެމެދުގެ ދަތުރުގެ އަގަކީ 375 ރުފިޔާ އެވެ.

ވައިގެ މަގުން ދަތުރުކޮށްލުމަށް ޓިކެޓް ހޯދުމަށް އުޒުރުވެރިވާ ނުވަތަ ދަތިވާ ފަރާތްތަކާއި ކަނޑުމަތިން ދަތުރުކޮށްލުމަށް ޝައުޤުވެރިވާ ފަރާތްތަކަށް މިއީ ރަނގަޅު ފުރުޞަތަކަށް ވެގެންދާނެ ކަމަށް ބެލެވެއެވެ.

 

މީގެ ކުރިންވެސް މި ސަރަހައްދުގައި އަމިއްލަ ދެ ފަރާތަކުން ވަނީ މިފަދަ ޚިދުމަތެއް ދޭން ފަށާފައެވެ.

 

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: