އިންތިޚާބީ ރައީސް އޮނަރަބަލް އިބްރާހިމް މުޙައްމަދު ޞާލިޙު ރައީސުލްޖުމުހޫރިއްޔާކަމުގެ މަގާމުގެ ހުވައިކުރެއްވުމަށް ފަހު، މީސްމީޑިޔާ މެދުވެރިކުރައްވައި ދިވެހިރައްޔިތުންނާ ކުރައްވާ މުޢާމަލާތީ މެސެޖުތައް ދިވެހިބަހުން ތާނައަކުރުން ކުރެއްވުން އެދި ދިވެހި ރައްޔިތެއްގެ ހައިސިއްޔަތުން ނުހަނު އިޚްލާޞްތެރިކަމާއެކު ދަންވަމެވެ.
ޝުކުރިއްޔާ
– ދިވެހިބަހުގެ ޙައްޤުގައި ވައިބަރު އޮޅި –
ދަނބުކުލައިން މަތީގައި ހިމަނާލެވިފައިއެވަނީ ‘ދިވެހިބަހުގެ ޙައްޤުގައި ވައިބަރު އޮޅީ’ ގެ މެންބަރުންގެ ފަރާތުން އިންތިޚާބީ ރައީސް އަދި މިއަދު ހަވީރު 05:00 ގައި އޮންނަ ރަސްމިއްޔާތުގައި ހުވައިކުރެއްވުމަށްފަހު ރާއްޖޭގެ ރައީސުލްޖުމުހޫރިއްޔާ އޮނަރަބަލް އިބްރާހިމް މުޙައްމަދު ޞާލިޙަށް ލިޔެފައިވާ ސިޓީއެކެވެ. ޤަބޫލުކުރެވޭ ގޮތުން މިއީ ރައީސް އޮނަރަބަލް އިބްރާހިމް މުޙައްމަދު ޞާލިޙަށް މިގޮތަށް ހުޅުވައިލެވިގެން ފޮނުވޭ ފުރަތަމަ ސިޓީއެވެ.
ދިވެހިބަހުގެ އެކެޑެމީގެ ރައީސް އަޝްރަފް ޢަލީ ގެ ފޭސްބްކްގައިވެސް މި ސިޓީ ހިމަނުއްވައިގެން އަދާހަމައެއް ކުރައްވާފައިވުމުން، ހުޅުވައިލެވިފައިވާ މި ސިޓީއަށް އިތުރު ބުރަދަނެއް ލިބިއްޖެ އެވެ.
އެއްވެސް ޝައްކެއް ނެތްގޮތުގައި މިއީ ރައީސް އިބްރާޙިމް މުޙައްމަދު ޞާލިޙު ގެ ފަރާތުން، ޖަޒީރާ ރާއްޖޭގެ އަހުލުވެރިން އެދޭ ވަރަށް މުހިންމު އެދުމެކެވެ. ތިން ސަބަބެއް މި ސިޓީން ރައްދުކުރާ މެސެޖުން އަޅުގަނޑަށް ފަހުމުވެއެވެ.
އެއްކަމަކީ އަމިއްލަވަންތަ ބަހެއް އޮތް މި ޖަޒީރާ ރާއްޖޭގެ ދިވެހިވަންތަކަން ހިފެހެއްޓުމެވެ.
ދެވަނަ ކަމަކީ ދިވެހިބަސް ހިމާޔަތްކުރެއްވުމަށް އިތުރު ބާރެއް މިޖަޒީރާގެ ދިވެހިންގެ ހިތްތަކުގައި ހަރުލެއްވުމެވެ.
ތިންވަނަ ކަމަކަށް ފާހަގަކުރެވެނީ ސިޓީގައި އެވާފަދައިން މީސްމީޑިޔާ މެދުވެރިކުރައްވައި ‘ދިވެހިރައްޔިތުންނާ ކުރައްވާ މުޢާމަލާތީ މެސެޖުތައް’ ދިވެހިބަހުން މީގެ ކުރިން ރާއްޖޭގެ ޖުމްހޫރިއްޔާގެ ރައީސަކު ކުރައްވާފައި ނުވުމެވެ.
ޖަޒީރާ ރައީސަކީ ދިވެހި ރައްޔިތުންގެ ވެރިކަމެއް ކުރައްވަން ވަޢުދުވެވަޑައިގެން މިއަދު ހުވައިކުރައްވާ ރައީސްކަމަށް ވުމުން ދިވެހީންގެ މި އިލްތިމާސް ޤަބޫލުކުރައްވާނެ ކަމަށް އަޅުގަނޑުމެންވެސް އުއްމީދު ކުރަމެވެ.
ރައީސް އޮނަރަބަލް އިބްރާހިމް މުޙައްމަދު ޞާލިޙަށް މުނިއަވަސް އާއި ކިޔުންތެރިންގެ ފަރާތުން ހޫނު މަރުޙަބާއެއް މި ފުރުޞަތުގައި ދަންނަވަމެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
