ދިވެހި ފިލްމު “ފޯޓީ ޕްލަސް” އަންނަ އަހަރުގެ ފެބްރުއަރީ މަހުގެ 27ވަނަ ދުވަހު ޕްރިމިއާކުރަން ނިންމައިފިއެވެ.

 

މިކަން އިއުލާނުކޮށްފައިވަނީ “ފޯޓީ ޕްލަސް”ގެ ފުރަތަމަ ދައްކައިލުން ނެރުމަށާއި، ފިލްމު ޕްރިމިއާކުރާ ތާރީޚު އިއުލާނުކުރުމަށް މިއަދު ހަވީރު ވީޓީވީގައި ބޭއްވި ޚާއްސަ ހަފްލާއެއްގައެވެ.

 

މިއަދުގެ ހަފުލާގައި ފިލްމްގެ ފަސްޓްލުކް ދައްކައިލުމަށްފަހު ފިލްމު ޕްރިމިއާކުރާނެ ތާރީޚް އިއުލާނު ކުރެވުނެވެ.

 

އެންވިޝަން އާއި ޔޫއްޕެ ޕްރޮޑަކްޝަން ގުޅިގެން އުފެއްދި “ނޯޓީ 40″ގެ ދެވަނަ ބައެއްގެ ގޮތުގައި އުފައްދާ “ފޯޓީ ޕްލަސް” އާއި ގުޅޭގޮތުން ފިލްމުގެ ޕްރޮޑިއުސަރު އިސްމާއީލް ޝަފީގު ބުނީ މިއީ 2019 ވަނަ އަހަރު ދިވެހި ފިލްމީ ސްކްރީނަށް އަންނާނެ އެންމެ ތަފާތު އެއް ފިލްމަށްވާނެކަމަށެވެ. އަދި ފިލްމަކީ ބެލުންތެރިންނަށް ވަރަށް ކަމުދާނެ ފިލްމަކަށްވާނެކަން ޔަގީންކުރާކަމަށް ޝަފީގް ވަނީ ބުނެފައެވެ.

 

ޝަފީގް ބުނީ “ފޯޓީ ޕްލަސް”އަކީ ވަރަށް ގިނަ ރަހަތައް އެކުލެވޭނެ ފިލްމެއްކަމަށާ ފިލްމުގައި ތަރިންގެ ފަރާތުން ވަރަށް ކުޅަދާނަ އެކްޓިންއެއް ފެނިގެންދާނެކަމަށެވެ. އަދި އޯޕަން ބަޖެޓަކުން އުފައްދާ މި ފިލްމު މިއަހަރު ސްކުރީން ނުކުރީވެސް ސިޔާސީ ކަންކަމާއި ގުޅިގެން ގިނަ ބަޔަކަށް ފިލްމު ނުބެލިދާނެތީ، ވީހާވެސް ގިނަ ބަޔަކަށް ފިލްމު ބަލާލުމުގެ ފުރުސަތު ދިނުމުގެ ގޮތުންކަމަށެވެ.

 

ފިލްމުގެ ޑައިރެކްޓަރު ޔޫސުފް ޝަފީއު ބުނީ ޑައިރެކްޓަރެއްގެ ހައިސިއްޔަތުން ތަރިންގެ އެކްޓިންނަށް 100 ދޭނެކަމަށެވެ. މި ފިލްމަކީވެސް އިންޑަސްޓްރީއަށް މުޅިން އަލަށް ބައެއް ތަރިން ތައާރަފްވާ ފިލްމަކަށްވުމަކީ ފިލްމަށް ލިބޭނެ އިތުރު ފުރިހަމަކަމެއްކަމަށްވެސް ޔޫއްފެ ވަނީ ބުނެފައެވެ.

 

ޔޫއްޕެ ބުނީ ޕްރޮޑިއުސަރުގެ އިރުޝާދުގެ ދަށުން މި ފިލްމުގައި ހެއްވާ މަޖާ، އަދި ބިރުވެރި އެތައް ހާދިސާތަކެއްވެސް ހިމެނިފައިވާނެކަމަށެވެ. މީގެ އިތުރުން ދިވެހި ފިލްމުތަކުގައި ބެލުންތެރިން ހިމަނަން ބޭނުންވާ ހުރިހާ ރަހަތަކެއް މި ފިލްމުގައި ހިމެނޭނެކަމަށް ޔޫއްޕެ ބުންޏެވެ.

 

އެގޮތުން ފިލްމުގައި ހިންގާ ބިރުވެރިކަންކަމާއި، ހެއްވާ މަޖާ ގިނަ ކަންތައްތަކެއް ފެނިގެންދެއެވެ. ފަސްޓްލުކާއެކު ފިލްމް “ފޯޓ ޕްލަސް”ކުރާ އުންމީދު މިވަނީ ވަރަށް ބޮޑަށްވެސް އިތުރުވެގެންގޮސްފައެވެ.

ޔޫސުފް ސަފީއު (ޔޫއްޕެ)، އަލީ ސީޒަން، މުހައްމަދު މަނިކު، ޝީލާ ނަޖީބު، އަހްމަދު ސައީދު، ފާތުމަތު އަޒީފާ (އަޒޫ)، މުހައްމަދު ފައިސަލް، އަލީ އާޒިމް (ދޮން އައްޔަ) އަދި އަލީ ޝާހިދު (ސްޓެޕްސް އައްޔަ) އަދި މަރިޔަމް ޝަކީލާ (ޝަކިއްތަ) ފަދަ ތަޖުރިބާކާރު ފަންނާނުންނާ އެކު “40 ޕްލަސް” ގައި ހަރަކާތްތެރިވާ އާ ކާސްޓުންނަކީ މަރިޔަމް ޝިފާ، އައިމިނަތު ސަމްއާ، ބައްސާމް އަހްމަދު، އިރުފާނާ އިބްރާހިމް، އައިމިނަތު ޒިޔާދާ އަދި ހުނޭޝާ އާދަމް ނަސީރް އެވެ.

 

މަޢުލޫމާތު ނެގީ: ވީމީޑިޔާ

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: