ފިލްމީ ދާއިރާގެ ކެމެރާ ކުރިމަތިން މަޝްހޫރު ބަޠަލާ ނިއުމާ މުޙައްމަދު ދުރަށް ދިއުމުގެ ކުރިން ބެލުންތެރިންނަށް ގެނެސްދޭ އޭނާގެ އެންމެ ފަހު ފިލްމު “ނިވައިރޯޅި” މިިނިސްޓަރ އޮފް އާޓްސް ކަލްޗާ އެންޑް ހެރިޓޭޖް، ޔުމްނާ މައުމޫނު ހުޅުއްވައިދެއްވައިިފި އެވެ.

 

އާޓްސް ކަލްޗާ އެންޑް ހެރިޓޭޖް މިނިސްޓަރު ޔުމްނާ ފިލްމު ޕްރިމިއާކޮށްދެއްވާ ވާހަކަފުޅު ދައްކަވަމުން ވިދާޅުވީ ނިއުމާ ސްކްރީނުން ފެނިގެންދާނެ ފަހު ފަހަރަށްވުމުން ހިތާމަކުރާއްވާ ކަމަށެވެ. ނަމަވެސް އުންމީދަކީ ސްކްރީނުގެ ފަހަތުގައި ނިއުމާ މަސައްކަތް ކުރިއަށް ގެންދިއުން ކަމަށްވެސް ޔުމްނާ ވިދާޅުވިއެވެ.

 

“ނިއުމާ މި ދާއިރާއަށް ކޮށްދީފައި ހުރި އަގުހުރި މަސައްކަތް އަޅުގަނޑު ފާހަގަކުރަން،” މިނިސްޓަރ ދެއްކެވި ކުރު ވާހަކަފުޅުގައި ފާހަގަކުރެއްވި އެވެ.

 

މިނިސްޓަރ ޔުމްނާ މިއަދު ކުރެއްވި ޓްވީޓެއްގައި ވިދާޅުވީ ރޭގައި ނިއުމާގެ ފިލްމު ނިވައިރޯޅި ހުޅުވައިދިނުމަކީ އެކަމަނާއަށް ލިބިލެއްވި އުފަލެއްކަމަށެވެ. އެކަމަނާ އިތުރަށް ވިދާޅުވީ (ނިވައިރޯޅި އަކީ) ތަފާތު ފިލްމެއް ކަމަށެވެ. އަދި އެކްޓެރެސް އެއްގެ ގޮތުގައިިި ނިއުމާ ދެން ނުފެނުނު ކަމުގައި ވިިޔަސް މި ދާއިރާއިން އަދިވެސް ނިއުމާގެ މަސައްކަތް ފެންނާނެ ކަމަށް އުއްމީދު ކުރައްވާކަމަށް މިއަދު ކުރެއްވި ޓްވީޓްގައިވެސް ވިދާޅުވިއެވެ.

ރޭގެ ހަފްލާގައި ނިއުމާގެ އަމިއްލަ ވެބްސައިޓް ވެސް ލޯންޗް ކުރެވުނެވެ. ވެބްސައިޓް ލޯންޗުކޮށްދެއްވީ ނިއުމާގެ ހާއްސަ އެދުމަކަށް ޕްރިމިއާށް ވަޑައިގެންނެވި ކުރީގެ ރައީސް މުހައްމަދު ނަޝީދެވެ. މުޙައްމަދު ނަޝީދަކީ އެ ސަޚްސިއްޔަތަކަށް ނިޢުމާ ނުހަނު ބޮޑަށް އިހްތިރާމުކުރާ މަޤްބޫލު ބޭފުޅެކެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: