މޯލްޑިވިއަން އައިޑަލް ދެވަނަ ސީޒަންގެ ރަނަރަޕް، ޝަމްވީލް މުހައްމަދު ނުވަތަ އެންމެންގެ (ބަރޯ)ގެ ފުރަތަމަ އޮރިޖިނަލް ލަވަ “އޮޑިދީލާ”، ‘ލަވަފޮށި’ މެދުވެރިކޮށް އިއްޔެ ނެރެފިއެވެ.

 

“އޮޑިދީލާ” އަކީ ޝަމްވީލްގެ އަމިއްލަ ރާގެކެވެ. ޅެން ހަދާފައިވަނީ ނައުފަލް އެވެ. މަސްވެރިކަން ކުރަން ނޭނގޭ މީހަކު ކަނޑުމައްޗަށް ނިކުތުމުން ދިމާވާ ގޮންޖެހުންތައް ލަވައިގައި ކިޔައިދެ އެވެ. ކަނޑުމައްޗަކީ ކިހާ ވަރެއްގެ ތަނެއްކަންވެސް ކިޔައިދެ އެވެ.

 

ޝަމްވީލް ބުނީ މިހައިތަނަށް ތިން ލަވަ ނިންމާލެވިފައިވާ “ސޮރު” އަލްބަމް އެއްކޮށް ނިންމާލައި ގެނެސްދިނުމަށް ދުވަސްކޮޅެއް ނަގާނެ ކަމަށެވެ. އޭނާގެ ވިސްނުން ހުރީވެސް އަލްބަމް އެއްކޮށް ނިންމައި ނެރުމުގެ ބަދަލުގައި ފަހަރަކު ލަވައެއް ނެރެމުންގޮސް އަލްބަމް އެއްކޮށް ގެނެސްދިނުމަށެވެ.

ޝަމްވީލް ވަނީ މީގެ ކުރިންވެސް ލަަވައެއް ނެރެފަ އެވެ. މިދިޔަ އަހަރު ނެރުނީ ކުޑަކުދިންނަށް ޚާއްްސަ ލަވަ އެެކެވެ. މި އަހަރު ފަށާފައި އެއޮތީ އަމިއްލަ އަލްބަމަަކުންނެވެ. ވަރަށް ހިތްގައިމު އަމިއްލަ ރާގުގެ ‘އޮޑިދީލާ’ އަޑު އަހައިލަން ވަރަށް ހިތްގައިމެވެ.

 

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: