ރާއްޖޭގެ ރަސްރަސްކަލުން ދިރިއުޅުއްވި ގަނޑުވަރުގެ ބައިތަކުގެ ތެރެއިން މިހާރު ފެންނަންހުރި ހަމައެކަނި އަސަރުކަމަށްވާ އުސްގެކޮޅު އެހެންތަނަކަށް ބަދަލުކުރުމުގެ ވިސްނުން ކުރީ ސަރުކާރުން ގެންގުޅުނު ކަމަށް ހެރިޓޭޖް މިނިސްޓަރ ޔުމްނާ މައުމޫން ވިދާޅުވެއްޖެއެވެ.
މިނިސްޓަރ އޮފް އާރޓްސް، ކަލްޗަރ އެންޑް ހެރިޓޭޖް ޔުމްނާ މައުމޫން ކުރެއްވި ޓްވީޓެއްގައި ވިދާޅުވީ 100 އަހަރަށްވުރެ ގިނަދުވަސްވެފައިވާ ކުރީގެ ދާރުލްއާސާރު ހިންގި އުސްގެކޮޅު އެހެންތަނަކަށް ބަދަލުކުރުމުގެ ވިސްނުން ކުރީގެ ސަރުކާރުން ގެންގުޅުނުކަމަށެވެ. އަދި ފަހުން އެތަން 12 އަހަރަށް ކުއްޔަށް ދިނުމަށް ކުރީގެ ސަރުކާރުން އެގްރިމެންޓެއް ހަދާފައިވާކަމަށް މިނިސްޓަރ ވިދާޅުވިއެވެ.
އާދެ. އުސްގެކޮޅު ވަނީ ކުރީ ސަރުކާރުން ކުއްޔަށް ދޫ ކޮށްފައިި. އުސްގެކޮޅު އެތަނުން އެހެން ތަނަކަށް ބަދަލު ކުރިުމުގެ ވިިިސްނުން ވެސް އެ ސަރުކާރުން އެއް އިރަކު ގެންގުޅުއްވި. https://t.co/uH43t3MnhU
— Yumna Maumoon (@yumna_maumoon) January 9, 2019
އުސްގެކޮޅު ހުރި ރަސްރަނި ބަގީޗާއަކީ ރާއްޖޭގެ ރަސްރަސްކަލުން ދިރިއުޅުއްވި ގަނޑުވަރު ހުރި ސަރަޙައްދެވެ. އުސްގެކޮޅުގެ ޢިމާރާތަކީ އެގަނޑުވަރުގެ ބައިތަކުގެ ތެރެއިން މިހާރު ފެންނަންހުރި ހަމައެކަނި އަސަރެވެ. އެއީ އައްސުލްތާން މުހައްމަދު އިމާދުއްދީން ހަވަނަ (ހާޖީ އިމާދުއްދީން) ގެ ރަސްކަމުގައި ބިނާކުރެއްވި ގެކޮޅެކެވެ.
މިފަދަ އާސާރީ ބިނާތައް އަންނާން އޮތް ޖީލުތަކަށް ދެމެހެއްޓުމަށް މަސައްކަތް ކުރުމަކީ ކޮންމެ ދިވެހި ފަރުދެއްގެ ވާޖިބެކެވެ.
ލިޔުންތެރިޔާގެ ފުރަމަލަ
- އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 10 އޭޕްރިލް 2021ޚަބަރުމުނިއަވަސް މަދަހަ މުބާރާތަށް މިފަހަރުވެސް ބޮޑު ތަރުހީބެއް!
- 16 މާރޗް 2021ރިޕޯޓްކޮފީއަށް ކުޑަ ޚަރަދެއް! މި ގޮތް ކިހިނެއް؟
- 10 މާރޗް 2021ޚަބަރުއަންހެނުންގެ ދުވަސް ފާހަގަކުރުމުގެ ގޮތުން ތިމަރަފުށީގައި ހޭންޑްބޯލް މުބާރާތެއް
- 2 މާރޗް 2021ޚަބަރު“ފްލައިޓް” ގެ ޓްރެއިލާއިން ބެލުންތެރިން ހައިރާންކޮށްލައިފި
