ދިވެހިރާއްޖޭގެ ފަންނުވެރިކަމާއި އިޖުތިމާއީ އެކި ދާއިރާތަކަށް ޚާއްސަކޮށްގެން އަލަށް ތައާރަފްކުރާ “ކެންޑިޑް މެގެޒިން”ގެ މީޑިއާކިޓް ތައާރަފްކޮށްފި އެވެ. މީޑިއާކިޓް ތައާރަފްކޮށްދިނީ ރާއްޖޭގެ މަޝްހޫރު ފިލްމީ ތަރި ނިއުމާ މުހައްމަދެވެ.
ކެންޑިޑް މެގެޒިން އިން ބުނީ ދިވާސް މޯލްޑިވްސް އަދި ޒޯއާޓްސް ޕްރައިވެޓް ލިމިޓެޑް ގުޅިގެން ނެރުނު މި މެގަޒިން އަކީ ދިވެހިރާއްޖޭގެ ފަންނުވެރިކަމާއި ދިރިއުޅުމުގެ އެކި ކަންކަމާއި ގުޅުވައިދޭ ލައިފްސްޓައިލް މެގެޒިންއެއް ކަމަށެވެ.
ކެންޑިޑް މެގެޒިންގައި މަޝްހޫރު ތަރިންގެ އިންޓަވިއުތަކާއި، ޒުވާން ފަންނުވެރިންނާއި، ދިވެހި މުޖުތަމައުއާއި ގުޅުންހުރި ލިޔުންތައް ހިމެނެ އެވެ. އަދި ޚާއްސަކޮށް ޒުވާން މުޖުތަމައުގައި ކުރިއަރަމުން އަންނަ ފަންނުވެރިންނަށް ހުނަރު ދައްކައިލުމުގެ ފުރުސަތުވެސް ލިބިގެންދާނެ ކަމަށް ކެންޑިޑް މެގެޒިން އިން މައުލޫމާތުދެ އެވެ.
ކެންޑިޑް މެގެޒިން އިން ބުނީ އުއްމީދުތަކާ އެކު ކެންޑިޑް މެގެޒިންގެ ފުރަތަމަ އެޑިޝަން މިއަހަރު މާޗް މަހު ނެރުމަށް ހަމަޖެހިފައިވާ ކަމަށެވެ.
އޮގްމަންޓަޑް ރިއަލިޓީ ސޮފްޓްވެއަރ ބޭނުންކޮށްގެން ހަދާ ކެންޑިޑް މެގެޒިންއަކީ ފޯނު ބޭނުންކޮށްގެން ފޮޓޯއިން ވީޑިއޯ ބަލައިލެވޭ މިފަދަ ފުރަތަމަ ލައިފްސްޓައިލް މެގަޒިން އެވެ.
މި ފީޗާ ވެގެންދާނީ ވިޔަފާރިއާއި ހުނަރު އިޝްތިހާރުކުރުމަށް ލިބޭ އިތުރު ކުރިއެރުމަކަށް ކަމުގައިވެސް ކެންޑިޑް މެގެޒިން އިން ވަނީ ބުނެފަ އެވެ.
ލިޔުންތެރިޔާގެ ފުރަމަލަ
- އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 8 އޭޕްރިލް 2025ޚަބަރު“ސޮރީ” ގެ ރަސްމީ ޓްރެއިލާ މިރޭ ނެރެނީ!
- 7 އޭޕްރިލް 2025ޚަބަރު“ލޯބިން” އަށް އައު މޫނުތަކެއް ހޯދުމަށް ހޮވެއްޔެއް!
- 10 އޭޕްރިލް 2021ޚަބަރުމުނިއަވަސް މަދަހަ މުބާރާތަށް މިފަހަރުވެސް ބޮޑު ތަރުހީބެއް!
- 16 މާރޗް 2021ރިޕޯޓްކޮފީއަށް ކުޑަ ޚަރަދެއް! މި ގޮތް ކިހިނެއް؟
