ދިވެހި ފިލްމީ ފަންނާނުންނަށް ކުރިމަތިވާ މައްސަލަތައް ދެނެގަނެ އެދާއިރާގެ ފަންނާނުންގެ ޚިޔާލު ހޯދުމުގެ ފޯރަމެއް ބޭއްވުމަށް ނޭޝަނަލް ސެންޓަރ ފޮ ދި އާޓްސް (އެންސީއޭ) އިން ނިންމައިފިއެވެ.
މިނިސްޓްރީ އޮފް އާޓްސް ކަލްޗަރ އެންޑް ހެރިޓެޖާއި ނޭޝަނަލް ސެންޓަރ ފޯރ ދި އާރޓްސް، (އެންސީއޭ) އިން އިންތިޒާމުކުރާ މި ފޯރަމްގައި އެކްޓަރުން، ޕްރޮޑިއުސަރުން، ޑައިރެކްޓަރުން، އެޑިޓަރުން، ސްކްރިޕްޓް ލިޔުންތެރިން، ސިނަމޮޓޮގްރާފަރުން، އެނިމޭޓަރުން، ކޮރިއޮގްރާފަރުން، ނެށުންތެރިންނާއި މޭކަޕް އާޓިސްޓުން ފަދަ ފިލްމު އުފެއްދުމުގެ މަސައްކަތުގެ ފަންނުވެރީންނަށް މި ދައުވަތު އާއްމުކޮށް އެންސީއޭ އިން ވަނީ ހުޅުވާލާފައެވެ.
މި ފޯރަމް ބޭއްވުމަށް ހަމެޖެހިފައިވަނީ ޖަނަވަރީ 28 ވާ ހޯމަ ދުވަހުގެ ރޭގަނޑު 08:45 ގައި އޮލިމްޕަހުގައެވެ.
ދިވެހި މިއުޒިކީ ފަންނާނުންނަށް ކުރިމަތިވާ މައްސަލަތައް ދެނެގަނެ އެކަންކަން ހައްލުުކުރުމާމެދު މަޝްވަރާ ކުރުމަށް މިއުޒިކީ ފަންނާނުންނަށް މިމަހުގެ 21 ވަނަ ދުވަހުގެރޭ މިނިސްޓްރީ އޮފް އާޓްސް ކަލްޗަރ އެންޑް ހެރިޓޭޖާއި އެންސީއޭ އިން ވަނީ ކާމިޔާބު ފޯރަމެއް ބާއްވާފައެވެ.
ރާއްޖޭގެ މިއުޒިކީ ފަންނާނުންނަށް މިފަދަ ފޯރަމެއް ބާއްވާފައިވާއިރު، ފިލްމީ ދާއިރާއާއި، ކުރެހުމާއި ވިޝުއަލް އާރޓްސް ދާއިރާގެ ފަންނުވެރިންނަށް ޚާއްޞަ ފޯރަމްތައް ކައިރި މުސްތަޤްބަލެއްގައި ބާއްވާނެކަން ނޭޝަނަލް ސެންޓަރ ފޯރ ދި އާރޓްސް، އެންސީއޭއިން ވަނީ ހާމަކޮށްފައެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
