މަޝްހޫރު ކޮމޭޑިއަން، އެކްޓަރ އަދި ޑައިރެކްޓަރ ޔޫސުފު ރަފީޢު (ޔޫސޭ) މިއަހަރުގެ ރައްޔިތުންގެ މަޖިލީހުގެ އިންތިޚާބުގައި އަމިއްލަގޮތުން ވާދަކުރުމަށް ފޯމް ހުށައަޅައިފި އެވެ.

ޔޫސޭ ފޯމް ހުށައަޅާފައިވަނީ މާފަންނު ދެކުނު ދާއިރާއަށް ކަމަށް ޔޫސޭ މިއަދު ކޮށްފައިވާ ޓްވީޓެއްގައި ބުނެފައި ވެއެވެ. ފޯމް ހުށައެޅުމަށްފަހު ޔޫސޭ ވަނީ ފޭސްބުކް ލައިވް ވީޑިއޯ އަކުން އާންމުންނަށް އެކަން އިއުލާންކޮށްފައެވެ.

“އަޅުގަނޑު ކުރިމަތި މިލަނީ އަމިއްލަ ގޮތުން، މާފަންނު ދެކުނު ދާއިރާއަށް. ޓީ12 އަށް.” ޔޫސޭ ބުންޏެވެ.

ޔޫސޭގެ ވީޑިއޯ ކްލިޕްގައި އޭނާ ބުނީ ރައްޔިތުން ޔޫސޭއަށް ދޭ ލޯތްބާއި އިހުތިރާމް މިފަހަރުވެސް ދެއްވާނެކަމަށް އުއްމީދުކުރާ ކަމަށެވެ.

“Thibeyfulhunge Usay” Majlees ah #Majlis19 #Maldives pic.twitter.com/PGcNrojq9Z

— Yoosuf Rafeeu (USAY) (@USAY_Official) February 19, 2019

މީގެ ކުރިންވެސް ޔޫސޭ އެތައް ފަހަރަކު ރައްޔިތުންގެ މަޖިލީހަށް ވާދަކޮށްފައިވެއެވެ. ނަމަވެސް އެއިން އެއްވެސް ފަހަރަކު ގޮނޑި ކާމިޔާބުކުރެވޭ ގޮތެއް ނުވެއެވެ. އެހެން ނަމަވެސް ރައީސުލް ޖުމްހޫރިއްޔާ ކަނޑައަޅުއްވާ މެންބަރެއްގެ ގޮތުން ޔޫސޭ ވަނީ ރައްޔިތުންގެ ޚާއްޞަ މަޖިލީހުގެ މާލޭ ގޮނޑި ފުރާފައެވެ.

ލިޔުންތެރިޔާގެ ފުރަމަލަ

ޢަލީ އަޖްވާން

އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

މި ލިޔުންތެރިޔާގެ ބައެއް އެހެން ލިޔުންތައް

• 10 އޭޕްރިލް 2021ޚަބަރުމުނިއަވަސް މަދަހަ މުބާރާތަށް މިފަހަރުވެސް ބޮޑު ތަރުހީބެއް!
• 16 މާރޗް 2021ރިޕޯޓްކޮފީއަށް ކުޑަ ޚަރަދެއް! މި ގޮތް ކިހިނެއް؟
• 10 މާރޗް 2021ޚަބަރުއަންހެނުންގެ ދުވަސް ފާހަގަކުރުމުގެ ގޮތުން ތިމަރަފުށީގައި ހޭންޑްބޯލް މުބާރާތެއް
• 2 މާރޗް 2021ޚަބަރު“ފްލައިޓް” ގެ ޓްރެއިލާއިން ބެލުންތެރިން ހައިރާންކޮށްލައިފި