އިންޑިޔާގެ ނިއުދިއްލީގައި ކުރިއަށްދާ އޭބީޔޫ އިންޓަރނޭޝަނަލް ޑާންސް ފެސްޓިވަލްގައި ދިވެހި ޑާންސް ގްރޫޕް، ރަސްރަނި ގްރޫޕުން ރާއްޖެ ތަމްސީލުކޮށްފިއެވެ. ރަސްރަނި ގްރޫޕް މި ފެސްޓިވަލްގައި ބައިވެރިކޮށްފައިވަނީ، މީގެ ދެމަސްކުރިން ޕަބްލިކް ސަރވިސް މީޑިއާ (ޕީއެސްއެމްއިން) ކުރިއަށްގެންދިޔަ އޮޑިޝަނަކުންނެވެ.

އިންޑިޔާގެ ނިއު ދިއްލީގައި ކުރިއަށްގެންދިޔަ ދެވަނަ އޭޝިޔާ ޕެސިފިކް ބްރޯޑްކާސްޓިންގ ޔޫނިއަން، އޭބީޔޫގެ އިންޓަރނޭޝަނަލް ޑާންސް ފެސްޓިވަލަކީ އޭޝިޔާ ޕެސިފިކް ސަރަޙައްދުގެ އެއް ޤައުމު އަނެއް ޤައުމުގެ މެދުގައި ހުރި ތަފާތުތަކާއި ޤައުމުތަކުގެ އާދަކާދާއާއި ސަޤާފީ ކަންކަން އެއް ޤަޢުމު އަނެއް ޤައުމަށް އަންގައިދީ ގުޅުން ބަދަހިކުރުމުގެ ބޭނުމުގައި ކުރިއަށްގެންދިޔަ ފެސްޓިވަލެކެވެ.

ރަސްރަނި ގްރޫޕުން ހުށަހެޅުމަކީ ދިވެހިރާއްޖޭގެ ތާރީޚާއި އާދަކާދައާއި ޘަޤާފަތާއި ދިވެހިވަންތަކަން ދައްކުވައިދިން އައިޓަމެކެވެ. “ވަގުތު ފާލަން މަތީ” ލަވައަށް ހުށަހަޅާދީފައިވާ މި ލަވައިގައި ދިވެހި ނެށުންތެރިންވަނީ ދިވެހި މަލާފަތް ބޭނުންކޮށްގެން ދިވެހިންގެ ވައްޓަފާޅި ވަނީ ދައްކުވައިދީފައެވެ.

https://www.youtube.com/watch?time_continue=4926&v=olUS7Vz4dnQ

އޭބީޔޫ އިން ދަނީ މެންބަރު ޤައުމުތަކުގެ ލަވަކިޔުމާއި އެކި ފަންނުގެ ހުނަރު ދައްކުވައިދިނުމަށްވެސް ފެސްޓިވަލްތައް ބާއްވަމުންނެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: