އޮލިމްޕަހުގައި ފިލްމު ދައްކާނެ ޕްރޮޖެކްޓަރެއް ގަނެދޭނެ ފަރާތެއް ހޯދުމަށް ނޭޝަނަލް ސެންޓަރ ފޮ ދި އާޓްސް (އެންސީއޭ) އިން އިޢުލާނުކޮށްފި އެވެ.
އެންސީއޭ އިން ކޮށްފައިވާ އިޢުލާނުގައި ބުނީ އޮލިމްޕަހުގައި ފިލްމު ދައްކާނެ ޕްރޮޖެކްޓަރެއް ގަންނަން ބޭނުންވާ ކަމަށާއި މިމަސައްކަތް ކުރުމަށް ޝަޢުޤުވެރިވާ ފަރާތްތަކުން މަޢުލޫމާތު ސާފުކުރުމަށްފަހު، އަންދާސީ ހިސާބު ހުށަހެޅުމަށެވެ.
މަޢުލޫމާތު ސާފުކުރުމަށް ޙާޟިރުނުވާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުޞަޠު ނޯންނާނެ ކަމަށްވެސް އެންސީއޭ އިން ކޮށްފައިވާ އިޢުލާނުގައި ބުނެއެވެ.
ޕްރޮޖެކްޓަރު ގަނެދިނުމަށް ޝަޢުޤުވެރިވާ ފަރާތްތަކުން ތިރީގައިވާ ތާވަލުގައިވާ ގޮތުގެމަތިން މަޢުލޫމާތު ސާފުކުރުމަށްފަހު އަންދާސީ ހިސާބު ހުށަހެޅުމަށް އެ އިޢުލާނުގައި ބުނެއެވެ.
އޮލިމްޕަހުގައި ފިލްމު ދެއްކުމަށް ބޭނުންކުރާ ޕްރޮޖެކްޓަރު ހަލާކުވެފައި ހުންނަތާ އެތަކެއް ދުވަހެއް ވެފައިވާކަމަށް މަޢުލޫމާތު ލިބެއެވެ. މިހާރު އޮލިމްޕަހުގައި ދައްކަމުންދާ “ފޯޓީ ޕްލަސް” ޕްރިމިއާ ކުރުމަށް އޮތް ރެއަށް، ޕްރޮޖެކްޓަރެއް ކުއްޔަށް ނަގައިގެން އެންސީއޭ އިން ވަގުތީގޮތުން މައްސަލަ ހައްލުކުރިއެވެ.
ލިޔުންތެރިޔާގެ ފުރަމަލަ

މި ލިޔުންތެރިޔާގެ ބައެއް އެހެން ލިޔުންތައް
- 4 އޭޕްރިލް 2025ޚަބަރު“ސޮރީ” ގެ ރަސްމީ ޕޯސްޓަރާއި ބައެއް ލަވަތައް ނެރުމަށް އާއްމުކޮށް ހުޅުވާލައިގެން ބޮޑު އިވެންޓެއް!
- 30 މާރޗް 2025ޚަބަރު“ސޮރީ” ފިލްމުގެ ލަވައެއްގެ ޝޫޓިންއަށް ގިނަ ޢަދަދެއްގެ ކުޑަކުދިން ބޭނުންވެއްޖެ
- 30 މާރޗް 2025ރިޕޯޓްމެލަސްމާ އަކީ ކޮބާ؟
- 30 މާރޗް 2025އިޖްތިމާޢީފާޚާނާތަށި ސާފުކޮށް ބަހައްޓައި މީރުވަސްދުއްވުމަށް މިކަން ކޮށްލާ!