ހަޖަމުކުރުމުގެ މައްސަލަތަކަށް ފަރުވާއެއްގެ ގޮތުގައި ކަރަންފޫ ބޭނުންކުރެވިދާނެ އެވެ. އެހެނީ ކަރަންފުލަކީ ހަޖަމުކުރުމަށް ބޭނުންވާ އެންޒައިމް އުފެއްދުން އިތުކޮށްދޭ އެއްޗެކެވެ. ކަރަންފުލަކީ ހޮޑުލަވާގޮތްވުމުން ދުރުކޮށްދޭ އެއްޗެއްވެސް މެއެވެ. ކަރަންފުލަކީ އޭގައި ފައިބަރުގެ މާއްދާ މުއްސަނދި އެއްޗެކެވެ. ފައިބަރަކީ ހަޖަމުކުރުން ރަނގަޅުކޮށްދީ ބަނޑުހިކުމުން ދުރުކޮށްދޭ އެއްޗެކެވެ. ހަޖަމުކުރުމުގެ މައްސަލަތަކަށް ފަރުވާ ހޯދުމަށް އެންމެ ރަނގަޅު ގޮތަކީ ކަރަންފޫ މުގުރައިގެން ކެއުމެވެ. ކުޑަ މާމުއިކޮޅެއް އަޅައިގެން ހަނާކޮށްލައިގެން ކެއުންވެސް ރަނގަޅެވެ.

3- ދަތުގައި ރިއްސުމަށް ފަރުވާއެއް

ކަރަންފުލަކީ ‘ލޯކަލް އެނެސްތެޓިކް’ ސިފަތައް ނުވަތަ އައްސިކޮށްދިނުން އޭގައި އެކުލެވޭ އެއްޗެކެވެ. އެހެންކަމުން ދަތެއްގައި ރިއްސާނަމަ ރިއްސާ ދަތްމަތީގައި ކަރަންފޫ ބާއްވައިގެން އިންނާށެވެ. ހަމަގައިމުވެސް ދަތުގެ ޑޮކްޓަރަކާއި ހަމައަށް ދެވެންދެން ތަންކޮޅެއް އަރާމުގައި އިނދެވޭނެއެވެ. ދަތުގައި ރިއްސުން ރަނގަޅުކުރުމަށް ދިވެހިން އާއްމުކޮށް މިގޮތަށް ކަރަންފޫ ބޭނުންކުރެއެވެ.

4- ލިވަރ ނުވަތަ ފުރަމޭގެ ޞިއްޙަތު ރަނގަޅުކޮށްދިނުމަށް އެހީތެރިވެދޭ

ލިވަރ ނުވަތަ ފުރަމެއަކީ އަހަރުމެންގެ ހަށިގަނޑު ޑީޓޮކްސިފައި ކޮށްދިނުމާއި އަހަރުމެން ކާ ބޭސް ޣިޒާ (މެޓަބޮލައިޒް) ކޮށްދިނުމުގެ ޒިންމާ އަދާކުރާ ގުނަވަނެވެ. ކަރަންފުލުގައި އެކުލެވޭ ‘ޔުޖިނޯލް’ (eugenol) އަކީ ފުރަމޭގެ މަސައްކަތް ރަނގަޅުކޮށްދޭނެ ކީމި (ކެމިކަލް) މާއްދާއެކެވެ.

5- ތަދުކެނޑުވުމާއި އިންފްލެމޭޝަން ކުޑަކޮށްދޭ

ޔުޖިނޯލް އަކީ އެނެލްސިކް (analgesic) އާއި އެންޓި-އިންފްލެމޭޓަރީ (anti-inflammatory) ގެ ޚާއްޞަ ސިފަތައް ކަރަންފުލަށް ލިއްބައިދޭ ކީމި މާއްދާއެކެވެ. އެހެންކަމުން ކަރަންފުލަކީ ބޮލުގައި ރިއްސުމަށް ފަރުވާއެއްގެ ގޮތުގައި ބޭނުންކުރެވިދާނެ އެއްޗެކެވެ. މިކަމަށްޓަކައި ކަރަންފޫ ހަފައިގެން ކެވިދާނެ އެވެ. ނުވަތަ ކަރަންފޫ މުގުރުމަށްފަހު ކިރު ތަށްޓަކަށް އަޅައި ކުޑަ ލޮނުކޮޅެއް ލައިގެން ބުއިމުން ބޮލުގައި ރިހުން އަވަހަށް ފިލާނެއެވެ. ކާށި ތެލުގެ ތެރެއަށް ކަރަންފޫ ޗިސްކޮށްފައި އަޅާފައި ބެހެއްޓުމަށްފަހު އެ ތެލުން ނިތްކުރީގައި މަސާޖުކުރުމަކީވެސް ބޮލުގައި ރިއްސުމަށް ފަރުވާ ދެވިދާނެ ގޮތެކެވެ.

6- ކަށްޓާއި ހުޅުހުޅަށް ރަނގަޅު އެއްޗެއް

ކަރަންފުލަކީ ކަށްޓާއި ހުޅުހުޅުގެ ޞިއްޙަތު ރަނގަޅުކޮށްދިމަށް އެހީތެރިވެދޭ ބައެއް މާއްދާތައް ކަމަށްވާ ‘ފްލެވެނޮއިޑްސް، މެންގަނީޒް އާއި ޔުޖިނޯލް’ އެކުލެވޭ އެއްޗެކެވެ. މި މާއްދާތަކަކީ ކަށީގެ ޑެންސިޓީ އިތުރުކޮށްދޭ މާއްދާތަކެކެވެ. ކަށީގެ ޓިޝޫތައް އުފެއްދުމާއި ސިއްޙަތަށް ފައިދާހުރި މައުދަނުގެ މާއްދާތައް ކަށިތެރޭގައި ދައުރުކޮށްދިނުމަށްވެސް އެހީތެރިވެދެއެވެ.

7- އެންޓިބެކްޓީރިއަލް ސިފަތައް އެކުލެވޭ

ޔުނިވަރިސިޓީ އޮފް ބުއިނޮސް އެއިރެސް އިން ދިރާސާއެއް ކުރިއެވެ. މި ދިރާސާގައި އީ.ކޮލި ބެކްޓީރިއާ އާއި ސްޓެފައިލޯކޯކަސް ބެކްޓީރިއާގެ ތެރެއަށް ކަރަންފޫ ތެޔޮ އެޅިއެވެ. ދިރާސާއިން ދެއްކީ ކަރަންފޫ ތެލަކީ ބެކްޓީރިއާ ނައްތައިލުމަށް ވަރަށް ބޮޑަށް ބާރުއަޅައިދޭ އެއްޗެއް ކަމެވެ.

ސައިފަތްގަހުގެ ތެޔޮ، ކަރަންފޫ އަދި ގަނދަކޯޅި ފަތް ބޭނުންކޮށްގެން ހަދާ ހަކީމީ އަނގަދޮންނަ ފެނެއް (ހާރބަލް މައުތުވޮޝް) އެއް ވެއެވެ. ބެލްޖިއަމްގެ ކޭޔޫ ލެއުވެން ޔުނިވާސިޓީގައި ހުންނަ ޑިޕާޓްމަންޓް އޮފް ޕީރިއޯޑޮންޓިކްސް އިން ބުނާގޮތުން، 21 ވަރަކަށް ދުވަހު މި މައުތުވޮޝް ބޭނުންކުރުމުން ހިރުގަނޑުގެ ޞިއްޙަތު ރަނގަޅުކޮށްދީ އަނގައިގައި ހުންނަ ގޯސް ބެކްޓީރިއާ މަދުކޮށްދީ ދަތްފަނިކެއުމުން ދުރުކޮށްދޭނެ އެވެ.

8- ގިނަ ޢަދަދަކަށް އެންޑިއޮކްސިޑެންޓްސް އެކުލެވޭ

ޕޮލީފިނޯލްސް އެންމެ މަތީ މިންވަރަކަށް އެކުލެވޭ އެކައްޗަކީ ކަރަންފުލެވެ. ޕޮލިފިނޯލްސް އަކީ ގަހުގެ ބައިތައް (ފަތާއި މޭވާ) ކާއިރު އެއިން ލިއްބައިދޭ މައިކްރޯނިއުޓްރިއެންޓެކެވެ. މިއީ އަހަރުމެންގެ ހަށިގަނޑަށް ވަރަށް މުހިންމު ފައިދާތަކެއް ލިއްބައިދޭ އެއްޗެކެވެ. އެގޮތުން ކޮލެސްޓްރޯލް އާއި ލޭގެ ޕްރެޝަރު ދަށްކޮށްދިނުން، ލޭހޮޅިތަކުގެ މަސައްކަތް ރަނގަޅުކޮށްދީ ލޭހޮޅިތަކުގެ ފަހެލިކަން (ފްލެކްސިބިލީ) ރަނގަޅުކޮށްދެއެވެ. ހަމައެހެންމެ ލޭހޮޅިތަކުގެ އުމުރު ދިގުކޮށްދެއެވެ.

9- ލޭގައި އެކުލެވޭ ހަކުރުގެ މިންވަރު ހެޔޮވަރު ވަރެއްގައި ހިފަހައްޓައިދިނުމަށް އެހީވެދޭ ކަމަށްވޭ

ކަރަންފުލަކީ ހަކުރުބަލި ހުންނަ މީހުނަށް ވަރަށް ރަނގަޅު އެއްޗެކެވެ. އެހެނީ ކަރަންފުލަކީ ހަށިގަނޑުތެރޭގައި ހުންނަ އިންސިއުލިން އާއި އެއްގޮތަށް މަސައްކަތްކޮށްދޭ އެއްޗެކެވެ. އެގޮތުން ލޭގެ ތެރޭގައި އިތުރުވެފައި ހުންނަ ހަކުރު، ހަށިގަނޑުގެ ސެލްތަތަކަށް ފޯރުވައިދީ މިންހެޔޮކޮށްދީ، ހަކުރުގެ މިންވަރު ޗެކްކޮށްދެއެވެ.

10- ލޭ ގަނޑުވުން ލަސްކޮށްދިނުން