މިއަދަކީ ރާއްޖޭގެ މިއަހަރުގެ ޝަހީދުންގެ ދުވަހެވެ. ޝަހީދުންގެ ދުވަހުގެ ގޮތުގައި ފާހަގަ ކުރަނީ ހިޖުރީ ގޮތުން ކޮންމެ އަހަރެއްގެވެސް ޝައުބާން މަހުގެ ފުރަތަމަ ދުވަހުއެވެ.

ޝަހީދުންގެ ދުވަސް ފާހަގަ ކުރަނީ ޤައުމު ސަލާމަތްތެރި ކަމާއެކު މިޖީލަށް ވާސިލްކޮށް، އިސްލާމްދީނާއި ޤައުމަށްޓަކައި ކުރެވި މަތިވެރި ޖިހާދުގައި ދުނިޔެ ދޫކޮށްދިޔަ ޝަހީދުންގެ ޒިކުރާ އައު ކުރުމުގެ ދުވަހުގެ ގޮތުގައެވެ.

ދިވެހި ރާއްޖޭގައި ފާހަގަކުރަމުންދާ ޝަހީދުންގެ ދުވަހަކީ ޝަޢުބާން މަހުގެ އެއްވަނަ ދުވަހެވެ. ޝަހީދުންގެ ދުވަސް ނިސްބަތްވަނީ ދިވެހި ގައުމާއި ރައްޔިތުންގެ ހައްގުގައި ޕޯޗްގީޒުންނާ ހަނގުރާމަކޮށް ފުރާނައިން ގުރުބާންވެވަޑައިގެންނެވި އޭރުގެ ރަދުން އަލީ ރަސްގެފާނަށެވެ. ނުވަތަ އައްސުލްތާނު އަލީ ހަވަނަ، ސިރީ އައުދަ ސިޔާކަ ކައްތިރި ބަވަނަ މަހާރަދުންނަށެވެ.

މިއަދު ކުރިއަށްދާ މަޖިލިސް19 އިންތިޚާބަށް މުޅި ޤައުމުގެ ކަޅި ހުއްޓިފައި ވިޔަސް، އަދަކީ ކުލަގަދަ ގޮތެއްގައި ފާހަގަކުރަން ޖެހޭ މުހިންމު ދުވަހެކެވެ.


“ޝަހީދުންގެ ދުވަހުގައި، ދިވެހި ޤައުމުގެ މިނިވަންކަން ދިފާޢުކޮށް ޝަހީދުވެވަޑައިގެންނެވި، އެންމެހައި ޝަހީދުންގެ ހަނދާން އައު ކޮށް، އެ ބޭފުޅުންނަށް ސުވަރުގޭގެ ނިޢުމަތް މިންވަރު ކުރެއްވުން އެދި ދުޢާ ކުރަން. ދިވެހިރާއްޖޭގެ މިނިވަންކަމާއި ސިޔާދަތު މާތް ﷲ އަބަދުމެ ރައްކާތެރިކުަރައްވާށި” ދުވަހުގެ މުނާސަބަތުގައި ރާއްޖޭގެ ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލި ކުރެއްވި ޓްވީޓެއްގައި ވިދާޅުވިއެވެ.

 ޝަހީދުންގެ ދުވަހުގެ ތަހުނިޔާ މުނިއަވަސްގެ ކިޔުންތެރިންނަށް އަރިސްކުރަން! 

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: