ހުޅުމާލެ އަކީ މީހުން އާބާދުވަމުން އަންނަ ރާއްޖޭގެ އެންމެ ހިތްގައިމު، އެންމެ ހިތް ފަސޭހަ ސިޓީއެވެ. ތަރައްޤީގެ ގޮތުން ރާއްޖެ ދެކެފައިނުވާ މޮޅު ރީތި ވެއްޓެއް ދިވެހިންނަށްޓަކައި ތައްޔާރު ކުރެވިފައިވާ ހުވަފެނީ ރަށެއް ހަގީގަތަކަށްވެ ރައްޔިތުންގެ ދިރިއުޅުމާއި ގުޅިފައިވާ ސިޓީއެކެވެ.

ހެނދުނުގެ ހަލަބޮލިކަން ވެރިވެފައިވާ ހުޅުމާލެ ފެނަންމުންދަނީ ރީތި ގަސްތަކުން އަތުރާލެވިފައިވާފެހިވެއްޓާއި ޒަމާނީއާއި ޓެކްނޮލޮޖީގެ މޮޅު އިމާރާތްތަކުންނެވެ. ޒީނާ ތެޅެމުން ފޮޅެމުން އައީ 7:30ގެ ބަސް އަލުލެވޭނެ ކަމުގެ އުއްމީދުގައެވެ. ފުރަތަމަ ދުވަހު ޑިއުޓީއަށް ދިއުމަށް ބަސް ސްޓޮޕަށް ދެވުނު އިރު އެއަރޕޯޓުގައި މަސައްކަތް ކުރާ އެކި ޑިޕާޓްމަންޓް ތަކުގައި މަސައްކަތް ކުރާ މުއައްޒަފުންއެމީހުންގެ ޔުނީފޯމުގައި ބަހުގެ އިންތިޒާރުގައި ތިއްބެވެ. ކޮންމެ މީހަކުވެސް ގަޑިއަށް ނޫނީ އަތުގައިއޮންނަ ފޯނަށް ނަޒަރު ހިންގާލައެވެ. ޒީނާ ވެސް ވަކި ހިސާބެއްގައި އިންތިޒާރު ކުރަމުން ދިޔައީ ބަސް އަންނާނެ ކަމުގެ އުއްމީދުގައެވެ،

ޒީނާގެ ކޮނޑުގައި އަޅުވާލާފައި އޮތް ކަޅުކުލައިގެ ދަބަހުން ފޯނު ނަގައި ފޯނުން މޫނު ބަލައިލީ ޑިއުޓީއަށް ދިއުމުގެ ކުރިން އެއްވެސް އައިބުކަމެއް މޫނުގައި ހުރިތޯބެލުމުގެ ނިޔަތުގައެވެ. މޫނު ބަލާލުމަށްފަހު ތުންފަތުގައި ޖައްސާފައި ހުރި މަޑު ފިޔާތޮށި ކުލައިގެ މަޑުތުންފަތް ރީތިކޮށްލުމަށް ޝަހާދަތް އިނގިލިން ތުންފަތް ރީތިކޮށްލިއެވެ. ޒީނާގެ އެހަރަކާތްތަކަށް ބަލަންހުރި ޔޫރަޕް ދެމަފިރިއެއް ގާތުގައި ހުރި ތިންއަހަރަށްދާ ކުޑަކުއްޖަކު އެ މަންޒަރުބަލަން އާޝޯހުވެފައި ހުރިތަން ފެނުމުން ޒީނާ އެތުއްތު ކުއްޖާއަށް ލުއި ހިނިތުންވުމެއް ފޮނުވާލިއެވެ.

ބަސް ލޮލުކޮޅަށް ފެނުމާއެކު އެކި ހިސާބުގައި މަޑުކޮށްލައިގެން ތިބި އެންމެން އެއްދިމާލަކަށް ބޮނޑިވެ، އެމީހަކަށް ވެވުނުވަރަކުން ޖާގަ ހަދައި ބަހަށް އެރުމަށް އެތުރިލިއެވެ. ޒީނާވެސް ޖާގައެއް ހަދައި ދޭތެރެއަކުން ދެމިގަތެވެ.

ބަސް މަޑުކޮށްލުމާއެކު ބަހުންއައި މަދު ބަޔަކު ބަހުން ފައިބާން ފެށިއެވެ. ޓިކެޓް ކަނޑަން ހުރި ޒުވާނާ ފަހަރަކު މީހަކަށް ޓިކެޓްހަވާލުކުރަމުން ރުފިޔާ ނަގަމުން ދިޔައެވެ. އަތުގެ ހަރަކާތްތަށް ހަލުވިކަމާއެކު އެޒުވާނާ އޭނަގެ ވަޒީފާ ވަރަށް ފުރިހަމައަށް އަދާކުރަމުން ދިޔައެވެ. ކޮނޑުގައި އަޅުވާފައި އޮތް ދަބަހަށް ރުފިޔާއަޅަމުން އަތުގައި އޮތް ޓިކެޓް ފަސިންޖަރުންނަށް ހަވާލު ކުރަމުންދިޔައިރު ފަހަރަކު މީހަކު ބަހަށް އަރަމުން ދިޔައެވެ.

ޒީނާވެސް ވޮލެޓުން 20 ރުފިޔާނެގުމަށްފަހު އެޒުވަނާއަތަށް ދިއްކޮށްލަމުން ޓިކެޓްކޮޅު ހިފައިގެން ބަހަށް އެރީ ވަޒީފާގެ ފުރަތަމަ ދުވަސްވާނީ ކިހިނެއްބާއޭ ހިތަށް އަރުވައިގެންނެވެ. އެކަން ޒީނާގެ މޫނުމަތިން މޭރުންވާނެއެވެ. ބަހުގެ ގޮނޑިތަކުގައި އެކި އުމުރުފުރައިގެ މީހުން ހަމަޖެހިލައިގެން ތިބީ ބަސް ދުއްވާލާނެ އިންތިޒާރުގައެވެ. ޒީނާވެސް ހުސް ގޮނޑިއެއް ހޯދަމުން ގޮސް އެންމެ ފަހަތުގައި ފެންނަން ހުރި ގޮނޑިބަރިން ގޮނޑިއެއްގައި އިށީނުމަށްފަހު ފުންނޭވާއެއް ބޭރުކޮށްލިއެވެ.

އެކި ދިމާލުގައި ތިބި މީހުން ހެޑްސެޓްނަގާ ކަންފަތަށް ހެޔޮވަރުކޮށްލަން އުޅުން މަންޒަރު ޒީނާއަށް ފެނުމުން އޭނަވެސް އޭނަގެ އައިފޯން ހެޑްސެޓް ދަބަހުން ނަގައި ކަންފަތަށް ހެޔޮވަރު ކޮށްލިއެވެ.
ފޯނުގެ ޕްލޭ ލިސްޓް ހާވަލުމަށްފަހު ދިވެހި ފިލްމު “ބޮސް” ގެ “ދުނިޔެ މިއީ ދައުރުވާ” އެ ލަވަ ޕްލޭކޮށްލުމަށްފަހު ގޮނޑީގައިހަމަޖެހިލިތަނާ ބަސްވެސް ދުއްވާލިއެވެ. ޒީނާއަކީ އުމުރުން 22 އަހަރު ފުރިފައިވާ ހިމަތޮޅި ބުރުސޫރަ ރީތި ކުއްޖެކެވެ. ރީތި ބައްޓަމެއް ލިބިފައިހުރި ކަޅު ނޫނަސް ރީތިކަމެއް ޤުދުރަތުން ލިބިފައިވާ ކުއްޖެކެވެ. ބަލާބެލުމަށް އަޙުލާޤު ރަނގަޅު ކުއްޖެއްހެން ހީވެއެވެ.

ރީތި ބޮޑު ދެލޮލާއި އޭނަގެ ރީތި ބޮޑުތުންފަތުން ހިނިތުން ވެލައިފިނަމަ “ما شاء الله’” ބުނެވޭވަރުގެ ރީތި ހިނިތުންވުމެއް ކުޅަދުންވަންތަކަމުން ލިބިފައި ހުއްޓެވެ. ހިތްދަމައި ގަންނަ ރީތި ސިފަތަކެއްހުރި ޤުދުރަތުގެ ރީތި ހަދިޔާއެކެވެ.

ފޯނުން ލަވަ ޖަހާލުމަށްފަހު ދެލޯ މަރާލިއެވެ. ބޮލުގެ މެދަށް ޖަހާފައިވާ ހުޅިން އޭނަގެ ބުރުސޫރައަށް ވަނީ އިތުރު ފުރިހަމަކަމެއް ގެނުވާފައެވެ. “ދަ ޕިއްޒާ ކޮންޕެނީ” ނަން ހަރުކުރެވިފައިވާ ގަޔަށްބާރު ޓީޝާޓުން ޒީނާ މަސައްކަތް ކުރަނީ އެއަރޕޯޓުގައި ހުންނަ އެތަނުގައިކަން އެނގޭނެއެވެ. ކަންފަތުގައި އެލުވާފައިވާ ކަންފަތު މުދީގެ އިތާމުތްބޮޅު ބަސް ބަންޕަރަށް ހިއްލިގެންދާވަގުތު އެބޮޅުވެސް ބީޓަކަށް ހެލިލާއިރު އެކަމުގެ އިހްސާސްވެގެން ޒީނާ ދެލޯވެސް ހުޅުވާލައެވެ.

ދިހަވަރަކަށް މިނެޓުގެ ދަތުރަކަށްފަހު ކުއްލިއަކަށް ބަސް މަޑުކޮށްލުމާއެކު ޒީނާ ކުރަމުން ދިޔަ އިންތިޒާރަށްވެސް ނިމުމެއް އަތުވެއްޖެއެވެ. ބަހުން ފައިބައިގެން އާދައިގެ ހިނގުމެއްގައި އިންޓަރނޭޝަނަލް ޓާމިނަލް ތެރެއަށް ވަނީ އެއްވެސް ހިޔާލެއް ފިކުރެއްނެތިއެވެ. އެއަރޕޯޓުގެ މާޙައުލަކީ މީހުން ގިނަތަނެކެވެ. އެކި މަސައްކަތުގައި އަވަދިނެތި އުޅޭ މުއަޒަފުންނާއި އެކި ޤައުމުތަކަށް ދަތުރުކުރާ މީހުންނާއި ރާއްޖެއަށް އެތެރެވާ އެކި ޤައުމުތަކުގެ މީހުން ހޭލަމޭލަވަމުންދާ ހަލަބޮލި މާހައުލުން އެތަނަކީ ދިވެހިންގެ ލެޔާއި ގުޅިފައިވާ ތަނެކަން އެނގިގެންދާނެއެވެ.

ޒީނާއަށް ކުއްލި ސިހުމެއް ލިބުނީ ކުރިމަތިން ހުރަސްކޮށްލި އާދަޔާ ހިލާފު ފިރިހެނެއް އޭނަގެ ގަޔާޖެހި ނުޖެހި ހުރަސްކޮށްލުމުންނެވެ. ނޭފަތުގައި ޖެހުނު މީރު ސެންޓް ވަހުން ނޭފަތް ފުރިގެން ދިޔައެވެ. އެޖެހުނު މީރުހިތްގައިމު ސެންޓުވަހުން ޒީނާގެ ނޭފަތް ފުރިގެން ދިޔައެވެ.

ޒީނާއަށް އެޒުވާނާދިމާއަށް ކަޅިޖަހައިނުލާ ބަލައިލެވުނެވެ. އެ ޒުވާނާ ލައިގެން ހުރި ހުދު ގަމީސް ހީވަނީ ފަތިން އިރައިގެން ހިނގައިދާނެ ހެންނެވެ. ގަޔަށް ބާރުކަމުން އެ ހަށިގަނޑަކީ ޖިމަށްގޮސްގެން ބައްޓަންކޮށްފައިވާ ހަށިގަނޑެއްކަން ހާމަވެއެވެ. ބައިމަތިފުޅާ އެ ހަށިގަނޑާއި ހިނގާފައި ދިޔަ ފިރިހެންވަންތަގޮތްފެނިފައި ޒީނާ އަންތަރީސް ކުރުވައިފިއެވެ. ކަރަށް މަހާލާފައިވާ ރޮނގުދެމި ޓައީ ހީވަނީ ދެންމެ ދެންމެ ކަރަށްބާރުވެ ކަރަށް ވާންވެދާނެހެންނެވެ. އެ ބިޔަ ހަށިގަނޑު ފެނިފައި ޒީނާއަށް ވެފައިހުރި ގޮތުންވެސް ހިތްކިޔާކަހަލަ ގޮތެއްހުރިކަން ހާމަވެގެން ދިޔައެވެ.

ޒީނާއަށް ހޭވެރިކަމެއް ލިބުނީ ދަބަހުގައި އޮތްފޯނު ރިންގުވާން ފެށުމުންނެވެ. އަވަސް އަވަހަށް ޒީނާ ހިނގައިގަތީ ޕިއްޒާ ކޮންޕެނީއާ ދިމާލަށެވެ. އަނެއްކާވެސް ޒީނާ ފަސް އެނބުރި ބަލައިލީ އެބިޔަ ހަށިގަނޑުގެވެރި “ޖިމްމާސްޓާރ” ފެނޭތޯއެވެ. އޭރުއެޒުވާނާ ގޮސް ޓާމިނަލް ގެ މީހުން ފުރާދޮރާށިން އެތެރެއަށްވަންނަނީއެވެ.

އެދުވަހަކީ ޒިނާގެ މަސައްކަތުގެ ފުރަތަމަ ދުވަސްކަމުން ވަރަށް ބުރަކޮށް މަސައްކަތް ކުރަންޖެހުނެވެ. ޑިއުޓީ ނިންމާލުމަށްފަހު ވެފައިވާ ވަރުބަލިކަމުގެ ސަބަބުން ޒީނާ ބޭނުންވެފައި ހުރީ ގެއަށް ގޮސް އަރާމުކޮށްލާށެވެ. ޑިއުޓީ ނިމުނުއިރު ހަތަރެއްޖަހާބޮޑުވެއްޖެއެވެ. ހަތަރުގަޑިބައިގެ  ބަހުން ގެއަށްދާން ޒީނާ ބަސް ސްޓޮޕަށް ދިޔައީ އެޒުވާނާ ފެންނާނެކަމުގެ އެއްވެސް އުއްމީދެއްގައެއްނޫނެވެ.

ނަމަވެސް ކަންތައްދިމާވީ ޒީނާ ހީކުރިގޮތަކަށް ނޫނެވެ. ބަސް ސްޓޮޕަށް ދިޔައިރު އެ ޒުވާނާ އޭނަގެ ފޯނު ހިފައިގެން ކޮންމެވެސް މީހަކަށް ޗެޓްކުރަން ހުއްޓެވެ. އެކަންއޭނަގެ އިނގިލިތަކަށް ގެންނަ އަވަސް ހަރަކާތްތަކުންނާއި މޫނަށްގެނައި ލުއި ހިނިތުންވުމުންވެސް އެނގިގެން ދިޔައެވެ. ޒީނާއަށްވެސް ބޭއިހްތިޔާރުގައި ހިނިތުންވެވުނެވެ. އޭޒުވާނާގެ މޫނު ރަނގަޅަށް ފެނުނު ހިނދު ޒީނާގެ ދަތްކުނޑި ހަފާލެވުނެވެ. ހަފޫޓަށްވުރެ ދިގު އިސްކޮޅެއްލިބިފައިވާ އެ ބިޔަ ރީތި ހަށިގަނޑުފެނިފައިވެސް އަންހެންކުދިން މޮޔަވާނެއެވެ. ރީއްޗަށް ތުނިކޮށް ޓްރިމްކޮށްފައިވާ ތުނބުޅިން އިތުރަށް އެޒުވާނާގެ ފިރިހެންވަންތަކަން ހާމަވަމުން ދިޔައެވެ. ޒީނާގެ ހިތުގެ އެންމެ ހިމަނާރަށްވެސް އެޒުވާނާގެ ރީތިކަމުގެ އަސަރު ކުރުވައިފިއެވެ. ބަލަންވީ އޭނަގެ ކޮންދިމާލަކަށް ބާވައޭ ޒީނާގެ ހިތްބުނަމުން ދިޔަކަހަލައެވެ. އެހާވެސް އޭނަގެ ރީތިކަން ފުރިހަމައެވެ. ޒީނާއަށް އޭނައަށް ބަލަން ހުރެވުނީ ކިހާއިރަކު ކަމެއްވެސް ނޭންގުނެވެ.

އެޒުވަނާވެސް ޒީނާއަށް ބަލައިލީ ވަރަށްގާތުން މީހަކު ބަލަން ހުރިކަން އިހްސާސްކުރެވިގެންނެވެ. ޒީނާ ތެޅިގަނެފައި އެޒުވަނާއަށް ހިނިތުންވުމެއް ފޮނުވާލިއެވެ. އެރީތި ޒުވާނާގެ ފަރާތުންވެސް ޒިނާއަށް ހިނިތުންވުމެއް ލިބިގެންދިޔައެވެ. އަތްފައި ފިނިވެ ޒީނާ ހުރިތަނަށް ގަނޑުވި ކަހަލައެވެ. ވާނުވާ ނޭންގިފައި ހުއްޓާ ބަސް އައިސް މަޑުކޮށްލިއެވެ.

އެޒުވަނާވެސް ބަސް އައިސް މަޑުކޮށްލުމުން ބަހަށް އެރުމަށް ހިނގައި ގަތެވެ. ޒީނާވެސް މަޑުމަޑުން އޭނަގެ ފަހަތުން ބަހަށް އެރުމަށް ކުރިޔަށް ފިޔަވަޅު އެޅިވަގުތުވެ. ނަމަވެސް ކަންތައްވީ ހީކުރިގޮތަކަށް ނޫނެވެ. އަރައިގެންހުރި ކަށިހިމަފައިވާނުގެ ސަބަބުން ފައިއެޅުނުގޮތަކުން ޒީނާ އަރިއަޅާލިއެވެ. ކަންތައްވެގެން ދިޔައީ ޒީނާވެސް ހީކުރިގޮތަކަށްނޫނެވެ. އެޒުވާނާގެ ބިޔަ އަތުގައި ޒީނާއަށް ހިފުނީ ބޭއިޙްތިޔާރުގައެވެ. ސަލާމަތްވާން ހިފުނީ އެޒުވާނާގެ އަތުގައެވެ. ޒީނާ ހަމަޖެހިލަމުން “ސޮރީ” އޭ ބުންޏެވެ.

“ޒިނާ. ބަލައިގެން އުޅޭ. ނަސީބެއްނު ނުވެއްޓުނުކަން.” އެޒުވާނާގެ ބަރު އަޑު ޖެހުމުން ވެފައިހުރި ވަރަށްވުރެ އެޒުވާނާއަށް ގަޔާވެވުނެވެ. އެއީ ފިރިހެންވަންތަ ރީތި އަޑެކެވެ. އިހުނަށްވުރެ ބޮޑަށް އެޒުވާނާއަށް ހިތްދެވުނީތާއެވެ.
ޒީނާ އަށް ބޮޑު ހައިރާން ކަމެއް ލިބުނީ އެ ޒުވާނާއަށް އޭނަގެ ނަމުން މުޙާތަބު ކުރުމުންނެވެ. ބަހަށް އަރަން އައިސްތިބި މީހުންތައް ބަލަންތިބިކަން އެނގުމުން ޒީނާ ކުޑަކޮށް ލަދުވެސް ގަތެވެ. ނަމަވެސް ވީކަމެއް ވެ ނިމިއްޖެއެވެ.

ޒީނާ ބަހަށް އެރީ އެއްވެސް ހާލެއްގައި އެޒުވާނާގެ ގާތުގައި އިންނަންޖެހޭނެ ކަމަށް އުއްމީދުވެސް ކޮށްގެންނޫނެވެ. ނަމަވެސް މީހުން ފުރިގެން ހަމައެކަނި ހުސްކޮށް އިނީ އެޒުވާނާ އިންގޮޑިއާއި ޖެހިގެން ހުރިގޮނޑިކަމުން ޒީނާއަށް ޖެހުނީ އެދިމާއަށްދާށެވެ. ޒީނާގެ ހިތަށް އާދަޔާ ޙިލާފު އިހްސާސްތަކެއް ކުރުވަންފެށިއެވެ.

“ޒީނާ އަދިވެސް ހުންނަނީތަ؟” އަނެއްކާވެސް އެޒުވާނާގެ ބަރު އަޑުން އޭނަގެ ނަމުން މުހާތަބުކުރިކަން އޭނަގެ ކަންފަތުގައި ޖެހުނެވެ. މާނޫން ގޮތަކަށް ބޯ ރީތިކޮށްލަމުން ޒީނާގޮސް ގޮނޑީގައި އިށީނެވެ.

“ޒީނަ ދޯ ކިޔަނީ؟” މިފަހަރުވެސް ވާހަކަ ދެއްކީ އޭނައެވެ. ބުނާނެ އެއްވެސް އެއްޗެއް ނޭންގިފައި ޒީނާއަށް އިނދެވުނެވެ.

“ކިހިނެއް އަހަރެންގެ ނަން އެނގުނީ؟” ޒީނާ ހައިރާން ކަމާއެކު ކޮށްލީ ސުވާލެކެވެ. އެޒުވާނާ ލުއި ހިނިތުންވުމެއް ފޮނުވާލަމުންއިނގިލިން އިޝާރާތްކޮށްލީ ޒީނާލައިގެން ހުރި ޓީޝާޓުގެ މޭމަތީގައި ހަރުކޮށްފައި އިން ނަންޓެގުކޮޅަށެވެ.

“އެހެންވެ އެނގުނީ..” އެޒުވާނާ ޖަވާބުދެމުން އޭނަގެ ޖީބުން ހެޑްސެޓްނެގިއެވެ.

“އައި އޭމް އިޒްވާން. ޕެސެންޖަރ ސާވިސްގަ މަސައްކަތް ކުރަނީ. ޒީނާ އަލަށްދޯ ތި ޖޮއިން ކުރީ. ޕިއްޒާ ކޮންޕެނީއަށް ދަން ވަރަށް ގިނައިން. އެކަމަކު ދުވަހަކުވެސް ނުދެކެން. އެހެވެ ހަމަ އަހާލީ..” އޭނާ ވާހަކަ ދައްކަމުން ތައާރަފުވެލިއެވެ. އެޒުވާނާ ވާހަކަދެއްކި ގާތްގޮތެއްގެ ސަބަބުން އެއީ ބޮޑާގޮތެއްނެތް ހިތްހެޔޮ މީހެއްކަން ޒީނާއަށް ވިސްނުނެވެ.

“އިޒްވާން.. ނަންވެސް ހާދަ ރީއްޗޭ.” ޒިނާއަށް ހިތާ ހިތާކިޔައިލެވުނެވެ. ޒިނާވެސް ހެޑްސެޓް ދަބަހުން ނަގައި ކަންފަތަށް ހެޔޮވަރު ކޮށްލިއެވެ،

އިޒުވާނު ގައިން ދުވާ މީރު ސެންޓުވަހުން ޒީނާއަށް ހިތްހަމަ ޖެހުން ލިބެމުން ދިޔައެވެ. އިޒުވާނަށް ބަލަން ބޭނުންވި ނަމަވެސް ޒީނާއަށް ބަލާކަށް ނުކެރުނެވެ. ނަމަވެސް ވައްކަޅިން އިޒުވާނަށް ބަލާލެވެއެވެ. އިޒުވާނު ގެ ބޮޑުއަތްތިލައިގައި ހިފާލުމަށްވެސް ޒީނާގެ ހިތް އެދެމުން ދިޔައެވެ. ދިހަ މިނެޓްގެ އެދަތުރުވެސް ޒީނާގެ ހިތަށް ފިނިކަމެއް ލިބިގެން ދިޔައެވެ. އެ ކުރު ދަތުރު ނިންމާލުމަށްފަހު ޒީނާ ބަހުން ފޭބީ އަދިވެސް އިޒުވާނު ފެންނާނެކަމުގެ އުއްމީދުގައެވެ.

“އަދި ދާނަން ޒީ ހުންނަ ދުވަހަކުން ޕިއްޒާއެއްކާލަން.” ފަހަތުން އިޒުވާނުގެ އަޑު ޖެހުމުން ޒީނާ ފަސް އެނބުރި ބަލައިލިއެވެ. ޒީނާ ލުއި ހިނިތުންވުމަކާއެކު ބޯ ޖަހައިލިއެވެ. އިޒުވާނުވެސް ހިނގައިގަތީ އޭނަގެ ސައިކަލަށް އެރުމަށެވެ. އިޒުވާނުގެ އެ ފިރިހެންވަންތަ ހިނގުމާއި އެ ހަށިގަނޑަށާއި އެ ރީތި ސިފަތަކަށް ޒީނާގެ ހިތް ލެނބުނެވެ. އިޒުވާނަށް ޒީނާއަށް މާބޮޑު ސަމާލުކަމެއް ނުދެވުނަސް ޒީނާގެ ހިތުގައި އިޒުވާނަށް ޙާއްސަ މަގާމަކާއި ޤަދަރެއްދެވިގެން ދިޔައެވެ.

އިޒުވާނު ސައިކަލުގައި ނައްޓާލިތަން ބަލަން ޒީނާއަށް ހުރެވުނީ އެވެ. ކަޅި ޖަހާވެސް ނުލާ ބަލަން ހުރެވުނެވެ. އާދައިގެ ފަރި ހިނގުމެއްގައި ޒީނާ ގެއަށް ދިއުމަށް ހިނގައިގަތްތަނާހެން ކައިރިން ދިޔަ ސައިކަލެއް ބަރުގޮނު އަޅާލިއެވެ. ސައިކަލުގައި ދިޔަ ދެ ޒުވާނާ ބަރުގޮނު އަޅާލުމުން ޒީނާ ސިހިފައި ލޯއަޅާލިއެވެ

“ފޮށެގަންނާނެ ގޮތެއް ނޭންގިފަ ތިބޭ ބައެއް. ފެންވަރު..” އެމީހުންނަށް ކުދި ކިޔަމުން ޒީނާ ހިނގައިގަތެވެ.

ޒީނާ ދިރިއުޅޭ އެޕާޓްމަންޓަކީ ތިން ކޮޓަރީގެ މޮޑު ރީތި އެޕާޓްމަންޓެކެވެ. ހިތްގައިމު ފަރުނީޗަރުތަކުން ގޭތެރެ ވަނީ ފަޅުފިލުވާލެވިފައެވެ. މުޅި ތަނަށް ބަލާލުމުންވެސް އެތަނަކީ ސާފުތާހިރުކަމަށްލޯބިކުރާ ބަޔަކު ދިރިއުޅޭ ތަނެއްކަން އެނގެއެވެ. ކޮންމެ އެއްޗެއްވެސް ވަނީ ތަރުތީބުން އެހުންނަ ތަނެއްގައި ބެހެއްޓިފައެވެ. ބޮޑު ރީތި ސޯފާ ސެޓަކާއި، އެޔާއި ގުޅޭގޮތަށް ކަހާލެވިފައިވާ ދޮރުފޮތިންވެސް އެނަތަށް ވަނީ ރީތި ކަމެއް ގެނުވާފައެވެ. މެރޫން ކުލައިގެ ދޮރުފޮތިގަނޑު ކުޑަދޮރުހުޅުވާލާފައި ހުރުމުގެ ސަބަބުން ވަޔާއި ހެލިލަ ހެލިލާ ހުއްޓެވެ. ކާމޭޒާއި ބަދިގޭގެ ބެހެއްޓިފައިވާ ފަރުނީޗަރުތައްވެސް އޭގެ އެންމެ ފުރިހަމަ ގޮތުގައި ވަނީ ބެހެއްޓިފައެވެ. ކޮންމެ ދިމާއަށް ބަލާލިނަމަވެސް ފެންނަނީ ސާފުތާހިރުކަމެވެ. . ޒީނާއަށް ގެއަށް ވަދެވުނު އިރު ފާރުގައި ހަރުކޮށްފައިވާ 42 އިންޗީގެ ފިލިޕްސް ޓީވީއިން ދައްކަމުންދާ ހިންދީ ލަވައެއްގެ އަޑު އިވެމުން ދިޔައެވެ. ޒީނާ އަތުގައި އޮތް ދަބަސް ސޯފާމައްޗަށް އެއްލާލަމުން ސޯފާއަށް ޖެހިގަތެވެ.

ކުއްލިއަކަށް އިޒުވާނު މަތިން ހަނދާންވިއެވެ. ޒީނާގެ މޫނުމައްޗަށް އުފާވެރިކަން ފާޅުވަމުން ދިޔައެވެ. އެ ރީތި ސޫރަ ޒީނާއަށް ސިފަކުރެވެމުން ދިޔައެވެ. އިޒުވާނުގެ އަތުގައި ހިފުނުގޮތާއި އިޒުވާނު ބަލައިލި “ސެކްސީ” ބަލާލުން ޒީނާ އަށް ސިފަކުރެވެމުންދިޔައިރު އަމިއްލަ ނަފްސަށްވެސް އެކަމުގެ އިހްސާސް ކުރެވެމުން ދިޔައެވެ. ޒީނާގެ މޫނުމަތިން ރަކި ހިނިތުންވުމެއް ފާޅުވެގެން ދިޔައެވެ. އިޒުވާނުގެ ހިޔާލުގައި ޒީނާ ޣަރަޤުވަމުން ދިޔައެވެ.

“ސާބަސް ޒީނާ” ޒީނާ ސިއްސައިގެން ދިޔައީ ޒީނާގެ އެންމެ ގާތްއެކުވެރިޔާ އީމާ އައިސް އޭނަގެ މޫނަށް ފެންޖެހުމުންނެވެ. އޭރު އީމާ އަތުގައި އޭނަ ބޯން ގެންގުޅުނު ފެންތަށި އަތުގައި ހުއްޓެވެ. އީމާވެސް ދިރިއުޅެނީ ޒީނާއެކު ހަމަ އެ އެޕާޓްމަންގައެވެ. ޒީނާ ފާޑަކަށް އީމާއަށް ބަލަން އޮތެވެ.

“ކީއްވެ ފެންތިޖެހީ….؟” ޒީނާ މޫނަށް ގޮތެއް ހަދާލަމުން ބުންޏެވެ.

“އަދިވެސް މަ ދޯ މިގޯސްވީ. މަ ކިހާއިރެއް މިތާ ހުރެ ޒީނާއަށް ގޮވާތާ..” އީމާގޮސް ސޯފާގައި އިށީނެވެ. އިށީނަމުން ވާހަކަ ދައްކަން ފެށިއެވެ. “އަނެއްކާ މިއަދު ކިހިނެއްވީތަ؟ ހީވަނީ ޖިންނި މޮޔަވެފަހެން. ހިޔާލަށްގެއްލި، ފާޑަކަށް ހެވިފަ. އަނެއްކާ މާބޮޑަށް ކަމުދާ ޖޮބަކީތަ؟” އީމާ ސުވާލަކަށްފަހު ސުވާލެއް ކުރަމުން ދިޔައެވެ.

އަނެއްކާވެސް އިޒުވާނުގެ ހަނދާންތަކަށް ގެނބިގެން ދިޔައެވެ. އިޒުވާނު އޭނަގެ ނަމުން ގޮވާލިގޮތް އޭނަގެ ކަންފަތުގައި ގުގުމާލާފައި ހުރި ކަހަލައެވެ. އިޒުވާނުގެ އަތުގައި ހިފުނުގޮތް ސިފަވަމުން ދިޔައެވެ. ޒީނާ ހީވަނީ އަލަށް ރީތި މީހަކު ފެނިގެން އުޅޭހެންނެވެ. މޮޔައަކު އުޅޭފަދަގޮތަކަށް ޒީނާ މޫނަށާއި ލޮލަށް ހަރަކާތްތަކެއް ގެންނަމުން ދިޔައެވެ. ޒީނާ އުޅެންފެށި ގޮތުން އީމާ އޭނަގެ ކޮނޑުގައި ޖަހާލިއެވެ.

“ސާބަހޭ ޒީނާ. މީހަކު އަޅެ ހޭއްބައްޔެއް ނުވާނެތަ؟ ކިހިނެއްވެފަހޭ ތި އިންނަނީ..؟” އީމާގެ އަނގަހުއްޓާނުލާނެކަން އެނގުމުން ޒީނާ ހެމުން ހެމުން ގޮސް ކޮޓަރިއަށް ދިއުމަށް ތެދުވިއެވެ. އީމާ ފާޑަކަށް ޒީނާގެ ހަރަކާތްތަކަށް ބަލަހައްޓައިގެން އިނެވެ.

އެބަ އަންނަ ނަމާދުކޮށްލައިގެން އެއްޗެއް ކާން.. ކޯއްޗެއް މިއަދު ކާން ހުރީ.. އަދިވެސް ސަމާ ގެއަށް ނާންނަނީތަ؟” ޒީނާ ކޮޓަރީގެ ތަޅުގައި ހިފާލަމުން ބުންޏެވެ. ޒީނާ ކޮޓަރިއަށް ވަންނަމުން އީމާއަށް އެއްލޯ މަރާލިއެވެ.

“އަޖައިބެއް ނުވާނެތަ؟ މިއަދު މީނަ ހަމަތަ؟” ޒީނާގެ ހަރަކާތްތައް ހުރި އީމާ ޗޮކެއް ކަނޑާލިއެވެ.

“ތި ކުރާ ކަމެއްކޮށްފަ އާދޭ ކާން. ސަމާ ދެންމެ ޑިއުޓީއަށް އެ ދިޔައީ.” ޒީނާ ކޮޓަރިއަށް ވަނުމުން އީމާ ސޯފާއިން ތެދުވެގެން ގޮސް މޭޒުމައްޗަށް ކާން ތައްޔާރު ކުރަން މަސްއޫލުވިއެވެ.

ޒީނާއާއި އީމާގެ އިތުރުން ސަމާވެސް އުޅެމުންދަނީ އެއް އެޕާޓްމަންޓްގައި އެކު އެކީގައެވެ. ކުއްޔަށް ހިފައިގެން ތިން އެކުވެރިންވެސް ދިރިއުޅެމުން ދިޔައީ ވަރަށް ވެސް އުފަލުންނެވެ. އީމާ އާއި ޒީނާ އަކީވަރަށް ގާތްގުޅުމެއް އޮންނަ ވަރަށްގާތް ދެކުދިންނެވެ. ޒީނާ ހަނދާންވާންފެށީ ސުރެ ވެސް އީމާގެ އެއްވެސް ޔާރެއް އިޔާރެއް ނުހުރެއެވެ. އީމާ ދެކޭގޮތުގައި އޭނަގެ ހުރިހާވެސް މީހަކީ ޒީނާއެވެ. ސަމާއަކީ ޒީނާއާއި އެއްކުލާހަކުން ދިމާވި ވަރަށް ގާތް ރަޙްމަތެރިއެކެވެ. އެތިން އެކުވެރިންގެ ގުޅުން ބަދަހިވެގެން ދިޔައީ ކޮންމެ ކުއްޖަކީ ވެސް އާއިލާއެއްނެތި އެކަނި ދިރިއުޅެން ޖެހިފައިވާ ބަޔަކަށްވެ ހިތްހަމަޖެހުމާއި އަޅާލުން އެކަކު އަނެކަކަށް ބޭނުން ވެފައިވާ ބަޔަކަށްވީތީއެވެ.

ކިޔެވުން ނިންމާލުމަށްފަހު އީމާ ވަޒީފާ އެއްގެ ގޮތުގައި މޯލްޑިވިއަށް ގެ ކެބިން ކުރޫއެއްގެ ވަޒީފާއަށް ކުރިމަތިލައި މިހާރު އީމާއަކީ އަވަދިނެތި އެކި ޤައުމުތަކަށް އުދުހޭ ހީވާގި އަންހެންކުއްޖެކެވެ. ސަމާއަކީ ފުދޭވަރަކަށް މޮޅަށް ކިޔަވައިގެން ހުރި ކުއްޖެކެވެ. ވަރަށް ބުރަކޮށް ކަސްޓަމުގައި ހީވާގިކަމާއި މުރާލިކަމާއެކު މަސައްކަތް ކުރާ ކުއްޖެކެވެ. ތިން ރަހްމަތްތެރިންނަކީވެސް ވަޒީފާގެ ގޮތުން އެކަކު އަނެކަކާއި ބައްދަލުވެސް ނުވާ ބައެކެވެ. ދެމީހަކު ގޭގައި އުޅެންޏާ އަނެކަކު އުޅޭނީވެސް ޑިއުޓީގައެވެ. ތިން މީހުން އެކުގައި ބައްދަލުވެއްޖެ ނަމަ ސަކަރާތް ޖެހުމާއި ތާސްކުޅުމާއި އެއްކޮށް ފިލްމް ބަލާ ހެދުމަކީ އެމީހުން ކޮންއުޅޭ ކަންތައްތަކެވެ. ނުލާހިކު ލޯބިން އުޅޭ ތިން އެކުވެރިންނެވެ.

ޒީނާ ކިޔެވުން ވަކި ހިސާބަކުން ނިންމާލުމަށްފަހު ވަޒީފާއަށްދަމުން ލިބޭ ހުސްވަގުތުތަކުގައި ކޭކު އަޅައިގެން އާންމުދަނީ ވެސް ހޯދަމުން ދިޔައެވެ. މަދުން ނަމަވެސް ޒީނާއަށް އޯޑަރު ލިބެއެވެ. ޒީނާ އަކީ ކުރާ ކޮންމެ ކަމެއް އެންމެ ފުރިހަމަ ގޮތުގައި ކުރަން އާދަވެފައި ހުންނަ ކުއްޖެކެވެ. މާލީ ގޮތުން ތަނަވެސް ކަމެއްނެތުމުން ޒީނާއަށް ކިޔެވުން ހުއްޓާލަން މަޖުބޫރުވިއެވެ. ނަމަވެސް ހަމަ އެކަނި ހުރި މަންމައަށްޓަކައި ޒީނާ ބޭނުންވީ އަމިއްލަ ފައިމައްޗަށް ތެދުވެ އާންމްދަނީ ހޯދާށެވެ. ޒީނާ އަކީ ކޮންމެ ކަމެއް ކުރަން ޖެހުނުނަމަވެސް ވަފާތެރިކަމާއި ފަރުވާތެރިކަމާއެކު ކުރަންކެރޭ ހީވާގި ކުއްޖެކެވެ.

އެރޭ ޒީނާއަށް އުނދަގޫ ކުރަމުން ދިޔައީ އިޒުވާނުގެ ސޫރައެވެ. ނިދަން އެނދުގައި ޖައްސާލީއްސުރެ އިޒުވާނުގެ ހަނދާންތައް ދިޔައީ ބޮލުތެރޭގައިވެސް އެނބުރެމުންނެވެ. ޒީނާއަށް އެނދުގައި ނުނިދިފައި އޮވެވުނީ އިޒުވާނުގެ ހަނދާނުގައެވެ. އެ ހިތްގައިމު ސޫރަ އޭނަގެ ނިންޖަށްވެސް ދިޔައީ ދުއްތުރާ ކުރަމުންނެވެ. އެހާ ކުޑަ ވަގުތުކޮޅެއްގެ ތެރޭގައި ޒީނާއަށް އިޒުވާނުގެ ހަނދާންތައް ކުރެވެންފެށީ ކީއްވެބާއޭ ޒީނާގެ ހިތްބުނަމުން ދިޔައެވެ. އިޒުވާން މަތިން ހަނދާކުރުމަކީ ޒީނާ އެއްވެސް ހާލެއްގައި ކުރަން ބޭނުންވި ކަމެއްވެސް ނޫނެވެ. އެހާ އަވަހަށް މީހަކަށް ހިތްދީގެން ލޯބިވެގެން އުޅެން ހުދު ޒީނާވެސް ބޭނުންނުވަނީއެވެ.

“މިވަނީ ކިހިނެއްބާ؟ އަހަރެން ބޭނުމެއްނޫން ގޮތްނޭނގޭ މީހެއް ދެކެ ލޯބިވެގެން މިހެން ވާކަށް. އެކަމަކު މިއީ ލޯބި ނޫން ދެން އެހެން ކޮންކަމެއް..” ޒީނާއަށް އޭނަގެ އަމިއްލަ ނަފުސު ހައްދުން ބޭރުވާހެން ހީވާންފެށިއެވެ. ކިތައްމެ ވަރަށް އިޒުވާން މަތިން ހަނދާން ކުރަން ބޭނުން ނުވިއަސް ޒީނާއަށް އެ ހިޔާލުތަކާއި ދުރައްދެވޭ ގޮތެއް ނުވިއެވެ. މުޅި އެރޭވެގެން ދިޔައީ ޒީނާއަށް ނިދިން މަޙުރޫމުވެގެން ދިޔަ ފޫހިރެއަކަށެވެ.

***

ދުވަހަކީ ހުޅުމާލެއަށް ހަލަބޮލިކަމެއް އައިސްފައިވާ ދުވަހެކެވެ. ހަފްތާ ބަންދު ހުކުރުދުވަސް ތަކަކީ އެތައް ބަޔަކު ޗުއްޓީ ހޭދަކޮށްލުމަށާއި މޫދަށްއެރި މަޖާކޮށްލުމަށް ހުޅުމާލެ ފުރާލާދުވަހެކެވެ. ހަފްތާ ބަންދު ހުކުރުދުވަހަކީ އާއިލީ ދުވަހަކަށްވެފައި ހުކުރު ދުވަހެއް އާއިލާތަކުން އިސްކަމެއްދެނީ މޫދަށް އެރި މަޖާކޮށްލުމާއި ހިތްހަމަ ޖައްސާލުމެވެ.

އީމާއާއި ސަމާ ބޭރަށް ނުކުތީ ދުވަހަކީ ރީތި ދުވަހަކަށްވެފައި މޫދަށް އެރިލަންދިއުމަށެވެ. ދެމީހުންވެސް މޫދަށް ދާނަވެގެން ލައިގެން ހުރި ކުރު ސޯޓާއި ގަޔަށްބާރު ޓީޝާޓުންވެސް އެ ކުދިންނަކީ ޒަމާނީ ހެދުން އެޅުމަށް ލޯބި ކުރާ ކުދިބައެއްކަން އަޅައިގެން ތިބި ހެދުމުންވެސް ފާހަގަވެގެން ދާނެވެ. އެމީހުން ދިރިއުޅޭ ފްލެޓް ކައިރީގައި އެމީހުން މަޑުކޮށްލައިގެން ތިބީ ޒީނާގެ އިންތިޒާރުގައެވެ.

‘އޭތް އަދި މަޑުކުރޭ. މި ފައިބަނީ..” ޒީނާ ހަތަރުވަނަބުރީގެ ބެލްކަނިން ބޯދިއްކޮށްލިއެވެ. ސަމާއަށް އަތުން ހަނާއަޅާލުމަށްފަހު ޒީނާ އެތެރެއަށް ދެމިގަތެވެ. ކުޑަ އިރުކޮޅެއްނުވެ ދުވަމުން ތެޅެމުން ފޮޅެމުން ތިރިއަށް އަތުވެއްޖެއެވެ. އޭރު މުޅި މީހާ ހުރީ މާނޭވާ ލެވޭވަރުވެފައެވެ. އަތުގައި ފިނި ދެ ފެންފުޅިވެސް އޮތެވެ.

“ސާބަސް ޒީ. ތަތްކަމުން ތަނަކަށް ދާންވެސް މި ޖެހެނީ އިންތިޒާރުކުރަން… މިހާރު ނުވަގަޑި ބައިވަނީ. އަވަހަށްގޮއްސަ އަންނަންވާނެ. ޒީ ހަވީރު ޑިއުޓީއަށް ދިއުމުގެ ކުރިން އަދި ކާއެއްޗެއް ރޯފިލުވަން ޖެހޭނެ.. ތަނަކަށް ދާން ރެޑިވިޔަސް ތިދެން ބޮޑުވަރު.” އީމާއާއި ސަމާގެ ފަސްފަހަތުން ޒީނާވެސް މޫދަށް ދިއުމަށް ހިނގައިގަތެވެ.

ތިން މީހުންއެކުއެކީގައި ހިނގަމުންގޮސް ޓްރެކް ދިމާއަށް އަތިރިމައްޗަށް ފޭބިއެވެ. އޭރު ކުޑަކުދިންނާއި އެކި އުމުރު ފުރައިގެ މީހުން އެކި ކަންކަމުގައި މޫދުކައިރީގައި ހަރަކާތްތެރިވަމުން ދިޔައެވެ. އެއްބަޔަކު މޫދު ކުޅިވަރުގައި ސަކަރާތްޖަހަމުން ދިޔައިރު ފަތުރުވެރިންވެސް އެމީހުންގެ ޗުއްޓީ ދުވަސްތަކުގައި މަޖާކުރުމަށް ކޮޅުކޮޅަށް ހަރަކާތްތެރިވަމުން ދިޔައެވެ. ހުޅުމާލެގެ ހުދު ދޮންވެލިގަނޑަކީ އެހާމެ ރީތި، ފަތުރުވެރިންވެސް އެތަނަކަށް ފިދާވާވަރުގެ ރީތި ތަނެކެވެ، ހުޅުމާލޭގެ ގުދުރަތީރީތިކަމަށް ދަހިވެފައިވާ ދިވެހިންގެ ބިމަށްޖާނުދޭ ފަތުރުވެރިން އެހިސާބުގައި ލޯބިން އުޅެމުން ދިޔައެވެ.

ޒީނާ ލައިގެން ހުރި ކަޅު ޓައިޓް ފަޔަށް ބާރުކަމުން ފައިގެ ވަނާތަށް ފާޅުވަމުން ދިޔައެވެ. ގަޔަށް ދޫކޮށްހުރި ރީންދޫ ކުލައިގެ ޓީޝާޓުން ޒީނާގެ ރީތިކަމަށާއި ބުރުސޫރައަށް އިތުރު ފުރިހަމަކަމެއް ވަނީ ގެނުވައިދީފައެވެ. ހާވާލެވިފައިވާ ޒީނާގެ ބުޅި އިސްތަށިގަނޑުވަޔާ ކުޅެމުންދިޔައިރު ޒީނާގެ އަންހެންވަންތަކަން ފެންނަށްހުއްޓެވެ. ބައެއް ފަހަރު ޒީނާއެކިކޮޅުކޮޅަށް ނަޒަރު ހިންގާލައެވެ. ހީވަނީ ހިތްއެދޭ ބައިވެރިޔާ އެތަނުން ފެންނާނެ ކަމުގެ އުއްމީދު ކުރެވެނީހެންނެވެ.

ތިންމީހުން އެކުގައި ތަންކޮޅެއް ހޯދާލުމަށްފަހު ގޮސްދޮންވެލިގަނޑުމަތީގައި ފޫކޮޅު ޖައްސާލިއެވެ. ޒީނާވެސް ހަމަ ޖެހިލަމުން އިސްތަށިގަނޑު ރީތިކޮށްލިއެވެ. އަތުގައި އޮތް ފެންފުޅީގެ މަތިގަނޑުދޫކޮށްލަމުން އަނގަޔަށް ފެންކޯވަރެއް އޮއްސާލިއެވެ. ފެންފޮދެއް ހަށިގަނޑުގައި ޖެހުމާއެކު ހަށިގަނޑަށް ފިނިކަމެއް ލިބިގެން ދިޔައެވެ.

ޒީނާގެ ދެލޯދެކިބަ ކާއްޓަށްވެގެން ދިޔައީ ހުސްގަޔާއި މޫދުން އަރައިގެ އަންނަ އިޒުވާން ފެނިގެންނެވެ. ނެވާ ކުރުވެ އޭނަގެހިތަށް ކުރަމުންދިޔަ އިހްސާސްތައް އެއްފަހަރާ ބަންޑުންކޮށްލެވުނު ކަހަލައެވެ. އޭނަގެ އެބިޔަ މޭމަތިން ފައިބަމުން ދިޔަ ލޮނު ފެންތިކިތައް ޒީނާގެ މޭވެސް ތެއްމާލިކަހަލެވެ. ލައިގެން ހުރި ކުރުސޯޓުން އިޒުވާންގެ ފައިފަލަމަސްގަޑާއި ކުޑަކަޅުވާފެނި ނުބައި ޖަޒުބާތެއް ކުރުވައިފިއެވެ. ޒީނާއަށް އިޒުވާންގެ ރީތި ހަށިގަނޑުފެނިފައި ބަސްހުއްޓުނެވެ. މޭމަތީގެ ވަރުގަދަކަމާއި މަސްތަކުގެ ކިބަތައްފެނި މަސްތީ އިހްސާސެއް ކުރަންފެށިއެވެ. އެހަށިގަނޑުގައި ގޮސް ބައްދާލާ ބޮސްދޭންވެސް ޒީނާގެ ހިތް ގޮވަމުންދިޔައެވެ. އިޒުވާނަކީ ކޮންކަހަލަ ރީތި ފިރިހެނެއްބާއޭ ޒީނާގެ ހިތަން އަރަމުން ދިޔައެވެ. ފައިންފެށިގެން ގޮސް ބޮލާހަމަޔަށް ނަޒަރުކަހާލެވުނެވެ. ފޫހިކަމެއް ނެތިއެވެ. ބަލާފޫހިނުވި އެ ޒުވާނާ އެއީ ކޮންކަހަލަ ރީތި މީހެއް ހެއްޔެވެ. މުޅި އެސަރަހައްދުންވެސް އެހާ ރީތި ފިރިހެނަކު ނުހުންނާނެކަން ޒީނާއަށް ޤަބޫލުކުރެވުނެވެ. އިޒުވާނުގެ ބިޔަ ހަށިގަނޑު ފެނުމާއެކު ތުންފަތް ހަފާލެވުނެވެ.

އިޒުވާން މޫދުން އަރައިގެން އައިގޮތަށް އައިސް އެތަނުގައި އިށީންދެގެން އިން އަންހެންކުއްޖާގެ ގާތުގައި އިށީނެވެ. އެކުއްޖާ އިނީ ޒީނާއަށް ފުރަގަސްވާގޮތަށް އިށީންދެލައިގެންނެވެ. ޒީނާ އެކުއްޖާގެ މޫނުފެނޭތޯ ދެފަރާތަށް މޫނު ހަރަކާތްކޮށްލިއެވެ. އިޒުވާން އެކުއްޖާގެ އަތުގައި ހިފާލިތަން ޒީނާއަށް ވަރަށް ރީއްޗަށްފެނުނެވެ. އެމަންޒަރު ފެނުމާއެކު ޒީނާގެ މޫނުގެ ކުލަވަރު ފުސްވެގެންދިޔައެވެ. ހިތަށް ލިބުނު ހިތްހަމަޖެހުންވެސް ހަމަ އެވަގުތުކޮޅުތެރޭގައި ބަދަލު ވެގެން ދިޔައެވެ. އެރީތި ހިނިތުންވުން އެކުއްޖާއަށް ފޮނުވާލި މަންޒަރުޒީނާއަށް ފެނުނެވެ. އިޒުވާނުގެ ހިނިތުންވުމާއި އެ އަންހެންކުއްޖާގައިގައި ބީހިލާ މަންޒަރު އެއީ ޒީނާބަލަން ބޭނުންވި ކަމެއްނޫނެވެ. އެހާވަރަށް ޒީނާއަށް އިޒުވާންދެކެ ލޯބި ވެވުނީތާއެވެ. ޙައްޤުވިޔަސް ނުވިޔަސް ޒީނާ ގަބޫލުކުރެވެންފެށީ އެއީ ހަމަ އެކަނި އޭނަގެ ޙައްޤެއްގެ ގޮތުގައެވެ.

“ހިނގާދާން. މަ ބޭނުމެއްނޫން މިތާ އިންނާކަށް” ޒީނާ ހިތަށް ލިބުނު އަނިޔާއިން އެތާގައި އިންނާކަށް ބޭނުމެއްނުވިއެވެ. ޒީނާގެ މޫޑު ބަދަލުވުމުން ސަމާއަށްވެސް އިނދެވުނީ ބުނާނެ އެއްޗެއް ނޭންގިފައެވެ. ކުއްލިއަކަށް ޒީނާ ތެދުވިއެވެ. ޒީނާ ބަލަން ބޭނުން ނުވި މަންޒަރުތަކެއް ފެނިއްޖެކަން އީމާއަށް ވިސްނުނެވެ. އެހެނަސް އެމީހުން ކުރަންއައިކަންތައްނުވަނީސް އެހާއަވަށް ދާކަށް އެމީހުން ބޭނުމެއް ނުވިއެވެ. ޒީނާ ކުއްލިއަކަށް ދާންބޭނުންވީ ކީއްވެބާއޭ އެމީހުންވެސް ހިތަށް އަރަމުން ދިޔައެވެ.

“ދެންމެ މިއައީ. މިހާރު ދާންތިކިޔަނީ. ކިހިނެއްވީތަ؟” އީމާވެސް ހިންހަމަ ނުޖެހިފައި އިންތަނުން ތެދުވިއެވެ. އީމާ ތެދުވީ ޒީނާ ހިނގައިގަތުމުންނެވެ. ފަޔަށް ލެވުނުހާ ބާރެއްލާފައި ޒީނާ ހިނގައިގަތެވެ. އޭރު ޒީނާއަށް ރޮވޭގޮތްވެ ލޮލުގައި ކަރުނަތައް ޖަމާވަމުން ދިޔައެވެ. ގެޔާހަމައަށްއާދެވުނުއިރު ލޮލުގައި ޖަމާވެފައިވާ ކަރުނަތައް ޒީނާގެ ކޯތާފަތް ތެއްމާލިއެވެ.

ޒީނާ ބާރުހިނގުމެއްގައި އެޕާރޓްމެންޓަށްގޮސް ވަނެވެ. އީމާއާއި ސަމާ ބޭނުންވީ ވެގެން އުޅޭގޮތް އޮޅުން ފިލުވާށެވެ. އެމީހުންނަށް ގެއަށް އާދެވުނުއިރު ޒީނާ ސޯފާގައި ރޯން އިނެވެ. ޒީނާ ރޯތަން ފެނުމުން ސަމާއާއި އީމާއަށްވެސް ހަމްދަރުދީވެވުނެވެ. އެމީހުންނަކީ އެކަކު އަނެކަކު ދެކެލޯބިވާ ބައެއްކަންވެސް ހާމަވެގެން ދިޔައެވެ. ޒީނާ ގެ މަޑުމޮޅިކަން އެދެމީހުންނަށްވެސް އިހްސާސް ކުރެވުނެވެ. އެދެމީހުން ވެގެން އުޅޭގޮތެއް އޮޅުން ފިލުވުމަށް ޒީނާގާތު ގޮސް އިށީނެވެ. ވާހަކަ ފަށާނީ ކީކޭ ކިޔާފައިހެއްޔެވެ.؟ ޒީނާއަށް ވީގޮތެއް ނޭންގެއެވެ.

ޒީނާއަށް ގިސްލެވެން ފެށިއެވެ. މޫދުކައިރިން ފެނުނު ކަންތައް ސިފަވާން ފެށުމުން ޒީނާއަށް އުނދަގޫވަނީއެވެ. ބޭއިޙްތިޔާރުގައި މޫނުގައި އަތްއަޅިއެވެ. ޒީނާ އަޑުން އަޑުނަގައި ރޯން ފެށިއެވެ. ބޭނުންވީ ހިތްފުރެންދެން ރޯލާށެވެ. ޙުދު ޒީނާއަށް ވެސް މިވަނީ ކީއްކަމެއް އޭނައަށް ނޭންގެއެވެ. ނޭންގި ނަމަވެސް ނުދަންނަ އިންސާނެއްދެކެ ލޯބި ވެވުނުކަން މިއީ ޒީނާއަށް ކުރެވުނު ބޮޑުކުށެކެވެ. ލޯބި ވީ ކީއްއެއްނޫނެވެ. ލޯބި ވެވުނީއެވެ. ޒީނާ ރޯން ޖެހުނު އެއްވެސް ސަބަބެއް އެމީހުނަކަށް ނޭންގުނެވެ. ބަލަހައްޓައިގެން ތިބެވުނީއެވެ. އެނގޭހާވެސް ކަމަކީ ކޮންމެވެސް ބޮޑުކަމެއް ވެއްޖެކަމެވެ. އެކަން ޒީނާ އުޅުނުގޮތުންވެސް އެނގިގެން ދިޔައެވެ. އެރުއިމާއި ގިސްލުމުގެ ހަޤީޤަތްތްވަނީ ޒީނާގެ ހިތުގައެވެ. އެރުއިމުގައި އެ ޖަޒުބާތެއްވަނީ ފޮރުވިފައެވެ. ޒީނާ ގެ ކޮންމެ ހަރަކާތަކުންވެސް އޭނަ ކަމެއް ސިއްރުކުރާކަން ހާމަވަމުން ދިޔައެވެ. ޒީނާ ރޯން ޖެހުނީ އެމީހުންގެ ސަބަބުން ކަމެއް ފެނިގެންތޯ ވެސް އަހާލަން އެމީހުން ބޭނުންވިއެވެ. ނަމަވެސް ސަމާއަށާއި އީމާއަށް ޒީނާއަކީ ކާކުކަން ވަރަށް ރަނގަޅަށް އެނގޭތީ އެއްވެސް ވާހަކައެއް އަހާލަން ފަސްޖެހެނީއެވެ.

“ޒީ ޕްލީސް ހުއްޓާލަބަލަ. ކިހިނެއްތަވީ؟ ޒީ ޕްލީޒް.. އަނެއްކާ އަހަރެމެންނަށް ގޯސްކޮށް ކަމެއް ކުރެވުނީތަ؟ ޕްލީޒް ޒީ.. ބުނެބަލަ! ކިހިނެއްތަ ވި؟” އީމާ އާދޭސްކުރަންފެށިއެވެ. އެހެނަސް އީމާ ދެއްކި އެއްވެސް ވާހަކައެއް އަޑުނީވޭކަހަލައެވެ. ޒީނާ މަސަލަސް ކުރެވޭތޯ އީމާ މަސައްކަތްކުރިއެވެ. ނަމަވެސް އެކަންވީ ބޭކާރެވެ. ޒީނާ އެއްވެސް ބަހެއް ނުބުނެ، ދެލޯ ފޮހެމުންގޮސް ކޮޓަރިއަށެވެ. ސަމާއަށާއި އީމާއަށް ވީ ކިހިނެއްކަމެއްވެސް ނޭންގުނެވެ. އެނގޭހާވެސް ކަމަކީ ބޮޑުކަމެއް ވެއްޖެކަމެވެ. އެދެމީހުންނަށްވެސް ބުނާނެ އެއްޗެއް ނޭނގިފައި އެކަކު އަނެކަކަށް ބަލަހައްޓައިގެން ސޯފާގައި ތިބެވުނެވެ. އީމާއަށް އެނގޭހާވެސް ކަމަކީ ޒީނާ ކަމެއް ސިއްރުކުރާކަމެވެ.

ޒީނާ ކޮޓަރިއަށް ވަނުމަށްފަހު ދޮރުތަޅުލިއެވެ. ޒީނާ ބޭނުންވީ ހިތްފުރެންދެން ރޯލާށެވެ. ހިތްފުރެދެން ރޯން އޮތުމަށްފަހު ޒީނާ އެނދުން ތެދުވިއެވެ. ތެދުވެގެން ގޮސް ޑްރެސިން ޓޭބަލް ކުރިމަތީގައި ގޮސް ހުއްޓުނީ އަމިއްލަ ނަފްސްދެކެ ފޫހިވެފައިވާ ހާލުގައެވެ. އިޒުވާން އެހެން އަންހެންކުއްޖަކާއެކު އުޅޭތަން ދުށުމަކީ ޒީނާ ބަލަން ބޭނުންވި މަންޒަރެއް ނޫނެވެ. ނަމަވެސް އިޒުވާނަކީ ޒީނާގެ ކާކު ހެއްޔެވެ؟. އިއްޔެ މެންދުރު ފެނުނު މީހަކު ދެކެ އެހާވަރަށް ލޯބިވެނުނީ ކީއްވެހެއްޔެވެ؟ ޒީނާއަށް އެހާ އަސަރެއް ކުރަންވީ ކީއްވެހެއްޔެވެ؟ އިޒުވާނު ދެކެ ލޯބި ވެވުނީ އޭނަގެ ރީތި ސިފަތަކުން ހެއްޔެވެ؟ ނޫނީ އޭނަގެ މިޒާޖުން ހެއްޔެވެ.؟ ޒީނާއަށް ވެސް އެނގެނީ ހަމަ އެކަނިކުޑަ މިންވަރެކެވެ. ވާހަކަތަކުން ސިފަ ކޮށްފައި ހުންނަ ގޮތުން ފުރަތަމަ ނަޒަރުން ލޯބި މާނަ ކުރަނީ އެ އިހްސާސްތަކަށް ވާނަމަ ފުރަތަމަ ނަޒަރުން ޒީނާއަށް އިޒުވާނުދެކެ ލޯބިވެވިއްޖެއެވެ.

ޑްރެސިން ޓޭބަލްމަތީގައި އޮތް ކަތުރު ޒީނާގެ ލޮލުގައި އަޅައިގަތެވެ. ވިސްނާލަންސިކުންތުކޮޅެއްވެސް ނުވާނެއެވެ. ޒީނާ ކަތުރު ނެގިއެވެ. އަތުޖެހުނު ގޮތަށް ޒީނާ އޭނަގެ އިސްތަށިގަނޑު ކޮށާލިއެވެ. ޒީނާއަށް މިކުރެވެނީ ކީއްކަން ހުދު އޭނައަށްވެސް ނޭންގެއެވެ. ލޯތްބަކީ މިހާވަރަށް މީހަކުދެކެ ހޭބަލިވާންޖެހޭ ޖަޒުބާތެއް ހެއްޔެވެ؟ ބަލަންހުންނަ މީހަކު ޒީނާއަކީ މޮޔައެއް ކަމަށްވެސް ގަބޫލުކުރާނެއެވެ. ޒީނާގެ ލޮލުން ފައިބަމުންދިޔަ ކަރުންތައް ޒީނާގެ ކޯތާފަތް ތެއްމާލިއެވެ. ޒީނާއަށް ލޯބި ވެވުނީ ކީއްވެހެއްޔެވެ؟ ލޯތްބަކީ މިހާ ވޭންދެނިވި ކަމެއް ހެއްޔެވެ.؟ ޒީނާ އަށް އެހާވަރުވާން ޖެހުނީ އިޒުވާންގެ ފަރާތުން ކޮންކަމެއް ފެނިގެން ހެއްޔެވެ.؟ އެންމެ ކުޑަމިނުން އެއީ ކާކުކަން، ކޮންތަނަކުން އައިސްގެންއުޅޭ މީހެއްކަން ޒީނާއަށް ނޭންގި އެވަރުގެ އަނިޔާއެއް ދޭން ކެރުނީ ކީއްވެހެއްޔެވެ.؟ ލޯތްބަކީ ވޭންދެނިވި ޖަޒުބާތެއް ހެއްޔެވެ؟ ލޯބިވުމަކީ ކުށެއްނަމަ ޒީނާ އެދަނީ އެލޯބީގައި ފަނާވަމުންނެވެ. މިފަދަ ލޯތްބެއްވުން ޒީނާ އަށް ޙައްޤުވާނެ ހެއްޔެވެ.؟

ޒީނާ ކަތުރު ނަގާ ހޫރާލީ އޭނަ ބޭނުންވާ ވަރަށް އިސްތަށިގަނޑުކޮށައި ހިތްހަމަޖެހޭ ވަރު ވުމުންނެވެ. އޭނަގެ ހިތުގެ އުދާސްތައް އިސްތަށިގަނޑަށް ވަރުކޮށްލެވުނީ އިސްތަށިގަނޑުގެ ކޮންކުށެއް އޮވެގެން ކަމެއް އެއީވެސް ނޭންގޭ ކަމެކެވެ. ބިންމަތީގައި އޮތްކަތުރަށް ބަލާލުމަށްފަހު ލޯގަނޑުން އޭނަގެ އަމިއްލަ ސޫރައަށް ބަލައިލިއެވެ. ޒީނާއަށް އަމިއްލަ ނަފުސަށްމަލާމަތްކުރެވުނެވެ. ކަރުނަތައް ފޮހެލަމުން ޒީނާ ފާހަނާއަށް ވަނުމަށް ހިނގައިގަތެވެ.

‘”އަހަރެންނޫން އެހެން މީހަކަށް އިޒުވާނެއް ނުލިބޭނެ” ޒީނާއަށް ބާރުބާރަށް ބުނެލެވުނެވެ. ޒީނާ އަށް ކިޔެނީ ކޮންމެހެން އޭނަ ބުނަންބޭނުންވާ އެއްޗެއް ނޫނެވެ. އިހްތިޔާރުން ބޭރުވެވެނީއެވެ. ނޭންގި ހުއްޓާ އިޒުވާނު އޭނަގެ އެހާ މުހިއްމު މީހަކަށް ވާންޖެހުނީ ކީއްވެހެއްޔެވެ؟ އެއީ ޒީނާގެ ކާކުކަން ޒީނާ މާނަ ކުރަނީ ކިހިނެއްކަން ހުދު ޒީނާވެސް ވިސްނާލަން އެންމެ ރަނގަޅުވާނެތާއެވެ.!!!

***

ހުކުރު ވަގުތު ފާއިތުވެގެން ދިޔައިރުވެސް ޒީނާ ކޮޓަރިއަކުން ނުކުންނާކަށް ނޫޅެއެވެ. ކާންހަދައިގެން އީމާއާއި ސަމާ ތިބީ ޒީނާގެ އިންތިޒާރުގައެވެ. ކުއްލިއަކަށް ޒީނާ ކޮޓަރީގެދޮރު ހުޅުވާލާފައި ނުކުތެވެ. އެދެމީހުންނަށްވެސް އެއްފަހަރާ ބަލައިލެވުނެވެ. ޒީނާ ހުރިގޮތްފެނިފައި އެދެމީހުންވެސް ތިބީ ފާޑަކަށް ބަސްހުއްޓިފައި ޒީނާއަށްބަލާށެވެ. ޒީނާ އެއްވެސް ވާހަކައެއްނުދައްކާ ތައްޔާރުވެގެން ނުކުތީ ޑިއުޓީއަށް ދިއުމަށެވެ. ޒީނާ ނުކުމެގެން ބޫޓަށް އަރައިގެން ނުކުތެވެ. ސަމާ ގޮވާލުމުންވެސް އެއްވެސް ޖަވާބެއްނުދީ ޒީނާ ނުކުމެގެން ދިޔައީއެވެ. އީމާއަށް އިނދެވުނި ބުނާނެ އެއްޗެއް ނޭންގިފައެވެ.

ޒީނާއަކީ ކިތައްމެ ގާތްކޮށް އުޅުނަސް ކަންތައް ހިއްސާކޮށް ވާހަކަތައް ދުލުން ބޭރުކުރާ ކުއްޖެއް ނޫނެވެ. ކޮންމެ ކަމެއް ދިމާވިޔަސް ކައިރީގައި އުޅޭ އެއްވެސް މީހަކާ އެވާހަކައެއް ހިއްސާއެއް ނުކުރާނެއެވެ. އެކަން އެންމެ ރަނގަޅަށް އެނގޭނެ އެކަކީ އީމާއެވެ. އެއްވެސް ކަމެއްވެގެން ސުވާލެއްކުރިނަމަވެސް ޒީނާގެ ފަރާތުން ޗުއްޕުވެސް ނުބުނާނެއެވެ. އީމާ ދެކޭ ގޮތުގައި ޒީނާ އަކީ އާދަޔާ ހިލާފު ކުއްޖެކެވެ. އެކުގައި އުޅުނަސް ޒީނާ އަކީ އެހެން ކުދިންނާއި ވަރަށް ތަފާތު މިޒާޖެއްގެ ވަރަށް އާދަޔާ ހިލާފުކުއްޖެކެވެ.

ޑިއުޓީ ފެށުމާއެކު ޒީނާ އިންތިޒާރު ކުރަމުންދިޔައީ އިޒުވާން ފެންނާނެ އިރަކަށެވެ. ކައުންޓަރުގައި ހުންނަ އިރު އަވަސް އަވަހަށް ބިއްލޫރިގަނޑުން ބޭރު ބަލާލެވެއެވެ. އިޒުވާނުގެ ހިލަމެއް ވޭތޯއެވެ. ނަމަވެސް އިޒުވާނުގެ ހިޔަނިވެސް ފެންނަވަރެއް ނުވިއެވެ. އިރު އޮއްސުމާއެކު އެއަރޕޯޓަށް ހަލަބޮލިކަން ވެރިވެގެން ދިޔައެވެ. ބޭރުތެރޭގައި ޗައިނާ ފަސިންޖަރުން ވަދެ އެއަރޕޯޓްތެރެ މުޅި ޓާރމިނަލްތެރެ ހިޞާރުކޮށްލިއެވެ. މުޅި ތަނަށްވެރިވެގެން ދިޔައީ އެމީހުންގެ ހަޅޭކުގެ އަޑާއި ހުނުމުގެ އަޑުފައްގަޑެވެ.. އިރުކޮޅެއް ނުވެ ޕިއްޒާ ކޮންޕެނީއަށް ވެސް އޭގެ ރޯޅި ވަންނަމުން ދިޔައެވެ. ޗައިނާ މީހުންތައް އައިސް ކައުންޓަރުގައި ފައްޗެއް ދަމާލިއެވެ.

ޒީނާ އަވަސްވެގަތީ އެމީހުންނަށް ޙިދުމަތް ދިނުމުގައެވެ. ޗައިނާމީހުންގެ އަޑުފައްގަޑު ގަދަވަމުން ދިޔައެވެ. ހީވަނީ ތަނަށް އީދެއް އައިސްގެން އުޅޭ ހެންނެވެ. ޕިއްޒާ ކޮންޕެނީގެ ދޮރު ހުޅުވިގެން ދިއުމާއެކު ޒީނާގެ ހިތަށް ފިނިކަމެއް ލިބިގެން ދިޔައެވެ. އިންތިޒާރުގެ ނިމުމަށް ދިރުމެއް ލިބުނީ އިޒުވާން އައިސް ވަންނަތަން ފެނުމުންނެވެ. އިޒުވާނާއެކީ އޭނައެކުގައި މަސައްކަތްކުރާ އެހެން ދެކުއްޖަކުވެސް އައިސް ވަނެވެ. ޒީނާ އަތްމަތި އަވަސްކޮށްލީ އިޒުވާނަށް ހިދުމަތް ދިނުމުގެ ގޮތުންނެވެ. އިޒުވާނުގެ ރީތި ހިނިތުންވުން ޒީނާއަށް ވާސިލްވެގެން ދިޔައެވެ. ލިބުނު އުފަލެއްގެ ބޮޑުކަމުން ޒީނާވެސް ލަދު ރަކި ހިނިތުންވުމެއް ފޮނުވާލިއެވެ. ސަފުގައި ޗައިނާ މީހުން ގިނަކަމުން އިޒުވާނަށް ފުދޭވަރެއްގެ ވަގުތުކޮޅެއް ސަފުގައި މަޑުކުރަން ޖެހުނެވެ. ޒީނާ ހަމައަށް ވާސިލްވުމަށް އިޒުވާން ޖެހުނީ ކެތްކޮށްލާށެވެ. ޒީނާ އަށް އެވަގުތުކޮޅުވެސް ހީވީ ޤަރުނެއް ފާއިތުވެގެން ދިޔަހެންނެވެ. އިޒުވާނުގެ މޫނު ކައިރިން ދެކޭ ހިތްވާވަރުން ކެތްމަދުވަނީއެވެ. ޒީނާގެ ހިތުގައި އިޒުވާނުގެ ތަސްވީރުވަނީ ބިންވަޅު ނެގިފައެވެ.

“ކޯއްޗެއްތޯ ނަންގަވާނީ؟” ޒީނާ މަޑުމައިތިރިކަމާއި އިޙްތިރާމާއެކު ވާހަކަ ދެއްކިއެވެ. އޭރުވެސް ޒީނާގެ ނަޒަރު ހުއްޓިފައިވަނީ އިޒުވާނަށެވެ. ޒީނާއަށް ކަޅި ޖަހާނުލާ އިޒުވާނަށް ބަލަމުން ދިޔައެވެ.

“ޒީނާއަށް އެންމެ މީރު ޕިއްޒާއެއް މިއަދު ޓްރައިކޮށްލަން ބޭނުންވަނީ.” އިޒުވާނަށް އެހެން ބުނެލި ވަގުތުވެސް ޒީނާގެ ހިތުގައި އިޒުވާނަށް ދެވުނު މަޤާމަށްވުރެ އިތުރު ޖާގައެއް ހުޅުވާލެވުނެވެ. އަވަސް އަވަހަށް ޒީނާއަށް އެންމެ މީރު ޕިއްޒާއަށް އޯޑަރު ޖެހުމަށްފަހު އިޒުވާނަށް ޝުކުރު އަދާކުރިއެވެ. އިޒުވާނު ފައިސާދިއްކޮށްލުމުން އިޒުވާނުގެ މޫނަށް ބަލަހައްޓައިގެން ހުރެއޭގައި ހިފިއެވެ. އިޒުވާނު ދިއްކޮށްލި ފައިސާގައި ހިފަމުން ޒީނާ އެ ނަގައި ކައުންޓަރުގެ އެއްފަރާތެއްގައި ބެހެއްޓުމަށްފަހު އޭނަގެ ޖީބުން ފައިސާ ނަގައި ޑްރޯވާއަށްލިއެވެ. އިޒުވާން ދިން ފައިސާވެސް ޒީނާއަށް ވީ ރަނަށްވުރެ އަގުބޮޑު އެއްޗަކަށެވެ. ބާކީ އިޒުވާނަށް ދިއްކޮލުމުން ލުއި ހިނިތުންވުމަކާއެކު އޭނަގެ ރައްޓެހިންނާއެކު އެތަނުގައި ހުރި ހުސް މޭއްޒެއްކައިރީގައި ޖައްސާލިއެވެ. އެމީހުން އިންތިޒާރު ކުރަމުން ދިޔައީ ޕިއްޒާ އަންނާނެ ވަގުތަކަށެވެ. ޒީނާ ހަމަ ރަނގަޅަށްވެސް އިޒުވާނަށް ހިތްދެވުނެވެ. ޒީނާގެ ހުރިހާ އަމަލުތަކުންވެސް އިޒުވާނަކީ އޭނަގެ ޙަޔާތަށް ވަރަށް މުހިއްމު މީހަކަށް ވެއްޖެކަން ކަށަވަރުވެގެން ދިޔައެވެ.

އިޒުވާނު ޕިއްޒާކައިގެންދަމުން ކައުންޓަރާއި އަރާހަމަވެފައި ޒީނާއަށް ގޮވާލިއެވެ. ޒީނާ ސިހިފައި ކަހަލަ ގޮތަކަށް އިޒުވާނަށް ބަލައިލިއެވެ. އިޒުވާންފެންނަ ކޮންމެ ފަހަރަކު ޒީނާއަށް ހީވަނީ މުޅިންވެސް އަލަށް މީހަކު ފެނިގެން ބަލާހެންނެވެ.

“ޕިއްޒާ ވަރަށް މީރު.. ނޮޓް އަ ބޭޑް ޗޮއިސް. މާދަމާވެސް އަންނާނަން ޕިއްޒާއެއް ކާލަން.” އިޒުވާނު ދޮރު ހުޅުވާލަމުން ޒީނާއަށް ރަނގަޅަށް ބަލާލިއެވެ.

“ތި ހެއަރ ސްޓައިލް ޒީއަށް ވަރަށްގުޅޭ.” އިޒުވާނުގެ ފަހު ޖުމުލަ ޒީނާގެ ހިތަށް އާދިރުމެއް ގެނުވިކަހަލައެވެ. އުފފަލުން ގޮސް ނަށައިގަންނަންވީބާއޭ ވެސް ހިތަންއެރިކަހަލައެވެ. ޒީނާ ލަދުރަކި ގޮތަކަށް ހިނިތުންވެލިއެވެ. ނޭންގި ނަމަވެސް އިޒުވާނަށް ބުނެވުނު އެއްޗަކުން ޒީނާއަށް އުފާވެރިކަން ލިބުނެވެ. ރުޅިއައިސްގެން ވެސް އިސްތަށިގަނޑު ކޮށާލެވުނީ ރަނގަޅު ކަމެއްކަމަށް ޒީނާގެ ސިކުނޑިއަށް ވިސްނުނެވެ. އިޒުވާނު އެތަންނުން ނުކުމެގެން ދާންދެން ޒީނާހުރީ އިޒުވާނަށް ގެއްލި ހުސްވެފައެވެ.

އިޒުވާނު ދިއުމުން ޒީނާއަށް އުޅެވުނު ގޮތްވެސް ނޭންގުނެވެ. ފުރަތަމަ ފަހަރަށް ނޭންގިހުއްޓާ މީހަކު ދެކެ ވެވުނު ލޯތްބެއް ޒީނާއަށް ބުނެދޭންވެސް ނޭންގުނެވެ. ޒީނާއަށް އެވަގުތުކޮޅުވެސް ވެގެން ދިޔައީ އެތަކެއް އުފާތަކެއް އެއްފަހަރާ ހާސިލް ކުރެވުނުކަހަލަ ވަގުތުކޮޅަކަށެވެ.

****

ދަންވަރުގެ ހަމަ ހިމޭންކަށް ވަނީ ވެރިފައެވެ. ގަޑިން ބާރަޖަހަން ކައިރިވަނީއެވެ. ޑިއުޓީ ނިންމާލުމަށްފަހު އިޒުވާން ފެނޭތޯ ޒީނާގެ ލޯ ކޮޅުކޮޅަށް ހޯދަންފެށިއެވެ. ނަމަވެސް އެކަންވީ ފޫނެއްފަޔަށް ފެންފުރުން ކަހަލަ ކަމަކަށެވެ. ސޭލްސް ނިންމާލުމަށްފަހު ޒީނާ ބަސް ސްޓޮޕަށް ދިޔައީވެސް އެންމެ ފުރަތަމަ އެ ސަރަހައްދުން އިޒުވާނެ ފެންނާނެކަމަށް އުއްމީދުގައެވެ. އެންމެ ފަހުފަހަރަށް ވެސް ޒީނާ ބޭނުންވީ އިޒުވާނުގެ ސޫރަ ދެކިލުމެވެ. އިޒުވާނާއި ބައްދަލުވާނެ ކަމުގެ ހުވަފެންތައް ދެކެމުންނެވެ. އެހެނަސް މުޅިން މާޔޫސްވެއްޖެއެވެ. ކޮންމެ ގޮތެއްވިއަސް ހިތްހަމަ ޖެހުމެއް ލިބުނެވެ. އެދުވަހުވެސް އިޒުވާނުގެ ރީތި ސޫރަފެނުނެވެ. އެ ހިތްގައި އަޑު ކަންފަތުގައި ޖެހުނެވެ. ވާހަކަ ދެއްކުނެވެ.

ބަހަށް އެރުމާއެކު ޒީނާ ގޮނޑީގައި ހަމަ ޖެހިލިއެވެ. ދަންވަރު ވަގުތުކަމުން ބަހުގައި މީހުން ފުދޭވަރަކަށް މަދެވެ. ގޮޑީގައި ހަމަޖެހިލުމާއެކު ފޯނު ނަގައި “ތްރީ ޖީ އޮން ” ކޮށްލިއެވެ. ފޭސްބުކު އެޕްލިކޭޝަނަށް ބަލާލުމަށްފަހު އިޒުވާނުގެ ނަން ފޭސްބުކް ސާރޗުގައި ފެނޭތޯ އަތްފުނާއަޅަން ފެށިއެވެ. އެތައް އިރެއްވަންދެން މަސައްކަތްކޮށް އެކަންވެސްވީ ބޭކާރު ކަމަކަށެވެ. މުޅިންވެސް ފެނުނީ އިޒުވާނުގެ ނަމުގައި ހުރި އެހެންމީހުންގެ އެކައުންޓްތަކެވެ. މާޔޫސްވެ ފޫހިކަންމަތީގައި އިންދާ ބަސް އައިސް ހުޅުމާލެ މައި ސްޓޮޕަށް ބަސްމަޑުކޮށްލިއެވެ. ބަހުން ފައިބައިގެން ވަކި ހިސާބަކަށް ދެވުނުތަނާ ސަމާގުޅަނީއެވެ. ނައިސްގެން ލަސްވީއެވެ.

“އަދި މިއައީ.. މިދަނީ ގެއަށްދާން..”

ޒީނާ ފޯނަށް ޖަވާބު ދިނުމަށްފަހު ފޯނު ދަބަހަށްލިއެވެ. ހުޅުމާލޭގެ މަގުތަކަށްވެސް ވެރިފައިވަނީ ހިމޭންކަމެކެވެ. ނަމަވެސް މަދު ފަހަރަކު ސައިކަލެއް ހުރަސްކޮށްލާތަން ފެނެއެވެ. ޒީނާ އާދައިގެ ހިނގުމެއްގައި ގެއަށްދިޔައިރު ސަމާ އިނީ ސޯފާގައި ޓީވީއަށް ގެއްލިފައެވެ. ސަމާގެ އިންތިޒާރުގައެވެ.

“ކޮބާ އީމާ؟”

ބޫޓު ބާލަމުން ޒީނާ ސްވާލުކޮށްލީ އީމާ ފެންނަންނެތުމުންނެވެ. ޒީނާ އައިގޮތަށް އައިސް ސޯފާއަށް ވެއްޓިގަތެވެ.

“މިއަދު ވަރަށް ބިޒީ ދޯ؟ އީމާ ދިޔައީ އޭނަ ބިޓު އައިސްގެން އުޅޭތީ އޭނައެއްކޮށް ބޭރަށް. މިރޭ އެ ނިލާމް އައިސްގެން ދިޔައީ. ބުނި ބޭރުން ކައިގެންނޭ އަންނާނީ. ހިނގާ ދޯ ކާން އުޅެން. މަވެސް މި އިންނަނީ ޒީ އައިމަ ނޫނީ ނުކައި ނިދަންވެސް ނުގޮސް. މާދަމާ ހެނދުނު ޑިއުޓީއަށްވެސް ދާންޖެހޭނެ..”

ޒީނާގެ އަތުގައި ހިފައިގެން ތެދުވަމުން ސަމާ ބުންޏެވެ. ޒީނާ ވެސް ސަމާއެކުގައި ތެދުވިއެވެ. ދެ މީހުންވެސް ތިބީ ނިންޖާ ހަލާކުވާން ކައިރިވެފައެވެ.

ކާން އިންސާފުކުރަމުން ސަމާ ބޭނުންވި ޒީނާގެ ބޯކޮށާލީ ކީއްވެތޯ ސްވާލުކުރާށެވެ. އެދުވަހު ރުއީ ކީއްވެތޯވެސް ސްވާލުކުރަން ސަމާ ބޭނުންވިއެވެ. ނަމަވެސް ޒީނާ ބުނާނެ އެއްޗެއް ނޭންގޭތީ އޭނަގެ މޫނަށް ބަލަހައްޓައިގެން ކަމުން ދިޔައެވެ. އެއްވެސް ކަމަކާއި ގުޅޭގޮތުން ޒީނާ ކުރެއް އެހިޔަސް އޭނަގެ ފަރާތުން އެކަށީގެންވާ ޖަވާބެއް ނުލިބޭނެއެވެ. އެކަން ސަމާއަށް އެނގި ހުރެވެސް ސަމާ ވާހަކަ ދައްކަންފެށިއެވެ.

“މިއަދު ޒީ ކީއްވެ ރުއީ؟ ބޯ ވެސް ތިހުރީ ކޮށާލާފަ! ކިހިނެއްތަ ވީ؟”

“ބުނަން ރަނގަޅު ވާހަކައެއް. ބޭކާރު ސްވާލު ނުކުރޭ. ސަމާއަށް ހަމަ ރަނގަޅަށް އެނގޭނެ މަ އެއްވެސް ވާހަކައެއް ދައްކަން ބޭނުން ނުވާނެކަން.”

ޒީނާ ހިތްހަމަ ނުޖެހިފައި އިނދެ ޒާތތެއްގެ ރާގެއްގައި ޖަވާބުދިނެވެ. ސަމާއަށް ވިސްނުނީ ދެން އިތުރަށް އެކަމާއި ގުޅޭގޮތުން އެއްވެސް ސްވާލެއް ނުކުރުމަށެވެ. ސަމާވެސް ކައިގެން ތަށިތައް ދޮވެ މޭޒުމަތި ސާފުކޮށްލުމަށްފަހު ގޮސްވަނީ ކޮޓަރިއަށެވެ.

ޒީނާވެސް ކައިނިމިގެން ކޮޓަރިއަށްވަނުމަށް ހިނގައިގަތެވެ. މޭޒުމަތީގައި އޮތް ފޯން ރިންގްވާން ފެށުމުން ޒީނާ ފޯނަށް ބަލައިލިއެވެ. ސަމާގެ ފޯނު އޮތީ މޭޒުމަތީގައެވެ. އެ ފޯނަށް ގުޅަނީ ސަމާގެ ހަޔާތުގެ ބައިވެރިޔާ އަޒުލީމެވެ. އަޒުލީމްގެ ނަން ފެނުމާއެކު މޫނަށް ގޮތެއް ހަދާލިއެވެ. ފޫހިގޮތަކަށް މޫނުހަދައިގެން ހުރެ މޭޒުމަތީގައިއޮތް ފޯނު ނެގިއެވެ. ފޯނު ހިފައިގެން ގޮސް ސަމާގެ ކޮޓަރީގައި ޓަކިދިނެވެ. އިރުކޮޅެއްނުވެ ސަމާ ދޮރުހުޅުވިއެވެ. އެއްވެސް އެއްޗެކޭ ނުބުނެ ސަމާއަތަށް ފޯނު ދިނުމަށްފަހު ޒީނާ ގޮސް ކޮޓަރިއަށް ވަނެވެ.

“ވަރަށް ފޫހި މީހެއް.”

ޒީނާ ކޮޓަރިއަށް ވަންނަމުން ބުންޏެވެ.

ކޮޓަރިއަށް ވަނުމަށްފަހު ލައިގެން ހުރި ހެދުން ބަދަލުކޮށްލައިގެން ޒީނާގޮސް އެނދުގައި ޖައްސާލިއެވެ. ފޯނު އަތަށް ނަގައިގެން ޒީނާ އަނެއްކާވެސް މަސައްކަތްފެށީ ފޭސްބުކުން އިޒުވާންގެ އައިޑީ ފެނޭތޯއެވެ. އެތައްމަސައްކަތަށްފަހު ކުރި މަސައްކަތްވީވެސް ބޭކާރެވެ. ޒީނާ ބޭނުންވަނީ ކޮންމެ ގޮތެއް ހަދައިގެން ނަމަވެސް އިޒުވާންގެ ޙަގީޤަތް ހޯދުމެވެ. މީހަކު ދެކެ ލޯބި ވެވިއްޖެ ނަމަ ކޮންމެ މީހަކުވެސް އެ ލޯބި ކާމިޔާބުކުރަން ކުރެވެން ހުރި ހުރިހާ މަސައްކަތެއް ކުރާނެއެވެ. ނުފޮރުޅާ އެންމެ ގާކޮޅެއްވެސް ނުބާއްވާނެއެވެ. ޙުދު ޒީނާވެސް ބޭނުންވަނީ އިޒުވާންގެ ޙަގީޤަތް ހޯދާށެވެ.

“ތި ހެއަރ ސްޓައިލް ޒީއަށް ވަރަށްގުޅޭ.”

އިޒުވާނުގެ އެޖުމުލަކޮޅު ޒީނާއަށް އިވުނު ކަހަލައެވެ. އެންމެ އުފާވެރިކަމެއް ލިބުނީ “ޒީ’ އޭ ކިޔާލާފައި މުޙާތަބުކުރުމުންނެވެ. ޒީނާ އަށް އެ ލޯބި ޙައްޤުވިޔަސް އަދި ނުވިކަމުގައިވިނަމަވެސް ޒީނާއަށް އިޒުވާނު ދެކެ ލޯބި ވެވިއްޖެއެވެ. އެ ލޯތްބަށް އެދެވެން ފެށިއެވެ. އެ ލޯތްބަށް ހިތްކިޔައިފިއެވެ. ހިތް އެދެނީ އެ ސޫރަދެކޭށެވެ. ދުވަހަކުވެސް މީހަކު ދެކެ ނުވި ލޯތްބެއް އިޒުވާން ދެކެ ވެވިއްޖެއެވެ. އެ ލޯތްބަށް ދީވާނާވަމުން ދިޔައެވެ. ނޭންގި ނަމަވެސް މިވެވުނީ ޙަގީޤީ ލޯބިކަން ޒީނާއަށް އިޙްސާސް ކުރެވިއްޖެއެވެ. މިއީ އެބުނާ ޙަޤީޤީ ލޯބި ބާވައޭވެސް ޒީނާގެ ހިތް ބުނަމުން ދިޔައެވެ.

ޒީނާ އެނދުން ތެދުވީ ކަމެއް ހަނދާންވެގެންނެވެ. ޒީނާގޮސް ޑްރެސިންޓޭބަލް މަތީގައި އޮތް އަތްދަބަސް ނެގިއެވެ. ދަބަސް ނަގައި މޭގައި ޖައްސާލުމަށްފަހު ލުއި ހިނިތުންވުމަކާއެކު އަނެއްކާވެސް ޑްރެސިން ޓޭބަލް މަތީގައި ބޭއްވިއެވެ. ދަބަހުގެ ޒިބު ކަހާލުމަށްފަހު ދަބަހަށް އަތްކޮށްޕާލުމަށްފަހު އިޒުވާން ދިންރުފިޔާތަށް ނަގައި ނޭފަތުގައި ޖައްސާލަމުން އޭގައި ވަސްބަލާލިއެވެ. ޒީނާގެ އަމަލުތަކުންވެސް އިޒުވާނަށް ދެވިފައިވާ ލޯތްބާއި ކުލުނު ހާމަވެގެން ދިޔައެވެ. ޒީނާއަށް އިޙްސާސްކުރެވުނީ އިޒުވާނުގެ ބިޔަ ހަށިގަނޑުގެ ވަސް ޖެހުނު ހެންނެވެ. ޒީނާ އެވަނީ ހަމަ ރަނގަޅަށްވެސް އިޒުވާންގެ ލޯބީގައި އާވާރާވެފައެވެ. އެކަން ވަރަށް ރަނގަޅަށްވެސް ހާމަވެގެން ދިޔައެވެ.

***

“ހުރިހާ ކަމެއްވެސް ހާމަވެއްޖެ. އިޒުވާން އަހަރެން ގާތު ނުބުނެވޭ ވަރު ވާހަކައެއް ހިއެއްނުވޭ އޮންނާނެހެން. މިހެން އުޅޭތާ ތިން އަހަރު މިވަނީ. އިޒުވާން ތިވަނީ ލޯތްބެއްކަމެއް ހޭބަލިވުމެއްކަމެއްވެސް މިހާރު އަހަނަކަށް ނޭންގޭ. އިޒުވާން ޖަހާހާ ބެރަކަށް ނަށާކަށް ހައު އެއްނުހުންނާނަން.”

މަންހަޓަން ފިޝް މާކެޓްގައި ވާހަކަ ދައްކަމުން ދިޔަ ހައުލާ ވާހަކަ ދައްކަމުން ދިޔައިރު އަނގަޔަށް ކާއެތިކޮޅެއް ލަމުން ދިޔައެވެ. އޭރުވެސް އެތާގައި އެތައްބަޔަކު ކެއުމަށް އިންސާފު ކުރަމުން ދިޔައެވެ. ހުޅުމާލޭގައި ހުންނަ އެތަނަކީ މިހާރު ދިވެހިންގެ ތެރޭގައި އެންމެ މަޤުބޫލު އެއް ރެސްޓޯރަންޓެވެ. ސީފުޑްގެ މީރު ރަހަތަށް އިންސާފުކޮށްލުމަށް އެއީ މިހާރު އެންމެ މަޤުބޫލު ތަނެވެ.

ހައުލާ އަކީ އާދައިގެ ވަރަކަށް ޗަބީކޮށް ހުންނަ ބުރުސޫރަ ރީތި ކުއްޖެކެވެ. މޫނުގައި ޖައްސާފައިހުރި ވަރުގަދަ މޭކަޕުންވެސް ހައުލާގެ ރީތިކަމަށްވަނީ އިތުރު ފުރިހަމަކަމެއް ގެނުވާފައެވެ. ޖެހެމުން ދިޔަ މަޑުވައިރޯޅި ހައުލާގެ ފަން އިސްތަށިގަނޑާއި ސަމާސާކުރަމުން ދިޔައެވެ. އޭނާލައިގެން އިނީ ކަޅުކުލައިގެ އަތްކުރު ޓޮޕެކެވެ. ޓޮޕްކޮޅުގެ މޭމަތީގައި ރަތްކުލައިގެ ހިތެއް ހަރުކޮށްފައި ހުއްޓެވެ. ލައިގެން އިން ބާރު ހުދު ޖިންސުން އޭނަގެ ފައިގެ ވަނާތަށް ފާޅުވަމުން ދިޔައިރު ހައުލާ އަރައިގެން އިނީ ކަޅުކުލައިގެ ބޫޓަކަށެވެ. އަޅައިގެން އިން ހެދުމުންވެސް ހައުލާ އަކީ ހެދުން އެޅުމުގައި ތަފާތު ސްޓައިލެއް ގެންގުޅޭ ކުއްޖެއްކަން ހާމަ ވެގެން ދިޔައެވެ.

ހައުލާއާއި އިޒުވާން ލޯބީގެ ގޮތުން ގުޅިގެން އުޅޭތާ ތިން އަހަރުވެފައިވީ ނަމަވެސް އަބަދުވެސް މައްސަލަ ޖެހި ދެމީހުން ޒުވާބު ނުކުރާ ދުވަހެއް މަދުވާނެއެވެ. ހައުލާ ކޮންމެ އެއްޗެކޭ ބުންޏަސް އިޒުވާން ބަލަނީ ރައްދެއް ނުދީ ހަނުހިމޭނުން ހުރެވޭތޯއެވެ. ހައުލާގެ ވާހަކަތަކުންނާއި މޫނަށްއަރާފައިބަމުންދިޔަ ކުލަވަރުތަކުން ކޮންމެވެސް ކަމަކާއި ހިތްހަމަ ނުޖެހިފައިވާކަން އެނގުނެވެ. އިޒުވާން އެއްވެސް އެއްޗެކޭ ނުބުނެ ކާއެތިކޮޅު ކެވޭތޯ މަސައްކަތްކުރަމުން ދިޔައެވެ. އިޒުވާން އެއްވެސް ވާހަކައެއްނުދައްކާ އިނުމުން ހައުލާ ލާނެއްފާޑަކަށް އިޒުވާނަށް ބަލަން ފެށިއެވެ. ހައުލާ އެގޮތަށް ބަލަން ފެށުމުން އިޒުވާނަށްވެސް ނީންދެވުނެވެ.

“މިހާރު ދެން ތިއީ ކޮންކަމެއް. އަބަދު އެއްވާހަކަތަކެއް. އަހަރެންބުނީމެންނު ވަގުތު ޖެހުމުން މެރީ ވެސް ކުރާނަމޭ. ހައުލާ ގެ ކަމަކަށް އޮންނާނީ އަބަދު އަބަދު ޝަކުވާކުރުން. މިހެން ތަނެއްގަ އައިސް ލޯބިން ކާއެތިކޮޅެއްވެސް އަނގަޔަށް ލެވޭކަށް ނޯވޭ. ލޯބިން ވާހަކަ ދައްކާލި ދުވަހެއް ހަނދާނެއްވެސް ނެތް. ކޮންމެވެސް އެއްޗެއް ކިޔައިގެން ޝަކުވާ ފޮށި ހުޅުވާލާނެ. ޒުވާބެއް ނުކޮށް ހައުލާއަށް ހިތްހަމަ ޖެހުމެއްވެސް ނުލިބޭނެ. މެރީ ނުކުރެވިގެން ތިވަރުތަކެއް އަރުވާކަށް ނުޖެހޭ. ހައުލާ ހިތަން އަރަނީ ހައުލާ ވެސް ތެޅޭ ވައްތަރަށޭ އެހެން މީހުންވެސް އުޅޭނީ.. މިހެންވެސް ބުނެފިއްޔާ މީހާ އަރާނީ ރަތަށް..”

އިޒުވާނު ބުނަން ބޭނުންނުވާ އެތައް ވާހަކަތަކެއް ހައުލާދިމާއަށް އަމުނާލިއެވެ.

ހައުލާ އައި ރުޅީގައި އަތުގައި އޮތްއުލާ ސަމުސާ ތަށީތެރެއަށް ޖެހިއެވެ. ހައުލާގެ އަމަލުތަކުން އިޒުވާން ހިތްހަމަ ނުޖެހުނެވެ. އޭރު ޖެހިގެން ތިބި މޭޒުގައި ކެއުމަށް އިންސާފުކުރަން ދިޔަ ބަޔަކު ހައުލާގެ އެމަންޒަރު ފެނިގެން ބަލަމުން ދިޔައެވެ. ހަމަ އެވަގުތު އިޒުވާނަށްވެސް އެމީހުންނަސް ބަލާލެވުނެވެ.

“އަޗި.. މަ ދޯ ވައްތަރު ވައްތަރަށް މިއުޅެނީ. އިޒުވާން ތި އުޅެނީ ވަރަށް ތާހިރުއުޅުމެއް. މަ ނެތިން އެއްވެސް ވާހަކަތަކެއް ދައްކާކަށް. ތި މިހާރު އިޒުވާނަށް ވިސްނޭގޮތް. އަބަދު އެއްވާހަކަ މަ ދޯ މިދައްކަނީ.. އަހަރެން ނެތީމޭ އިޒުވާންގެ ހެޑޭކަށް ވެގެން އުޅޭކަށް.. މިހެން މަށަށް ވަރަށް ކެތް ކުރެވިއްޖެ. ހިތަށް ނާރައްޗޭ އަހަރެން މިހެން މިއުޅެނީ މީހުން ނުވާތީއޭ. ކަލޭ ހީކުރީތަ ހައުލާ މިހެން ހުންނާނެޔޭ. އިޒުވާނަށް އަދި މިހައުލާގެ އަސްލު ސޫރަ ނޭންގޭތީ ތިހެން ތި ތެޅެނީ. މިހެން މަވެސް ވަރަށް ކެތްކޮށްފިން. މަ ބަލާނަމޭ ކަލެއަށް އުފަލުގައި އުޅެވޭތޯ. ހަނދާންކުރާތި ލާހިކެއްނޫން ދުވަހަކުވެސް އުފަލުގައި އުޅޭކަށް. އޭރު ކަލެއަށް ފެނުނީ ރީތި ބަގީއްޗާއެއްގައި ފޮޅިފަ އިން ހަމަ އެންމެ ފިނިފެންމަލެއް. ދެން މަ ކަލެއަށް ދައްކާލާނަށް އަނދައަނދާހުންނަ އަލިފާނުގެ ހޫނުކަން. އަނދަ އަނދާ ހުންނަ އަލިފާނަކީ ކިހާ ހޫނު އެއްޗެއްކަން ނިކަން ރަނގަޅަށް ކަލެއަށް އަނގާލާނަން…….”

ފަތި ފައްޗަށް ހައުލާގެ ބަހުގެ ހަމަލާތަށް ދެމުން އިށީންދެގެން އިންގޮޑި ވެސް ޖަހާ ހޫރާލިއެވެ. ހައުލާގެ އެ އަމަލުތަކަކީ އިޒުވާނަށް އާކަންތައްތަކެއް ނޫނެވެ. ހައުލާގެ ބަސްމޮށުންތެރިކަމާއި އޭނަގެ އަމަލުތަކުންވެސް އޭނައަކީ ނުގުޑާފަދަ ވަރުގަދަ އަޒުމެއްގައި ހުންނަ އަންހެނެއްކަން އެނގިގެން ދިޔައެވެ. ނަމަވެސް އެފަދަ މާހައުލެއްގައި ހައުލާގެ އަމަލުތައް ހުރިގޮތުން އިޒުވާން އިންތިހާއަށް ހައުލާދެކެ ފޫހި ކުރުވައިފިއެވެ.

ހައުލާ އަކީ ރުޅިގަދަ ރުޅީގެ މައްޗަށް އަމިއްލަ ނަފުސްކޮންޓްރޯލް ކުރަން ނުދަންނަ ކުއްޖެއްކަން އޭނަގެ އަމަލުތަކުން ވެސް ހާމަ ވެގެން ދިޔައެވެ. ހައުލާ ދިއުމުން އިޒުވާންބެލީ ހަމަޖެހިލައިގެން ކެވޭތޯއެވެ. ހައުލާގެ އަމަލުތަކާއި އުޅުން އެއީ އިޒުވާނަށް މުޅިންވެސް ފެނި ބާވެފައިވާ ކަންތައްތަކެވެ. އެހެންކަމަށް ވާނަމަ ހައުލާގެ ފަހަތުން އާދޭސްކުރަން އިޒުވާނު ދާނެތާއެވެ. ހައުލާ ރުއްސަން އިޒުވާން ބޭނުންވެސް ނުވިއެވެ. އިޒުވާން ހަމަޖެހިލައިގެން ކައިގެން ބިލަށް ފައިސާ ދެއްކުމަށްފަހު އެތަނުން ނުކުތެވެ.

***

“މަށަކަށް ހިއެއް ނުވޭ ޒީނާ މިހާރު އެހާ ރަނގަޅުހެން”

ސަމާ ވާހަކަދައްކަމުން ދިޔައީ އޭނަގެ ލޯބިވެރިޔާ އަޒުލީމުގާތުގައެވެ. އެމީހުން ތިބީ ހުޅުމާލެ އަތިރިމަތީ ސަރަހައްދެގައި ވާހަކަ ދައްކާށެވެ. ސަމާ އިނީ އަޒުލީމުގެ ކޮނޑުގައި ބޯއަޅައިލައިގެން ދޮންވެލިގަނޑުމަތީ އިށީންދެލައިގެންނެވެ. އެރެއަކީ ހަނަދުވަރުދޭ ރީތި ރެއެކެވެ. އުޑުގައި ފުދޭވަރަކަށް ތަރިތައް ފިޔަޖަހަމުން ދިޔައެވެ. ޖެހެމުންދާ ފިނި ވައިރޯޅިން އެކަމުގެ އިޙްސާސް ކުރުވައެވެ. އަޒުލީމް އޭނަގެ ކަނާއަތުން ސަމާގެ އަތުގައި ފިރުމާލަމުން ދިޔައެވެ. އަޒްލީމްގެ ހަރަކާތްތަކަށް ސަމާ އިނީ ހިތްހަމަ ޖެހިލައިގެންނެވެ. އެކަން ސަމާގެ މޫނުމަތިން ފާޅުވަމުންދިޔަ ހިނިތުންވުން ފުދޭނެއެވެ.

“ޒީނާގެ ވާހަކަ ނުދައްކާ. މަ އެހާ ގަޔާވާ މީހެއްނޫން އެއީކީ..” އަޒުލީމުގެ ވާހަކަތަކުން ސަމާގެ މޫނުގެ ކުލަވަރު ބަދަލުވެ ހިނިތުންވުން ގެއްލުނެވެ. އަޒުލީމްގެ ކޮނޑުމަތިން ބޯ ހިއްލާލަމުން އަޒުލީމުގެ މޫނަށް ބަލައިލިއެވެ. މާނައިން ފުރިގެންވާ ގޮތަކަށެވެ.

“މަ ދެން ކާކުގާތު މިވާހަކަ ދައްކަން ވީ؟ އަހަރެން ވާހަކައެއްވެސް ޝެއަރ ކޮލަން ހުރި މީހަކީ ތީ.. އަޒުލީމް ހިތްހަމަ ނުޖެހޭކަން ތިހެން ކުރިންވެސް ބުނޭ. ސަބަބެއް ނޭންގޭ. ރީއްޗަ ޒީނާގެ ވާހަކަ ނުދައްކާށޭ ބުނެބަލަ. ދެން އަހަރެން ޒީނާގެ އެއްވެސް ވާހަކައެއް ނުދައްކާނަން. އަބަދުވެސް އަޒުލީމް ތިހެން ބުނާތީ ހީވަނީ ކަމެއް ސިއްރުކުރަން އުޅެނީހެން. ދޮގެއްތަ މިބުނީ..”

ސަމާ ހިތްހަމަ ނުޖެހުނެވެ. އެއި އަބަދުވެސް އަޒުލީމުގެ ވާހަކަ ހުންނަ ގޮތެވެ. ޒީނާ އޭ ބުނެފިނަމަ އަޒުލީމްގެ ވާހަކައިގެ ރާގު ބަދަލުވާނެއެވެ. ނަމަވެސް އެރޭ އެގޮތަށް ވާހަކަ ދެއްކުމުން ސަމާވެސް ހިތްހަމަ ނުޖެހުނެވެ. ނަމަވެސް އެރޭ ސަމާ އެވާހަކަ ދެއްކީ ކޮންމެހެން އަޒުލީމް ހިތްހަމަ ނުޖެހިދާނެތީއެއް ނޫނެވެ. ޒީނާ ދޭތެރޭ ވިސްނެތީއެވެ. އަޒުލީމުގެ ވާހަކަތަކުން އަބަދުވެސް ސަމާއަށް ވިސްނެނީ ޒީނާގެ ކަމެއް ނޫނީ ކަންތައްތަކެއް އަޒުލީމު ސިއްރުކުރަނީ ކަމުގައެވެ. އެހެނަސް ދުވަހަކުވެސް ސަމާއެކަމާ ގުޅޭގޮތުން ސްވާލުކޮށްގެން އެކަމުގެ ޙަޤީޤަތް ހޯދަން މަސައްކަތެއް ނުކުރެއެވެ. މައްސަލަ ޖެހެން ސަމާ ބޭނުން ނުވަނީއެވެ. ސަބަބަކީ އަޒުލީމް ދެކެ ސަމާ އިންތިހާއަށް ލޯބިވާތީއެވެ. އަޒުލީމް ސިއްރުކުރާކަމެއް ހޯދަން ސަމާ ބޭނުން ނުވަނީ ވެސް އެހެންވެގެންނެވެ.

****

“ސިއްރެއް ނުކުރަން. އަހަރެން އަބަދުވެސް އީމާދެކެ ލޯބިވޭ..”

ނިލާމް ގަމީހުގެ ގޮށްތައް އަޅުވަމުން އެނދުގައި އޮތް އީމާއަށް ބަލާލިއެވެ. އީމާ އެނދުން ތެދުވަމުން އެނދު މަތީގައި އޮތް ޓީޝާޓް ބޯމަތިން ވައްޓާލަމުން ގަޔަށް ހެޔޮވަރުކޮށްލިއެވެ. އީމާ އެނދުން ތެދުވެގެން އައިގޮތަށް އައިސް ނިލާމް އަޅުވަމުން ދިޔަ ގޮށްތައް ނައްޓަންފެށިއެވެ. ނިލާމް އޭނަގެ ހަރަކާތަށް ހުއްޓުނެވެ. އީމާ ކައިރިވަމުން ދިޔަ ވަރަކަށް އޭނަގެ ހޫނު ނޭވާ ނިލާމުގެ މެއަށްވެސް އެއިހްސާސްކުރަން ފެށިއެވެ. ނިލާމް މަޑުމަޑުން އީމާގެ ދަތްދޮޅީގައި ހިފާލިއެވެ. އީމާއަށް މަސްތީގޮތަކަށް ނިލާމުގެ މޫނަށް ބަލާލެވުނެވެ.

ނިލާމް މަޑުމަޑުން އީމާގެ މޫނުގެނެސް ކައިރިކޮށްލިއެވެ. ނިލާމް އެ މަސްތީ ހާލުގައި އީމާގެ ތުންފަތުގައި ބޮސްދެވުނެވެ. އީމާއަށް އޭނަގެ ދެއަތް ނިލާމްގެ ކަރުގައި ވަށާލެވުނެވެ. ނިލާމް މަޑުމަޑުން އީމާގެ އުނަގަނޑުގައި ހިފަމުން އީމާ އުރާލިއެވެ. ފަސްފަހަތަށް ދަމުން ގޮސް އެނދުމައްޗަށް ވެއްޓިގަތެވެ. ދެ ޖިސްމުއެކަތިގަނޑަކަށްވެ މަސްތީ ހާލުގައި ޤަރަގުވަމުން ދިޔައެވެ.

*****

ހިނގާދާން. ޒީނާ އުޅޭނެ ލަސްވެގެން. މިއަދު މީ އޭނަގެ އޮފްދުވަސް. ގިނައިރުވަންޏާ އޭނަ އެކަނިވާނެ.. ދެން ހިނގާދާން..” ގައިން ވެލިފޮޅަމުން ސަމާ ތެދުވިއެވެ. އަޒުލީމް ހިތްހަމަ ނުޖެހުނަސް ޖެހުނީ ތެދުވެގެން ދާށެވެ. ސަމާގެ އަމަލުތައް ހުރިގޮތުން ފޫހިމޫޑެއްގައި ހުރެ އަޒުލީމްގޮސް ސައިކަލަށް އެރިއެވެ. ސަމާ ސައިކަލަށް އެރުމުން ސައިކަލް ދުއްވާލީ ގެއަށް ދިއުމަށެވެ.

***

“ބަލާއެއް. މަމީ އޭނަ ކުޅެން ގެންގުޅޭ ބުދެއްތަ؟ ހުވާ މިކުރީ ލާހިކެއްނޫން އިޒުވާނަށް މަ ނޫން އެހެން މީހަކާ އިނދެގެން އުޅޭކަށް. ހިތަން އަރާ ކަންކަށިމަތީ ޖެހިޖެހީނުންދަތްތައް އެތެރެއަށް ދުއްވާލާނަމޭ. އޭރުން ހުންނާނެ އެންނު ރާބޮވިފަ. ހުވާ މަށަށް ޖެހިފަ މިއޮތީ ބޮޑު ބަލާއެއް..” ގެއަށް އައިސް ވަނުމާއެކު އިޒުވާނުދެކެ އައިސްފައިވާ ރުޅިގަނޑު ބާލަން ފެށިއެވެ.. ހައުލާ އައިސް ގޮވާލި ހުތުރު ބަސްތައް އަޑުއަހަން ހައުލާގެ މަންމައަށް އިނދެވުނީއެވެ. އޭރު ހައުލާގެ މަންމަ ޖަމީލާ އިނީ ކެރޮޓްކޮޅެއް ކޮށަން މޭޒުކައިރީގައި އިށީންދެލައިގެންނެވެ.

ގޭތެރެއަށް ނަޒަރު ހިންގާލުމުން އެއީ ވެސް ތަނަވަސް ދިރިއުޅުމެއް އުޅެމުންދާ ބައެއްކަން އެނގިގެން ދާނެއެވެ. އަގު ބޮޑު ފަރުނީޗަރުތަކާއި ފާރުގައި ޒީނަތްތެރިކުރުމަށް ހަރުކޮށްފައިވާ ތަސްވީރުތަކުން އެކަން ހެއްކަކަށް ފުދޭނެއެވެ. ހައުލާގެ އަޑުޖެހުމުން ޖަމީލާ ކުރަންހުރި މަސައްކަތް ހުއްޓާލިއެވެ.

‘ސާބަހޭ ދަރިފުޅާ ސާބަސް. ދަރިފުޅު ވެއްޖެއެންނު އިޒުވާންގެ ކިބައިން ސަލާމަތްވާން. ގެއަށް އަންނަ ކޮންމެ ފަހަރަކު ތި ހުރިހާ ހާސަރުތަކެއް ނުގޮވާ ތިކަމުން މިންޖުވާން ވެއްޖެ އެންނު. މަންމައަށް އަޑު އިއްވާކަށް ކޮންމެ ދުވަހަކު އައިސް ތި އެއްޗެހިތަކެއް ކިޔާނެ ކަމެއް ނެތް. ދަރިފުޅު ތިހެން މަޑުން ތިހުންނަނީ ކީއްކުރަން.. ތި ކިޔާއެއްޗެއް ގޮސް އޭނަ ދިމާއަށް ކިޔާބަލަ” ޖަމީލާ ވެސް ބެލީ ހައުލާއަށް ވިސްނޭގޮތަކަށް ވާހަކަ ދެއްކޭތޯއެވެ. ހައުލާ ވާހަކަ ދެއްކި ގޮތުން ކުއްވެރިވަނީ އިޒުވާނު ކަމެއް ނޫނީ އޭނަކަމެއް ނޭންގެއެވެ. ޖަމީލާ ދެއްކި ވާހަކަ އެއްވެސް ދެއްކީ ހައުލާއަށް ރަނގަޅަކަށެވެ.

“ބަލާއެއް މި ބުނީއެންނު އެއީ ހަމަ ބޮޑު ބަލާއެއް.. ހިތަން އަރާ ކަރަށް ފިތާލާނަމޭ. އެހެންޏަ މި އާލާތުންގެ އޮންނާނީ ހިތެއްގެ ބަދަލުގަ ކޮންކްރީޓް އެތިގަނޑެއް ވިއްޔަ. މި އުޅޭ ފިރިހެނުންނަކީ ހާދަ ސުންޕާބައެކޭ.. ހުވާ މިކުރީ ލާހިކެއްނޫން އޭނައަށް އުފަލުގައި އުޅޭކަން. ދުވަހަކު އުފަލުގައި އުޅުނަވެސް ނުދޭނަން..” ހެއްދެވި ނެހެއްދެވިއަށް ގޮވަމުން ހައުލާ ގޮސްވަނީ ކޮޓަރިއަށް ވަންނަމުން ދޮރު ބާރަށްޖެހިއެވެ. ޖަމީލާ ބުނާނެ އެއްޗެއް ނޭންގި ބަސް ހުއްޓިފައި އިނެވެ. ހައުލާ އަކީ އޭނަ ބުނާބަހުގައި އިތުބާރު ހިފަހައްޓާ، ކުރަން ބޭނުން ކަމެއް ވިސްނާނުލާ ކުރަން ޖެހޭ ކަމެއް ކުރަން ޖެހުނަސް ފަސްޖެހޭނެ ކުއްޖެއް ނޫނެވެ. ހައުލާ ގޮވާލި ހުރިހާ ވާހަކަތަކެއް ބޭރުގައި ހުރި އިޒުވާނަށް އަޑުއިވުނެވެ. ބޯހޫރާލަމުން އިޒުވާންއެތަނުން ދިއުމަށް ހިނގައިގަތެވެ. ހައުލާގެ ގޮތް އެނގޭތީ އިޒުވާން އެކަންތައް މާ ބޮޑު ކަމަކަށް ނުހެދިއެވެ.

***

ސަމާ އާއި އަޒުލީމް އެޕާޓްމަންޓަށް އާދެވުނު އިރު ޒީނާ ފޯނަށް ގެއްލިފައި މޭޒުކައިރީގައި އިށީންދެލައިގެން އިނެވެ.. އިރުކޮޅެއް ނުވެ އީމާވެސް ކޮޓަރިން ނުކުތެވެ. އީމާގެ ފަހަތުން ނިލާމް ވެސް ކޮޓަރިން ނުކުތެވެ. އެގޭ ތެރޭގައި ކޮންމެ މީހަކަށްވެސް އެމީހަކު އުޅޭނެ ގޮތަކަށް އުޅުމުގެ މިނިވަންކަން އޮވެއެވެ. ލާނެއްގޮތަކަށް ހެމުން ނިލާމް ނުކުމެގެން ދިޔައީއެވެ. އީމާވެސް ނިލާމް ދިއުމުން ޕްރިޖުން ފެންފުޅިއެއް ހިފައިގެން ގޮސްވަނީ ކޮޓަރިއަށެވެ. އޭރުވެސް ޒީނާ ފޯނަށް ގެއްލިފައި އިނެވެ. އަޒުލީމް ވަތްގޮތަށް ސޯފާގައި އިށީނެވެ. އިށީން ގޮތަށް އަޒުލީމްގެ ނަޒަރުގޮސް ހުއްޓުނީ ޒީނާއަށެވެ. ޒީނާއަށް ނަޒަރު ހިންގާލަމުން އަޒުލީމްގެ ކަޅި ގޮސް ހުއްޓުނީ ޒީނާގެ ފަލަމަސްގަޑަވެ. ޒީނާ އިނީ ކުރިމަތީހުރި ގޮޑިއަށް ފައި ނަގައިގެން ފައިވެސް ދަމާލައިގެންނެވެ.

“އެބަ އަންނަ ފައި ދޮވެލައިގެން” ސަމާ ކޮޓަރިއަށް ވަންނަމުން އަޒުލީމަށް ބަލާލަމުން ބުންޏެވެ. ސަމާ ގޮސް ކޮޓަރިއަށް ވަނުމުން އަނެއްކާވެސް އަޒުލީމްގެ ނަޒަރު ހުއްޓުނީ ޒީނާއަށެވެ. ޒީނާ ލައިގެން އިނީ ކުރު ސޯޓެއް ކަމުން އޭނަގެ ފައި އޮތީ ހާމައަށް ފެންނާށެވެ. އަޒުލީމް ދިޔައީ ވަރަށް ފަރުވާތެރި ކަމާއެކު ޒީނާގެ ހަރަކާތްތަކަށް ބަލަމުންނެވެ. ޒީނާ އަށް ބަލަމުން ގޮސް އަޒުލީމްގެ ދެލޯ ޒީނާގެ މޭމައްޗަށް ހުއްޓުނެވެ. އެ ލާނެއްބެލުމުގައި ވަނީ ވަހުޝީގޮތެކެވެ. ޒީނާ އެހެން އިނދެފައި ތުންފަތަށް ގެނުވާ ގޮތްތަކުން އަޒުލީމަށްވެސް އެކަމުގެ އަސަރު ކުރުވަން ފެށިއެވެ. އަޒުލީމަށް މަޑުމަޑުން އޭނަގެ ޖިންސީގުނަވަނުގައި އަތުން ހަރަކާތްކުރެވެން ފެށިއެވެ. މަޑުމަޑުން ކުރިމަތީ ފަރާތުގައި ހިފާލެވުނެވެ.

“ޒީ..” އަޒުލީމަށް ޒީނާއަށް ގޮވާލެވުނެވެ. ޒީނާއަށް އެތަނުގައި މީހަކު އިންކަން ވެސް އެނގުނީ އަޒުލީމް ގޮވާލުމުންނެވެ. ފޫހި ގޮތަކަށް “ހޫމް” ލައްވާލަމުން ގޮޑިން ތެދުވިއެވެ. ޒީނާ ފޯނަށް ބަލަމުން މޫނަށް ވައްތަރު ތަކެއް ޖައްސަމުން ކޮޓަރިއަށް ދިއުމަށް ހިނގައިތަވެ. އަޒުލީމް ފެނުމުން ވީ ފޫއްސެއްގެ ބޮޑުކަމުން އެތާ އިންނާކަށްވެސް އޭނަ ބޭނުމެއް ނުވިއެވެ. އެ ސިފަ ފެނުމުންވެސް ފޫހިވެފައިވާ ހުރިކަން ޒީނާގެ މޫނުމަތިން ފާޅުވަމުން ދިޔައެވެ. ފޯނު އެއްލާ ޖަހަންވީއޭވެސް އޭނާގެ ހިތްބުނަމުން ދިޔަ ކަހަލައެވެ.

ޒީނާގެ ކޮޓަރި ހުންނަނީ ސޯފާ ބަހައްޓާފައި ހުރި ދިމާއަށް ވުމުން ޒީނާއަށް ޖެހުނީ އެދިމާއަށް ދާށެވެ. ދާން ނުދާން ހުންނަ ފާޑަކަށް ހުރެފައި ޒީނާ ހިނގައިގަތެވެ.  ފާޑަކަށް ހުރެ އެ ދިމާއަށް ލަސްފިޔަވަޅުތަކެއްގައި ދިޔައެވެ. ޒީނާ ދޮރު ހުޅުވަން ތަޅުގައި ހިފި ވަގުތު އަޒުލީމް އޭނަގެ އަތުގައި ހިފިއެވެ. ޒީނާ ސިހިފައި އަތް ފޮޅާލިއެވެ. އޭނަގެ ގައިގައި އަތްލުމުން ޒީނާގެ ހިތްބާރަށް ތެޅިގަތެވެ. ވެފައި ހުރި ފޫއްސާއެކު ރުޅިގަނޑު ކޮންޓްރޯލުން ބޭރުވެގެން ދިޔައެވެ.

“ހުންނަ ގޮތްކުޑަކަން ދެކިބަލަ.. ކަލޭ ލަދެއް ނުގަނޭތަ މަގޭ ގައިގަ އަތްލަން. ލަދު ކުޑަ ޖަނަވާރު. ފެންވަރު އޮޅިގެން ނޫޅެއްޗޭ..” ޒީނާ އަތުން އަޒުލީމުގެ ކަންފަތް މައްޗަށް އަތްފޮޅާލިއެވެ. ޒީނާ ޖެހިލެއް ބާރުކަމުން އަޒުލީމަށް އެކަމުގެ ތަދު އިހްސާސް ކުރެވުނެވެ. ތަދުވި ވަރުން ކަންފަތްމަތީގައި އަތުން ފިރުމާވެސް ލެވުނެވެ. އަޒުލީމު ހުރީ އެކަހަލަ ކަމެއް ކޮށްފާނެކަމަކަށް ތައްޔާރު ވެގެންވެސް ނޫނެވެ. ވީތަދުން  އިނދެވުނީ ހަދާނެގޮތް ހުސްވެފައެވެ. ޒީނާ އެގޮތަށް ކަންތައްކުރާނެ ކަމަކަށް އޭނަ ހިތަށްވެސް ނާރައެވެ. ނަމަވެސް ކަންތައް މިވީ ހީކުރި ގޮތަކަށް ނޫނެވެ. އަޒުލީމަށް ޒީނާއަށް ބަލާލާކަށްވެސް ނުކެރުނެވެ. އިންގޮތަށް އިނީ އެވެ. ބަހެއްވެސް ބުނާކަށް އަޒުލީމަކަށް ނުކެރުނެވެ.

“މީގެ ފަހުން މަގޭ ގައިގަ އިނގިލިކުރި ޖައްސާލިއަސް ނިމުނީ. އަތްފެޅި ހިސާބުން އުފުރާލާނަން. ހީނުކުރައްޗޭ ކަލޭ ސަމާ ވާ ވައްދައިލައިގެން އޭނަ އެއްކޮށް އުޅުނަސް އަހަރެން ކަލޭ ތީ ކާކުކަށް ހަނދާން ނައްތާލާނެޔޭ. އިރެއްގަ ކަލޭ އުޅުނު ވައްތަރަށް މިހާރު އުޅެވޭނެކަމަށް ހިތަށް ނާރުވައްޗޭ. މަ މަޑުން މިހުންނަނީ ސަމާ އަށް ވިސްނާލާފަ.. އެހެން ނޫންނަމަ މިއަދު ކަލެއަށް މިގެއަށްވެސް ވަންނާކަށް ނުކެރޭނެ. އަދި ކަލޭ ތީ ކާކުކަންވެސް ހަމަ ރަނގަޅަށް އަންގާލާނަން. ބުނަން ކަލޭ މަށާ ސަމާ ދޭތެރެއަށް ވަނަސް ނިމުނީ، މަމީ ކާކުކަން ކަލެއަށް ވަރަށް ރަނގަޅަށް ދައްކާލާނަން. މިވަރުން މި ބުނީ ކީކޭކަން ވަރަށް ރަނގަޅަށް ހަނދާންކުރާތި ޖަނަވާރު..”

ޒީނާ ވައިއަޑަކުން އެ ހުރިހާ އެއްޗެއް ގޮވާލީ ސަމާއަށް އަޑު އިވިދާނެތީ އެވެ. ޒީނާ އަޒުލީމަށް ބަލަމުން ދިޔައީ ރުޅިވެރި ނަޒަރަކުންނެވެ. އެ ބެލުމުގައި ވަނީ ނަފްރަތެވެ. ޒީނާގެ ދެލޮލަށް ބަލާލުމުންވެސް އޭނަގެ ހިތުގައި އަނދަމުންދިޔަ އަނގުރު އަލިފާނުގެ ހޫނުކަން ފާޅުވަމުން ދިޔައެވެ. އެ ފޮނުވާލި ބާރުގަދަ ބަސްތަށް ވެސް ހެއްކަކަށް ފުދޭނެއެވެ. އަޒްލީމުގެ އެ ހަރަކާތްތަކުންނާއި ޒީނާގެ ބަހުގެ ހަމަލާތަކުން އެދެމީހުންގެ ދޭތެރޭގައި ފޮރުވިފައިވާ ބޮޑު ސިއްރެއްވާކަށް މޭރުންވިއެވެ. ކޮންމެވެސް ބޮޑު ފާރެއް އެދެމެދުގައި ވާކަށް ކަށަވަރު ވެގެން ދިޔައެވެ.

ސަމާއަށް ކޮޓަރިން ނުކުމެވުނީ ޒީނާ ވަންނަން ކޮޓަރީގެ ތަޅުގައި ހިފާލި ވަގުތުއެވެ. ޒީނާ ލޮލުގެ ހިމަކޮޅުން ސަމާއަށް ބަލާލަމުން ކޮޓަރިއަށް ވަނެވެ. ކޮންމެވެސް ބޮޑު ކަމެއް ވެއްޖެކަން އަޒުލީމު އުޅުނު ގޮތުންސަމާއަށް ހީކުރެވުނެވެ. އަޒުލީމުގެ މޫނުމަތިން އެކަން ވަރަށް ރަނގަޅަށް ފެންނަމުން ދިޔައެވެ. އަޒުލީމު ކިތައްމެ ނޫންކަމަށް ހެދެން އުޅުނަސް ސަމާއަށް ކޮންމެވެސް ކަމެއް ހީވާން ފަށައިފިއެވެ. ސަމާއަށް އަޒުލީމަށް ވަރަށް ފަރުވާތެރިކަމާއެކު ބަލަހައްޓައިގެން ހުރެވުނެވެ.

*****

ތިންދުވަސް ފާއިތުވެގެން ދިޔައީއެވެ. އިޒުވާނުގެ ހިޔަނި ވެސް ފެންނަވަރެއްނުވިއެވެ. ޑިއުޓީއަށް ދެވޭ ކޮންމެ ދުވަހަކުވެސް އިންތިޒާރު ކުރެވެނީ އިޒުވާނުގެ ސޫރަ ފެނޭތޯއެވެ. އެ ހަށިގަނޑު ފެނޭތޯ ކިތައްމެހާވެސް ހިތް އެދި ގޮވަމުން ދިޔައެވެ. އިޒުވާނުގެ ސޫރަ ނުފެންނަ ދުވަހަކީ ޒީނާއަށް ބޭކާރު ދުވަހެއްކަމުގައި ވާންފެށިއެވެ. ޒީނާ ގެ ހިތާއި ރޫހުން އިޒުވާނަށް އެދެން ފެށިއެވެ. ޑިއުޓީއަށް ދާ ދިއުންވެސް ފޫހިކުރުވަން ފެށިއެވެ. އިޒުވާނަށްޓަކައި ޒީނާގެ ހިތާއި ޖިސްމު އެދޭވަރު އޭނަ ނޫނީ އިޙްސާސް ކުރެވޭނެ އިތުރު ދެވަނަ އެހެން ފަރާތެއް ނުހުންނާނެއެވެ. އިޒުވާނަށްޓަކައި ޒީނާގެ ވަގުތުތަކާއި ދުވަސްތައް ދިޔައީ ފާހަގަ ޖެހެމުންނެވެ. އޭނަގެ ޙައްޤަކަށް އިޒުވާނުވުން އެއީ ޒީނާގެ ހުވަފެނެކެވެ. ޒީނާގެ އުފަލަކީވެސް އިޒުވާނުގެ ސޫރައެވެ. އޭނަގެ ހިނިތުންވުމެވެ. އެ ބިޔަ ހަށިގަނޑާއި ފިރިހެންވަންތަ ހިނގުމެވެ.

ކިތައްމެހާވެސް ރަނގަޅަކަށް ޒީނާވަނީ އިޒުވާނުގެ ސޫރަ އޭނަގެ ހިތުގައި ބިންވަޅުނަގާފައެވެ. އެއީ އޭނަގެ ދިރިއުޅުމާއި ހަމަ އެކަނި ގުޅިފައިވާ އިންސާނާއެވެ. ޒީނާ ދިޔައީ އޭނަ އިޒުވާނު ދެކެ ވާލޯބި ހިތުގައި ފޮރުވަމުންނެވެ. އެފަދަ އެނޫން އެހެން މީހަކު ދެކެ ލޯބިވާން ޒީނާ ބޭނުމެއް ނުވާނެއެވެ. އެހާވަރަށް އިޒުވާން މުހިއްމު މީހަކަށް ވެއްޖެއެވެ. އެ ލޯތްބަކީ މި ދުނިޔެމަތީގައި ޒީނާ ވާނެ އަދި ވެވޭނެ އެންމެ ފުރަތަމަ ނޫނީ އެންމެ ފަހުންވެސް ވެވޭނެ ލޯބިކަން ޒީނާއަށް ޤަބޫލު ކުރެވިއްޖެއެވެ. ކޮންމެ ފަދަ ހާއްލެއްގައި އުޅެން ޖެހުނަސް ޒީނާ އެ ލޯތްބަށް އިންތިޒާރު ކުރާނެކަން ޒީނާގެ ހިތް ބުނަމުން ދިޔައެވެ. ޒީނާއަށް އެނގޭހާވެސް ކަމަކީ އެލޯބި އޭނައަށް ޙައްޤު ނުވާކަމެވެ. ދުނިޔޭގައި ލޯތްބަށް އެދި އެދި ތިބޭ ކިތައް އިންސާނުން އުޅޭނެތާއެވެ.؟ އޭގެތެރެއިން އެކަކީ ހަމަގައިމުވެސް އިޒުވާންގެ ލޯތްބަށް ފެންބޮވައިގެންފައިވާ ޒީނާއެވެ. އެ މީހެއްގެ ފުރަތަމަ ލޯބި ކާމިޔާބު ކުރެވޭ މީހަކީ ވަރަށް ނަސީބު ރަނގަޅު މީހެކޭ މީހުން އަބަދުވެސް ބުނެއުޅެއެވެ.

ޑިއުޓީ ބްރޭކް ގަޑީގައި ޒީނާ ބްރޭކަށް ނުކުތީ އެތާގައި ވަޒީފާ އަދާކުރާއެހެންކުއްޖާކާއެކީގައި ފިނިކޮށްލުމަށެވެ. އެދެމީހުން ވާހަކަ ދައްކާލުމަށް މަޑުކޮށްލައިގެން ތިއްބެވެ. އެއަރޕޯޓަކީ އަބަދުވެސް ފަސިންޖަރުން އައިސް ކޮޅުކޮޅަށް ހޭލަމޭލަވަމުންދާ ހަލަބޮލިތަނެކެވެ. ފެރީތައް ގޮސްއައިސް ހަދާ ބަލާލަން ހިތްފަސޭހަ އެތަކެއް މަންޒަރުތަކެއް ފެންނަ ހިތްގައިމު މާޙައުލެކެވެ.

“ޒީ އެބަ އަންނަ ފާހަނާއަށް ވަދެލާފައި. އަދި ވަގުތުކޮޅެއް ވެސް އެބަ އޮތެއްނު..”އެ ކުއްޖާ އެހެން ބުނުމަށްފަހު ހިނގައިގަތީ ޓާރމިނަލް ތެރެއަށެވެ. އެކުއްޖާ ދިއުމުން ޒީނާ ގޮސް ފަސިންޖަރުންނަށް ހާއްސަކުރެވިފައިވާ ގޮޑިބަރިން ގޮޑިއެއްގައި އިށީނެވެ. ޙިޔާލެއް ފިކުރެއް ނެތި ފޯނާއި ކުޅެން ފެށިއެވެ. ކުއްލިއަކަށް ޒިނާ އަށް މީހަކު ގޮވާލިހެން ހީވެގެން ކޮޅުކޮޅަށް ހޯދާ ބަލަން ފެށުނެވެ. ނަމަވެސް ދަންނަ އެއްވެސް މީހަކު އެހިސާބުންވެސް ފެންނާކަށް ނެތެވެ. އަނެއްކާވެސް ފޯނާ ކުޅެން ފެށިއެވެ. އަނެއްކާވެސް މީހަކު ގޮވާލިހެން ހީވެގެން އަޑު އަންނަ ދިމާއަށް ބަލާލެވުނެވެ.

ޒީނާގެ މޫނުމައްޗަށް ވެރިވެގެން ދިޔައީ އާދަޔާ ހިލާފް އުފާވެރިކަމެކެވެ. ފުންމައިގެން ތެދުވެ ބާރު ބާރަށް އެދިމާއަށް ހިނގައިގަތެވެ. ދިޔަގޮތަށް ގޮސް ޒީނާ ބައްދައިގަތެވެ. ވީ އުފަލެއް ބުނެދޭންވެސް ނޭންގޭ ހާލުގައެވެ. އޭނަގެ މޫނުމަތިން އުފާވެރިކަން ފާޅުވަމުން ދިޔައެވެ. ލިބުނު އުފަލެއްގެ ބޮޑުކަމުން އުޅެވޭ ނޫޅެވޭގޮތްވެސް އޭނާއަށް ނޭންގުނެވެ. ފުޅާ ހިނިތުންވުމަކާއެކު ޒީނާ ހައުލާ ގައި ވީއްލިގަތެވެ.

“ހައު.. އާފްޓަރ ލޯންގ ޓައިމް. ކޮންތާކު ތި އުޅުނީ މިއޮށްހުރިހާ ދުވަހު.؟” ހައުލާ ގައިން ވީއްލިގަންނަމުން ޒީނާ އުފަލުން ހުރެ ވާހަކަ ދައްކަން ފެށިއެވެ. ހައުލާ ފެނުމުން ޒީނާ އަށް ލިބެމުން ދިޔަ އުފަލެއްގެ ސަބަބުން އުޅެވޭގޮތެއް ވެސް ނޭންގުނެވެ. ހައުލާ އަށް ވެސް ވީ ހަމަ އެފަދަ ގޮތެކެވެ. ޒީނާ ފެނުމުން ހައުލާއަށް ވެސް ލިބިގެން ދިޔައީ ބަޔާން ކޮށްނުދެވޭވަރުގެ އުފަލަކެވެ.

‘ހާދަ ފަލަވެއްޖެއޭ. ލޯބިކަން މިހާރު. މާބޮޑަށް ލޯބި ކާން ލިބެނީ ދޯ.” ހައުލާގެ ހަށިގަނޑަށް ބަލާލަމުން އަނެއްކާވެސް ވާހަކަ ދައްކަންފެށި ޒީނާ އެވެ. ސާދާ ހިނިތުންވުމަކާއެކު ޒީނާ އަށް ބަލަން ހުއްޓެވެ.

“މޯ ދެން 2 އިޔާރސް ދޯ. އަޅެ ހިނގާބަލަ ދިމާވެލަން. ހީވެސް ނުކުރަން ފެންނާނެ ކަމަކަށް. މިތާގަތަ މިހާރު ވޯރކް ކުރަނީ؟” ޒީނާގެ އަތުގައި ހިފާލަމުން ހައުލާ ވާހަކަ ދެއްކިއެވެ. ހައުލާ ވާހަކަ ދެއްކީ ވެސް ޕިއްޒާ ކޮންޕެނީއަށް ބަލަން ހުރެފައެވެ.

“އަސްލުވެސް. ހިނގާ ދިމާވެލަން. ވަރަށް ވާހަކަ އެބަހުރި. މަޖާ ވާހަކަވެސް ހުންނާނެ. ނަމްބަރ ދީފަ ދާންވާނީ. ފްރީ ދުވަހަކުން ވާނެ ހިތްފަސޭހަ ތަނަކުން މީޓް ކުރަން.. ނެކްސްޓް ފްރައިޑޭގަ އާދެބަލަ ހުޅުމާލެ..” ޒީނާ ވާހަކަ ދައްކަމުން ދައުވަތު ދިނީ ހުޅުމާލެއަށް އައުމަށެވެ،.

“ދެން މާ ހުޅުމާލެ ވާނެކަމެއްނެތް. މަވެސް ތި ޔޫތު ސިޓީގައޭ އުޅެނީ. މަންމަ އަށް އެޕާޓްމަންޓް ލިބުނީމަ  ޗޭންޖްވީ. މާލެ ފުރާ މީހުން. ބޮލަށް ނުކުޅަދާނަ. ޕާރކެއް އޮތިއްޔާ އެތަންތަން އެބޮތް. އެތަންތާގަވެސް ބަންގާޅިން. ފޫހި ދެން. ޤައުމު ދޫކޮށްފަ ދާންވީ. އެހެން ނޫނަސް އެ ކުނި ސިޓީއަކު ނޫޅެވޭނެ.. މާލެ ހުންނަ ގެ ކުއްޔަށް ދީފަ މިކޮޅަށް އެންމެ ބަދަލުވީ. ކަޑަ. ދެން މީޓް ކުރަން ވެސް އީޒީ އެންނު..” ހައުލާ އޭނަ ހިފައިގެން ހުރި ފޮށި ކައިރިކޮށްލަމުން މޫނަށް ގޮތެއް ހަދާލަމުން ބުންޏެވެ.

“މާ ރަނގަޅެއްނު މިހެން ވީމާ. ވީ ބޯތް ލިވް ހުޅުމާލެ.. ޒީ ފްރީ ދުވަހަކުން ގުޅާބަލަ. ،މަ ހަމަ އަބަދުވެސް ފްރީ. ލަންކާއަށް ގޮސްލާފަ މިއައީ 2 ޑޭސް އަށް.. ޝޮޕިންކޮށްލާ ބޯ ހަމަ ޖައްސާލަން .. އޭތް ވަރަށް ލަސްވެސްވޭ. ދެން ދަނީ. ހަނދާންކޮށް މަށަށް ގުޅާތި..” ޒީނާއަށް ނަމްބަރު ދެމުން ހައުލާ ފޮށި ހިފައިގެން ހިނގައިގެތެވެ. އޭރު ބަސްވެސް ޓާރމިނަލް ކުރިމަތިން ހުރަސްކޮށްލަނީއެވެ. ހައުލާ ހިނގައިގަންނަމުން ފަސް އެނބުރި ޒީނާއަށް ބަލާލުމުން ޒީނާ އަތް ހޫރާލިއެވެ.

***

“ނޫނޭ އަދި ބްރޭކަޕެއް ނުވޭ.. އެކަމަކު ހިއެއްނުވޭ ދެން މިކަން ވާނެހެން. ހާދަ ކަންތައް ބޮޑޭ. ކޮންމެވެސް އެއްޗެކޭ ކިޔައިގެން ޒުވާބު ގަނޑެއް. ތިން އަހަރު ކެތް ކުރެވިއްޖެ ދޯ. މައްސަލައަކީ ހައުލާއަށޭ ކަންތައް ބަޓްވެސް ވަނީ. ކޮންމެ ފަހަރަކުވެސް އޭނައަށް ފަޅާ އަރާ. ހިޔަޅު ވިސްނުން ހުންނަ އަންހެނެއް ހުވާ….”އިޒުވާން ވާހަކަ ދެއްކީ އޭނަގެ އެންމެ ގާތް އެކުވެރިޔާ ޖުމާނާއެވެ. ޖުމާނަކީ އިޒުވާންގެ އެންމެ ގާތް އެކުވެރިޔާއެވެ. ދެމީހުންނަކީ ވެސް އެއް މިޒާޖެއްގެ މަޖާ ދެއެކުވެރިންނެވެ. އެމީހުން ތިބީ ސީ ހައުސް ރެސްޓޯރަންޓުގައި ކޮފީއަށް އިންސާފުކުރާށެވެ. މާލޭގެ މޫދުފަށުގައި ހުންނަ މި ރެސްޓޯރަންޓަކީ ޒުވާނުންގެ މެދުގައި އެންމެ ނަން މަޝްހޫރު އެއްތަނެވެ. ވާހަކަ ދައްކާ ކޮފީއެއް ބޯލަން އައިސް ތިބެން އެންމެ ހިތްފަސޭހަ މާހައުލަކަށް އެތަންވާނެއެވެ. ޖުމާން ބޮމުން ދިޔަ ސިނގިރޭޓްގެ ދުންތައް ވައިގެ ތެރެއަށް ފޮނުވާލިއެވެ. އެމީހުން ތިބީ އުދަރެހާއި ކަނޑުގެ ގުދުރަތީ މަންޒަރުތައް ރީއްޗަށް ފެންނަމުންދާ ހިސާބެއްގައި ހުންނަ މޭޒެއްކައިރީގައެވެ. އޭރުވެސް ފެރީއެއް އައިސް ފަޅުތެރެއަށް ވަންނީއެވެ.

“ދެން ތިކަންތައް ކަޓްވާލަބަލަ. ލައިފްގަ ތަންކޮޅެއް ބިޒީވޭ. ކައެއަށް ބިޓުންވޭ. ދެން ކީއްކުރަން އެޅ.. ގޮވައިގެންތި ތެޅެނީ.. ހައުލާ އެއީ އިޒޭއަށް އެކަށީގެންވާ ކުއްޖެއްނޫން.. އައްސު ބުނެބަލަ.. ހައުލާ ދެކެ ލޯބިވޭތަ؟” ޖުމާންގެ ވާހަކަދެއްކުންތެރިކަން ހުރީ މި ޒަމާނުގެ ވައްޓަފާޅިއަށެވެ. ޖުމާންގެ ސުވާލުން އިޒުވާނުގެ މޫނަށް ފުސްކަމެއް ވެރިވެގެން ދިޔައެވެ. އެ ސުވާލުގެ ޖަވާބު ބޭނުންވާ މީހަކަށް ވަރަށް ފަސޭހަ ކަމާއެކު ޖަވާބު ލިބޭނެއެވެ. އެކަން އިޒުވާނުގެ މޫނުންވެސް ހާމަވެގެން ދިޔައެވެ. ފޫހި ގޮތަކަށް އިނދެފައި އިޒުވާން މޫދާވީ ފަރާތަށް މޫނު ހަރަކާތްކޮށްލިއެވެ. ވިސްނާލަން އިނުމަށްފަހު އިޒުވާން އަނެއްކާވެސް ޖުމާން ގެމޫނަށް ބަލާލިއެވެ.

“އައްސު ތެދަށް ބުނަންތަ؟ މިހާރު މަ ހަމަ ވަރަށް ވައިވޭ. ކަޑަވެސް ވޭ. ފޫހިވެސް ވެއްޖެ. އެކަމަކުވެސް ހައުލާ ލޯބި ވާތީ އުޅެނީ.. ކުރިން އުޅުނީ ވަރަށް ލޯބިން. އެކަމަކު ކޮންމެ ކަމެއްގަވެސް ލިމިޓުން ބޭރުވަންޏާ ދެންޖެހޭނީ ބުރުވާލަން.. ހިއެއް ނުވޭ މަދެން މިކަން ކުރާނެހެން. މީ ހަމަ ހައުލާއަށް މަ ދޭނެ އެންމެ ފަހު ޗާންސް. މީތި ވޯރކެއް ނުކުރާނެ ޖުމާ..” އިޒުވާނުގެ ވާހަކަ ތަކުން އޭނަ ހައުލާ ދެކެ ލޯބިވިކަން ހާމަވެގެން ދިޔަ ނަމަވެސް މިހާރު އެލޯބި ބަދަލުވެއްޖެކަން އެނގި ހާމަވެގެން ދިޔައެވެ. އިޒުވާނުގެ ވާހަކަތަކުން އަދިވެސް ހައުލާ އެކީގައި އުޅެން ބޭނުންވާކަށް އެނގުނެވެ.

***

ޒީނާ ވަރަށް އަވަދިނެތި މޭޒުކައިރީގައި ކޭކެއް ޑެކެރޭޓް ކުރުމުގައި ހަރަކާތް ތެރިވަމުން ދިޔައެވެ. މޭޒުމަތީގައި ކޭކުއެޅުމުގެ މަސައްކަތްކުރަން ގެންގުޅޭ ސާމާނުތަކާއި އާލާތްތައް އަތުރާލާފައި ހުއްޓެވެ. ކޭކުގެ މަސައްކަތުގައި އުޅެމުން ޒީނާގެ ނަޒަރު އަވަސް އަވަހަށް ފޯނަން ހުއްޓިގެން ދެއެވެ. ހީވަނީ މީހަކު ގުޅާނެ ކަމަށް އިންތިޒާރު ކުރަނީހެންނެވެ. އީމާ ޑިއުޓީ ނިންމާފައި އައިސް ގެއަށްވަނީ ޒީނާ އެމަސައްކަތުގައި ވަރަށް ބުރަކޮށް އުޅެނިކޮށެވެ. ޒީނާ އުޅޭގޮތް ފެނުމުން އީމާވެސް އޭނަ ގެންގުޅުނު ފޮށި ފާރުކައިރީގައި ބެހެއްޓުމަށްފަހު މޭޒުކައިރީގައި ހުރި ގޮނޑިއެއް ދަމާލަމުން އިށީނެވެ. ޒީނާގެ މޫނަށް ބަލާލަމުން  ފަނޑު ހިނިތުންވުމެއް ފޮނުވާލިއެވެ. ހީވަނީ ކޮންމެވެސް ވާހަކަ އެއް ބުނަން އުޅެނީ ހެންނެވެ.

“ވާހަކައެއް ބުނެލަން މި މަޑުކޮށްލީ…” އީމާ ކަރުގައި އޮތް ސްކާފް ނަގަމުން ސްވާލުވެސް ކުރީ ވަރަށް ޖެހިލުންވެ ހުރެގެންނެވެ. އޭރުވެސް ޒީނާ ކުރަމުންދިޔަ މަސައްކަތް ކުރަމުން ދިޔައެވެ.

“ބުނެބަލަ..” ޒީނާ އަތްދޮންނަން ސިންކް ގާތަށް ޖެހިލަމުން އީމާއަށް ބަލާލިއެވެ.

“ސަމާ މެރީ ކުރަން އުޅޭ ވާހަކަ ބުނިތަ؟” އީމާ ވާހަކަ ދައްކަން ފެށުމުން ޒީނާ މޫނުގެ ކުލަވަރު ބަދަލުވެގެން ދިޔައެވެ. އަޒުލީމަކީ އޭނަ މާ ގަޔާވާ މީހަކަށް ނުވާތީ އެކަމާއި ގުޅޭގޮތުން ޒީނާ އެއްވެސް ވަރަކަށް އެމައުޟޫއަށް ވާހަކަ ދައްކަން ބޭނުމެއް ނުވިއެވެ. ނަމަވެސް އީމާ އެ ވާހަކަ ބުނުމުން ޒީނާ ވެސް ބޭނުންވީ އެކަމާއި ގުޅޭގޮތުން ވާހަކައެއް ބުނެލާށެވެ.

“ތިކަހަލަ ވާހަކައެއް ބުނި. އެކަމަކު އަހަރެންވެސް ބުނަން ޖެހޭ ވާހަކަ އެއް ވިއްޔާ އޮންނާނީ ބުނެފަ.. މަ ބުނިން ކުރާ ކަމެއް ކުރަންވާނީ ވަރަށް ވިސްނާފައޭ. އެހެން ނޫނީ ކަމެއް ނުކުރައްޗޭ.. އެމީހަކަށޭ އުނގޭނީ އެމީހަކު އުޅެންވީ ގޮތާއި ކުރަންވީ ކަމެއް..ސަމާވެސް ކުރަންބޭނުންވަންޔާ ކުރާށޭ ދޯ ބުނެވޭނީ . ހަމަ ގައިމުވެސް އޭނަ އުޅެން ގަސްތުކުރަނީ މިތާ. އަހަރެމެންގެ ތައްޕާހުގަ އުޅެން ހިފާފަ އެހުރީ. އަހަރެންގެ އެއްވެސް ޝަކުވާއެއް ނެތް..އަދިވެސް އަހަރެން ބުނާނީ ސަމާ ފަހުން ރިގްރެޓް ކުރާނެ ކަމެއް އެ ކުރަނީ. .: ” އަޒުލީމުގެ ވާހަކަ ބުނަންޏަސް ޒީނާ އިންތިހާއަށް ރުޅި ގަދަވަމުންދިޔައެވެ. ޒީނާ ގާތުގައި ވާހަކައެއް ބުނުމަކީ ބޭކާރު ކަމެއްކަން އީމާއަށް އެނގޭ އިރުވެސް އަހާލެވުނީއެވެ. އީމާއަށް ވިސްނޭގޮތުގައި ސަމާއަށް އަދި ވިސްނޭނެއެވެ. އީމާވެސް އިތުރަށް އެއްވެސް ވާހަކައެއް ދައްކަން ބޭނުން ނުވާތީ ގޮޑިން ތެދުވެގެން ފޮށިހިފައިގެން ކޮޓަރިއަށް ވަނެވެ. އީމާ ދިއުމުން ޒީނާ ކޭކުގެ މަސައްކަތާއިގެން ކުރިޔަށް ދިޔައެވެ.

***

އިޒުވާނަށް ހޭލެވުނީ އޭނަގެ މަންމަ ދޮރުގައި ޓަކި ދިނުމުންނެވެ. ނިދީގައި އޮވެ ދެލޯ ހުޅުވާލަމުން ކައިރީގައި އޮތްފޯނުން ގަޑިން ވީ ކިހާއިރެއްތޯ ބަލާލިއެވެ. އޭރު ތިނެއްވެސް ޖަހަން ފަސްމިނެޓް ވަނީއެވެ. އޭނަގެ މަންމައަށް ހޭލާއުޅޭކަމުގެ އިޝާރާތެއްދެމުން ގޮސް ފާހަނާއަށްވަނެވެ.

ދުވަހަކީ އުޑުމަތި ސާފު ހިތްފަސޭހަ ދުވަހެކެވެ. ކުރާނެ މާބޮޑު ކަމެއް ނެތުމުން އިޒުވާނު ބޭނުންވީ ހަވީރުގެ އެވަގުތު ސައިކަލް ދުއްވާލަން ދާށެވެ. ރީތިވެލައިގެން އިޒުވާނު ބޭރަށް ނުކުމެ ސައިކަލް ދުއްވާލީ ދާނެ ވަކި މިސްރާބެއް ހިތުގައި ރާވައިގެނެއް ނޫނެވެ. ބޮޑު މަގުން ދުއްވާފައި ދަނިކޮށް އިޒުވާނަށް ޒީނާ ފެނިގެން ސައިކަލުގެ ދުވެލި މަޑުކޮށްލިއެވެ. ޒީނާގެ އަތުގައި ވިޔަފާރިކޮށްލައިގެން ހުރި ކަމުގެ ހެކި ފެންނަން ހުއްޓެވެ. އަތުގައި ކޮތަޅުތަކެއް ހުއްޓެވެ.

އިޒުވާން ސައިކަލުގައި އަންނަމުން އައިސް ސައިކަލް މަޑުކޮށްލަމުން ޒީނާގެ އަތުގައި ހިފިއެވެ. ނޭންގި ހުއްޓާ މީހަކު އައިސް އަތުގައި ހިފުމުން ޒީނާ ސިހުނެވެ. ފަސް އެނބުރި ބަލައިލިއެވެ. ކަމަކުދާކަށް ނެތެވެ. އިޒުވާން ފެނުމުން ޒީނާއަށް ލިބުނު އުފާވެރިކަން ބުނެދޭންވެސް ނޭންގުނެވެ. ފުންމައިގެން ގޮސް މޭގައި ބޯއަޅާލުމަށް ހިތް އެދުނެވެ. ޒީނާއަށް ދެތުންފަތް ބޮނޑިކޮށްލެވުނެވެ. އޭނަގެ ހިއްސުތައް ހޭލައްވާލިކަހަލައެވެ. ޒީނާއަށް އިޒުވާނަށް ބަލަހައްޓައިގެން ހުރެވުނީއެވެ.

“ސޮރީ ޒީ..” އިޒުވާން ވާހަކަދެއްކުމުންވެސް ޒީނާއަށް ހުރެވުނީ އިޒުވާނަށް ކަޅިޖަހާނުލާ ބަލާށެވެ. ހިތްއެދޭ ބައިވެރިޔާ އެ ހުރީ އޭނަގެ ލޯ ކުރިމަތީގައެވެ. ޒީނާއަށް ހީވީ ދުލުގައި ގޮށްޖެހުނު ހެންނެވެ. ވާހަކަ ދައްކާނެ ހިތްވަރެއްވެސް ނުލިބުނެވެ. އިޒުވާނަކީ ކޮންފަދަ ޖާދޫއެއް ލިބިފައިވާ މީހެއް ހެއްޔެވެ؟ ޒީނާގެ ހިތްބުނަމުން ދިޔަކަހަލައެވެ.

‘ގެއަށް ވައްޓާލަދެންތަ؟” ދެންވެސް ވާހަކަ ދައްކަންފެށީ އިޒުވާނެވެ. ޒީނާއަށް ހަމަ އެހުރިގޮތަށް އިޒުވާނަށް ބަލަން ހުރެވުނީއެވެ. ބުނާނެ އެއްޗެއް ނޭންގިފައި ޒީނާއަށް ހުރެވުނީއެވެ. ޒީނާ ވާހަކަ ނުދެއްކުމުން އިޒުވާން އަނެއްކާވެސް އޭނަގެ އަތުގައި ހިފިއެވެ. އެ ބޮޑު އަތްތިލައިގެ ހޫނުކަން އިހްސާސްކުރެވުނީ އެވަގުތުއެވެ. ޒީނާއަށް އަނެއްކާވެސް އިޒުވާނުގެ މޫނަށް ބަލާލެވުނެވެ. އެގޮތަށް އިޒުވާނު އޭނަގެ އަތުގައި ހިފާނެކަމަށް ޒީނާއަށް ޤަބޫލެއްވެސް ނުކުރެވުނެވެ.

ޒީނާ ލަދުން ހަދާނެގޮތް ހުސްވިއެވެ. މުޅި މީހާ ތުރުތުރު އަޅައިގަތެވެ. ހިތުގެ ވިންދު އަވަސްވެގެން ދިޔައެވެ. ޒީނާ އަށް ވަމުންދާގޮތްފެނިފައި އިޒުވާންވެސް ޖެހިލުންވާ ގޮތްވެއްޖެއެވެ. ވާހަކަނުދައްކާ ބަލަން ހުރުމުން އިޒުވާނަށް ހީވީ ކަމެއް ގޯސްކޮށް ކުރެވުނީ ކަމުގައެވެ. އިޒުވާނުވެސް ލަދުގަތެވެ.

“ޒީނާ. ދެން ތިހެން ނުހުރެ ސައިކަށް އަރާބަލަ. މަވެސް މިހާރު ލަދުގަނެއްޖެ.. މަ ނޫޅެމޭ ޒީނާ ކާލާކަށް..” އިޒުވާން އެހެން ބުނުމުން ޒީނާ ލަސްފިޔަވަޅުތަކާއެކު ގޮސް ސައިކަލަށް އެރިއެވެ.

މަގުމައްޗަށް ނަޒަރު ހިންގާލީ ދަންނަ މީހަކުވެސް ބަލަން ހުރެދާނެތީއެވެ. ޒީނާ އަކީ ދުވަހަކުވެސް ފިރިހެއްނެއްގެ ސައިކަލް ފަހަތަށް އެރި ކުއްޖެއްނޫނެވެ. އޭނަ އަކީ މުޅިންވެސް އެހެން އަންހެންކުދިންނާއި ވަރަށް ތަފާތު މިޒާޖެއްގެ ކުއްޖެކެވެ. ފިރިހެނުންގެ ސައިކަލު ފަހަތަށް އެރުމުން އެމީހުންގެ ބިޓުން ނޫނީ ހަލާލު އަނބިމީހާގެ ފަރާތުންވެސް ރޯޅިއެއް އަތުވެދާނެތާއެވެ. ސައިކަލު ނައްޓާލިތަނާ އެއްލިކަޅިއަކުން ޒީނާއަށް ފެނުނީ މީހަކު އެދިމާއަށް ބަލަން ހުރެފައި އެތާހުރި ގަހާއި ނިވާވެލިތަނެވެ. ޒީނާއަށް އެދިމާއަށް ބަލާލެވުނެވެ. ޔަޤީން ކޮށްލުމުގެ ގޮތުންނެވެ.

 “ކޮންތާކަށް ދާންވީ..” މިފަހަރުވެސް ވާހަކަ ދެއްކީ އިޒުވާނެވެ. ޒީނާ ސައިކަލަށް އެރިގޮތަށް އެއްވެސް ވާހަކައެއްނުދައްކާ އިނެވެ. ސައިކަލް ދުއްވަމުން ދިޔައިރުވެސް ޒީނާ ހަމަ ހިމޭންވެފައި އިނީއެވެ. ސައިކަލު ދުއްވަމުން ގޮސް އިޒުވާން ސައިކަލް މަޑުކޮށްލީ “ޕޮއިންޓް އިން ބީޗް” ގެސްޓް ހައުސް ކުރިމައްޗަށެވެ. ޒީނާ ހަދާނެގޮތް ހުސްވިއެވެ. އިޒުވާން ކުރަން އުޅޭ ކަމެއް ނޭންގިފައި އިނދެވުނީއެވެ. އޭރުވެސް ޒީނާ ބަހެއްނުބުނެ އިނީއެވެ. އެ ސަރަހައްދު އަތިރިމަތީގައި އަތުރާލެވިފައިވާ މޭޒުތައްކައިރީގައި ދިވެހިންނާއި ފަތުރުވެރިން ކެއުމާއި ކޮފީގެ މަޖަލުގައި ޝާމިލުވަމުން ދިޔައެވެ. އޭރު އިރު އޮއްސެންވެސް ކައިރިވަނީއެވެ. އޭގެ ކުލަވަރު ދުނިޔެމައްޗަށް ރީތި ހިތްގައިމު ކަމެއްވަނީ ގެނުވާފައެވެ.

“މިތަނަށް މިއައީ ޒީއަށް ކޮފީއެއް ދޭންވެގެން. ހިނގާ ކޮފީއެއް ބޯލަންދާން. އަހަރުމެންވެސް ޖެހޭނެ ދޯ ފްރެންޑްޝިޕް ދަމަހައްޓަން.. އެހެން ނޫނަސް މިހާރު ޒީ ތީ މަގޭ ވަރަށް ގާތްކޮށް ދެކޭކުއްޖެއް..” ސައިކަލް ޕާކް ކޮށްލުމަށްފަހު ތަޅުދަނޑިނަގަމުން އިޒުވާން ބުންޏެވެ. ޒީނާވެސް ސައިކަލުން ފޭބިއެވެ. ނަމަވެސް ބުނާނެ އެއްޗެއް ނޭންގި ހަދާނެގޮތެއް ނޭންގިފައި ޒީނާއަށް ހުރެވުނީއެވެ.

“ދެން ހަމަ އެއްވެސް ވާހަކައެއް ނުދައްކާނަންތަ؟ ” އިޒުވާން ކުރިއަށް ހިނގައިގަތެވެ. އޭރުވެސް ޒީނާ ހުރިފިޔަވަޅުމަތީގައި ހުރީއެވެ. އިޒުވާނު ފަސް އެނބުރިފައި ޒީނާއަށް ބަލައިލިއެވެ. އިޒުވާނު ބަލާލަމުން ލޮލުގެ އިޝާރާތުން އައުމަށް އެދުނެވެ. ޒީނާ ލަސްފިޔަވަޅުތަކެއް އަޅަމުން ކުރިއަށް ހިނގައިގަތެވެ.

“ޒީ ދެންކީކޭ ބުނާނީ.. ދުވަހަކުވެސް ފިރިހެންކުއްޖަކާއެކީ މިހެން ކޮފީ އަކަށް ނާރަން. ސޯ އައި އޭމް ނޮޓް ކޮމްފޯޓަބަލް. މި ކަހަލަ ތަންނަތަށް އައިސް އުޅުމަކީ ޒީ ދުވަހަކުވެސް ކުރިކަމެއް ނޫން. ކުރާހިތްވާ ކަމެއްވެސް ނޫން.” ގެނައި ކޮތަޅުތައްޖެހިގެން ހުރިގޮޑީގައި ބަހައްޓަމުން ޒީނާ ވާހަކަ ދެއްކިއެވެ.

ގޮޑީގައި އިށީނަމުން އިޒުވާނު ހިނިތުންވެލިއެވެ. ޒީނާ ގޮޑީގައި އިށީނަމުން އިޒުވާނަށް ހިނިތުންވުމެއް ފޮނުވާލިއެވެ. އިޒުވާނު ބަލަން ފެށުމުން ޒީނާ ކުޑަކޮށް ލަދުވެސް ގަތެވެ. އެހާ ކައިރިން އިޒުވާނަށް ޒީނާ ފެނުމުން އިޒުވާނަށް ވެސް ބުނެދޭންނޭނގޭ ގޮތްތަކެއް ވެގެން ދިޔައެވެ. ހަމަ އެވަގުތު އެތަނަށް އައިސް ހުއްޓުނީ ގެސްޓްހައުސް ރެސްޓޯރަންޓުގައި މަސައްކަތް ކުރާ ބަންގަލަދޭޝް ވެއިޓަރެކެވެ. ވެއިޓަރުމީހާ އައުމުން ދެ މީހުންވެސް އޯޑަރު ދިނީ ދެތަށި ނެސްކެފޭ މިލްކް ކޮފީއަކަށެވެ. އެމީހާ ދިއުމުން އިޒުވާނުވެސް ގޮނޑީގައި ހަމަޖެހިލަމުން އަނެއްކާވެސް ޒީނާގެ މޫނަށް ބަލައިލިއެވެ. ޒީނާގެ މޫނުމަތީގައި މައުސޫމު ގޮތްތަކެއް ހުއްޓެވެ. އެ ދެލޮލަށް އިޒުވާނުގެ ނަޒަރު ހުއްޓުނެވެ. އިޒުވާނު ބަލަން ފެށި މަސްތީ ގޮތަކުން ޒީނާއަށް އިސްޖަހާލެވުނެވެ. ކިތައްމެ ވަރަށް ޒީނާ ބަލައިނުލާ އިންނަން މަސައްކަތް ކުރިޔަސް އެކަން ޒީނާއަށް ކާމިޔާބުވާގޮތެއް ނުވިއެވެ. އިޒުވާނަށް އަވަސް އަވަހަށް ބަލާލެވެއެވެ. ޒީނާގެ ހިތް އަވަސްވަމުން ދިޔައެވެ. މޭގަނޑު ބާރުބާރަށް ތެޅެމުން ދިޔައެވެ. ނޭވާ ކުރުވާހެން ވެސް ހީވާން ފެށިއެވެ. މަޑުމަޑުން މޭޒުދަށުން ދެއަތްވަށާލެވުނެވެ. ދެއަތްނަގާ އިސްތަށިގަނޑާކުޅެލެވެއެވެ. ދެކޮޅު ހޯދާ ބަލާލެވެއެވެ. މައްޗަށް ބަލާލެވެއެވެ. ޒީނާ ހީވަނީ މޮޔައެއް އުޅޭހެންނެވެ. އިޒުވާނު ފެނުމުން ޒީނާއަށް އުޅެމުންދާ ގޮތެއްވެސް ނޭންގުނެވެ. ހިތް އެދޭބައިވެރިޔާ އިނީ އޭނަގެ ކުރިމަތީގައެވެ.

“ޒީގެ ބިޓެއް ހުރޭތަ؟” ޒީނާ އުޅެން ފެށިގޮތުން އިސްވެ ވާހަކަ ދައްކަންފެށީ އިޒުވާނެވެ. އިޒުވާނުގެ އެ ސުވާލުން ޒީނާގެ ހިތް ކެކިގަތެވެ. ދޭނެ ޖަވާބެއް ނޭންގުނެވެ. އަތްފައި ފިނިވާން ފެށިއެވެ. ނޭންގި ހުއްޓާ އިޒުވާނު އެ ކުރީ ނުލަފާ ސްވާލެކެވެ. ދުލުން ޖަވާބުދޭނެހާ ހިތްވަރެއް ވެސް ނުލިބުނެވެ. ހީވީ މީހަކު ދުލުގައި ހިފާ ފިތާލިހެންނެވެ. ދެފަރާތަށް ބޯ ހޫރާލަމުން ޖަވާބު ދެވުނީ ވެސް ބޮލުގެ އިޝާރާތަކުންނެވެ. އިޒުވާނު ލުއި ހިނިތުންވުމެއް ފޮނުވާލިއެވެ.

“އެހެންވީމާ އެއްވެސް ހާސްކަމެއް ބިރުވެރިކަމެއް ނެތް. ގައިމު ޒީ ނުޖެހޭނެދޯ ބިރުން އިންނާކަށްވެސް. އަހަރެންތާ ބިރުން އިންނަންވެސް ޖެހޭނީ.. ދެން ވާހަކަ ދައްކަބަލަ..” އިޒުވާނު ބުނި ވާހަކައިން ޒީނާގެ ހިތް ކުދި ކުދިވެގެން ދިޔައެވެ. ޒީނާ ދެކޭގޮތުގައި އިޒުވާނަކީ އޭނަގެ ޙަޔާތުގެ ބައިވެރިޔާއެވެ. އޭނަ ނޫން މީހަކަށް އިޒުވާނެއް ނުލިބޭނެއެވެ. ނަމަވެސް އިޒުވާނުގެ ވާހަކައިން ޒީނާ މާޔޫސް ކުރުވައިފިއެވެ. ހިތަށް ލިބުނު އަނިޔާއަށް ކެތްކުރެވޭތޯ ޒީނާ މަސައްކަތް ކުރަމުން ދިޔައެވެ. އިޒުވާނުބުނި އެއްޗެއް ޔަޤީންކޮށްލުމަށް ޒީނާގެ ހިތް އެދެންފެށިއެވެ.

“މާނައަކީ އިޒުވާނުގެ ބިޓެއް ހުރެޔޭދޯ؟” ތެޅިތެޅި އޮތް ހިތަކާއެކު ޒީނާ ކޮށްލީ ސުވާލެކެވެ. އެ ސުވާލު ކުރަން ބޭނުން ނުވިއަސް ޒީނާ ބޭނުންވަނީ އެކަން ވެސް އޮޅުންފިލުވާށެވެ. ޖަވާބަކީ ކޮންމެ ފަދަ ޖަވާބެއް ވިޔަސް ޒީނާގެ ހިތުގައި އޮތްލޯތްބެއް ބަދަލެއް ނުވާނެއެވެ. އެވަގުތު ވެއިޓަރު މީހާ ތަބަކަށް ދެތަށި ކޮފީ ހިފައިގެން އައިސް މޭޒުމަތީގައި ބެހެއްޓިއެވެ. އިޒުވާނު އެމީހާއަށް ހިނިތުންވެލިއެވެ.

އިޒުވާނު ކޮފީތައްޓަށް ހަކުރު ޕެކެޓެއް ކަނޑާލަމުން ބޯ ޖަހާލިއެވެ. ފޫހިގޮތަކަށެވެ. އެކަން ޒީނާއަށް ވެސް ފާހަގަ ކުރެވުނެވެ. ނަމަވެސް ޒީނާގެ ހިތް ރޮއްވާލިއެވެ. އިޒުވާނު ކުރިމަތީގައި އިނުން އެއީ ޒީނާ އަށް މާފަސޭހަ ކަމެއްނޫނެވެ. ނަމަވެސް ކެތްކޮށްލައިގެން އިނީއެވެ. އިޒުވާނަކީ މީހެއްގެ ހައްޤެކެވެ. ކުރެވެނީ ވެސް ބޭކާރު ކަމެކެވެ. އެހެން ނަމަވެސް ޒީނާގެ ހިތް އެގޮތް ޤަބޫލުކުރާކަށް ބޭނުމެއް ނުވިއެވެ. އޭރު އުދަރެސް މަތި ބަނަވެ ވައިމަޑުމަޑުން ބާރުވަމުން ދިޔައެވެ.

“އައްސު ޒީއަށް އެނގޭތަ؟ ރިލޭޝަންޝިޕެއްގަ މިއުޅެނީ. އުޅެނީ އެއްނޫން. ތެޅެނީ.. ތިން އަހަރު ވެއްޖެ. ކުރިން މަ އޭނަދެކެ ވަރަށް ލޯބިވިން. އެކަމަކު މިހާރު ވަރަށް ފޫހިވޭ.. އަބަދު ޝަކުވާ ކުރުމާއި ޝައްކުބަލީގައި އޭނަ ހަލާކު ވަނީ.. އަންހެނެއްވިއްޔާ ފިރިހެން ރައްޓެހިންވެސް ތިބޭނެ، ފިރިހެނެއް ވިއްޔާ އަންހެން ރައްޓެހިން ތިބޭނެ. އެއީ މައްސަލައެއްކަމަށް މަ ނުދެކެން. އެކަމަކު އޭގެ މާނައަކީ އެންމެ އުޅޭނީ އެއްގޮތަކަށޭ. އައްސު މީ އެހެން ކަހަލަ ރިލޭޝަންޝިޕެއް. ނޭންގެ ދެން ޒީ ގާތު މިވާހަކަ މި ދެކެވެނީ ކީއްވެ ކަމެއް..” އިޒުވާނަށް ޒީނާގާތުގައި އެހުރިހާ ވާހަކަތަކެއް ދެކެވުނީ ކީއްވެކަމެއްވެސް ނޭންގެއެވެ. ޒީނާއަށް އެވާހަކަތަށް އަޑުއިވުނުހިނދު ހީވީ މޭގަނޑު އަތަށް އައިހެންނެވެ. ޙަޔާތުގެ ދަތުރު ކުރިޔަށް ނުދާނެކަން އިޙްސާސް ކުރެވުނެވެ. ޒީނާގެ ހިތް ކުދިކުދި ވެގެން ދިޔައެވެ. އިޒުވާނު ދެކެ ލޯބިވުން އެއީ ކުށެއް ކަމަށްވެސް ޤަބޫލުކުރެވުނެވެ. އެކުވެރިއެއް ގޮތަށްދެކެން ޒީނާ ކިތައްމެ ބޭނުންވި ނަމަވެސް އެގޮތަކަށް ދެކެން ޒީނާގެ އަމިއްލަ ޡަމީރު ތަނެއް ނުދޭނެއެވެ. އިޒުވާން ނޫން އެހެން މީހަކު ދެކެ ލޯބިވާން ޒީނާގެ ހިތެއް ނޭދޭނެއެވެ.

ޒީނާގެ ދެލޯ ފެންކަޅި ވަމުން ދިޔައެވެ. އިޒުވާނުގެ ވާހަކަތައް އަޑުއަހާކަށް ޒީނާގެ ކަންފަތަކަށް ކުޅަދާނަ އެއްނުވިއެވެ. އިޒުވާނަށް ޒީނާގެ އަމަލުތަކުން ކޮންމެވެސް އެއްޗެއް ވިސްނުނެވެ. ޒީނާއަށް ބަލަން އިޒުވާނަށް އިނދެވުނެވެ. އިޒުވާނު ބަލަން ފެށުމުން ޒީނާ އިސްޖެހިއެވެ. ލޮލުގައި ޖަމާވަމުން ދިޔަ ކަރުނަތައް އޮހިގަތެވެ. އެވަގުތު އިޒުވާނަށް އަނދިރިތެރެއިންވެސް ޒީނާގެ ލޮލުން ވެއްޓެމުންދިޔަ ކަރުނަތައް ފެންނަމުން ދިޔައެވެ.

“ޒީ ރޮނީތަ؟” އިޒުވާނަށް ސުވާލުކުރެވުނީ ޒީނާ ރޯތަން ފެނުމުންނެވެ. ޒީނާ އެކަން ފޮރުވަން މަސައްކަތް ކުރި ނަމަވެސް އެކަންވެގެން ދިޔައީ އޭނަގެ އިޙްތިޔާރުން ބޭރުންނެވެ. ޒީނާ ދެއަތުން ދެލޯފޮހެލަމުން އިސްއުފުލާ އިޒުވާނަށް ބަލައިލިއެވެ.

“ރޮނީ އެއްނޫން. ވައިބާރު ވެއްޖެއް. އެހެންވެ ލޮލުގައި ކުޑިކޮޅެއް ޖެހުނީ. ހިނގާދާން. މިހެންތިއްބާ އޮއްސާލާނީ ވާރޭ. ” ޖެހެމުންދިޔަ ބާރުވައިވެސް ވެގެން ދިޔައީ ޒީނާއަށް ދޮގެއްވެސް ހަދާލަން ލިބުނު ރަނުގެ ފުރުސަތަކަށެވެ. ވެއިޓަރު މީހާއަށް އަށް ގޮވާލުމަށްފަހު ބިލަށް ފައިސާދެއްކުމަށްފަހު އަވަހަށް ސައިކަލަށް ގޮސް އެރީ ވިއްސާރައިން ސަލާމަތް ވާނެކަމަށް ހީކޮށްގެންނެވެ. ޒީނާވެސް ގެނައި ކޮތަޅު ހިފައިގެން ގޮސް ސައިކަލަށް އެރިއެވެ.

ކުއްލިއަކަށް ވައިބާރުވާން ފެށިއެވެ. އުޑުމައްޗަށް ކަޅު ވިލާ ޖަމާވެ އުދަރެސް އަނދިރިކޮށްލައިފިއެވެ. ކަނޑުގެ ރާޅުގެ އަޑުފައްގަޑު ގަދަވާން ފެށިއެވެ. ހިމަ ފޮދުވާރޭގެ ތިކިތަކުން ޖައްވަށް ފިނިކަން ގެނުވިއެވެ.. އެތަނުގައި ތިބި މަދު ބަޔަކު ހިޔާވަހިކަމެއް ހޯދުމަށް ކޮޅުކޮޅަށް ހޭލަމޭލަވަމުންދިޔައެވެ. ވަކި ހިސާބަކަށް އެމީހުންނަށް ސައިކަލުގައި ދުއްވާލެވުނީ ބޯކޮށް ވާރޭ އޮއްސާލައިފިއެވެ. ތެޅެމުން ފޮޅެމުން ކަހަލަ ގޮތަކަށް ސައިކަލު ޕާރކުކޮށްލުމަށްފަހު ދެމީހުންވެސް ދުވަމުން ގެސްޓްހައުސެއްގެ އަސްކަނީގައި މަޑުކޮށްލިއެވެ. ވެހެމުންދިޔަ ވާރޭ ދިޔައީ ހައްތާ ބޯކުރަމުންނެވެ. އޭރުވެސް ޒީނާ ގެންގުޅުނު ކޮތަޅުގައި އަތުގައި ހުއްޓެވެ. ޖެހެމުން ދިޔަ ބާރު ވަޔާއެކު ދުނިޔެއަށް ތޫފާނެއްގެ އަސަރު ގެނުވިކަހަލައެވެ.

ވެރިވެފައިވާ އަނދިރިކަމާއެކު ވިއްސާރައިގެ ތޫފާނުން ދުނިޔެމައްޗަށް ބިރުވެރިކަމެއް ގެނުވައިފިއެވެ. ވެހެމުންދިޔަ ވާރޭއަށް ސަލާމަތްވުމަށް ޒީނާ ކުޑަކޮށް އަސްކަނީގެ އެތެރެއަށް ޖެހުނެވެ. އެވަގުތު ޒީނާގޮސް އިޒުވާނުގެ ގައިގައި ލައިގަތެވެ. ޒީނާގެ ނަޒަރު އިޒުވާނަށް ހުއްޓުމާއެކު ޒީނާގެ ލޮލުން އިޒުވާނަށްޓަކައި އުފެދިފައިވާ ފުންލޯބި ފާޅުވަމުންދިއެވެ. އޭނަލައިގެ ހުރި ހުދުކުލައިގެ ޓީޝާޓް ތެމެމުން ދިޔައިރު އެ ބިޔަ ހަށިގަނޑު ވާރެއިން ތެމުމުގެ ސަބަބުން ގައިގެ ބައްޓަން ފާޅުވަމުން ދިޔައެވެ. ޒީނާ ތެމެމުން ދިޔަ މަންޒަރު ބަލާކަށް އިޒުވާނަށް ކެތެއްނުވިއެވެ. އޭރު ޒީނާ ހީކަރުވައިގަނެގެން ތުރުތުރު އަޅަމުން ދިޔައެވެ. އެކަން އިޒުވާނަށް ވެސް އިހްސާސްވެގެންދިޔައެވެ. ޒީނާގެ ކޮނޑުގައި މަޑުމަޑުން އަތްއަޅުވާލަމުން ފާރައި ކައިރިކޮށްލިއެވެ. ވެހެމުން ދިޔަ ބޯ ތިކިތަކުގެ ވާރޭ އިޒުވާނުގެ ބުރަކައްޓަށް ހަމަލާދެމުން ދިޔައިރު އިޒުވާނަށް މަޑުމަޑުން ޒީނާއަށް ގާތްވެވުނެވެ. އިޒުވާނުގެ ހޫނު ނޭވާއިން ޒީނާއަށް މަސްތީ ޖަޒުބާތެއް ކުރުވަންފެށިއެވެ. އޭރުވެސް އިޒުވާނު މަސައްކަތް ކުރަމުންދިޔައީ ވާރެއިން ޒީނާ ހިޔާވަހިކަމެއްދެވޭތޯއެވެ. އިޒުވާނުގެ މޭމަތި ފެނުމުން މޭމަތީގައި ބޮސްދޭވެސް ޒީނާގެ ހިތްއެދެމުން ދިޔައެވެ. އެ ބިޔަ ހަށިގަނޑުގައި ބައްދާލަން ހިތްއެދި ގޮވަމުން ދިޔައެވެ. ހީކަރުވައިގެންފައި ހުރުމުގެ ސަބަބުން އެހަށިގަނޑުގެ ހޫނުކަމަށް ހިއްސުތަށް އެދިގޮވަމުން ދިޔައެވެ. ބޭއިޙްތިޔާރުގައު ޒީނާއަށް އިޒުވާނުގެ މޫނަށް ކަޅިޖަހާނުލާ ބެލެމުން ދިޔައެވެ. ނަމަވެސް ޒީނާގެ އެއްވެސް ޙަރަކާތެއް އިޒުވާނަށް އިޙްސާސްނުވާކަހަލައެވެ. އިޒުވާނުގެ ހިތްއެދޭ ސިފަތަކެއް ފަހަރުގައި ޒީނާގެ ކިބައިގައި ނެތީކަމަށް ވުންގާތެވެ. އެހާލަތުގައި ޒީނާ ބެލީ އޭނަގެ އަމިއްލަ ނަފްސް މަތަކުރެވޭތޯއެވެ.

ތެމިފައިވާ އިސްތަށިގަނޑު ހެޔޮވަރުކޮށްލަމުން ޒީނާއިސް އޮބާލިއެވެ. އެވަގުތު އިޒުވާނުގެ ވަރުގަދަ މޭމަތީގައި ބޯ ބާރަކަށް ގޮސް ޖެހުނެވެ. އިޒުވާނަށް ވެސް މިފަހަރު ޒީނާގެ މޫނު އެހާމެ ގާތުން ފެނުނު ހިނދު ހަތަރުކަޅި ހަމަވެގެން ދިޔައެވެ. ޒީނާގެ ފުންދެލޮލަށް ފަރުވާތެރިކަމާއެކު އިޒުވާނު ޤަރަޤު ވެގެން ދިޔަ ކަހަލައެވެ. ޒީނާގެ އެ ބޮޑު ދެލޮލަކީ އަޖައިބެއްކަހަލަ ޖާދޫވީ ބާރެއް ލިބިފައިވާ ގުނަވަނަކެވެ. ނޭންގި ނަމަވެސް އިޒުވާނަށް ޒީނާގެ މޫނަށް ވަރަށް ފަރުވާތެރިކަމާއެކު ނަޒަރު ހިންގާލެވުނެވެ. ވާރޭތިކިތަކުން ތެމިފައިވާ ޒީނާގެ ތުންފަތަށް ނަޒަރު ހުއްޓުނެވެ. އިޒުވާންގެ ހިއްސުތައްވެސް ހޭލަމުން ދިޔައެވެ. މަޑުމަޑުން ޒީނާގެ ތުންފަތުގައި ބޮސްދޭ ހިތް އެދުނެވެ. އިޒުވާނަށް މަޑުމަޑުން ޒީނާގެ ހަށިގަނޑުގެ އަންހެންވަންތަ ވަނާތަކުގެ އިޙްސާސް ކުރުވަން ފެށިއެވެ. ލަސްފިޔަވަޅުތަކާއެކު ދެމީހުންނަށް ވެސް ގަސްތަކާނުލާ ކައިރިވެވުނެވެ. ޒީނާއަށްވެސް އަމިއްލަ ނަފްސް ހިފެހެއްޓޭގޮތެއް ނުވިއެވެ. ޒީނާއަށް ވެސް މިކުރެވެނީ ކީއްކަމެއް ވިސްނައެއް ނުލެވުނެވެ. ބޭއިޙްތިޔާރުގައި ޒީނާގެ ދަތްދޮޅީގައި ހިފާލެވުނެވެ. އެ ބޮޑުދެއަތް ޒީނާގެ މޫނު ވަށާލެވުނެވެ. އެއަތުގެ ހޫނުކަން ޒީނާގެ ހަށިގަނޑަށް އަރާމުކަމެއް ލިބިގެންދިޔައެވެ. އިޒުވާނަށް އޭނަގެ މޫނު ކައިރިކުރެވެން ފެށިއެވެ. ޒީނާވެސް މަޑުމަޑުން ޖަޒުބާތުން ފުރިގެންވާ ގޮތެއްގައި ގާތްވެވުނެވެ. އިސާހިތަކު އިޒުވާނަށް ޒީނާގެ ތުންފަތުގައި ބޮސްދެވުނެވެ. ޒީނާވެސް ބަދަލުގައި އެ ލައްޒަތުގައި އޮޔާބެހިގެން ދިޔައެވެ. އެވާރޭގައި އެދެމީހުން އާވާރާވަމުން ދިޔައިރު ތިބެވުނު ތަނެއްވެސް ހަނދާނެއްނެތެވެ. ޒީނާއަށް ކުއްލިއަކަށް އިޒުވާނުގެ ގައިން ވީއްލިގަތެވެ. ޒީނާ އޭނާގެ ތުންފަތް ދެއަތުން ފޮހެމުން އިޒުވާނުގެ މޫނަށް ބަލަމުން ދުރަށް ޖެހުނެވެ. ޒީނާގެ ހިތާއި ދެކޮޅަށް އިޒުވާނާއި ދުރުވަމުން ދިޔައީ ކުރެވުނު ކަންތައްކާއި ދޭތެރޭ ލަދުވެތިވާ ހާލުގައެވެ. އިޒުވާނަށް ވެސް ނޭންގިނަމަވެސް ކުރެވުނު ކަންތަކުން ޖެހިލުންވާގޮތްވިއެވެ. ކުރިމަތީގައި ހުރި އިޒުވާނުގެ މޭގައި ދެއަތްއަޅާ ކޮށްޕާލަމުން ޒީނާ ދުއްވައިގަތީ އެތަނުންދާށެވެ.

ވަކި ހިސާބަކަށް ދެވުމާއެކު ޒީނާގެ ފިޔަވަޅުތަކަށް ހުއްޓުމެއް އައެވެ. ލަސް ފިޔަވަޅުތަކާއެކު ޒީނާ ވާރޭތެރޭގައި ހިނގަމުން ދިޔައެވެ. ދުއްވާ ވެހިކަލް ތަކަށް ފަރުވާލެއްނެތި ހިނގަމުން ދިޔައެވެ. ޒީނާއަށް ރޮވެމުން ދިޔައެވެ. ނޭންގި ނަމަވެސް ކުރެވުނު ކަމަކުން ޒީނާ އަށް ރޮވެނީއެވެ. އެލޯތްބަށް އެދި ހިތްއެދެމުން ދިޔަ ބައިވެރިޔާއެކީގައި އެފަދަ އަމަލެއް ކުރެވުނީތީ  އަމިއްލަ ނަފުސް ދެކެވެސް ލަދުގަތެވެ. ހިނގަމުން ހިނގަމުން ގެއާއި ހިސާބަށް އާދެވުމާއެކީ އަވަށް އަވަހަށް ގެއަށްވަނެވެ. ގެއަށް ވަދެވުމާއެކު ކޮޓަރިއަށް ގޮސް ވަނެވެ. ލޯގަނޑުކުރިމަތީގައި ހުރެ އަމިއްލަ ނަފުސަށް ބަލަން ހުރެފައި އަޑުން އަޑުނަގައި ރޯންފެށިއެވެ. އިޒުވާނު ދެކެ ކިތައްމެ ލޯތްބެއްވިއަސް މީހެއްގެ ޙައްޤަކަށް އަރައިގަންނާކަށް ދުވަހަކުވެސް  ބޭނުމެއްނޫނެވެ. ޒީނާ އަތްމުއްކަވާފައި ލޯގަނޑުގައި ޖެހިއެވެ. އިސާހިތަކު ބިއްލޫރިގަނޑު ރެނދުލައިގެން ދިޔައެވެ، މިހާރު އެލޯގަނޑުގެ ބިއްލޫރިގަނޑެކޭ ޒީނާގެ ހިތެކޭ އެއްވެސް ތަފާތެއް ނެތެވެ. އޭނަގެ ހިތްވެސް ވަނީ އެހާލަތަށްވެއްޓި ރެނދުލާފައެވެ. ޒީނާގެ އަތުން ލޭތަށް އޮހިގަތެވެ. ޒީނާއަށް އެ ޒަޙަމްތަކުން ތަދު އިހްސާސް ނުވިކަމުގައި ވިޔަސް އިޒުވާނާއެކު ކުރެވުނު ކަންތައްކުންއެކަމުގެތަދު އޭނަގެ ހިތަށް ކުރުވަމުން ދިޔައެވެ. ލޯބީގައި މިހާރު ޒީނާއަކީ ދީވާނާވެފައިވާ މޮޔައެއްފަދައެވެ. ލޯތްބަކީ ހަމައެކަނި ލިބޭ ހިތްހަމަ ޖެހުމެއް ހެއްޔެވެ؟ ނޫނީ ވެންދެނިވި އަނިޔާއެއް ހެއްޔެވެ؟ ލޯބިވުމަކީ އެފަދަ ޖަޒުބާތުތަކެއް ނަމަ ޒީނާގެ ފަރާތުން އެދަނީ އެކަންތައް ފެންނަމުންނެވެ. ލޭފެނިގެންވެސް ޒީނާގެ ހިތަށް ހިތްހަމަޖެހުމެއް ލިބޭނަމަ އެ ފުރުސަތުގެ ބޭނުން ވެސްކުރެވިއްޖެއެވެ. ލޯތްބަކީ ކަނު އެހާމެ ނުބައި ޖަޒުބާތެއްކަން ޒީނާ މިހާރު އެދަނީ ތަހައްމަލްކުރަމުންނެވެ. ލޯތްބަކީ ކުރެވޭ ކުށަކަށްވާނަމަ އެ ކުށުގެ ސަޒާއަކަށް ޒީނާއަށް ވެވުނު ލޯބިވެސް ހެއްކަކަށް ފުދޭނެއެވެ. ކިތައްމެ ވަރަށް ރޮއިރޮއި ހަލާކުވެގެން ދިއަޔަސް ޒީނާގެ އެއްވެސް ފަރުވާލެއް ނެތެވެ. ޒީނާއަށް އިޒުވާނު ދެކެ އިންތިހާއަށް ލޯބި ވެވިއްޖެއެވެ. ޒީނާ އެ ވެވުނު ލޯތްބަކީ ޒީނާއަށް ހައްޤު ލޯތްބެއް ހެއްޔެވެ؟

އިޒުވާނަށް އެތަނުގައި ހުރެވުނީއެވެ. ކުރެވުނު ކަންތައްތަކުން ޚުދު އޭނައަށްވެސް ކުރެވުނީ ރަނގަޅުކަމެއް ނޫންކަން ވިސްނުނެވެ. ނަމަވެސް އެއީ ގަސްތުގައި ކުރެވުނެ ކަންތަކެއް ނޫނެވެ. އެފަދަ ކަމެއް ކުރެވުނީ ކީއްވެކަންވެސް އިޒުވާނަށްނޭންގޭ ހާލުގައި އެކަމާއި ދޭތެރޭ ވިސްނާނުލެވުނެވެ. އިޒުވާނުގެ ހިތުގައި ޒީނާއަށް އެފަދަ މަޤާމެއް ދެވިފައި ނެތަސް އެ ފިނިރޭގައި އެ ގޮތަށް ކަންވެ ނިމިއްޖެއެވެ. ވި ކަމެއް ނުވާކަމަކަށްވެސް ނުހެދޭނެއެވެ. ވާރޭ ތުނިކޮށްލުމުން އިޒުވާނު ގެއަށްދިއުމަށް ސައިކަލުގައި ދުއްވާލިއެވެ. ޒީނާ ކަންތައްކުރިގޮތުން ޒީނާ ހުއްޓުވަން އިޒުވާނުގެ ނަފްސް އުޒުރުވެރިވިއެވެ.

*****

“މަށަކަށް ހިޔެއްނުވޭ ސަމާ ކުރަން ތިއުޅެނީ ރަނގަޅުކަމެއްހެނެއް. އަޒުލީމުގެ ހަޤީގަތް މަށަށް ނޭންގުނަސް ތި ގުޅުމަކަށް ޒީނާ އެހާ ގަޔާނުވާކަން އިނގޭއިރު ވެސް ސަމާ ތިއުޅެނީ ތިކަން ކުރަން. ޒީނާ ބުނިހެން އެމީހަކު ކުރަން ބޭނުން ކަމެއް ކުރަންވީ. ގާތް ފްރެންޑެއް ވީމާ ހަމަ ބުނެލީ..” ދޮންނަ މެޝިނުގައި ހުރި ހެދުންތައް ކޮންޑުގައި އަޅުވަމުންހުރެ އީމާ ވާހަކަ ދެއްކިއެވެ. އޭރު ސަމާ ގޭތެރެފޮޅުމުގައި އުޅުނެވެ. ސޯފާތަށް ދުރުކުރަމުން އޭނަގެ މަސައްކަތުގައި އުޅެމުންދިޔައެވެ.

“އަހަނަކަށް ހިއެއްނުވޭ ކުރަން މިއުޅެނީ ގޯސްކަމެއްހެނެއް. މަށަށް ރަނގަޅީވެސް އީމާ މިކަކުގެ ދޭތެރެއަށް ނުވަނީއްޔާ. ޒީނާ ހިތްހަމަ ޖެހުނަސް ނުޖެހުނަސް މަ މިކަން ކުރާނަން…” ސަމާވެސް ހިތްހަމަ ނުޖެހިފައިހުރެގެން ބަހުގެ ހަމަލާތަކެއް އީމާއަށް ފޮނުވާލިއެވެ.

“މަށަކާ ބެހޭކަމެއް ނޫން. އޮންނަ ގާތްކަމެއްގެ ސަބަބުން ބުނެލީ. އެހެން ނޫނަސް މަ ނުބުނަންދޯ ތިކަން ނުކުރާށެކޭ. ސަމާ ކުރަންހުރިއްޔާ އަހަރެމެން ތިކަމަށް ވެސް ސަޕޯޓް ދޭނަން. ދެން ތިހެން ބުނީތީ ދުވަހަކުވެސް ތިކަމާ ގުޅޭގޮތުން އެއްޗެކޭ ނުބުނާނަން” އީމާވެސް ހިތްހަމަ ނުޖެހިގެންހުރެ ވާހަކަ ދައްކަމުން ދޮވެފައިހުރި އަންނައުނުތައް ހިފައިގެން ބެލްކަންޏަށް ނުކުތެވެ.

ސަމާ ފާޑަކަށް ތުންއަނބުރާލަމުން ނިތްކުރިމައްޗަށް ރޫތަކެއް އަރުވާލިއެވެ. އީމާ އަށް ފާޑަކަށް ބަލަން ހުރުމަށްފަހު ފިހިގަނޑު ޓައިލްސް މައްޗަށް ހޫރާލުމަށްފަހު ގޮސް ކޮޓަރިއަށްވަނެވެ. ކޮޓަރިއަށް ވަންނަމުން ދޮރު ބާރަށް ޖެހިއެވެ. ބެލްކަނިގައި ހުރި އީމާ މޫނަށް ގޮތެއް ހަދާލުމަށް ފަހު އޭނަގެ މަސައްކަތުގައި އަވަސްވެގަތެވެ.

“މަ ކުރާކަންތަކާ ކަލޭމެން ބެހޭކަށް ނުޖެހޭ.” ކޮޓަރިއަށް ވަނުމަށްފަހު ސަމާ ހަޅޭއްލަވައިގަތް އަޑު އީމާއަށް އިވުނެވެ. ސަމާއަށް ވަރުތަކެއް ވެފައިވާކަން އޭނަގެ އަމަލުތަކުންވެސް ހާމަވެގެން ދިޔައެވެ. އީމާއަށް އެއަޑު އިވުނު ނަމަވެސް މާބޮޑުކަމަކަށް ނުހަދާ އޭނަގެ މަސައްކަތުގައި މަސްއޫލުވެގަތެވެ.

ޒީނާ ޑިއުޓީ ނިންމާފައި ގެއަށް އައިސް ވަނީ ސަމާގޮސް ކޮޓަރިއަށް ވަތް ވަގުތުއެވެ. އޭރު ބިންމަތީގައި ސަމާ ކުނިކަހަން ގެންގުޅު ފިހިގަނޑު ފެނިގެން ނަގާ ފާރުގައި ލައްކޮށްލިއެވެ. އޭރު ބެލްކަނީގައި އީމާހުރިތަން ފެނިގެން ޒީނާ ގޮސް ބެލްކަންޏަށް ނުކުތެވެ. ޒީނާ ފެނުމުން އީމާ ހިނިތުންވެލިއެވެ. ކަމެއް ހިނގާދިޔަކަމުގެ އެއްވެސް އަސަރެއް އީމާގެ މޫނުމަތިން ފެންނާކަށް ވެސް ނެތެވެ. ޒީނާ އައިސް ބެލްކަނީގެ ދަނގަޑުހޮޅިމަތީގައި އަތް އަޅާލަމުން ތިރިއަށް ނަޒަރު ހިންގާލިއެވެ.

“ސަމާ ކޮބާ؟ ގޭގައި ނޫޅެނީތަ؟ މިއަދު މީ އޭނަ އޮފްދުވަސްތަ؟” ބެލްކަނިން ބޭރު ބަލަންހުރެ ޒީނާ ކުރަންފެށީ ސުވާލުތަކެކެވެ. ސަމާ ފެންނަން ނެތުމުން ސަމާގެ ވާހަކަ އަހަންފެށުމުން އީމާ ހިތްހަމަ ނުޖެހުނެވެ.

“ނޭންގެ މަށަކަށް.” އީމާގެ ޖަވާބު ކުރުވެފައި ހަރުކަށިގޮތެއް ހުއްޓެވެ. އެކަން ޒީނާއަށް ފާހަގަ ކުރެވިގެން އީމާގެ މޫނަށް ޒީނާއަށް ބަލާއިލެވުނެވެ. އެއްޗެހި އަޅުވަމުންދަނިކޮށް ޒީނާއަތުގައި އޮޅާފައި އޮތް ހުދު ބެންޑޭޖު އީމާގެ ލޮލުގައި އަޅައިގަތެވެ. އީމާ ބަލާކަށް އެނގުމުން ޒީނާ އަތް ފޮރުވަން މަސައްކަތް ކުރިއެވެ.

“އަތަށް ކިހިނެއްވީ؟” ހެދުންތައް ބެލްކަނީގައި އަޅުވަން ހުރެފައި ޒީނާގެ އަތްފެނިގެން ގޮސް އޭނަގެ އަތުގައި ހިފިއެވެ. ޒީނާ ކުޑަކޮށް ޖެހިލުންވާގޮތްވެސް ވިއެވެ.

“އަތް ކަނޑައިގެން ދިޔައީ. ދެން މީ އެހާވަރުގެ ކަމެއްވެސްނޫން. މިވާހަކަ ދައްކަންނޫޅެ އަނެއްކާ ސަމާ އެއްޗެކޭ ބުނީތަ؟” އަތުގައި ހުރި އަނިޔާއާއި ގުޅޭގޮތުން ސުވާލުކުރުމުން ޒީނާވަގުތުން މަޢުޟޫއު ބަދަލުކޮށްލިއެވެ.

***

“ސުވާލު މި ކުރީ މަ.. ސަމާ ހަމަ ވިސްނާފަތަ ގޮތެއް ތި ނިންމަނީ” ސަމާއަށް ގުޅައިގެން ހުރެ އަޒުލީމް ވާހަކަ ދެއްކިއެވެ.

ސަމާ އެނދުމަތީގައި ފޯނުން ވާހަކަ ދައްކަން އޮތެވެ. އެނބުރެމުންދިޔަ ފަންކާއަށް ބަލަހައްޓައިގެން އޮތް އިރު ސަމާގެ މޫނުމަތިން ފެންނަމުން ދިޔައީ ކިނލަބުކަމެވެ. އެނދުމައްޗަށް ފަތުރާލެވިފައިވާ އޭނަގެ އިސްތަށިގަނޑާކުޅެމުން އޮވެ ވާހަކަ ދައްކަމުން ދިޔައެވެ.

“އެމީހުން ކިތައްމެ ހިތްހަމަ ނުޖެހިފަ ތިއްބަސް އިޓްސް މައި ލައިފް… މަ ބޭނުން ކަމެއް މަ ކުރާނީ. މަގޭ ލައިފަށް ފާޑުކިޔޭނެ މީހަކު ނުހުންނާނެ. މީ އެއްވެސް މީހަކާ ބެހޭކަމެއް ނޫން. އެމީހުން ކިޔާނެ އެއްޗެއް ކިޔަން ދޫކޮށްލާ.” ސަމާގެ ވާހަކަތަކުން އޭނަ އެ ކައިވެނި ކުރަން ފައި ވިއްދާލާފައި ހުރިކަން އެނގުނެވެ. ގާތް ދެ އެކުވެރިންގެ ނުގަބޫލުގައިވެސް ސަމާ ހުރީ އެކަން ކުރަން ތައްޔާރަށެވެ.

***

“ދެން ތިކަމާ އެއްވެސް ވާހަކައެއް ދެއްކުމުގެ ބޭނުމެއް ނެތް. އޭނަ ބޭނުން ކަމެއް ކުރަން ދޫކޮށްލާ.. މަވެސް ހަމަ ހެޕީ. ބަޓް މަ ބުނަން ބޭނުން ވާހަކައެއްވިއްޔާ މިހާރު އޮންނާނީ ބުނެފަ. ކަމެއް ވެގެން ވެސް އެކަކު އަނެކަކަށް އެހީވާން މި ތިބީ ހަމަ އަހަރެމެން. މަޔެއް ބަފައެއް ތިބި ބައެއް ނޫން. އޭނަގެ އުފަލަކަށް އަހަރެމެން އެއްވެސް ގޮތަކަށް ހުރަހަކަށް ވެގެން ނުވާނެ. އެހެން ވާކަށް މަ ބޭނުމެއްވެސް ނޫން” ޒީނާ ވެސް ވާހަކަ ދެއްކީ ސަމާ ކުރަން އުޅޭ ކައިވެންޏާއި ބެހޭގޮތުންނެވެ. ކޮންމެ ގޮތެއްވިއަސް އެ ކައިވެންޏެއް ކުރާކަށް ޒީނާއެއް ބޭނުންނުވާކަށް އޭނަގެ ވާހަކަތަކުން ވަރަށް ސާފުކޮށް ހާމަވެގެން ދިޔައެވެ. ނަމަވެސް ސަމާގެ އެއްވެސް އުފަލަކަށް ހުރަސް އަޅާކަށް ޒީނާ ބޭނުމެއް ނުވިއެވެ.

“ދެން ވާގޮތެއް ބަލަން ތިބެމާ.. “އީމާ ބެލްކަނީގައި ހުރެ ކުޑަދޮރުން ޓީވީއަށް ބަލަން ހުރެފައި ޖަވާބުދިނެވެ. އޭރު ކޮންމެވެސް ހިންދީލަވައެއް ދައްކަމުން ދިޔައެވެ. ސަމާގެ ދިރިއުޅުމާއި ދޭތެރޭ ވިސްނާކަށް އެމީހުންގެ ވާހަކަތަކުން ހާމަވެގެން ދިޔައެވެ. އެކަކު އަނެކަކަށް ބަހައްޓާ އޯގާތެރިކަމާއި ލޯތްބާ ކުލުނު އެމީހުންގެ ވާހަކަތަކުން ކިތައްމެހާވެސް ރަނގަޅަށް ހާމަ ފާޅުވެގެން ދިޔައެވެ.

***

“މަވެސް ވަރަށް ވިސްނާފަ މިގޮތަށް މި ނިންމަނީ. ކޮންމެ ގޮތެއް ވިޔަސް ނެކްސްޓް މަންތްގަ އަޒުލީމް ތީ މަގޭ މީހަކަށް ހަދާނަން. ޒީނާވެސް، އީމާވެސް ހިތްހަމަ ނުޖެހިފަ ތިއްބަސް އަހަރެންގެ އެއްވެސް ފަރުވާލެއް ނެތް..” ސަމާ ފޯނު ކަނޑާލިއެވެ. އަޒުލީމާއި ވާހަކަދައްކަންވެސް ސަމާ ފޫހިވިއެވެ.

***

“ދެން ސަމާގެ ކަންތަކުގަ ވެވުނު ވަރަކުން މަވެސް އެހީވާނަން. ވެޑިން ކޭކް ކަންތަކުގަ ބުނެފިއްޔާ އެކަން ވެސް ކޮށްދޭނަން. ސަމާއަށް ވިސްނޭނެ ދުވަހެއް އަންނާނެ. ވިސްނުނީމަ މަޢާފަށްވެސް އެދޭނެތާ.. ދެން ބަލަން ތިބެމާ ދޯ..” ބެލްކަނީގައި ހުރެފައި އެތެރެއަށް ވަންނަމުން ބުންޏެވެ. ލައިގެން ހުރި ޔުނީފޯމް ބަދަލުކޮށްލައި އަރާމޮކޮށްލުމަށް ޒީނާ ހިނގައިގަތީ ކޮޓަރިއަށް ދިއުމަށެވެ.

***

ހަވީރުގެ ހިތްގައިމު ވަގުތެވެ. ހައުލާވެސް ފިނިކޮށްލުމަށް ބޭރަށް ނުކުތެވެ. ސެންޓްރަލް ޕާރކު ހުންނަނީ ގެއާއި ކަރި ހިސާބެއްކަމުން ހިނގަމުން ހިނގަމުން ގޮސް ސެންޓްރަލް ޕާރކުތެރެއަށް ވަނެވެ. އެ ތަނަކީ ސަރުކާރުން ރައްޔިތުންނަށްޓަކައި ތަރައްޤީކޮށްފައިވާ ފެހި ރީތި ތަނެކެވެ. ތަފާތު ވައްތަރުގެ މާމެލާމެލި އަޅާގަސްތަކާއި ފެހިކަންގަދަ ކާޕެޓްވިނަތަކާއި ކަސްރަތުކުރުމަށް ހަދާފައިހުރި ފިޓްނެސް ސަރަހައްދާއި ފެންގަނޑާއި ހިތްއުފާކޮށްދޭ އެތައް ހިދުމަތެއް ލިއްބައިދޭ ތަނަކަށް އެ ޕާރކުވަނީ ވެފައެވެ. ހިތްގައިމު ވަގުތުގައި މުޅި ޕާރކުތެރޭ އެކި ހިސާބުގައި އެކި އުމުރުފުރާތަކުގެ މީހުން ކުޅުމާއި ފޮޓޯނެގުމާއި ދުވެ ސަކަރާތްޖެހުމުގައި އުޅެމުންދިޔައެވެ. ހައުލާވެސް އާދައިގެ ވަރަކަށް ހިނގާލާފައި ގޮސް އެތަނުގައި ހެދިފައިވާ ގަހެއްދަށުގައި ހަދާފައި ހުރި ގޮޑިއެއްގައި އިށީނެވެ. ފުންނޭވާ އެއްލުމަށްފަހު ގޮޑީގައި ހަމަ ޖެހިލިއެވެ. ކުޑަކުދިންނާއި ބޮޑެތި މީހުން އެތަނުގައި އުޅެމުންދިޔަ މަންޒަރު ބަލަން ގެއްލިފައި ހައުލާއަށް އިނދެވުނެވެ. ހައުލާގެ ފޯނު ރިންގވާން ފެށުމުން އަތުގައި އޮތްފޯނަށް ބަލާއިލިއެވެ. އިޒުވާނުގެ ނަން ފޯނުގެ ސްކްރީނުން ފެނުމާއެކު ތުންފަތަށް ވައްތަރުތަކެއް ޖައްސާލިއެވެ. ދެލޯކުޑަކޮށްލަމުން ދެބުމަ ގޮށްޖަހާލަމުން ފޯނަށް ޖަވާބު ދިނެވެ.

“ހާދަ އެކަނި…؟” ފޯނު ކަންފަތުގައި ޖެހުމާއެކު އިޒުވާނުގެ އަޑުޖެހުނެވެ. ދެކޮޅުހޯދާ ބަލާލުމާއެކު ހައުލާއަށް އިޒުވާނު އެދިމާއަށް އަންނަ ތަން ފެނުނެވެ. އިޒުވާނު ފެނުމާއެކު އަނގަޔަށް ވައްތަރު ތަކެއް ޖައްސާލަމުން ފޯނު ނަގައި އަތަށް ހެޔޮވަރު ކޮށްލިއެވެ. އިޒުވާނު ފެނިފައި ހައުލާގެ މުޅި ދުވަސް ޙަރާބުވެގެން ދިޔަކަޔަލައެވެ. ކުރިން އެންމެ ލޯބިވާ މީހާދެކެ މިހާރު ފޫހި ވުމަކީ ވެދާނެކަމެވެ. އެއީ އިންސާނާގެ ތަބީއަތުގައި ހުންނަ ނުބައި ސިފައެކެވެ.

އިޒުވާނު އޭނަގެ ފިރިހެންވަންތަ ހިނގުމުގައި ޖީބަށް ފޯނުލަމުން އައިސް ހައުލާއާއި ޖެހިގެން ގޮޑީގައި އިށީނެވެ. މޫނު އަނެއްފަރާތަށް އަނބުރާލުމުން ހައުލާ ގޮޑިން ތެދުވިއެވެ. ހައުލާ އުޅުނު ގޮތުން އިޒުވާނާއި ވާހަކަދައްކަންވެސް އެސޫރަ ދެކެން ބޭނުންނުވާކަށް ހާމަ ވެގެން ދިޔައެވެ.

“ކީކުރަން މިތަނަށް ތިއައީ؟” ހައުލާ ދެއަތް ވައްކޮށްލަމުން ވާހަކަ ދައްކަންފެށިއެވެ. ހައުލާ ހުރީ އިޒުވާނާ ފުރަގަސްދީގެންނެވެ. އިޒުވާނު ހައުލާއަށް ބަލާލުމަށްފަހު ޕާރކުތެރެއަށް ނަޒަރު ހިންގާލިއެވެ.

“މިތަނަށް މިއައީ ކޮންމެހެން ވަކި ކަމެއް ކުރާކަށްނޫން. އަދިވެސް އެކަމާ ހިތްހަމަ ނުޖެހިފައި.. ހައު ވެއްޖެއެމްނު ދެން ތި ރުޅި މައިތިރިކޮށްފަ ގޮތްދޫކުރަން. ކިހިނެއް މިވަރުން ލައިފް ކުރިއަށް ގެންދާނީ.. ކުދި ކުދި ކަންތަކާ އަބަދު މޫނު ކުނިކޮށްފަ. ކިތައްމެ ލޯބިން އުޅެން ބޭނުންވިޔަސް މިހެން އަބަދު އުޅެވޭތަ.؟” އިޒުވާނުގެ ވާހަކަތަކުން ހައުލާގެ ރުޅިގަނޑު ކެކެމުންދިޔައެވެ. ބަހެއް ނުބުނެ ހުންނަ ހައުލާ ކެނޑިނޭޅި މަސައްކަތް ކުރަމުންދިއެވެ. އެކަމަކު އިޒުވާނުގެ ވާހަކަތައްއޮމާވެފައި ސާދާކަމުން ހައުލާއަށް ނުހުރެވުނެވެ.

“ދެން އިތުރަށް ވާހަކަ ދައްކަން މިތާ ހުންނާނެ ކަމެއް ނެތް.. މިހާ ހިސާބުން މިކަންތައް މި ނިމުނީ…” ހައުލާގެ ރުޅި މަތަކޮށްލެވޭގޮތެއްނުވިއެވެ. އިޒުވާނާއި އޮތް ލޯބީގެ ގުޅުންވެސް ނިންމާލިއެވެ. އިތުރަށް އިޒުވާނާއި ގުޅުންބޭއްވުމާއި ވާހަކަ ދެއްކުންވެސް އެއީ ބޭކާރު ކަމެއްކަން ހައުލާއަށް ވިސްނުނެވެ. ހައުލާގެ ދުލުން އެހެން ބުނި އަޑު އިވުމުން އިޒުވާނުގެ މޫނުމަތިން އުފާވެރިކަން ފާޅުވަމުން ދިޔައެވެ. އިޒުވާނު ގޮޑިން ތެދުވިއެވެ.

“މާނައަކީ ހައު ބްރޭކަޕް ވާން ނިންމީއޭތަ؟” އިޒުވާނު ބޭނުންވީ ހައުލާގެ އެންމެ ފަހުގެ ނިންމުމަކީ އެއީތޯ ޔަޤީންކޮށްލުމެވެ. އޭރުވެސް ހައުލާ އިޒުވާނަށް ބަލާނުލާ ފުރަގަސްދީގެން ހުއްޓެވެ.

“އާނ. ކަލެއަށް އަޑު ތި އިވުނީ ހަމަ ރަނގަޅަށް. ދިސް އިޒް އޯވާރ.. ބް ރޭ ކަ ޕް…. ސާފުވެއްޖެ. ހެޕީ ދޯ… އިޒުވާނު މިހާރު ތީ މިނިވަނެއް. މަގޭ ހާލަށް މަ ދޫކޮށްލާފަ އިޒުވާނުގެ ލައިފުގަ ކުރިޔަށްދޭ. އެކަމަކު ހަނދާންކުރާތި އިތުރު އެހެން އަންހެނަކާ އެކީ އުޅޭކަށް ލާހިކެއްނޫން. އަދި ދުވަހަކު އުފަލުގަ އުޅެން ކީއްކުރަން ހަމަ ނޭވާލިޔަ ވެސް ނުދޭނަން..” ހައުލާގެ ވިހަ ގަތަބަސްތައް އިޒުވާނު ކަންފަތަށް ފުލުފުލުން އައިސް ހަމަލާދެމުން ދިޔައެވެ. އިޒުވާނުގެ މޫނުމަތިން އެއްވެސް ކަހަލަ މާޔޫސްކަމެއް ފެންނާކަށް ނެތެވެ. އޭނަގެ ހިތުގައި ހައުލާއަށްލޯބީގެ ޒައްރެއްގެ މިންވަރު  ނެތީތާއެވެ.

“އޯކޭ.. މަ ވެސް ދެން ހައުލާ ފަހަތުން އާދޭސްކުރާކަށް ނުދާނަން..” އިޒުވާނު ވެސް އޭނަގެ އެންމެ ފަހުގެ ނިންމުން އިއްވާލިއެވެ. އިޒުވާލު ލާނެއް ގޮތަކަށް ހައުލާއަށް ބަލަހައްޓާއިގެން ހުއްޓެވެ. އޭރު ފުރަގަސްދިންގޮތަށް އަދިވެސް އެ ފިޔަވަޅުމަތީގައި ހައުލާ ހުއްޓެވެ.

“އޫ. ލޮލް… އާދޭސް ކުރަން އަޔަސް ނަޔަސް މަ ނުދާނަން ތި އިޒުވާނުގެ ފައިބުޑަށް ވެއްޓި އާދޭސްކުރާކަށް. ތި ކަހަލަ ކިތައްމެ އިޒުވާނެއް މި ހައުލާއަށްވާނެ. އިޒުވާނު ހީކުރީ މީހަކުވެސް ނުވާނެޔޭ. ކަލޭ ދައްކާހާ އެއްޗެއް ރަނަށްވެގެން މަ މިހެން ހުންނާނެޔޭ ހީނުކުރައްޗޭ. ބަލަ މިހިރަ މޮޔަޔާ. މޫދުގައި އުޅޭ ކޮންމެ ގަލަކަށް މަހެއްވޭ. މިހާރުވެސް ކަލެއަށް ކިތައް އަންހެނުން ގެންގުޅެވެނީ.. ކަލޭ ހިތްފުރޭވަރެއް ނުވާނެ. ދެން މިވަރުންވެސް މި ބުނެވުނީ ކީކޭކަން ހަނދާންކުރައްޗޭ!!” ހައުލާ އިތުރަށް ދައްކާނެ އެއްވެސް ވާހަކައެއްނެތްކަން ހައުލާގެ އުޅުނުގޮތުންވެސް ހާމަވެގެން ދާނެއެވެ. ވާހަކަ މެދު ކަނޑާލަމުން ހައުލާ މޫނު އެއްފަރާތަށް އަނބުރާލީ އިޒުވާނު އަދިވެސް އެތަނުގައި ހުރިތޯ ޔަޤީންކޮށްލުމުގެ ގޮތުންނެވެ.

ހައުލާ ޤަބޫލުކުރެވުނުގޮތުގައި އޭނަގެ އެ ނިންމުމަކީ ރަނގަޅު ނިންމުމެކެވެ. ލޯބިވަނީ ހަމައެކަނި އޭނަ އެކަންޏެވެ. އިޒުވާނު ބޭނުންވަނީވެސް އެގޮތްކަންނޭންގެއެވެ. އިޒުވާނޭ ކިޔައިގެން އެތައްވާހަކަތަކެއް، ފެންނަން ބޭނުންނުވާ އެތައް މަންޒަރުތަކެއް ވަނީ ފެނިފައެވެ. އެކަމަކުވެސް އިޒުވާނު ދެކެ ވާ ލޯތްބެއްގެ ސަބަބުން ހައުލާއަށް އެއްވެސް ކަމެއް ކުރާކަށް ނުކެރުނެވެ. ހައުލާ ކިތައްމެ ރުޅިގަދަވެފައި މަސްމަގު ހުތުރު ނަމަވެސް އިޒުވާނަކީ އެހާ އަވަހަށް ކަންތައްތަކާއި ބިރުން ޖެހިލުންވާނެ ޒުވާނެއް ނޫނެވެ. އިޒުވާނަކީ ރީތި ފުރިހަމަ ޒުވާނެކެވެ. ކޮންމެ އަންހެނަކުވެސް ހިތްދަމައިގަންނަ، ރީއްޗޭ ބުނެވޭވަރުގެ ފުރިހަމަ މީހެކެވެ. ރީތި ކަމެއް ހުރީއްޔާ ދަމާ ކަނޑާނަގާނެއެވެ. އަބަދުވެސް އެކަމުގެ ނާޖާއިޒް ފައިދާ ނަގަން ރީތި މީހުން މަސައްކަތް ކުރާނެއެވެ.

އިޒުވާނުގެ މޫނުމައްޗަށް ވެރިވެގެން ދިޔައީ ނުބައި ޒާތެއްގެ ހިނިތުންވުމެކެވެ. އެ ހިނިތުންވުމުގައި އެތައް ކަމެއް ވަނީ ވަންހަނާކުރެވިފައެވެ. ހައުލާ އެއްވެސް އެއްޗެކޭ ނުބުނެ ހުރި ފިޔަވަޅުމަތީ ހުރުމަށްފަހު އެ ތަނުން ދިއުމަށް ހިނގައިގަތެވެ. ހައުލާގެ އެ ނިންމު ވެގެން ދިޔައީ އިޒުވާނަށް ލިބުނު ބޮޑު ކާމިޔާބަކަށެވެ.

***

އިޒުވާނުގެ ޙިޔާލުތަކަށް ގެއްލިގައި ޒީނާ އެނދުމަތީގައި އޮށޯވެލައިގެން އޮތެވެ. އެރޭ ހިނގާދިޔަ ކަންތައް ޒީނާއަށް އުނދަގޫކުރަމުންދިޔައެވެ. އެ މަންޒަރުތައް ލޮލަށް ސިފަވަމުން ދިޔައެވެ. ނޭންގި ނަމަވެސް ކުރެވުނު ކަންތައްތަކުން ޒީނާ ލަދުވެސް ގަތެވެ. ހިތްހަމަ ޖެހުނެވެ. އެއީ އެއްވެސް ހާލެއްގައި ޒީނާ ބޭނުންވި ގޮތެއްވެސް ނޫނެވެ. އެކަމަކު އެކަން އެގޮތަށް ވެ ނިމިއްޖެއެވެ. އެގޮތަށް އިޒުވާނާއި ގާތްވެ އެހާވަރަށް ގައިގޯޅި ވެވޭނެ ކަމަށް ޒީނާ އަށް ޤަބޫލުރަން ދަތިވަނީއެވެ، ލޯބި ވިޔަސް އެގޮތަށް ކަންތައް ވާނެކަމަށް ޒީނާއަށް އަދިވެސް ޤަބޫލުކުރަން ދަތިވަނީއެވެ. އިޒުވާނަކީ އޭނަގެ ޙައްޤެއް ނޫނެވެ. ލޯތްބަށް އެދި އެދި ހުރި ނަމަވެސް މީހެއްގެ ހައްޤަކަށް އަރައިގަންނަން އެއީ އޭނަ ބޭނުންވާނެ ގޮތެއް ނޫނެވެ. ދުވަހަކުވެސް އެފަދަކަމެއް ކުރާކަށް ޒީނާ ބޭނުމެއްވެސް ނޫނެވެ.

***

ސަމާ އާއި އަޒުލީމުގެ ކައިވެނި ރަސްމިއްޔާތު އޮތީ ވައިޓްހާޕް ބީޗް ރެސްޓޯރަންޓްގައެވެ. ސަމާލައިގެން ހުރި ހުދުކުލައިގެ ކައިވެނީގެ ހެދުން އެހާމެ ނަލައެވެ. އެހެން ކައިވެނީގެ ހެދުންތަކަށްވުރެ ސަމާގެ ހެދުން ތަފާތުކަމެއް ފެނިގެންދިޔައެވެ. ކައިވެނި ހަފްލާތަކުގައި ފަހާފައި ހުންނަ ގިނަ ހެދުން ތަކަކީ ފޮތި ފޭލީގެ ދޫލައެއްފަދައިން ފަހާފައިހުންނަ ހެދުންތަކެވެ. ޖަރީކަންބޮޑު ލައިގެން އުޅެން އުނދަގޫ ބަރު ހެދުންތަކެވެ. ނަމަވެސް ސަމާގެ ހެދުން ދިމާ އިދިކޮޅެވެ. އެ ހެދުން ކުރެވެ. ފަލަމަސްގަޑަށް ވުރެއް މައްޗަށް ހެދުން ހުރީ ކުރުކޮށެވެ. ގަޔަށް ބާރުކޮށް ފަހާފައި ހުރި އެ ހެދުން ފޫޅާއި މެޔާއި ދޭތެރޭ ތިންއިންޗީގެ ނޫކުލައިގެން ބަންދެއް ފަހަތަށްވާގޮތަށް އަށްސާފައި ހުއްޓެވެ. މޭމަތީގައި ކުދި މުތްތަކެއް ކަހަލަ މިނާފުއްތަކެއް ހަރުކޮށްފައި ހުއްޓެވެ. ކޮށްފައި ހުރި އާދައިގެ މޭކަޕާއި ހެދުމާއި ހުރީ ގުޅިލާމެހިފައެވެ. އަރައިގެން ހުރި ޝާޙީނޫކުލައިގެ ކަށި ބޫޓުންސަމާގެ އިސްކޮޅު އިހުނަށްވުރެ ދިގުކަމަށް ދައްކައެވެ. ކަންފަތުގެ ދެފަރާތަށް އިސްތަށިކޮޅެއް ވައްޓާލާފައި އޮތްއިރު ބޮލުގެ މެދަށްޖަހާފައިވާ ހުޅި ކައިރިން ނޫކުލައިގެ ފިނިފެންމަލެއް ހަރުކޮށްފައި ހުއްޓެވެ. ހެދުމާއި ގުޅޭގޮތުން ބޭނުންކޮށްފައި ހުރީ އާދައިގެ ގަހަނާތަކެކެވެ. ކަންފަތުގައި ނޫކުލައި މުތެއް ލައްވާފައި ހުއްޓެވެ. އެހެދުމުގައިވެސް ސަމާގެ ރީތިކަށް ފާލުވަމުން ދިޔައެވެ. އަޒުލީމު ލައިގެން ހުރީ ޝާޙީ ނޫކުލައިގެ ކޯޓްފަޓުލޫނެކެވެ. އަޒުލީމް ލައިގެން ހުރި ކޯޓާއި ސަމާގެ ހެދުމާއި ވަނީ ގުޅުވާލެވިފައެވެ.

މުޅި މާހައުލަށް ވެރިވެފައިވަނީ ރީތި މިއުޒީކެއްގެ އުފާވެރިކަމެކެވެ. ކައިވެންޏަށް ދައުވަތު ދީގެން އަންނަމުންދިޔަ މެހެމާނުން އެދެމަފިރިންނަށް ކައިވެނީގެ ވެދުމާއި ތަޙްނިޔާ ކިޔަމުން ސަލާމްކޮށް ހަދިޔާ ބަދަލުކުރަމުން ދިޔައެވެ. އެ ކައިވެނީގައި ބައިވެރިވީ އަޒުލީމު އާއިލާގެ މަދު ބަޔަކާއި ދެފަރާތުގެ ވެސް ހެޔޮ އެދޭ ރައްޓެހިންނެވެ. ޕާޓީއަށް ދައުވަތު ދީގެން އައި މެހެމާނުން ކާތަކެތި ތައްޓައް އަޅައިގެން އެކި ދިމަދިމާލުގައި ޖޯޝާއި ފޯރީގައި ކެމުގައި މަސްއޫލުވަމުން ދިޔައެވެ. ސަމާގެ މޫނުމަތިން ކައިވެނީގެ އުފަލާއި ހިތްހަމަ ޖެހުން ފާޅުވަމުން ދިޔައެވެ. އެއީ ކޮންމެ އަންހެންކުއްޖެއްގެ ހަޔާތަށް އަންނާނެ އެންމެ އުފާވެރި ދުވަހެވެ. އަލަތު ކައިވެނި ކުރެވޭ ދުވަސް އެއީ އެންމެ ދެކެން ބޭނުންވާ ދުވަހެވެ. އެ އުފާ ސަމާ އެދަނީ ފާހަގަ ކުރަމުންނެވެ. އެންމެންގެ މޫނުމަތިންވެސް ހިތްހަމަޖެހުމާއި އުފާވެރިކަން ފެންނަމުން ދިޔައެވެ.

އެކައިވެންޏާއި ކިތައްމެ ނުރުހުނަސް ޒީނާއާއި އީމާ ދިޔައީ އަމަލީގޮތުން ބައިވެރިވަމުންނެވެ. ޒީނާ އަކީ އެހެން އަންހެންކުދިންނާއި ހިލާފަށް އެހެން މީހުންނާއި ދޭތެރޭ ވިސްނޭކުއްޖެއްކަން އެވަރުގެ ހެއްކަކަށް ފުދޭނެއެވެ. ސަމާގެ އެކައިވެންޏަށް ފާޅުގައި އިންކާރުކޮށް ވާހަކަވެސް ދެއްކީ ޒީނާއެވެ. އެހެނަސް ސަމާގެ އެއްވެސް އުފަލަކަށް ހުރަހަކަށްވާން ޒީނާ ބޭނުމެއް ނުވިއެވެ.

ޒީނާ ލައިގެން ހުރި ޝާޙީ ނޫކުލައިގެ ބޮޑު ހެދުމާއި އޭނަގެ އުޅުމުން އެކަމުގެ އުފަލުގައި އޭނަވެސް ބައިވެރިވާކަށް ހެއްކަކަށް ފުދޭނެއެވެ. ކުރުކޮށް ކޮށާލެވިފައިވާ ޒީނާގެ ބޮލުގައި ޕްލާސްޓިކް ހުދު ފިނިފެންމަލެއް ހަރުކޮށްފައި ހުއްޓެވެ. މުޅި އެ ކައިވެނީގެ ހަފްލާތެރެއިންވެސް ޒީނާއަށްވުރެ ވަކި ރީތި ކުއްޖަކު ހޯދާކަށް ލާހިކެއްނޫނެވެ. އެހާވެސް ޒީނާ ރީއްޗެވެ. ބޮޑު ދެލޮލުގައި ފަޑުކަމެއް ގެނުވާފައިވާ މަޑުނޫކުލައިގެ ޝޭޑް ޒީނާގެ ލޮލަށް އިތުރު ފުރިހަމަކަމެއް ވަނީ ގެނުވާފައެވެ. ރީތި ތުންފަތުގައި ފަވާލެވިގައިވާ ރަތްކުލަ ގަދަ ލިޕސްޓިކުން ޒީނާގެ ރީތިކަމަށްވަނީ އިތުރު ޒީނަތްތެރިކަމެއް ފެންނަމުންދިޔައެވެ. އެޕާޓީއަށް އީމާވެސް ހުރީ އޭނަގެ ފެންވަރުން ހަމަ އެންމެ ރީތިވެލައިގެންނެވެ. ސަމާގެ އުފަލުގައި ދެމީހުންވެސް ބައިވެރިވަމުންދިޔައީ ހަޤީގީ އެއްބަޑު އެއްބަފާ ކުދިން އުޅޭހާ ލޯތްބާއި ފޯރީގައެވެ.

އަޒުލީމާއި ސަމާގެ ކައިވެނި ކުޑަގޮތަކަށް ފާހަގަކުރެވުނެވެ. ކައިވެންޏަށްފަހު އަޒުލީމުގެ ދިރިއުޅުންވެސް ސަމާ ދިރިއުޅޭ އެޕާޓްމަންޓަށް ބަދަލުކުރެވުނެވެ. ޒީނާ ކިތައްމެ ނުރުހުނަސް އެކަން އެގޮތަށް ކުރީވެސް ސަމާވެސް ބޭނުންވެގެންނެވެ. ސަމާ ބޭނުންވީ އެމީހުން ކިތައްމެ ހިތްހަމަ ނުޖެހުނަސް އެމީހުން ފެންނަ ފަށުގައި ދިރިއުޅޭށެވެ. މާދަމާ ކަމެއް ޖެހުނަސް އެހީވާން ތިބީ ހަމަ އެދެމީހުން ކަމަށްވީތީއެވެ. ކޮންމެ ގޮތަކަށް ކަންތައް ވީ ނަމަވެސް އެމީހުންގެ ހިތުގައި އެކަކު އަނެކަކަށް އޮންނަ ލޯތްބާއި ޙަމްދަރުދީ އެއީ ބަދަލުވެގެން ނުދާނެ ގުޅުމެކެވެ.

***

ހަފްތާއެއް ފާއިތުވެގެން ދިޔައީއެވެ. ކައިވެންޏަށްފަހު އަޒުލީމާއި ސަމާ މާމުއި ހަނދުގެ ދުވަސްތައް ހޭދަކުރުމަށް ރާއްޖެއިން ބޭރަށް ފުރައިގެން ދިޔަފަހުން ދުވަސްކޮޅެއް ވަނީއެވެ. އަލަތު ކައިވެންޏަށްފަހު ކޮންމެ ދެމަފިރިއެއްގެ ހުވަފެނަކަށްވެފައި އޮންނަނީ ހިތްގައިމު މަންޒިލަކަށް ދަތުރު ކޮށްލުމެވެ. ހަޔާތުގައި ލިބޭ އުފާވެރިކަން ކޮންމެ ދެމަފިރިއަކުވެސް ބޭނުންވަނީ ހިތްހަމަ ޖެހުމާއި އުފާވެރި މާހައުލެއްގައި ދުވަސްތައް ހޭދަކޮށްލުމެވެ. އެގޮތުން ސަމާއާއި އަޒުލީމިްެސް ކުޑަދުވަސްކޮޅަކަށް ފުރައިގެން ރާއްޖެއިން ބޭރަށް ދިޔައެވެ.

***

ޑިއުޓީއަށް އިޒުވާނަށް އާދެވުނީވެސް ގަޑިޖެހިގެންނެވެ. ބާރުހިނގުމެއްގައި ގޮސް ކާޑް މެޝިންކައިރިއަށްގޮސް ކާޑު ޖެހުމަށްފަހު އަވަސް އަވަހަށް ހިނގައިގަތީ މީހުންފުރާ ދޮރާއި ދިމާއަށެވެ. ނަމަވެސް އިޒުވާނުގެ ނަޒަރު ހުއްޓުނީ ޕިއްޒާ ކޮންމެނީ އިން ނުކުމެގެނެދިޔަ ޒީނާ ފެނުމުންނެވެ. އެ ދިމާލަށް ދާން ހިނގައިގަތީ ޒީނާއާއި ވާހަކަ ދައްކަން ބޭނުންވެފައި ހުރިލެއް ބޮޑުކަމުންނެވެ. ކުރެވުނު ކަންތައްކަށް މައާފަށް އެދެން އިޒުވާނު ހުރީ ބޭނުން ވެފައެވެ. ފަޔަށް ބާރު ލާފައި އިޒުވާނަށް ދެވުނީ ވަކި ހިސާބަކަށެވެ. މީހެއްގައިގައި ލައިގަތެވެ. އިޒުވާނު ބިޔަވެފައި ޖާނުން ވަރުގަދަ ކަމުން އިޒުވާނަށް ސަލާމަތް ވެވުނެވެ. ނަމަވެސް އޭނަގެ ލޯ ހުއްޓިފައި ހުރީ ޒީނާއަށެވެ.

“ތަދުވެއްޖެ..”އަންހެންކުއްޖެއްގެ އަޑު ކޮންމެވެސް ދިމާލަކުން އައިހެން ހީވެގެން އިޒުވާނު ދެކޮޅު ބަލާއިލިއެވެ. މީހަކުފެންނަ ނެތުމުން ޒީނާ ފެނޭތޯ އަނެއްކާވެސް ނަޒަރު ހިންގާލިއެވެ. އެވަގުތު އަންހެން ކުއްޖަކު ބިންމަތީގައި އެކުއްޖާ ގެންގުޅު އަތްދަބަހާއި ޕާސްޕޯޓް ނަގަން އުޅުނުތަން އިޒުވާނުގެ ލޮލުގައި އަޅައިގަތެވެ. އެ އަންހެންކުއްޖާ އަޅައިގެން ހުރި ބުރުގާގެ ފޮތިގަނޑުވެސް އޮތީ ރޫޅިފައެވެ.

“ސޮރީ” އޭ ބުނެލަމުން އިޒުވާން އޭނަގެ އަތްދިއްކޮށްލިއެވެ. ނަމަވެސް އަތުގައި ހިފުމުގެ ބަދަލުގައި އެކުއްޖާ އަމިއްލައަށް ތެދުވަން އުޅުނެވެ. ގަސްތުގައި އިޒުވާނުގެ އަތުގައި ހިފަން އެކުއްޖާ އިންކާރުކުރިއެވެ. ބުރުގާ ފޮތިގަނޑު ރީތިކޮށްލަމުން ނުރުހުމުގެ ނަޒަރަކުން އެ އަންހެން ކުއްޖާ އިޒުވާނަށް ބަލައިލިއެވެ. އަވަސް އަވަހަށް ތެދުވަމުން އޭނަލައިގެން ހުރި ޖީންސް ފޮޅާލިއެވެ. އޭނަ ލައިގެން ހުރީ ތަންތަނުން ރޮދި ކޮށިފައިވާ ފަޔަށް ބާރު މިޒަމާނުގެ ޖީންސެކެވެ. ލައިގެން ހުރި ގަޔަށްބާރު ޓޮޕުކޮޅުގެ ބޭރުން ދޫ ޖެކެޓެއްވަނީ ގަޔަށް ހެޔޮވަރުކޮށްލާފައެވެ. ލައިގެން ހުރި ޖެކެޓް ރީތިކޮށްލަމުން އެ ކުއްޖާ އިޒުވާނުގެ މޫނަށް ބަލައިލަމުން ތުން އަނބުރާލަމުން ލޮލަށް ވައްތަރު ތަކެއް ޖައްސާލިއެވެ.

ދެވަނަ ފަހަރަށް އިޒުވާނުގެ މޫނަށް އެކުއްޖާއަށް ބަލައިލެވުނެވެ. އެކުއްޖާގެ އެހުރިހާ ހަރަކާތްތަކަށް އިޒުވާނަށް ގެއްލިފައި ހުރެވުނެވެ. އިޒުވާނު ފެނުމުން ވީ ގޮތެއްވެސް ނޭންގުނެވެ. ބަސްހުއްޓިފައި އެ ކުއްޖާއަށް ބަލަން ހުރެވުނެވެ. އިޒުވާނުގެ ބިޔަ ހަށިގަނޑާއި ހެޔޮވަރުގެ ދިގު އިސްކޮޅަށް އެކުއްޖާގެ ހިތްލެބިގެން ދިޔައެވެ. އަޅައިގެން ހުރި ބުރުގާގެ ފޮތިގަނޑު ކޮނޑަށް އެއްލި އިރުވެސް ހީވަނީ މަޑު މިއުޒިކީރާގެއްގައި އެއްލާލި ހެންނެވެ. އެކުއްޖާއަށްވެސް އިޒުވާނު ފެނިފައި އަންތަރީސް ކުރުވައިފިއެވެ. ދުލުގައި ގޮށްޖެހި ނަޒަރު ގޮސް އެދިމާއާށް ހުއްޓުނުގޮތަށް ހުރެވުނީއެވެ.

“މާތްކަލާކޯ ރީތި ފިރިހެނެއް” އެކުއްޖާގެ ހިތްބުނަމުން ދިޔައެވެ.

“ސޮރީ ވަރަށް ބޮޑަށް.. އައްސު މަގޭ ކުށް”؟ އިޒުވާން ވާހަކަ ދައްކަން ފެށުމުން އެ ކުއްޖާއަށް އިޒުވާނަށްޓަކައި ހިތްލެބިގެން ދިޔައެވެ. ހިތްގައިމު އަޑެއްތާއެވެ. އޭރުވެސް އެކުއްޖާގެ ނަޒަރު ހުއްޓިފައިވަނީ އިޒުވާނަށެވެ. އެހާވަރަށް ބަލަން ހުރުމުން އިޒުވާން ތުނބުން އަޑެއް ލައްވާލިއެވެ. ސިހިފައި އެ ކުއްޖާ ކޮޅުކޮޅަށް ނަޒަރު ހިންގާލިއެވެ

“ސޮރީ” އެކުއްޖާގެ އަޑުގައި ޅަގޮތެއް ހުއްޓެވެ..

“އެއީ އެއްވެސް ކަމެއްނޫން. އެކްޗުއަލީ ސާރާވެސް ޖެހޭނެ ދޯ ބަލައިގެން އުޅެން. ފެރީއަށް ދާން ވެގެން މާ އަވަސް އަރުވާލައިގެން ލިބުނު ލަނޑު. އައި ހޭވް ޓު ސޭ ސޮރީ..” ސާރާވެސް މަޢާފަށް އެދުނެވެ. އަވަސް އަވަހަށްފޮށިއަތަށް ނަގައިގެން ސާރާވެސް ބެލީ ފެރީއަށް ދެވޭތޯއެވެ. ދުވަމުން ތެޅެމުން ސާރާ ދުއްވައިގަތެވެ. ސާރާ ދިއުމުން އިޒުވާނު ވެސް ޒީނާ ފެނޭތޯ ކޮޅުކޮޅަށް ނަޒަރު ހިންގާލިއެވެ. ނަމަވެސް ފެންނާކަށް ނެތެވެ.

ޒީނާ ފެންނަން ނެތުމުން މާޔޫސްވެ ހުރެ އިޒުވާން ހިނގައިގަތީ މީހުން ފުރާ ދޮރާއްޓާއި ދިމާއަށެވެ. އެވަގުތު ބިންމަތީގައި އޮތް ސާރާގެ ވޮލެޓް ލޮލުގައި އަޅައިގަތެވެ. ގުދުވެލާފައި ބިންމަތިން އެ ނެގުމަށްފަހު ސާރާ ފެނޭތޯ ފެރީ ފުރާދިމާއަށް ބަލާލެވުނެވެ. އޭރު ސާރާގޮސް ފެރީއަށް އަރަނީއެވެ. ވޮލެޓް ނެތިސް ސާރާ ޓިކެޓް ގަތީ ކިހިނެއްކަންމާމެދު އިޒުވާނަށް ވިސްނާލެވުނެވެ. އެވަގުތު ސާރާގެ އަތުގައި ލާރި ހުރީކަމަށްވެސް ވެދާނެއެވެ. ގަޑި ޖެހިގެން އެތަށްއިރެއް ވީއެވެ. އިޒުވާނު އަވަސް އަވަހަށް ފުރާ މީހުންގެ ދޮރާށިން އެތެރެއަށް ވަނެވެ.

ސާރާއަށް ގެއަށް އާދެވުނު އިރު އޭނަގެ މަންމަ ކޮންމެސް ކާއެއްޗެއް ހެދުމުގައި މަސްއޫލުވެ އުޅުނެވެ. އެޕާރޓްމަންޓަށް ނަޒަރު ހިންގާލުމުން އެ އާއިލާ އަކީ ތަނަވަސް ދިރިއުޅުމެއް އުޅެމުންދާ ބައެއްކަން ހާމަވެގެން ދާނެއެވެ. ހަތަރު ރޫމުގެ އެޕާރޓްމަންޓްގައި ބަހައްޓާފައިވާ ކަޅުކުލައިގެ ބޮޑު ސޯފާސެޓުގެ މެދުގައި ހުރި ބިއްލޫރި މޭޒުމަތީގައި ރީތި މާޓްކުރީގައި މާތަކެއް ޖަހާފައި ހުއްޓެވެ. ސޯފާ ސެޓްގެ ދެފަރާތުގައި ޒީނަތްތެރި ކުރުމަށް ޤުދުރަތީ ގަސްތަކެއް އިންދާފައި ހުއްޓެވެ. 42 އިންޗީގެ ބޮޑު ޓީވީ އެއް ބަހައްޓާފައި ހުރި އިރު ޓީވީ ރެކްގެ ދެފަރާތުގައި ސާރާއާއި އޭނަގެ އެއްބަނޑު އެއްބަފާ ބޭބެށް މަދަރުސީ ދައުރުގައި ލިބިފައިވާ ހަނދާނީ ފިލާތަކައި ޓްރޮފީތައް ތަރުތީބުން އަތުރާލާފައި ހުއްޓެވެ. އާއިލާގެ އެކި ދުވަސްވަރުގެ ތަސްވީރުތައް ފާރުގެ އެކި ހިސާބުތަކުގައި ހަރުކޮށްފައި ހުއްޓެވެ.

ސާރާ އައިސް ވަތްތަން ފެނުމާއެކު އޭނަގެ މަންމަ ޖީހާން ކުރަންހުރި މަސައްކަތް ހުއްޓާލުމަށްފަހު އުފަލުން އައިސް ސާރާގެ ގައިގައި އޮޅުލައިގަތެވެ.

“މަގޭ ދަރިފުޅު. އަންގާވެސްނުލާ ތި އައީ. މަންމައަށް ހީވިޔޭ ދަރިފުޅު މިއަދު އަންނާނެޔޭ. ދޮންބެ ވެސް ބުނި ސާރާ މިރޭ ނޫނީ މާދަމާއޭ އަންނާނީ. މަންމަ ހިތްވަރަށް ސީދާވާނެ. ނިކަން ބަލާބަލަ ދޮގުހަދާފަ އައިސް މިހުރީ އެންނު” ސާރާ ފެނިފައި އޭނަގެ މަންމަ ޖީހާން އައިސް އުޅެން ފެށިގޮތުން މައިވަންތަ ކަމުގެ ލޯބި ހާމަ ވެގެން ދިޔައެވެ.

“އޮ ޕްލީޒް މަންމާ. އަޅެދެން ތިހާ ހެޕީ ނުވެބަ. ސާރާ ފެނިފަ މަންމަ މޮޔަވީތަ؟” ޖީހާން އުޅެން ފެށިގޮތުން ސާރާ އަށްވެސް ހެވުނެވެ. ސާރާވެސް ހުރީ ދުވަސްގަނޑަކަށްފަހު މަންމަ ފެނުމުން އުފާވެފައެވެ.

“ކޮން ޕްލީޒް އެއް ބްލީޒް އެއް ކިޔާކަށް. ސިންގަޕޫރުގައި 3 އަހަރު ކޮށްފައި އައިސް މާ ފަރަންޖީ ވާނެކަމެއް ނެތް. ފަރަންޖީ ބަހުން ވާހަކަ ދެއްކިއަސް މަންމަ އަށް ނޭންގޭނެ ތިކިޔަނީ ކީކޭކަމެއްވެސް.”ޖީހާންގެ ވާހަކަ ހުރިގޮތުން އަނެއްކާވެސް ސާރާއަށް ހެވުނެވެ.

“އަޅެ މަންމާ. ދޮންބެއާއި ބައްޕަ ކޮބާތަ؟ ގޭގަ ނޫޅެނީތަ؟ ކާ އެއްޗެއްވެސް ނެތްތަ؟’ ސާރާ ވަރަށް ލޯބިން ސުވާލުކުރަމުން ދިޔައެވެ. ޖީހާން އޭނަގެ ދަރިފުޅު އަތުގައި ހިފައިގެން ގެނެސް މާޒުކައިރީގައި ބޭންދިއެވެ. މޭޒުމަތީގައި ތަފާތުގެ މޭވާ އަޅާފައި ހުރި ތައްޓެއް ހުއްޓެވެ. ސާރާ އެއަށް ނަޒަރު ހިންގާލަމުން އޭނަގެ މަންމައަށް ބަލައިލައެވެ. ގޭގައި ހަދާފައި ހުރި ހުރިހާ ކާއެއްޗެއް ގެނެސް މޭޒުމަތީގައި އަތުރާލަމުން ސާރާގެ މޫނަށް ޖީހާނު ބަލައިލައެވެ. ހަނޑުލުގުޅަޔާއި ކަވާބައި ދެވަތައްތަރެއްގެ ފޮނި ބޯކިބާތަކެއް ތައްތަކަށް އަލާފައި ސާރާގެ ކުރިމަތީގައި ބެހެއްޓިއެވެ. ޖީހާން ލޯބިން ފުރިގެންވާ މައިވަންތަ ބެލުމަކުން ސާރާއަށް ބަލަން ހުއްޓެވެ.

އަވަސް އަވަހަށް ސާރާ ކާންފެށިއެވެ. ސާރާގެ ހަރަކާތްތަކަށް ގެއްލިގައި ޖީހާނަށް ހުރެވުނެވެ. ދުވަސްގަނޑަކަށްފަހު މަންމަގެ އަތުން މީރުކޮށް ބަނޑުފުރައި ކެވުނީތީ ސާރާއަށް ލިބުނު އުފާ އިންތިހާއަށް ލިބިގެންދިޔައެވެ. ކައި ނިމިގެން ސާރާ ގޮނޑީގައި ހަމަޖެހިލަމުން އަތްދަމާލަމުން ހަށިގަނޑު ވެސް ދަމާލިއެވެ. ދެފަރާތަށް ބޯ އަރިކޮށްލަމުން ފުންނޭވާއެއް ބޭރުކޮށްލިއެވެ.

“މަންމަ އަތުން މީރު ކާއެއްޗެއް މި ލިބުނީ ތިން އަހަރު ފަހުން. ހާދަ ދުވަހެއް ފަހުންނޭ. މަންމަ ދެކެ ސާރާ އަބަދުވެސް ލޯބިވޭ..” ސާރާ ގޮޑިން ތެދުވެގެން އައިސް އޭނަގެ މަންމަ ގައިގައި އޮޅުލައިގަންނަމުން ކޮލަށް ދޮނެއްވެސް ދިނެވެ. ޖީހާން ގެ ކޮނޑުގައި ބޯ އަޅައިލައިގެން އޮވެ ސާރާ ހިތްހަމަ ޖައްސާލަމުން ދިޔައެވެ. ދުވަސްތަކަށްފަހު މަންމަގެ ހަށިގަނޑުގައި ބީހިލުމަށް އެދި އެދި ހުރުމުން ސާރާ އޭނަގެ މަންމަގައިން ވީއްލިގެން ދާކަށް ބޭނުމެއް ނުވިއެވެ.

“ދަރިފުޅު ދެންދޭ އަރާމްކޮށްލަން.. ދޮންބެ ވެސް އަންނާނެ އިރުކޮޅަކުން. ދަރިފުޅުދޭބަލަ އަރާމްކޮށްލަން..” ޖީހާން ލޯތްބާއި އޯގާތެރިކަމާއެކު ސާރާގެ ކޯތާފަތުގައި ފިރުމާލިއެވެ. މަޔަކު ދަރިޔަކު ދެކެ ވާ ލޯތްބާއި ކުލުނު އެދެމައިންގެ އަމަލުތަކުން ހާމަވެގެން ދާނެއެވެ. ސާރާ އޭނަގެ މަންމަ ކޮލަށް ބޮސްދެމުން ގައިގައި އޮޅުލައިގަތެވެ. ސާރާ ރަކި ހިނިތުންވުމަކާއެކު ގޮސް ކޮޓަރިއަށްވަނެވެ. ސާރާ ދިއުމުން ޖީހާން އަވަސްވެގަތީ މޭޒުމަތި ސާފުކުރުމުގައެވެ.

***

ޑިއުޓީ ނިންމާލުމަށްފަހު އިޒުވާނުވެސް ގެއަށް އައީ ދަންވަރު ބާރަވެސް ޖަހާ ބޮޑުވިފަހުންނެވެ. ފެންވަރާލައިގެން އެނދުގައި ޖައްސާލިއެވެ. ލައިގެން ހުރި ކުރު ސޯޓް ރީތިކޮށްލަމުން ޓީވީ ހުޅުވާލަން ރިމޯޓް ނެގިއެވެ. އެވަގުތު ލޮލުގައި އަޅައިގަތީ އެނދުމަތީގައި ބާއްވާފައި އޮތް ސާރާގެ ވޮލެޓަށެވެ. ވޮލެޓަށް ބަލާލުމާއެކު ސާރާގެ ސޫރަ ސިފަވެގެން ދިޔައެވެ. އަވަސް އަވަހަށް ވޮލެޓް ނަގާ ވޮލެޓް ހުޅުވާލިއެވެ. ވޮލެޓްތެރޭގައި ސިންގަޕޫރުގެ ޑޮލަރުތަކާއި ފުދޭވަރަކަށް އެމެރިކާ ޔޫއެސް ޑޮލަރުވެސް ހުއްޓެވެ. އެއަށްވުރެ ބޮޑަށް އިޒުވާނުގެ ލޮލުގައި އަޅައިގަތީ ސާރާގެ ޕާސްޕޯޓް ސައިޒު ފޮޓޯއަށެވެ. އެ ފޮޓޯއަށް ބަލަހައްޓައިގެން އިނދެވުނެވެ. އެ ފޮޓޯ ވޮލެޓުން ނެގުމަށްފަހު ފޮޓޯއަށް ރަނގަޅަށް ނަޒަރުކަހައިލިއެވެ.

ސާރާގެ އެހެން ފޮޓޯއަށް އިޒުވާނުގެ ނަޒަރު ހުއްޓުނެވެ. ސާރާއަކީ ހިމަތޮޅި ރީތި ކުއްޖެކެވެ. ޒަމާނީ ބުރުގާ، ދިވެހިން ބުނާގޮތުންނަމަ ފެޝަން ބުރުގާއަށް ލޯބިކުރާ ކުއްޖެއްކަން އެ ފޮޓޯއިންވެސް ފެންނަން ހުއްޓެވެ. ސާރާގެ އެންމެ އަޅައިގަންނަ އެއް ސިފައަކީ ބުރުގާ އަޅާފައިހުންނަ އަރަބި ގޮތްގަނޑެވެ. އިޒުވާނު އެ ފޮޓޯއަށް ބަލަން އިން ގޮތުން ސާރާއަށް ހިތްކިޔާކަހަލަ ގޮތެއް ހުރިކަން ފާހަގަ ކުރެވުނެވެ. ސާރާގެ އެ ތަސްވީރަށް ބަލަހައްޓައިގެން އިނދެވުނީ ކިހާ އިރަކު ކަމެއްވެސް ނޭންގުނެވެ. ސާރާގެ އައިޑީ ކާޑަށް އިޒުވާނުގެ ނަޒަރު ހުއްޓުނީ އެ ފޮޓޯއަށް ބަލަން އިރުގަނޑަކު އިނުމަށްފަހުގައެވެ. އެ ނަގައި ރަނގަޅަށް އެއަށް ކަޅި ހިންގާލިއެވެ.

***

އެކަނިވެއްޖެއްޔާ ޒީނާގެ ކަމަކީ އިޒުވާނުގެ މަތިން ހަނދާންކުރުމެވެ. ލޯބިވެވުނު އެ ސޫރަ ހިތުގައި ވަނީ ބިންވަޅު ނެގިފައެވެ. ޒީނާއަށް ރޮވޭގޮތްވިއެވެ. ބާލިސް ނަގައި މޫނުމަތީގައި އަޅައި މޫނު ނިވާކޮށްލިއެވެ. ދުވަހަކުވެސް އިޒުވާނުގެ މަތިން ހަނދާންކުރަން ޒީނާ ބޭނުމެއް ނުވިއެވެ. އެ ލޯބީގައި ހުޅުކޮޅު ދިއްލާލެވެންވެސް ނެތެވެ. ހިތްހަމަ ޖެހުނަސް، ރޮވުނަސް، އުފާވިއަސް އިޒުވާނަކީ އޭނަގެ ދިރިހުރުންފަދައެވެ. ފެންފޮދަކަށްވުރެ އިޒުވާނަކީ ދިރިއުޅުމުގެ އެއްބައި ކަމުގައި ވެގެން ދިޔައެވެ. އެ ލޯބި އޭނަގެ ހިތުން ފޮހެލެވޭތޯ މަސައްކަތް ކުރަން އުޅުނަސް އިތުރަށް އެ ހަނދާންތައް ޒީނާއަށް އުނދަގޫ ކުރަމުންދިޔައެވެ. ޒީނާގެ ހިތާއި ޖާނު ފިސްވަމުން ދިޔައެވެ. އިޒުވާނަށް އިންތިޒާރު ކުރިއަސް ކުރެވެނީ ބޭކާރުކަމެކެވެ. އިޒުވާން ދެކެ ލޯބިވުން އެއީ އަމިއްލަ. ޢިޙްތިޔާރުން ބޭރުން ވީ ކަމެކެވެ. ލޯތްބަކީ ވާއެއްޗެއް ނަމަ ޒީނާ މިއަދު އެކަން އެގޮތަށް ވިޔަކަ ނުދޭނެއެވެ. އިޒުވާނާއި ދޭތެރޭ ވިސްނަން އޮއްވަ ޒީނާއަށް ނިދުނެވެ.

ޒީނާއަށް ހޭލެވުނީ މެންދުރުވާން ކައިރިވެފައި ހުއްޓައެވެ. އެނދުން ތެދުވެގެން ގޮސް ޗާރޖަރަށް ޖަހާފައި އޮތް ފޯނަށް ބަލައިލިއެވެ. ފޯނު އޮތީ ޑްރެސިންޓޭބަލް މަތީގައެވެ. ފޯނު ފެނުމާއެކު ކުއްލިއަކަށް ހައުލާ މަތިން ހަނދާންވިއެވެ. ދުވަހަކީ އޮފްދުވަސްކަން ހަނދާންވީ ދެނެވެ. ފާހަނާއަށް ވަނުމުގެ ހައުލާއަށް ގުޅަން ފޯނުގެ ކޮންޓެކްޓް ލިސްޓް ހާވާލިއެވެ. ހައުލާ ގެ ނަމްބަރު ފެނުމާއެކު ޒީނާ އެ ނަމްބަރަށް ޑައިލްކޮށްލިއެވެ. ދެ ފަހަރަކު ރިންގްވުމާއެކު ފޯނަށް ހައުލާ ޖަވާބުދިނެވެ.

“ހޭ ހައު… އިޓްސް މީ ޒީ..” ޒީނާ އިނގިރޭސި ބަހުން ތަޢާރަފް ވެލިއެވެ.

“އިޓްސް ޒީ އޭ ކިޔާނެ ކަމެއްނެތް. ގުޅަން ބުނި މީހާ އަދިކިރިޔާ ގުޅަން އެނގުނީ. ހަނދާންވެއްޖެ ދޯ.” ޒީނާކަން އެނގުމުން ހައުލާގެ ޝަކުވާބޮނޑި އޮއްސާލިއެވެ. ޒީނާ ލޯގަނޑަށް ބަލަންހުރެ ބޯކަހާލިއެވެ. ފޯނުހިފައިގެން އައިސް އެނދުގައި އިށީނަމުން ވާހަކަ ދައްކަން ފެށިއެވެ.

“އަސްލު ވީ ގޮތަކީ އެދުވަސްކޮޅު ތަންކޮޅެއް ބިޒީވީ.. ހަވީރު އާދެބަލަ މިގެއަށް އެއްޗެއް ކާލަން..” އެދުގައި އިނދެ ދެފައިވައްކޮލަމުން އަންނަވިތަނާއި ހުރިހާމައުލޫމާތެއް ހައުލާއަށް ކިޔައިދެމުން ދިޔައެވެ. ފޯނުގައި ދެމީހުން ފުދޭވަރެއްގެ ވަގުތުކޮޅެއް ވާހަކައިގަ ހޭދަވެގެން ދިޔައެވެ. ފޯނު ބޭއްވުމަށްފަހު ތުވާލި ހިފައިގެން ގޮސް ޒީނާ ފާހަނާއަށް ވަނެވެ.

***

“ޒުޒުއަށް ހީވޭތަ އެ އިޒުވާން ޗޭންޖުވާނެހެން. އައްސު ހާދަ ސުންޕާ އިންސާނެކޭ އެއީ. މަށަށް ވެގެން ވަންޏާ ލާހިކެއްނޫން ހަމަޖެހިލައިގެން ދިރިއުޅޭކަށް. ހަމަ އަންހެންކުޅިގަނޑު ބޮޑީ..” ހައުލާ ވާހަކަ ދައްކަމުން ދިޔައީ އޭނަގެ ބެސްޓްފްރެންޑް ޒުހުރީގާތުގައެވެ. އެ ދެމީހުންތިބީ ހުޅުމާލެ ޕޮއިންޓް އިން ރެސްޓޯރަންޓް އަތިރިމަތީ ސަރަހައްދުގައި ހުރި މޭޒެއްކައިރީގައި ކޮފީބޯށެވެ. ހަވީރުވާން ކައިރިވެފައިވުމުން އެ ހިސާބުގައި އެކި އުމުރުފުރާތަކުގެ މީހުން ކޮފީބޯން އައިސް ތިއްބެވެ. އޭރު ހައުލާގެ އަތުގައި ކެމަލް ލައިޓް ސިނގިރޭޓެއްވެސް ރޯކޮށްފައި އޮތެވެ. މެދު އިންގިއްޔާއި ޝަހާދަތް އިނގިލީގެ މެދަށް ސިނގިރޭޓް ހެޔޮވަރު ކޮށްލާފައި އޮތްއިރު އޭގެ ދުންތައް ވަޔާއި އެއްކޮޅަށް ދަތުރު ކުރަމުން ދިޔައެވެ. ޒުހުރީވެސް ކޮފީތަށިން ކޮފީ ކޯވަރެއް ދަމާލަމުން އޭނަގެ އަތުގައި އޮތް ސިނގިރޭޓް ދަމާލަމުން ދުންތައް ފޮނުވާލައެވެ.

“ހައު އަށް ކަމެއް ކުރަން ނުކެރެނީ. އެބީތާ އުޅޭގޮތް އެނގިހުރެ ކީއްކުރަން ތިހާ ދުވަސް ވަންދެން ތި ތެޅުނީ. މިހާރު ވެސް ހައު އެންމެ ފަހަރަކު މައެ ގާތު ބުނަން ޖެހޭނީ. އެ ނަގ** ފުޑާލާނަން..” ޒުހުރީގެ ބަސްމަގު ހުރީ އެންމެ މިޒަމާނުގެ ޒުވާނުންގެ ބަސްމަގު ބޭނުންކުރާ ހުތުރު ގޮތަކަށެވެ. ވާހަކަ ދެއްކުމުގެ ރާގާއި އަމަލުތަކުންވެސް މީހަކު ބިރުގަންނަ ކަހަލަ ސިފަތަކެއް ޒުހުރީގެ ކިބައިން ފެންނަން ހުއްޓެވެ.

ޒުހުރީއަށް ބަލާލުމުންވެސް އޭނައަކީ ޒަމާނީ ވައްޓަފާޅިއަށް ލޯބިކުރާ ޒުވާނެކަން ވާހަކަދެއްކުމުގެ ރާގުންވެސް އެނުންވާނެވެ. އޭނަގެ ވަރުގަދަ ގޮނޑު ބުޅި އިސްތަށިގަނޑުވަނީ ކުޅަނދުރު ހަތައެއްފަދައިން ހާވާލެވިފައެވެ. ދެ ކަންފަތުގެ ތިން ތަނަކުން ތޮރުފައި އެތަންތަނުގައި ބޮޅުތަކެއް އެލުވާފައި ހުއްޓެވެ. އޭނަގެ ވަރުގަދަ ތުންބުޅި ވަނީ މެޔާހަމައަށް ތަރުތީބެއްނެތި ހާވާލެވިފައެވެ. މަތިމަހެކޭ ބަޅުކޮށްއޮންނަ ހިތިފަތެކޭ އެއްވަރެވެ. ކަނާތު ބުމައިގެ އެއްފަރާތަށް ތޫނު އެއްޗެއް ވައްދާލައިފައި ހުއްޓެވެ. އަތުގެ އިނގިލިތަކުގައި ބޮޑެތި ހިލަ ކޮޅުކޮޅު ހުރިހެން ހުރި އަނގޮޓިތަކުން އިނގިލިތަށް އޮތީ ފުރިފައެވެ. ދެ އަތާއި ކަރުގައި ބޮޑެތި ޗެންޗޭނުވަރުގެ އަތުގަ އަޅާއެއްޗެއްސާއި ފަށްތަކެއް އަޅާފައި އޮތެވެ. އަޅަން ގެންގުޅޭ ރޭބަން އައިނު އިނީ ބޮލަށް ހެޔޮވަރުކޮށްލާފައެވެ. ލައިގެން އިން ކަޅު އަތްދިގު ގަމީސް އިތުރު ދެމީހަކަށް ލެވޭވަރުވާނެއެވެ. އެވެސް ހުރީ ގަޔަށް އެހާ ދޫކޮށް މަހާލެވިފައެވެ. ލައިގެން ހުރި ޖީންސްގެ ދިމަދިމާލުން ރޮދިކޮށިފައި ހުއްޓެވެ. ހީވަނީ މީހަކު ނުލާންވެގެން ކަފާލާފައި ހުރި އެއްޗެއްހެންނެވެ. ނަމަވެސް އެއީ މިޒަމާނުގެ ޖީލުތަކަށް ކަމުދާ ޑިޒައިންތަކުގެ އަންނައުނު ހުންނަ ގޮތްތަކެވެ.

“ޒުޒު ބަލަން ހުރޭ. ހައުލާ އަކީ ކާކުކަން އޭނައަށް ޙިޔާލުވެސް ކޮށްނުލެވޭނެ. މި ހައުލާ އަކީ ވިހަގަދަ ހަރުފައެއްކަން ދައްކާލާނަން. ތެދަށް ބުނަންޏާ އެއީ ހަމަ އަމިއްލައަށް ހަލާކުވާނެ ފުރޭތައެއް..” ހައުލާގެ ބަސްމަގުވެސް ހުރީ ހުތުރުގޮތަކަށެވެ. ސިނގިރޭޓް ބިންމައްޗަށް ވައްޓާލަމުން ހައުލާ ވެއިޓަރު މީހާއަށް އިޝާރާތް ކޮށްލިއެވެ. އަނެއްކާވެސް މޭޒުމަތީގައި އޮތް ސިނގިރޭޓް ފޮށިނެގުމަށްފަހު ސިނގިރޭޓެއް ނަގައި ރޯކޮށްލިއެވެ. ހައުލާގެ އަމަލުތަކަކީ އަންހެން ކުއްޖަކާއި ނުގުޅޭ ކަޓް ގޮތްތަކެއް ކަމަށް މުޖުތަމަޢު ގަބޫލުކުރާނެއެވެ. ހައުލާއަކީ މިހާރު މިއުޅޭ އަންހެންކުދިންވެސް އުޅޭ ވިޔާނުދާ އުޅުމުގެ މިސާލެކޭ ބުނުމަކީ ދޮގަކަށް ނުވާނެތާއެވެ. އެހެނަސް ޒަމާނަށް އަންނަ ބަދަލާއެކު އަންހެންކުދިންގެ އުޅުމަށްވެސް މިހާރު ދަނީ ބަދަލުތަކެއް އަންނަމުންނެވެ. ލޯ ހުޅުވެފައިވާ ދުނިޔެއިން އެކަމުގެ ހެކި ފެންނަމުން ދަނީ ހަލުވިކަމާއެކުގައެވެ.

“އެޅ ހީކުރީ ފުއްޕާފަ އެހެން އުޅެވޭނެކަމަށް. ޒުޒުއަށް އެނގޭތަ މަ ހަށީގަ ހޭ ހުރިހާ ހިނދަކު ލާހިކެއްނޫން ހަމަޔަކަށް ފިޔަވަޅެއް އަޅާކަށް. މިހާރު އެހެން ވެލާފަ އުޅެން ދޫކޮށްލާ. ވަގުތު އައިސް ޖެހުނީމަ ހަމަ އަނދާނެ..” ހައުލާ ސިނގިރޭޓް ދަމާލުމަށްފަހު ޒާތަކަށް ދުންތައް ފޮނުވާލަމުން ބުންޏެވެ.

“ތިއެއް ދެން ނޭންގޭ. ހައު ތި ހުންނިނީ އިޒޭ ތެޅޭނެވައްތަރެއް ތެޅެން ދޫކޮށްލައިގެން. މަމީ ހައުނަމަ އެބީތާ ފުޑާލާނަން. ހުވާ ނިމުނީ..” ޒުހުރީ އޭނަގެ ބޮލުގައި އިން އައިނުނަގާ މޭޒުމަތީގައި ބާއްވަމުން މަތިމަހާއި ކުޅެލިއެވެ. ރިތިކޮށް ތުނބުޅިއާކުޅެލަމުން ލާނެއް ޒާތަކަށް ހިނިތުންވެލައެވެ. ޒުހުރީއަކީ ފިރިހެންވަންތަ ގޮތެއް ހުރި މިޒަމާނުގެ ޕާޓޭއެކެވެ.

***

އިޒުވާނު ސައިކަލުގައި ދުއްވާލާފައި ބުރިޖުން ނައްޓާލީ މާލެއަށް ދިއުމުށެވެ. ފުލުފުލުން ސައިކަލުތައް ކިޔޫގައި ބުރިޖުމަތިން ދުއްވަމުންދިޔައެވެ. ވަގުތުގެ ގޮތުން ސައިކަލުތަކުގައި ދުއްވާމީހުންގެ އަދަދުވެސް ގިނައެވެ. ދިހަވަރަކަށް މިނެޓްގެ ދަތުރަކަށްފަހު އިޒުވާނަށްމާލެ ދެވުމާއެކީ ސައިކަލުގައި  ބޮޑުތަކުރުފާނު މަގުން ދުއްވާލިއެވެ.

މާލެގެ މަގުތަކަކީ ކާރު ބާރު ބޮޑު ވެހިކަލެއް ދުއްވުމަށްވެސް ހުރި ނުރައްކަލެއް ކަހަލަ ތަނެކެވެ. ބޮޑުތަކުރުފާނު މަގުން ދުއްވާފައި ގޮސް ހެންވޭރު ސަރަހައްދު ބަލާ ފާސްކުރަންފެށިއެވެ. ދުއްވަމުން ދެފަރާތަށް ލޯ އުކަމުން ދިޔައިރު ހީވަނީ ތަނެއް ހޯދަމުން ދާހެންނެވެ. ވަކި ހިސާބަކަށް ސައިކަލު މަޑުކޮށްލުމަށްފަހު ސައިކަލުން ފޭބިއެވެ. ސައިކަލްގެ މަޑި ހިއްލާލުމަށްފަހު ސާރާގެ ވޮލެޓް ނެގުމަށްފަހު އޭގައިވާ އައިޑީ ކާޑަށް ބަލާލިއެވެ. ކުރިމަތީހައި ހުރި އުސް އިމާރާތުގެ ނަންބޯޑަށް ބަލާލުމަށްފަހު އަނެއްކާވެސް އައިޑީކާޑަށް ކަޅި ހިންގާލިއެވެ. އިޒުވާނަށް ހުރެވުނީ ސާރާ ދިރިއުޅެމުންދާ އިމާރާތުގެ ކުރިމަތީގައެވެ. އެއީ ފެހިކުލައިގެ ކުލަ ލާފައިހުރި ދިހަ ބުރީގެ ބޮޑު އިމާރާތެކެވެ. ސާރާ ހޯދުމަށް އަނެއްކާވެސް އިތުރު ގޮންޖެހުމަކާއި ކުރިމަތިލާން ޖެހުނީއެވެ. ހަދާނެ އިތުރު ގޮތެއް ނޭންގިފައި ހުއްޓާ އިޒުވާނަށް ލިބުނީ ހިތްހަމަ ޖެހުމެކެވެ. އޭނަގެ މޫނުމަތިން ލުއި ހިނިތުންވުމެއް ވެރިވެގެން ދިޔައެވެ.

ބާރު ޖީންސަކާއި ގަޔަށްބާރު ރަތް ޓޮޕެއްލައިގެން ނުކުތް ސާރާ ފެނުމާއެކު އިޒުވާނުގެ ހިތްފުރިގެން ދިޔައެވެ. ސާރާއަޅާފައި ހުރި ކަޅު ބުރުގާ ދެފަރާތަށް ވައްޓާލާފައި އޮތްއިރު ކޮންޑުގައި ރަތްކުލައިގެ ދަބަހެއް އަޅުވާލާފައި އޮތެވެ. އަރައިގެން ހުރި ރަތްކުލައިގެ ކަށިފައިވާނުގައި ސާރާ ހިނގާލާފައި އައީ ފެޝަން ރޭޕްގައި ބުޅާ ހިނގުމޭ ބުނާ ފަރި ހިނގުމެއްގައެވެ. ސާރާގެ ތުންފަތުގައި ފަވާލެވިފައިވާ ރަތްކުލައިގެ ގަދަ ލިޕްސްޓިކާއި ދެކޮލަށް ޝޭޑްކޮށްފައިވާ ކުލައިން އޭނަގެ ފުރިހަމަކަށް އިޒުވާނުވެސް އާޝޯޙްކުރުވައިފިއެވެ. ދިގު އެސްފިޔަތަކުގައި ބޭނުންކޮށްފައި ހުރި މަސްކަރާގެ އަސަރުގަދަކަން ސާރާގެ ލޮލުންވެސް ފާޅުވަމުން ދިޔައެވެ. ސާރާގެ އެފަރިކަމަށް އިޒުވާނުގެ ހިތްދޫވެގެން ދިޔައެވެ. އެހާވެސް ސާރާ ފުރިހަމަވެފައި ރީއްޗެވެ. އިޒުވާނަށް ބަލަހައްޓައިގެން ހުރެވުނީ އެވެ. އަނގައިން ބަސްހުސްވެ މުޅި މީހާގެ ހިތް ލަންބުވާލައިފިއެވެ.

“ސާރާ..”

 ސާރާ މަގަށްނުކުތުމެ ހިނގައިތުމުން އިޒުވާނު ސާރާއަށް ގޮވާލިއެވެ. ސާރާ ފަސްއެނބުރިފައި ބަލައިލިއެވެ. އިޒުވާނު ފެނިފައި ސާރާގެ ހިތްތެޅިގަތެވެ. ވީގޮތެއްވެސް ނޭންގުނެވެ. އިޒުވާނު ފިރިހެންވަންތަ ހިނގުމާއި އެ ރީތި ބިޔަ ހަށިގަނޑު ފެނިފައިވެސް ސާރާގެ ހިތް އުފަލުންނަށައިގަތެވެ. އިޒުވާނު އައިސް ހުއްޓުނުއިރުވެސް ސާރާ ފާޑަކަށް ގަބުވެފައި ހުއްޓެވެ.

“އަން މީގައި ހިފާ. މީ ސާރާގެ އަމާނާތެއް. ހަނދާންވެސް ނެތްދޯ ހަށިގަނޑުން އެއްޗެއް މަދުވިކަމެއް. ” އިޒުވާނު ވޮލެޓް ދިއްކޮށްލަމުން ބުންޏެވެ. އޭރުވެސް ސާރާގެ ނަޒަރު ހުއްޓިފައިވަނީ އިޒުވާނަށެވެ. ސާރާ ގެއްލިފައި ހުރުމުން އިޒުވާނު އިނގިލިން އަޑެއް ލައްވާލުމުން ސާރާ ވޮލެޓުގައި ހިފިއެވެ.

“ތޭންކިއޫ. ވަރަށް ހޯދައިފިން މި ނުފެނިގެން..” ލަދުރަކި ގޮތަކަށް ހިނިތުންވެލަމުން ސާރާ ބުންޏެވެ.

“ތީގައި ހުރި އެއްޗެއްވިއްޔާ ހުންނާނެ ހަމަޔަށް. ވަރަށް އުނދަގުލުން މި ގެ ހޯދައިގެން ސާރާ ފެންނަވަރު މިވީ. އައިޑީ ކާޑް ނެތް ނަމަ ހޯދަން އަދި މާ އުނދަގޫވީސް. ނަސީބެއް ދިމާވިކަން. އެހެން ނޫންނަމަ ކިހިނެއް މިތަނުން މަ ސާރާ ހޯދައިގެން މި ގެނެސް ހަވާލުކުރާނީ..” އިޒުވާނު ހުރިހާ ވާހަކަތަކެއް އެއްފަހަރާ އަމުނާލިއެވެ. ސާރާ ފެނިފައި ދޫވެސް އޮޅޭގޮތްވިއެވެ.

“ސޯ މީގެ ބަދަލުގައި ހިނގާ ކޮފީއަކަށް އަރަންދޯ” ސާރާ އެދުނީ ކޮފީއެއް ބޯލަން ދިއުމަށެވެ. ސާރާގެ ދައުވަތު އިޒުވާނު އުފަލާއެކު ޤަބޫލުކުރިއެވެ. ވާނީ ވެސް އެހެންނެވެ. ގިނަ ފަހަރަށް ކޮފީއަށް ދިއުމަށް ދައުވަތު ލިބޭނީ ފިރިހެނެއްގެ ފަރާތުންނެވެ. ސާރާ އަކީ ޒަމާނީ ގޮތްގަޑެއް ހުރި ކުއްޖެއް ނަމަވެސް އަޙުލާޤު ރަނގަޅު ކުއްޖެއްކަން އޭނަގެ ވާހަކަ ދެއްކުމުގެ ރާގުންވެސް ހާމަ ވެގެން ދިޔައެވެ. މީހަކު އަޅާ ހެދުމަކުން އަރާފައި ހުންނަ ފައިވާނަކުން މީހެއްގެ ހަސަބާއި ނަސަބެއް މިޒަމާނަކު ނޭންގޭނެއެވެ.

***

“އަދި ކަމެއް ނުކުރެވިފައެއް ނެތްތާ! މަވެސް އަދި މަޑުން މިހުންނަނީ ކަމެއް ކުރަން ނުކެރޭތީ އެއްނޫން. ވަގުތު ޖެހުނީމާ އެބަޅ ދުވަސް ދާނެ. ޒުޒު އެހަށް ހަމަޖެހިބަލަ..” މޭޒުމަތީގައި ހުރި ލައިޕް ފެންފުޅިން ތައްޓަށް ފެންއަޅަމުން ހައުލާ ބުންޏެވެ.

“ތިޔެއް ބަލަން މަ ހުންނާނަން..” ވެއިޓަރު މީހާ އައިސް މަޑުކޮށްލުމުން ހައުލާ ބިލަށް ފައިސާ ދެއްކުމަށްފަހު އެތަނުން ދިއުމަށް ގޮޑިން ތެދުވިއެވެ. އެތަނުގައި އެމީހުންނަށް ތިބެވުނީ ކިހާއިރަކު ކަމެއްވެސް ނޭންގުނެވެ. ވަގުތު ދާގޮތެއް އެނގޭނީ ކޮފީތަކަށް އައިސް އެކަމުގެ މަޖަލުގައި ވަގުތު ހޭދަކުރާ ބަޔަކަށެވެ.

***

އިޒުވާނާއި ސާރާސައިކަލުގައި އައިސް މަޑުކޮށްލީ މާލޭ ފެރީޓާމިނަލް ސަރަހައްދަށެވެ. ދެމީހުން އެކުގައި ހިނގާލާފައި ގޮސް ސީހައުސް ރެސްޓޯރަންޓަށް ވަނެވެ. އެތަނުގައި ހުރި ހުސް މޭޒެއް ފެނުމުން އެތަނުގައި ދެމީހުން އެކުގައި ގޮސް އިށިނެވެ. ވަގުތަކީ އެތަނުގައި ފުދޭވަރަކަށް މީހުންވެސް ގިނަ ވަގުތެކެވެ. އެމީހުން ގޮސް އިށީނުމާއެކު ވެއިޓަރުމީހާ އައިސް އޯޑަރު ނެގިއެވެ. އެމީހާ ދިއުމުން ސާރާ ތުއި ގޮތަކަށް އިޒުވާނަށް ހިނިތުންވުމެއް ފޮނުވާލިއެވެ.

“އައި އެމް އިޒުވާން. ސާރާ ބޭނުންވިއްޔާ އިޒޭ ވެސް ކިޔަންވީ. ދެން މިހާރު ތީ ސާރާކަން އެނގޭ.. އިތުރު ތަޢާރަފެއް ބޭނުމެއް ނުވާނެ..” އިޒުވާނު ސަލާމްކޮށްލަން އަތް ދިއްކޮށްލަމުން ތަޢާރަފް ވެލިއެވެ. ސާރާ ސަލާމްކޮށްލަމުން ލުއި ހިނިތުންވުމެއް ފޮނުވާލިއެވެ.

“އިޒޭ ޖިމަށްވެސް ދަންތަ؟ ޔޫ ލުކް ސޯ ފިޓް..” އިޒުވާނުގެ ހަށިގަނޑަށް ބަލައިލަމުން ސާރާ ވާހަކަ ދައްކަންފެށިއެވެ.

“އާނ. އަބަދުވެސް ކުރާކަމެއް. އެކަމަކު ދުވަސްކޮޅެއް ވެއްޖެއް ނުދެވޭތާ. ތަންކޮޅެއް ބިޒީ ވެގެން ނުދަން. އަނެއްކާވެސް ފަށަންވީ..” ސާރާގެ ސުވާލަށް އިޒުވާނު ޖަވާބު ދިނެވެ. އޭރު ވެއިޓަރު މީހާ ދެތަށި ކޮފީ ގެނެސް މޭޒުމަތީގައި ބެހެއްޓިއެވެ. އެމީހާއަށް ޝުކުރު އަދާކުރަމުން ސާރާ އެމީހާއަށް ރީތި ހިނިތުންވުމެއް ފޮނުވާލިއެވެ. އެމީހާވެސް އެމީހުންނަށް ވަގުތުދެމުން އޭނަގެ މަސައްކަތުގައި ދުރަށް ޖެހިލިއެވެ.

“ސާރާގާތު ވާހަކައެއް އަހާލަންތަ؟” އިޒުވާނު ކޮފީތަށި ގިރަމުން ވާހަކަ ދައްކަންފެށިއެވެ.

“ޔެސް، ހަމަ އަހަންވީ. އައި އޭމް ވެރީ އޮޕަން މައިޑެޑް ޕާރސަން. ޔޫ ކެން އާސްކް މީ އެނީ ތިން. އައި ޑޯންޓ މައިންޑ” ސާރާ ކޮފީތަށިން ކޮފީ ފޮދެއް ރަހަބަލާލުމަށްފަހު މޭޒުމަތީގައި ހުރި ޓިޝޫ އެތިން ޓީޝޫ އެއްނަގައި ތުން ފޮހެލަމުން ބުންޏެވެ.

“ސާރާގެ ބިޓެއް ހުރޭތަ؟” އިޒުވާނުގެ އެ ސްުވާލުން ސާރާގެ ހިނިގަނޑު ފަޅައިގެން ދިޔައެވެ. ސާރާ އަކީ އެހެންކުދިންނާއި ތަފާތު މިޒާޖެއްގެ ކުއްޖެއްކަން އެ ހިނދުވެސް އިޒުވާނަށް ވިސްނައިގަނެވުނެވެ. އިޒުވާނަށް އިނދެވުނީ ބުނާނެ އެއްޗެއް ނޭންގިފައެވެ. ސާރާ ހޭންފެށިގޮތަށް ހުއްޓާވެސް ނުލިއެވެ. އިޒުވާނަށް ބުނެވުނީ އެހާ މަޖާ ވާހަކައެއް ހެއްޔެވެ.؟ ސާރާގެ އަމަލުތަކުން އިޒުވާނުގެ އނަގަހުތްވާގޮތް ވިއެވެ. އިޒުވާނު އިން ގޮތްފެނިފައި ސާރާ ހުނުން ހުއްޓާލިއެވެ. އޭރުވެސް ސާރާއަށް ހުނުން މައިތިރިކުރެވޭތޯ މަސައްކަތްކުރަން އުޅުނެވެ.

“ނުހުރޭ. އަދި އެހާ ކަމުދާ މީހަކު ނުފެނިގެން މިއުޅެނީ..” ސާރާ ހުނުން ހުއްޓާލުމަށްފަހު ޖަވާބު ދިނެވެ.

***

ޒީނާ އިނީ ޓީވީއަށް ގެއްލިފައެވެ. ގަޑިން އޭރު ފަހެއްވެސް ޖަހައި ބޮޑުވަނީއެވެ. ޒީނާ ސިހުނީ ދޮރުގައި މީހަކު ޓަކި ދިނުމުންނެވެ. ސޯފާއިން ތެދުވެގެން ގޮސް ދޮރު ހުޅުވާލިއެވެ. ޒީނާ ދޮރުހުޅުވާލުމާއެކު މޫނުމަތިން އުފާވެރިކަން ފާޅުވެގެން ދިޔައެވެ.

“މަ މިހާރު ސައި ހަދައިގެން އިންނަތާ ކޮންއިރެއް. އާދޭ އެތެރެއަށް” ހައުލާގެ އަތުގައި ހިފައިގެން ޒީނާ އޭނަ އެތެރެއަށް ވެއްދިއެވެ. ދެމީހުން ސަލާމްކޮށްލުމުގެ ގޮތުން ބައްދާލިއެވެ. ހައުލާ ގޭތރެއަށް ވަރަށް ރަނގަޅަށް ނަޒަރު ހިންގާލިއެވެ. އެތަނަށް ބަލާލަމުންވެސް ޒީނާގެ ސާފުތާހިރު ދިރިއުޅުން ފެނިގެން ދިޔައެވެ.

“ޒުޒުވެސް އާދޭ އެތެރެއަށް..” ހައުލާއެކު ޒުހުރީވެސް އައިސް ހުއްޓެވެ. ހައުލާ ގޮވާލުމުން ޒުހުރީވެސް އެތެރެއަށް ވަންނަމުން ލޮލުގައި އަޅާފައި އިން އައިނު ނެގިއެވެ. ޒުހުރީ އެތެރެއަށް ވަންނަމުން ޒީނާއަށް ވަރަށް ފަރުވާތެރިކަމާއެކު ބަލައިލިއެވެ. ޒީނާގެ ކިބައިގައި އެހެން އަންހެންކުދިންގެ ކިބައިން ނުފެންނަ އާދަޔާ ޙިލާފްކަމެއް ފާހަގަ ކުރެވުނެވެ.

“މިއީ ޒު ޒު. މައި ބެސްޓް ފްރެންޑް.” ހައުލާ އޭނަގެ އެންމެ ގާތް އެކުވެރިޔާ ޒުހުރީ ތަޢާރަފުކޮށްދިނެވެ. ޒީނާ ސާދާ ހިނިތުންވުމަކާއެކު ޒުހުރީއާ ސަލާމްކޮށްލިއެވެ.

“މީ ޒީ. މަގޭ ވަރަށް ކްލޯސް ފްރެންޑެއް..” ސޯފާގައި އިށީނުމަށް ޒީނާ އަތުން އިޝާރާތްކޮށްލިއެވެ. ޒުހުރީވެސް ގޮސް ސޯފާގައި އިށީނެވެ.

***

“ސާރާ ތީ ހާދަ ރީތި ކުއްޖެކޭ. ގަޔާވާ ގޮތެއް ހުރޭ..” އިޒުވާނުގެ އެ ޖުމުލައިން ސާރާގެ މޫނުމަތީގެ ކުލަވަރު ބަދަލުވެގެން ދިޔައެވެ. ސާރާ ކުޑަކޮށް ލަދު ގަންނަގޮތްވިއެވެ. ދެވަނަ ފަހަރަށް ބައްދަލުވުމުން އިޒުވާނު އެހެން ބުނުމުން ސާރާ ލަދުން އިސްޖަހާލެވުނެވެ. ސާރާގެ ދޫވެސް ގޮށްޖެހުނުކަހަލައެވެ. ބުނާނެ އެއްވެސް އެއްޗެއް ނޭންގިފައި ހުއްޓާ ދެން ވެސް ހިމޭންކަން ފޫދުއްވާލީ އިޒުވާނެއެވެ.

“ސާރާ ބޭނުން ވަންޔާ ވީ ކެން ގޯފޯ… ސާރާ ބޭނުންވަންޏާ ވިސްނާލަން ވަގުތުކޮޅެއްވެސް ދެވިދާނެ..” އިޒުވާނުގެ ވާހަކަ ތަކުން ސާރާ އިނީ ބަސްހުއްޓީ ހަދާނެގޮތް ހުސްވެފައެވެ. ވެއިޓަރު މީހާ އައިސް ބިލް މޭޒުމަތީގައި ބޭއްވިއެވެ. އިޒުވާނު އެމީހާއަށް ހިނިތުންވުމެއް ފޮނުވާލިއެވެ.

***

“ދެން ހިނގާ ސައިބޯންދާން. މިހެން ކިތައްމެ އިރަކުވެސް ތިބެވިދާނެ. ވާހަކަ ދައްކާލަން މޭޒުކައިރިއަށް ހިނގާ..” މޭޒާއި ދިމާއަށް އިޝާރާތް ކޮށްލަމުން ޒީނާ ހިނގައިގަތީ ކާމޭޒުކައިރިއަށެވެ. ހައުލާ އާއި ޒުހުރީވެސް ގޮސް ގޮނޑީގައި އިށީނެވެ. ޒީނާ އައިސް 3 ޖޯޑުގެ ކަޅުސައި ތައްޔާރުކޮށްލިއެވެ. އެންމެން އެކުގައި ސަޔަށް އިންސާފުކުރަން ފެށިއެވެ. މޭޒުމަތީގައި ހަނޑުލުގުޅަޔާއި ދެވައްތަރެއްގެ ފޮނި ބޯކިބާ ތައްޓަކަށް އަޅައިފައި ހުއްޓެވެ.

***

ސާރާ ބޭނުންވީ އަވަހަށް އެތަނުންދާށެވެ. އެކަން ސާރާ އުޅުނު ގޮތުންވެސް އެނގޭނެއެވެ. އިޒުވާނަށް އެކަން ފާހަގަވެސް ކުރެވުނެވެ. އަތްދަބަހުން ވޮލެޓް ނަގާ ބިލަށް ފައިސާ ދެއްކުމަށްފަހު ތެދުވެގެން ދިއުމަށް ހިނގައިގަތެވެ. އިޒުވާނުވެސް ސާރާގެ ފަހަތުން ހިނގައިގަތެވެ. ސާރާ އެއްވެސް ވާހަކަ އެއް ނުދައްކާ ބާރު ފިޔަވަޅުގައި އެތަނުން ނުކުތެވެ. ސާރާ އަމަލުތައް ހުރިގޮތުން އޭނަގެ ހިތުގައި އިޒުވާނާއި ދޭތެރޭ ކޮންމެވެސް މަގާމެއް ދެވިފައިވާކަށް ހާމަވެގެން ދިޔައެވެ. ސާރާ އެތަނުން ނުކުތްގޮތަށް ފެރީ ގިމަތަ ކުރިމަތީގައި މަޑުޖެހުނެވެ. އެވަގުތު އެތަނަށް މަޑުކޮށްލި ކާރަށް ސާރާ އެރިއެވެ. އިޒުވާނަށް ބެލުމެއްނެތިގޮސް ކާރަށް އެރިއެވެ. ސާރާ ބޭނުންވީ ވެސް އެގޮތެވެ. ސާރާ ކަންތައްކުރިން ގޮތުން އިޒުވާނުވެސް ޙައިރާންވިއެވެ. ސާރާ ކާރަށް އަރައިގެން ދިޔަ މަންޒަރު ބަލަން އިޒުވާނަށް ހުރެވުނެވެ. އެގޮތަށް ކަންތައް ކުރަންޖެހުނީ ކީއްވެކަން ޙުދު އިޒުވާނަށްވެސް ނުވިސްނުނެވެ. ދެއްކި ވާހަކަތަކުން ސާރާ ހިތްހަމަ ނުޖެހުނީ ކަމަށްވެސް ވެދާނެއެވެ.

***

“ޒީ ކޮންދުވަހަކުން މެރީ ކުރަނީ..” ސަޔަށް އިންސާފު ކުރަން އިނދެފައި ހައުލާ ކުރި ސުވާލުން ޒީނާ ކޮށި އަރާގޮތްވިއެވެ. ބޮމުންދިޔަ ސައިތަށި މޭޒުމަތީގައި ބެހެއްޓުމަށްފަހު ކެއްސުން ރަނގަޅުވޭތޯ ޒީނާ ފުންކޮށް ނޭވާލަމުން ދިޔައެވެ. ޒުހުރީއަށްވެސް އިނދެވުނީ ޒީނާއަށް ބަލާށެވެ.

“ތިދެން ކޮންވާހަކައެއް.. އަދި މަ ތިހަކަލަ ކަމެއް ކުރަން ހިޔާލުވެސް ނުކުރަން. ތިކަހަލަ ކަމަކާ ވިސްނޭނީ ވެސް އިންނާނެ ރަނގަޅު މީހަކު ލިބިގެންދޯ.. މަށަށް ހީވަނީ ހައު މެރީ ކުރާނެހެން މަ މިހެން ހުއްޓާ. ގައިމު އަދި ލޯބިވާ މީހަކުވެސް ނުލިބޭ. ދެން ތިކަން ވެސް ވާނީ ލޯބިވާ މީހަކުވެސް ލިބިގެން..” ޒީނާ ވާހަކަ ދައްކަން ފެށިއެވެ. ނަމަވެސް ޒީނާ އުޅުނު ގޮތުން ހީވަނީ ކަމެއް ސިއްރުކުރަން އުޅުނުހެންނެވެ. އެކަން ހައުލާއަށް ވެސް ފާހަގަކުރެވުނެވެ.

“ކިހިނެއް މަ ތިކަން ޤަބޫލުކުރާނީ. މަގޭ ބިޓާ މަ ބްރޭކަޕް. ޒީ ބުނަން މިއުޅޭ ފިރިހެނުންނަށް ނުވާނެ އިތުބާރު ކުރާކަށް.” ޒުހުރީއަށް ބަލާލަމުން ހައުލާ ބުންޏެވެ. ޒުހުރީ ފާޑަކަށް ދެކޮނޑު އަރުވާލިއެވެ. ހީވަނީ ޒުހުރީއަށްވެސް އެބަސް ރައްދުވެގެން ދިޔަހެންނެވެ. ޒީނާއަށް ބަލައިލަމުން ޒުހުރީ ހިނިތުންވެލިއެވެ.

“އެއީ ޖައްބާރު މީހެއް. މަ ހަމަ ހޭގައި ހުއްޓާ ލާހިކެއްނޫން އެހެން އަންހެނަކާ ވައިވެސް އެޅޭކަށް” ރުޅިވެރި ރާގެއްގައި ހައުލާ އަނެއްކާވެސް ވާހަކަ ދައްކަން ފެށިއެވެ. ހައުލާގެ ވާހަކަތަކުން އޭނާއަކީ ލޯބީގައި ނާކާމިޔާބާއި ކުރިމަތިލާންޖެހިފައިވާކަން އަންހެނެއްކަން ޔަޤީންވާނެއެވެ.

“ތެދެއް ތިބުނީ. އެކަމް ޒީއަށް ލޯބި މާނަކުރެވެނީ ބޭކާރު، އިންސާނާގެ ހިތްހަލާކުކޮށްލާވަރުގެ ވޭންދެނިވި ޖަޒުބާތެއްގެ ސިފައިގައި. ލޯތްބަކީ ވޭންހުރި ޖަޒުބާތެއް. މީހަކު ދެކެ ލޯބި ވެއްޖެނަމަ އެމީހަކު ލޯބިވާމީހަކު ދެކެން ދެލޯ އެދެން ފަށާ. އެ ސޫރަ އެންމެ ފަހަރަކު ދުށުމަށް ނަމަވެސް ހިތް އެދޭނެ. އަމިއްލަ ނަފްސަށް ދިރުމެއް ލިބޭނެ ކަމަށް ހީކުރެވޭނެ..ހިތަށް އުފާވެރިކަން ލިބޭ ފަހަރުވެސް އަންނާނެ. ލޯތްބަކީ ނޭންގި ވެވޭ ވޭންދެނިވި ޖަޒުބާތެކޭ ވެސް ބުނެވިދާނެ. އެކި މީހުން ލޯބި މާނަކުރަނީ އެކޮގޮތަށް.” ޒީނާ ދައްކަމުން ދިޔަ ޝާއިރީ ބަސްތަކަށް ހައުލާވެސް އިނީ ބުނާނެ އެއްޗެއް ނޭންގިފައެވެ. ހައުލާ ހިތްހަމަ ޖެހިގެން އިނދެ ސައިބޮއި ނިންމާލިއެވެ.

“ބައެއް ފަހަރު ލޯތްބަކީ އަނދާ އަލިފާނެއް ކަހަލަ އެއްޗެއް. ނޫނީ ހިތްހަމަޖެހުން ލިބޭ ޖަޒުބާތެއްގައި ދިރިއުޅުން އުޖާލާވެގެންދާ ރޫހާނީ ބާރެއް. އެކަމަކު ބައެއް މީހުންނަށް އެ ލޯބި މާނަކުރަން ނޭންގެނީ. ތި ލޯތްބަކީ ގިނަ މީހުން ކުޅޭ ކުޅޭ އެއްޗެއްގޮތުގައި ކިޔާލާ ފަށުވި ބަހެއް. އެހެން މީހުން ލޯބީގައި ހޭބަލި ދީވާނާވެ އަމިއްލަޔަށް މަރުވަނީ ލޯބި އެއީ ބާރުގަދަ އެއްޗަކަށްވާތީ.. ބައެއް ލޯބިވެރިން ލޯބީގެ ޙައްޤުގައި ދަންޖެހި މަރުވެސް ވޭ. ގިނަ މީހުން އެމީހުންގެ ލޯބިވެރިން ޖަހައިގަންނަން ތައްޔާރަށް ވެސް ތިބޭނެ. އެއީ އެލޯތްބާއި ނުލާ ދިރިއުޅެން އުނދަގޫވާ ހާލަތަށް ގޮސްގެން. އެއީ އެހެން މީހުންގެ އިޙްސާސްތައް ނޭންގޭ ޖާހިލުންނަށް ނޭންގި ވާ ލޯތްބޭވެސް ބުނެވިދާނެ..” ހައުލާ ފޮނުވާލި ލޯބީގެ ހޫނުކަންގަދަ ބަސްތަކުން ލޯބީގައި ނާކާމިޔާބީގެ ހިތިރަހަ އަރުގައި އަށަގެންފައިވާކަން ހާމަ ވެގެން ދިޔައެވެ.

އޭރު ޒުހުރީވެސް ހައުލާގެ ވާހަކަތަކަށް ޝައުޤުވެރިވެފައި އިނެވެ. ހައުލާ ތަހައްމަލު ކުރަމުންދާ ހިތި ދިރިއުޅުން އެންމެ ގާތުން ދެކޭ މީހަކީ ޒުހުރީއެވެ. އެހެންކަމުން ހައުލާގެ އެ ދައްކަމުން ދިޔަ ވާހަކަތަކުގެ އަސަރު ޒުހުރީއަށް އިހްސާސްކުރެވިގެން ދިޔައެވެ. ހައުލާގެ ވާހަކަތަށް ޒީނާވެސް ޝަޢުޤުވެރިވިއެވެ.

“ލޯބީގެ މާނަ ނޭންގޭ މީހުންނަށް ލޯބި އެއީ ކިހާވަރެއްގެ އެއްޗެއްކަން ނޭންގެނީ. ލޯތްބަކީ ބަގީޗާއެއްފޮޅެމުންދާ މާމެލާމެލީގެ މީރުވަސް އެކުލެވިގެންވާ ހިތްގައިމު ބަގީޗާއެއްގައި އުޅެވޭ ކަމުގެ އިހްސާސެއް ކުރުވާ ކަމަކަށް ކިޔާ ނަމެއް. ލޯބި…..” ޒީނާގެ ވާހަކަ މެދު ކަނޑާލިއެވެ.

“ލޯތްބަކީ އެޔާ ނުލާ ނޭވާވެސް ނުލެވޭނެ އެއްޗެއް. ލޯބި ވެވިއްޖެއްޔާ އެކަމަށް އަމިއްލަ ނަފުސުވެސް އެދެންފަށާނެ. ލޯބި ވީމާ ކުރެވޭ އިޙްސާސްތައް އެއީ ބުނެދޭން ނޭންގޭ އިޙްސާސްތަކެއް…” ޒީނާ މީހަކު ދެކެ ވަމުންދާ ލޯބީގައި އަނދާ ހުލިވަމުންދާކަން އޭނަގެ ވާހަކަތަކުން ކިތައްމެހާވެސް ރަނގަޅަކަށްވެސް އެނގުނެވެ. އިޒުވާނު ދެކެ ލޯބިވުން އެއީ ޒީނާ ގަސްތުގައި ކުރި ކަމެއް ނޫނެވެ. ލޯތްބަކީ އެފަދަ ބާރަކަށް އަމިއްލަ ނަފްސް ބާރު ފޯރުވެވޭ ވަރަށްވުރެ ބާރުގަދަ މީހާ ހަލާކުކޮށްލާ ޖަޒުބާތެކެވެ.

***

ސާރާ ދިއުމުން އިޒުވާނުވެސްބުރިޖުން ނައްޓާލީ ހުޅުމާލެއަށްދިއުމަށެވެ. ސާރާ ކަންތައްކުރިގޮތުން އެކަމާ އިޒުވާނަށް ވިސްނެން ފެށިއެވެ. ސާރާ ކިބައިން އިޒުވާނު ހިތްއެދޭ އެތައް ސިފައެއް ހުރިކަން އޭނައަށްވެސް ވިސްނެންފެށީ ސާރާފެނުނު ފޮޓޯއިންނެވެ. ނަމަވެސް އެއީ ލޯބި، ނޫނީ ހިތްއެދޭ ސިފަތަކެއް ހުރުމުގެ ސަބަބުން ވަމުންދިޔަ ގޮތްތަކެއްބާއޭ އިޒުވާނުގެ ހިތަށް އަރަމުން ދިޔައެވެ. ބުރިޖުމަތީގައި ދުއްވަމުންދިޔައިރުވެސް ކުރެވެމުންދިޔައީ ސާރާގެ ޙިޔާލުތަކެވެ. އިންސާނުންނަކީ ހާދައަވަހަކަށް އިޙްސާސްތަކާއި އެދުންތައް ބަދަލުވާބައެކެވެ.

***

އީމާވެސް ޑިއުޓީ ނިންމާލުމަށްފަހު ބަހުން ފައިބައިގެން ގެއަށް ދިއުމަށް ފޮށިހިފައިގެން ހިނގައިގަތެވެ. އެ ދުވަހަކީ ޑިއުޓީގައި ތަންކޮޅެއް ގިނަވަގުތު އުދުހެން ޖެހުނު ދުވަހެއްކަމުން އީމާގެ މޫނުމަތިން ވަރުބަލިކަން ފެންނަމުން ދިޔައެވެ. އެކަން އޭނަގެ މޫނުމަތިންވެސް ފެންނަމުން ދިޔައެވެ.

ބުރިޖުގައި އިޒުވާނު ސައިކަލް ދުއްވާލީ ސާރާގެ ހިޔާލުތަކުގައި އިންދެގެންނެވެ. ޙިޔާލެއް ފިކުރެއްނެތި ސައިކަލު ދުއްވަމުން ދިޔައީ ވަކި މިސްރާބެއް މަންޒިލެއް ނެތިއެވެ. އިޒުވާނު ސައިކަލު ދުއްވަމުން ދިޔައިރު ދުވެލި ވެސް ބާރުކޮށްލަމުން ދިޔައެވެ. އޭނަގެ މޫނުމަތިން ފެންނަމުން ދިޔައީ ފޫހިކަމެވެ. ކުއްލިއަކަށް އިޒުވާނު ސިހުނީ އަންހެން ކުއްޖަކު މަގު ހުރަސްކުރުމުންނެވެ. އޭނަ މަގުވެސް ހުރަސްކޮށްލީ ކަފިހި ރޮނގުމަތިންނެވެ. ސައިކަލް މަތަ ކުރެވޭތޯ ބުރެކި ހިފާލަން މަސައްކަތް ކުރި ނަމަވެސް އެކަން އިޒުވާނަށް ކާމިޔާބު ވާގޮތެއް ނުވިއެވެ. އިޒުވާނު ދާހިއްލަންފެށިއެވެ. ހަދާނެގޮތް ހުސްވިއެވެ. އިޒުވާނުގެ ނަސީބުވެސް ރަނގަޅުނުވީތާއެވެ. އިޒުވާނުގެ ސައިކަލުގައި ޖެހިފައި އެ އަންހެންކުއްޖާ ވިއްސައިގެންގޮސް މަގުގައި ހައްދާފައިހުރި ދުނގެތި ގަސްތަކުގެ ކައިރިއަށް ޖެހުނުގޮތަށް ބޯގޮސް ތާރުގަނޑުގައިޖެހި ވަގުތުން ލޭތަށް ފެތުރިގެން ދިޔައެވެ.

މަންޒަރު ދުށް ބައެއްމީހުންއެ ދިމާއަށް ދުއްވައިގަތެވެ. އަނެއްބަޔަކު އެ އަޑަށް އެދިމާއަށް ސިހިފައި ބަލަމުން ދިޔައެވެ. ބިއްމައްޗަށް ޖެހުނުގޮތަށް އަންހެންކުއްޖާގެ ހެޔަށް ގޮތްވެ މަރަށް ތެޅެމުން ދިޔައެވެ. އޭނަގެ އަތުގައި އޮތް ފޮށިވެސް ވިއްސައިގެން ގޮސް ތަންކޮޅެއް ދުރުގައި އޮތެވެ. އެ ކުއްޖާގެ މޫނާއި ނޭފަތުން ލޭތަށް އޮހެމުން ދިޔައެވެ. މުޅިތަން ލެއިން ތަތްވެގެން ދިޔައެވެ. އެކްސިޑެންޓްވި ތަނަށް ޖަމާވި މީހުންނަށް އެކްސިޑެންޓްގެ ހުރި ބިރުވެރިކަން އިޙްސާސްކުރެވެންފެށީ އެ އަންހެންކުއްޖާއޮތް ހާލުފެނިގެންނެވެ.

އަނެއްބަޔަކު މަންޒަރު ފެނުނުވަގުތުވެސް މޫނުގައި އަތްއަޅައިގެން ބަލަން ނުކެރިފައި ތިއްބެވެ. މުޅި ސަރަޙައްދަށް ބިރުވެރިކަމެއް ގެނުވައިފިއެވެ. މަންޒަރު ބަލަން ނުކުޅެދޭހާލުގައި ތިބި މީހުން ދުރަށްދާން ފެށިއެވެ. އެބައިމީހުންނަށް މަންޒަރު ބަލާކަށް ކުޅަދާނައެއް ނުވިއެވެ. ބައެއް އަންހެނުންނަކީ ލޭފެނުމުން ހެޔަށްގޮތްވެ އިންތިހާއަށް ހިތަށް އަސަރުކުރުވާ ބަލިކަށިބައެކެވެ. އެ އެކްސިޑެންޓަކީ ބިރުން ހަލާކުވާވަރުގެ ނުރައްކާތެރި އެކްސިޑެންޓެކެވެ.

އިޒުވާނު ޖެހުނުގޮތަށް ނުތެދުވެވިފައި އޮތެވެ. އޭނަވެސް ސައިކަލު ކަހާލައިގެން ދިއުމުގެ ސަބަބުން ފުދޭވަރެއްގެ އަނިޔާތަކެއް ވެފައި ހުއްޓެވެ. ސައިކަލު ޖެހުނު ގޮތުން އޭނަގެ ވާތުފައި ސައިކަލުދަށަށް ތާށިވެ ގުޑާނުލެވިފައި އޮތެވެ. ފަޔާއި އަތުގެ އެތަށް ތަނަކުން މެށި ލޭތަށް ފައިބަމުން ދިޔައެވެ. އެއްބަޔަކު އިޒުވާނަށް އެހީތެރިވަމުން ދިޔައެވެ. އިރުކޮޅެއްނުވެ އެންބިއުލާސް އައިސް މަޑުކޮށްލަމުން އެކްސިޑެންޓްވި އަންހެންކުއްޖާ ނަގައިގެން ހޮސްޕިޓަލަށް ގެންދިއުމަށް އަތްމަތިއަވަސްކޮށް ހަރަކާތްތެރިވަމުން ދިޔައެވެ. އޭރުވެސް އަންހެންކުއްޖާގެ ނޭވާލުންވަނީ ހުއްޓިފައެވެ.

އީމާގެ ހަށިގަނޑު ހޮސްޕިޓަލަށް ގެންދިއުމަށް އެންބިއުލާންސް ދުއްވާލިތަނާ ޕޮލިހުންގެ ވެހިކަލް އައިސް އެތަނަށް މަޑުކޮށްލިއެވެ. އަނެއްބަޔަކު އިޒުވާނު ނަގައިގެން ހޮސްޕިޓަލަށް ގެންދިއުމަށް ހަރަކާތްތެރިވަމުން ދިޔައެވެ. އޭނަ ލައިގެން ހުރި ޖީންސުގެ އެކި ދިމަދިމާލުން ވަނީ ހަލާކުވެ ލެއިން ތައްވެފައެވެ. ހަށިގަނޑުގެ ބައެއް ތަންތަނުން މެށި ލޭތަށް އަންނަމުން ދިޔައެވެ.

***

ސައިބޮއިގެން ހައުލާއާއި ޒުހުރީ ސިނގިރޭޓެއް ބޯލުމަށް ބެލްކަންޏަށް ނުކުތެވެ. ޒީނާ މޭޒުމަތި ސާފުކުރުމަށްފަހު ފުރިޖުން ފެންފުޅިއެން ނެގީ ފެންބޯންވެގެންނެވެ. މަތި ނަގައިގެން ފެންބޯން ތައްޔާރުވެލީ އޭނަގެ ފޯނު ރިންގްވާން ފެށިއެވެ. އާދައިގެ ލަސް ހިނގުމެއްގައި ގޮސް ސޯފާކައިރީގައި ހުރި ކުޑަ މޭޒުމަތީގައި އޮތް ފޯނު ނެގިއެވެ. ނުދަންނަ ނަމްބަރެއް ފޯނުގެ ސްކްރީނުން ފެނުމުން ފޯނަށް ޖަވާބު ދޭން ބޭނުންނުވާތީ ވިސްނާލަން ހުރެވުނެވެ. ގުޅަނީވެސް ލޭންޑްލައިން ނަމްބަރަކުންނެވެ. ފޯނުގެ ރިންގް ކެނޑުނީ ޒީނާ ފޯނަށް ބަލަން ހުއްޓައެވެ. އަނެއްކާވެސް އެ ނަމްބަރުން ގުޅަން ފެށިއެވެ. މިފަހަރު ޒީނާ ފޯނު ނަގައި ހަލޯއޭ ބުނެލިއެވެ.

“ޒީނާ ތޯ” މީ މޯލްޑިސް ޕޮލިސް ސާރވިސް” ޒީނާގެ މޭގަނޑު ތެޅިގަތެވެ. ވާން މިއުޅެނީ ކީކޭ ބާއޭވެސް ހިތަން އެރިއެވެ. އޭނައަކީ ދުވަހަކުވެސް ކުށެއް ކުރި މީހެއް ނޫނެވެ. ކުށެއް ނުކުރާހާ ހިނދަކު ފުލުސް އޮފީހުން ގުޅަންޖެހޭ އެއްވެސް ސަބަބެއް ނޯންނާނެތާއެވެ.

“އާދެ ޒީނާ ވާހަކަ ދައްކަނީ. ކިހިނެއްތޯ ވީ..؟”ތުރު ތުރުއަޅާ އަޑަކުން ޒީނާ ޖަވާބު ދިނެވެ.

“މިގުޅާލީ ދާދި ދެންމެ އަކު ހިނގި އެކްސިޑެންޓެއްގައި އީމާ ކިޔާ ކުއްޖަކު ނިޔާވުމާއި ގުޅިގެން” ފުލުސްމީހާ ބުނި އެއްޗަކުން ޒީނާގެ ކަންފަތް ބެދުނު ކަހަލައެވެ. ނޭވާވެސް ހުއްޓުނު ކަހަލައެވެ. ޒީނާ ވާހަކަ ދެއްކޭތޯ މަސައްކަތްކުރިއެވެ. ނަމަވެސް އަޑެއް ބޭރެއް ނުވިއެވެ. ފޯނުވެސް އަތުން ދޫވެގެން ބިންމައްޗަށް ވެއްޓި ފޯނު ވިއްސައިގެން ދިޔައެވެ.

ޒީނާ ހުރީ ގަބުކައިފައެވެ. ދެލޮލުގައި ޖަމާވެފައިވާ ކަރުނަތަށް ވަނީ ކަސްތޮޅު އެޅުވިފައެވެ. ހައުލާއަށް ޒިނާ ފެނިފައި ކޮންމެވެސް ބޮޑު ކަމެއް ވެއްޖެކަން އެނގުނެވެ. ތިން ހަތަރު ފަހަރަށް ޒީނާއަށް ގޮވާލުމުން ޒީނާ ބުދެހެން ގަނޑުވެފައި ހުއްޓެވެ. ހައުލާ އައިސް އޭނަގެ ދެ އަތުން ޒީނާގެ ކޮނޑުގައި ހިފައި ތަޅުވައިގަތެވެ. ވާނުވާ ނޭންގިފައި ޒުހުރީއަށްވެސް ހުރެވުނެވެ. ޒީނާއަށް ބަލައިލެވުނީ ދޮރާއި ދިމާއަށެވެ. ބަލަން ނުހުރެ ޒީނާއަށް ދުއްވައިގަނެވުނެވެ. އޭނަގެ ފަހަތުން ހައުލާވެސް ނުކުތެވެ. ޒުހުރީވެސް އެދެމީހުންގެ ފަސްފަހަތުން ފަހަތުން ނުކުތެވެ.

ޒީނާ ބޭރަށް ނުކުތްގޮތަށް ދެކޮޅު ހޯދާ ބަލަން ފެށިއެވެ. ހައުލާއަށް އާދެވުނު އިރު ޒީނާއަށް ރޮވެނީއެވެ. ކޮންމެވެސް ބޮޑުކަމެއް ވެއްޖެކަން ޒީނާގެ އަމަލުތަކުން ހާމަވެގެން ދިޔައެވެ. ހައުލާ އައިސް ޒީނާގެ އަތުގައި ހިފިއެވެ. ޒީނާ ރޯމަހެއް މަރަށް ތެޅޭހެން ތެޅެންފެށިއެވެ.

“ޒީ ކިހިނެއްވީތަ؟ ” ހައިރާންވެހުރެ ހައުލާ ކޮށްލީ ސުވާލެކެވެ. އިތުރަށް ޒީނާއަށް އަސަރުކުރުވައިފިއެވެ. އެކަން އޭނަގެ މޫނުމަތިން ފެންނަމުން ދިޔައެވެ. އޭރުވެސް ޒީނާއަށް އުޅެވޭ ނޫޅެވޭ ގޮތެއް ނޭންގެއެވެ. ޒީނާ ބޭނުންވީ އަވަހަށް ހޮސްޕިޓަލަށް ދެވޭނެ ގޮތެއްވޭތޯއެވެ.

“އީމާ މަރެއް ނުވާނެ. އީމާ މަރެއް ނުވާނެ..”ތަކުރާރުކޮށް ޒީނާ ގޮވަމުން ދިޔައެވެ. ހައުލާއަށް ވެސް ޒީނާ ދޭތެރޭ ހަމްދަރުދީވެވުނެވެ. ޒީނާ ގެނެސް ގަޔާއި ކައިރިކޮށްލަމުން ބައްދާލިއެވެ. އެހިނދު ބޮޑުކަންތައްގަނޑެއް ހިނގައިގެން އުޅޭކަން ހައުލާއަށް ވިސްނައިގަނެވުނެވެ.

” ހައު.. މަ ހޮސްޕިޓަލަށް ގެންގޮސްދީ. ހެޔޮނުވާނެ. އީމާ މަރުވެއްޖެ. އީ… މާ…. މަ މަ މަ އެކަނި ވެއްޖެ. އީމާ އަހަރެން ދޫކޮށްލާފައި ހިނގައްޖެ” ޒީނާއަށް ގިސްލެވުނެވެ. ވާހަކަ ދައްކަންވެސް އުނދަގޫވިއެވެ. އެންމެ ގާތް އެކުވެރިޔާ ވިއަސް ޒީނާ ދެކެނީ އެއީ އޭނަގެ އެއްބަނޑު ކޮއްކޮއެއް ގޮތުގައެވެ. އީމާ ވަކިވެގެން ދިއުން އެއީ ޒީނާއަށް ލިބުނު ވަރަށް ބޮޑު އެކަނިވެރި ކަމެކެވެ. ކޮންމެ މީހަކު ވެސް އެމީހަކު ލޯބިވާ މީހަކު ވަކިވެގެން ދިއުމުން ކުރާނެ ހިތާމަ ޒީނާގެ އަމަލުތަކުން ފެންނަމުން ދިޔައެވެ. ކިތައްމެ ހިތްވަރު ކުރަން އުޅުނަސް ޒީނާގެ ހިތަށް ކުރާ އަސަރު ޒީނާނޫން އެއްވެސް އެހެން މީހަކަށް ތަސައްވަރުވެސް ކޮށްނުލެވޭނެވެ.

“ޒުޒު އަވަހަށް ޒީނާ ގޮވައިގެން ހޮސްޕިޓަލަށްދޭ. މަ ދާނަން ޓެކްސީއެއްގަ..” ހައުލާ ބޭނުންވީ ޒީނާއަށް އަވަހަށް ހޮސްޕިޓަލަށް ދެވޭނެގޮތެއް ހަމަޖެއްސުމެވެ. ޒުހުރީ އަވަސް އަވަހަސް ގޮސް ސައިކަލަށް އެރިއެވެ. ސައިކަލަށް އެރުމަށްފަހު ތަޅިދަނޑި ޖެހުމަށްފަހު ސްޓާޓްކޮށްލިއެވެ. ހައުލާގެ އެހީތެރިކަމުގައި ޒީނާގޮސް ސައިކަލަށް އެރިއެވެ. ޒީނާގެ ހިތް އަވަސް ވަމުން ދިޔައެވެ. އޭނަ ބޭނުންވީ އީމާގެ މޫނު ދެކޭށެވެ. ޒީނާ ސައިކަލަށް އެރުމާއެކު ޒުހުރީ ސައިކަލު ދުއްވާލިއެވެ. ހައުލާ ވެސް ހޮސްޕިޓަލަށް ދިއުމަށް ޓެކްސީއަށް ގުޅައިގެން އެތަނުގައި މަޑުކޮށްލިއެވެ.

 ސައިކަލު ހޮސްޕިޓަލްގެ ދޮރުމައްޗަށް މަޑުކޮށްލުމާއެކު ސައިކަލުން ފައިބައިގެން ޒީނާ އެތެރެއަށް ދުއްވައިގަތެވެ. ޒީނާ ތެޅިތެޅި އޮތް ހިތަކާއެކު ހޮސްޕިޓަލަށް ވަނެވެ. އޭރުވެސް ފުލުހުން ހޮސްޕިޓަލް ތެރޭގައި ހަރަކާތްތެރިވަމުން ދިޔައެވެ. މުޅި ހޮސްޕިޓަލުތެރެއަށް ވެސް ހީވަނީ އާދިރުމެއް އައިސްގެން އުޅޭހެންނެވެ. މީހުންތައް އެކި ހިސާބުގައި ވާނުވާ ނޭންގިފައި ތިއްބެވެ.

އެމަޖެންސީ ރޫމް ކުރިމައްޗަށް ދެވުމާއެކު ޒީނާ ހުއްޓުނެވެ. ވަންނަވީބާއޭ ހުންނަވީބާއޭ ހިތަން އަރާ ހާލުގައެވެ. އޭނަގެ ދެފައި ކަސްތޮޅު އެޅުނު ކަހަލައެވެ. ޒީނާ ފަސްފަހަތަށް ޖެހިލެވުނެވެ. އީމާ އެހާލުގައި އޮންނަތަން ދެކޭކަށް ޒީނާ ބޭނުން ނުވަނީއެވެ. ދެލޮލަށް ޖަމާވެފައިވާ ކަރުނަތައްވެސް ލޮލުގައި ހައްޔަރުކުރެވުނު ކަހަލައެވެ. ނޭވާ ކުރުވެ މުޅި މިހާ ދާހިއްލަންފެށިއެވެ. އެމަޖެންސީ ރޫމުގެ ދޮރުގައި އަތްއަޅާފައި ދޮރު ހުޅުވާލީ ވަންނަން ބޭނުންވެގެން ނޫނެވެ. ކޮންމެ ގޮތެއްވިއަސް މިއަދު އީމާގެ ހުރި މީހަކީ ހަމައެކަނި އޭނައެވެ.

ޒީނާ އަށް ދޮރުހުޅުވާލުމާއެކު އަނެއްކާވެސް ކުރިޔަށް އަޅަން އުޅުނު ފިޔަވަޅު އަޅާލެވުނީ ފަހަތަށެވެ. އެތަނުގައި ހުރި އެނދެއްގައި ލެޔާއި ތައްތެޅިފައި އޮތީ އޭނަގެ ހިތުގެ ރަސްގެފާނު އިޒުވާނެވެ. އޭނަ އޮތް ހާލުފެނިފައި އިތުރަށް ޒީނާގެ ހިތް ފުނޑުފުނޑުވެގެން ދިޔައެވެ. އޭނައަށް ފަރުވާދިނުމުގައި ނަރުހުންނާއި ޑަކްޓަރުން ހޭލަމޭލަވެ އަތްމަތި އަވަސްކޮށްލައިގެން އުޅެމުން ދިޔައެވެ.

އިޒުވާނު އޮތްހާލުފެނިފައި ޒީނާގެ ހިތް ނުހުއްޓުނީ ކިރިޔާއެވެ. އިތުރަށް ނެވާ ހާސްވާންފެށިއެވެ. ދެލޮލަށް ޖަމާވެފައިވާ ކަރުނަތައްއޮހިގަތީ އެއްވެސް ގަސްތަކާނުލައެވެ. އޭނަގެ ފުރާނައަށްވުރެ އިޒުވާނު ދެކެ ލޯބިވެއެވެ. އެކަން އިޒުވާނަށް ނޭންގުނަސް އެހާލުގައި އޮތްތަން ފެނުމުން ޒީނާއަށް ހީވީ ހަތަރު އުދަރެސްވެސް ފެނުޖެހުނު ހެންނެވެ. ކުޑަ ހިނދުކޮޅަކަށް ނަމަވެސް އީމާގެ މަތިން ހަނދާންނެތުނެވެ.

“އިޒުވާން..” ޒީނާއަށް ގިސްލާފައި ރޮއިގަނެވުނެވެ. ޒީނާ އަދިވެސް ހުރިތަނުގައި ހުރެވުނީއެވެ. އޭނައަށް ވަމުންދިޔަ ގޮތް ފެނިފައި ކޮންމެ މީހަކުވެސް ޒީނާ އިޒުވާނުދެކެ ވާ ހަޤީގީ ލޯބި ތަސައްވަރު ކުރެވޭނެއެވެ. އިޒުވާނު އޮތް އެނދާއި ދިމާއަށް ޒީނާ ހިނގައިގަތެވެ. ކުއްލިއަކަށް ނަރުސް ކުއްޖަކު ޖެހިގެން އޮތް އެނދުގެ ވަށައިގެން ދަމާފައި ހުރި ފޮތިގަނޑު ކަހާލީ ޒީނާ އައިސް އިޒުވާނު އޮތް އެނދާއި އަރާހަމަވިތަނާއެވެ.

ޒީނާ ދެލޯބޮޑުވެގެން ދިޔައެވެ. އޭނަގެ ކުރިމަތީ އެނދުމަތީގައި ލެޔާއި ތަތްތެލިފައި އޮތް އޭނަގެ އެންމެލޯބިވާ އެކުވެރިޔާ އީމާގެ ހަށިގަނޑުފެނިފައި ޒީނާގެ ހެއަށް ގޮތްވާންފެށިއެވެ. ޒީނާ އަރިޔަކަށް އަޅާލިއެވެ. އޭރު އެތަނުގައި ހުރި ނަރުސްކުއްޖަކު އެ މަންޒަރު ފެނިގެން ދުވެފައި ގޮސް ޒީނާ ހިފަހައްޓާލެވުނީ ކިރިޔާއެވެ. ފުލުހުން ވެސް އޭރު އެތެރޭގައި ހަރަކާތްތެރިވަމުން ދިޔައެވެ. އެސިޑެންޓްގެ ހުރި ސީރިއަސްކަން އެތަނުންވެސް ދިޔައީ ފެންނަމުންނެވެ. ނަރުސްކުއްޖާ ޒީނާ އަށް އެހީތެރިވާން އުޅުނު މަންޒަރު އިޒުވާނުގެ ލޮލުގައި އަޅައިގަތެވެ. އިޒުވާނަށްވެސް ވެގެން އުޅޭގޮތެއް ނޭންގުނެވެ. ތެދުވެގެން ގޮސް ޒީނާއަށް އެހީވާން ހިތްއެދި ގޮވަމުން ދިޔައެވެ. ނަމަވެސް މިއަދު އޭނަގެ އަތްފައި ޣުޑުވާވެސް ނުލެވޭހާލުގައި އެހީވާނީވެސް ކިހިނަކުން ހެއްޔެވެ.

ނަރުސް ކުދިންގެ އެހީތެރިކަމާއެކު ޒީނާވެސް އެތަނުގެ އެނދެއްގައި ބޭއްވިއެވެ. އަވަސްފަރުވާދޭ ކޮޓަރިއަށް ވަންނަ ޒުހުރީއާއި ހައުލާ މަސައްކަތް ކުރި ނަމަވެސް އެކަން ކާމިޔާބުވާގޮތެއް ނުވިއެވެ. އެމީހުންނަށް ޖެހުނީ ބޭރުގައި މަޑުކުރާށެވެ. ޒީނާގެ ހިތަށް ކެތްނުވީއެވެ. ޒީނާއަށް ފަރުވާދިނުމުގައި ނަރުހަކު ހަރަކާތްތެރިވަމުން ދިޔައިރު އިޒުވާނަށް ފަރުވާދިނުމުގައި ޑަކުޓަރުންވެސް އަވަދިނެތި އުޅެމުންދިޔައެވެ.

އީމާ ބެލުމަށްފަހު އޭނަ މަރުވެފައިވާކަން ޑަކުޓަރު ކަށަވަރުކޮށްދިނެވެ. ޑަކުޓަރު ދެއްކިވާހަކަ އެނދުގައި އޮތް އިޒުވާނުގެ ކަންފަތުގައި ޖެހުމާއެކު އޭނައަށް ހީވީ އޭނަ ގަޔަށް މީހަކު ވަޅި ހަރާލިހެންނެވެ. އޭނަގެ ސަބަބުން ކުށެއްނެތް އިންސާނެއްގެ ފުރާނަ މިދުނިޔެއާއި އަލްވަދާޢު ކިޔައިފިއެވެ. އިޒުވާނަށް އަމިއްލަ ނަފުސަށްވެސް ނަފުރަތު ކުރެވެން ފެށިއެވެ. އޭނަގެ ކުށް އަމިއްލައަށްވެސް ޤަބޫލު ކުރެވުނެވެ. މަގުމަތީގައި ޤަވައިދާ ޙިލާފަށް ދުއްވީވެސް އޭނައެވެ. މަގުތަކަކީ ހަމަ އެކަނި ދުއްވާ މީހުންގެ ތަނެއް ނޫނެވެ. ޤަވައިދަށް އުޅޭމީހުންގެ ފުރާނަ އެފަދަ ގޮތަކަށް ނިމިގެންދަނީ ދުއްވާ މީހުންގެ ވެސް ފަރުވާކުޑަކަމުންނެވެ. މިއަދު އީމާގެ ފުރާނަނެތް މަސްގަނޑު އެތަނުގައި އޮތީ އީމާގެ ކުށަކުންނޫނެވެ. ނަމަވެސް އީމާ އެވަނީ ދުނިޔެއާ އަލްވަދާޢު ކިޔާފައެވެ. އިޒުވާނަށް އޭނަގެ ކުށް ޤަބޫލުކުރެވުނެވެ. އެކަމާ އިޒުވާނު ދެރަވެ އަމިއްލަ ނަފުސުދެކެ އިންތިހާއަށް ރުޅި އާދެވުނެވެ.

ޒީނާއަށް ހޭވެރިކަމެއް ވެގެން ކޮޅުކޮޅަށް ނަޒަރު ހިންގާލެވުނެވެ. އޭރު އެތަނުގައި އޮތް އީމާގެ ހަށިގަނޑު ފެންނަން ނެތުމުން ޒީނާގެ ހިތް ކުދިކުދިވެގެން ފޭބި ކަހަލައެވެ. ޖެހިގެން އޮތް އެނދުގައި އޮތް އިޒުވާނު ފެނިގެން ޒީނާ ތެދުވެގެން އެދިމާއަށް ހިނގައިގަތެވެ. އިޒުވާނު އެއީ އޭނަގެ ހިތްއެދޭ ބައިވެރިޔާއެވެ. އިޒުވާނު ފެންނަ ކޮންމެ ފަހަރަކު ހިތް އަވަސްވެ ގައިގައި ބާރުވެސް ދޫވާ ކަހަލައެވެ. އިޒުވާނު ދެކެ ލޯބި ވިއަސް އެއީ ދުވަހަކުވެސް ޒީނާގެ ދުލުން ބަޔާންކުރާނެ ކަމެއް ނޫނެވެ.

“ޒީ އަހަންނަށް މަޢާފު ކުރޭ.. އެއީ މަގޭ ކުށް. ވަރަށް ދެރަކޮށް ކަންތައް މިވީ. ގަސްތުގައެއް ނޫން. މައާފުކޮށްދީ..” ޒީނާ އައިސް ހުއްޓުނު ވަގުތު އިޒުވާން މަޢާފަށް އެދި ވާހަކަ ދައްކަންފެށިއެވެ. ޒީނާއަށް ހަމަ ރަނގަޅަށްވެސް ރޮވިއްޖެއެވެ. އިތުރަށް ދައްކާނެ އެއްވެސް ވާހަކަ އެއްނެތްފަދައެވެ. ޒިނާ ރޮމުން ރޮމުން އެތަނުން ނުކުތެވެ. އީމާ މިދުނިޔެއާއި ވަކިވެގެން ދިޔައީ އިޒުވާނުގެ ސަބަބުންނެވެ. އެކަމަށް ޒީނާ އިޒުވާނަށް މަޢާފުކުރާނެ ހެއްޔެވެ؟ ޒީނާ އެންމެ ލޯބިވާ މީހުންގެ ލިސްޓުގެ ކުރިއަށް އިޒުވާނުގެ ނަން އަންނާނެއެވެ.

***

އީމާ ނިޔާވިފަހުން ދެދުވަސް ފާއިތުވެގެން ދިޔައީއެވެ. ސަމާވެސް ޗުއްޓީގައި ރަށުން ބޭރުގައި ހުރުމުން ޒީނާއަށް ލިބުނީ އިތުރު އެކަނިވެރިކަމާއި ހިތްދަތި ކަމެކެވެ. އީމާގެ މަތިން ހަނދާން ނައްތާލަން ކިތައްމެ މަސައްކަތެއް ކުރިޔަސް އީމާގެ ހިޔާލުތަކާއި ދުރައްދާނީ ކިހިނަކުން ހެއްޔެވެ؟ މުޅި އުމުރުގައި އުޅުނު އެކުވެރިޔާ ވަކިވެގެން ދިޔައީއެވެ. އެ ހަނދާނުގައި ޒީނާ ގެ ދުވަސްތައް ނިމިގެން ދިޔަކަމުގައި ވިޔަސް ހިތަށް ހަމަ ޖެހުމެއް ނުލިބެއެވެ. އީމާ މަތިން ހަނދާންވާ ކޮންމެ ފަހަރަކު ޒީނާއަށް ރޮވި ގިސްލެވޭ ފަހަރު މަދެއް ނޫނެވެ. ޒީނާގެ ދިރިއުޅުމަށް އިންތިހާއަށް ބޮޑު ބަދަލު ތަކެއް އަތުވެއްޖެއެވެ. އީމާ ވަކިވެގެން ދިއުމަކީ ޒީނާއަށް ލިބުނު ވަރަށް ބޮޑު އެކަނިވެރިކަމެކެވެ. އީމާއެއްކޮށް އުޅުނު ދުވަސްތައް މަތިން ހަނދާންކޮށް އަބަދުވެސް ހިތާމަ ކުރާނެއެވެ.

އީމާ ނިޔާވިފަހުން ހަފްތާއެއް ފާއިތުވެގެން ދިޔައީއެވެ. ސަމާވެސް ޗުއްޓީ ނިންމާލުމަށްފަހު ރާއްޖެ އައީ ހުރިހާކަމެއް ވެ ނިމުނުފަހުންނެވެ. ސަމާއާއި އަޒުލީމް ގެއަށް އައިސްވަނީ ޒިނާ ސޯފާގައި އޮށޯވެލައިގެން އޮއްވައެވެ. ސަމާ ފެނުމުން ޒީނާ ސޯފާއިން ތެދުވިއެވެ. ސަމާއަށް ޒިނާފެނުމުން ޒީނާއަށް ވެފައި ހުރިގޮތް ފެނިފައި ހިތުގައި އެތަކެއް ސުވާލުތަކެއް އުފެދުނެވެ. ދެލޯ ކައިރިން ވަނީ ކަޅުވެ ވަޅުޖެހިފައެވެ. ހީވަނީ އެތައް ދުވަހެއް ވަންދެން ބޮޑު ބައްޔެއްގައި އުޅެފައިވާ ވާހެންނެވެ. ހަށިގަނޑަށް ބަލާލުމުން ހިކިކަމަށްވެސް ފާހަގަ ކުރެވުނެވެ. ޒީނާ އަކީ ހިކިކޮށް ހުރި ކުއްޖެއް ނަމަވެސް މިހާރު އޭނަ ހުރިގޮތުން ހަށިގަނޑަށް ބަދަލުތަކެއް އައިސްފައިވާކަން ފާހަގަ ކުރެވުނެވެ. އެކަމާއި ސަމާވެސް ހައިރާންވިއެވެ.

އަޒުލީމް ފޮށިހިފައިގެން ގޮސް ކޮޓަރިއަށް ވަނެވެ. ސަމާގޮސް ސޯފާގައި އިށީނެވެ. އަޒުލީމްވެސް އެދެމީހުންނަށް ވަގުތު ދިނުމަށްފަހު ކޮޓަރީގައި މަޑުކޮށްލިއެވެ. ޒީނާއަށް އައިސްފައިވާ ބޮޑު ބަދަލެއްގެ ސަބަބުން އޭނަގެ ހިތުގައި އުފެދިފައިވާ ސުވާލުތައް އެއްފަހަރާ ބަންޑުންކޮށްލިއެވެ.

“ޒީ ކިހިނެއްވީ؟ ބަލީތަ؟ ކިހިނެއްވެފަ ތިހުރީ؟ ކަމަކާ ދެރަވެފަތަ؟ ވާހަކަ ދައްކަބަލަ؟ އަހަރެން ވަރަށް ބިރުގަނޭ ޒީ ތިހެން އިނީމަ. ޒީ ޕްލީޒް. ވާހަކަ ދައްކަބަލަ. ހެޔޮނުވާނެ.. ކޮބާ އީމާ؟” ސަމާގެ އެންމެފަހުން ކުރި ސުވާލު ވެގެން ދިޔައީ ޒީނާގެ މަޑުމޮޅިކަން ބޭއިޙްތިޔާރުގައި ފަޅައިގެން ދިޔަ ސުވާލަކަށެވެ. ޒީނާއަށް ގިސްލެވެން ފެށުނެވެ. ހިތަށް ކޮށްފައިވާ ފުން އަސަރު އޭނަގެ ދެލޮލުން ފައިބަމުންދިޔަ ކަރުނަތައްވެސް ހެކި ދޭނެއެވެ. އިތުރަށް ސަމާ ހާސްވާގޮތްވިއެވެ.

“އީމާ މަރުވެއްޖެ!! އޭނަ މިދުނިޔެ ދޫކޮށްފައި ހިނގައްޖެ..” ޒީނާއަށް ބުނެލެވުނީ އެހާ ވަރަށެވެ. ސަމާގައިގައި ބައްދާލަމުން ޒީނާގެ އަޑުބާރުވެއްޖެއެވެ. އަޑުން އަޑުނަގައި ޒީނާ ރޮމުން ދިޔައެވެ. ހިފެއްޓުމެއްނެތި ޒީނާގެ ދެލޯ ހޯސްލާފައި ކަރުނަ އޮހިގަތެވެ. ސަމާ އަށް އިނދެވުނީ ބުނާނެ އެއްޗެއް ނޭންގިފައެވެ. އެހާ ކުޑަ ދުވަސްކޮޅެއްގެ ތެރޭ ހިނގާ ދިޔަ ކަންތައް އޮޅުން ފިލުވަން ސަމާ އިންތިހާއަށް ބޭނުންވިއެވެ. ނަމަވެސް ސަމާއަށްވެސް ރޮވިއްޖެއެވެ. ދެމީހުން އެކަކު އަނެކަކަށް ބައްދަ ބައްދާފައި ރޮމުން ދިޔައެވެ. ޒީނާ ހިތްފުރެންދެން ސަމާގެ ހަށިގަނޑުގައި އޮޅުލައޮޅުލާފައި ރޮމުން ދިޔައެވެ. ޒީނާ ބޭނުންވީ ހިތްފުރެންދެން ރޯލާށެވެ. ސަމާ ދެލޮލުން ކަރުނަތައް ފޮހެލުމަށްފަހު ސޯފާއިން ތެދުވިއެވެ.

ޒީނާ އެހުރިހާ ވާހަކަތަކެއް ސަމާއަށް ކިޔައިދޭން ފެށިއެވެ. އެވާހަކަތައް ކިޔައިދެމުން ދިޔަ އިރުވެސް ޒީނާ ދިޔައީ ގިސްލާފައި ރޮމުންނެވެ. ސަމާއަށްވެސް ވީ ހަމަ އެފަދަ ގޮތެކެވެ. އީމާ ދިމާލަށް ބުނެވުނު ބަސްތައް ހަނދާންވެ ދެރަވާން ފެށިއެވެ. އޭނަގެ ކިބައިން މަޢާފަށް އެދެން ވެސް ބޭނުންވި ނަމަވެސް މިއަދު އީމާއެއްނެތެވެ. އީމާއެއް އެނބުރިއެއް ނާނާނެއެވެ.

“އީމާ … އައި އެމް ސޮރި..” ސަމާއަށް ގިސްލެވެން ފެށުނެވެ. އޭނަގެ ހިތަށްވެސް ވަރަށް އަސަރުކޮށްފިއެވެ. ސަމާއަށް ކެތްނުވެގެން ގޮސް ކޮޓަރިއަށް ވަނެވެ. އީމާގެ މޫނުވެސް ނުފެނި ގެއްލިގެން ދިއުންވީ ސަމާއަށްވެސް ކެތްނުވާވަރުގެ ބޮޑު ހިތާމައެއް ކުރަންޖެހުނު ކަމަކަށެވެ.

***

އީމާ ނިޔާވުމާއި ގުޅިގެން ނެގި ކުޑަ ޗުއްޓީ ނިންމާލުމަށްފަހު ޒީނާވެސް ޑިއުޓީއަށް ނިކުންނަން ފެށިއެވެ. ގޭގައި އިނދެގެން އީމާ މަތިން ހަނދާންކޮށް ހިތާމަކުރުމަށްވުރެ ޑިއުޓީއަށް ނުކުމެ މީހުންގެ ތެރެއަށް ނުކުތުމުންވެސް ހިތްހަމަ ޖެހުމެއް ހޯދަން ބޭނުންވިއެވެ.

ބްރޭކްގަޑީގައި ޒީނާ އިނީ ފަސިންޖަރުންގެ ގޮނޑީގައި ހިޔާލަކަށް ގެއްލިފައެވެ. އެއީ އިޒުވާނުވެސް ބްރޭކަށް ނުކުތް ވަގުތެވެ. އެކްސިޑެންޓަށްފަހު ލިބިފައިވާ އަނިޔާތަށް މޫނުމަތިން ފެންނަން ހުއްޓެވެ. ނަމަވެސް އިޒުވާންގެ ރީތިކަން އަދިވެސް އެ ގޮތުގައި ފެންނަން ހުއްޓެވެ. އެއީ ހަޤީގަތުގައިވެސް ރީތި ސިފަތަކެއް ލިބިފައިވާ އިންސާނެކެވެ.

އިޒުވާން ނުކުތީވެސް ދެތިން ކުއްޖަކާއި އެކީގައެވެ. ޕިއްޒާ ކޮންޕެނީ އަށް ވަންނަން އުޅުނު ވަގުތު އޭނަގެ ލޮލުގައި ޒީނާ އެތަނުގައި އިންތަން ފެނުމުންނެވެ. އެކުދިން ގާތުގައި އެބަ އަންނާނަމޭ ބުނުމަށްފަހު އެ ދިމާލަށް ހިނގައިގަތެވެ. ޒީނާ އަތަކަށް ގުޑިވެސް ނުލާ އިންގޮތަށް އިނެވެ.

“ޒީ….” އިޒުވާނުގެ އަޑު ޖެހުމާއެކު ޒީނާއަށް ބަލާލެވުނެވެ. އިންތަނުން ތެދުވެވުނެވެ. އިޒުވާނު ފެނުމުން ޒީނާއަށް ސިހުމެއް ލިބިގެން ދިޔައެވެ. އެވަގުތު އެކަކު އަނެކަކަށް ހަތަރުކަޅި ހަމަވެގެން ދިޔައެވެ. އެ ރީތި މޫނުގައި ހުރި ޒަހަމްތަކުން ޒީނާ ގެ ހިތް ކުދިކުދިވެގެން ދިޔައެވެ. ލޯބިންގޮސް އެ ޒަހަމްތަކުގައި ބޮސްދޭން ވެސް ޒީނާގެ ހިތް އެދުނެވެ. އެއީ ހަމަ އެކަނި ޒީނާ ގުޅެން ބޭނުންވާ ފަރާތެވެ. އިޒުވާނުގެ ހިތުން އަބަދުވެސް ޖާގައެއް ލިބޭނެކަމަށް އުއްމީދުކުރެވޭ ބައިވެރިޔާއެވެ. އިޒުވާނަށް ބަލާކަށް ޒީނާގެ ދެލޮލަށް ކުޅަދާނަ އެއް ނުވިއެވެ.

“އެނގޭ ޒީ ދެރަވާނެކަން. ޒީ، އެއީ އަހަރެން ގަސްތުގައި ކުރިކަމެއް ނޫން. އީމާ އަކީ ޒީގެ ފުރާނަކަންވެސް އެނގިފަ އޮތީ. އެދުވަހު ހޮސްޕިޓަލުން ކޮންމެވެސް ވަރަކަށް އެކަން އެނގުނު. އެނގޭ އެވަރުގެ ކަމަކަށް މަޢާފެއްވެސް ނުލިބޭނެކަން.” އެވަރަށް އިޒުވާނުގެ ވާހަކަތައް ބުނެވުނުތަނާ ޒީނާ ގޮސް އިޒުވާނުގެ އަނގަމަތީގައި އަތްއެޅިއެވެ. އިތުރަށް އެހެން ބުނާއަޑު އަހާކަށް ޒީނާ އަށް ކެތެއް ނުވިއެވެ. އެ ހިތަށް ލިބޭ ވޭން އިޒުވާނަށް ތަސައްވަރުވެސް ނުކުރެވޭނެއެވެ. އިޒުވާނަށް ދެވިފައިވާ މަތިވެރި މަޤާމާއި ލޯބި ދެވަނަ އެއްވެސް އިންސާނަކަށް ނުދެވޭނެ މަގާމެކެވެ. ލޯބިން ބައްދާލަން ޒީނާގެ ހިތް ގޮވަމުން ދިޔައެވެ. ނަމަވެސް ކަމެއް ކުރާނެހާ ހިތްވަރެއް އޭނަގެ ގައިގަ ނެތީއެވެ. ހިތުގައި އިޒުވާނުގެ ނަން އަބަދުވެސް ލިޔެ ރައްކާކުރުން ނޫންގޮތެއް ނެތެވެ.

ޒީނާގެ އަމަލުތަކުން އިޒުވާނުވެސް ހައިރާން ވިއެވެ. އިޒުވާނާއި އެހާގާތްވެ ހުރިކަން ޒީނާއަށް އިޙްސާސް ކުރެވުނީ އިޒުވާނު އޭނަގެ އަތުގައި ހިފުމުންނެވެ. ޒީނާ ދުރަށް ޖެހުނެވެ. ކިތައްމެ ލޯބިވިއަސް އެއީ އޭނައަށް ޙައްޤު ލޯތްބެއް ނޫނެވެ. އިޒުވާނުގެ ސޫރަ ދެކެން ބޭނުން ނުވާތީ ޒީނާ އަނެއްފަރާތަށް އެނބުރުނެވެ. ކިތައްމެ ވަރަށް އެލޯތްބަށް އެދުނު ނަމަވެސް ޒީނާއަށް ހާމަ ކުރާކަށް ނުކެރޭނެއެވެ. ލޯތްބަކީ ކޮންފަދަ އަޖައިބެއްކަހަލަ އިހްސާސެއް ހެއްޔެވެ.؟

“އިޒުވާނު މިތަނުންދޭ.. އަހަރެން އިޒުވާނަށް މަޢާފުކޮށްފިން” ޒީނާގެ ލޮލުން ކަރުން ހިލިގަތެވެ. އޭނަ ރޯކަށް އިޒުވާނަށް އަންގަން ބޭނުމެއް ނުވިއެވެ. އިޒުވާނަށް މަޢާފުކުރެވުނެވެ. ކޮންމެ ގޮތެއް ވިޔަސް އެއީ އިޒުވާނު ގަސްތުގައި ކުރިކަމެއް ނޫނެވެ. މަޢާފު ނުކޮށްވެސް ލިބޭނީ ވަކި ކޮން އުފަލެއް ހެއްޔެވެ.؟ ވީ ކަމެއް ވެ ނިމިއްޖެއެވެ. މަޢާފު ކުރުން އެއީ ޒީނާއަށް މާބޮޑު ކަމަކަށް ނުވިއެވެ. މަރުއައިސް ޖެހުމުން އެމީހެއްގެ މަރުހުރި ނިމިގެން ދާނެގޮތަކަށް ތަޤުދީރުގައި ލިޔުއްވާފައިވާ ގޮތަކަށް އެކަމެއް ވާނެއެވެ. އެކަން ޒީނާއަށްވެސް ވިސްނުނެވެ. ޒީނާގެ ހިތްތިރިކަމާއި އޯގާތެރިކަން ޒީނާގެ ކިބައިގައި ހުރިކަމީ އިންސާނިއްޔަތަށްވެސް ހުރި ލާމަސީލު މިސާލެކެވެ. . އިޒުވާނު ނޫން އެހެން މީހެއްނަމަވެސް މަޢާފަށް އެދެން އަތުވެއްޖެ ނަމަ ޒީނާ މަޢާފުކުރާނެއެވެ. ޒީނާއަކީ އެއަށްވުރެ ހެޔޮވިސްނޭ އަޙްލާޤް ރަނގަޅު ކުއްޖެއްކަން އެވަރުންވެސް ހާމަވެގެން ދިޔައެވެ.

“ޕްލީޒް ޒީ.. އަހަރެން ބޭނުން ވާހަކަ ދައްކާލަން. އެންމެ ފަސް މިނެޓް ނަމަވެސް ވަރިހަމަ… އޭރުން އަހަރެން މިތަނުން ހިނގައިދާނަން.” އިޒުވާނު ކޮންމެ ވާހަކައެއް ބުންޏަސް ޒީނާ އަޑުއަހާނެއެވެ. ކިތައްމެ އިރަކު އެހެން ހުންނަން ޖެހުނަސް ހުންނާނެއެވެ. އެހާވެސް އިޒުވާނަކީ އޭނަގެ ދިރިއުޅުމަށް މުހިއްމު މީހަކަށްވަނީ ވެފައެވެ. އަތުގެ ނުފުށުން ފައިބަމުން ދިޔަ ކަރުނަތައް ފޮހެލަމުން މޫނު ރީތިކޮށްލިއެވެ. ޒީނާ ކިތައްމެ ފޮރުވަން މަސައްކަތް ކުރި ނަމަވެސް ޒީނާގެ މޫނު ފެނުމުން ރޮއިފަ ހުރިކަން އިޒުވާނަށް އެނގުނެވެ. ނަމަވެސް އެވާހަކަ އަހައި އޮޅުން ފިލުވައިގެން އިތުރަށް ދެރަކުރާކަށް އިޒުވާނު ބޭނުމެއްނުވިއެވެ.

‘ޒީނާއަށް އަހަރެންގެ ބެސްޓްފްރެންޑަށް ވެވިދާނެތަ؟” އިޒުވާނުގެ އެ ޖުމުލައިން ޒީނާގެ ހިތް ފުނޑު ފުނޑުވެގެން ހަށިގަނޑުތެރެށް ފައިބައިގެން ދިޔަ ފަދައެވެ. ޒިނާ ބޭނުންވީ އޭނަގެ އެކުވެރިކަމެއް ނޫނެވެ. ބޭނުންވަނީ އިޒުވާނުގެ ލޯތްބެވެ. އޭނަގެ އޯގާތެރި ފިރުމުންތަކެވެ. އެންމެ ފުރަތަމަ ދުވަހުން ފެށިގެންވެސް ޒީނާ ދެކެމުން އައީ އިޒުވާނަކީ އޭނަގެ ލޯބިވެރިޔާގެ ގޮތުގައެވެ. އެ ހިތުގައި އިޒުވާނަށް ދެވުނީ ލޯބިވެރިއެއްގެ ދަރަޖައެވެ. ހިތުގައި ރޯވެގެން ދިޔައީވެސް ލޯބީގެ ހުޅުކޮޅެވެ. ބޭނުންވަނީ ވެސް އިޒުވާނުގެ މީހަކަށް ވާށެވެ. ނަމަވެސް މިއަދު އޭނަގެ ކުރިމަތީގައި އިޒުވާނު އެދެނީ އޭނައަށް ކުރަން ކެތްވާނެ ކަމެއް ނޫނެވެ. އީމާ ނޫން އެހެން މީހަކަސް އެ މަގާމެއް ދެވޭނީ ވެސް ކިހިނަކުން ހެއްޔެވެ؟ އީމާ އަކީ އަބަދުވެސް އޭނަގެ އެންމެ ގާތްއެކުވެރިޔާއެވެ. އިޒުވާނަށް ދޭނެ އެއްވެސް ޖަވާބެއް ޒީނާއަތުގައިވެސް ނެތެވެ. ދެއްކޭނެ އެއްވެސް ބަހަނާއެއްވެސް ނެތެވެ. އެހެން ނަމަވެސް އިޒުވާނު ބުނެފިނަމަ އަމިއްލައަށް މަރުވާންވެސް ޒީނާ ހުރީ ތައްޔާރަށެވެ.

“ވެވިދާނެ. އިޒުވާނު އެދޭ ކޮންމެ ކަމެއްވެސް ކުރާނަން..” ޒީނާގެ ބަސްތަކުން އިޒުވާނު ބުނެފިއްޔާ މަރުވެސް ވެދާނެކަން ހާމަ ވެގެން ދިޔައެވެ. އިޒުވާނުގެ މޫނުމަތިން އުފާވެރިކަން ފާޅުވަމުން ދިޔައެވެ. ޒީނާ އެ ޖަވާބު ދިނީވެސް ހިތްވަރުކޮށްލާފައެވެ. އިޒުވާނު އެދޭ ކޮންމެ އެދުމެއްވެސް ފުރިހަމަކޮށްދޭން ޒީނާ ހުރީ ތައްޔާރަށެވެ. ލޯބި ޤުރުބާން ކުރަންޖެހޭ ދުވަހެއް އަތުވެއްޖެއްޔާއި އެދުވަހަކުން އެކަންވެސް ޒީނާއަށް ކުރެވިދާނެއެވެ. އެހާ ވަރަށް އެހެން އެއްވެސް އިންސާނަކަށް މީހަކު ދެކެ ލޯތްބެއް ނުވެވޭނެއެވެ. ޙައްޤުވިޔަސް ނުވިޔަސް އިޒުވާން ނޫން އެހެންފަރާތަކަށް އެލޯތްބެއް ނުދެވޭނެވެ.

ފަސިންޖަރުންގެ ގޮޑީގައި އިޒުވާނު އިށީނެވެ. ޒީނާ އޭރުވެސް ކޮޅަށް ހުއްޓެވެ. އިޒުވާނު ގޮޑީގައި ހަމަޖެހިލަމުން ޒީނާއަށް ބަލައިލިއެވެ. އޭރުވެސް ޒީނާ އެހުރިގޮތަށް ހުރީއެވެ.

“ޒީ އަހަރެންނަށް ކުއްޖަކު ދެކެ ލޯބި ވެވިއްޖެ؟”

“ޒީ އަހަރެންނަށް ކުއްޖަކު ދެކެ ލޯބި ވެވިއްޖެ؟” ޒީނާއަށް ހީވީ މީހަކު އޭނަގެ މޭގައި އަޅާ ކޮށްޕާލިހެންނެވެ. އިޒުވާނުގެ ދުލުން އެހެން މީހަކު ދެކެ ލޯބިވާ ވާހަކަ އަޑުއަހަން ދުވަހަކުވެސް ޒީނާ ބޭނުމެއް ނުވާނެއެވެ. ނަމަވެސް ޒީނާއަށް އެއަޑު އިވިއްޖެއެވެ. ގައިމުވެސް އިޒުވާނު އޭނަ ދެކެ ލޯތްބެއް ނުވާނެވެ.

“އަހަރެން ދެން ދަނީ” ޒީނާ ފަޔަށް ލެވުނުހާ ބާރެއްލާފއި ހިނގައިގަތީ އެތަނުން ދިއުމަށެވެ. އިތުރަށް އެއްވެސް ވާހަކައެއް އަޑުއަހަން ޒީނާގެ ކަންތަފަކަށް ކުޅަދާނައެއް ނުވާނެއެވެ. ކިތައްމެ ވަރަށް ކެތްކުރަން މަސައްކަތް ކުރި ނަމަވެސް ޒިނާއަށް ރޮވުނެވެ. އިޒުވާނު ވެސް ޒީނާގެ ފަސްފަހަތުން ގޮސް ޕިއްޒާ ކޮންޕެނީތެރެއަށް ވަނެވެ. ޒީނާ ފެނޭތޯ އެތަނުގެތެރެއަށް ނަޒަރު ހިންގާލިއެވެ. ނަމަވެސް އެއްވެސް ދިމާލަކުން ޒީނާ ފެންނާކަށް ނެތެވެ.

***

ހެނދުނު ޑިއުޓީއަށް ދިޔަ ޒީނާއަށް ޑިއުޓީ ނިންމާލުށްފަހު ގެއަށް އާދެވުނީ ހަވީރު ވާން ކައިރިވެފައި ހުއްޓައެވެ. ފެންވަރާލައިގެން އެނދުގައި ޖައްސާލިއެވެ. ދެލޯ މަރާލުމާއެކު އިޒުވާނު ބުނި ވާހަކަތައް ކަންފަތުގައި ގުގުމައިގެން ދިޔައެވެ. ބާލިސް ނަގައި ކަންފަތްމަތީގައި އަޅާ ބާރަށް ފިއްތައިގަނެވުނެވެ. ރޯން ބޭނުން ނުވި ނަމަވެސް ޒީނާއަށް ރޮވުނެވެ. އެހެން އެނދުގައި ރޮއި ރޮއި އޮއްވާ ޒީނާއަށް ނިދުނީ ކިހާއިރަކު ކަމެއްވެސް ނޭންގުނެވެ.

ޒީނާއަށް ހޭލެވުނީ މީހަކު އޭނަގެ ގައިގައި އަތްލާހެން ހީވެގެންނެވެ. ޒީނާއަށް އެކަން އިޙްސާސްކުރެވިގެން ދެފަރާތަށް ފުރޮޅިލަމުން ދެލޯ ހުޅުވާލިއެވެ. ހުވަފެނެއްކަމަށް ހީކޮށް  އަނެއްކާވެސް ދެލޯ މަރާލިއެވެ. ކުޑަ އިރުކޮޅެއްނުވެ އަނެއްކާވެސް ދެލޯ ހުޅުވާލިއެވެ. ކޮޓަރިތެރެއަށް ވެރިވެފައިވަނީ ކަނު އަނދރިކަމެވެ. އަނދިރިކަމުން އެއްވެސް ތަނެއް ފެންނަވަރެއްނުވިއެވެ. އެއްލި ކަޅިއަކުން ފެނުނީ ކަޅު ހިޔަންޏެކެވެ. އެއީ އޭނައާއި ދާދި ގާތުންނެވެ. ޔަޤީން ކޮށްލުމުގެ ގޮތުން އަނެއްކާވެސް ރަނގަޅަށް ދެލޯ ހުޅުވާލުމަށްފަހު ބަލައިލިއެވެ. އެއީ ކުންހީ އެއްނޫނެވެ. ކޮންމެވެސް މީހަކު އޭނައާއި ދާދި ގާތުގައި ހުއްޓެވެ.  ކުއްލިއަކަށް އެނދުން ތެދުވިއެވެ. ކޮޓަރިއަށް ވެރިވެފައިވާ އަނދިރިކަމުން ޒީނާއަށް ތަންދޮރު ވަކިވާވަރެއް ނުވިއެވެ.

“ކާކު؟”ޒީނާއަށް ބާރަށް ބުނެލެވުނެވެ. އޭރުވެސް އެ މީހަކު އެތަނުގައި ހުއްޓެވެ. ޒީނާ އަށް އެއްވެސް ހަރަކާތެއް ގެންނާކަށް ނުކެރުނެވެ. މޫނުގައި އަތްއަޅާލެވުނެވެ.  ހަޅޭއްލަވައިގަންނަ އުޅުނު ނަމަވެސް އަޑު ބޭރުވާގޮތެއް ނުވިއެވެ. އިރުކޮޅަކުން އިވުނީ މީހެއްގެ ފިޔަވަޅުގެ އަޑެވެ. ބިރުން ތުރުތުރު އަޅާ ހާލުގައި މޫނުމަތިން އަތްނެގިއެވެ. ކޮޓަރިތެރެއަށް ނަޒަރު ހިންގާލިއެވެ. އެހެނަސް މިހާރު އެތަނުގައި އެއްވެސް މީހަކު ނެތެވެ. އެނދުން ތެދުވެގެން ގޮސް ހޮޅިބުރި ދިއްލާލިއެވެ. އެހެން ނަމަވެސް އެތާކު އެއްވެސް މީހަކު ނެތެވެ. މީހަކު ހުރި ކަމުގެ ނިޝާނެއްވެސް ނެތެވެ. ޒީނާ ގޮސް ދޮރު ހުޅުވާލުމަށްފަހު ގޭތެރެއަށް ނަޒަރު ހިންގާލިއެވެ. އެތަނުންވެސް އެއްވެސް މީހަކު އުޅޭ ކަމުގެ ނިޝާނެއް ފެންނަން ނެތުމުން ކޮޓަރީގެ ދޮރު ތަޅު ލުމަށްފަހު ގޮސް އެނދުގައި ޖައްސާލީ ކުރެވުނީ ކުންހީއެއްކަމަށް ބަލާފައެވެ.

***

“އައްސު ބުނަން މަ ހައު ދެކެ ވަރަށް ލޯބިވޭ..” ބިޑިއެއް އޮޅަމުންދިޔަ ޒުހުރީ ނޭފަތް ދަމާލަމުން ބުންޏެވެ. އޭރު ހައުލާ ރެޑްބުލް ދަޅެއް ހިފައިގެން އެ ބޯން ޒުހުރީ ނިދާ އެނދުމަތީގައި ދެފައި ވައްކޮށްލައިގެން އިނެވެ. ހައުލާ އިނީ ޒުހުރީއަށް ބަލާށެވެ. މުޅި ކޮޓަރި ތެރެއަށް ވަނީ ސިނގިރޭޓްގެ ދުމުން ފުސްކަމެއް ވެރިވެފައެވެ.

އެ ކޮޓަރިތެރެއަށް ބަލާލުމުން އެއީ އިންސާނުން ދިރިއުޅޭ ތަނެއް ނަމަވެސް އެއްވެސް ތަރުތީބެއް ނެތެވެ. އެކި ދިމަ ދިމާލުގައި ޒުހުރީގެ އަންނައުނުތައް ވަނީ ތަރުތީބެއް ނެތި އުކާލެވިފައެވެ. ތަނުގެ ފަރުނީޗަރުތައް ބަލާލަން ހިތްގައިމު ނަމަވެސް އެއީ ގޮނޑެއް ކަހަލަ ތަނެކެވެ. އޮޅަމުންދިޔަ ބިޑި އަތަށް ހެޔޮވަރުކޮށްލުމަށްފަހު ބިޑި އަނގަޔަށް ހެޔޮވަރުކޮށްލަމުން ރޯކޮށްލިއެވެ. މަސްތީ ގޮތަކަށް ޒުހުރީ ހައުލާއަށް ނަޒަރުއެއްލިއެވެ.

“ކޮން ލޯތްބެއް؟ ލޯބި ވާނެ ކަމެއް ނެތް. ޒުޒު ވެސް ބޭނުން ކަންތައް މަގޭ ފަރާތުންވޭ. ލޯބި އޮތްތާ ބާއްވާ. ދީބަލަ ތީގެން ޕަފެއް  ދަމާލަން..” ހައުލާ ލާނެއް ފާޑަކަށް ހެމުން އައިސް ޒުހުރީގެ އަތުން އެ ބިޑި އަތުލަމުން ދަމައިލިއެވެ. ބިޑި ދަމާލަމުން ހައުލާ ގޮސް އިށީނީ ޒުހުރީގެ އުނގުތެރޭގައެވެ. ޒުހުރީއިނީ ގަޔަށް އެއްވެސް އެއްޗެއް ނުލާ ހުސްގަޔާއެވެ. ޒުހުރީއާއި ގާތްވެލަމުން ބޮމުން ދިޔަ ބިޑި ޒުހުރީގެ އަނގަޔަށް ދިއްކޮށްލިއެވެ. މަސްތު ހާލުގައި ހައުލާގެ މޭގައި އަތްއަޅާ ކޮށްޕާލިއެވެ. ހައުލާ ގޮސް ޓައިލް މައްޗަށް ޖެހުނެވެ. ޒުހުރީވެސް ހައުލާގެ ގައިމައްޗަށް ވެއްޓިގަތެވެ. ދެ ހަށިގަނޑެއް ނަމަވެސް މިހާރު އެވަނީ އެއްހަށިގަނޑެއްގެ ގޮތުގައެވެ. ޒުހުރީ މަޑުމަޑުން ހައުލާގެ މޫނުގައި ފިރުމާލަމުން ތުންފަތުގައި ބޮސްދޭންފެށިއެވެ. ހައުލާވެސް މަސްތު ހާލުގައި ޒުހުރީގެ ތުންފަތުގެ ރަހަ ލިބިގަތެވެ. ހައުލާއަށް ޒުހުރީގެ ކަރުގައި އަތްވަށާލެވުނެވެ. މަޑުމަޑުން ދެމީހުން ލައިގެން ހުރި އަންނައުނު ބާލަންފެށިއެވެ. އެކަކު އަނެކަކަށް މަސްތު ހާލުގައި އުފާ ލިބިގަތެވެ.

ޒުހުރީ ސޯޓު ރަނގަޅުކޮށްލަމުން ބިންމަތިން ތެދުވިއެވެ. އޭރު ހައުލާގެ ހަށިގަނޑުގައި އެއްވެސް ނިވާކަމެއް ނެތެވެ. މަސްތީ ހާލުގައި ދެމީހުންވެސް ދުނިޔޭގެ އަރާމާއި ލައްޒަތު ލިބިގަތެވެ. ހައުލާ ތެދުވެގެން ބިންމަތީގައި އޮތް އޭނަގެ ހެދުން ހެޔޮވަރުކޮށްލަމުން ބޮލުމެދަށް ހުޅިއެއް ޖަހާލިއެވެ. ބިންމަތީގައި އޮތް ސިނގިރޭޓް ފޮށިން ސިނގިރޭޓެއް ނަގައި ރޯކޮށްލިއެވެ.

“ހުވާ މި ކުރީ ލާ ހިކެއްނޫން މަށަށް ލަނޑުދީފަ އެހެން އުޅޭކަށް. މަށަށް އެނގޭ އެޅ މަދެކެ ލޯބި ނުވާކަށް. ބަކަރ ކިތައް މީހުންދެކެ ލޯބިވާނެބާ؟ އެހެން އަދި އުޅޭކަށް ޗާންސެއް ނުދޭނަން.. ލޯބިވެޔޭ ކިޔައިގެން ބަޅ މަށަށް ދިނީ ދޯކާ.. މަ މިހެން އުޅުނަސް މަ އޮންނާނީ އެ ބަޅށް ވަފާތެރިވެފަ.. ކިތައް ބިޓުން އެޅ މަށާ ރައްޓެހިވެގެން ހުރެ ތަޅަން ގެންގުޅުނީ.. މަ ރަނގަޅުކަމުން އުޅުނީ. އޭރުވެސް ލޯބިވެޔޭ ކިޔައިގެން ތެޅުނީ..އޭނާ ހުރީ މަގެ ސައިޑުން ކަމެއް ފެނޭތޯ ބަލަން… ބަކަރ…” ހައުލާ މަސްތު ހާލުގައިހުރެ އިޒުވާނާއި ދިމާއަށް ދުލަށްއައި ހުތުރު އެއްޗެއް ގޮވަމުން ދިޔައެވެ. އިޒުވާނުގެ ފަރާތުން ލިބުނު ހިތްދަތިކަމުގެ ބަދަލުގައި ހައުލާ ބޭނުންވަނީ ބަދަލު ހިފާށެވެ. އެކަން ހައުލާ ކުރާނެކަން އޭނަގެ ވާހަކަތަކުން ކިތައްމެހާވެސް ރަނގަޅަށް ސާފުވެގެން ދިޔައެވެ. ހައުލާ މިހާރުވެސް އިންތިޒާރު ކުރަމުން އެދަނީ ރަނގަޅު ފުރުސަތަކަށެވެ. ވަގުތު ޖެހުމުން އޭނަގެ ހިތުގައި އަނދަމުންދާ ނަފުރަތުގެ އަލިފާންގަޑު ރޯކޮށްލާނެއެވެ.

“އެޅގެ ވާހަކަ ނުދައްކާ އާދޭ ބިޑިއެއް ޖަހާލަން..” މަސްތުވެ އާވާރާވެފައި އިން ޒުހުރީ ބުންޏެވެ. ވާހަކަ ދެއްކި ރާގާއި އުޅުނު ގޮތުންވެސް އެމީހުން ތިބީ ރަނގަޅަށް މަސްތުވެފައިކަން އެނގޭނެއެވެ.

ހައުލާގެ ވިސްނުންހުރީ ކޮންމެވެސް ދުވަހަކުން އިޒުވާނުގެ ދިރިއުޅުމަށް ޒަހަރުލާށެވެ. އޭނަގެ ހިތުގައި އަނދަމުންދިޔަ އަލިފާނުގެ ހޫނުކަން ދައްކާލަން ހައުލާ ހުރީ ކެތްމަދުވެފައެވެ. އެދުވަހަކުން އިޒުވާނު އަނދާ އަޅިޔަށްވެގެންދާ މަންޒަރު ދެކެން އޭނަ ހުރީ އިންތިހާއަށް ބޭނުންވެފައެވެ. ހައުލާގެ އަސްލު ސިފަ އެދުވަހަކުން ދައްކާލަން އޭނަ ހުރީ ކެތްމަދުވެފައިކަން އޭނަގެ ވިހަ ބަސްތަކުންވެސް ޤަބޫލުކުރެވޭނެއެވެ.

***

އީމާ ނިޔާވިފަހުން ގޭތެރެއަސް ވަނީ ފަޅުކަމެއް ގެނުވާފައެވެ. ދަންވަރުގެ ހަމަ ހިމޭން ވަގުތެވެ. ދަންވަރުގެ ހަމަހިމޭންކަމުގައި ޒީނާ ނިދާފައި އޮތީ ވަރަށްވެސް އަރާމު ނިންޖަކުންނެވެ. އީމާ ނިޔާވިފަހުން ޒީނާއަށް ހަމަޖެހިލައިގެން ނިދާނުލެވޭތާ ދުވަސްތަކަކަށްފަހު އެރޭ ޒީނާއަށް ނިދާލެވޭގޮތްވިއެވެ. ކުއްލިއަކަށް ޒީނާގެ ކޮޓަރީގެ ދޮރު ހުޅުވާލުމަށްފަހު މީހަކު އެތެރެއަށް ދެމިގަތެވެ. އެމީހަކު އާދައިގެ ހިނގުމެއްގައި ގޮސް ހުއްޓުނީ ޒީނާ ނިދާ އެނދުކައިރީގައެވެ. ނިދާ އެނދު ކޮޅުގައިވާ ސްވިޗަށް އެމީހާ ބަލައިލިއެވެ .ސްވިޗަށް ފިތާލުމާއެކު ދިއްލާފައިވާ ބޮކި ނިވިގެން ދިޔައެވެ. މުޅި ކޮޓަރިތެރެ އެކީގައި އަނދިރިވެގެން ދިޔައެވެ. އެމީހާ ޒީނާގެ ހަށިގަނޑަށް ފަރުވާތެރި ކަމާއެކު ނަޒަރު ހިންގާލިއެވެ. މަޑުމަޑުން އޭނަގެ އަތް ޒީނާގެ ހަށިގަނޑުގައި ހަރަކާތްކޮށްލިއެވެ. އޭރުވެސް ޒީނާ އޮތީ ގަދަ ނިދީގައެވެ. ނިދީގައި އޮވެ އަނެއް ފަރާށް ފުރޮޅިލިއެވެ.  ކައިރީގައި އޮތް ބާލީސް ނަގައި ޒީނާގެ މޫނުމަތީގައި ބާއްވަން އުޅުނު ވަގުތު ޒީނާއަށް ދެލޯ ހުޅުވާލެވުނީ މީހަކު ކައިރީގައި ހުރިކަން އިޙްސާސް ކުރެވިގެންނެވެ. ނަމަވެސް އެ ކަނު އަނދިރީގައި މީހަކު ފެންނަވަރެއް ނުވިއެވެ. ކުއްލިއަކަށް ތެދުވެ ފާރުގައި އަތްހާކަން ފެށިއެވެ. އެވަގުތު ސްވިޗް ބޯޑު އަތުގައި ޖެހުނެވެ. ވަގުތުން ހޮޅިބުރި ދިއްލާލިއެވެ. ނަމަވެސް އެއްވެސް މީހަކު ފެންނާކަށް ނެތެވެ. އެމީހަކު ޒީނާއަށް ފެންނަގޮތެއް ނުވިއެވެ. ޒީނާ ކާކުހޭ ކިޔާ ހަޅޭއްވެސް ލަވައިގަތެވެ. ދޮރު ހުޅުވިފައި ހުރިތަން ފެނުމުން ކޮންމެވެސް މީހަކު ވަތްކަން އޭނައަށް ޔަޤީން ކުރެވުނެވެ..

ޒީނާ ހަޅޭއްލަވައިގަތް އަޑަށް ސަމާއާއި އަޒުލީމްއައިސް އެކޮޓަރިއަށް ވަނެވެ. ޒީނާ އުޅުނު ގޮތުން ކަމެއް ވެއްޖެކަން އެމީހުންނަށް އެނގުނެވެ. އެނދުން ތެދުވެގެން ގޮސް ކޮޓަރިން ބޭރަށް ނުކުތުމަށްފަހު ގޭތެރެއަށް ނަޒަރު ހިންގާލިއެވެ. އޭރު ބެލްކަނީގެ ދޮރު ހުޅުވިފައި ހުރިތަން ޒީނާ ގެ ލޮލުގައި އަޅައިގަތެވެ.

“މިގެއަށް މީހަކު ވަދެއްޖެ. ކީއްވެ ނިދުމުގެ ކުރިން ދޮރުތައް ތަޅުނުލަނީ. މިރޭވެސް ސަމާއެއްނު ޓީވީ ބަލަން އިނީ. ކީއްތަ ވާނީ ތަންތަން ތަޅުލާފަ ނިދަންވަންނަން.؟ މަވެސް ކޮޓަރި ދޮރު ތަޅުނުލާ ނިދުނީ. ގައިމު ވަގުންނަކަށް ނުވަދެވޭނެ ދޯ ބޭރު ދޮރުތައް ތަންޑު އަޅުވާފަ ހުންނަންޏާ. މިހާރު މިއީ މިގެއަށް މީހަކު ވަތް ދެވަނަ ރޭ..” ޒީނާ ކުދި ކިޔަމުން ގޮސް ކޮޓަރިއަށް ވަނެވެ. ސަމާ އެއްވެސް ވާހަކައެއް ނުދައްކާ ގޮސް ކޮޓަރިއަށް ވަނީ ޒުވާބު ކުރަން ބޭނުން ނުވާތީއެވެ. އެއީ ގެއަށް ވައްކަން ކުރަންވަތް މީހެއްކަމަށް ދެކި ނިދަން ގޮސް ވަނީއެވެ.

***

ދުވަހަކީ ވިއްސާރަ ވައިބާރު ދުވަހެކެވެ. ޒީނާ ވެސް ޑިއުޓީއަށް ނުގޮސް ގޭގައި އުޅޭ ދުވަހެކެވެ. ކުރާނެ މާބޮޑު ކަމެއް ނެތުމުން ހެނދުނު ނާސްތާ ކޮށްލައިގެން ޓީވީ ބަލަން ސޯފާގައި ޖައްސާލިއެވެ. ޓީވީ އިން އޭރު ދައްކަމުން ދިޔައީ އިންޑިޔާގެ ޗެނަލް އަކުން ދައްކަމުންދިޔަ ހިންދީ ޑްރާމާ ސިލްސިލާއެކެވެ. ސަމާ ވެސް ޑިއުޓީއަށް ދިއުމުން ޒީނާ ބޭނުންވީ ކުޑަކޮށް ހަމަ ޖެހިލައިގެން ޑްރާމާ ބަލާލާށެވެ. ވަގުތު ހުންނަ ގޮތުން ޓީވީން ދައްކާ އެއްޗެއް ބަލައިލާ ހިތްހަމަ ޖައްސާލުމަށްވެސް ލިބެނީ މަދު ވަގުތުކޮޅެކެވެ.

އަޒުލީމް ކޮޓަރިން ނުކުތީ ޒީނާ ޓީވީއަށް ގެއްލިފައި އިންދައެވެ. ޒީނާ ފެނުމުން އަޒުލީމުގެ މޫނުމަތިން ލާނެއް ހިނިތުންވުމެއް ވެރިވެގެން ދިޔައެވެ. އެ ބެލުމުގައިވެސް ވަނީ ވަހުޝީ ގޮތްގަނޑެކެވެ. އޭނަގެ އެ ހިނިތުންވުމުން އެތައް މާނައެއް ނަގައިގަނެވޭނެއެވެ. ކޮޓަރީގައި ދޮރު ޖެހިއަޑަށް ޒީނާއަށް އެ ދިމާއަށް ބަލާލެވުނެވެ.

ވީ ފޫއްސެއްގެ ބޮޑުކަމުން ޓީވީ ނިއްވާލުމަށްފަހު ކޮޓަރިއަށް ދިއުމަށް ތެދުވެގެން ހިނގައިގަތެވެ. އެހިނދު އަޒުލީމު އޭނަގެ އަތުގައި ހިފިއެވެ.  ރުޅިއައިސްގެން އޭނަގެ ފައިން އަޒުލީމްގެ ކުރިމަތި ފަރާތުގައި ޖެހިއެވެ. ޒީނާ ހުރީ އަޒުލީމް ކަމެއް ކޮށްފާނެތީ ވަރަށް ހުޝިޔާރުވެގެންކަން އޭނަގެ އަމަލުތަކުން އެނގުނެވެ. ވީ ތަދުން އަޒުލީމަށް “އައްދޯތް” އޭވެސް ބުނެލެވުނެވެ. ކުރިމަތިފަރާތަށް ވީ ތަދުން އަޒުލީމަށް އެތަނުގައި އަތުން އަތްވެސް އުނގުޅާލެވުނެވެ.

“ތަދުވެއްޖެ ދޯ.. މަ ބުނިންދޯ މަގެ ގައިގަ އިނގިލިކުރި ޖައްސާލިއަސް ނިމުނީއޭ. ކަލޭ ހީކުރީ އޭރު މަ މަޑުން ހުއްޓަސް މިހާރު މަ މަޑުން ހުންނާނެ ކަމަށް. ބުނަން ދެންވެސް މަގޭ ގައިގަ އިނގިލި ޖައްސާލިއަސް ކަލޭގެ ތި ތަން ބުރިއަރުވާލާނަން. މަ ހިތަން އަރާ ކަލޭ މަގޭ ފަހަތުން ނައްޓާނީ ކޮންދުވަހަކުން ބާއޭ..” ޒީނާ ޖެހިލެއް ބާރުކަމުން އަދިވެސް އަޒުލީމަށް ކުރިމަތި ފަރާތުގައި އަތް އަޅައިގެން ހުރެވުނެވެ.

“ހަނދާން ކޮށްބަލަ. މީގެ ދެ އަހަރު ކުރިން ކަލޭ ކަންތައް ކުރަން އުޅުނު ގޮތް..” ޒީނާ އެހެން ބުނުމާއެކު އަޒުލީމަށް ފާޑަކަށް ޒީނާއަށް ބަލައިލެވުނެވެ. އޭނަގެ ހިތުގައި ކޮންމެވެސް ނުބައި ރޭވުމެއް ރާވަމުންދާކަށް އޭނަގެ މޫނަށް އަރަމުން ދިޔަ ކުލަވަރުތަކުން ފާޅުވަމުން ދިޔައެވެ. ޒީނާ އިތުރަށް އެއްވެސް އެއްޗެކޭ ނުބުނެ އެޕާރޓްމަންޓުން ނުކުތެވެ.

“ޒީނާ ހަނދާން ކުރާތި.. މިކަމުގެ ބަދަލު ހިފާނަން. މަގޭ މި އެތީގެ ވަރު އަދި ދައްކާލާނަން..” ކުރިމަތިފަރާތުގައި އަތުން ފިރުމާލަމުން އަޒުލީމް ލާނެއް ގޮތަކަށް ހުރެފައި ބުންޏެވެ.
***

“ޕްލީޒް ސާރާ. އަހަންނަށް ސާރާ ދެކެ ލޯބިވެވިއްޖެ. ސާރާ ވިސްނާލަން ވަގުތު ބޭނުން ވަންޏާ އެ ފުރުސަތުވެސް ދޭނަން..” އިޒުވާނު ފޯނުން ވާހަކަ ދައްކަމުން އާދޭސްކުރަމުން ދިޔައީ ސާރާގާތުގައެވެ. އިޒުވާނު އިނީ ޑޮމެސްޓިކް ޓާމިނަލް ކައިރީގައި ހުންނަ މަރިޔާދު ރެސްޓޯރަންޓުގައި ކޮފީ އެއް ބޯށެވެ. އެކަނި މޭޒެއްކައިރީގައި އިނދެ ވާހަކަ ދައްކަމުން ދިޔައިރު އިޒުވާނުގެ މޫނުމަތިން ފެންނަމުން ދިޔައީ ލޯބިންފުރިގެންވާ އަސަރުތަކެވެ.

“އައި ވިލް ތިންކް އެބައުޓް އިޓް..” ސާރާ ޖަވާބު ދިނެވެ. ހަމަ އެކަނި ބުނެލީވެސް އެހެންނެވެ. ސާރާ ފޯނު ކަނޑާލިއެވެ. ސާރާ އިނީ ގޭގައި ވާހަކަ ފޮތެއްކިޔާށެވެ. އިޒުވާނު ގުޅީވެސް ސާރާ އެ ވާހަކަފޮތް ކިޔަން އެނދުގައި އޮއްވައެވެ. ހުސްވަގުތުތަކުގައި ސާރާ ކުރާ ކަމަކީ ވާހަކަ ކިޔުމެވެ. ހާއްސަކޮށް އިނގިރޭސި ވާހަކަތަކެވެ. ވަޒީފާ ހަމަޖެހެންދެން ސާރާ ވަގުތު ހޭދަކުރަންނީ ވެސް ވާހަކަ ކިޔުމުގައެވެ. ގިނަވަގުތު ބޭރުގައި އުޅުމާއި ކޮފީތަކަށް ގޮސް އުޅުމަކީ ސާރާވެސް މާ ގަޔާވާ ކަންތައްތަކެއް ނޫނެވެ.

“ހައު ކެން އައި ސޭ ނޯ ޓު އިޒުވާން.. އިޒުވާނަކީ ހެންޑްސަމް މީހެއް. އެކަމް މަ ހަމައެކަނި ލައިކް ވަނީ. ލޯތްބެއް ނުވޭ. ވެދާނެ އޭނަގެ ގައިގަ ހުރި ކިއުޓް ގޮތަކުން ލައިކް ވަނީ ކަމަށް. އެޓް ލީސްޓް އައި ކެން ޓްރައި ލޯބި ވެވިދާނެތޯ. ނުވަންޏާއި ރީތިކޮށް ބުނެވޭނެތާ..” ސާރާގެ ހިތް ބުނަމުން ދިޔައެވެ. ސާރާ އަކީ ދިރިއުޅުމުގައި އަބަދުވެސް އާކަންތައް ދަސްކޮށް ތަޖުރިބާކޮށްލަން ބޭނުންވާ ކުއްޖެކެވެ. ކޮންމެ ކަމެއް ކުރަން ޖެހުނަސް ފެށީމަ ނޫނީ އޭގެ ހުރި އާރޯކަމާއި ބުރަކަމެއް ތަސައްވަރުވެސް ނުކުރެވޭނެއެވެ. ހަމަ އެގޮތަށް ސާރާ ވެސް ވިސްނާލީ ކަންތައް ވާނެ ގޮތެއް ނޭންގުނަސް އެކަމާވެސް ކުރިމަތި ލުމެވެ.

***

ޒުހުރީ ބޮކްސާ ރީތިކޮށްލަމުން ގޮސްވަނީ ފާހަނާއަށެވެ. އޭރު ހައުލާ އަޅަން ގެންގުޅޭ ކިރހިއްޕި އެނދުމަތިން ނަގައިގެން ހެޔޮވަރު ކޮށްލިއެވެ. އެނދުން ފައިބައިގެން ބިންމަތީގައި އޮތް އޭނަ ލާންގެންގުޅުނު ޖަނގިޔާ ނެގިއެވެ. އެ ލައިގެން ގޮސް އެތާހުރި ގޮނޑިމަތީގައި އޮތް ޒުހުރީގެ ބޮޑު ޓީޝާޓެއް ނަގައި ގަޔަށް ހެޔޮވަރުކޮށްލިއެވެ. މޭޒުމަތީގައި އޮތް ސިނގިރޭޓް ފޮށިން ސިނގިރޭޓެއް ނަގައިގެން ރޯކޮށްލިއެވެ. ދުނިޔޭގެ ލައްޒަތާއި އެދުންތަކަށް ވަކި ވަގުތެއް ނެތެވެ. ރޭނގަޑެއް ދުވާލެއް މެންދުރެއް ހަވީރެއް ނެތެވެ. ބޮލަށް އަރާފައި ހުންނަ ކޮންމެ ވަގުތެއްގައި އިޙްސާސްތައް ބޭރުކޮށްލުމުން އެމީހުންގެ ހިތްފުރިގެން ދެއެވެ.

“ޒުޒު މިރޭ ހިނގާބަލަ ސަފާރީއަށް ދާން.. ހާދަ ވަޔޭ..” ހައުލާ މަސްތު ހާލުގައި ހުރެ ޒުހުރީއަށް ގޮވާލުމަށްފަހު ވާހަކަ ދެއްކިއެވެ. އޭރު ޒުހުރީ ހުރީ ފާހަނާގައި ފެންވަރާށެވެ. އެދުންވެރިކަން ނިންމާލުމަށްފަހު ހަށިގަނޑަށް ފިނިކަމެއް ހޯދުމަށް ތާޒާވެލަނީއެވެ. ފެންވަރާ މާގަނޑުގެ އިސްކޫރު ބާރުކޮށްލަމުން ޒުހުރީ ތުވާލި އޮޅާލިއެވެ. އެހިނދު އޭނަގެ ހަށިގަނޑުގެ އެއްބައި ނިވާވެގެން ދިޔައެވެ. ރަނގަޅަށް ހަށިގަނޑުގައި ފެން ނުހިއްކާ ހުރުމުގެ ސަބަބުން އޭނަގެ ބޮލުން ފެންތިކިތަށް މޭމަތިން ފުރޭނިގެން ތުވާލި އަނދެފައި ހުރި ހިސާބަށް ރޮނގެހެން ދެމިގެން ދެއެވެ. ޒުހުރީ ފާހަނާއިން ނުކުތެވެ. ޒުހުރީ ފެނުމާއެކު ހައުލާއަށް ޒުހުރީއަށް ވަހުޝީގޮތަކަށް ބަލައިލެވުނެވެ. އޭރު ފޫޅާއި ދިމާލަށް ފެންތިކިތަށް ފައިބަމުން ދިޔަ މަންޒަރު ހައުލާއަށް ފެނުނެވެ. ޒުހުރީގެ ހަށިގަނޑަށް ހައުލާއަށް އެދެމުން ދިޔައެވެ. ހައުލާއަށް ބަލާކަށް ނުހުރެވުނެވެ. ޒުހުރީ ފެނުމާއެކު ގޮސް ކަންދުރާގައި ހިފައި ގެނެސް ތުންފަތުގައި އަނގަޖެހިއެވެ. އެވަގުތު ޒުހުރީ އަނދެގެންހުރި ތުވާލި ބިންމައްޗަށް ވެއްޓި ފެތުރިގެން ދިޔައެވެ.

***

ޒީނާ ޑިއުޓީ ނިންމާލީ ވަރަށް ހަމަޖެހިލައިގެންނެވެ. ދުވަހުގެ ގޮތުން އެހާ ބުރަކޮށްވެސް މަސައްކަތް ކުރާކަށްވެސް ނުޖެހުނެވެ. ޒީނާ ބޭނުންވީ ޑައެރީ ކްއީނަށް ގޮސް އައިސްކްރީމެއް ބޯލާށެވެ. އައިސްކްރީމެއް ގަނެގެން ނުކުތްއިރު އިޒުވާން މޭޒެއްކައިރީގައި ކާން އިންތަން ފެނުނެވެ. ހިތްވަރުކޮށްލާފައި ޒީނާ އެދިމާއަށް ހިނގައިގަތެވެ. އޭރު އިޒުވާނު އިނީ ތައިފުޑްއެއް ކަމުން ފޯނަށް ގެއްލިފައެވެ. ޒީނާ ގޮސް ގޮނޑީގައި އިށީނެވެ. ޒީނާ ކަރު ކެހިލިއެވެ. މީހަކު ކުރިމަތީގައި އިންކަން އިޙްސާސްކުރެވުނީ ދެނެވެ. ޒީނާ އައިސްކްރީމް ތަށި މޭޒުމަތީގައި ބަހައްޓަމުން ހިނިތުން ވެލިއެވެ.

“އިޒުވާން. ކިހިނެއް؟” ޒީނާ ކިތައްމެ ހަމަޖެހޭކަން ދައްކަމުން އިޒުވާނާއި ކުރިމަތިލިއަސް ޒީނާގެ ހިތް ރޮއްވަމުން ދިޔައެވެ. ޒީނާ އަށް ހިތްވަރު ކުރުން ނޫންގޮތެއް ނެތެވެ. ލޯތްބަށް އެދިއެދި ހިތް ގޮވަމުން ދިޔަ ނަމަވެސް އެކަން ހިތުގައި ފޮރުވަމުން ދިޔައީ އެއީ ތަޤުދީރުގައިވެސް ލިބެން ނެތް ލޯތްބަކަށް ވާތީއެވެ. އިޒުވާނު އާދައިގެ ގޮތަކަށް ހިނިތުން ވެލިއެވެ.

“ޒީ ކިހިނެއް؟ ގުޅާވެސް ލެވޭނީ ނަމްބަރު ދީފަ އުޅުނީމަ ދޯ. އައްސު ވަރަށް ބޭނުން ޒީގެ ކްލޯޒް މީހަށް ވާން. ތީ ވަރަށް ތަފާތު ކުއްޖެއް. ބެސްޓް ފްރެންޑް ވެސް މިހާރު އުޅެނީ ރާއްޖެއިން ބޭރުގަ. ދެން ކަމެއް ވިއަސް ވާހަކަ ޝެއަރ ކޮށްލާކަށް މީހަކު ނުހުރޭ. ޒީ އަކީ ރަނގަޅު ކުއްޖެއް. މަވެސް ބޭނުން ޒީގެ ތަންކޮޅެއް ކްލޯޒް މީހަކަށް ވާން..” އިޒުވާނުގެ ވާހަކަތަކުން ޒީނާގެ ހިތް ވިރިގެންފައިބާނެއެވެ. އެހެނަސް އޭނަގެ މޫނުމަތިން ފެންނަމުން ދިޔައީ ހިނިތުންވުމެވެ. އުފާވެރިކަމެވެ. މިއަދު ޒީނާއަށް އެނޫން މަންޒަރެއް ދެއްކޭކަށްވެސް ނެތެވެ. ޒީނާއަށް އެގޮތުގައިވެސް ކެތްކުރެވޭނެކަން ހާމަވަމުން ދިޔައެވެ. ޒީނާގެ މުޅި އުމުރުގައިވެސް ކެތްކުރަން ޖެހުނަސް ކެތް ކުރާނެއެވެ. ޒީނާއަކީ އާދަޔާ ޙިލާފް ކުއްޖެކެވެ.

“ދެން ތިހާ ގިނަ ވާހަކަ ހުރިއްޔާ ހަމަ ކިޔައިދޭންވީތާ.. ޒީ ހަމަ ފްރީކޮށް މިހުރީ.. ބޭނުން އިރަކު ހަމަ މީޓްވެސް ކުރެވޭނެ.. ނަމްބަރު ދޭންވީ ދޯ..” ޒީނާ އެހެން ބުނުމުން އިޒުވާނު ފޯނު ނަގާ ޒީނާއަތަށް ދިއްކޮށްލިއެވެ. އެ ފޯނުގައި ނަމްބަރު ޖެހުމަށްފަހު ފޯނު އިޒުވާނު އަތަށް ދިނެވެ. އިޒުވާނު އޭނަގެ ފޯނުގައި ނަމްބަރު ރައްކާކޮށްލިއެވެ.

“ވެގެން މިއުޅޭ ގޮތަކީ ކުއްޖަކު ދެކެ ލޯބިވެވުނީ. އޭނަ ގާތު ލޯބިވާ ވާހަކަވެސް ބުނެފިން.” ޒީނާގެ މޭގަނޑު ތެޅިގަތެވެ. އެތަނުން ތެދުވެގެން ދާންވީއޭވެސް ހިތަން އެރިއެވެ. ނަމަވެސް ހާލަތު ހުރިގޮތުން ވާހަކަތައް އަޑުއަހަން މިފަހަރު މަޖުބޫރުވެއްޖެއެވެ. ކިތައްމެ ވަރަށް ހިތް ރުޔަސް ޒީނާއަށް އެވާހަކަތައް އަޑުއެހުން ނޫންގޮތެއް ނެތެވެ. ހިތްފަޅައިގެން ދިޔަ ނަމަވެސް ތެދުވެގެން ދާކަށް ނުކެރުނެވެ. ލޯތްބަކީ ހާދަ ފާޑެއްގެ އެއްޗެކެވެ.

“ދެން ކީކޭ އެކުއްޖާ ބުނީ..؟” ވާހަކަ ދައްކަން ކިތައްމެ އުނދަގޫވި ނަމަވެސް ހިތްވަރުކޮށްލާފައި ޒީނާ ވާހަކަ ދެއްކިއެވެ.

“އޭނަ ވިސްނާލަން ވަގުތު ކޮޅެއް ދީފިން. ހީވަނީ ރަނގަޅު ޖަވާބެއް ލިބޭނެހެން. ނޭންގެ ކީއްވެ ކަމެއް ހަމަ ޒީ ގާތު މިވާހަކަތައް ދައްކަން ބޭނުންވީ..” އިޒުވާނުގެ ވާހަކަތަސް އަޑުއަހަން ޒީނާއަށް އުނދަގޫވިއެވެ. އޭނައަށް ހީވީ އިޒުވާނު އޭނައަށް މަލާމާތް ކުރަމުން ދިޔަ ހެންނެވެ. އޭނަ ނޫން އެހެން މީހަކު ދެކެ ލޯބިވާ ވާހަކަ ބުނުމުން ޒީނާއަށް ކުރަމުން ދިޔަ ފުން އަސަރުތައް އޭނަ ނޫން އެހެން އެއްވެސް މީހަކަށް އިޙްސާސްވެސް ނުކުރެވޭނެއެވެ.

“ބެސްޓް އޮފް ލަކް… އަބަދުވެސް އެދެނީ އުފާވެރި ދިރިއުޅުމަކަށް…” އިތުރަށް ޒީނާއަށް ކެތެއް ނުކުރެވުނެވެ. ވަގުތެއްނެތޭ ބުނުމަށްފަހު ޒީނާ ތެދުވެގެން ހިނގައިގަތީ ފާހަނާތަށް ހުންނަ ދިމާއަށެވެ. އޭނަ ބޭނުންވީ ހިތްފުރޭވަރަށް ރޯލާށެވެ. ފާހަނާއަށް ވަދެވުމާއެކު ޒީނާގެ ބަޑި ފަޅައިގެން ދިޔައެވެ. ހިފަހައްޓަން މަސައްކަތްކުރި ކަރުނަތައްވެސް ކޯތާފަތް ތެއްމާލިއެވެ. ރޯން ބޭނުން ނުވިކަމުގައި ވިއަސް ރޮވުނެވެ. އެތައްފަހަރަކު ގޮސް ލޯބިވާ ވާހަކަ ބުނަން ޒީނާގެ ހިތް އެދެނީ ކީއްވެކަމެއް ޚުދު ޒީނާއަށް ވެސް ނޭންގެއެވެ. އެހެނަސް އިޒުވާނު އެވަނީ އެހެން މީހަކަށް އޭނަގެ ހިތް ހަދިޔާކޮށްފައެވެ. އޭނަގެ ނަފްސު އެދެނީ އެހެން މީހެއްގެ ލޯތްބަށެވެ.

ޑިއުޓީ ނިންމާލާފައި އެއަރޕޯޓުން ގެއަށްދެވުނު އިރު ސަމާގޭގައި ކާން އިނެވެ. އެކަނި އިނުމުން އަޒުލީމް ވެސް ގޭގައި ނެތްކަން އެނގުނެވެ. ކައިވެންޏަށްފަހު އަޒުލީމު އެގެއަށް ބަދަލުވިފަހުން ޒީނާ މުޅިންވެސް ވަގުތު ހޭދަކުރަމުން ދަނީ ކޮޓަރީގައެވެ.

ކޮޓަރިއަށްވަދެ ހެދުން ބަދަލުކޮށްލައިގެން  ކާންވެގެން ތައްޓެއް ހިފައިގެން ކެއުމަށް ތައްޔާރުވަމުން ދިޔައެވެ. އަޒުލީމް ނެތުމުން ޒީނާއަށް ކޮންމެވެސް ވަރެއްގެ ހިތްހަމަ ޖެހުމެއް ލިބުނެވެ. ކާން ވެގެން މޭޒުކައިރީގައި އިށީނީ ދޮރުގައި މީހަކު ޓަކިދިނެވެ. ސަމާ ތެދުވެގެން ގޮސް ދޮރު ހުޅުވާލިއެވެ.

“ކޮބާ ޒީނާ…؟” އަންހެނަކު ވާހަކަ ދެއްކި އަޑު ޒީނާއަށް އިވުނެވެ. ސަމާ ހިނިތުންވުމަކާއެކު އެތެރެއަށް ވަނުމަށް އެދުނެވެ. އޭނަގެ އަތުގައި އޮތް ފޮށި ހިފައިގެން އެތެރެއަށް ވަނެވެ.

 “މަންމާ. އަންގާވެސް ނުލާ..” ކާން އިން ބަތްތަށި ބެހެއްޓުމަށްފަހު ޒީނާ އައިގޮތަށް އައިސް އޭނަގެ މަންމަގެ ގައިގައި ބައްދާލިއެވެ. އޭނަގެ މަންމަ ފެނިފައި ޒީނާގެ ދެ ލޯ ފެންކަޅިވިއެވެ. ދުވަސްތަކަކަށްފަހު މަންމަ ފެނުމުން ޒީނާއަށް ލިބުނީ ބުނެދޭން ނޭންގޭހާ އުފާވެރި ކަމެކެވެ.

ކޮންމެ އިންސާނަކުވެސް އެމީހެއްގެ މަންމަ ދެކެ ލޯބިވާނެއެވެ. މަޔަކު ދަރިއެއް ނުވަމާއި ނުވަދުވަހަށްވުރެ ގިނަ ދުވަހު ބަނޑުގައި ގެންގުޅެ، ވިހަން އަޅާހާއި ވޭނާއި ބަލައި ބޮޑުކުރަން ކުރާ ބުރަ މަސައްކަތާއި، ރެޔާއި ދުވާލުހޭދަކުރާ ވަގުތުތައް، އޮހޮރާހާއި ކަރުނަތަކާއި މިހެން ގޮސް އެތައް ތަކުލީފެއް މަޔަކު ދަރިޔަކު ބެލުމުގައި ތަހައްމަލު ކުރާނެއެވެ. ޒީނާގެ އުމުރުން އެންމެ އެއް އަހަރުގައި ޒީނާގެ ބައްޕަ ނިޔާވުމުން ޒީނާ ބަލައި ބޮޑުކޮށްފަހުރީ ލޯތްބާއި އޯގާތެރި ފިރުމުންތަކުންނެވެ. ކުލުނާއި އަޅާލުން ދީގެންނެވެ. ޒުހުދާވީ ޤުރުބާނީ އަބަދުވެސް ޒީނާގެ ހަނދާނުގައި ހުރެއެވެ. ދަރިޔަކަށް އެވަރުގެ މަޔަކު ނުލިބޭނެ އޭ ބުނުމަކީ ދޮގަކަށްނުވާނެއެވެ.

‘އާދޭ ކާން މަންމާ…” ޒީނާ އޭނަގެ މަންމަ އަތުގައި ހިފައިގެން ގެންގޮސް ކާން މޭޒުކައިރީގައި ބޭންދިއެވެ. ސަމާ ވެސް ޒީނާގެ މަންމައަށް އިސްތިޤުބާލް އަދާކުރިއެވެ. ސަމާގެ އަތްމަތިވެސް އަވަސްކޮށްލިއެވެ.

“ދަރިފުޅު ހާދަ ހިކިއްޖެއޭ” ޒީނާއަށް ބަލައިލުމުން ޒުހުދާ ބުންޏެވެ. ދަރިޔަކަށް އަންނާނެ ކުޑަ ނަމަ ބަދަލެއް އެންމެ ފުރަތަމަ ފާހަގަ ކުރާނީ މައިމީހާއެވެ. އެކަން އެނޫން އިތުރު އެއްވެސް މީހަކަށް ނޭންގޭނެއެވެ. މައިވަންތަކަމުގެ ކުލުނަކީ ދުލަކުން ގަލަމަކުން ވެސް ބަޔާންކޮށް ނުދެވޭނެ މަތިވެރި ކުލުނެކެވެ.

“ތީ މަންމައަށް ހީވާގޮތް.. މަންމަވެސް އަންގާވެސްނުލާ ތި އައީ. އޭރުންދޯ ބަލާ ދާންވެސް އެނގޭނީ..” މޭޒުމައްޗަށް ކާން ތައްޔާރު ކުރަމުން ޒީނާ ޝަކުވާ ކުރަންފެށިއެވެ.

“މަންމައަށް އަދި އެކަނި އުޅެވޭ ވަރުވޭ. ބޯޓަށް އެރީމަ އޭތި އުދުހިފަ އާދޭ ގޮވައިގެން. ބަހަށް އަރާފަ ލާރި ދިނީމަ އެމީހުންވެސް ނެގެސްދޭ. ޓެކްސީއަށް ގުޅީމަ އެމީހުންއައިސް ބުނިތަނަކަށް ގެންގޮސްދޭނެ. އަދި އިރާދަކުރެއްވިއްޔާ މަންމައަށް އެކަނި އުޅެވޭވަރުވޭ. މަންމަ އެހާ ވަރަކުން ނުބުނެ މިއައީ ވެސް ހިތް ބިރުގަންނަވަރުން. އަބަދުވެސް ހިތަން އަރަނީ ދަރިފުޅަށް ކަމެއްވާން އުޅެނީއޭ. މަންމަ އަށް ކެތް ނުވެގެން މިއައީ ދަރިފުޅު ގާތަށް..” ޒުހުދާ ބަތްކާން ފެށިއެވެ. ސަމާ ތައްޓަކަށް ފެން އަޅައިގެން ގެނެސް މޭޒުމަތީގައި ބެހެއްޓިއެވެ. ޒުހުދާ ގެ ވާހަކަތަކުން ހީވަނީ ޒީނާއަށް ކޮންމެވެސް ބޮޑުކަމެއް ކުރިމަތިވަނީ ހެންނެވެ.

“މަންމަ ދައްކާ ވާހަކަ.. ޒީ ރަނގަޅޭ. ޒީ އަށް ކަމެއް ވެއްޖެތަ؟؟ އިރާދަކުރެއްވިއްޔާ އަދި ހުރިހާ ކަމެއްވެސް ރަނގަޅު” ޒީނާ އޭނަގެ މަންމަގެ ބޮލުގައި ފިރުމާލަމުން ބުންޏެވެ.

****

“މަ އިޒުވާނަށް ޖަވާބެއްދޭން ވެގެން މިގުޅީ. މަށަކީ އެހާ ރޮމޭންޓިކް މީހެއްނޫން.” ސާރާ ފޯނުން ވާހަކަ ދައްކަމުން ބުންޏެވެ. އޭނަ ހުރީ އެގޭ ޓެރަސްމަތީގައެވެ. އެ ތަނުން މާލޭގެ ފުނިޖެހިފައިވާ އިމާރާތްތައް ރީއްޗަށް ފެންނަމުން ދިޔައެވެ.

“އެހެންތަ! ކޮބާ ސާރާގެ ޖަވާބަކީ؟؟” އިޒުވާނު އިނީ ސައިކަލުގައި މަޑުކޮށްލައިގެން ފެރީ ގިމަތަ ސަރަހައްދުގައެވެ.

“އިޓްސް ޔެސް”” ސާރާގެ ޖަވާބުން އިޒުވާނުގެ ހިތް އުފަލުން ފޮޅުނެވެ. އެކަން އޭނަގެ މޫނުމަތިން ފާޅުވަމުން ދިޔައެވެ. އޭނައަށް ހީވީ މުޅި ދުނިޔޭގެ ހުރިހާ އުފަލެއް އެއްފަހަރާ އޭނަގެ މުށުތެރޭގައި ބަނދެލެވުންހެންނެވެ. ވީ އުފަލެއްގެ ބޮޑުކަމުން އުޅެވޭ ނޫޅެވޭގޮތެއްވެސް ނޭންގުނެވެ.

“އައްސުތަ؟ ވަރަށް އުފާވެއްޖެ. ހިޔެއްވެސް ނުކުރަން ސާރާގެ ޖަވާބަކީ ތީ ކަމަކަށް.. ވަރަށް ވަރަށް އުފާވެއްޖެ..” އުފަލުންގޮސް އިޒުވާނަށް ބުނަންވީ ކީކޭ ކަމެއްވެސް ނޭންގުނެވެ. އޭނަ ހުރީ އެހާމެ އުފާވެފައެވެ. އިޒުވާން ހިތުން އޭނަ އެއީ ކިތައްމެ ކާމިޔާބު މީހެއް ކަމަށް ދެކުނަސް ސާރާ އެގުޅުމަށް އެއްބަސްވީ އެއްވެސް ހާލެއްގައި އިޒުވާނު ދެކެ ލޯބިވާތީއެއް ނޫނެވެ.

***

“މަންމަ ދެންދޭ ފެންވަރާލައިގެން އަސްރު ނަމާދުކޮށްލަން.. މިހާރު މަޢްރިބް ނަމާދަށް ގޮވަން ވެސް ކައިރިވަނީ..” ޒުހުދާ ކައިނިމުމުން ޒީނާ ބުންޏެވެ. އީމާ ދިރިއުޅޭ ކޮޓަރިއަށް ޒުހުދާގެ ފޮށި ގެންގޮސްލާފައި ސަމާވެސް ގޮސްކޮޓަރިއަށް ވަނެވެ. ސަމާ ތަންކޮޅެއް ބަސްމަދުވެފައި ހުރި ނަމަވެސް އޭނައަށް ވީވަރަކުން ޒީނާއަށް އަތްގާތްކޮށްލަ ދިނެވެ. ޒީނާގެ މަންމައަށް މެހެމާންދާރީ އަދާކޮށްދިނެވެ.

ރޭގަނޑުގެ ކެއުން ނިންމާލުމަށްފަހު ޒީނާއާއި ޒުހުދާ ޓީވީއަށް ގެއްލިފައި ތިއްބެވެ. އިރުއިރުކޮޅާ ޒުހުދާ ތާއްޔާ ޖެހެންފަށައެވެ. އޭނަގެ މޫނުމަތިން ދަތުރު ވަރުބަލިކަން ފާޅުވަމުން ދިޔައެވެ. ޒީނާ ބޭނުންވީ މަންމަ އަމިއްލަޔަށް ފެނިގެން ދާނެތޯ ބަލާށެވެ.

“މަންމާ ދޭ ނިދާލަން… ޒީވެސް ދާނަން ޑްރާމާ ގެ މިތަންކޮޅު ބަލާފަ. މާދަމާ ހެނދުނު ޒީވެސް ޑިއުޓީއަށް ދާން ޖެހޭނެ. މަންމަ މިހާރު ތިއޮށް ނިންޖައިގެން ހަލާކުވަނީ.. ދެން ދޭބަލަ ނިދާލަން…” ޒީނާ އޯގާތެރިކަމާއެކު ޒުހުދާގެ ބޮލުގައި ފިރުމާލަމުން ބުންޏެވެ. ޒީނާގެ އަމަލުތަކުންނާއި ވާހަކަދެއްކި ރާގުން އޭނަ މަންމަ ދެކެ ލޯބިވާކަން އެނގުނެވެ. ޒުހުދާ ލުއި ހިނިތުންވުމަކާއެކު ކޮޓަރިއަށް ގޮސްވަނެވެ. ޒީނާވެސް ޑްރާމާ ބަލަން އިނުމަށްފަހު ގަޑިއަށް ބަލައިލިއެވެ. އޭރު ގަޑިން ދިހަގަޑި ބައިވަނީއެވެ. ރިމޯޓްނަގާ ޓީވީ ނިއްވާލުމަށްފަހު ގޮސް ކޮޓަރިއަށް ވަނެވެ.

ޒީނާ އޮތީ އަރާމު ނިންޖަކުން ނިދާލާފައެވެ. ގޭތެރެއަށް ވެރިވެފައިވަނީ ހަމަ ހިމޭންކަމެވެ. ކުއްލިއަކަށް ޒީނާ ކޮޓަރީގެ ދޮރުކައިރީގައި މީހަކު ހުއްޓުނެވެ ތަނަށް ވެރިވެފައިވާ ފަނޑުއަލިން ތަނަށް ވެރިވެފައިވަނީ ހަމަ ހިމޭންކަމެވެ. އެމީހާ ދޮރުތަޅުގައި ހިފިއެވެ. ތަޅު އަނބުރާލި އިރު ދޮރު ހުރީ ތަޅުލާފައެވެ. އެވަގުތު އެމީހާ ކޮންމެވެސް އެއްޗެއް އޭނަގެ ޖީބުން ނެގިއެވެ. ދޮރުގެ ތަޅުގައި ހިފުމަށްފަހު ދޮރު ކޮށްޕާލިއެވެ. ވަގުތުން ދޮރު ހުޅުވުނެވެ.

އެމީހާގެ ކުޅަދާނަކަން އެވަރުންވެސް އެނގޭނެތާއެވެ. ޒީނާ އޮތީ ކުރު ސޯޓުކޮޅަކާއި ޓީޝާޓެއްލައިގެން އަރާމުކޮށް ނިދާލާފައެވެ. ޒީނާއަށް ބަލާލުމަށްފަހު އާދައިގެ ހިނގުމެއްގައި ގޮސް އެނދުކައިރީގައި ހުއްޓުނެވެ. ބަލަން ނުހުރެ އެތަނުގައި އޮތް ބާލިސް ނަގާ ޒީނާގެ މޫނުމަތީގައި އެޅިއެވެ. ޒީނާ ނޭވާ ހާސްވެގެން ތެޅިގަތެވެ. އެމީހާގެ އެއް އަތުން ޒީނާގެ ދެއަތުގައި ހިފާ ބާރުކޮށްލިއެވެ. ޒީނާއަށް ގުޑާ ނުލެވޭ ވަރަށް އަތަށް ބާރުލަމުން އެނދުމަތީގައި އޮތް ބެޑްޝީޓަކުން އައްސާލިއެވެ. އަނެއް އަތުން އޭނަ ލައިގެން ހުރި ސޯޓް ތިރިކޮށްލިއެވެ. ސަލާމަތްވުމަށް ޒީނާ ރޯ މަހެއްހެން ތެޅެމުން ދިޔައެވެ. ނަމަވެސް އެމީހާގެ ބާރު ގަދަކަމުން ޒީނާއަށް މާބޮޑުކަމެއް ކުރެވޭގޮތެއް ނުވިއެވެ. ސަލާމަތްވުމަށް ޒީނާ ތެޅިފޮޅެމުން ދިޔައެވެ. އެމީހަކު އޭނަ ލައިގެން އޮތް ކުރު ސޯޓު ގަދަކަމުން ބޭލުމަށް އެ މީހާ މަސައްކަތްފެށިއެވެ. އިސާހިތަކު އެކަންވެ ނިމިއްޖެއެވެ. ޒީނާ ސަލާމަތް ވުމަށް ހަޅޭއްލަވަން މަސައްކަތްކުރަން އުޅެން ފެށުމުން އޭނަ ލައިގެން ހުރި ގަމީހުގެ ޖީބުން ރުމާލެއްކަހަލަ ފޮތިގަނޑެއް ނަގައި ބޮނޑިކޮށްލުމަށްފަހު ޒީނާގެ އަނގަޔަށް ކޮށްޕާލިއެވެ. އެމީހާ އުޅުނު ގޮތުން ހީވަނީ އެކަމަށް އޭނަ ތައްޔާރުވެގެން ހުރިކަމެވެ.

ލަސްތަކެއް ނުވެ ވަގުތުގެ ބޭނުން އޭނާ ހިފާލިއެވެ. ޒީނާގެ އިއްފަތްތެރިކަން ވެއްޔާއި މޮޑެވިގެންދާކަށް މާގިނަ ވަގުތުތަކެއް ނުވިއެވެ. ޒީނާގެ ލޮލުން ކަރުނަ އޮހިގަތެވެ. އަންހެނެއްގެ އެންމެ އަގުބޮޑު އެއްޗަކީ އިއްފަތްތެރިކަމެވެ. ނަމަވެސް މިއަދު ޒީނާގެ އިއްފަތްތެރިކަން ގެއްލިގެން ދިޔައީއެވެ. އޭރުވެސް ޒީނާ މަސައްކަތްކުރަމުން ދިޔައީ ސަލާމަތްވެވޭތޯއެވެ.

***

ސަމާއަށް ހޭލެވުނީ ކަރުހިއްކައިގަނެގެންނެވެ. ފެންބޯންގެންގުޅޭ ފުޅީގައި ފެން ހުރިތޯ ބެލިއިރު އެވެސް ހުރީ ހުސްވެފައެވެ. އާދައިގެ މަތިން ކޮންމެ ރެޔަކުވެސް ނިދުމުގެ ސަމާ ފެންފުޅިއެއް ކޮޓަރިއަށް ވައްދާނެއެވެ. އެނދަށް ނަޒަރު ހިންގާލިއެވެ. އަޒުލީމް ކޮބައިތޯ ބަލައިލިއެވެ. ނަމަވެސް އެނދުގައި އޭނަވެސް ނެތެވެ. ފާހަނާއިން ފެން އޮހޭ އަޑުއިވޭތީ ފެންވަރަށް އުޅެނީ ކަމަށް ހީކޮށް ސަމާ ނުކުތީ ކޮޓަރިން ބޭރަށް ފެންފުޅިއެއް ބަލައެވެ. އަޒުލީމަކީ ދަންވަރަށް އާންމުކޮށް ފެންވަރަން އާދަވެފައި ހުންނަ މީހަކަށް ވާތީ ސަމާ އެކަމަށް މާބޮޑު ސަމާލުކަމެއް ނުދީ ނުކުތެވެ.

ގެނައި ހުސްފުޅި މޭޒުމަތީގައި ބެހެއްޓުމަށްފަހު ފުރިޖުން ފެންފުޅި އެއްނަގައި ތައްޓަކަށް ފެން އެޅިއެވެ. ފެންތަށި ތުނބުގައި ޖެހުނުތަނާހެން އިވުނީ ޒީނާގެ ކޮޓަރިން އެއްޗެއް ވެއްޓުނު އަޑެވެ. ޒީނާ ހޭލާ އުޅެނީކަމަށް ހީކޮށް ފެންތަށި ބޯލައިގެން އެ ކޮޓަރިއަށް ދިއުމަށް މިސްރާބުޖެހިއެވެ. ދޮރު ކައިރީގައި ކުޑައިރުކޮޅަކު ހުރުމަށްފަހު ތަޅުގައި ހިފިތަނާހެން ދޮރު ހުޅުވުނެވެ. ކޮޓަރިތެރެއަށް ވެރިވެފައިވަނީ އަނދިރިކަމެވެ. އެތެރެއަށް ވަންނަމުން ދޮރު ކައިރީގައި އިންނަ ސްވިޗްގައި އަތު ޖެހޭތޯ ފާރުގައި އަތްހާކާލިއެވެ. ސްވިޗް ބޯޑުގައި އަތް ޖެހުމާއެކު ސްވިޗަށް ފިތައިލިއެވެ.

ކޮޓަރިތެރެއަށް އަލިވެގެން ދިއުމާއެކު އަޒުލީމް ސިހިފައި ދޮރާއި ދިމާއަށް ބަލާލެވުނެވެ. އޭރު އޭނަ އޮތީ މިނިކާވަގެއްހެން ޒީނާގެ ގައިމަތީގައެވެ. އެއާއެކު ސަމާގެ ދެލޯ ދެކިބަ ކާއްޓަށް ވެގެން ދިޔައެވެ. ޒީނާގެ ގައިމަތީގައި ހެއްދެވިގޮތަށް އޮރިޔާމާ އޮތް އަޒުލީމް ފެނިފައި ސަމާއަށް އެމަންޒަރު ގަބޫލު ކުރަންވެސް ދަތިވެގެން ދިޔައެވެ. ސަމާއަށް ހީވީ ކޮޓަރީގެ ހަތަރުފާރު އައިސް އޭނަ ފިއްތާލިހެންނެވެ. އޭނަގެ ހަލާލު ފިރިމީހާ އެފަދަ ދަރަޖައަށް ވެއްޓިގެން ހިނގައިދާނެ ކަމަށް ގަބޫލުވެސް ނުކުރެވުނެވެ. ހިތަން އަރަމުން ދިޔަ އެއްޗެހިތަށް ދުލަކުން ބަޔާންކޮށް ދޭނެ ގޮތެއްވެސް ނޭންގުނެވެ.

އޭރު ޒީނާ އެނދުގައި މާނޭވާ ލެވި މީހެއްގެ އެހީއަށް އާދޭސް ކުރާ ހާލުގައި ރޮއިރޮއި އޮތެވެ. ސަމާ ފެނުމުން އަޒުލީމު އެނދުން ތެދުވެގެން އަވަހަށް އައުރަ ނިވާކުރެވޭތޯ އުޅުނެވެ. ޒީނާ އޮތް ހާލުފެނިފައ ސަމާއަށް ހީވީ ފައިދަށުން ބިންގަނޑު ދެމިގަތްހެންނެވެ. އެފަކީރުގެ އިއްޒަތް ވެއްޔާއި މޮޑެވިގެން ހިގައްޖެއެވެ. ސަމާއަށްވެސް ރޮވޭގޮތް ވިއެވެ. ޒީނާ އޮތް ހާލުން ސަމާއަށް ބުނެދޭން ނޭންގޭ ގޮތްތަކެއް ވެގެން ދިޔައެވެ. އެވަގުތު އޭނައަށް ސިފަވެގެން ދިޔައީ އޭނަ އެތަނުގައި އެފަދަ ގޮތަކަށް ކަންތައް ވެއްޖެނަމަ ވާނެ ގޮތެކެވެ. އަންހެނެއްގެ އިއްފަތްތެރިކަން ގެއްލުމުން ކުރެވުނު އިޙްސާސް ޚުދު ސަމާއަށްވެސް ކުރެވުނެވެ.

ޒީނާ އެނދުން ތެދުވަން މަސައްކަތް ކުރަމުން ކަރުނަތައްފޮހެމުން ދިޔައެވެ. މޮޔައެއްފަދައިން ކޮޅުކޮޅަށް ބަލާ ހޯދަން ފެށިއެވެ. ޒީނާ ރޮމުން ރޮމުން ގޮސް ސަމާއަށް ނަޒަރުހުއްޓާލެވުނެވެ. ޒީނާ ދެއްކި ވާހަކަތަށް ހަނދާންވެ ސަމާއަށް އިތުރަށް އަސަރު ކުރަން ފެށިއެވެ. ނޭންގޭ ހަޤީގަތަކީ ޒީނާ އެގުޅުމަށް ނުރުހުނު ސަބަބެވެ. ކުށްވެސް ކުރީ ޚުދު ސަމާކަށް އޭނައަށްވެސް ގަބޫލުކުރެވުނެވެ. އެކަން ވިސްނުނު އިރު ވަގުތު ފާއިތު ވެއްޖެއެވެ. ޒީނާއަށް އިނީ ވަރުބަލިވެ ގިސްލެވޭ ވަރުވެފައެވެ. ސިންގާއެއްގެ ޝިކާރައަކުން ކުޑަ ޖަނަވާރެއް ސަލާމަތްވާން އުޅޭ މަންޒަރު ފެންނަ މީހަކަށް ޒީނާވެސް އެކަމުން ސަލާމަތްވާން ކުރަން އުޅުނު ހާލު ތަސައްވަރު ކޮށްލެވޭނެއެވެ.

އެނދުގައި އޮތް ބާލީހެއް ނަގައި ހަށިގަނޑު ނިވާކޮށްލަން އުޅުނު އިރުވެސް ޒީނާ އިނީ ފާޑަކަށް ބިރުންނެވެ. އޭރު އަޒުލީމް ލާން ގެންގުޅުނު ސޯޓުލައިގެން އެތަނުން ދިއުމަށް ދޮރާއި ދިމާއަށް ހިނގައިގަތެވެ. ސަމާއަށް ބަލަހައްޓައިގެން ހުރެވުނީ ފެނުނު މަންޒަރު ޤަބޫލު ނުކުރެވޭތީއެވެ. އިސް ޖަހައިގެން ހުރެ އަޒުލީމް ހިނގާލާފައި އައީ އެއްޗެކޭ ބުނަން ނުކެރޭތީ ހެއްޔެވެ؟ ނޫނީ ހުންނަ ގޮތްކުޑަކަމުން ބުނަން ބޭނުން ނުވަނީ ހެއްޔެވެ؟

އަޒުލީމް ނުކުންނަށް އުޅުނު ވަގުތު ސަމާ އޭނަގެ އަތުގައި ހިފިއެވެ. އެއްވެސް ވަގުތުކޮޅެއް ބޭކާރުކޮށްލާކަށް ސަމާ ބޭނުމެއް ނުވިއެވެ. އޭނަގެ ދަތްކުޑި ފިއްތާލިއެވެ. އައިސްފައިވާ ރުޅީގައި ފައި ހިއްލާލުމަށް އަޒުލީމްގެ ކުރިމަތި ފަރާތުގައި ފައިން ޖެހިއެވެ. ޖެހިލެއް ބާރުކަމުން އޭނައަށް ސަމާއަށް ލާނެއްގޮތަކަށް ބަލައިވެސް ލެވުނެވެ. އެވަރުންވެސް ސަމާގެ ހިތްފުރޭވަރެއް ނުވިއެވެ. އަޒުލީމުގެ މޭގައި އަޅާ ބާރަށް ކޮއްޕައިލިއެވެ. އަޒުލީމްގޮސް ޖެހުނީ ކޮޓަރީގައި ހުރި އަލަމާރީގެ ކޮޅުގައެވެ. އެވަރުންވެސް ސަމާގެ ހިތަކަށް ހަމަޖެހުމެއް ނުލިބުނެވެ. އަޒުލީމް ޖެހުނުލެއް ބާރުކަމުން ބުރަކައްޓަށް ތަދުވެފައިވާކަށް އޭނަގެ އަމަލުތަކުންނާއި އުޅުނުގޮތުން އެނގުނެވެ.

“ނަގޫބަޅ، ހައިވާނ.. އަދި މިވަރު ކުޑައޭ. ގޮތްކުޑަ މުޑުދާރު ކުއްތާ.. ހަޔާތްކުޑަ ބަކަރ..” ސަމާ ދިޔަގޮތަށް ގޮސް އަޒުލީމުގެ ކުރިމަތި ފަރާތުގައި އަތަށް ހެޔޮވަރުކޮށްލަމުން މުއްކަވާލިއެވެ. އަޒުލީމަށް އެވަރު ކުރަމުން ދިޔައިރުވެސް ކަމެއް ނުކޮށް އެހުރީ ކީއްވެބާއެވެ.؟ ހަޤީގަތުގައިވެސް އަޒުލީމް ސަމާ ދެކެ ލޯބިވަނީ ހެއްޔެވެ؟ ލޯބިވާ ނަމަ އެފަދަ ކަމެއް ނުކުރާނެތާއެވެ. ސަމާއަށް ހީވަނީ އާދަޔާ ޙިލާފު ބާރެއް ލިބިގެން އުޅޭހެންނެވެ.

“މިބަޅ މަރާލާފަ ނޫނީ ދުލެއް ނުކުރާނަން.. ކަލޭ މަގޭ އަތުން މަރުވާނެ. ވަލު ޖަނަވާރު..” ސަމާއަށް ކިޔޭ ނުކިޔޭއެއްވެސް ނޭންގުނެވެ. އެއްލި ކަޅިއަކުން ޑްރެސިން ޓޭބަލް ބަތީގައި އޮތް ހެއަރ ޑްރެސަރ ލޮލުގައި އަޅައިގަތެވެ. ސަމާގެ ހިތުގައި އަނދަމުންދިޔަ އަލިފާންގަނޑު ރޯވަމުން ދިޔަ ވަރަކަށް ސަމާ ދިޔައީ ހައްދުން ބޭރުވަމުންނެވެ. ބަލަން ނުހުރެ އޭތި ނަގާ އަޒުލީމުގެ ބޮލަށް ހޫނު ހަމަލާއެއް ފޮނުވާލިއެވެ. ވަގުތުން އަޒުލީމްގެ ބޯފަޅައިގެން ގޮސް ލޭ އަންނަފެށިއެވެ. އަޒުލީމް ބޮލުގައި ދެއަތް އެޅިއެވެ. އޭނަ އުޅެންފެށިގޮތުން އޭނަގެ ހެއަށް ގޮތްވާހެން ހީވާން ފެށިއެވެ. އެވަގުތު އަޒުލީމް ބިންމައްޗަށް ވެއްޓުނެވެ، އެހެނަސް އެވަރުންވެސް ސަމާއަށް ހިތްހަމަ ޖެހުމެއް ނުލިބުނެވެ. އެތަނުގައި ވަޅިއެއް އޮތްނަމަ އެވެސް އަޒުލީމްގެ ކަރަށް ހަރާލާނެކަން ސަމާގެ އަމަލުތަކުންވެސް އެނގިގެންދިޔައެވެ.

“ޖައްބާރު ކުއްތާ. ކަލޭ މަރަށް ތެޅެން ދޫކޮށްލިޔަސް ފާފައަކަށް ނުވާނެ. ރަނގަޅީވެސް ކަލޭ މަރުވިއްޔާ. ވަލު ޖަނަވާރު ހަރާން ކުއްތާ.. ކަލެއަށް ދަރިއެއް މިދުނިޔެއަށް ގެނައުމުގެ ކުރިން ކަލޭގެ ޖާހިލުކަން އެނގުނުކަން އެއި މަގޭ ނަސީބު. ހިމާރ..” ސަމާ އެހުރިހާ ހުތުރު އެއްޗެއް އަޒުލީމަށް ގޮވަމުން ދިޔައިރު އޭނަގެ އެއްވެސް ހަރަކާތެއް ނެތެވެ. ނަފުރަތުން ފުރިގެންވާ ނަޒަރަކުން ސަމާ އޭނައަށް ބަލަމުން ދިޔައެވެ. އަދިވެސް ސަމާގެ ހިތްފުރޭ ވަރުނުވަނީ ހެއްޔެވެ. ކުރިޔަށް ފިޔަވަޅު އަޅަމުން އަޒުލީމުގެ ދަށްބަނޑުގައި ފައިން ޖެހިއެވެ. އަޒުލީމުގެ އެއްވެސް ހަރަކާތެއް ނެތެވެ. މަރުވީ ކަމެއް ހޭނެތުނީ ކަމެއްވެސް ނޭންގެއެވެ.

ގިނަފަހަރަށް މީހުން ބުނާތީ އަޑުއިވޭނީ އަންހެނުންނަށް ކުރާ މިފަދަ އަނިޔާތަކުގެ ވާހަކަތަކެވެ. އެހެނަސް ސަމާ އަޒުލީމަށް ކޮށްލި ވަރު އެތަނުގައި އެހެން މީހަކު ހުރިނަމަވެސް އެވަރުކޮށްލާނެ ހެއްޔެވެ؟ ނޭންގޭ ހަޤީގަތަކީ އެވަރުގެ ޖާނުން ވަރުގަދަ ފިރިހެނަކު ސަމާ ކަހަލަ އަނހެންކުއްޖެއް ކައިރީގައި އަނިޔާލިބެން ހުރިކަމެވެ. ނުނީ އެ ފުރުސަތު އަޒުލީމަށް ނުލިބުނީތާއެވެ.

ޒުހުދާއަށް ވެސް ހޭލެވުނީ އެފުރަ ދަންވަރުގައި ގޭތެރޭގައި އަޑުގަދަވާހެން ހީވެގެންނެވެ. އެނދުން ތެދުވެގެން ލަސްފިޔަވަޅުތަކެއް އަޅަމުން ކޮޓަރިން ނުކުނަންނަން ހިނގައިގަތެވެ.

ސަމާއަށް ޒީނާ އިން ހާލުފެނިފައި ހަމްދަރުދީވެވުނެވެ. އެ ކައިވެންޏާއި ޒީނާ ނުޤަބޫލުވެ އެކަން ކުރަން އޭނަ އުޅުނު ގާތްކަމާއި ދިންހާ ނަސޭހަތް ހަނދާންވާން ފެށުމުން ސަމާގެ ދެލޯ ފެންކަޅިވެގެން ދިޔައެވެ. ސަމާ ފަޔަށް ބާރުލަމުން ޒީނާ ގާތަށް ގޮސް އޭނަ ގައިގައި ބާރަށް ބައްދާލިއެވެ. ނަމަވެސް މިހާރު ޒީނާ އިނީ އެއަށްވުރެ ބޮޑަށް ބިރުގަނެފައެވެ. ވާނުވާ ނޭންގޭ ހާލުގައެވެ.

 “އައި އެމް ސޮރީ ޒީ. މަށަށް މަޢާފު ކުރޭ. މަށާ ހެދި ޒީގެ އަބުރާއި އިއްޒަތް މިއަދު ތިވަނީ ވެއްޔާއި މޮޑެވިފަ. ޒީ މީ އަހަރެންގެ ކުށް. އަހަންނަށް މަޢާފުކުރޭ. އެދުވަހު ޒީ ދެކެ ރުޅި ނައިސް މިހުރިހާ ކަމެއްގެ ހަޤީގަތް އެހި ނަމަ މިއަދު އެ ނުލަފާ މީހާގެ ޝިކާރައަށް ޒީ އެއްނުވާނެ..” ރޮމުން ވާހަކަ ދައްކަމުން ދިޔަ ސަމާގެ ވާހަކަތަށް އަޑު އަހަން ހުރި ޒީނާގެ މަންމައަށް ހީވީ މީހަކު އޭނަގެ ކަންފަތްބުޑުގައި ތާޅާފިއްޔެ ފުމެލިހެންނެވެ. ބިންމަތީގައި ވެއްޓިފައި އޮތް އަޒުލީމްގެ ހަށިގަނޑުވެސް ޒުހުދާގެ ލޮލުގައި އަޅައިގަތެވެ. ޒީނާ އިން ގޮތްފެނިފައި ޒުހުދާގެ ހިތަށް ހީވީ ތޫނު ހަންޖަރެއް ހަރާލިހެންނެވެ.

ޒީނާ ރުއިން ހުއްޓާލީ ކަމެއް ލޮލުން ކަރުން ހުސްވީ ކަމެއް ނޭންގެއެވެ. ގަބުވެފައި ބުދެއްހެން އިނީއެވެ. ސަމާ ދެއްކި އެއްވެސް ވާހަކައެއް ޒީނާއަށް އަޑު އިވުނުހެން ހީވެސްނުވިއެވެ. ޒީނާ އިން ގޮތްފެނިފައި ޒުހުދާގެ ފައި ބިމުގައިވެސް ހަރުވެސް ނުލިއެވެ. އޭނަގެ ހުރި ހަމަ އެކަނި ފުރާނަ މިއަދު އިނީ ދުނިޔެއަށް ގިނަވެފައެވެ. މައިމީހާގެ ހިތަށް ކުރި އަސަރު މަޔަކަށް ވުމުންނޫނީ އެ އަސަރުތަކެއް ބަޔާންކޮށެއް ނުދެވޭނެއެވެ. އޭނަގެ ދަރިފުޅަށް ކުރިމަތިވެގެން ދިޔަ ހާދިސާ ޚުދު ޒުހުދާއަށް ވެސް ސިފަވެގެންދިޔައެވެ. އެ ދަރި ސަލާމަތްވާން ތެޅޭނެ ތެޅުން ހިތަން އަރާފައި ޒުހުދާގެ ހިތް ފަޅައިގެން ދިޔައެވެ.

ސަމާގެ ވާހަކަތައް އަޑުއަހަން ހުރި ޒުހުދާއަށް ކުރިއަށް އަޅާލެވުނީ އެންމެ ފިޔަވަޅެކެވެ. އެއްފަރާތަކަށް އަރި އަޅާލި ގޮތަށް ޒުހުދާ ގޮސް ބިންމައްޗށް ޖެހުނެވެ. ސަމާއަށް އަޑެއް އިވުނުހެން ހީވެގެން ބަލާލިއރު ބިންމަތީގައި ޒުހުދާ ވެއްޓިފައި އޮތްތަން ފެނިގެން އެދިމާއަށް ދުއްވައިގަނެވުނެވެ. ސަމާއަށް ހަދާނެގޮތް ހުސްވިއެވެ. އޭރުވެސް ޒީނާ އިންގޮތަށް ގަބުވެފައި އިނެވެ. ސަމާ ދުވަމުން ކަހަލަ ގޮތަކަށް އައިސް ދެކަކޫ ޖަހާފައި ޒުހުދާ ގާތުގައި އިށީނެވެ. އެތަށް ފަހަރަކު ސަމާ، ޒުހުދާއަށް ގޮވަމުން ދިޔައެވެ. އިތުރަށް ސަމާ ހާސްވެ ބިރުގަންނަން ފެށިއެވެ. ޒުހުދާ ނޭވާލާތޯ ބެލީ އޭނަގެ އެއްވެސް ހަރަކާތެއް ނެތުމުންނެވެ. ނޭވާ ނުލައި އޮތުމުން ސަމާ މަސައްކަތްފެށީ އަވަހަށް ފަރުވާއެއް ދެވޭތޯއެވެ. ނޭފަތުގައި އޭނަގެ އަތް ޖައްސާލިއެވެ. ނަމަވެސް ނޭވާލުން ވަނީ ހުއްޓިފައެވެ. ވިންދުހުރިތޯ ބެލުމަށްފަހު އަނެއްކާވެސް އަވަސް ވެގަތެވެ. ޒުހުދާގެ ކަނާއަތުގައި ހިފާ ނަގަމުން ވިންދު ޖަހާތޯ ބަލަންފެށިއެވެ. އިތުރަށް ސަމާ ކަންބޮޑުވެ ހާސްވިއެވެ.

އަނެއްކާވެސް މަސައްކަތްފެށީ ޒުހުދާ އަށް ފަރުވާދެވޭނެ ގޮތެކެވެ. އަނގަޔަށް ނޭވާއަޅަމުން މޭގައި އަޅާ އޮއްބަމުން ޒުހުދާ ނޭވާލާތޯ މަސައްކަތް ކުރަމުން ދިޔައެވެ. ނަމަވެސް ކުރި ހުރިހާ މަސައްކަތުންވެސް އެދެވޭ ނަތީޖާއެއް ނުފެނުނެވެ. ޒުހުދާގެ ފުރާނަ ނެތް މަސްގަނޑަށް ބަލާލަމުން ސަމާއަށް ރޮވެންފެށިއެވެ. ސަމާއަށް އޭނަގެ އަމިއްލަ ނަފުސުދެކެވެސް ފޫހިވާން ފެށިއެވެ. ޒުހުދާގެ މޫނަށް ބަލައިލެވުނެވެ. އޭނަގެ ދެލޯވަނީ މެރިފައެވެ. އޭނަގެ ސަބަބުން ޒީނާގެ މުޅި ދިރިއުޅުން އަނދާ އަޅިޔަށް ވެގެން ދިޔައީއެވެ. އެކަން ސަމާއަށް އިހްސާސްކުރެވުނު އިރު ވަގުތު ފާއިތުވެއްޖެއެވެ. އޭރުވެސް ޒީނާ ގަބުވެފައި ބުދެއްހެން އެނދުމަތީގައި އިނެވެ.

އެތަނުގައި އެހީއެއްވާން ހުރި މީހަކީވެސް ސަމާ އެކަންޏެވެ. ސަމާ އަވަސްވެގަތީ ހައްލެއް ލިބޭނެ ގޮތެއް ފެނޭތޯއެވެ. އިންތަނުން ތެދުވެގެން ޒީނާގެ އަލަމާރި ހުޅުވާލިއެވެ. ޒީނާގެ ހެދުމެއްނަގައިގެން ގޮސް ޒީނާ ހެދުމެއްލައްވާ ޒީނާގެ ހަށިގަނޑު ނިވާކުރުވިއެވެ. އޭރުވެސް ޒީނާއަށް ދުނިޔޭގެ ހިނގާ އެއްވެސް ކަމެއް އިޙްސާސް ނުކުރެވޭ ކަހަލައެވެ. އަނެއްކާވެސް އަލަމާރިން ސަމާގެ ހެދުމެއް ނެގިއެވެ. އޭނަ އެންމެ އިސްކަމެއްދިނީ ބުއްދި އިސްކުރެވޭތޯއެވެ. މީހުން އަބަދުވެސް ބުނާ ވާހަކައެއް އޮންނާނެއެވެ. އެ މީހެއްގެ ސަލާމަތްތެރިކަން ހޯދާނީ އެމީހެކެވެ.

އަލަމާރިން ޒީނާގެ ހެދުމެއް ނަގައިގެން އައިސް ބިންމަތީގައި އޮތް ހެއަރ ޑްރެސާރ ނެގުމަށްފަހު އެ ސާފުކުރަން ފެށިއެވެ. ސަމާ އުޅުނީ ކީއްކުރަންކަން އޭނައަށް ވެސް ވިސްނާލެވުނެވެ، ހެއަރ ޑްރެސަރ ސާފުކުރުމަށްފަހު ޑެރެސިން ޓޭބަލް މަތީގައި ބޭއްވުމަށްފަހު ކޮޓަރިން ނުކުތެވެ. ސަމާ ގޮސް އޭނަގެ ކޮޓަރިއަށް ވަނުމަސށްފަހު ފޯނު ހިފައިގެން އަސް ގުޅީ ފުލުސް އޮފީހަށެވެ. ސަމާ އޭތި ސާފުކޮށް އެ އޮތްނުގައި ބޭއްވީވެސް އޭނަގެ އަމިއްލަ ސަލާމަތާއި ރައްކާތެރިކަމަށްޓަކައެވެ.

ފުލުހުންނަށް ގުޅުމަށްފަހު ދައްކަންބޭނުންވާ ވާހަކަ ބުނުމަށްފަހު ކޮޓަރިއަށް ގޮސް ޒީނާ ގާތުގައި އިށީނެވެ. ސަމާ ބޭނުންވީ އެވަގުތުގައި ޒީނާއަށް އެހީތެރިވުމެވެ. ކިތައްމެ ދެރަވި ނަމަވެސް ހިތްވަރުކޮށްފައި ޒީނާއަށް އެހީތެރިކަމުގެ އަތެއް ދިއްކޮށްލަން ހުރި މީހަކީ އޭނައެވެ. ދަންވަރުގެ ހަމަ ހިމޭންކަމުގައި ހީނުކުރާ އެތައްކަމެއްވަނީ އެގޭ ހަތަރުފާރު އެތޭރޭގައި ހިނގާފައެވެ.

ފުލުހުން އަންނާކަށް މާގިނަ ވަގުތެއް ނުވިއެވެ. ދޮރުގައި ޓަކިދިން އަޑަށް ސަމާގޮސް ދޮރުހުޅުވިއެވެ. ސަމާއަށް ސަލާމަތްކަން ހޯދުނީތީ އެކަމާ އޭނަ އުފާކުރިއެވެ. ފުލުހުން އައިސް މައްސަލަ ތަޙްޤީގުކުރަން ފެށިއެވެ. ޒުހުދާގެ ފުރާނަނެތް މަސްގަނދު ހޮސްޕިޓަލަށް ގެންދެވުނެވެ. ހެޔަށް ގޮތްވެފައި އޮތް އަޒުލީމުގެ ހަށިގަނޑުވެސް ވަގުތުން ހޮސްޕިޓަލަށް ގެންދެވުނެވެ. ކަން ހިނގާދިޔަގޮތުގެ ބަޔާން ސަމާ ކިޔައިދެމުން ދިޔައެވެ. އޭރުވެސް ޒީނާ ހީވަނީ ދުނިޔޭގެ އެއްވެސްކަމެއް އޭނައަށް އިހްސާސް ވެސް ނުކުރެވެނީ ހެންނެވެ. ސަމާ އަށް ބަޔާން ދިނުމުގައި ކިޔައިދެވުނު އެންމެ ތަފްސީލްކޮށް ވާހަކަތައް ކިޔައިދެމުން ދިޔައެވެ.

“އަޅުގަނޑަށް ވެސް ހޭލެވުނީފެންބޮވައިގަނެގެން. އަޅުގަނޑަށް ވެސް އަޑެއް އިވިގެން މިތަނަށް އާދެވުނު އިރު އަޅުގަނޑުގެ ފިރިމީހާ އޮތީ ބިންމައްޗަށް ވެއްޓިފައި. އޭނަ ޒީނާގެ ގަޔަށް އަރައި އޭނަގެ އިއްފަތްތެރިކަން ފޭރި ގަނެފި.. މިތަނަށް އައިސް ވަތްއިރު ޒުހުދާއްތަ އޮތީ ވެޓިފައި.. އަޅުގަނޑު..” ސަމާ ފުންނޭވާއެއް ބޭރުކޮށްލިއެވެ. އެވާހަކަތައް ކިޔައިދެމުންދިޔަ އިރު ސަމާ ދާހިއްލާ ފޯވަމުން ދިޔައެވެ. ކިތައްމެ ދެރަވި ނަމަވެސް ހިތްވަރުކޮށްފައި ވާހަކަ ދައްކަން ފެށިއެވެ. ފުލުސް މީހާ ސަމާ ވާހަކަތައް ނޯޓްފޮތެއްގައި ލިޔަމުން ދިޔައެވެ. އިތުރު އަނެއް ތިން ފުލުހަކު ގޭތެރެ ބަލާ ފާސްކުރަމުން ދިޔައެވެ.

“އަޅުގަނޑަށް އާދެވުނީ މިކަން ފެންނަންކަމަށްވެސް ވެދާނެ. އަޒުލީމް އެއީ އަޅުގަނޑުގެ ފިރިމީހާ.. އެކަމަކު މިހާރު ގަބޫލެއް ނުކުރަން އެއީ އިންސާނެއްކަމަށްވެސް. އެއީ އިންސާނެއްގެ ސިފައިގައި ހުރި ޖަނަވާރެއް.. އަޒުލީމަށް ލިބިފައި ހުރި އަނިޔާތަކަކީ ޒީނާ ކައިރިން ސަލާމަތްވުމަށް އުޅުނުވަގުތު ލިބިފައިހުރި އަނިޔާތަކެއް ކަމަށް ބޮޑަށް ލަފާކުރެވޭ. ޒީނާގެ އެއްވެސް ކުށެއްނެތް. ބަލަ އެފަކީރު އިންހާލު.. ޒީގެ މަންމަ ނިޔާވެފައިވާކަށް އަޅުގަނޑަށްވެސް އެނގުނީ… ” ސަމާއަށް ގިސްލެވުނެވެ. ” ކަލޭމެންނަށް ވެގެން ވަންޏާއި އަޒުލީމް މިޖުތަމައަށް ދޫކޮށް ނުލާތި… އޭނަ ދެން ފެނުނަސް މަރުވާނީ މަގޭ އަތުން..” ވީދެރަޔާއި އައިސްފައިވާ ރުޅީގައި ސަމާއަށް ކިޔޭ ނުކިޔެވެސް ނޭންގުނެވެ. އޭނަގެ ވާހަކަތަކުން އެކަން ހާމަވިއެވެ. ފުލުހުންގެ އެހީތެރިކަމާއެކު ޒީނާވެސް ހޮސްޕިޓަލަށް ގެންދެވުނެވެ. އޭރުވެސް ޒީނާ ހުރީ ހަމަ ކުރިންވެސް ހުރި ހާލަތުގައެވެ. އަންހެނެއްގެ ދިރިއުޅުމުގައި ހީނުކުރާ އެތައްކަމެއް ޒީނާގެ ހަޔާތުގައި ދިމާވަމުން ދިޔައެވެ. ހިތްދަތި އެތައް ހާދިސާތަކެވެ. ޒީނާ އަށް ދެންވާނީ ކިހިނެއް ހެއްޔެވެ؟ ދުނިޔޭގައި އުޅެން ޒީނާއަށް ކެތްވާނެ ހެއްޔެވެ.؟ މައިމީހާ ނެތުނުމުން ޒީނާއަށް އެކަމަށްވެސް ކެތްކުރެވޭނެ ހެއްޔެވެ؟

ހޮސްޕިޓަލުން ކުރަންޖެހޭ ހުރިހާކަމެއް ނިމި ފުލުހުން އެމީހުންގެ ވާޖިބާއިގެން މަސައްކަތް ފެށިއެވެ. އަޒުލީމުގެ ހާލަތު ހުރިގޮތުން އޭނަވެސް ހޮސްޕިޓަލުގައި އެޑްމިޓް ކުރެވުނެވެ. ނަމަވެސް އަޒުލީމް ސަލާމަތްވުމަކީ ދެން އެހާ ފަސޭހަކަމަކަށް ނުވާނެއެވެ. ކަންތައް ހިނގާދިޔަގޮތުންނާއި މައްސަލައިގެ ބާވަތުން އަޒުލީމުގެ ދުވަސްވެ ދާނެތާއެވެ.؟؟؟

ޒުހުދާ ހިނެވުމުގެ މަސައްކަތް ނިމި މޫނުދެއްކުން ކުރިޔަށް ދިޔައިރުވެސް ޒީނާ އިނީ އެ ގަބުކަންމަތީގައެވެ. ދުނިޔޭގެ ޙިޔާލެއް ފިކުރެއްނެތެވެ. އޭނައެކޭ ދުނިޔެއިން މޮޔަވެފައިވާ ނިކަމެއްޗެއްފަދައެވެ. ދުނިޔޭގައި ހިނގާ އެއްވެސް ކަމެއް ހިރުވާވެސް ނުލައެވެ. ދުނިޔޭގައި ހުއްޓަސް ނެތް މީހެއް ފަދައެވެ.

ހުދު ކަފުނުން ކަފުންކޮށްފައި އޮތް ޒުހުދާގެ މޫނު ބަލަންއައިސް ތިބި މަދު ބަޔަކު މޫނު ބެލުމަށް އެތަނުގައިވާ ސަރަހައްދަށް ވަންނަމުންދިޔައެވެ. ހުޅުމާލެ ހިނަވާ މިސްކިތް ކައިރީގައި މަދު ބަޔަކު ޖަމާވެފައި ތިއްބެވެ. މެންދުރު ނަމާދަށްފަހު ޒުހުދާގެ ކަށު ނަމާދު ކުރުން ވަނީ ހަމަ ޖެހިފައެވެ. ވަގުތު ކައިރިވަމުން ދިޔައިރުވެސް ޒީނާހަމަ އެހުރިގޮތަށް ހުރީއެވެ.

ސަމާ ބެލީ ހިތްވަރުކޮށްފައިވެސް އެކަމާއި ކުރިމަތިލުމެވެ. މިއަދު ޒީނާއަށް އެހީވާން ހުރި ހަމަ އެކަނި މީހަކީވެސް ސަމާއެކަންޏެވެ. ސަމާގެ ކުށް ގަބޫލުކޮށް ދިމާވާ ކޮންމެ ކަމެއްގައިވެސް ޒީނާއަށް އެހީތެރިވުމަށް ކުރަންޖެހުނު ކޮންމެ ކަނޑެއް ހުރަސްކުރަން އަޒުމު ކަނޑައެޅިއެވެ.

“ޕްލީޒް ޒީ.. ތިހެން ނުހުރޭ.. މީ ހަމަ މަގޭ ކުށް. ދުވަހަކުވެސް އަމިއްލަ ނަފުސަށް މަށަށް މަޢާފެއް ނުކުރެވޭނެ. ހިތްވަރުކޮށްފައި މިކަމާ ކުރިމަތިލާ. ހެޔޮނުވާނެ ޒީ.. އިނގޭ ޒީއަށް މި ކުރިމަތިވީ ކެތްނުކުރެވޭވަރުގެ ހިތާމަ ތަކެއްކަން.. ޒީ ގެ ހިތާމަތައް އިހްސާސް ކުރެވިއްޖެ.. ޒީ…” މޫނު ދައްކާ ސަރަހައްދުގައި ހުރެ ސަމާ ބެލީ ޒީނާ އަށް ވިސްނައިދެވޭތޯއެވެ. ނަމަވެސް ޒީނާއެވަނީ ބޮޑު ޝޮކެއްގެ ތެރޭގައެވެ. ދުނިޔެމަތީ ހިނގާ އެއްވެސް ކަމެއް ޒީނާއަށް ނޭންގޭ ކަހަލައެވެ. ސަމާއަށް ކެތް ނުވެގެން ޒީނާގެ ކޮނޑުގައި ހިފައި ތަޅުވައިގަތެވެ.

ޒީނާއަށް އެސްފިޔަ ޖަހާލެވުނެވެ. ހީވީ ދުނިޔެއަށް އެނބުރި އާދެވުނު ހެންނެވެ. ހޭވެރިކަމެއްވެގެން ހުރިތަންވެސް ހަނދާންވީ އެވަގުތުއެވެ. ޒީނާއަށް ދެކޮޅު ހޯދާ ބަލަން ފެށުނެވެ. ޒީނާ އުޅެމުން ދިޔަ ގޮތްފެނިފައި ޒީނާއަށް ރޮވުނެވެ. ކެތްނުވާ ހިތްދަތި ކަމެއް ތެރޭގައި ހުރި ޒީނާއަށް ކުރިމަތިން ފެނުނީ އޭނަ މަންމަގެ ފުރާނަނެތް މަސްގަނޑެވެ. ސަމާ ކޮށްޕާލުމަށްފަހު ޒީނާ ދުއްވައިގަތީ އޭނަގެ މަންމަގެ މަސްގަނޑާއި ދިމާއަށެވެ. އޭނަ މަންމަގެ ފުރާނަނެތް މަސްގަނޑުގައި ބޮސްދެމުން ޒީނާ ރޯންފެށިއެވެ. ތަޤުދީރުގައި ދިމާވި އިމްތިހާނުން ޒީނާގެ މުޅި ހަޔާތް ވިއްސި ވިހާލެވިގެން ދިޔައީއެވެ. މުޅި ދިރިއުޅުން ބަނަ ކޮށްލައިފިއެވެ. ޒީނާގ ނޫން އެހެން މީހެއްނަމަ މިހާރު އަމިއްލައަށް މަރުވެސް ވެދާނެއެވެ. ކެތްނުވާ އެތައްކަމެއް ޒީނާ ތަހައްމަލު ކުރަމުންދާން ޖެހުނީ ޒީނާގެ ކޮން ކުށެއް އޮވެގެން ހެއްޔެވެ..؟

ޒުހުދާގެ މޫނުއަޅާ ވަގުތު ޖެހުނެވެ. ޒީނާއަށް ވަމުންދާގޮތްފެނިފައި ސަމާގެ ހިތް ހަލާކުވެއްޖެއެވެ. ސަމާއަށް ވެސް ޒީނާގެ މަންމަގެ މަރުން އެތައް ފިލާވަޅެއް ލިބިގެން ދިޔައެވެ. ޒީނާ ކުރާނެ ހިތާމަ ތަހައްމަލު ކުރެވިގެން ދިޔައެވެ. މައެއްގެ ލޯބި ނުލިބި ސަމާވެސް ދުނިޔޭގައި އުޅެމުން ދިޔައީ އެތަކެއް ކަމެއް ކަޑަޢްތުކުރުމަށްފަހުގައެވެ. ސަމާ ބެލީ ޒީނާއަށް ހިތްވަރު ދެވޭތޯއެވެ.

މޫނު ފޮރުވާލުމާއެކު ޒީނާއަށް ހޭރިގަނެވުނެވެ. ސަމާ ކިތައްމެ ހިތްވަރެއް ކުރަން އުޅުނު ނަމަވެސް ޒީނާގެ އަމަލުތަކުން ސަމާވެސް ގިސްލަ ގިސްލާފައި ރޯންފެށިއެވެ.

“މަގޭ މަންމަ. މަންމަ މަރުވީ.. މަ މުޅިން އެކަނިވީ.. އީމާވެސް ދިޔައީ. މަދޫކޮށްފަ އެންމެން ދަނީ. މަންމަ އެހާ ދުވަސްކޮށްފައި ފެނުނީ އެންމެ ދުވަހަކު. މިއަދު މި ފެނުނީ މަންމަގެ ފުރާނަ ނެތް މަސްގަނޑު. ސަމާ އަހަރެން ވެސް ބޭނުންވަނީ މަރުވާން.. ލޯބި ވެވުނީ އެންމެ މީހަކު ދެކެ.. ހަޤިގީ ލޯތްބެއް ވެވުނީ ވެސް އެންމެ މީހަކު ދެކެ. އެ ލޯބިވެސް އަހަރެންނަކަށް ނުލިބުނު. އަހަރެންގެ ކުށަކީ ކޮބާ؟ އަހަރެންގެ އިއްފަތްތެރިކަން ގެއްލި ދުނިޔެއަށް ގިނަވެއްޖެ. އިޒުވާންވެސް އަހަރެންދެކެ ލޯތްބެއް ނުވި. ހުރިހާ ލޯތްބަކުން މަ މަޙްރޫމް ވެއްޖެ. ސަމާ އަހަރެންމީ ކިހާ ބަދުނަސީބު މީހެއް. ކާކު ދެން އަހަރެންނަށް ލޯބިން ބަލާލާނީވެސް..” އެންމެ ފަހުން ޒީނާ ހިތުގައި ފޮރުވަމުން ދިޔަ ކަންތައްވެސް ސަމާގެ ކުރިމަތީގައި ހާމަވެ ބޭޒާރު ވެއްޖެއެވެ. ޒީނާއަށް ކެތްނުވި ހިތްދަތިކަމެއްގެ ސަބަބުން ހުރިހާ ކަމެއް ހާމަވެގެން ދިޔައެވެ. އޭނަގެ ހިތްވަނީ ހަލާކުވެ ވީރާނާ ވެފައެވެ. އެހިތަށް ކުރާ އަސަރުތައް ބުނަން ކިތައްމެ ބޭނުންވިއަސް މިހާރު ޒީނާއަށް ސިފަ ކުރެވުނީ ދިރިހުރުންވެސް އެއީ ކުށެއްގެ ގޮތުގައެވެ. ބޭކާރު ކަމެއްގެ ގޮތުގައެވެ.

ކަށު ނަމާދަށްފަހު ޒުހުދާ ވަޅުލައި ނިމުނު އިރުވެސް ޒީނާގެ ލޮލުން ކަރުނަ ހިކޭ ގޮތެއް ނުވިއެވެ. ސަމާ ބެލީ އަވަސްގޮތަކުން އެތަނުން ދެވޭތޯއެވެ. ސަމާގެ ފަރާތުން ޒީނާއަށް އޯގާތެރި ކަމާއި ލޯބި ދޭން އަޒުމް ކަނޑައެޅިއެވެ. ކޮންމެ ގޮތެއްވިޔަސް އަދި ޒީނާ ދުނިޔޭގައި އުޅެން މަޖުބޫރެވެ. ކޮންމެ ގޮތަކަށް ތަޤްދީރުގައިކަންކަން ރޭވެމުން ދިޔަ ނަމަވެސް ކޮންމެ އިމްތިހާނަކަށް އިންސާނާ ތައްޔާރުވާން މަޖުބޫރެވެ.

***

އޭގެ ދެދުވަސް ފަހުން ޒީނާ ޑިއުޓީއަށް ނުކުތީ އިތުރަށް ގޭގައި އޮވެ މޮޔަވެދާނެތީއެވެ. މީހުންގެ ތެރެއަށް ނިކުމެ އުޅެމުންވެސް ބޯ ހާސްނުވެ ހަމަޖެހިލައިގެން ދިރިއުޅުމުގައު ކުރިއަށް ދިއުމަށެވެ. ކަންތައްތަކާއި މާޔޫސްވެ ސިނކުޑިއަށް ލުޔެއް ލިބޭނީ އަމިއްލަ ނަފުސަށްވެސް އިތުބާރުކޮށް ކެތްކޮށްގެން އުޅުމުން ކަމަށް ވާތީއެވެ.

ޒީނާއަކީ އާންމުކޮށް ބްރޭކް ގަޑިއަށް އެކަނި ނަމަވެސް ހިތްހަމަ ޖައްސާލަން ބޭރަށް ނުކުމެ އުޅޭ ކުއްޖަކަށް ވާތީ އާދައިގެ މަތިން އެއަރޕޯޓު ތެރޭގައި ހިނގަމުން ނުކުތީ ޓާރމިނަލުން ބޭރަށެވެ. ދުވަހަކީ ވައިމަޑު އަވިގަދަ ދުވަހެކެވެ. ސާފު ވައިކޮޅެއް ހޯދުމަށް އެދިމާލުގައި ހުންނަ ރުކެއްކައިރީގައި މަޑުކޮށްލުމަށްގަހު ޖީބުން ފޯނު ނެގިއެވެ. ފޯނު ނަގައިގެން ގޭމެއް ކުޅެން ފެށިއެވެ. އެންމެ ހިނދުކޮޅެއްވެސް މަންމަ މަތިން ހަނދާންކޮށް ރޯކަށް ޒީނާ ބޭނުމެއް ނުވިއެވެ. ވީ ކަމެއް ހަނދާން ނައްތާލަން އަޒުމު ކަނޑައެޅީ ކޮންމެ ގޮތެއް ވިއަސް މަރުވި މީހަކު ދެން އެނބުރި އަންނާނެ މީހަކަށް ނުވާތީއެވެ. ހުރިހާވެސް އުފަލަކީ އެމީހުންނަށް ހެޔޮދުއާކުރުމެވެ. ޒީނާއަކީ ކެތްތެރި ކުއްޖެއްކަން ދިމާވާ ކޮންމެ ހިތާމަތަކެއް ގައި ކުރިމަތިލަމުންދާތީވެސް އެނގިގެން ދާނެއެވެ.

ޒީނާއަށް ސިހުމެއް ލިބުނީ އިޒުވާނުގެ އަޑު އޭނަގެ ކަންފަތުގައި ޖެހުމުންނެވެ. އިޒުވާނު ގޮވާލިއަޑަށް ޒީނާ ސިހުނެވެ. އެ ސޫރަ ފެންނަ ކޮންމެ ފަހަރަކު ޒީނާއަށް އެތައް އުނދަގޫތަކެއް ވާން ފަށައެވެ. ހިތް އަވަސްވެ މޭތެޅެންފަށައެވެ. އޭނައަށް ކުރެވޭ އިޙްސާސްތަކަށް ބަދަލެއް ނާންނަނީ ކީއްވެކަން ޒީނާއަށް ވެސް ބުނެދޭކަށް ނޭންގެއެވެ. އިންތިހާއަށް އިޒުވާނު ދެކެ ލޯބި ވެވުނީ ކީއްވެގެން ހެއްޔެވެ.؟ ޒީނާއަށް ވަމުންދިޔަ ގޮތްތައް ފޮރުވަން އަމިއްލައަށް މަސައްކަތްކޮށްކޮށްހުއްޓާ އިޒުވާން އައިސް އެތަނުގައި މަޑުކޮށްލިއެވެ.

“ވަރަށް ހޯދައިފިން.. ގުޅަންވެސް ހިތަންއެރި.. އެކަމަކު ޒީ ހިތަން އަރާފާނެ އެއްޗެއް ނޭންގޭތީ ގުޅަން ނުކެރުނީ..” އިޒުވާނު އައިސް މަޑުޖެހުނީ ޒީނާއާއި ދާދި ގާތުގައެވެ.

“އެނގޭތަ ސާރާ އާއެކޭ ބުނެފި.. އެވާހަކަ ބުނަން ބޭނުންވެގެން އުޅޭތާ ދެދުވަސް ވެގެން މިދިޔައީ.. ހިތަން އެރި ޒީއާ ބައްދަލުވީމާއޭ މިވާހަކަ ބުނާނީ…” ދެންވެސް ވާހަކަ ދެއްކީ އިޒުވާނެވެ. ޒީނާ ހުރިގޮތަށް ފޯނާއި ކުޅެން ހުރީއެވެ. އިޒުވާނުގެ ވާހަކަތަކުން ޒީނާ ކިތައްމެ ވަރަކަށް ކެތްކުރަން މަސައްކަތް ކުރި ނަމަވެސް ޒިނާއަށް ރޮވުނެވެ.

“އިޒުވާން. ޕްލީޒް. ޖަސްޓް ލީވް މީ އެލޯން.” ޒީނާ އެހެން ބުނުމަށްފަހު އެތަނުން ދިއުމަށް ދުއްވައިގަތެވެ. ޒީނާ ރޮމުން ދިޔައީ އެވެ. އެވަރުގެ އެއްޗެއް ބުނެވުނު ކަމަކަށް އިޒުވާނަށް ޤަބޫލެއް ނުކުރެވުނެވެ. ނަމަވެސް ބުނެވިއްޖެއެވެ. ޒީނާގެ ހާލަތު ނޭންގެނީއެވެ. އިޒުވާނަށް ވިސްނުނީ ޒީނާއަށް ކޮންމެވެސް ކަމެއް ވެއްޖެކަމެވެ.

“ކީއްވެބާ އަބަދު ޒީ ދެރަވެފަ ހުންނަނީ.. އަހަރެން ފެންނަ ކޮންމެ ފަހަރަކު އަހަރެން އިގްނޯ ކުރަނީ ކީއްވެތަ؟” އިޒުވާނަށް ވިސްނާލެވުނެވެ. ނަމަވެސް ޒީނާއަކީ ކޮންކަހަލަ ކުއްޖެއްކަން އޭނަގެ ހިތުގެ އުދާސްތަކެއް އިޒުވާނަށް ނުވިސްނުނެވެ.

ޒީނާ ދިޔަ ގޮތަށް ގޮސް ރޯންފެށިއެވެ. އިޒުވާނު ދެއްކި ވާހަކަތަކުން އިތުރަށް ޒީނާގެ ހިތް ފުނޑުފުނޑުވެގެން ދިޔައެވެ. އެނޫން މީހަކުދެކެ ޒީނާއަށް ލޯބި ނުވެވުނީ ކީއްވެ ހެއްޔެވެ؟ އޭނަގެ ހިތުގައި ފޮރުވިފައިވާ ލޯބި އިޒުވާނަށް ކިޔައިދޭނީވެސް ކިހިނަކުން ހެއްޔެވެ؟ ކޮށްފައިހުރި އަސަރުތަކަށްވުރެ ބޮޑު ހިތާމައެއް ޒީނާއަށް އިޒުވާނުގެ ވާހަކަތަކުންވެސް ކޮށްފިއެވެ.

“މާތްކަލާކޯ… އަހަރެން އަވަހަށް ގެންދަވާ.. މި ނިކަމެތި ދުނިޔޭގައި ދިރިއުޅޭނީ ކިހިނެއް.؟ މި ލިބެމުންދާ ވޭންތަކަށް ދެން ކެތެއް ނުވާނެ. ހާސްވެ ކަންތައް ބޮޑުވެ އަހަރެން ދިރިއުޅުން މަތިންވެސް ފޫހިވެއްޖެ. މީ ކޮންފަދަ އިމްތިހާނެއް. އަހަރެންގެ ކުށަކީ ކޮބާ؟” ޕިއްޒާ ކޮންޕެނީ ތެރޭގައި ހުރި ފާރުގައި ލެނގިލައިގެން ހުރެ ޒީނާ ރޮމުންގޮސް ކިޔޭ ނުކިޔޭ ނޭންގި ކުފުރުވަމުން ދިޔައެވެ. ފާރުގައި ދެއަތުން ތަޅަން ފެށިއެވެ. ކެތް ކުރަން ކިތައްމެ ވަރަކަށް މަސައްކަތް ކުރިއަސް މިއަދު ޒީނާގެ ދިރިއުޅުން ވަނީ ވިއްސިވިހާލެވި ވީރާނާވެގެން ގޮއްސައެވެ. އަދިވެސް ކެތްކުރަމުން ދަނީ ދުނިޔޭގައި އުޅޭށެވެ. ކޮންމެ ގޮތަތަކަށް ކަންތައް ވީ ނަމަވެސް ކެތް ކުރެވޭތޯއެވެ.

***

ދުވަހަކީ ހުކުރު ދުވަސްކަމުން ހަވީރުގަޑީގައި ޒުހުރީ އާއި ހައުލާ ހުޅުމާލެއައީ ޕާޓީ ކޮށްލުމަށެވެ. ހުޅުމާލެ ބީޗުކައިރީގައި ހުންނަ ގެސްޓް ހައުސްއަކުން ކޮޓަރިއެއްވެސް ކުއްޔަށްނަގައިގެންނެވެ. ހަވީރު ގަޑީގައި ދެމީހުން އެކުގައި ސައިކަލް ދުއްވާލަން ނުކުތީ ރޭނގަޑު މަޖާކޮށްލަން ނިންމައިގެންނެވެ. ހުކުރު ދުވަސްކަމުން ހުޅުމާލެ އަބަދުވެސް އޮނަނީ މީހުން ފުރި ބާރުވެފައެވެ. ހައުލާ އިނީ ސައިކަލު ފަހަތުގައި ޒުހުރީގެ އުނަގަނޑުގައި އަތްއަޅުވާލައިގެން ވަރަށް ހަމަޖެހިލައިގެންނެވެ. ބޭރު މަގުގައި ދުއްވާފައި ދިޔައިރު ހައުލާ އިނީ ހަމަޖެހިލައިގެން ހުޅުމާލޭގެ ހިތްގައިމުކަމަށް ގެއްލިފައެވެ.

“އިޒުވާނު” ހައުލާ އެއްލިކަޅިޔަކުން އަންހެންކުއްޖެއް ސައިކަލުފަހަތަށް އަރުވައިގެން ދިޔަ އިޒުވާނު ފެނިގެން ހައުލާއަށް ހަޅޭއްލަވައިގަނެވުނެވެ.

“ޒު ޒޫ ނިކަން ބާރަށް އެދާ ސައިކަލު ފަހަތުން ދުއްވާލަބަލަ” ކުރިމަތިން ދުއްވާފައި ދިޔަ ސައިކަލަށް އިޝާރާތްކޮށްލަމުން ހައުލާ ބުންޏެވެ. ހައުލާ ބޭނުންވީ އެއީ އިޒުވާނުތޯ ޔަޤީންކުރާށެވެ. ޒުހުރީ ސައިކަލްގެ ދުވެލި ބާރުކޮށްލިއެވެ. ވަކި ހިސާބަކަށް ދެވުމުން ހައުލާގެ ޝައްކު ޔަޤީނަށް ބަދަލު ވެއްޖެއެވެ.

“މަޑުން ދުއްވާ. އެޅ ހާދަ ގޮތެއް ބަލަން މަ ބޭނުން.. ވަގަކަށް ހާސްދުވަސް ވެރިޔަކަށް ހަމަ އެއްދުވަހޭ. އިޒުވާނު ކަލޭގެ ދުވަސް ތިދަނީ” ހައުލާގެ މޫނުމަތިން ފާލުވަމުން ދިޔައީ ވިހަ ހިނިތުންވުމެކެވެ. އޭރުވެސް އެމީހުން ސައިކަލު ދުއްވަމުން ދިޔައީ އިޒުވަނުގެ ސައިކަލުގެ ފަހަތުންނެވެ. އެމީހުން ގޮސް މަޑުކޮށްލީ ފާން ގެސްޓް ހައުސް ބީޗް ރެސްޓޯރަންޓް ކައިރިއަށެވެ.

“މިތަނަށް ސައިކަލު މަޑުކުރޭ.. އެ މީހުން ގޮސް އެޖެއްސީ އެތާ.. ނަގޫބަޅ އަދިވެސް ހަމަ އެހެނޭ އެ ތެޅެނީ.. މިއޭ މި ބަކަރ މަގޭ ކައިރިން ސަލާމަތް ނުވެވިގެން އުޅުނު ކަމަކީ.. ހިނގާ އެތާ ޓޭބަލްއެއްގައި ޖައްސަން.. ކުޅި ދައްކާލާނަން..” ހައުލާ ބުނި ބުނުމަށް ޒުހުރީވެސް އަމަލުކުރިއެވެ. ހީވަނީ ހައުލާ އޮޅުކޮށްގެން ގެންގުޅޭ ޅަ ބުޅާ ގަނޑެއްހެންނެވެ.

އިޒުވާނާއި ސާރާ ގޮސް މޭޒު ކައިރީގައި އިށީންނަމުން ހަމަޖެހިލިއެވެ. ސާރާ އަށް ބަލަން އިން އިޒުވާނުގެ މޫނުމަތިން ފެންނަމުންދނީ އުފާވެރިކަމެވެ. ސާރާ އޭނަގެ މީހަކަށްވުން އެއީ އިޒުވާނަށް މުޅި ދުނިޔެވެސް މިލްކް ކުރެވުނު ވަރުގެ ކަމަކަށް ވެގެން ދިޔައެވެ. އިޒުވާނު ބަލާގޮތުން ސާރާ ލަދުވެސް ގަތެވެ.

“ދެން ތިވަރަށް ނުބަލާނެ އިޒުވާން. ލަދުގަނެޔޭ. މިތާ އެހެން މީހުންވެސް އެބަ ތިބިކަން ހަނދާންކޮށްބަލަ..” އިޒުވާނު ބަލަން ފެށުމުން ސާރާ ލަދުން އިސްޖަހާލިއެވެ.

“ކޮބާ މައްސަލައަކީ.. އަހަރެންގެ ހައްޤަކަށް މަށަށް ބެލޭނެދޯ.” އިޒުވާނު އޭރުވެސް ބަލަމުންދިޔައީ ސާރާގެ ހަރަކާތްތަކަށެވެ.

“ނިކަން ބަލަ ކުއްތާ އިން ވައްތަރު.. ޒުޒު ކަލޭވެސް އާދޭ.. ބަކަރ ހުވާ..” ހައުލާ ހިނގައިގަތެވެ. އޭނަގެ ފަސްފަހަތުން ޒުހުރީވެސް ތެދުވެގެން ހިނގައިގަތެވެ. ދެ މީހުންގޮސް ތަންކޮޅެއް ދުރުގައި ހުރި މޭޒެއްކައިރީގައި އިށީނެވެ. މަންޒަރު ބަލަން އިން ހައުލާގެ ލޭ ކެކެމުންދިޔައެވެ. އެތަނުގައި މަޑަކުން ހައުލާއަށް ނީންދެވުނެވެ. ގޮޑިން ތެދުވެގެން އިޒުވާނުމެން ތިބި މޭޒާއި ދިމާއަށް ހިނގައިގަތެވެ. ފަރި ހިނގުމެއްގައި ހައުލާ ހިނގަމުންގޮސް އިޒުވާނުގެ ކުރިމަތީގައި ހުއްޓުނެވެ. އިޒުވާން ދިޔައީ ސިއްސައިގެންނެވެ. ސާރާވެސް ހައުލާގެ އަމަލުތަކުން  ބަލަހައްޓައިގެން އިނދެވުނެވެ. ހައުލާ އެއްޗެކޭ ބުނެފާނެތީ އިޒުވާނު އިނީ ވަރަށް ހާސްވެ ކަންތައް ބޮޑުވެފައެވެ. އެކަން އޭނަގެ މޫނުމަތިންވެސް ފެންނަމުން ދިޔައެވެ.

“ނޫނޭ ނޫނޭ ކަލޭ ކުޅަދާނަ ތިކަމަށް. ކަލޭ ހަމަ އިސްލާހެއް ނުވާނެ ދޯ.. ކަލޭ ޒީނާއަށްވެސް އޮޅުވާލެވޭތޯ އަދި ވެސް މަސައްކަތް ތިކުރަނީ.. ކަލޭ ތީ ހަމަ ފައްކާ ނަގޫބޅއް. މިހާރު އެހެން އަންހެނެއް ގޮވައިގެން މިތާ. ތިހެންވެ މަ ކަލޭ ކައިރިން ސަލާމަތް ވީވެސް. ކަލޭގެ އޮންނަނީ ހިތެއްވެސް ނޫން ދޯ.. ޒީނާ ކައިރިން ކަލޭ ބޭނުން ކަންތައް ފުދުނީމަ މިހާރު އެހެން އަންހެނެއް ވާ ވައްދާލީ.. ހަނދާން ކުރައްޗޭ. މަ ދިރިހުއްޓާ ކަލޭ އުފަލުގަ އުޅުނަވެސް ނުދޭނަން،،” ހައުލާގެ ބަސްމަގު ހުރިގޮތުންނާއި ދެއްކި ވާހަކަތަކުން އިޒުވާނު އިނީ ބުނާނެ އެއްޗެއް ނޭންގިފައެވެ.

ކިހިނެއް ޒީ އެނގެނީ..؟” އިޒުވާން ހައިރާންވެފައި ކޮށްލީ ސުވާލެކެވެ. އޭރުވެސް ސާރާ ވާނުވާ ނޭންގިފައި މަންޒަރު ބަލަން އިނެވެ. ހައުލާގެ ރުޅިގަނޑު ހައްތާ ގަދަވަމުން ދިޔައެވެ.

“ބަލަ ބީތާޔާ އޭނަ ގޮވައިގެން ސައިކަލުގައި ދަނިކޮށް މަގޭ ދެލޮލުން ދުށީމޭ. ޕިސް ޕިސް މިއީ ކުޑަކުޑަ ތަނެއްކަން ކަލެއަށް ނޭންގޭތީ މަ ހަމަ އަޖައިބުވެއްޖެ. މީންދަ ކުއްޖާގެ ދިރިއުޅުން ހަލާކުކޮށްލަންދޯ ތި މަސައްކަތް ކުރަނީ. މަންޖޭ ވިސްނައިގެން އުޅޭތި؟” ސާރާއަށް ބަލާލަމުން ހައުލާ ބުންޏެވެ.

“ހަނދާންކުރާތި.. މި ހައުލާ ދިރިހުއްޓާ ކަލެއަށް އެހެން އަންހެނަކާ ވައިވެސް އެޅޭކަށް ލާހިކެއްނޫން. މަށަށް ހަދާލި ގޮތް ހަނދާނެއް ނުނެތޭނެ. ކަލޭ ހަމަ ފިއްތާލާނަން. މީ ހައުލާކަން މަ އަބަދުވެސް ކަލެއަށް ހަނދާންކޮށްދޭނަން. މި އެ ހައުލާ.” ހައުލާ އެތަނުން ދިއުމަށް ހިނގައިގަތެވެ. އިޒުވާން ވިސްނައިލިއެވެ. ހައުލާ އަށް ޒީނާގެ ވާހަކައެއް ބުނެވުނީ ކީއްވެކަން ވިސްނާ ވިސްނާވެސް އިޒުވާނަށް ނުވިސްނުނެވެ. ހައުލާ އަށް ޒީނާ އެނގެނީ ކިހިނަކުން ހެއްޔެވެ؟ ޒީނާ ގޮވައިގެން ސައިކަލުގައި ދިޔަ ދުވަސް ހަނދާންވެގެން ދިޔައެވެ. ހައުލާ ދެއްކި ވާހަކަތަކުން އިޒުވާން ހައިރާންވިއެވެ.

“އިޒުވާން.. އެއީ ކާކުތަ؟ ހާދަ ވަރަކަށް ބަވާލާފަ އެ ދިޔައީ..” ހައުލާ ދިއުމުން ސާރާ ވިސްނާލަން އިނުމަށްފަހު ކޮށްލީ ސުވާލެކެވެ. އިޒުވާނަށް ބުނަންވީ ކީކޭ ކަމެއްވެސް ނޭންގުނެވެ. ސާރާ ކުރި ސުވާލުތަކަށް ދޭނީ ކޮން ޖަވާބެއްކަމެއްވެސް އިޒުވާނަކަށް ނުވިސްނުނެވެ. ކޮންމެ ގޮތެއް ވިޔަސް ސާރާގެ ސުވާލުތަކަށް އިޒުވާނު ޖަވާބު ދޭކަށް ބޭނުމެއް ނުވިއެވެ. އެކަން އިޒުވާނު އުޅެމުންދިޔަ ގޮތުން ވެސް ހާމަވަމުން ދިޔައެވެ.

”ހިނގާ މިތަނުން ދާން. ސާރާވެސް ދެން މާލެ ދާނީ. މިރޭ މަ ގުޅާނަން. ދެން ހިނގާދާން..” ސާރާގެ އެއްވެސް ސުވާލަކަށް އިޒުވާނު ޖަވާބުދޭކަށް ބޭނުމެއް ނުވިއެވެ. އެކަމާއި ގުޅޭގޮތުން އެއްވެސް ވާހަކައެއް ދައްކަން އިޒުވާނު އުޒުރުވެރިވިއެވެ. އިޒުވާނު ގޮޑިން ތެދުވެގެން ހިނގައިގަތެވެ. ސާރާއަށްވެސް ޖެހުނީ އިޒުވާނުގެ ފަހަތުން ތެދުވެގެން ދާށެވެ. ދުރުގައި އިށިންދެލައިގެން އިން ހައުލާއަށް ބަލާލަމުން އިޒުވާނު ސައިކަލަށްއެރިއެވެ. ހައުލާ އެއްބުމަ އަރުވާލަމުން އެއްމިޔަކަނުން ހީލިއެވެ.

“ޒުޒު، އޭނައަށް މިހާރު ހުންނާނީ ރާކަނި މަސް ކެވިފަ” ހައުލާގެ ހިނިގަނޑު ފަޅައިގެން ދިޔައެވެ. ޒުހުރީ އިނީ ބުނާނެ އެއްވެސް އެއްޗެއް ނޭންގިފައެވެ. ހައުލާއަށް ހީކުރެވުނީ އޭނަގެ ފުރަތަމަ ބަދަލު ހިފުމުގެ ރަހަ އިޒުވާނުގެ ކަރުބުޑުގައި ލައްވާލެވުނީ ކަމަށެވެ. ކޮންމެ ގޮތެއް ވިޔަސް ހައުލާގެ ފުރަތަމަ ހަރުފަތް ކަޑައްތު ކުރެވުނެވެ. އޭނައަށް ވެގެންވަންޏާއި ދެން އިޒުވާނަށް ހަމަ ޖެހިލައިގެން ދިރިއުޅުނަވެސް ނުދޭނެއެވެ.

***

ޒީނާ ގެއިން ނުކުތީ ކޮންމެވެސް އެއްޗެއް ގަނެލާނަމޭ ހިތުލައިގެންނެވެ. ސެންޓްރޯގައި ހުންނަ ފެންޓަސީ މޯލަށް ދިއުމަށް ޒީނާ ހިނގަމުން ދިޔައެވެ. ޒީނާ ހިނގާލާފައި ދިޔައީ އާދައިގެ ހިނގުމެއްގައެވެ. ހުޅުމާލޭގެ ހިތްގައިމު މަންޒަރުތައް ބަލަމުންނެވެ.  ވަގުތަކީ ރޭގަނޑުގެ ވަގުތުކަމުން މަގުތަކަށް ވަނީ ހަލަބޮލިކަމެއް ގެނުވާފައެވެ. ހިނގަމުން އަތުގައި އޮތްފޯނަށް ބަލައިލިއެވެ. އޭރު ގަޑިން އަށްގަޑިބައިވެ ބޮޑުވަނީއެވެ. ހުކުރު ދުވަހަކަށްވާތީ މީހުންނާއި ދުއްވާ އެއްޗެހިން މަގުތަކަށް ހީވަނީ ދިރުމެއް އައިސްގެން އުޅޭހެންނެވެ. ޒީނާ އަށް ވަކި ހިސާބަކަށް އާދެވުނުތަނާހެން މީހަކު ސައިކަލުގައި އައިސް މަޑުކޮށްލަމުން އޭނަގެ ނަމުން ގޮވާލިއެވެ. ޒީނާއަށް ކުޑަ ވަގުތުކޮޅަކު ބަލަހައްޓައިގެން ހުރެވުނެވެ. ހޮޅިބުރީގެ އަލިކަމެއް އެ ޒުވާނާގެ މޫނަށް އެޅިފައި ހުރުމުން ކޮންމެވެސް ތާކުން ދުށް ހަނދާނެއް ވެގެން ދިޔައެވެ. ޒީނާ މާ ވަރަކަށް ބަލަން ފެށުމުން ޒުހުރީ ހިނިތުންވެލިއެވެ.

“ނޭންގުނުދޯ.. ޒުހުރީ އޭ މީ. ހައުލާގެ ބެސްޓް ފްރެންޑް. އެއްދުވަހެއްގައި ތިގެއަށް ދިޔައިދޯ ސައިބޯން. އެދުވަހު ތި ދެމީހުން ފާޑެއްގެ ލޯތްބެއްގަ ޖެހިގެން އުޅުނު..” ޒުހުރީ ވާހަކަ ދެއްކިއެވެ. ޒީނާ އެއްވެސް އެއްޗެކޭ ނުބުނެ ހުރުމުން ޒުހުރީ ކުޑަކޮށް ޖެހިލުންވާ ގޮތްވިއެވެ. ޒީނާ އޭރުވެސް ބަލަހައްޓައިގެން ހުރީއެވެ. ޒުހުރީ އަނެއްކާވެސް ވާހަކަ ދައްކަންފެށިއެވެ.

“ތަނަކަށް ދާންތަ ތި ދަނީ.؟ މަ ޑްރޮޕެއް ދީފާނަން..” ޒުހުރީ ވާހަކަ ދެއްކުމުން ޒީނާ ނޫނެކޭ ބުނުމުގެ ގޮތުން ބޯ ހޫރާލިއެވެ. ޒީނާ ހިނގައިގަތެވެ. ޒުހުރީ ސައިކަލު ކުޑަކޮށް ކުރިއަށް ދުއްވާލިއެވެ. ޒުހުރީ ދާކަށް ހިޔާލެއް ނުކުރިއެވެ.

“ޒީ ތީތި ކަޑަދޯ.. މަ މިއުޅެނީ ކޮންމެހެން ޒީއަށް އުނދަގުލެއް ކުރާކަށްނޫން. ހައުގެ ކްލޯޒް ފްރެންޑެއްވީމަ ހަމަ ހެލްޕެއް ވާން ބޭނުންވެގެން މި ކިޔަނީ. އަހަރެން މީ ތި ހީކުރާކަހަލަ މީހެއް ނޫނޭ..” ޒުހުރީ އާދޭސްކުރަން ފެށުމުން ޒީނާ މަޑުޖެހުނެވެ. ޒުހުރީވެސް ސައިކަލު މަޑުކޮށްލިއެވެ. ޒުހުރީއަށް ލުއި ހިނިތުންވުމެއް ފޮނުވާލަމުން ގޮސް ސައިކަލު ފަހަތުގައި އަރައި އިށީނެވެ.

ޒީނާ ސައިކަލަށް އެރުމުން ޒުހުރީ ސައިކަލު ދުއްވާލިއެވެ. ސައިކަލު ދުއްވަމުން ދިޔައިރު ޒުހުރީގެ ބޮޑު އިސްތަށިގަނޑު ޒީނާގެ މޫނުގައި ވަޔާއެކު އުނދަގޫކުރަމުން ދިޔައެވެ. ޒީނާއަށް އުނދަގޫވި ނަމަވެސް އެއްވެސް އެއްޗެކޭ ބުނާކަށް ނުކެރުނެވެ. ސައިކަލަށް އެރިގޮތަށް އެއްވެސް ވާހަކައެއް ނުދައްކާ އިނުމުން ޒުހުރީ އަށް އުނދަގޫވެގެން ވާހަކަ ދައްކަން ފެށިއެވެ.

“އަދިވެސް ދާންވީ ކޮންތަނަކަށް ކަމެއް ކޮން ދިމާލަކަށްކަމެއް ނުބުނެ އެބަ އިނދޭ…” ޒީނާ ވާހަކަ ނުދައްކާ އިނުމަށްފަހު ހަމަ އެކަނި ބުނެލީ “ސެންޓްރޯ” ގެ ނަމެވެ. ޒުހުރީއަށް ކުޑަކޮށް ހެވުނެވެ. ސައިކަލު ދުއްވަމުން އައިސް ސައިކަލު މަޑުކޮށްލީ ސެންޓްރޯ ޝޮޕިންމޯލް ކުރިމައްޗަށެވެ.

“ޒީ އަންނަންދެން މަ މިތާ މަޑުކޮށްލާނަން..” ޒުހުރީގެ ވާހަކަ ހުރީ ސާދާގޮތަކަށެވެ. ޒީނާ ހިނގައިގަތުމަށްފަހު ޒުހުރީއަށް ބަލައިލިއެވެ. އާއެކޭ ބުނުމުގެ ގޮތުން ބޯ ޖަހާލިއެވެ. އަނގައިން އެއްވެސް ބަހެއް ނުބުންޏެވެ. ޒީނާގެ އެ މަޑުމޮޅިކަން ޒުހުރީއަށްވެސް އިޙްސާސް ކުރެވުނެވެ. ޒީނާ އަންނަންދެން ޒުހުރީ ސައިކަލުމަތީގައި ސިނގިރޭޓެއް ރޯ ކޮށްލައިގެން އެ ބޯން އިނެވެ. އޭގެ ވިހި ވަރަކަށް މިނެޓްފަހުން ދެތިން ޕްލާސްޓިކް ކޮތަޅުތަކެއް ހިފައިގެން ޒީނާ ނުކުތްތަން ޒުހުރީގެ ލޮލުގައި އަޅައިގަތެވެ. އެ ކޮތަޅުތަކުގައި ފުދޭ ވަރަކަށް ތަރުކާރީއާއި މޭވާގެ އިތުރުން ބަދިގޭގައި ކެއްކުމަށް ބޭނުންކުރާނެ އެތަކެއް ސާމާނެއް ހުއްޓެވެ. ޒީނާ އުޅުނު ގޮތުން އޭނައަށް އެހީތެރިކަމެއް ދިނުމަށް ޒުހުރީ އެދިމާއަށް ހިނގައިގަތެވެ. ޒީނާ ކައިރިއަށް ގޮސް ކޮތަޅުތައް ހިފަން އުޅުމުންވެސް އޭނަ އިންކާރު ކުރިއެވެ. ނަމަވެސް ޒުހުރީ އޭނަގެ އަތުން ކޮތަޅުތައް އަތުލިއެވެ. އޭރުވެސް ޒީނާ އެއްވެސް ވާހަކަ އެއް ނުދައްކައެވެ.

“ވާހަކަ ވެސް ނުދައްކާނަންތަ؟” ޒުހުރީއަށް އުނދަގޫވެގެން މިފަހަރުވެސް ވާހަކަ ދެއްކީ އޭނައެވެ.

“ތޭންކްސް.. އަހަރެން ވާހަކައެއް ބުނެފިއްޔާ ޤަބޫލުކުރާނަންތަ؟” މިފަހަރު ޒީނާ ވާހަކަ ދެއްކިއެވެ. ޒީނާ އަކީ ކާކުކަން ނޭންގުނަސް އޭނަގެ އަޑުގައި މަޑުމައިތިރި ގޮތެއް ހުރިކަން ވާހަކަދެއްކި ރާގުންވެސް އެނގުނެވެ. އެ އަޑުގައި ވޭނާއި ހިތާމަ އެކުލެވިގެންވާކަށް ޒުހުރީއަށް ފާހަގަ ކުރެވުނެވެ. ޒުހުރީއަށް ޒީނާގެ މޫނަށް ބަލައިލެވުނެވެ.

“ބުނެބަލަ.” ޒުހުރީ ސައިކަލުގެ ވަށިގަނޑުތެރެއަށް ކޮތަޅުތައް ބަހައްޓަމުން ޖަވާބު ދިނެވެ.

“ރުޅި ނާންނައްޗޭ ޕްލީޒް.. ޒީ އަކީ މީހުންގެ ޒާތީ ކަންތައްތަކާ ބެހޭ ކުއްޖެއްނޫން. އަސްލު ޒުހުރީ ތިއީ ކިހާ ރީތި މީހެއް. ތިހެން ބޮލުގެ އިސްތަށިގަނޑު ހުރީމަ ޒުހުރީއަކާ ނުވެސް ގުޅޭ. އިންސާނެއްވެއްޖެއްޔާ ގޮތެއް ހުންނަންވާނެ. ބުނަން މިއުޅެނީ ޒުހުރީ ތި ބޯކޮށާކަށް ނުވިސްނަންހޭ..؟” ޒީނާއަށް އެހެން ބުނެވުނު ވަގުތު ޒުހުރީ ލާނެއް ފާޑަކަށް ހޭން ފެށިއެވެ. ނަމަވެސް ޒީނާ ބަލަން ހުރިގޮތުން ޒުހުރީ ހުނުން ހުއްޓާލިއެވެ. ޒީނާގެ އެވާހަކަތައް ޒުހުރީއަށް މަޖަލަކަށްވި ނަމަވެސް ޒީނާގެ އެ ބެލުމުގައި ހުރި މައުސޫމު ގޮތެއްގެ ސަބަބުން ޒުހުރީވެސް މަޑުމޮޅިވެގެން ދިޔައެވެ. ޒީނާގެ މަޑުމައިތިރިކަމާއި ވާހަކަ ދެއްކުމުގައި ހުރި ވޭނީ ރާގެއް ޒުހުރީއަށްވެސް އިހްސާސްކުރެވުނެވެ.

“ސޮރީ.. ޒީ ބުނެފިއްޔާ ތިކަންވޭތޯ ބަލާނަން. ދެން ހިނިތުންވެލާބަލަ..” ޒީނާ ހިތްހަމަ ޖައްސައިދިނުމުގެ ގޮތުން ޒުހުރީ ބުންޏެވެ. ޒީނާ ލުއި ހިނިތުންވުމެއް ފޮނުވާލިއެވެ. ޒީނާ ސައިކަލަށް އެރުމުގެ ކުރިން ޒުހުރީ އޭނަގެ ބޮލުގެ އިސްތަށިގަނޑު އަތަށް ހެޔޮވަރުކޮށްލަމުން ބޮލު މެދަށް ހުލިއެއް ޖަހާލިއެވެ. ޒުހުރީ ކަންތައް ކުރި ގޮތުން ޒީނާގެ މޫނުމަތިން ތުއި ހިނިތުންވުމެއް ވެރިވެގެން ދިޔައެވެ. ޒީނާ ސައިކަލަށް އެރުމުން ޒުހުރީ ސައިކަލު ދުއްވާލިއެވެ.

ޒީނާ ގެއަށް އައިސް ވަތްއިރު ސަމާ ތަރުކާރީ ކޮޅެއްކޮށަން މޭޒުކައިރީގައި ހުއްޓެވެ. ޓީވީ އިން މިހާރުގެ ހިންދީ ލަވައެއްގެ އަޑު އިވިއިވި ހުއްޓެވެ. ޒީނާ ފެނުމުން ސަމާ ހިނިތުން ވެލިއެވެ. ވިޔަފާރިކޮށްލައިގެން ގެނައި ކޮތަޅުތައް މޭޒުމަތީގައި ބެހެއްޓިއެވެ. ސަމާ ކޮށަން ހުރި ކެރެޓްކޮޅާއި ވަޅި ތަށީގައި ބެހެއްޓުމަށްފަހު ޒީނާ ގާތުގައި ހުއްޓުނެވެ.

“ޒީ އައި އެމް ސޮރީ..ވަރަށް ވަރަށް ދެރަވޭ. އަހަރެން ހިއެއް ނުކުރަން މިވަރުގެ ކަންތައްތަކެއް ހިނގާފާނެ ކަމަކަށް. ޒީ ތީ ވަރަށް ހިތްވަރުގަދަ ކުއްޖެއް. އައި އެމް ޕްރައުޑް އޮފް ޔޫ.. އެނގޭ ޒީ އަކީ ކަންތައްތައް ޝެއަރ ކުރަން ބޭނުންވާ ކުއްޖެއް ނޫންކަންވެސް. އަދި އަހަންނަށް މަޢާފު ނުކުރުމަކީ އެކަށީގެންވާނެ ކަމެއް ނޫންކަންވެސް އެނގޭ. އަހަރެންގެ ސަބަބުން ޒީ އަށް ތި ކުރިމަތިވި ހުރިހާ ކަމެއް މެދުވެރި ވީވެސް.” ސަމާއިސްއޮބާލައިގެން ހުރެ ވާހަކަ ދައްކަމުން ދިޔައެވެ. އޭނަ ދެއްކި ވާހަކަތަކުން ސަމާއަށް ކޮށްފައިވާ އަސަރުތައްވެސް ހާމަ ވެގެން ދިޔައެވެ. ޒީނާ އަށް ފުރަގަސްދެމުން އަނެއްކާވެސް ޒީނާ ވާހަކަދެއްކޭތޯ މަސައްކަތް ކުރިއެވެ. އޭރު ސަމާގެ ލޮލަށް ކަރުނަތައް ޖަމާވަމުން ދިޔައެވެ.

“އަހަރެންގެ މަޔަކަށްވެސް ބަފަޔަކަށްވެސް ދުނިޔޭގައި ހުރި މީހަކީ ތީ.. މަ ގަބޫލުކުރަން ޒީގެ އިއްފަތްތެރިކަން ގެއްލިގެން ދިޔައީވެސް ހަމަ އަހަރެންގެ ކުށުން.. މަންމަގެ ހިތް ފަޅައިގެންގޮސް މަރުވީ ވެސް ހަމަ އަހަރެންގެ ސަބަބުން. އެކަންތައްތަކަށް ދުވަހަކުވެސް އަމިއްލަ ނަފްސަށް މަޢާފެއް ނުކުރެވޭނެ. ދުވަހަކުވެސް އަހަރެންމީ ޒީގެ އެއްބަނޑު ދައްތައެއްކަމަށް ދެކެންޏާ ޒީ އަހަންނަށް ހުރިހާ ވާހަކަތަކެއް ކިޔައިދީބަލަ. އެނގޭހާވެސް ކަމަކީ ޒީ މަށަށް ވަރަށް ކަންތައް ސިއްރު ކުރާކަށް.” ސަމާއަށް ރޮވުނެވެ. ސަމާ މަޢާފަށް އެދުނީ އޭނަގެ ކުށް އޭނައަށް އެކަން އުނދަގޫ ކުރާތީއެވެ. ޒީނާ މަޢާފު ކުރިއަސް ސަމާއަށް ހިތްހަމަޖެހުމެއް ނުލިބޭނެއެވެ. ޒީނާ އެވާހަކަތައް އަޑުއަހަން ހުރެފައި ގޮސް ސަމާގެ އަތުގައި ހިފިއެވެ. އޭރު ސަމާއަށް ހަމަ ރަނގަޅަށްވެސް ރޮވިއްޖެއެވެ.

“ސަމާ ބޭނުންވަނީ އަޒުލީމްގެ ހަޤީގަތް އެނގެން ކަމަށްވަންޏާއި އެވާހަކަވެސް އަހަރެން ކިޔައިދޭނަން. ސަމާ އަހަރެންގެ ކިބައިން މަޢާފަށް އެދެން ޖެހޭވަރުގެ ކުށެއް ނުކުރޭ. ކޮންމެ ކަމެއްވެސް ވާން ހުރިގޮތަކަށް ވާނެ. މަ ކެތް ކުރާނަން..” ޒީނާ އައިސް ވާހަކަ ދައްކަން ފެށިއެވެ. ސަމާގެ ލޮލުން ފައިބަމުން ދިޔަ ކަރުނަތައް ޒީނާ ފެހެދޭންފެށިއެވެ. ޒީނާ އަކީ ދުނިޔޭގައި ހުއްޓަސް ނެތް މީހެއް ފަދައެވެ. އެކަމަކު އޭނާ ޤަބޫލުކުރާގޮތުގައި އަމިއްލަ ނަފްސަށް މީހަކު ނުވިސްނާ ވަރަކަށް އެހެން މީހަކު ނުވިސްނާނެއެވެ. ނަމަވެސް ދިމާވަމުންދާ ކަންތައްތަކަށް ޒީނާއަށްވެސް ކެތްނުކުރެވޭ ހާލުގައި އެތައް އަނިޔާތަކެއް އަމިއްލަ ނަފްސަށްވެސް ދެވުނެވެ.

“މަ ބޭނުން ތި ހުރިހާކަމެއްގެ ހަޤީގަތް އެނގެން. އިޒުވާނަކީ ކާކުތަ؟” ސަމާގެ ސުވާލުން ޒީނާގެ ހިތް ބާރުބާރަށް ތެޅިގަތެވެ. އޭނަ ސިއްރުކުރަމުންދިޔަ ކަންތައްވެސް ފަޅާއެރީއެވެ. ސަމާގެ ސުވާލުތަކަށް ކޮންމެ ގޮތެއްވިއަސް ޖަވާބުދޭން ޒީނާއަށް މަޖުބޫރުވެއްޖެއެވެ.

“ސަމާ ބޭނުންވަނީ އަޒުލީމްގެ ހަޤީގަތް އެނގެންތަ؟ އޯ ކޭ އަޑުއަހާ..” ޒީނާ އެވާހަކަތައް ކިޔައިދޭން ފެށިއެވެ.

***

އިޒުވާން މަށަށް ކޮން ކަމެއް ތި ސިއްރުކުރަނީ..؟” ސާރާ ފޯނުން ވާހަކަ ދައްކަމުން ބުންޏެވެ. އޭނަހުރީ އެގޭ ޓެރަސްމަތީގައެވެ. ސާރާގެ މޫނުމަތިން ފެންނަމުން ދިޔައީ ހިތްހަމަ ނުޖެހުމުގެ ކުލަވަރުތަކެވެ.

“ސާރާ އަހަންނަށް ތި ސުވާލުތަކަށް ޖަވާބެއް ނުދެވޭނެ. ދެވޭނެ އެއްވެސް ޖަވާބެއްވެސް ނެތް..” އިޒުވާނު ފޯނުން ވާހަކަދައްކަމުން ބުންޏެވެ.

“އެންމެ ރަނގަޅު. މަށާ އެއްކޮށް އުޅެން ހުރިއްޔާ އިޒުވާނު ޖެހޭނީ މަށަށް ތި ހުރިހާ ވާހަކަތަކެއް ކިޔައިދޭން. ރައްޓެހިވެގެން އުޅޭތާ އިޓްސް ލައިކް ފިއު ޑޭސް. ޔޫ ހޭވް ޓު ޝެއަރ އެވްރީތިން… އިފް ނޮޓް އައި ވިލް ގޯ. ކުޑަ ކަމެއްގަ އިޒުވާނަށް މަށަށް ޖަވާބު ނުދެވޭންވީ އެއްވެސް ރީޒަންއެއް ނޭންގުނު. ރިލޭޝަންޝިޕްގަ އުޅެންޏާ އިޒުވާނަށް ޖެހޭނީ އެދުވަހު ކަންތައް ވީގޮތް ކިޔައިދޭން..” ސާރާ ބޭނުންވީ އިޒުވާނުގެ ދުލުން ހުރިހާ ވާހަކަތަކެއް ހޯދާށެވެ. ނަމަވެސް އިޒުވާނު ފޯނު ކަނޑާލިއެވެ. އިޒުވާނާއި ރައްޓެހިވެގެން އުޅުނަސް ސާރާ އޭނަ ދެކެ ލޯތްބެއް ނުވެއެވެ. އިޒުވާނު އެވާހަކަތައް ކިޔައިދޭން ފަސްޖެހެނީ ކީއްވެ ކަމެއް ސާރާއަށް ނުވިސްނުނެވެ. އިޒުވާނު ފޯނު ކަނޑާލުމުން ސާރާ އިތުރަށް ހިތްހަމަ ނުޖެހުނެވެ.

***

(2 އަހަރު ކުރިން)

ޒީނާ މަގުމަތިން ހިނގާފައި ދިޔައީ ގެއަށް ދާށެވެ. ޒީނާގެ އަތުގައި ކޮތަޅުތަކެއް ހުއްޓެވެ. މާލޭގެ މަގުތަކަކީ މީހުން ތޮއްޖެހި ކާރުބާރު ބޮޑު ދިރިއުޅެން އުނދަގޫ ތަނެކެވެ. ދިވެހިންނަށް ވުރެ ބިދޭސީން ގިނަ ތަނެކެވެ. ޒީނާ ހިނގަމުން ގޮސް އޭނަ ދިރިއުޅޭ ގޭގެ ގޯޅިގަނޑަށް ވަނީ އެއްވެސް ހިޔާލެއް ފިކުރެއް ނެތިއެވެ. ކުއްލިއަކަށް ޒީނާގެ ފުރަގަހުން މީހަކު އައިސް އޭނަގެ އަތުގައި ހިފިއެވެ. ޒީނާ ސިހިފައި ފަސް އެނބުރި ބަލައިލިއެވެ.

“ދޫކުރޭމަގޭ އަތުން. ކިތައްފަހަރު ބުނެފިން މަށަށް އުނދަގޫ ނުކުރާށޭ.” ޒީނާ އަތް ފޮޅާލަމުން ފަހަތަށް ޖެހުނެވެ. އޭނަގެ ކުރިމަތީގައި ހުރީ އޭނަގެ ފަހަތުން އުނދަގޫކުރަމުންދުވާ އަޒުލީމެވެ. އަނެއްކާވެސް ގޮސް އޭނަގެ އަތުގައި އަޒުލީމް ހިފިއެވެ. އަޒުލީމުގެ ފަންދިގު އިސްތަށިގަނޑު ރީތިކޮށްލަމުން ނުބައި ފާޑަކަށް ހީލިއެވެ.

“ތިހެން ނަހަދާ. މަ ޒީނާ ދެކެ ނުލާހިކު ލޯބިވޭ. ކީއްވެ ތިގޮތަށް ކަންތައް ތި ކުރަނީ.. އަހަރެންމީ ހަކުރު ބޯ މީހަކަށް ވީމަތަ؟” ނޭފަތް ދަމާލަމުން އަޒުލީމް ބުންޏެވެ.

އަޒުލީމް އާދޭސް ކުރަންފެށިއެވެ. އޭނަގެ އަމަލުތައް ހުރިގޮތުން ޒީނާ އިތުރަށް ރުޅި ގަދަވިއެވެ. އަޒުލީމު ކުރަމުންދިޔަ އާދޭހާއި އޭނަގެ އަމަލަތަކުން ޒީނާދެކެ ލޯބިވާކަން ހާމަ ވަމުން ދިޔައެވެ. ނަމަވެސް އޭނަ ހުރީ މަސްތު ހާލުގައެވެ.

“އަދި އަހަރެން މީހަކާ ހެދި މޮޔަވެގެން ތިހެން އުޅޭކަން ނުވިސްނަން. އެކަމަކު ހަކުރުބޯ ފަތްބޯ މީހެއްދެކެ އަމުދުން ލޯބީގެ ގޮތުން ނުވެސް ގުޅޭނަން. އަޒުލީމް ތިގޮތަށް އަހަންނަށް އުނދަގޫ ކުރުން ހުއްޓާލާނީ ކޮން ދުވަހަކުން.؟ ކަލެޔާ ހެދި މިހާރު އަހަންނަށް މަގެއް މައްޗަށްވެސް ނުކުމެވޭކަށް ނެތް. ވަރަށް ރީތިކޮށް އާދޭސްކޮށްފިން އެކުވެރިއެއް ގޮތުގަ ވެސް ހުރުމަށް. ލޯބިވާ މީހުން ތިހެން ކަންތަކެއް ނުކުރާނެ..” ޒީނާ ކުރިޔަށް ފިޔަވަޅު އެޅިއެވެ. ޒީނާގެ އެއްވެސް ވާހަކަތަކެއް އަޑުއަހާކަށް އަޒުލީމް ބޭނުމެއް ނުވާކަހަލައެވެ. އޭރުވެސް އޭނަ ގޮތްދޫކުރާކަށް ނޫޅެއެވެ. ޒީނާގެ ފަހަތުން އަޒުލީމް ހިނގައިގަތެވެ. އޭނަގޮސް އަނެއްކާވެސް ޒީނާގެ އަތުގައި ހިފިއެވެ. ޒީނާއަށް ރުޅި މައިތިރިކުރެވޭގޮތެއް ނުވިއެވެ. ބަލަން ނުހުރެ އަޒުލީމުގެ ކަންކަށިމަތީގައި ޖެހިއެވެ. ހަމަ އެވަގުތު ޒީނާ ގައިގައި ޖަހަން އަޒުލީމު އަތް އުފުލައިލިއެވެ. ނަމަވެސް ޒީނާ އެއަށްވުރެ ހުޝިޔާރެވެ. އަޒުލީމް ޖަހަން ނެގި އަތުގައި ޒީނާ ހިފެއްޓިއެވެ.

“ހަނދާންކުރާތި. ދެންވެސް މަށާ ބެހެން ނޫޅޭތި. ވަރަށް ރީތިކޮށް އަޒުލީމަށް އަހަރެން އާދޭސްކޮށް ނަސޭހަތް ދީފިން. ދެން ތިގޮތަށް އުނދަގޫކޮށްފިއްޔާ ކަމާބެހޭ ފަރާތަށް ކަލޭ ހަވާލު ކުރާނަން..” ޒީނާ އެހެން ބުނުމަށްފަހު ގޮސް ގެއަށް ވަނެވެ.

އަޒުލީމް ހުރީ ޒީނާ ދިޔަތަން ބަލާށެވެ. އެބަލާލިގޮތުންވެސް ހީވަނީ ކޮންމެވެސް ނުބައި ރޭވުމެއް އޭނަގެ ސިނކުޑީގައި ރާވަމުންދާހެންނެވެ.

“”ޒީނާ ކަލޭ އަހަރެންގެ ލޯތްބަށް ފުރަގަސްދީފަ ތި ދިޔައީ.. މަ މިކަންތައް މުޅި އުމުރުގައި ވެސް ހަނދާން ބަހައްޓާނަން. ކަލެއަށް ރަނގަޅު ފިލާވަޅެއް ދީފަނޫނީ މަ ހަމަ ނޭވާވެސް ނުލާނަން.. ކަލޭގެ ދިރިއުޅުން އެފުއްމިފުށަށް ޖަހާނަން.. އަނދާ އަޅިއަށް ހަދާލާނަން…”

***

“އޭގެފަހުންވެސް އަޒުލީމުގެ އުނދަގޫ ވަރަށް ބޮޑުވި.. އެކަމް އަހަރެން އަޅާނުލާ ހުރީ.. އޭގެ ފަހުން ސަމާ އޭނަޔާ ރައްޓެހިވީވެސް. މަށަށް އޭރުވެސް އެނގޭ އަޒުލީމު އަހަރެންގެ ދިރިއުޅުމަށް ޒަހަރު ލާނެކަން.. އެކަމް އަހަރެންގެ އުފަލަށް ވުރެ ބޮޑަށް އަހަރެން ބެލީ ސަމާ އުފަލުގައި ހުރުމަށް. ސަމާގެ ކުށެއްނޫން އެއީކީ. ސަމާއަށް ވިސްނަދޭން މަ އެހާ ބޭނުމެއްވެސް ނޫން. ސަމާއަކީ އަހަރެންގެ ދައްތައެއް ކަހަލަ މީހަކަށް ވެފަ ސަމާގެ ދިރިއުޅުމަށް ވިސްނާލީ. ބުނިހާވެސް އެއްޗަކީ ވިސްނާފަ އެކަންތައް ކުރަން. އަހަރެންގެ ހިތުގައި ސަމާއަށް އެއްވެސް ހިތްބަރުކަމެއްނެތް. ހިތް ހަމަ ވަރަށް ސާފު. ސަމާ އަހަރެންގާތު މަޢާފަށް އެދެންޖެހޭ ވަރުގެ އެއްވެސް ކަމެއް ނުކުރޭ. ކުށްވެސް ކުރެވޭނީ އިންސާނުންނަށް.. އެކަން އަހަރުމެން އެންމެންވެސް ޖަހޭނެ ގަބޫލުކުރަން..” ޒީނާގެ ވާހަކަތަކުން ސަމާގެ ހިތަށް އިތުރަށް އަސަރުކުރުވިއެވެ. ސަމާއަށް ގިސްލެވުނެވެ. ސަމާގެ ހިތަށް އަރަމުން ދިޔައެވެ. ޒީނާއަކީ ހާދަ ހިތްވަރުގަދަ ކުއްޖެކެވެ. މީހުންދެކެ ލޯބިވާ އެހެން މީހުންގެ އިހްސާސްތައް ދަންނަ އެހާމެ ކެތްތެރި ކުއްޖެކެވެ.

ސަމާއަށް ބުނާނެ އެއްވެސް އެއްޗެއް ނޭންގުނެވެ. ކުރެވުނު ހާވެސް ކަމަކީ ޒީނާ ގައިގައި ލޯބިން ބައްދާލުމެވެ. ހިތްފުރެންދެން ރޯލެވުނެވެ. ޒީނާގެ ވާހަކަތަކުން ސަމާއަށް ޒީނާއަށް ދެވިފައިވާ ލޯބި ދެގުނައަށް އިތުރުވެގެން ދިޔައެވެ.

“ކީއްވެ އިޒުވާނުގެ ވާހަކަ ތި އެހީ..؟” ސަމާގައިން ދޫކޮށްލުމުން އޭނަގެ މޫނަށް ބަލަން ހުރެފައި ޒީނާ ކޮށްލީ ސުވާލެކެވެ.

” ޒީ މަންމަ ނިޔާވި ދުވަހު ރޮމުން ޒީއަށް ކިޔުނު އެއްޗެހި. ހަނދާނެއް ނެތްދޯ” ސަމާ ކަރުނަތައް ފޮހެލަމުން ބުންޏެވެ. ރުއިމުގެ ސަބަބުން ސަމާގެ ދެލޯ ހުރީ ރަތްވެފައެވެ.

ޒީނާ ފުންނޭވާއެއްލަމުން އިޒުވާނުގެ ވާހަކަތައް ކިޔައިދޭން ފެށިއެވެ. ފުރަތަމަ އިޒުވާން ފެނުނު ދުވަހުން ފެށިގެން އޭނަގެ ހިތުގައި އިޒުވާނަށް ދެވުނު ހާއްސަ ޤަދަރާއި ވެވުނު ލޯބީގެ ވާހަކަތައް އަކުރުން އަކުރަށް ޒީނާ ކިޔައިދެމުން ދިޔައިރު އޭނާގެ ލޮލުން ކަރުނަ އޮހެމުން ދިޔައެވެ. ގިސްލެވެމުން ދިޔައެވެ. އެ ލޯބީގައި ހޭބަލިވެ މީހާ ހަލާކުވެގެން ދިޔަ ގޮތް ތަފްސީލާއެކު ޒީނާ ދިޔައީ ކިޔައިދެމުންނެވެ. ޒީނާ އަށް ވަމުންދާގޮތްފެނިފައި ސަމާއަށް ވެސް ރޮވެންފެށިއެވެ.

“ސަމާ އަށް އެނގޭތަ؟ މަ ބޯވެސް ކޮށާލީ ހަމަ އިޒުވާނު ދެކެ ހޭބަލިވެގެން. އަމިއްލަ ނަފްސަށް ގެއްލުންވެސް ދިނިން. އަހަރެންގެ ހިތަށް ކެތްނުވީ. އެއްވެސް މީހަކަށް މިވާހަކަތަށް ކިޔައިދޭން ބޭނުންނުވީ. އީމާ މަރުވީވެސް އޭނަގެ ސައިކަލު ދަށުވެ..” ޒީނާ ކަރުނަތައް ފޮހެލަމުން އަނެއްކާވެސް ވާހަކަ ދެއްކޭތޯ މަސައްކަތް ކުރިއެވެ. ޒީނާގެ ވާހަކަތައް އަޑުއަހަން ހުރި ސަމާގެ ދެލޯ ކަރުނައިން ފުރުނެވެ.

“އެކަމަކުވެސް މަ އިޒުވާނަށް މަޢާފު ކުރީ.. މަގޭ ހިތުގަ އިޒުވާނަށް އެއްވެސް ހިތްބަރުކަމެއް ނެތް. އޭނަ ދެކެ މަ ވީ ސާފު ލޯބި. އެ ލޯތްބަށް އެއްވެސް ބަދަލެއް ނައީ ކީއްވެބާއޭ ވެސް ހިތަށް އަރާ. ކެތްކުރަން ހާދަ މަސައްކަތެކޭ މި ކުރަނީ. މަގޭ ހިތް ފަޅައިގެންގޮސްގެން މަރުވާނެ ނަމަ..” ޒީނާ އަށް ގިސްލެވެމުން ދިޔައެވެ. ޒީނާގެ ވާހަކަތައް މެދު ކަނޑާލީ އިތުރަށް ވާހަކަ ދައްކަން އުނދަގޫވެގެންނެވެ. އިޒުވާނު ދެކެ ޒީނާއަށް ވެވުނީ ހަޤީގީ ލޯތްބެވެ. އެ ލޯބީގައި ދީވާނަވެ އެ ލޯބީގައި ހަފުސްވަމުން ދިޔަ ގޮތުގެ ހުރިހާ ވާހަކަތަކެއް ކިޔައިދެވުނެވެ. ސަމާއަށް ބުނާނެ އެއްވެސް އެއްޗެއް ނުވިސްނުނެވެ. ކުރެވުނުހާވެސް ކަމަކީ ހިތްފުރެންދެން ރޯލުމެވެ.

“އަހަންނަށް އެނގޭހާވެސް ކަމަކީ އެ ލޯބި ހައްޤު ނުވާކަށް. މި ކުރެވެނީ ބޭކާރު ކަމެއްކަށް. ސަމާ ނިކަން ބުނެބަލަ.. އޭނަ ދުވަހަކުވެސް މަ ދެކެ ލޯތްބެއް ނުވާނެ.. ބަޓް މަ އޭނަދެކެ ވަރަށް ވަރަށް ލޯބިވޭ. ވަރަށް ވަރަށް ލޯބިވޭ. އަހަރެން ކިހިނެއް އޭނަގެ ބެސްޓް ފްރެންޑެއް ގޮތުގަ ހުރެވޭނީ. އިޒުވާނު ބޭނުންވީ އެގޮތަށް ހުރުމަށް. ކިހިނެއް!!!” ޒީނާ ދެ އަތުން ކަރުނަތައް ފޮހެލިއެވެ.

“ކިހިނެއް!! ބުނެބަލަ ސަމާ..ކިހިނެއް މަ އެކަން އެކްސެޕްޓް ކުރާނީ.. އޭނަ ލޯބިވަނީ އެހެން މީހަކު ދެކެ. އެކަން އެނގޭއިރުވެސް އަހަރެން މިއޮށް ހަލާކުވަނީ.. ފްރެންޑެއް ގޮތުގަކިހިނެއް މަ އިޒުވާން ބަލައިގަންނެވޭނީ.. އެގޮތަކަށް ނޫނޭ އަހަރެން އޭނަ ބަލައިގަތީ.. އިޒުވާނު ނޫން މީހަކު ދެކެ މަ ކިހިނެއް ލޯބިވާނީ. މި ދުނިޔޭގަ މަށަށް ލޯބި ލިބެން ނެތީ. ކޮންމެ މީހަކުވެސް އަހަރެން ދޫކޮށްލާފަ ދާނެ. ކިތައްމެ ހިތްވަރެއް ކުރިޔަސް އަހަރެން މީ ވަރަށް ބަދު ނަސީބު މީހެއް. ވެދާނެ ތަޤުދީރުގަ މިނޫންގޮތަކަށް ކަންތައްވުމަށް ލިޔުއްވާފަ ނެތީ ކަމަށްވެސް. މިހެން ކިޔާދިނަސް އެއްވެސް މީހަކަށް މިހެން ކަންތައް ދިމާވީމާ ނޫނީ މިކަމުގެ ހުރި ހިތާމަ ތަކެއް ކުރާ އަސަރުތަކެއް ތަސައްވަރުވެސް ނުކުރެވޭނެ. ހިތާމަ ކޮށްގެން ޑިޕްރެޝަނަށް ގޮސް މީހަކު ގެއްލި ހަލާކުވެ ދަންޏާ މިހާރު މަ އޮންނާނީ ކައްވަޅުގަ.. އަހަރެން މަސައްކަތް މިކުރަނީ ކަންތައްތަކާއި ހާސްވެ ފިކުރުބޮޑުނުވެ މާޔޫސްނުވެ އުޅެވޭތޯ.. ކިތައްމެ ފަހަރަކު އަމިއްލަ ނަފްސަށްވެސް ގެއްލުންދޭން މަސައްކަތް ކުރެވިއްޖެ. އެކަމަކުވެސް ސެލްފް ކޮންޓްރޯލު ކުރެވޭތޯ މަސައްކަތް ކުރަން.. ކީއްވެ؟ މަވެސް މީ ހަމަ އެކަނި ހުރި މީހަކަށް ވާތީ…”

ޒީނާއަށް ހަމަ ރަނގަޅަށްވެސް ރޮވިއްޖެއެވެ. އެ ހުރިހާ ވާހަކަތަކެއް އަޑުއަހަން ހުރި ސަމާ ވެސް ހުރީ ރޮއިރޮއި ގިސްލެވިފައެވެ. ޒީނާ އެ ހުރިހާ ވާހަކަތަކެއް ބޭރުކޮށްލީ އޭނަގެ ހިތަށް ކޮށްފައިވާ އަސަރުތަކުންނެވެ. ޒީނާ އަކީ ކެތްތެރި ކުއްޖެއްކަން އޭނަގެ ވާހަކަތަކުން ހާމަ ވި ނަމަވެސް އޭނަގެ ހިތްވަނީ ކުދިކުދި ވެފައެވެ. އެ މީހަކަށް ކުރާ އަސަރު އެއީ އަނެކާއަށް އިހްސާސްވެސް ނުވެދާނެ ކަމެކެވެ. އެމީހެއްގެ ދިރިއުޅުމުގައި އެކަމެއް ތަހައްމަލު ނުކުރެވޭހާ ހިނދަކު އެ އިހްސާސްތަކެއް ބަޔާންކޮށްދޭންވެސް ނޭންގޭނެއެވެ.

“ޒީ ތީ ނާކާމިޔާބު މީހެއްނޫން. އިރާދަކުރެއްވިއްޔާ ޒީއަށް ލޯބި ލިބޭނެ. ޒީ އަކީ ހިތްވަރުގަދަ ކުއްޖެއް. މިހާރުވެސް ކިތައް ކަންތައްތަކާ ޒީ ތި ފޭސްކުރަނީ. މިހާރު ދެން ރޯނެ ވަރަށް ރޮވިއްޖެ އެންނު. ދެން ޒީ ރޮއިގެން ނުވާނެ. އުފަލުގައި އުޅޭން ދަސްކުރަންވީ.. ޒީ އަކީ ކަންކަމުގައި ފޭސްކުރެވޭނެ ކުއްޖެއް..” ސަމާގެ ވާހަކަތަކުން ޒީނާއަށް ހިތްވަރުލިބުނު ނަމަވެސް އިޒުވާނުގެ މަތިން ހަނދާން ނައްތާލުން އެއީ ވާނެ ކަމެއް ނޫނެވެ. އެއީ ޒީނާ އަށް ހައްޤުވާނެ ލޯތްބެއް ނޫންކަން ޒީނާ މިހާރުވެސް ގަބޫލުކުރެވުނެވެ. އެހެނަސް އެ ލޯތްބާއި ދުރަށް ދާނީ ވެސް ކިހިނަކުން ހެއްޔެވެ.؟ ޒީނާ އަކީ ހިތްވަރުގަދަ ވިޔަސް ދުނިޔެމަތިން ފޫހިވެފައިވާ އިންސާނެކެވެ.

***

ވަގުތަކީ ދަންވަރު ވަގުތު ކަމުން އަތިރިމައްޗަށް ވެރިވެފައިވަނީ ހަމަ ހިމޭން ކަމެވެ. ހަނދުވަރުގެ ރީތި އަލިން މުޅި ދުނިޔެ ވަނީ އުޖާލާކަމެއް ގެނުވާފައެވެ. ޒުހުރީ ހުރީ އެމީހުން ހިފައިގެން ތިބި ގެސްޓްހައުސް ކޮޓަރީގެ ބެލްކަނީގައި ސިނގިރޭޓެއް ރޯކޮށްލައިގެން ބޭރު ބަލާށެވެ. ސިނގިރޭޓް ދަމާލަމުން ދުންތައް ފޮނުވާލައެވެ. އޭނަގެ މޫނުމަތިން ފެންނަމުން ދަނީ މާޔޫސް ކަމެވެ. ހީވަނީ ބޮޑު ފިކުރެއްގައި ހިޔާލު ކުރަމުންދާ ހެންނެވެ. ޒުހުރީ އެ ހިޔާލުތަކުގައި ހުއްޓާ ހައުލާ އައިސް އޭނަގެ ފަހަތުން ބައްދައިގަތެވެ. ނަމަވެސް އެހެން ފަހަރުފަހަރާ ހިލާފަށް ޒުހުރީއަށް ވީ އުނދަގުލެކެވެ. އެކަން އޭނަގެ މޫނުމަތިން ވަރަށް ސާފުކޮށް ހާމަވެގެން ދިޔައެވެ. ހައުލާގެ އަތް އޭނަގެ ހަށިގަނޑުން ވަކިކޮށްލަމުން ހައުލާގެ މޫނަށް ބަލާލުމަށްފަހު ގޮސް ކޮޓަރިތެރެއަށް ވަނެވެ.

ޒުހުރީ ކޮޓަރިއަށް ނުވަދެވެ އަނެއްކާވެސް ހައުލާ އައިސް ބައްދައިގަތެވެ. ޒުހުރީ އަނެއްކާވެސް ހައުލާ ފޮޅާލިއެވެ. ޒުހުރީ އުޅުނު ގޮތުން ހައުލާ ރުޅި އަންނަގޮތްވިއެވެ. ހައުލާއަށް ޒުހުރީގެ ފުސްވެފައިވާ މޫނަށް ބަލާލެވުނެވެ. އޭނަގެ މޫނުމަތިން އެއްވެސް އުޖާލާކަމެއް ފެންނާކަށް ނެތެވެ. ހީވަނީ ކޮންމެވެސް ކަމަކާއި ވިސްނަމުންދާ ހެންނެވެ. ހައުލާ ގޮސް ޒުހުރީގެ ތުންފަތުގައި ބޮސްދޭން މަސައްކަތްކުރިއެވެ. ހައުލާ ބޭނުންވީ އޭނަގެ މަޤްސަދު ކާމިޔާބު ކުރުމެވެ. ނަމަވެސް ހައުލާއަށް އެކަން ކާމިޔާބު ވާގޮތެއް ނުވިއެވެ. ޒުހުރީ ދުރަށް ޖެހުނެވެ. ހީވަނީ އެއްވެސް ކަމެއް ކުރަން ބޭނުން ނުވެފައި ހުރި ހެންނެވެ.

“ކިހިނެއްވީ.؟ މިރޭ ހާދަ މޫޑީ ވެފަ. ކިހިނެއްވީ؟” ހައުލާ ވާހަކަ ދެއްކުމުންވެސް ޒުހުރީއަށް ވީ ބޮޑު އުނދަގުލަކަށެވެ. އެއްވެސް ވާހަކައެއް ނުދައްކާ ގޮސް އެނދުގައި ޖައްސާލިއެވެ. ނިތްކުރިމަތީގައި އަތްބާއްވާލަމުން  ސީލިންގްގައި ހަރުކޮށްފައި ހުރި ފަންކާއަށް ބަލަން އޮތެވެ. ޒުހުރީ ހުރީ ހައުލާ ކަންތައް ކުރި ގޮތުން ކޮންމެވެސް ވަރަކަށް ހިތްހަމަ ނުޖެހިފައެވެ. ނަމަވެސް އެއްވެސް އެއްޗެކޭ ބުނާކަށް ހައުލާ ބޭނުމެއް ނުވިއެވެ. ޒުހުރީ ހިތްހަމަ ނުޖެހިފައި ހުރިކަން އެނގުމުންވެސް ހައުލާ ބޭނުންވި އެންމެ ކަމެކެވެ.

ހައުލާވެސް ގޮސް އެނދުގެ އަނެއްފަރާތުގައި ޖައްސާލިއެވެ. ހައުލާ އަދިވެސް އޮތީ ޒުހުރީގެ ފަރާތުން ކޮންމެވެސް އިޝާރާތެއް ވޭތޯއެވެ. ދުނިޔޭގެ އެދުމައިގެން ދަހިވެފައިއޮތް ހައުލާ އޮތީވެސް ޒުހުރީގެ މޫނަށް ބަލާށެވެ. އޭރުވެސް ޒުހުރީ އޮތީ ހިޔާލަކަށް ގެއްލިފައެވެ. ހައުލާ މަޑުމަޑުން ކަރުކެހިލިއެވެ.

“ ދެން މިރެޔަކު ނޫން. ހައުވެސް ދެން ނިދާލާ.. މިއުޅެނީ ކުޑަކޮށް ބޮލުގައި ރިއްސާތީ” ހައުލާ އޮތީ ޒުހުރީގެ ފަރާތުން އިޝާރާތެއް ވާނެކަމަށެވެ. އެކަން ޒުހުރީއަށް އެނގުމުން ޒުހުރީ ވާހަކަ ދައްކަމުން ހައުލާއަށް ފުރަގަސްދެމުން އަނެއްފަރާތަށް އެނބުރުނެވެ. ޒުހުރީ ކަންތައް ކުރިގޮތުން ހައުލާ ތެދުވެގެން ގޮސް ވަނީ ފާހަނާއަށެވެ.

***

ހަފްތާއެއް ފާއިތުވެން ދިޔައީއެވެ. އިޒުވާން ކޮންމެ ދުވަހަކުވެސް ޑިއުޓީ ނިންމާލާފައި މާލެ ދަނީ ސާރާ ފެންނާނެ ކަމުގެ އުއްމީދުގައެވެ. އެގޭ ދޮރުމަތީގައި މުގޯލި އަޅާލަ އަޅާލަ ހުންނަނީ ސާރާގެ ހިލަމެއް ވޭތޯއެވެ. އެދުވަހަށްފަހު އިޒުވާނަށް ސާރާ ގެއްލުނެވެ. އޭނަގެ އެއްވެސް ކޯލަކަށް އެއްވެސް މެސެޖަކަށް ސާރާ ޖަވާބެއް ނުދިނެވެ. އިޒުވާނު މާޔޫސް ވިނަމަވެސް އުއްމީދު ކަނޑާލާކަށް ބޭނުމެއް ނުވިއެވެ.

***

ޑިއުޓީ ނިންމާލުމަށްފަހު އިޒުވާނު ބަސްޓޮޕްކައިރީގައި މަޑުކޮށްލައިގެން ހުރީ ހުޅުމާލެއަށް ދެވޭނެ އިރަކަށެވެ. ސާރާގެ ހިޔާލުތަކުގައި އިޒުވާނު ހުއްޓެވެ. އޭނަގެ މޫނުމަތިން ފެންނަމުން ދަނީ މާޔޫސްކަމެވެ. ބަހުގެ އިންތިޒާރުގައި މަދު ބަޔަކު އެތަނުގައި އިންތިޒާރު ކުރަމުން ދިޔައެވެ. އިޒުވާނުގެ ކުށް އަދިވެސް އޭނަ ގަބޫކުރަން ބޭނުން ނުވަނީއެވެ.

ޒީނާވެސް ޑިއުޓީ ނިންމާލުމަށްފަހު ބަސް ސްޓޮޕަށް އައިސް ހުއްޓުނެވެ. ޒީނާވެސް އައީ ފޯނާކުޅެމުންނެވެ. ފޯނަށް ގެއްލިފައި ހުރުމުން އެތަނުގައި އިޒުވާނު ހުރިކަމެއް ޒީނާއަށް ނޭންގުނެވެ. ހެޑް ސެޓް ނަގަން ވެގެން ދަބަހަށް އަތްލިވަގުތު އޭނަގެ ލޯ ގޮސް އަމާޒުވީ އެތަނުގައި ހުރި އިޒުވާނަށެވެ. އިޒުވާނަށްޓަކައި ހިތުގައި ފޮރުވަމުންދިޔަ ލޯބި ހާމަ ކުރަން ބޭނުންވި ނަމަވެސް ޒިނާއަށް އެފުރުސަތެއް ނެތެވެ. ހިތްވަރުކޮށްލާފައި ފަޔަށް ބާރެއްލަމުން ޒީނާ ހިނގައިގަތެވެ..

”;އިޒުވާނު. ކޮން ފިކުރެއްގަ؟” ކިތައްމެ ހިތްވަރުކޮށްފައި ވާހަކަ ދެއްކި ނަމަވެސް އޭނަގެ ހިތް ދިޔައީ ރޮއްވަމުންނެވެ. ހިތުގެ ބައިވެރިޔާ ކުރިމަތީގައި އިނދެ އެ ފަރާތަށް ކުރިމަތިލައިގެން ހުރެ ވާހަކަ ދައްކަން އެއީ ޒީނާ އަށް ކުރަން ފަސޭހަ ކަމަކަށް ނުވިއަސް ބައެއް ހާލަތްތަކުގައި ވާހަކަ ދައްކަންވެސް މަޖުބޫރު ވަނީއެވެ.

”;ސާރާ..” އިޒުވާނަށް ހީވީ ސާރާ ފެނުނު ހެންނެވެ. އިޒުވާނު ހުރީވެސް ސާރާގެ ހިޔާލުތަކަށް ޤަރަގްވެފައެވެ.

“އިޒުވާނު ކިހިނެއްވެފަ. ސާރާ އެއް ނޫން. ޒީނާ” ޒީނާ އަށް އިޒުވާނަށް ހަތަރުކަޅިވެސް ހަމަ ކުރާކަށް ނުކެރުނެވެ. ޒީނާ އައިސް ގޮވާލިއިރުވެސް އިޒުވާނަށް ހުރެވުނީ ޒީނާއަށް ބަލާށެވެ. އޭރުވެސް އިޒުވާނަށް ޒީނާ ފެންނަމުން ދިޔައީ ސާރާގެ ސިފައިގައެވެ. ސާރާގެ ލޯބީގައި އިޒުވާނު ހަލާކުވެއްޖެއެވެ. އަނެއްކާވެސް ޒީނާ ގޮވާލިއެވެ. އިޒުވާނު ފާޑަކަށް ސިހިފައި މުޅިތަނަށް ނަޒަރު ހިންގާލިއެވެ. އޭރު އޭނަގެ ކުރިމަތީގައި ޒީނާ ހުރިތަން ފެނުނެވެ

 “ހާދަ ނުފެނެޔޭ މިހާރު. އަހަރެން ވާހަކައެއް އަހާލަންތަ؟ ޒީ ކީއްވެ މަ އިގްނޯ ކުރަނީ.؟” އިޒުވާނުގެ އެ ސުވާލުން ޒީނާގެ މޭގަނޑު ތެޅިގަތެވެ. ދޭނީ ކޮން ޖަވާބެއްކަމެއް ނޭންގި ހުއްޓާ ބަސް އައިސް މަޑުކޮށްލިއެވެ. ނަސީބުވެސް ރަނގަޅީކަންނޭންގެއެވެ. އެއްވެސް ހާލެއްގައި އެ ސުވާލަށް ޖަވާބުދޭކަށް ޒީނާ ބޭނުމެއް ނުވިއެވެ. އަވަސް އަވަހަށް ގޮސް ބަހަށް އެރިއެވެ. މިފަހަރުވެސް ޒީނާ ކަންތައްކުރި ގޮތުން އިޒުވާނުގެ ހިތުގައި އެތަކެއް ސުވާލުތަކެއް އުފެދުނެވެ. އިޒުވާނަށް އެކަން ފާހަގަ ކުރެވެންފެށިފަހުން އޭނަ ބޭނުންވަނީ އެކަމުގެ ހަޤީގަތް ހޯދާށެވެ. ވިސްނާލަން ހުރުމަށްފަހު އިޒުވާނުވެސް ބަހަށް އެރިއެވެ. އޭރު ޒީނާ ހެޑްސެޓް ކަންފަތަށް ޖަހައިގެން ދެލޯ މަރާލައިގެން އިނެވެ. އިޒުވާނު ވެސް ހުސްގޮޑިއެއްގައި ގޮސް އިށީނެވެ.

***

ހައުލާ ފެންވަރާލައިގެން ތުވާލި އަނދެލައިގެން އަލަމާރި ކައިރީގައި ހުއްޓިލައިގެން ހުރީ ލާނެ ހެދުމެއް ނޭންގިފައި އަލަމާރި ހާވާށެވެ. ވިސްނާލަން ހުރުމަށްފަހު ހެދުމެއް ނަގައިގެން ގެންގޮސް އެނދުމަތީގައި ބޭއްވުމަށްފަހު ޑްރެސިން ޓޭބަލް ކައިރިއަށްގޮސް ގޮޑީގައި އިށީނެވެ. އާދައިގެ ގޮތަކަށް މޭކަޕް ކޮށްލައިގެން އެނދުމަތީގައި ބޭއްވި ވިލުނޫކުލައިގެން ކުރު ހެދުން ގަޔަށް މަހާލިއެވެ. ހައުލާ ކިތައްމެ ރީތިވި ނަމަވެސް އޭނަގެ ހަށިގަނޑަށްވެސް ބަދަލުތަކެއް އައިސްފައިވާކަން ފާހަގަ ކުރެވުނެވެ. ބޭނުންކުރާ މަސްތުވާ އެއްޗެހީގެ ސަބަބުން ހައުލާގެ ހަށިގަނޑުން އެކަން ދިޔައީ ފެންނަމުންނެވެ. މުޅި މީހާ ހިކި އަނަރޫފަވެ ދެލޯކައިރިވެސް ވަނީ ކަޅުވެފައެވެ.

ހައުލާ ރީތިވެލައިގެން ކޮޓަރިންނުކުތެވެ. ޒުހުރީ ހުޅުމާލެ އައީ ހައުލާގެ އެދުމުގެ މަތިންނެވެ. ޒުހުރީ ސައިކަލުގައި އައިސް ހައުލާ ދިރިއުޅޭ ގެ ކައިރިއަށް މަޑުކޮށްލިއެވެ. ޖީބުން ފޯނު ނަގާ ހައުލާގެ ނަމްބަރަށް ގުޅިއެވެ. ފޯނު ރިންގްވުމާއެކު ހައުލާ ފޯނަށް ޖަވާބު ދިނެވެ.

“މި ފައިބަނީ. މަޑުކޮށްލާ..” ހައުލާ ޖަވާބު ދިނުމަށްފަހު ފޯނު ކަނޑާލިއެވެ.

***

އިޒުވާނު ހުރީ ސާރާ ފެންނާނެކަމުގެ އުއްމީދުގައި އެގޭ ދޮރުމަތީގައެވެ. ޑިއުޓީ ނިންމާލުމަށްފަހު ކޮންމެ ދުވަހަކުވެސް އިޒުވާނު އުއްމީދުކޮށްގެން އެގޭ ދޮރުމަތީގައި މުގޯލިއަޅަމުންދަނީ ސާރާ ފެންނާނެކަމުގެ އުއްމީދުގައެވެ. މާ ގިނައިރުތަކެއް އިންތިޒާރުގެ ނިމުމެއްއަތުވެއްޖެއެވެ. ސާރާ ނުކުމެގެން އަންނަތަން އިޒުވާނަށް ފެނުނެވެ. އިޒުވާނުގެ ނަސީބުވެސް ރަނގަޅު ދުވަހެކެވެ.

“ސާރާ..” ސާރާ ފެނުމުން އިޒުވާނު ގޮވާލިއެވެ. އޭނަގެ އަޑުގައި ވޭނީ އަސަރެއް އެކުލެވިފައި ހުއްޓެވެ. ނަމަވެސް ސާރާ މަޑުކޮށްލުމެއްނެތި ހިނގައިގަތެވެ. އިޒުވާނު ގޮސް ސާރާގެ ކުރިމައްޗަށް ހުއްޓުނެވެ. ސާރާގެ މޫނު އަނެއްފަރާތަށް އަނބުރާލިއެވެ. ސާރާ އުޅުނު ގޮތުން އޭނަހުރީ ހިތްހަމަ ނުޖެހިފައިކަން އެނގުނެވެ. އިޒުވާނު ސާރާގެ އަތުގައި ހިފިއެވެ. ސާރާ ހަމަ ހުރިގޮތަށް އިޒުވާނަށް ބަލާވެސް ނުލާ ހުރީއެވެ.

“ޕްލީޒް ސާރާ. ތިހެން ނުހަދާ.. އަހަންނަށް ސާރާ އާ ނުލާ ނޫޅެވޭނެ. ކުޑަކުޑަ ކަމަކާ ސާރާ ތިހެން ތިހަދަނީ. މަ ސާރާ ދެކެ ވަރަށް ލޯބިވޭ..” އިޒުވާނު ދެރަވެފައި ވާހަކަ ދައްކަން ފެށިއެވެ. އިޒުވާނު އުޅުނު ގޮތުންވެސް އޭނަ ސާރާދެކެ ލޯބިވާކަށް ހާމަވަމުން ދިޔައެވެ. ސާރާދެކެ އިޒުވާނު އިންތިހާއަށް ލޯބިވެއެވެ.

“އިޒުވާނު ކީއްވެ އެވަރުގެ ކަމެއް މަށަށް ޝެއަރ ނުކުރެވިގެން ތިއުޅެނީ..؟ ލޯބި ވަންޏާ އިޒުވާނު ޖެހޭނީ އަހަންނަށް އެވާހަކަތައް ކިޔައިދޭން. ތިއީ ލޯބިވާ މީހުން ކަންތައްކުރާނެ ގޮތެއް ނޫން..” ސާރާ އޭނަގެ ގޮތުގައި ވާހަކަ ދައްކަމުން ދިޔައެވެ.

“ހަފްތާ އެއްމިވަނީ. ސާރާ އަހަރެންގެ އެއްވެސް ކޯލަކަށް ޖަވާބެއް ދިނިންތަ؟” އިޒުވާނު އަދިވެސް މަސައްކަތް ކުރަމުންދިޔައީ ސާރާގެ ސުވާލުތަކަށް ޖަވާބުނުދީ ވޭތޯއެވެ.

“އިޒުވާން. އަހަރެން މިބުނަނީ އެދުވަހު ވީ ކަންތައް ޝެއަރ ކުރަން. އެވާހަކަތަކަށް ޖަވާބު ނުދޭންވީ އެއްވެސް ރީޒަންއެއް ނުވިސްނުނު.. އިޒުވާނު މަށާ އެވާހަކަތައް ކިޔައިދޭން ބޭނުން ނެތީއްޔާ މަ ބޭނުންވަނީ މިހާ ހިސާބުން މިކަންތައް ހުއްޓާލަން..” ސާރާގެ އެ ބަސްތަކުން އިޒުވާނުގެ ހިތް ވިރިގެން ފޭބި ކަހަލައެވެ. އޭނަ ސާރާދެކެ ވާ ލޯބި ސާރާއަށް އިހްސާސް ނުވަނީއެވެ.

“ސާރާއަށް މަ އެވާހަކަތައް ކިޔައިދޭނަން. އެކަމަކު ވައުދުވޭ ސާރާ އަހަރެން ދޫކޮށްލާފައި ނުދާނެކަމަށް. މަ ސާރާދެކެ ވަރަށް ލޯބިވޭ..” އިޒުވާނު އާދޭސް ކުރަމުން ދިޔައެވެ. އިޒުވާނު އެވާހަކަތައް ކިޔައިދޭންވެސް އެއްބަސް ވިއެވެ. އެއްވެސް ހާލެއްގައި ސާރާ ބީވެގެން ދާކަށް އިޒުވާނު ބޭނުމެއް ނުވިއެވެ. އެކަން އޭނަގެ ވާހަކަތަކުންވެސް ހާމަވެގެން ދިޔައެވެ.

“ވަޢުދުވާން އެނގޭނީ ހަޤީގަތް އެނގުނީމަ. އެހެންނޫނީ ގޮތެއް ނިންމާކަށް ނޭންގޭ. އިޒުވާނު ދޮގު ހެދިޔަސް މަށަށް އެނގޭނެ.” ސާރާ އެއްވެސް ގޮތަކަށް ގޮތްދޫކުރާކަށް ބޭނުމެއް ނުވިއެވެ. އެކަން އޭނަދިން ޖަވާބުންވެސް އިޒުވާނަށް އެނގުނެވެ. ހަޤީގަތަށް އެވާހަކަތައް ކިޔައިދޭން ސާރާ މަޖުބޫރު ކުރުވިއެވެ.

***

” سبحان الله.. ޤިޔާމަތް ވަނީތަ؟ ނޫނީ މީ މަށަށް ފެންނަ ހުވަފެނެއްތަ؟” ހައުލާ ހުރިތަނަށް ހުއްޓުން އެރިއެވެ. ކުރިޔަށް އެޅި ފިޔަވަޅުވެސް އަޅާލެވުނީ ފަހަތަށެވެ. ފެންނަމުން ދިޔައީ ހުވަފެނެއްކަމަށް ހީކޮށް ޝަހާދަތް އިނގިލީގައި ދަތްވެސް އަޅާލެވުނެވެ. އިނގިޔަށް އެވަގުތު ތަދުވެސް ވިއެވެ. ހައުލާއަށް ޔަޤީން ކުރެވުނަސް ނުކުރެވުނަސް އޭނަގެ ކުރިމަތީގައި ފެންނަން ހުރީ ހަމަ ޒުހުރީއެވެ. ގަބޫލުކުރެވުނަސް ނުކުރެވުނަސް އެއީ ޒުހުރީނޫން ދެވަނަ އެހެން އިންސާނެއް ނޫނެވެ. ހައުލާއަށް ޒުހުރީ ފައިގެ ބޮޑުވާ އިނގިލިންފެށިގެން ބޮލާހަމައަށް ކަޅިހިންގާލެވުނެވެ. އެތައް ފަހަރަކު ޒުހުރީއަށް ނަޒަރު ހިންގާލެވުނެވެ. ގަބޫލުކުރަންވެސް އުޒުރުވެރިއެވެ.

” މީ ކޮންކަމެއް..؟ މަށަށް މިފެންނަނީ ހުވަފެނެއްތަ؟ ކަލޭ އަނެއްކާ ބުއްދި ގޯސްވީތަ؟ ކަލޭ ހަމަތަ؟” ހައުލާ ނުލަފާ ފާޑަކަށް ހެމުން ހެމުން ޒުހުރީއަށް މަލާމާތުގެ ރާގަކަށް ވާހަކަ ދެއްކިއެވެ.

ހައުލާ ނޫން އެހެން މީހެއް ނަމަވެސް ޒުހުރީއަށް އައިސްފައިވާ ތަފާތު ބަދަލެއްގެ ސަބަބުން އެހެންވުން އެކަށީގެންވެއެވެ. އޭނަގެ އެވަރުގަދަ އިސްތަށިގަނޑުވަނީ ތުނިކޮށް ރީއްޗަށް ކޮށާލާފައެވެ. އަތުގައާއި ކަރުގައިހުރި ޗެންޗޭނުވަރުގެ އަތުގަ އަޅާ އެއްޗެހިތަކާ ފަށްތައްވެސް ވަނީ ނަގާފައެވެ. ވާތު ޝަހާދަތް އިނގިލީގައި އަޅާފައި އިނީ އެންމެ އަނގޮޓިއެކެވެ. ކަންފަތުގައި ހުރި ބޮޅުތައްވެސް ނަގާފައި ކަންފަތްވެސް ހުރީ ފަޅުކޮށެވެ. އޭނަ ލައިގެން ހުންނަ ބޮޑެތި ޓީޝާޓުގެ ބަދަލުގައި ލައިގެން އިނީ ގޮޅިޖެހި ރީތި އަތްދިގު ގަމީހެކެވެ. ވީދައިގެން ގޮސްފައި ހުންނަ ޖީންސްގެ ބަދަލުގައި ލައިގެން އިނީ މަޑު ނޫކުލައިގެ ރިތި އާދައިގެ ޖީންސެކެވެ. ތުނބުޅި ހުރީ ރީތިކޮށް ޓްރިމްކޮށްލާފައެވެ. ޒުހުރީއަށް އައިސްފައިވާ އެ ތަފާތު ހައުލާއަށް ކަމަކު ނުދިޔައެވެ.

“މަށަށް ހީވަނީ ކަލޭ މޮޔަވީހެން. ނިކަން ބަލާބަލަ ބީތާ ޖަހާ ސިފަ..” ހައުލާ މަލާމާތުގެ ރާގަކަށް ވާހަކަ ދެއްކިއެވެ. ނަމަވެސް ހައުލާ ކީ އެއްވެސް އެއްޗަކަށް ޒުހުރީ ރައްދެއް ނުދިނެވެ. އޭނަގެ މޫނުމައްޗަށް ވެރިވީ ލުއި ހިނިތުންވުމެކެވެ. ކޮންމެ ގޮތެއް ވިއަސް އެ ތަފާތު ބަދަލު އެއީ ރަނގަޅު ބަދަލެއްކަމުގައި ޒުހުރީއަށް ޤަބޫލުކުރެވުނެވެ.

***

“އެދުވަހު އެތަނަށް އައިސް އެތިވަރު ގޮވާފަ ދިޔައީ ހައުލާ. ކުރީގެ އެކްސް.. ދެން އިތުރަށް ސާރާ އަށް މަ ކިޔައިދޭންވީ ކޮން ވާހަކަތަކެއް” ފާރުކައިރީގައި ލެނގިލަމުން އިޒުވާނު ވާހަކަ ދެއްކިއެވެ.

“އެ ނިމުނީ.. ވާވް. އިޒުވާނު ތީ ކުޑަކުއްޖެއްތަ؟ މަވެސް މީ އަންހެނެކޭ. އޭނަ އެ ހުރިހާ ހާސަރުތަކެއް ގޮވާލާފަ ދިޔައީ އޭނަގެ ފޯލްޓެއް އޮވެގެން ކަމެއް ގައިމު މަށަކަށް ނުވިސްނޭ. އޭނަ އިޒުވާނު ދެކެ އެހާ ރުޅި އަންނަން ޖެހޭނީ ގައިމު އިޒުވާނުގެ ސައިޑުން ކަންތައްތަކެއް ކުރެވިފަ ހުރީމަ. އިޒުވާނުގެ ދިރިއުޅުން ހަލާކުކޮށްލަން އަންހެނަކު ހިފާލާފަ ހުންނާނީ އިޒުވާނުގެ ފަރާތުން ވަރަށް ގޯސްކޮށް ކަންތައްތަކެއް ކުރެވުނީމަ. އައި ކެން ފީލް ދެޓް. ކޮޒް އައިކެން ފީލް ވަޓް ޝީކެން ފީލް އަސް ވެލް..” ސާރާގެ އެ ސުވާލުތަކަށް އިޒުވާނަށް ޖަވާބުދޭން ހިތް ކިތައްމެ ނުރުހުނަސް މިއަދު އެސުވާލުތަކަށް ޖަވާބުދޭން އެވަނީ މަޖުބޫރުވެފައެވެ. ސާރާ ގެ ލޯބި ބޭނުން ކަމަށް ވަނީނަމަ އެ ހުރިހާ ސުވާލުތަކެއް ޖަވާބު ދޭން ޖެހޭނެތާއެވެ.

“ހައުލާ އަށް ދޮގުހަދާ އޮޅުވާލީ މަ. އޭނަ އެއީ ރަނގަޅު ވަފާތެރި ކުއްޖެއް. ހައުލާއާ ރައްޓެހިވެގެން ހުރެ އަހަރެން ކިތައްމެ ބައިވަރު އަންހެންކުދިންގެ ލައިފަށް ގުޅިފަވެސް ހުންނާނެ. އެއްވެސް އިރެއްގަ މަ ހައުލާދެކެ ލޯތްބެއް ނުވަން. ލޯބި ވޭތޯ މަސައްކަތް ކުރިން. ތިން އަހަރު ވަންދެން ރައްޓެހިވެގެން އުޅުނީ..” އިޒުވާނު މަގުގެ ދެކޮޅު ބަލާލުމަށްފަހު އަނެއްކާވެސް ވާހަކަ ދައްކަން ފެށިއެވެ.

“އޯ ކޭ. އަހަރެންގެ ކުށް. އެކަން މަ ގަބޫލުކު ކުރަން. މަ މިހާރު އެހެން އެއްވެސް އަންހެން ކުއްޖެއް ގާތަކަށް ނުދަން.. އެހެން ނުވެސް އުޅޭނަން. މަ ލޯބިވަނީ ސާރާ ދެކެ. ސާރާ ދެކެ ވަރަށް ލޯބިވޭ. ސާރާ އަހަރެންގެ ހަޔާތަށް އައިފަހުން އަހަރެންގެ އުޅުމަށްވެސް ބަދަލުތަކެއް އަތުވެއްޖެ. ހުވާކޮށްފަ މި ބުނީ މަ ސާރާ ދެކެ އިންތިހާއަށް ލޯބިވޭ.. ސާރާ ނޫން އެހެންމީހެއް މަ ބޭނުމެއްނޫން…” އިޒުވާނު އޭނަގެ ކުށް ގަބޫލުކުރިއެވެ. އޭނަގެ ވާހަކަތަކުންނާއި ދެއްކި ރާގުންވެސް އޭނަ ސާރާދެކެ ލޯބިވާ މިންވަރު ހާމަ ވިއެވެ. ގަސްތަކާނުލާ ނަމަވެސް ހައުލާގެ ދިރިއުޅުން ހަލާކުކޮށްލެވުނީ ޚުދު އޭނަގެ ކުށުންނެވެ. އެކަން މިއަދު އިޒުވާނަށް އިހްސާސް ކުރެވޭނެއެވެ. ލޯތްބަކީ ކުޅޭކުޅޭ އެއްޗެއްކަން އިރެއްގަ އިޒުވާނަށް ގަބޫލުކުރެވުނަސް މީހަކު ދެކެ ހަޤިގީ ލޯބި ވެވުމުން އޭގެ ފޮނިކަމާއި ހިތިކަން އިޒުވާނަށް ވެސް މިހާރު ތަސައްވަރު ކުރެވެމުން ދިޔައެވެ.

ސާރާ އަށް އެ ހުރިހާ ވާހަކަތަކެއް ކަނުލައި އަޑުއަހަން ހުރެވުނެވެ. ސާރާ އުޅުނުގޮތުންނާއި މޫނުމައްޗަށް އެރި ކުލަވަރުތަކުން އޭނަވެސް އިޒުވާނަށް ވާހަކަތަކެއް ކިޔައިދޭން ބޭނުންވެފައިވާކަން އެނގުނީ އިޒުވާނަށް އޭނަ ފުރަގަސް ދިނުމުންނެވެ. ސާރާ ދެލޯ މަރާލިއެވެ. އޭނަގެ އެ އަމަލުތަކުން ކޮންމެވެސް ބޮޑު ވާހަކައެއް ބުނަން ބޭނުންވާކަށް ހާމަވެގެން ދިޔައެވެ، ހިތްވަރު ކޮށްލާފައި ސާރާ ވާހަކަ ދައްކަން ފެށިއެވެ.

“ސޮރީ އިޒުވާނު. އައި ޑޯން ތިންކް އައި ކެން ބީ ވިތް ޔޫ.” ސާރާ ހިތްވަރުކޮށްލާފައި ބުންޏެވެ. ސާރާ އެހެން ބުނުމުން އިޒުވާނުގެ ހިތް ފުނޑުފުނޑުވެގެން ދިޔައެވެ. މިއަދު އިޒުވާނަށް އަސްލަށް ރޮވުނެވެ. ކަރުނައަކީ ކޮބައިކަން އިހްސާސްކުރެވުނެވެ. އެއްޗެއް ބީވެގެން ގެއްލިގެން ދިއުމަކީ ކިހާ ވޭންހުރިކަމެއްކަން އިހްސާސްކުރެވޭނެއެވެ. ކުށެއްނެތް އެތަކެއް އަންހެން ކުދިންގެ ދިރިއުޅުމަށް ވިހަ ލަމުން އައިސް މިއަދު އިޒުވާނުވެސް އަނދަވަޅަކަށް އެވަނީ ވެއްޓިފައެވެ. އިތުރަށް އެގުޅުންކުރިއަށް ގެންދަން ސާރާ ބޭނުން ނުވީ އިޒުވާނު ދެކެ ލޯބިނުވާތީއެވެ. ލޯބި ނުވާ ބައިވެރިޔަކާއެކީގައި ދިރިއުޅުމެއް ނޫޅެވޭނެކަން ހައުލާއަށް ވެސް ޤަބޫލުކުރެވުނެވެ. އިޒުވާނު ދޫކޮށްލަން ޖެހުނީ ކޮންމެހެން ސާރާގެ ހަޔާތަށް ބައިވެރިއަކު ލިބިގެނެއް ނޫނެވެ.

***

“ކީއްކުރަން ދެން ތިހުރިޙާ އެއްޗެއް ގޮވާކަށް. އަންނާށޭ ބުނީމަ މިހުރީ އައިސް. ބުނެބަލަ ކީއްވެ އެހާވަރަކުން އަންނާށޭ ބުނީ..” ހައުލާ ސައިކަލު ފަހަތަށް އެރުމުން ޒުހުރީ ވާހަކަ ދެއްކިއެވެ.

“ހޫން. ހިނގާ ޒީނާ ކައިރިއަށް ދާން. ކޭކެއް އަޅަން ވެގެން. މަންމަގެ ބާރތްޑޭ ނެކްސްޓް ވީކްގަ. އެހެންވެ އެގެއަށް ދާން ވެގެން ޒީ އަންނާށެ ބުނެފަ އޮތީމަ..” ސައިކަލު ފަހަތަށް އަރާ ހަމަޖެހިލަމުން ހައުލާ ބުންޏެވެ. ޒުހުރީގެ މޫނުމަތިން އުފާވެރިކަން ފެންނަމުން ދިޔައެވެ.

“ތިކަމުގަ މަ މާލެ ހުއްޓާ ތި ގެނައީ.. ހޭބަލި ވެދާނެ..” ސައިކަލު ދުއްވާލަމުން ޒުހުރީ ބުންޏެވެ.

***

“ސާރާ އަހަރެންދެކެ ލޯތްބެއް ނުވޭތަ؟” އިޒުވާނަށް ބުނެލެވުނެވެ. އޭނަގެ އަޑުގައި ތުރުތުރުލުމެއް ހުއްޓެވެ. އިޒުވާނު ދެރަވެފައިވާކަން އޭނަގެ މޫނުމަތިން ފެންނަމުން ދިޔައެވެ. އޭނަގެ ހިތް ހުއްޓުނު ކަލައެވެ. ސާރާ ދެކެ ލޯބިވުން އެއީ އިޒުވާނަށްކުރެވުނު ކުށަކަށް ވާނަމަ އެކުށުގެ ސަޒާ އިޒުވާނަށް ލިބިއްޖެއެވެ.

“ސޮރީ އިޒުވާން. އަހަރެން ބޭނުމެއްނޫން ދޮގުތަކެއް ހަދައިގެން މި ގުޅުން ކުރިޔަށް ގެންދާކަށް. މިއީ އިޒުވާނެއް ނޫން. ހައުލާގެ ދިރިއުޅުން ހަލާކުވެގެން ދިޔަހެން މަގޭ ފަރާތުން އިޒުވާނުގެ ދިރިއުޅުން ހަލާކުވެގެންދާކަށް މަ ބޭނުމެއްނޫން. އެއްވެސް އިރެއްގަ މަ އިޒުވާނު ދެކެ ލޯތްބެއް ނުވޭ. އައި ޖަސްޓް ލައިކް ޔޫ..” ސާރާ ފުންނާވާއެއް ބޭރުކޮށްލިއެވެ. ކޮންމެ ގޮތެއް ވިއަސް ސާރާ ބޭނުންވީ ތެދުތެދަށް ހުރިހާ ވާހަކަތަކެއް ކިޔައިދޭށެވެ.

” ލޯބި ވޭތޯ ވަރަށް ޓްރައި ކޮށްފިން. ބަޓް އިތުރަށް ދޮގުތަކެއް ހަދައިގެން މި ގުޅުން ކުރިޔަށް ގެންދަން ބޭނުންނުވާތީ އަޅާނުލާ ހުރީ. އެހެންވެ އެ ހުރިހާކަމެއްގެ ހަޤީގަތް ހޯދަންވެސް ބޭނުންވީ. މަގޭ ކުށް އިޒުވާނަށް ޔެސް ބުނުމަކީ ވެސް.. އައި އެމް ސޮރީ އިޒުވާން..” ސާރާގެ ވާހަކަތަކުން އިޒުވާނަށް ނޭވާލުމަށްވެސް އުނދަގޫ ވަމުން ދިޔައެވެ. ނަމަވެސް ހަޤީގަތާއި ކުރިމަތިލާން މަޖުބޫރެވެ. މިއަދު އިޒުވާނަށް އެއްޗެއް ވިސްނޭނެނަމަ ހަމަ ރަނގަޅަށްވެސް އެވަނީ ވިސްނޭވަރުގެ ކަމަކާއި ކުރިމަތިލެވިފައެވެ. އެގޮތަށް ހައުލާވެސް އިޒުވާނު ދެކެ ލޯބި ވިއެވެ. އެކަމަކު އެދުވަހު އިޒުވާނުވެސް ކަންތައްކޮށްފައި ދިޔައީ ހައުލާގެ ހިތް ހަލާކުކޮށްލާފައެވެ. ހައުލާ އެކަމުގެ ބަދަލު ހިފަން މަޖުބޫރުވީވެސް ހަމަ އިޒުވާނުގެ ސަބަބުންނެވެ. ހުރިހާ އިންސާނުންނެއް އެއްގޮތެއް ނުވާނެއެވެ. އެއްބަޔަކު ލޯބިމަތިން ހަނދާން ނައްތާލުމަށް މަސައްކަތް ކުރާނީ އެކި ގޮތަށެވެ. އަނެއް ބަޔަކު ލޯބީގައި ދީވާނާވެ ލޯބީގައި ފުރާނަވެސް ދުއްވާލައެވެ. މަދު ބަޔަކު ލޯތްބަށްޓަކައި ބަދަލު ހިފުމަށްވެސް މަސައްކަތް ކުރާނެއެވެ.

***

ޒީނާ ހުރީ ގޭތެރެ ފޮޅާށެވެ. މީހަކު ދޮރުގައި ޓަކި ދިނުމުން ޒީނާ ގޮސް ދޮރު ހުޅުވާލިއެވެ. ޒުހުރީވެސް ހައުލާގެ ފަހަތުން އެތެރެއަށް ވަންނަން ތައްޔާރުވެގެން ހުއްޓެވެ. ހައުލާ ފެނުމުން އެތެރެއަށް ވަނުމަށް ޒީނާ އެދުނެވެ. ހައުލާވެސް އާދައިގެ ހިނތުންވުމަކާއެކު ޒީނާ ގައިގަ ބައްދާލިއެވެ. އޭރުވެސް ޒުހުރީ ބޭރުގައި ހުއްޓެވެ. ނަމަވެސް ޒުހުރީ ހުރިކަމެއް ޒީނާއަށް ނޭންގެއެވެ. އިރުކޮޅަކު އެހެން ހުރުމަށްފަހު ޒުހުރީވެސް އެތެރެއަށް ވަނެވެ. ޒީނާއަށް ޒުހުރީއަށް ބަލައިލެވުނެވެ. ބޮލުން ފެށިގެން ބޮޑުވާ އިނގިއްޔާ ހަމައަށް ނަޒަރު ހިންގާލެވުނެވެ. ޒީނާ ބަލާކަން އެނގުމުން ޒުހުރީ ހިތް އުފަލުން ފުރުނެވެ. ކޮންމެ ގޮތެއް ވިއަސް އެ ބެލުމުގައި އާދަޔާ ހިލާފު ގޮތެއް ހުރިކަން ޒުހުރީއަށް ވެސް ފާހަގަ ކުރެވުނެވެ. ޒުހުރީއަށް އައިސްފައިވާ ބަދަލުތަކުން ޒީނާއަށް ވަރަށް ލޯބިގޮތަކަށް ޒުހުރީއަށް ބަލާލުމަށްފަހު ހިނިތުންވެލިއެވެ.

“ވަދޭ އިށީންދޭ..” ޒީނާ ލުއި ހިނިތުންވުމެއް ފޮނުވާލަމުން އިށީނުމަށް އަތުން އިޝާރާތް ކޮށްލިއެވެ.

“ޒުހުރީ. ހާދަ ޗޭންޖު ވެފަ. މިހާރު އަދި ކިރިޔާ ޒުހުރީގެ ރީތިކަން މި ފެނުނީ. ހަމައަސްލުވެސް ވަރަށް ރީތި. ވަރަށް ލޯބި..” ޒީނާއަށްވެސް ޒުހުރީއަށް އައިސްފައިވާ ހެޔޮ ބަދަލުން ތައުރީފް ކޮށްލެވުނެވެ. ޒުހުރީގެ މޫނުމަތިން އުފާވެރިކަމުގެ ހިނިތުންވުމެއް ފާޅުވެގެން ދިޔައެވެ. ޒީނާގެ އެދުމުގެ މަތިން ގެނައި އެބޮޑު ބަދަލުންވެސް އެންމެ ބޮޑު ތައުރީފެއް ލިބިގެން ދިޔަކަމީ ޒުހުރީއަށް ލިބުނު އެންމެ ބޮޑު ހިތްހަމަ ޖެހުމެވެ.

“ކޮންތަނެއް ރީތީ..؟ ހީވަނީ މީހަކު ކަނޑާ ވައްޓާލަން ރެޑީކޮށްފަ ހުރި ރުކެއްހެން. ފަންކޮޅު ކޮށާލާ އޮރިޔާންވެފައެންނު..” ހައުލާ ސޯފާގައި އިށީންނަމުން ކޮށްލީ މަލާމަތެކެވެ. ހައުލާ އެހެން ބުނުމުން ޒީނާއަށް ކުޑަކޮށް ހެވުނެވެ. ނަމަވެސް ޒުހުރީގެ އެއްވެސް ސަމާލުކަމެއް ހައުލާ ބުނި އެއްޗަކަށް ނުދީ ސޯފާގައި އިށީނެވެ. އޭނަގެ ނަޒަރު ހުއްޓިފައިވަނީ ޒީނާއަށެވެ.

“ހޫމް ދެން ތިއެއް ނޫނޭ. ކޮންކަހަލަ ކޭކެއް ހައު ބޭނުންވެގެން ތިއުޅެނީ..” ޒީނާ ސޯފާގައި ހަމަޖެހިލަމުން ވާހަކަ ދެއްކިއެވެ. ޒުހުރީ އިނީ ޒީނާއަށް ކަޅިޖަހާނުލައި ބަލާށެވެ. ޒީނާގެ ކޮންމެ ހަރަކާތަކަށް ޒުހުރީ އިނީ ގެއްލިފައެވެ.

“ޒީ އަށް ފެންނަ ކޮންމެ އެއްޗެއްވެސް އޯކޭ ވާނެ. ބޭނުންވަނީ މަންމަ ހެޕީކޮށްލަން.” މަންމަ އޭ ބުނުމުން ޒީނާ މަޑުމޮޅިވެ ބަސްހުއްޓުނެވެ. ޒީނާގެ ހަރަކާތްތަކަށް ބަލަން އިން ޒުހުރީއަށް އެކަން ފާހަގަކުރެވުނެވެ.

“ކޮބާ ޒީގެ މަންމަ؟” ޒުހުރީގެ ސްވާލުން ޒީނާގެ ދެލޯ ކަރުނުން ފުރެމުން ދިޔައެވެ. އެމަންޒަރު ބަލަން އިން ޒުހުރީގެ ހިތަށް ވަރަށް އަސަރު ކުރުވައިފިއެވެ. ޒުހުރީ އެހެން އަހައިލީ އެއްވެސް ހާލެއްގައި ޒީނާ ދެރަކުރުމުގެ ނިޔަތުގައެއް ނޫނެވެ. ނަމަވެސް ޒީނާގެ ހިތަށް އަސަރުކޮށްފިކަން ޒުހުރީއަށް ވިސްނުނެވެ. ހައުލާ އަށް ވާނުވާ ނޭންގިގައި އިނދެވުނެވެ.

“ޒީ ރޮނީތަ؟ ހައުލާއަށް އެމަންޒަރު ބަލަން ނީންދެވިގެން ސޯފާއިން ތެދުވެގެން އައިސް ޒީނާ ކައިރީގައި އިށީނެވެ. ޒީނާއަށް ހަމަ ރަނގަޅަށްވެސް ރޮވިއްޖެއެވެ. އެމީހުން ކުރިމަތީގައި ކެތް ކުރެވޭތޯ ޒީނާ މަސައްކަތް ކުރި ނަމަވެސް އެކަން ވީ ބޭކާރު ކަމަކަށެވެ. ރޯން ބޭނުން ނުވިއަސް އޭނަގެ މަންމަމަތިން ހަނދާންވުމުން ޒީނާއަށް ރޮވުނެވެ. ކަރުނަތައް ފޮހެލަމުން ހިތްވަރުކޮށްލާފައި ޒީނާ ވާހަކަ ދައްކަން ފެށިއެވެ.

“މަންމަ ހާރޓް އެޓޭކެއް ޖެހިގެން އިހަށްދުވަހަކު ނިޔާވެއްޖެ. މަންމަ މިކޮޅަށް އައިދުވަހުގެ ރޭ ނިޔާވެއްޖެ. ދެރަވިޔަސް އެނގޭ އެއީ ކޮންމެ މީހަކަށްވެސް އަންނާނެ ދުވަހެއްކަން. މަންމަ މަތިން ހަނދާންވީމަ ރޮވުނީ..” ޒީނާ ހިތްވަރުކޮށްފައި ވާހަކަ ދެއްކިއެވެ. އެމީހުން ކުރިމަތީގައި ކަން ހިނގާދިޔަގޮތް ކިޔައިދޭކަށް ޒީނާ ބޭނުމެއް ނުވިއެވެ. ކިތައްމެ ހިތްވަރުކޮށްފައި އެހެން ބުނި ނަމަވެސް ޒީނާގެ ހިތްރޮއްވާލިއެވެ. ޒީނާގެ ބޮލުގައި ލޯބިން ހައުލާ ފިރުމާލިއެވެ. ހައުލާއަށްވެސް ހަމްދަރުދީ ވެވުނެވެ. ޒުހުރީ އެހެން އެތާ އިނަސް ޒީނާގެ ހިތުގެ ކެކުޅުން އިހްސާސްކުރެވުނެވެ. ޒީނާ ރޯތަން ބަލަން ޒުހުރީ އިނީ ކެތްކޮށްލައިގެންނެވެ. ޒީނާއަށްޓަކައި ހަމްދަރުދީ ވެވެނީ ކީއްވެކަން ހުދު އޭނައަށް ވެސް ނޭންގުނެވެ.

“ދެރަނުވޭ ޒީ.. އެއީ ކޮންމެ އިންސާނަކަށްވެސް ކުރިމަތިވާނެ ދުވަހެއް. އަހަރުމެން ޖެހޭނެ ކެތް ކުރަން. މި ދުނިޔެއަކީ އިމްތިހާނެއް. ދެރަވެ ހިތާމަ ކޮށްގެން ވާނެ އެއްވެސް ފައިދާ އެއް ނެތް. މަންމަ އަށް ހެޔޮދުޢާ ކުރޭ. މިހާރު މަންމަ އަށް ބޭނުންވާނީ ވެސް ޒީގެ ހެޔޮ ދުޢާ..” މިފަހަރު ވާހަކަ ދެއްކީ ޒުހުރީއެވެ. ހަމަ ރަނގަޅަށްވެސް ޒުހުރީގެ ހިތުގައި ޒީނާއަށްޓަކައި ހަމދަރުދީ ވެވުނެވެ. ޒުހުރީގެ އޯގާތެރި ބަސްތަކުން ޒީނާއަށް ކޮންމެވެސް ހިތްވަރެއް ލިބުނެވެ. ހައުލާއަށް އިނދެވުނީ ޒުހުރީއަށް ބަލަހައްޓައިގެން ބުނާނެ އެއްޗެއްވެސް ނޭންގިފައެވެ. ދުވަހަކުވެސް އެގޮތަށް ވާހަކަ ނުދައްކާ މީހަކު ކުއްލިއަކަށް ވާހަކަ ދެއްކި ގޮތުން ހައުލާ އަށްވެސް އިނދެވުނީ ބުނާނެ އެއްޗެއް ނޭންގި ބަސްހުއްޓިފައެވެ.

“ކޭކު ނިންމާފަ ހައުއަށް އަންގާލާ. ދެރަ ނުވާތި އިނގޭ. ހައު ދެން ދަނީ. އަދި ތަނަކަށް ވެސްދާންވެސް ޖެހޭ..” ހައުލާ ބޭނުންވީވެސް އެގޮތެވެ. އިތުރަށް ޒީނާ ދެރަކުރަން އޭނަވެސް ބޭނުމެއް ނުވިއެވެ. ޒުހުރީ އެތަނުން އެހާ އަވަހަށް ދާކަށް ބޭނުމެއް ނުވިއެވެ. އޭނަ ބޭނުންވީ ކުޑަ ވަގުތުކޮޅަކު ނަމަވެސް ޒީނާ ފެންނަ ހިސާބުގައި ހުންނާށެވެ. ހައުލާ ހިނގައިގަތުމުން ޒުހުރީވެސް ތެދުވިއެވެ. ހިނގައި ގަންނަމުން ޒީނާގެ އެ މައުސޫމު މޫނަށް ބަލައިލިއެވެ. ޒީނާއަކީ ކޮންކަހަލަ މާތް ކުއްޖެއް ހެއްޔެވެ. އޭނަގެ މަޑުމޮޅިކަމާއި ވާހަކަ ދެއްކުމުގައި ހުންނަ ސާދާ ގޮތަކުން ޒުހުރީއަށް ޒީނާއާ ދޭތެރޭ ފިކުރުކޮށްލެވުނެވެ. ޒީނާ ފޮނުވާލި ހިނިތުންވުމުން ޒުހުރީގެ ހިތަށް ފިނިކަމެއް ލިބުނެވެ.

***

 ސާރާ ބީވެގެން ދިޔުންވީ އޭނަގެ ހިތަށް ކެތްނުކުރެވޭވަރުގެ ކަމަކަށެވެ. ދުނިޔެމަތިން ފޫހިވެ އެކަނި އުޅުމަށް އިޒުވާނު ލޯބި ކުރަންފެށިއެވެ. ކެއުމާއި ދުރުވެ މުޅި މީހާ އަށް ބޮޑެތި ބަދަލުތަކެއް ދިޔައީ އަންނަމުންނެވެ. ސިނގިރެޓަކީ އިޒުވާނުގެ އެކުވެރިޔަކަށް ވާން ފެށިއެވެ. ޑިއުޓީއަށްވެސް ދަނީ ހިތަން އެރި ދުވަހަކުއެވެ. މީހުންގެ ތެރެއަށް ނުކުމެ އުޅުމާއި މަޖާކުރުންވެސް އެއީ އިޒުވާނަށް ގަޔާވާ ކަމަކަށް ނުވިއެވެ. ކޮޓަރީގައި ވަގުތު ހޭދަކުރުމަކީ އޭނަގެ ދިރިއުޅުމުގެ އާދައަކަށް ވެގެން ދިޔައެވެ. ދުވަސް ތައް އެގޮތުގައި ހޭދަކުރެވެމުން ދިޔައެވެ. ދުނިޔެއަށް އަންނަ ކޮންމެ ބަދަލަކާއެކު އިންސާނާއަށްވެސް ބަދަލުތަކެއް އަންނަމުންދެއެވެ. ނަމަވެސް ޒީނާގެ ހިތުގައި އިޒުވާނަށް ދެވިފައިވާ ލޯތްބާއި ޤަދަރު އެއީ ކޮންމެ ގޮތެއްވިއަސް ބަދަލު ނުވާނެ ހަޤީގަތެކެވެ.

ޒީނާ ހުރީ ހައުލާގެ އެދުމުގެ މަތިން ތައްޔާރު ކުރަން ބުނި ކޭކުގެ މަސައްކަތުގައި ވަރަށް އަވަދި އެމަސައްކަތުގައެވެ. އޭރު އޭނަގެ ފޯނު މޭޒުގެ އެއްފަރާތެއްގައި ބާއްވާފައި އޮތެވެ. ޒީނާ ހަމަ ވަރަށް ބުރަކޮށް ކޭކުގެ މަސައްކަތުގައި އުޅެމުންދިޔައެވެ. ކޭކު އެޅުމަށް ބޭނުންކުރާ ސާމާނު މޭޒުގެ އެކި ދިމާލުގައި އަތުރާލެވިފައި ހުއްޓެވެ. ތައްޔާރު ކުރަމުން ދިޔަ ކޭކަށް ބަލާލުމުންވެސް ޒީނާ އަކީ އެ މަސައްކަތުގައި ކުޅަދާނަ ކަނބަލެއްކަން ހާމަ ވެގެން ދާނެއެވެ. ޓީވީ އޭރު ކޮންމެވެސް އެއްޗެއް އަޅުވާފައި ހުއްޓެވެ. ޓީވީގެ އަޑުވެސް ހުރީ އާދައިގެ ވަރަކަށެވެ.

ފޯނު ވައިބްރޭޓްވާން ފެށުމުން ޒީނާ ގޮސް ފޯނަށް ބަލާލިއެވެ. ފޯނު ފެނުމާއެކު ޒީނާގެ މޫނުގެ ކުލަވަރު ބަދަލުވެ ދެލޯ ބޮޑުވެގެން ދިޔައެވެ. ހިތް ބާރު ބާރަށް ތެޅިގަތެވެ. ވިންދު އަވަސްވާން ފެށިއެވެ. މޭގެ ތެޅުން އަވަސްވެގެން ދިޔައެވެ. އޭރު އޭނަގެ ހިތްއެދޭ ހިތުގެ ރަސްގެފާނު އިޒުވާނު ގުޅަނީއެވެ. ޒީނާ އަށް ފޯނަށް ބަލަހައްޓައިގެން ހުރެވުނެވެ. ފޯނަށް ޖަވާބުދޭންވީ ބާއޭ ހިތަން އަރަމުން ދިޔައެވެ. ނޫނީ އަޅާނުލާ ހުންނަވީބާއޭ ހިތަށް އަރާ ހާލުގައި ބަލަހައްޓައިގެން ހުރެވުނެވެ. ކިތައްމެ ވަރަކަށް އިޒުވާނު އެއްފަރާތްކޮށް ބާކީކޮށްލަން މަސައްކަތް ކުރަން އުޅުނަމަވެސް އެއީ ޒީނާއަށް ވާނެ ކަމެއް ނޫނެވެ.

“ހަލޯ..” ހިތްވަރުކޮށްލާފައި ފޯނަށް ޒީނާ ޖަވާބު ދިނެވެ. ކިތައްމެ ވަރަށް އިޒުވާނު ކައިރިން ސަލާމަތްވާން ބޭނުންވިޔަސް ޒީނާގެ ޡަމީރު އެކަމަށް ތަންނުދެނީ ކީއްވެކަން ވެސް ޒީނާއަށް ނުވިސްނުނެވެ. އިޒުވާނުގެ އަޑުޖެހުނު ވަގުތުވެސް ޒީނާއަށް ހީވީ ކަންފަތްދަށުގައި އިޒުވާނު އައިސް ބޮސްދީފައި ދިޔަހެންނެވެ.

“ކޮންތާކު؟” އިޒުވާނުގެ ވާހަކައިގެ ރާގު ވަރަށް ތަފާތެވެ. އޭނަގެ އަޑުން ޒީނާއަށް ވިސްނާލެވުނެވެ. ހީވަނީ ކަމަކާއި ހިތްހަމަ ނުޖެހިފައި ހުރިހެންނެވެ. އެކަން ޒީނާއަށް ފާހަގަ ކުރެވުމުން އޭނަގެ ހިތް އިހުނަށް ވުރެ ބާރުބާރަށް ތެޅިގަތެވެ.

“ގޭގަ. ކިހިނެއްވީ؟” ޒީނާ ދިނީ ކުރުޖަވާބެކެވެ. ކުޑަކޮށް ހާސްވާގޮތްވިއެވެ. ކުއްލިއަކަށް ހުރިތަނެއް އިޒުވާނު އެހުމުންނެވެ. އަނެއްކާ އިޒުވާނު ކުއްލިއަކަށް އޭނަ މަތިން ހަނދާންވެގެން ގުޅަން ޖެހުނީ ކީއްވެބާއޭ ހިތަން އެރިއެވެ.

“އަހަރެން ބޭނުން ބައްދަލުކުރަން. މަ ބޭނުން ޒީނާ ގާތު ވާހަކަ އެއް އަހަން. ތި ގެ ހުރިތަނެއް ބުނޭ. ތި ހުރިތަނަކަށް މަ ދާން ބޭނުން.. މިހާރު މިވަގުތު މަ ބޭނުން ޒީނާ އާ ބައްދަލުކުރަން..” އިޒުވާނު ވާހަކަ ދެއްކި އަވަސް ރާގުން ޒީނާގެ ހިތުގެ ތެޅުންވެސް އަވަސް ވިއެވެ. ކުރަން ހުރި މަސައްކަތްމަތިންވެސް ފޫހިކުރުވައިފިއެވެ. ޒީނާ އަށް ހަދާނެގޮތް ހުސްވެގެން ދިޔައެވެ. އިޒުވާނު ފެންނަ ހިސާބެއްގައި ހުރުމަކީވެސް ޒީނާ އެދޭގޮތެއް ނޫނެވެ. އެހާ ދުވަސްކޮށްލާފައި އިޒުވާނު އޭނަ ހޯދަން އެ އުޅެނީ ކީއްކުރަން ހެއްޔެވެ.؟ ކޮންމެ ހާލެއްގައި އުޅޭން ޖެހުނަސް އިޒުވާނު ކުރިމައްޗަށް ދިއުމަކީ ޒީނާއަށް އެހާ ފަސޭހަ ކަމެއްވެސް ނޫނެވެ. ޒީނާއަށް ވިސްނާލަން ހުރެވުނެވެ. ދޭނެ ޖަވާބެއް ނޭންގިފައި ހުއްޓާ އިޒުވާނުގެ އަޑު ކަންފަތުގައި ޖެހުނު ވަގުތު ޒީނާއަށް ސިހުމެއް ލިބިގެން ދިޔައެވެ.

ޒިނާ ގެ ހުރިތަން ކިޔައިދެމުން އަވަހަށް ފޯނު ކަނޑައިލިއެވެ. އިޒުވާނު ދައްކަން އަންނާނީ އޭނަގެ ހަޔާތުގެ ކޮން ވާހަކައެއްބާއެވެ؟ މުޅިންވެސް ކަންތައް ދިމާވެފައި ހުރީ ހެންނެވެ. އިޒުވާނު އައުމުގެ ކުރިން ޒީނާ ކޮޓަރިއަށްވަދެ ލައިގެން ހުރި ހެދުން ބަދަލުކޮށްލައިގެން ކޮޓަރިން ނުކުތްތަނާހެން އިޒުވާނު އޭނަގެ ފޯނަށް ގުޅިއެވެ. މޭޒުމަތީގައި އޮތްފޯނު ނަގައިގެން ފޯނަށް ޖަވާބުދިނެވެ. ފޯނު ހިފައިގެން ބެލްކަންޏަށް ނުކުތްއިރު އިޒުވާނު އިނީ ސައިކަލުގައި އެމީހުން ދިރިއުޅޭ ފްލެޓް ކުރިމަތީގައެވެ. ޒީނާއަށް އިޒުވާނު ފެނުމުން ހިތަށް ކުރި އަސަރު ދެގުނައަށް އިތުރުވެގެން ދިޔައެވެ. އިޒުވާނު ފެންނަ ކޮންމެ ފަހަރަކު ޒީނާގެ ހާލަކީއެއީއެވެ. ކިތައްމެ ލޯތްބެއް ވިޔަސް ދުރުވާން މަސައްކަތްކުރިޔަސް އިޒުވާނު ކުރިމައްޗަށް ދިއުންވަނީ މަޖުބޫރުވެފައެވެ.

ޒީނާ އިޒުވާނަށް ގޮވައިލިއެވެ. އިޒުވާނު މައްޗަށް ކަނދުރާ ހިއްލާއިލިއެވެ. އޭނަގެ މޫނުމަތިން ފެންނަމުން ދިޔައީ ހިތާމައިގެ އަސަރުތަކެކެވެ. މައްޗަށް އެރުމަށް ޒީނާ އަތުން އިޝާރާތް ކޮށްލިއެވެ. އިޒުވާނު އައިސް ވަނުމުގެ ކުރިން ޒީނާ ދޮރުވެސް ހުޅުވައިގެން އިޒުވާނުގެ އިންތިޒާރުގައި ހުއްޓެވެ. އިޒުވާނު ދައްކަން އުޅޭ ވާހަކައެއް ހިތަން އަރާފައި ޒީނާގެ މޭގަނޑު ހީވަނީ ހަށިގަނޑުންވެސް ބޭރުވާން އުޅޭހެންނެވެ.

އިޒުވާނު އައިސްވަނީ ޒީނާ އޭނަގެ އިންތިޒާރުގައި ހުއްޓައެވެ. އިޒުވާނު ފެނުމުން  އޭނައާއި ހަތަރު ކަޅިވެސް ހަމަކުރާކަށް ނުކެރުނެވެ. އިޒުވާނު ފެނުމުން އިށީންނަށް އެދުނު ނަމަވެސް އިށީންނާކަށް އޭނަ ބޭނުމެއް ނުވިއެވެ. ޒީނާއަށް އިސްޖަހައިގެން ހުރެވުނީއެވެ. ދެ މީހުންގެ ދޭތެރޭގައި ހިމޭން ކަމުގެ ސުކޫތެއް ގެނުވައިފިއެވެ. އެކަކު އަނެކަކާއި ވާހާކަ ނުދައްކާ ބަލައިވެސް ނުލާ ތިބީއެވެ. އެ ހަމަ ހިމޭންކަން ފޫދުއްވާލީ ޒީނާއެވެ. ހިތްވަރު ކޮށްފައިވެސް ވާހަކަ ދެއްކީ ޒީނާއެވެ.

“ޖޫސްތައްޓެއް ބޭނުންތަ؟’ މަޑުމޮޅި ރާގެއްގައި ޒީނާ ބުންޏެވެ. އޭރުވެސް އިޒުވާނު ހުރީ ޒީނާއަށް ފުރަގަސްދީގެންނެވެ.

“އަހަރެން މިތަނަށް މިއައީ ޖޫސްތައްޓެއް ނޫނީ ކާއެއްޗެއްކާކަށް ނޫން. ޒީނާ ގެ ފަރާތުން ކަންތައްތަކެއް އޮޅުން ފިލުވަން..” އިޒުވާނުގެ ވާހަކަ ދެއްކުމުގެ ރާގު ތަފާތުކަން ޒީނާއަށް ފާހަގަކުރެވުނީ ހަރަކަށި ރާގެއްގައި އިޒުވާނު ޖަވާބު ދިނުމުންނެވެ. އިޒުވާނު ކޮށްފާނެ ސުވާލަކާއި ދޭތެރޭ ޒީނާގެ ސިކުނޑިއަށް ބަރުކަމެއް އިހްސާސްކުރެވެންފެށިއެވެ. އޭރުވެސް ޒީނާއަށް އިސްޖަހައިގެން ހުރެވުނެވެ.

“ޒީނާ މިދުވަސްކޮޅު ހާދަ ފާޑަކަށް؟ ވަރަށް ދުރުހެން ވެސް ހީވޭ. އަނެއްކާ އަހަންނަށް ގޯސްކޮށް ކަމެއް ކުރެވުނީތަ؟ ” އިޒުވާނު ވާހަކަ ދެއްކުމުގެ ރާގު ބަދަލުވެގެން ދިޔައެވެ. އޭރުވެސް އިޒުވާނު ހުރީ ޒީނާއަށް ފުރަގަސް ދީގެންނެވެ. ޒީނާ އިސް އުފުލާލުމަށްފަހު އިޒުވާނަށް ނަޒަރުދިނެވެ. ދުވެފައި ގޮސް ހަށިގަނޑުގައި ބައްދާލުމަށް ހިތް އެދުނެވެ. ނަމަވެސް އެއީ ޒީނާގެ ހައްޤެއް ނޫނެވެ.

“ތީ ހީވާގޮތް. ގޯސްކޮށް ކަމެއް ކުރެވުނަސް ކުރިޔަސް މަޢާފު ކޮށްފައި ހުންނާނީ.. އިރާދަކުރެއްވިއްޔާ އަހަރެންގެ ހިތުގައި އިޒުވާނަށް އެއްވެސް ހިތްބަރު ކަމެއް ނެތް…” ޒީނާ ހާމަ ކުރީ ތެދު ހަގީގަތެވެ. އޭނަގެ ހިތުގައި ވަނީ ސާފު ލޯތްބެވެ. ޒީނާ ގެ ޖަވާބު ސާދާވެފައި އެހާމެ އޯގާތެރިއެވެ. އޭރުވެސް އިޒުވާނު ހުރީ ޒީނާއަށް ފުރަގަސް ދީގެންނެވެ. ކޮންމެ ގޮތެއް ވިޔަސް އެއްވެސް ކަމެއް އަންގާކަށް ޒީނާ ބޭނުމެއް ނުވިއެވެ.

“އިޒުވާން ކިހިނެއްވީ؟” ޒީނާގެ ސުވާލުން އިޒުވާނަށް އުނދަގޫކުރިވިއެވެ. އިޒުވާނަށް ދެލޯ މަރާލެވުނެވެ.

“ކީއްވެހޭ ޒީނާ އަހަރެން އިގްނޯ ކުރަނީ. ކޮންމެ ފަހަރަކުވެސް ޒީނާ ކަންތައްކުރަމުންދާގޮތުން ހީވަނީ އަހަރެންގެ ފަރާތުން ޒީނާއަށް ވަރަށް އުނދަގޫ ކުރެވިފައޭ ހުރީ. އެކަމާ މަ ވަރަށް ވިސްނައިފިން. ހަމަ އެއްގޮތަކަށްވެސް ނޭންގުނު ކީއްވެކަމެއް؟” އިޒުވާނު ދައްކަން އެޅޭ ވާހަކައެއް ނޭންގިފައި ޒީނާއަށް ހުރެވުނެވެ. ނަމަވެސް ޒީނާއަށްވެސް އުނދަގޫތަކެއް ކުރެވެމުން ދިޔައެވެ. އޭނަގެ ހިތް ހީވަނީ މިހާރު ހަށިގަނޑުން ބޭރުވެދާނެ ހެންނެވެ.

“ތީ އިޒުވާނަށް ފީލް ވާގޮތް.. އިޒުވާނު ތީ މަގޭ ކާކު މަ އިގްނޯކޮށްގެން ތިވަރަށް ވިސްނަން” ޒީނާއަށް ނޭންގިނަމަވެސް ވަރުގަދަ ހަމަލާއެއް އިޒުވާނަށް ފޮނުވާލެވުނެވެ. ދޮގު ހަދަން އުޅެމުންވެސް ބުނެވުނީ ކީކޭކަން ޒީނައަށް ވިސްނުނީ މާފަހުންނެވެ. އެކަން އޭނަގެ މޫނުމަތިންވެސް ފާޅުވެގެން ދިޔައެވެ.

“ޒީނާ ނުބުންޏަސް އެނގޭ ޒީނާ އަހަރެން ދުރުކޮށްލައިފިކަން.. އެކަމަކު ވެސް މިއަދާހަމައަށް އަޅާނުލާ އަހަރެންވެސް ހުރީ ސަބަބު އެނގެން ބޭނުން ނުވާތީއެއް ނޫން. ކޮންމެ ފަހަރަކުވެސް ޒީނާ ދުވެ ފިލަނީ. ނޭންގެ ކީއްވެ ކަމެއް؟ އަހަރެންވެސް ގާތް މީހަކު ބޭނުންވާތީ ޒީނާގާތުގަ އަހަރެންގެ ގާތް މީހެއްގެ ގޮތުގަހުރުމަށް އެދުނީ..” އިޒުވާނު ވާހަކަ މެދުކަނޑާލަމުން ގޮސް ދޮރުކައިރީގައި ހުއްޓުނެވެ. ފުންނޭވާއެއްލަމުން އަނެއްކާވެސް އިޒުވާނު ވާހަކަ ދައްކަން ފެށިއެވެ.

“ޒީ ކަންތައް ކުރާގޮތުން ވަރަށް އުނދަގޫވޭ.. އެކަމަކުވެސް” އިޒުވާނުގެ ވާހަކަ މެދުކަނޑާލަން ޖެހުނީ ޒީނާ ވާހަކަ ދައްކަން ފެށުމުންނެވެ. ޒީނާ ވާހަކަ ދައްކަން ފެށީކެތް ނުވެގެންނެވެ. އިޒުވާނު އެނބުރިލީ ޒީނާ ވާހަކަ ދައްކަން ފެށުމުންނެވެ. އޭރު އިސްޖަހައިގެން ހުރި ޒީނާގެ ލޮލުން ފައިބަމުން ދިޔަ ކަރުނަތައް ވަރަށް ރީއްޗަށް އިޒުވާނަށް ފެންނަމުން ދިޔައެވެ.

“އިޒުވާނު. މަ ކޮންގޮތަކަށް ކަންތައްކުރީ ބުނެބަލަ..؟ އީމާ މަރުގެ ކަންތައް ހިނގާ ދިޔައިރު މަ ހުރި ހާލަތު އެނގޭނީ މަށަށްދޯ.. މަގޭ އިއްފަތްތެރިކަން ގެއްލި މަގޭ މަންމަ މަގޭ ލޯކުރިމަތީގައި ހިތްފަޅައިގެން ގޮސް މަރުވީ. ހުރިހާ ކަމެއް ވެގެން ދިޔައީ މަގޭ ކުރިމަތީގައި. އެންމެ ފަހަރަކުވެސް ގުޅާފަ ނޫނީ ދިމާވެގެން އިޒުވާނު އައިސް އިޒުވާނުގެ ލައިފްވާހަކަ ފަށާއިރު އެންމެ ފަހަރަކުވެސް މިއެކުވެރޔާ ގާތު އަހާލިންތަ ޒީނާ ހާލު ކިހިނެއްހޭ؟ ކަންތައްތައް ކިހިނެއްހޭ އަލާލެވުނުތަ؟ ” އިޒުވާނު ދެކެ ވާލޯތްބެއްގެ ބޮޑުކަމުން ޒީނާއަށް ނުހުރެވިގެން ބުންޏެވެ. އެއްވެސް ހާލެއްގައި އިޒުވާނު ކުރިމަތީގައި އެއްވެސް ވާހަކައެއް ހާމަކުރަން ބޭނުމެއްނުވިއެވެ. ނަމަވެސް އިޒުވާނު ކުރަންފެށީ މަޖުބޫރެވެ.

“މަ ބޭނުމެއްނޫން އިޒުވާނު ފެންނާކަށްވެސް. ވަގުތާއި ހާލަތުގެ ގޮތުން އިޒުވާނުގެ ކުރިމައްޗަށް ދެވެނީ. ކިރިޔާވެސް ގޮތެއް އޮތްނަމަކަ އިޒުވާނު ކުރިމައްޗަށް މަ ނުވެސް ދާނަން..” ޒީނާގެ އަރުބެދޭގޮތްވިއެވެ. އޭރުވެސް އޭނަގެ ދެލޮލުން ކަރުނަތައް އޮހެމުން ދިޔައެވެ. އިޒުވާނު ނޫން އެހެން މީހެއް ނަމަ ވަގުތުން އަންހެންކުއްޖެއްގެ ކަރުނަ ފޮހެދޭން މަސައްކަތް ކުރާނެތާއެވެ.

“އެއީ ކީއްވެ؟ ޒީއަށް އަހަރެންމީ މުހިއްމު މީހެއް ނޫނަސް އަހަންނަށް ޒީ ވަރަށް މުހިއްމު. ތިހާ އަހަރެން ދުރުކޮށްލަން ޖެހުނު ކޮންމެވެސް ސަބަބުތަކެއް ހުންނާނެ..” އިޒުވާނު ބޭނުންވީ ޒީނާގެ ހިތުގެ ފޮރުވަމުންދާ ކަންތަން ހޯދާށެވެ. ޒީނާ ބުންޏަސް ބުނީ ވެސް ތެދުވާހަކަތަކެވެ. އެހާ ގާތްކޮށް ދެކޭނަމަ އެންމެ ހާލުގައި އުޅުނު ދުވަހު ވެސް ހާލުބަލާނެތާއެވެ.

‘ކީއްވެ ތި ހުރިހާކަމެއް ވެގެން ދިޔައިރު އަންގާނުލީ؟” ޒީނާ ގެ ހާލަތު ހުރިގޮތުން ޒީނާއަށް އެއްވެސް މީހަކަށް އެކަން އަންގާނެ ގޮތެއްވެސް ނެތެވެ. އޭނަ ހުރީވެސް އެފަދަ ހާލަތެއްގައެއްވެސް ނޫނެވެ.  މިޒާޖުގެ ގޮތުން އޭނައަކީ މީހުންނަށް ކަންތައް ސިއްރުކުރަން ދަންނަ ކުއްޖެކެވެ. ހަޤީގަތް އެނގުނަސް އިންސާނުންނަކީ އެހާމެ އަވަހަށް ކަންތައް މަތިން ހަނދާންނެތިގެން ދާނެ ބައެކެވެ. އަބަދުވެސް އެމީހެއްގެ އަމިއްލަ އުފަލާއި ހިތްހަމަ ޖެހުމަށް އެންމެންވެސް އިސްކަންދޭ ޒަމާނަކަށް މިހާރުގެ މީހުންގެ ދިރިއުޅުމުގެ ވައްޓަފާޅިވަނީ ހޭނިފައެވެ.

“ކޮން ހައިސިއްޔަތަކުން..؟ އިޒުވާނު މުޅިންވެސް ވިސްނާނީ އިޒުވާނުގެ އަމިއްލަ އުފަލަށް.. އިޒުވާނު ތީ އެއްވެސް އިރެއްގައި އެހެން މީހުންގެ އިހްސާސްތައް ނޭންގޭ މީހެއްކަން އެނގިއްޖެ. މަ ނުޖެހޭއިޒުވާނު ގާތު ހުރިހާ ވާހަކައެއް ބުނާކަށް” ޒީނާ އަނެއްފަރާތަށް އެނބުރުނީ އިޒުވާނު ބަލާކަށް އެނގުމުންނެވެ.

“މަމީ އިޒުވާނުގެ ކާކު؟” ޒީނާއަށް ގިސްލެވުނެވެ. ޒީނާ ބުނަން ބޭނުން ނުވިއަސް މިހާރު ބައިވަރު ވާހަކަތައް އޭނަގެ ދުލުން ބޭރުވެގެން ދިޔައެވެ.

“ޒީނާއަށް އެނގޭތަ؟ އަހަރެންވެސް ވަރަށް އެކަނި ވެއްޖެ.. ޤަބޫލުކުރަން އަހަރެންވެސް މިއީ ކުއްވެރިއެއްކަން. އެތައް އަންހެންކުދިންގެ ދިރިއުޅުމަށްވަދެވިފަ ހުރިކަން.. ލޯތްބަކީ ކޮންކަހަލަ އެއްޗެއްކަން ވިސްނުނުއިރު ވަގުތު ފާއިތުވެއްޖެ.. ކިހިނެއް އަހަރެން ސާރާއާ ނުލާ އުޅޭނީ..” އިޒުވާނު އޭނަގެ ދެފައި މައްޗަށް ތިރިވިއެވެ. ލޯތްބެއް ބީވެގެން ދިއުމުން މިއަދު އެކަން އިޒުވާނުއަށް އިހްސާސްކުރެވުނެވެ. ޒީނާއަށް ފަސްއެނބުރި ބަލައިލެވުނެވެ. އޭރު އިޒުވާނު ދެފައި މައްޗަށް ތިރިވެ އިސްޖަހައިގެން އިނދެ ރޮމުން ދިޔައެވެ. ޒީނާއަށް އެމަންޒަރު ބަލާކަށް ކެތެއް ނުކުރެވުނެވެ. ޒީނާގޮސް އިޒުވާނުގެ ގާތުގައި އުޑުފައިން އިށީނެވެ. ޒީނާއަކީ ދިރިއުޅުމުގައި ހުރިހާ ލޯތްބަކުން މަޙްރޫމުވެފައިވާ ކުއްޖެކެވެ. އެހެނަސް އެ ހުރިހާ ކަމަކަށް ކެތްކުރިއެވެ.

“އިޒުވާން..” ޒީނާ ވެސް ރޮމުން ދިޔައެވެ. އިޒުވާނުގެ ހާލަތު ޒީނާއަށް ކިތައްމެހާވެސް ރަނގަޅަކަށް އިހްސާސްކުރެވުނެވެ. ލޯތްބަކީ ފާޑެއްގެ ޖަޒުބާތެކެވެ. އިޒުވާނަށް ޒީނާއަށް ބަލާލެވުނެވެ. އަންހެންކުއްޖެއްގެ ކުރިމަތީގައި ރޯންޖެހުމުން އިޒުވާނުވެސް ޖެހިލުންވިއެވެ. އެންމެގެ ނަޒަރުގައި ފިރިހެނުންނަކީ ކަރުނަ އަޅާފައި ރޯނެ ބައެއް ނޫނެވެ. ފިރިހެންނުންނަކީ އެއަށްވުރެ ހިތްވަރުގަދަ ބައެކެވެ. ނަމަވެސް ހަޤީގަތަކީ ފިރިހެނުންވެސް ރޯނެއެވެ. ގިސްލާފައި ކަރުނަ އަޅަމުން ރޯނެ ބައެކެވެ. އިންސާނުންނަކީވެސް ތަފާތު ބައެކެވެ. ފަސް އިނގިލި އެއްވަރެއްވެސް ނޫނެވެ. ރުއިމާއި ކަރުނަ އަކީ ހަމަ އެކަނި އަނހެނުންގެ ހައްގެކަމަށްވާނަމަ ހިތަކީވެސް ހަމަ އެކަނި އަންހެނުންނަށް ލިބިގެންވާނެ ގުނަވަނެއްތާއެވެ.

ޒީނާއަށްވެސް އިޒުވާނަށް ބަލާލެވުނެވެ. އޭނަގެ ދެލޯވަނީ ރުއިމުގެ ސަބަބުން ރަތްވެފައެވެ. މޫނުވަނީ ތާޒާކަން ގެއްލިފައެވެ. ހަމަ އެވަގުތު ދެމީހުންގެ ހަތަރު ކަޅި ހަމަވެގެން ދިޔައެވެ. ޒީނާއަށް އިޒުވާނުގެ ދެލޮލުން ސާރާދެކެވާ ލޯބި ކިތައްމެހާވެސް ސާފުކޮށް ފެންނަމުން ދިޔަކަހަލައެވެ. އިޒުވާނުގެ ލޮލުން ފައިބަމުންދިޔަ ކަރުނަތަކަކީ ސާރާއަށްޓަކައި އޮހޮރެމުންދިޔަ ކަރުނަތަކެވެ. އޭނަ ސާރާދެކެ ވީ ހަޤީގީ ލޯތްބެވެ. އެކަން ޙުދު އެ ދެލޮލަށް ބަލާލުމުން ފެންނަމުން ދިޔައެވެ. ޒީނާ މަޑުމަޑުން ތެދުވަމުން އިޒުވާނާއި ދުރަށް ޖެހުނެވެ.

އިންތަނުން ތެދުވެގެން ޒީނާ ދުރައްދިޔައީ ކެތް ނުވެގެންނެވެ. ޒީނާ ގެ ހިތްވިރިގެން ދިޔަކަހަލައެވެ. ލޮލުގައި ޖަމާވެފައިވާ ކަރުނަތައް އަނެއްކާވެސް އޭނަގެ ކޯތާފަތް ތެއްމާލީ އެއްވެސް އިހްތިޔާރެއްއް ނެތިއެވެ. އިޒުވާނު އެހެން އަންހެނަކު ދެކެ ލޯބިވާކަށް އެނގޭ ކޮންމެފަހަރަކު ޒީނާއަށް ކެތެއް ނުކުރެވެއެވެ. ލޯބިން ގޮސް ބައްދާލާފައި ހުރިހާ ވާހަކަތަކެއް ބަނޑުންކޮށްލަންވެސް ބޭނުންވިއެވެ. ހިތަށް ލިބެމުންދާ ވޭންތައް އިޒުވާނަށް އިހްސާސްވެސް ނުކުރެވެނީ ހެއްޔެވެ؟ ފައި މައްޗަށް ވެއްޓި އާދޭސް ކުރަންވީއޭވެސް ޒީނާގެ ހިތަށް އަރަމުން ދިޔައެވެ. އެވާހަކަތައް ކިޔައިދޭން ބޭނުންވިއަސް އެކަން ކުރަން ޒީނާއަށް ނުކެރެނީ އޭނައަށް ހައްޤުލޯތްބަކަށް ނުވާތީއެވެ. ކޮންމެ ގޮތެއްވިޔަސް އެނޫން އިންސާނަކު ޒީނާގެ ހަޔާތަށް ގެންނަންވެސް ބޭނުމެއް ނޫނެވެ. އެ ހިތުން ޖާގައެއް ލިބުނަސް ނުލިބުނަސް ޒީނާގެ ހިތުގައި ވަނީ އެންމެ ނަމަކެވެ. ލޯބިވީ އެންމެ މީހަކު ދެކެއެވެ. ޒީނާގެ ދެލޯ ކަރުނުންފޯވެ ކޯތާފަތް ތެއްމާލައިފިއެވެ. ލައިގެންހުރި ހެދުމުގައިވެސް ކަރުނަތައް ހަނގުރާމަ ކުރަނީއެވެ. ޒީނާ ކެތް ކުރަން އުޅުނަސް މިއަދު އިޒުވާނު ކުރިމަތީގައި ހުރިހާ ވާހަކަތަކެއް އޮއްސާލަން މަޖުބޫރުވެއްޖެއެވެ.

އިޒުވާނުވެސް އިންތަނުން ތެދުވަމުން ދެލޯ ފޮހެލިއެވެ. އެތަނުން ނުކުމެގެން ދިއުމަށް އިޒުވާނު ހިނގައިގަތެވެ. އެމަންޒަރު ޒީނާއަށް ފެނުމާއެކު ބާރު ހިނގުމެއްގައި ގޮސް އިޒުވާނުގެ ގައިގައި ބާރަށް ބައްދައިގަތެވެ. އިޒުވާނު ހުރީ އެކަހަލަ ކަމަކަށް ވިސްނައިގެން ނޫންކަމުން އިޒުވާނު ވެސް ފަސްފަހަތަށްގޮސް ނުވެއްޓުނީ ކިރިޔާއެވެ. ޒީނާ އުޅުނު ގޮތުން އިޒުވާނަށްވެސް ހުރެވުނީ ބުނާނެ އެއްޗެއް ނޭންގިފައެވެ. އޭނައަށް ޒީނާގެ ލޮލުން ފައިބަމުން ދިޔަ ކަރުނަތަށް ވަރަށް ރީއްޗަށް ފެންނަމުން ދިޔައެވެ. އިޒުވާނުގެ ބިޔަ ހަށިގަނޑުގައި ޒީނާ އޮޅުލައިގަނެގެން ހުރި އިރު ހީވަނީ ދުވަހަކުވެސް ދޫކޮށްލަން ބޭނުން ނުވާ ހެންނެވެ. ޒީނާގެ އަމަލުތައް ހުރިގޮތުން އިޒުވާނު ވެސް ހަދާނެގޮތް ހުސްވިއެވެ. ޒީނާ ގިސްލުމުގެ އަޑު އިޒުވާނުގެ ކަންފަތުގައި ޖެހުނެވެ.

އިޒުވާނު މަޑުމަޑުން އޭނަގެ ހަށިގަނޑުން ޒީނާ ދުރުކޮށްލަމުން އޭނަގެލޮލުން ފައިބަމުން ދިޔަ ކަރުނަތައް ފޮހެދިނެވެ. ލޯތްބާއި އޯގާތެރިކަމާއެކުގައެވެ. ނަމަވެސް އިޒުވާނަށް ނޭންގޭ ކަމަކީ ޒީނާ އެހާވަރަށް ރޯންޖެހޭ ސަބަބެވެ. ޒީނާ އިސްއުފުލާލާފައި އިޒުވާނުގެ މޫނަށް ބަލައިލެވުނެވެ. ލޯބިން ފުރިގެންވާ ގޮތަކަށެވެ. އެ ބެލުމުގައިވަނީ ލޯތްބާއި ހަމްދަރުދީއެވެ. ވޭނާއި ކެކުޅުމެވެ. އިޒުވާން ހާސްވާން ފެށިއެވެ. ޒީނާގެ އަނެއްކާވެސް އިޒުވާނުގައިގައި އޮޅުލައިގަތެވެ. ޒީނާ އުޅެމުންދިޔައީ މޮޔައަކު އުޅެމުންދާފަދަ ގޮތަކަށެވެ.

“އިޒުވާނު ތީ މި ދުނިޔޭގަ އަހަރެންގެ ހުރިހާވެސް މީހަކީ. އެންމެ ފުރަތަމަ ދުވަހު އިޒުވާނު ފެނުނު ހިސާބުން އަހަރެންގެ ހިތް އިޒުވާނަށް ދީފިން. އިޒުވާނަށްޓަކައި އަހަރެން ކަރުނަ ނާޅާ އެންމެ ދުވަހެއްވެސް ނުދާނެ. އަހަރެންގެ މަންމަ ނިޔާވެގެން ވެސް އަހަރެން ހިތާމަ ނުކުރާވަރަށް އިޒުވާނުގެ ލޯތްބަށް އެދި ހިތާމަ ކޮށް ކަރުނަ އަޅައިފިން. އިޒުވާނާއި ދުރަށްދާން އަހަރެން ވަރަށް މަސައްކަތްވެސް ކޮށްފިން. އެނގޭހާވެސް ކަމަކީ ތީ މަށަށް ހައްޤު ލޯތްބެއް ނޫންކަން. އިޒުވާނު އަހަރެންދެކެ ލޯބިނުވާކަންވެސް އެނގޭ. އިޒުވާނު އަހަރެންދެކެ ލޯބިވާން މަގޭ ގައިގަ ހުރީ ރީތިކޮން ސިފައެއް. ތިޔަ ސޫރަ ފެންނަންވެސް އަހަރެން ބޭނުމެއްނުވޭ. ،މިހިތަށް ކުޅަދާނަ އެއްވެސް ނޫން. އެހެން އަންހެނަކުދެކެ ލޯބިވާ ވާހަކަ އަޑު އަހާކަށް އަހަރެންގެ ކަންފަތަކަށް ކުޅަދާނައެއްނޫން. އިޒުވާނުގެ ލޯބި ކިތައްމެ ބޭނުން ވިޔަސް އަހަރެންގެ ދުލުން އެކަން ބަޔާން ކުރަންވެސް ބޭނުމެއް ނުވޭ. މަށަކީ ވަރަށް ނަސީބު ދެރަ މީހެއް..” ޒީނާ ސިއްރު ކުރަމުންދިޔަ ހުރިހާ ވާހަކަތަކެއް އެއްފަހަރާ އިޒުވާނުގެ ހަށިގަނޑުގައި އޮޅުލައިގެން އޮވެ ބަންޑުންކޮށްލެވުނީ ކެތް ނުވެގެންނެވެ،. އެ ހިތްވަނީ ކުދިކުދިވެފައެވެ. އެ ލޯބި ނުލިބުނަސް އެ ހުރިހާ ވާހަކަތަކެއް ގަސްތަކާނުލާ އެވަނީ އިޒުވާނުކުރިމަތީގައި ހާމަވެގެން ގޮސްފައެވެ. އޭރުވެސް ޒީނާ ގެ ދެލޮލުން ކަރުނަ އޮހެމުން ދިޔައެވެ.

އިޒުވާނަށް ހުރެވުނީ ބުނާނެ އެއްވެސް އެއްޗެއް ނޭންގި ބަސް ހުއްޓިފައެވެ. ދުނިޔޭގައި އޭނަ ދެކެ އެހާ ވަރަށް ލޯބިވާ މީހަކު ހުރެ އޭނައަށް އެކަން ނޭންގެންވީ ކީއްވެ ހެއްޔެވެ؟ އިޒުވާނަށް ބުނާނެ އެއްވެސް އެއްޗެއް ނޭންގިފައި ހުރެވުނެވެ. އޭނަގެ ގައިގައި ބައްދާލައިގެން މިއަދު އެހުރީ އޭނަދެކެ އެންމެ ލޯބިވާ ކުއްޖާހެއްޔެވެ؟ އޭނަގެ މޭގައި ބޯއަޅައިލައިގެން ރޯން އެ ހުރީ އޭނަދެކެ އިންތިހާއަށް ލޯބިވާ ކުއްޖާބާއެވެ؟ އޭރުވެސް ޒީނާ ހުރީއެވެ.

ޒީނާއަށް ކިޔުނު އެއްޗެހިތައް ހަނދާންވެގެން އިޒުވާނުގެ ގައިން ވީއްލިގަތެވެ. އިޒުވާނުގެ ސުވާލުން ފުރިގެންވާ އެހިތްގައިމު މޫނަށް ޒީނާއަށް ބަލާލެވުނެވެ. ޒީނާ އަވަސް އަވަހަށް ފަސްފަހަތަށް ޖެހުނެވެ. އިޒުވާނުގެ ސޫރަދެކެން ޒީނާ ބޭނުމެއް ނުވިއެވެ. ނޭންގި ނަމަވެސް ހިތުގެ އުދާސްތައް އޭނަގެ ކުރިމަތީގައި ބަންޑުން ކޮށްލެވުނެވެ. އަތުގެ ނުފުށުން ކަރުނަތައް ފޮހެމުން ބާރުހިނގުމެއްގައި ގޮސް ކޮޓަރިއަށްވަދެ ކޮޓަރި ތަޅުލިއެވެ. ކޮޓަރީގެ ދޮރުގައި ޒީނާ ލެނގިލައިގެން ހުރެ ރޯންފެށިއެވެ. ނަމަވެސް އޭނަގެ އަޑު ބޭރުވާގޮތެއް ނުވިއެވެ. ދުވެފައި ކަހަލަ ގޮތަކަށް ގޮސް އެނދުމައްޗަށް ވެއްޓިގައެވެ. ޒީނާގެ ހިތް ހަލާކުވެއްޖެއެވެ. އިޒުވާނު ދެކެ ލޯބިވުމަކީ ކުރެވުނު ބޮޑު ފާފައެއް ފަދައެވެ.

ޒީނާ ދެއްކި ވާހަކަތަކުން އޭނަގެ ހިތުގައި އަޅަމުން ދިޔަ ވޭންތަށް އިޒުވާނަށް އިހްސާސް ކުރެވުނެވެ. އޭނަގެ ލޯތްބަށް އެދޭވަރު ހާމަވެގެން ދިޔައެވެ. ޒީނާ އޭނަގެ ލޯތްބަށްޓަކައި ކެތްކުރަމުންދާވަރު ވެސް އިޒުވާނަށް ވިސްނާލެވުނެވެ. ޒީނާ ކޮޓަރިއަށް ވަތްގޮތަށް ހަބަރެއްވެސް ނުވިއެވެ. ދޮރުގައި ގޮސް ޓަކި ޖަހާލަންވެސް ނުކެރިފައި އިޒުވާނަށް އެދިމާއަށް ބަލަހައްޓައިގެން ހުރެވުނެވެ. ހަދާނީ ކިހިނެއްކަންވެސް ނުވިސްނުނެވެ. އެންމެ ރަނގަޅުގޮތަކީ އެތަނުން ދިއުން ކަމަށް ބަލާފައި އިޒުވާނު އެގެއިން ނުކުތެވެ.

ޒީނާ އެނދުމަތީގައި ބަނޑުން ރޯންއޮތެވެ. އޭނަ ބޭނުންވީ ވެސް ހިތްފުރެންދެން ރޯލާށެވެ. ހަޔާތުގައި އޭނަގެ ހުރިހާވެސް ބައިވެރިޔާކީ ކަރުނައެވެ. ހިތްހަމަ ޖައްސައިދޭ ލޯބިވެރިޔަކީ ވެސް އެކަރުނަތަކެވެ. ހިތަށް ކުރާ އަސަރުން ޒީނާގެ ހިތްވަނީ ކުދި ކުދި ވެފައެވެ. ދިރިއުޅުންވަނީ ވިއްސިވިހާލެވިފައެވެ. ހިތްވަރެއް ހުރިނަމަވެސް އެ ހިތްވަރު ކުރަނީ ހަމަ އެކަނި އަމިއްލަ ނަފްސަށްޓަކައެވެ. ލޯބި ސިއްރުކޮށްގެން ހިތްފަޅައިގެން ދާނެ ނަމަ ޒީނާ އަކީ ހަމަ ގައިމުވެސް އެ ބަލީގައި މަރުވާނެ އިންސާނެކެވެ. ކެތް ކުރުންވެސް ކޮޅުންލައިފިއެވެ. ކޮންމެ ގޮތެއްވިއަސް އިޒުވާނު ކުރިމަތީގައި ލޯބިވާކަން ހާމަ ކުރެވުނެވެ.

އެނދުމަތިން ހަށިގަނޑު ހިއްލައިލީ ހިތްފުރޭވަރަށް ރޯލާފައެވެ. ޒީނާގެ މޫނުވަނީ ރުއިމުގެ ސަބަބުން ދުޅަވެފައެވެ. ދެލޯވަނީ ރަތްވެ ކުޑަވެފައެވެ. އިސްތަށިގަނޑު ހުރީ ހޭވިގެން އޮޅިބޮޅިވެފައެވެ. މޫނު ރީތިކޮށްލަމުން ގޮސް ޑްރެސިން ޓޭބަލްކައިރީގައި ހުއްޓުނެވެ. ރަނގަޅަށް އޭނަގެ ސޫރައަށް ބަލައިލިއެވެ. ގިނައިރުތަކެއްވަންދެ ރުއިމުގެ ސަބަބުން މޫނުމަތީގެ އުޖާލާކަންވެސް ވަނީ ގެއްލިފައެވެ. ކޮޓަރިތެރެއަށް ނަޒަރު ހިންގާލިއެވެ. ކޮންމެވެސް އެއްޗެއް ހޯދާ އުސޫލުން ތަންތަން ހޯދަން ފެށިއެވެ. މަޑު ފިޔަވަޅެއްގައި ކޮޓަރީގެ ދޮރާއި ދިމާއަށް ހިނގައިގެތެވެ. ކޮޓަރީގެ ތަޅުގައި ހިފާލުމަށްފަހު ދޮރުހުޅުވާލުމަށް ބޭރު ބަލައިލިއެވެ. ސިޓިންރޫމުގައި އިޒުވާނު ހުރިތޯއެވެ. އިޒުވާނު ފެންނަން ނެތުމުން އަވަސް އަވަހަށް ބޭރަށް ނުކުތެވެ. މޭޒުމަތީގައި އޮތްވަޅި ޒީނާގެ ލޮލުގައި އަޅައިގަތެވެ. ވަޅި ހިފައިގެން ޒީނާ ގޮސްވަނީ ކޮޓަރިއަށެވެ. ވަޅި ހިފައިގެން ޒީނާ ކުރަން އުޅެނީ ކީއްކުރަންބާއެވެ؟

ހިތަށް ލިބެމުންދިޔަ އަނިޔާތަކަށް ޒީނާ އަށް އިތުރަކަށް ކެތެއްނުކުރެވުނެވެ. އިންތިހާއަށް ލޯބިވެ ޒީނާގެ ދިރިއުޅުން އިތުރަށް ކުރިޔަށް ގެންދަން ޒީނާ ބޭނުން ނުވަނީއެވެ. ދިރިއުޅުމައިގެން ކުރިޔަށް ނުދެވޭނެ ވަރަށް ޒީނާގެ ހަށިގަނޑުގައި ބާރު ހުސްވީހެއްޔެވެ؟ ވަޅިއަށް ޒީނާ ބަލަމުންދިޔައީ ވަރަށް ޝައުޤުވެރި ގޮތަކަށެވެ. ހީވަނީ މޮޔައަކު އެއްޗަކާއި ދިމާއަށް ބަލަމުންދާހެންނެވެ. ގޮތް ނޭންގޭ އެއްޗަކަށް ބަލާހެން ޒީނާ އެވަޅިއަށް ނަޒަރު ހިންގަމުން ދިޔައެވެ. ވަޅިއަށް ބަލަން ހުރުމަށްފަހު ވަޅީގެ މިޔައިގައި އަނެއްއަތުން އަތްހާކާލިއެވެ. އޭނަގެ މިލްކަކަށް ނުވި އިޒުވާނުނަށްޓަކައި ދުނިޔޭގައި ހުންނަންވެސް ފޫހިވެއްޖެއެވެ. އިތުރަށް ވަޅިއަށް ގެއްލިފައި ހުންނާކަށް ޒީނާ ބޭނުމެއް ނުވިއެވެ. އޭނަގެ އަވަސް ހަރަކާތުން އަތުގައި ވަޅި ދަމާލިއެވެ. އެހިނދު ޒީނާގެ އަތުންލޭތަށް އޮހިގަތެވެ. ޒީނާއަށް ދެލޯމަރާލެވުނެވެ. ހީވަނީ ދެން އިތުރަށް ދުނިޔެދެކެން ބޭނުން ނުވަނީހެންނެވެ. ތަދުވެގެން ކަމެއް ހިތަށް ލިބެމުންދިޔަ އަނިޔާތަކަށް ކެތްނުވެގެން ކަމެއް ވެސް ނޭންގެއެވެ. ޒީނާ ދެލޯ އަނެއްކާވެސް ހުޅުވާލިއެވެ. އަތުން ފައިބަމުން ދިޔަ ލޭތަކަށް ބަލަން ހުރެވުނެވެ. ހިތާމައިން ފުރިގެންވާގޮތަކަށް ލޯގަނޑުން އޭނަގެ ސިފައަށް ބަލާލެވުނެވެ. ހީވަނީ އޭނަގެ ސިފަ ފެންނާނެ އެންމެ ފަހު ފަހަރުކަމުގައި ދެކިގެން ބަލާލިހެންނެވެ. ޒީނާގެ ދެލޯ ކުޑަވަމުން ދިޔައެވެ. އޭނަގެ މޫނުމަތިން ލުއި ހިނިތުންވުމެއް ވެރިވެގެން ދިޔައެވެ. އަތުގައި އޮތްވަޅި ޓައިލްސް މައްޗަށް ވެއްޓުނެވެ.

“ދެން ކެތެއް ނުވާނެ. އަހަރެންވެސް ހީކުރީ ލޯބި ލިބޭނެކަމެއް. ލޯބި ލިބެން ނެތް ދުނިޔެއެއްގައި އުޅޭކަށް ބޭނުމެއް ނޫން. ކެތް ކުރެވިއްޖެ. އިޒުވާނުގެ ހިތުގައި އަހަންނަށް އެއްވެސް ޖާގައެއްނެތްކަން މިހާރު އެނގިއްޖެ. މި ހިތާމަތަކަށް ދެން ކެތެއްނުވާނެ. އަހަރެންގެ އެންމެ ފަހުނޭވާގައިވެސް އަހަރެން ބޭނުންވަނީ އިޒުވާނުގެ ލޯބީގައި ނިމިގެންދާން. އިޒުވާނު ކޮންމެވެސް ދުވަހަކުން އަހަރެންވީ ހަޤީގީ ލޯބިކަން ގަބޫލުކުރާނެ. އެކަމަކު ވަގުތު ފާއިތުވެގެން ދާފަހުން. އިޒުވާނު ދެކެ މަ ވަރަށް ވަރަށް ވަރަށް ލޯބިވޭ…” ޒިނާއަށް އެވާހަކަތަށް ބުނެވުނު ވަގުތު އޭނަގެ ހެއަށް ގޮތްވަމުން ދިޔައެވެ. ހަމަ އެވަގުތު ހުރި ގޮތަށް ޒީނާ ޓައިލްސްމައްޗަށް ޖެހުނެވެ.

“މަންމާ އަހަންނަށް މަޢާފު ކުރޭ..” އެންމެ ފަހުވަގުތު ޒީނާއަށް ބުނެލެވުނީ އެވަރަށެވެ.
***

ސަމާވެސް ޑިއުޓީ ނިންމާލުމަށްފަހު ގެއަށް އައިސް ވަނީ އިޒުވާނު އެގެއިން ނުކުމެގެން ދިޔަތާ އިރުކޮޅެއްވީ ފަހުންނެވެ. ސަމާގެ މޫނުމަތިން ވަރުބަލިކަން ފެންނަމުން ދިޔައެވެ. ހީވަނީ ދިގު ދަތުރެއް ކުރަން ޖެހުނު ދުވަހެއް ހެންނެވެ. ވެފައިވާ ވަރުބައްޔެއްގެ ސަބަބުން ފިނި ފެންފޮދެއް ބޯލުމަށް އައިސްއަލަމާރިން ފެންފުޅިއެއް ނަގައިގެން ކަރު ތެއްމާލިއެވެ. ޒީނާ ކޭކު އަޅަންވެގެން މަސައްކަތުގައި އުޅެފައި ހުރިކަން މޭޒުމައްޗަށް ބަލައިލުމުން އެކަން ސަމާއަށް އެނގުނެވެ. ފެންފުޅި އަލަމާރިއަށް ލުމަށްފަހު ޒީނާގެ ކޮޓަރިއާއި ދިމާއަށް ހިނގައިގަތެވެ. ޒީނާ ފެންނަން ނެތުމުން ޒީނާ ކޮބައިތޯ ބަލައިލުމަށް ބޭނުންވިއެވެ. ދޮރު ކައިރީގައި މަޑުކޮށްލުމަށްފަހު ތަޅުގައި ހިފިއެވެ. ނަމަވެސް ކޮޓަރީގެ ދޮރު ހުރީ އެތެރެއިން ތަޅުލާފައެވެ. ޒީނާ އަށް ދެތިން ފަހަރަކު ގޮވާލުމުން އެއްވެސް ޖަވާބެއް ނުލިބުނެވެ. ފާހަނާގައި އުޅެނީ ކަމަށް ހީކޮށް އަނެއްކާވެސް މަޑުކޮށްލައިގެން ހުރުމަށްފަހު ގޮވާލިއެވެ. ޖަވާބެއް ނުލިބުމުން ދޮރުގައި ޓަކިދޭންފެށިއެވެ. ނަމަވެސް އެތެރެއިން އެއްވެސް ޖަވާބެއް ނުލިބުނެވެ.

ސަމާގެ ހިތް ބާރުބާރަށް ތެޅެން ފެށިއެވެ. ޒީނާގެ ހާލަތު އޭނައަށް ވިސްނޭތީ ސަމާ ބިރުވެސްގަތެވެ. ހަދާނެ ގޮތް ހުސްވިއެވެ. އަނެއްކާވެސް ދޮރުގައި ބާރަށް ތަޅަށް ފެށިއެވެ. އެހެނަސް އެއްވެސް ހަބަރެއް އެތެރެއަކުން ނުވިއެވެ. ވިސްނާލަން ހުރުމަށްފަހު ކޮނޑުގައި އޮތް ދަބަހަށް ނަޒަރު ހުއްޓުނެވެ. ކުއްލިއަކަށް އެއްޗެއް މަތިން ހަނދާންވެގެން ދަބަހުގެ ޒިބު ކަހައިލިއެވެ. ބަލަން ނުހުރެ ދަބަހުގައި ހުރި ހުރިހާ އެއްޗެއް ބިންމައްޗަށް އޮއްސާލިއެވެ. އޭގެތެރެއިން ރީތިވާން ބޭނުން ކުރާ އެއްޗެއްސާއި އެހެނިހެން ތަކެތި ބިއްމައްޗަށް ބުރައިގެން ދިޔައެވެ. އެވަގުތު ލޮލުގައި ތަޅުދަނޑިފަތި އަޅައިގަތެވެ. އަވަސް އަވަހަށް އޭގައި ހުރި ތަޅުތަނޑިތައް އެދޮރުގެ ތަޅަށް ޖަހަން ފެށިއެވެ. އިސާހިތަކު އެދޮރުގެ ތަޅުދަނޑިން ދޮރު ހުޅުވުނެވެ. ސަމާ ހީވަނީ ނުކަތަވައިގެން އުޅޭހެންނެވެ. އޭނަގެ ހިތް ބުނަމުން ދިޔައީ ޒީނާއަށް ކޮންމެވެސް ކަމެއް ވެއްޖެ ކަމެވެ. އެކަން އޭނަގެ އަމަލުތަކުންވެސް ހާމަ ވަމުން ދިޔައެވެ.

ދޮރު ހުޅުވާލުމާއެކު ސަމާގެ ދެލޯ އަމާޒުވީ ޒީނާއަށެވެ. ބިއްމައްޗަށް ވެއްޓިފައި އޮތް ޒީނާ ފެނިފައި ސަމާއަށް ވީގޮތެއްވެސް ނޭންގުނެވެ. ލޮލުގައި އަޅައިގަތީ ވަޅިއާއި ލެއިން ތަތްވެފައިވާ ތަނެވެ. ޒިނާގެ އަތުން ފައިބަމުން ދިޔަ ލޭތަކުން ސަމާގެ ހަރަކާތް އަވަސްވިއެވެ. ދުވެފައި ކަހަލަ ގޮތަކަށް ގޮސް ޒީނާގެ ހަށިގަނޑާއި ދިމާއަށް ތިރިވެވުނެވެ. އަވަސް އަވަހަށް އެތަނުން ޒީނާގެ ހެދުމެއް ހިފައިގެން އައިސް ޒީނާގެ ވާއަތުގައި އޮޅާލިއެވެ. ނަމަވެސް ލޭ މަނާވާގޮތެއް ނުވިއެވެ. ޖީބުގައި އޮތްފޯނު ނެގިއެވެ. އެންބިއުލާންސަށް ގުޅިއެވެ. ސަމާއަށް ރޮވެންފެށިއެވެ. ޒީނާ މަރުވެއްޖެނަމަ އޭނަ ދުނިޔެއަށް ގިނަވީއެވެ. ޒީނާ ނޫނީ އޭނައަށް އެހީވާނެ އަޅާލާނެ އެހެން އެއްވެސް އިންސާނެއް މި ދުނިޔޭގައި ވެސް ނުހުންނާއެވެ. އޭރުވެސް ޒީނާގެ ދެލޯ ވަނީ މެރިފައެވެ. ހަރާކާތްވެސް ވަނީ ހުއްޓިފައެވެ. ޒީނާގެ މޫނަށް ބަލަމުން މޮޔައެއްފަދައިން ސަމާ ރޮމުން ދިޔައެވެ. މުޅިން ހަދާނެ ގޮތް ހުސްވިކަހަކައެވެ.

“ނޫން ޒީ. ކީއްވެ ތިގޮތަށް ކަންތައް ތި ކުރީ. ކީއްވެ؟ ޒީ މަރެއް ނުވާނެ. އެންމެ ފަހަރަކުވެސް މަށާ ދޭތެރޭ ވިސްނާލިނަމަ. ޒީ ދެލޯ ހުޅުވާލަބަލަ.. މީ ސަމާ އޭ. ޒީގެ ދައްތައޭ.. ޒީ ނެތް ދުނިޔެއެއްގައި އަހަރެންވެސް އުޅޭކަށް ބޭނުމެއްނޫން..” ސަމާގެ ހިތްވެސް ފަޅައިގެން ދިޔަހަލައެވެ. އެމީހުންގެ ހަޔާތުގައި މި ދިމާވަނީ ކޮންކަހަލަ ހިތްދަތި ކަންތަކެއް ހެއްޔެވެ؟ ޒީނާ ނަގައި އޭނަގެ އުނގުތެރެއަށް ލިއެވެ. ޒީނާގެ މޫނުގައި ދެއަތުން ފިރުމަމުން ދިޔައެވެ. މޮޔައެއް ފަދައިން ސަމާ ޒީނާއަށް ބަލަމުން ދިޔައެވެ. އިސާހިތަކު އެންބިއުލާންސް އައުމުން ޒީނާގެ ހަށިގަނޑު ހޮސްޕިޓަލަށް ގެންދެވުނެވެ.

***

“މަންމަވެސް މީ ވަރުގަދަ މީހެއް. އަދި ބުންޏޭ ހޮސްޕިޓަލަށް ގޮއްސަ އެޕޮއިންޓްމަންޓެއް ލިބޭތޯ ބަލާށޭ އެތެރެހަށީގެ މީހަކަށް ދައްކަން ވެގެން. ބައްޕައަށްވެސް އެވަރުގެ ކަމެއް ނުކުރެވޭނެ. އެތަނަށް ވަދެލާފަ ދާނީ..” ހައުލާއާއި ޒުހުރީ ތިބީ ޕޮއިންޓް އިން ބީޗުގައި ކޮފީއަށް އިންސާފުކުރާށެވެ. އެމޙީހުންގެ ޖަގަހައަކީ އެއީއެވެ.

“ކޮފީ ނިންމާލާފަ ދަމުން ބަލާލާނީ ދޯ” ޒުހުރީ ކޮފީތަށީގައި ތުން ޖަހަމުން ބުންޏެވެ.

“މިހާރު ފެގުވެސް ނުބޮނީތަ؟”ޒުހުރީ ސިނގިރޭޓެއް ރޯކޮށްނުލާ ހަމަ އެކަނި ކޮފީތަށިން ފުއްދާލާފަ އިނުމުން ހައުލާ ސުވާލުކުރިއެވެ. ޒުހުރީއަށް އަންނަމުންދާ ބަދަލުތަކުން ހައުލާވެސް އަޖައިބުވާން ފެށިއެވެ.

“ހުއްޓާލައިފިން. އައްސު ދެން ސިއްހަތަށް ގެއްލުންހުރި ކަމެއްވީމަ ހުއްޓާލީ. ކަޑަ ކަމެއްނު ދޯ. ހައުވެސް ދެން ތިކަން ހުއްޓާލާފަ ރަނގަޅު މީހެއްގޮތުގަ އުޅެން ވިސްނަންވީއްނު؟” ހައުލާ ދެބުމަ ގޮށްޖަހާލިއެވެ. ޒުހުރީގެ ބަސްމަގު ހުރިގޮތުންނާއި އުޅުމަށް އަންނަމުންދާ ބަދަލުތަކުން ޒުހުރީއަށް ކޮންމެވެސް ކަމެއް ވެއްޖެކަން ހައުލާއަށް ވިސްނުނެވެ. ނަމަވެސް އެކަމާ ގުޅޭގޮތުން އެއްވެސް ވާހަކަތަކެއް ދައްކާކަށް ހައުލާ ބޭނުމެއްނުވިއެވެ. ހައުލާއަކީ އެއަށްވުރެ ބޯ ހަރު ވިސްނުންތޫނު އަންހެނެކެވެ.

“އެއްކަލަ ބަޅ… ކަލޭ އިސްލާހުވެގެން ބޮލު ފޮށާ އަޅައިގެން ހުރޭ.. މަށަށްތި އާރޓްތައް ދައްކާނެ ކަމެއް ނެތް. ބަލާއެއް މިއުޅޭ އާލާތުންނަށް މިވާގޮތަކުން. ހޭބަލި އަރާފަ ތިބޭނީ. އަބަދު ހިނދުކޮޅު އައިސްގެން އުޅޭނީ..ކަލޭ ފެގު ނުބޮންޏާ ހުރޭ.. ކޮން ބަލާއެއް..” ހައުލާ އޭނަގެ ގޮތުގައި ފަތިވަރު އަމުނާލިއެވެ. ޒުހުރީ އެއްވެސް އެއްޗެކޭ ނުބުނެ ހަމަޖެހިލައިގެން އިނެވެ.

“ހިނގާ ދާން. މަވެސް މާލެ ދާންޖެހޭ. ކުޑަ ކަމެއްވެސް އެކޮޅުގަ އެބޮތް..” ކޮފީތަށި ހުސްކޮށްލަމުން ޒުހުރީ ބުންޏެވެ. ހައުލާ ބޮމުން ދިޔަ ސިނގިރޭޓް ބިންމައްޗަށް ވައްޓާލަމުން މޫނުމައްޗަށް ގޮތެއް ހަދާލަމުން ޒުހުރީއަށް ބަލައިލިއެވެ. ޒުހުރީ ވެއިޓަރު މީހާއަށް ގޮވާލުމުން އެމީހާ އެތަނަށް އައުމުން ބިލް ގެނައުމަށް އެދުނެވެ.  ކާރޑުން ފައިސާ ކެނޑުމަށްފަހު ތެދުވެގެން ހިނގައިގަތީ ސައިކަލާއި ދިމާއަށެވެ.

“ކަލޭ ވެސް އިސްލާހުވީ ދޯ.. އަނެއްކާ މިޅވެސް ކަމެއްފެށީހެން ހާދަ ހީވެޔޭ.. ޔަގީނޭ ކޮންމެވެސް އަންހެނެއްގެ އަވައިގައި ޖެހުނީކަން” ހިނގަމުން ގޮސް ހައުލާގެ ހަޑިހުތުރުދުލުން ޒުހުރީއަށް އެތިވަރު ގޮވާލިއެވެ. އެހެނަސް އެއްވެސް އެއްޗެކޭނުބުނެ ޒުހުރީ ގޮސް ސައިކަލަށް އެރިއެވެ.

***

ޒީނާ ދެއްކި ވާހަކަތަކަށް ވިސްނަމުން އިޒުވާނު ވެސް ސައިކަލުގައި އައިސް މަޑުކޮށްލީ ހޮސްޕިޓަލް ކައިރިއަށެވެ. ޒީނާ ލޯބިވާކަން ހާމަ ކުރުމުން އިޒުވާނަށް އެކަން ޤަބޫލުކުރަން ދަތިކަމަކަށް ވިއެވެ. ސިކުނޑީގައި ޒީނާ ދެއްކި ވާހަކަތަށް އުނދަގޫ ކުރަމުން ދިޔައެވެ. އިޒުވާނު ވެސް ހޮސްޕިޓަލަށް އައީ ޑޮކްޓަރަށް ދައްކާލުމަށެވެ. ޑިއުޓީއަށް ނުގޮސް މެޑިކަލް ސެޓްފިކޭޓެއް ހަދަން ބޭނުންވެގެންނެވެ. ހޮސްޕިޓަލް ދޮރުމަތީގައި ސައިކަލު ޕާރކު ކޮށްލުމަށްފަހު ފައިބައިގެން އެތެރެއަށް ވަނުމަށް ހިނގައިގަތެވެ. ހޮސްޕިޓަލަށްވަދެ ނަމްބަރެއް ނަގައިގެން ގޮޑިބަރީގައި ގޮސް އިށީނެވެ. މީހުން ގިނަ ކަމުން ހޮސްޕިޓަލު ތެރޭގައި މީހުން ކޮޅުކޮޅަށް ހޭލަމޭލަވަމުން ދިޔައެވެ.

ހައުލާއާއި ޒުހުރީވެސް ސައިކަލުގައި އައިސް ހޮސްޕިޓަލުގެ އެމަރޖެންސީ ފަރާތަށް ސައިކަލު ޕާރކުކޮށްލުމަށްފަހު ހޮސްޕިޓަލަށް ވަނުމަށް ހިނގައިގަތެވެ. އިޒުވާނުވެސް ނަމްބަރު ނަގައިގެން ގޮޑީގައި ހަމަޖެހިލައިގެން އިނެވެ. ބަލި މީހުން ގިނަ ކަމުން ފޫހިވާން ފެށުމުން އަތުގައި އޮތް ނަމްބަރު ކަރުދާސްކޮޅަށް ބަލާލުމަށްފަހު ހޮސްޕިޓަލް ތެރެ ބަލާލުމުގެ ނިޔަތުގައި ހޮސްޕިޓަލުގެ އެމަރޖެންސީ ފަރާތަށް ދިއުމަށް ތެދުވެގެން ހިނގައިގަތެވެ.

އެވަގުތު އެންބިއުލާންވެސް އައިސް ވަތްތަން ފެނުމުން އިޒުވާނު މަޑުޖެހުނެވެ. އެންބިއުލާންސް މަޑުކޮށްލުމާއެކު އޭގައި ގެނައި ބަލި މީހާ ނެރެންވެގެންއޭގައި ތިބި އެހީތެރިން އަތްމަތި އަވަސްކޮށްލައިގެން އުޅުނެވެ. އެމީހުން އުޅުނު ގޮތުން އެއީ ކޮންމެވެސް ބޮޑުކަމެއްވެގެން ގެނައި ބަލިމީހެއްކަން އިޒުވާނަށްވެސް އެނގުނެވެ. ހައުލާއާއި ޒުހުރީވެސް އެމަންޒަރު ބަލަން ދުރުގައި މަޑުކޮށްލައިގެން ތިއްބެވެ. ސަމާ ރޮމުން އެންބިއުލާންސް އިން ފޭބިއެވެ. އެވަގުތު އޭގެތެރެއިން ޒީނާގެ ހަށިގަނޑު ނެރުނުތަން އިޒުވާނުގެ ލޮލުގައި އަޅައިގަތެވެ. އިޒުވާނަށް ވީގޮތެއްވެސް ނޭންގުނެވެ. މާ ނޫންގޮތަށް މަންޒަރު ބަލަން ހުރި ޒުހުރީއަށްވެސް އެދިމާއަށް ބަލާލެވުނީ އިއްތިފާގަކަށްވެސް ވެދާނެއެވެ. އިޒުވާނަށްވެސް ހުރެވުނު ތަނެއް ނޭންގުނެވެ. ޒީނާގެ ދެލޯ ވަނީ މެރިފައެވެ. އަތުގައި އޮޅާފައި އޮތްފޮތިގަނޑު ލެއިން ތަތްތެޅިފައި ހުރިތަން އިޒުވާނުގެ ލޮލުގައި އަޅައިގަތެވެ. ޒުހުރީއަށްވީ އެހެން ގޮތެކެވެ.

“ޒީނާ” އޭ ބުނެވުނެވެ. ހަމަ އެވަގުތު ޒުހުރީ އެދިމާއަށް ބާރު ބާރަށް ހިނގައިގަތެވެ. އެވަގުތު ހައުލާއަށްވެސް އެމަންޒަރު ފެނުނެވެ. ހައުލާވެސް ޒުހުރީގެ ފަސްފަހަތުން އެދިމާއަށް ހިގައިގަތެވެ. އޭނަގެ މޫނުމަތިންވެސް ނުތަނަވަސްކަން ވެރިވެގެން ދިޔައެވެ. ޒީނާ އޮތްހާލު ފެނިފައި ޒުހުރީގެ ހިތް ފުނޑުފުނޑުވެގެން ފޭބި ކަހަލައެވެ. އިޒުވާނަށްހީވީ މީހަކު އޭނަގެ މޫނުގައި ބާރު އެތިފަހަރެއް ޖެހިހެންނެވެ. އެވަގުތު ޒީނާ ދެއްކި ވާހަކަތަށް އޭނަގެ ކަންފަތްބުޑުގައި އިވެމުންދިޔަ ކަހަލައެވެ. އެވީ ކުޑަވަގުތުކޮޅުތެރޭގައި ޒީނާ އަމިއްލައަށް ފުރާނަ ދުއްވާލާނެކަމަށް އިޒުވާނަށް ޤަބޫލުވެސް ނުކުރެވުނެވެ. ޒުހުރީ އުޅުނުގޮތުން ހައުލާ ކުރަމުންދިޔަ ޝައްކު ޔަގީނަށް ބަދަލުވެގެން ދިޔައެވެ. ހައުލާ ވަރަށް ފަރުވާތެރިކަމާއެކު ޒުހުރީއަށް ބަލަމުން ދިޔައެވެ.

ވަގުތުން ޒީނާގެ ހަށިގަނޑު އެމަރޖެންސީ ކޮޓަރިއަށް ގެންދެވުނެވެ. އިޒުވާނަށް އެންމެ ފިޔަވަޅެއްވެސް އަޅާނެ ހިތްވަރެއް ނުލިބުނެވެ. ހުރި ފިޔަވަޅު މަތީގައި ހުރެވުނެވެ. ޒުހުރީ ބެލީ ކޮންމެވެސް ގޮތަކުން އެތެރެއަށް ވަންނާށެވެ. ނަމަވެސް އެތެރެއަށް ވަނުމުގެ ހުއްދައެއް ނުލިބުނެވެ. ޒުހުރީގެ ހިތަށް ކުޅަދާނައެއް ނުވިއެވެ. ޒީނާ އޮތް ހާލު ފެނިފައި ޒުހުރީގެ ލޮލުގައި ކަރުނަތަށް ޖަމާވަމުން ދިޔައެވެ. އޭނަ އުޅުނު ގޮތުން ހައުލާ ހުރީ ބުނާނެ އެއްޗެއް ނޭންގިފައެވެ.

ބަލަން ނުހުރެ ޒުހުރީ ހޮސްޕިޓަލުން ނުކުތެވެ. އޭރުވެސް ލޮލުގައި ޖަމާވަމުންދިޔަ ކަރުނަތައް ލޮލުތެރޭގައި ހަނގުރާމަ ކުރަމުން ދިޔައެވެ. ސައިކަލަށް އެރުމަށްފަހު ބާރު ދުވެއްޔެއްގައި ސައިކަލު ދުއްވާލިއެވެ. ޒުހުރީއަށް ދެވޭ ނުދެވޭ ދިމާލެއް ނޭންގުނެވެ. ކުރަންއުޅުނީ ކީއްބާވައެވެ؟ ކޮންމެ ގޮތެއް ވިއަސް ޒުހުރީއަށް ޒީނާ އޮތް ހާލުން ވަރަށް އަސަރުކުރުވައިފިއެވެ. ސައިކަލުގައި ދުއްވަމުން ދިޔައިރު ޒީނާ އޮތްހާލު ޒުހުރީއަށް ސިފަވަމުން ދިޔައެވެ. އޭނަގެ ދެލޯ ކަރުނުން ފުރެމުން ދިޔައެވެ. އަނގައިން ބާރަށް ނޭވާލަމުން ދިޔައެވެ. ސައިކަލުގައި ދިޔަ ގޮތަށް ގޮސް ފެރީ ގިމަތަ ސަރަހައްދުގައި ހުންނަ، މީހުން ކިޔާގޮތުންނަމަ “މަރީނާބޭ” ދިމާލަށް ސައިކަލު މަޑުކޮށްލިއެވެ. ސައިކަލު ޕާރކުކޮށްލުމަށްފަހު ހިނގައިގަތީ އެދިމާލުގައި ހުންނަ ފިތުރޯނު ގަހާއި ދިމާއަށެވެ. އެތަނުގައި  މަޑުޖެހުނެވެ. ފުންނޭވާއެއްލުމަށްފަހު ހަމަޖެހޭތޯ މަސައްކަތްކުރަމުން ދިޔައެވެ. ޒުހުރީއަށްވަމުންދާގޮތް ޙުދު އޭނާއަށްވެސް ނޭންގެއެވެ. މޮޔައަކު އުޅޭފަދައިން ޒުހުރީ ކޮޅުކޮޅަށް ހޯދާ ބަލަމުން ދިޔައެވެ. ދެލޮލުގައި ޖަމާވަމުންދިޔަ ކަރުނަތައް ހުރީ ކަސްތޮޅު އެޅުވިފައެވެ. އުޅެވޭ ނޫޅެވޭގޮތެއްވެސް ނޭންގުނެވެ. އޭނަ ގެނައި ކުއްލި ހަރަކާތަކާއެކު އަތް މުއްކަވާފައި އެތަނުގައި ހުރި ފިތުރޯނު ގަހުގައި ބާރަށް ޖެހިއެވެ. ޖެހި ވަގުތު އަތަށްތަދުވިކަން އޭނަގެ މޫނުމަތިން ފެންނަމުން ދިޔައެވެ. އޭނަގެ ހިތަށް ވެސް އެކަމުގެ އަސަރުކޮށްފައިވާކަންވެސް ހާމަވަމުން ދިޔައެވެ. ލޮލުގައި ޖަމާވެފައިފައިވާ ކަރުނަތަށް އިސާހިތަކު އޭނަގެ ކޯތާފަތް ތެއްމާލިއެވެ.

“ޒީނާ މަރެއް ނުވާނެ. ޒީނާ އަހަންނަށްޓަކައި ދުނިޔޭގައި ހުންނަން ޖެހޭނެ. މަ ޒީނާދެކެ ވަރަށް ވަރަށް ލޯބި…” ޒުހުރީގެ އަޑު ބެދުނެވެ. ޒުހުރީ ކިތައްމެ ފޮރުވަން މަސައްކަތް ކުރި ނަމަވެސް އޭނަގެ އަމަލުތަކުން އޭނަ ޒީނާދެކެ ލޯބިވާ ވަރު ހާމަވެގެން ދިޔައެވެ. ހަމަ ރަނގަޅަށްވެސް ޒުހުރީއަށް ޒީނާދެކެ ލޯބި ވެވިއްޖެއެވެ. ނޭންގި ނަމަވެސް ޒުހުރީގެ ހިތް ޒީނާއަށް ހިބައިން ދެވިއްޖެއެވެ. ލޯތްބަކީ ކިހާ ވިޔާނުދާ ޖަޒުބާތެއް ހެއްޔެވެ. ނޭންގި ހުއްޓާ ޒުހުރީއަށް ޒީނާ ދެކެ ލޯބި ވެވުނީއެވެ. އޭނައަށް އައިސްފައިވާ ބޮޑު ބަދަލަކުންވެސް ޒީނާދެކެ އޭނަ ވެވުނު ލޯބީގެ ބާރުގަދަކަން ހެއްކަކަށް ފުދޭނެއެވެ. މުޅި ދިރިއުޅުމުގެ ވައްޓަފާޅި ބަދަލުކޮށްލީ ޒީނާއަށްޓަކައެވެ. ހަމަ ހަޤީގަތަށްވެސް ޒުހުރީގެ ހިތް ޒީނާއަށް ދެވުނީއެވެ. އެންމެ ފުރަތަމަ ޒީނާ ފެނުނު ދުވަހުން ފެށިގެން ޒީނާގެ ކިބައި އާދަޔާހިލާފު އެތައްކަމެއް ޒުހުރީއަށް ފާހަގަ ކުރެވުނެވެ. ލޯތްބަކީ ރީތި ހުތުރަކުން ވެވޭ އެއްޗެއް ނޫނެވެ. މީހާ ގައިގައި ހުންނަ މައުސޫމުގޮތަކުންވެސް މީހަކު ދެކެ ލޯބިވެވިދާނެއެވެ. ޒުހުރީއަށް ޒީނާދެކެ ލޯބިވެވުނީ އެފަދަގަތަކުން ކަމަށްވެސް ވެދާނެއެވެ.

***

އިޒުވާނު އަދިވެސް ހުރިތަނުގައި ހުރެވުނީއެވެ. ކޮންމެ ގޮތެއްވިއަސް ޒީނާ މަރުވި ނަމަވެސް އެކަމުގައި އޭނަގެ ކުށެއް ނެތެވެ. ޒީނާ އޭނަދެކެ ލޯބިވިކަމީ އެއީ އޭނަގެ ކުށެއްވެސް ނޫނެވެ. ފުންހިޔާލެއްގެ ތެރެއަށް ގެއްލިފައި އިޒުވާނަށް ހުރެވުނެވެ. ޒުހުރީ ދިޔަގޮތަށްދިޔައީ ހިތަށް ކެތްނުވެގެންނެވެ. ޒީނާ އަށް ލިބޭ ކޮންމެ އަނިޔާއަކީވެސް ޒުހުރީއަށްވެސް ލިބޭ އަނިޔާއަށް މިހާރުވަނީ ވެފައެވެ. ޒުހުރީއަށް ޒީނާދެކެ އިންތިހާއަށް ލޯބިވެވުނެވެ. ހައުލާ އަށް ހުރެވުނީ ޒުހުރީ ވީތަނެއް ނޭންގިފައެވެ. ފޯނަށް ގުޅުމުން ފޯނުވެސް އޮތީ ނިއްވާލާފައެވެ. ހައުލާ ހާސްވާންފެށިއެވެ. ޒީނާގެ ހާލު ބަލަން ހައުލާވެސް އަވަސްވެގަތެވެ. އޭރުވެސް އިޒުވާނު ޙިޔާލަކަށް ގެއްލި ގަބުވެފައި ހުއްޓެވެ. އޭރުވެސް ހައުލާއަށް އިޒުވާނު ހުރިތަނެއް ނުފެނެއެވެ. ހުރިކަމެއް ވެސް ނޭންގެއެވެ. އެމަރޖެންސީ ރޫމަށް ދިއުމަށް ހިނގައިގަތްވަގުތު ހައުލާގެ ލޮލުގައި އިޒުވާނު އަޅާއިގަތެވެ. އޭނަ ހުރިގޮތްފެނިފައި ވެސް ހައުލާގެ ހިތް ރޯވަމުން ދިޔައެވެ. ހައުލާގެ ސިނކުޑިއަށް ވަންނަމުން ދިޔަ ވަސްވާސްތަކާއެކު އެދިމާއަށް ހިނގައިގަތެވެ.

“އަދިވެސް ކަލޭ މައިތިރިވާކަށް ނޫޅެންދޯ. ފެނިއްޖެތަ އެފަކީރު އޮތް ހާލު. ތިހެން މީހުންގެ ދިރިއުޅުމަށް ޒަހަރުނުލާ މައިތިރިވެބަލަ. ކަލޭ ތީ ހާދަ ގޮތް ކުޑަ އިންސާނެކޭ. ކަލޭގެ ސުންޕާއާ ހެދި ކިތައް އަންހެން ކުދިންގެ ދިރިއުޅުން ސުންނާފަތިވަމުން އެދަނީ.. ބަލަ ދޮންކަލޯ އަންހެނުންނަކީ ކަލޭމެން ނާޗަރަންގީ ކުޅެން ގެންގުޅޭ ބަޔަކަށް ނުހަދަބަލަ.. ބުނަން ރަނގަޅު ވާހަކަ އެއް. މަ އަދިވެސް މި ބުނަނީ ކަލޭ ހަމަނޭވާލިޔަ ދޭކަށް މަ ބޭނުމެއްނޫނޭ.. އަދިވެސް ކަލޭގެ ދިރިއުޅުން ފުޑުފުޑުކޮށްލާނަން.” ހައުލާ އައިގޮތަށް އައިސް ބަވައިގަތުމުން އިޒުވާނު ސިހިފައި ހައުލާއަށް ބަލައިލިއެވެ. އިޒުވާނު އެއްވެސް ރައްދެއްނުދީ މަޑުން ހުރީ އެއީ ހޮސްޕޓަލެއްކަން އެނގި އެތަނުގައި މީހުންވެސް އުޅެމުންދާތީއެވެ. އޭނަގެ މޫނުމަތިން އޭރުވެސް ފެންނަމުން ދިޔައީ މާޔޫސްކަމެވެ.

އެވަގުތު އެމަރޖެންސީ ކޮޓަރީގެ ދޮރުހުޅުވާލާފައި ސަމާ ނުކުތްތަން ހައުލާއަށް ފެނުނެވެ. އިޒުވާނަށް ލޯއަޅާލުމަށްފަހު ހައުލާ އެދިމާއަށް ހިނގައިގަތެވެ. އިޒުވާނުވެސް ހައުލާގެ ފަހަތުން ހިނގައިގަތެވެ.

“ޒީ މިހާރު ކިހިނެއް..؟” އިޒުވާނަށް އަހާލެވުނެވެ. ސަމާ ފެނިގެން އެންމެ ފުރަތަމަވެސް އިސްވެ ވާހަކަދެއްކީ އިޒުވާނެވެ.

“ތީ ކާކު؟” އިޒުވާނަށް ރަނގަޅަށް ނަޒަރު ހިންގާލަމުން ސަމާވެސް ކޮށްލީ ސުވާލެކެވެ. ހައުލާގެ މޫނަށް ސަމާ ބަލާލަމުން އިސްޖަހައިލިއެވެ. ޒީނާގެ ހާލު ފެނިފައި ސަމާއަށް ރޮވުނެވެ. ޖަވާބު ދޭން ހިތްވަރުކޮށްލާފައި ކަރުނަތައް ފޮހެލިއެވެ.

“الحَمْدُ ِلله މިހާރު ކުޑަކޮށް ރަނގަޅު. މިކޮޅުގަ ދެދުވަސްވަރު އެޑްމިޓްކޮށްފަ ބާއްވާނެ ވާހަކަ ޑޮކްޓަރު ބުނީ. ލޭމަދުކަމުން ގައިގަ ވަރުވެސް ނެތޭ ބުނީ. އަދިވެސް ހޭ ނާރާ. ޑޮކްޓަރު ބުނީ ރަނގަޅުވާނެކަމަށް. ކިރިޔާވެސް ލަސްކުރި ނަމަ ފުރާނައަށް ނުރައްކާވާނެ ވާހަކަ ވެސް ބުނި. މަށަށްވެސް ގެއަށް އާދެވުނީ ނަސީބެއްކަންނޭގެ. އެހެންނޫނީ ޒީ..” ސަމާގެ ވާހަކަތަކުން އޭނައަށް އަސަރުކޮށްފައި ހުރިކަން އެނގުނެވެ. އެހުރިހާ ވާހަކަތަކެއް އަޑުއަހަން ހުރި އިޒުވާނަށް ދެލޯ މަރާލެވުނެވެ. ޒީނާއަށް ކަމެއް ވިނަމަ މިއަދު އެކަމުގެ ހުރިހާ ޒިންމާއެއްގެ ވެރިޔަކަށްވާނީ އޭނައެވެ.

“ތީ އިޒުވާނު ދޯ..؟”ފުންކޮން ވިސްނާލަން ހުރުމަށްފަހު ސަމާ ބުންޏެވެ. ހައުލާއަށް އިޒުވާނަށް ބަލާލެވުނެވެ. ހައުލާ ބަލައިލިގޮތުންވެސް ކޮންމެވެސް ސިއްރެއްވާކަން އޭނައަށް ވިސްނުނެވެ. އެކަން އޭނަ ބަލަން ހުރި ގޮތުންވެސް ހާމަވަމުން ދިޔައެވެ. ހައުލާގެ ސިނކުޑިއަކީ ހިޔަޅުގެ ސިކުނޑިއަށްވުރެ ވިސްނުންތޫނު ސިކުނޑިއެއް ގެންގުޅޭ އަންހެނެކެވެ.

“ހިއެއްނުވޭ އެތެރެއަށް ވަދެވޭނެހެން. އެތެރޭގައި ވަރަށް މީހުންގިނަ. ގެއަށް ދޫކޮށްލީމަ އަންނަން ދާންވީއެއްނު..” ސަމާ ބޭނުންވީ އެމީހުން އެތަނުން ފޮނުވާލާށެވެ. އިތުރަށް ޒީނާގެ ހާލަތު ގޯސްވެދާނެތީ ސަމާ ބޭނުންވީވެސް އެގޮތަށް ކަންތައް ކުރާށެވެ.

***

އޭގެ ދެދުވަސްފަހުން ޒީނާ ގެއަށް ބަދަލުކުރެވުނެވެ. ސަމާވެސް ކުޑަވަރެއްގެ ޗުއްޓީއެއް ނަގައިގެން ޒީނާ ގާތުގައި ވަގުތު ހޭދަކުރަން ބޭނުންވިއެވެ. މިއަދު އޭނަގެ ދިރިއުޅުމުގައި ޒީނާނޫން އެއްވެސް ފަރާތެއް އޭނަގެ ނެތެވެ. ޒީނާ އަށް އިތުރު ގެއްލުމެއްވާކަށް ސަމާވެސް ބޭނުމެއް ނުވާނެއެވެ.

ޒީނާ ކޮޓަރީގެ އެނދުމަތީގައި ނިދާލާފައި އޮތެވެ. އެނބުރެމުންދިޔަ ފަންކާގެ ވައި ޒީނާގެ އިސްތަށިކޮޅާއި ކުޅެމުން ދިޔައެވެ. އަތުގައި ބެންޑޭޖުކޮށްފައި އޮތްއިރު އެ މައުސޫމު ޒީނާގެ މޫނުވަނީ މިލާ މޯޅިވެފައެވެ. ހިތާމަކޮށްކޮށް އެފަކީރުގެ ޒިންދަގީވަނީ ފުން އަނދަވަޅަކަށް ވެއްޓިފައެވެ. ލޯބީގައި ހިތާމަ ކޮށްކޮށް ދިރިއުޅުމުގެ ހުރިހާ ދޮރެއް ވަނީ ބަންދުވެފައެވެ.

ސަމާ ވެސް ކާއެއްޗެއް ތައްޔާރުކޮށްލައިގެން ކޮޓަރިއަށް އައިސްވަނީއެވެ. އޭރުވެސް ޒީނާއަށް އޮތީ ނިދިފައެވެ. ސަމާ ގެނައި ނޫޑްލްސް ތަށި އެނދުގެ އެއްފަރާތެއްގައި ބެހެއްޓުމަށްފަހު ޒީނާއަށް ގޮވާލިއެވެ. ޒީނާ މަޑުމަޑުން ދެލޯ ހުޅުވަން މަސައްކަތްކުރިއެވެ. އޭނަގެ ހާލަތު އެހާ ރަނގަޅު ނޫންކަން އޭނަ އޮތް ހާލަތުންވެސް އެނގޭނެއެވެ.

“ތެދުވޭ އެއްޗެއް ކާލަން. ގައިގައި ވަރުވެސް ޖެހޭނީ އޭރުން..” ޒީނާ ނަގަން މަސައްކަތްކުރަމުން ސަމާ ވާހަކަ ދެއްކިއެވެ. ޒީނާއަށް ދޭންޖެހޭ ލޯތްބާއި އޯގާތެރިކަން ސަމާގެ ފަރާތުން ދިޔައީ ލިބެމުންނެވެ. ޒީނާ ތެދުވެ ދެލޯ ރަނގަޅަށް ހުޅުވާލަމުން އެނދުގައި ހަމަޖެހުނެވެ. ސަމާވެސް ޒީނާއަށް ފަސޭހަކޮށްދިނުމުގެ ގޮތުން ބުރަކައްޓަށް ވާގޮތަށް ބާލީހެއް ލައްވައިދިނެވެ. ސަމާ އަވަސްވެގަތީ ޒީނާއަށް ކާންދިނުމަށެވެ. ނުކައި ގިނައިރުވުމުގެ ސަބަބުން ވަރުބަލިކަން އޭނަގެ މޫނުމަތިން ފެންނަމުން ދިޔައެވެ. ޒީނާ މަޑުމޮޅިވެފައި ސަމާގެ މޫނަށް ބަލައިލިއެވެ. އެބެލުމުގައިވަނީ ލޯތްބާއި ހަމްދަރުދީއެވެ.

“ޒީ ކީއްވެ ތިގޮތަށް ކަންތައްކުރީ..؟ އެންމެ ފަހަރަކުވެސް މި ދައްތައާ ދޭތެރޭ ވިސްނާލި ނަމަ” ސަމާ ވާހަކަ ދައްކަން ފެށިއެވެ. ހަމަ އެވަގުތު ޒީނާއަށް ރޮވުނެވެ. ވާހަކަ ދައްކަން މަސައްކަތްކުރި ނަމަވެސް ޒީނާއަށް ވާހަކަ ދެއްކޭ ގޮތެއް ނުވިއެވެ. ހިތްވަރު ކުރަން މަސައްކަތް ކުރި ނަމަވެސް އެ މަސައްކަތްވީ ބޭކާރެވެ. އެއަށްވުރެ ބޮޑަށް އޭނަގެ ހިތަށްވަނީ އަސަރުކޮށްފައެވެ.

“އިއްޔެ ކޯޓުން ގުޅި ވަރިވާން ފޯމުލާފައި އޮތީމަ. އެ ޖަނަވާރު ކައިރިން މުޅިން ސަލާމަތްވާން މަ ބޭނުންވަނީ..” ޒީނާ ރޯންފެށުމުން ސަމާ ވާހަކައިގެ މައުޟޫއު ބަދަލުކޮށްލިއެވެ. އަޒުލީމު ކައިރިންވަރިވާން ފޯމު ލާފައި އޮތުމުން ކޯޓުން ގުޅި ވާހަކަ ފެށީ ޒީނާ އަށް އެވާހަކަތައް ހިއްސާކުރުމުގެ ގޮތުންނެވެ. ޒީނާ ވާހަކަ ދައްކަން ބޭނުންވިއެވެ. ނަމަވެސް އެއްވެސް ވާހަކައެއް ދައްކާނެ ހިތްވަރެއް އޭނައަށް ނުލިބުނެވެ.

“ޒީ ގެ މައްސަލަވެސް މިހާރު އޮތީ ޕީ ޖީ އަށް ފޮނުވާފަ. އިޔެއް އެކަމުގައި ފުލުހުސް އޮފީހުން ވެސް ގުޅި. އެހެންވެ މަށަށް ދާންޖެހުނީ. ޒީގެ ހާލަތު ހުރިގޮތުން އޭރު އެވާހަކަ ނުދެއްކީ. އަޒުލީމަށް އޭނަ ކުރި ކުށުގެ ހައްޤު އަދަބު ލިބޭނެ. ލާހިކެއްނޫން ސަލާމަތްވެގެން މި ސޮސައިޓީގަ ނޭވާލާކަށްވެސް..” ސަމާގެ ވާހަކަތަށް އަޑުއަހަން އިން ޒީނާ އެވާހަކަތައް އަޑުއަހަން ވަރަށް ޝައުޤުވެރިފައި އިނެވެ. ދެރަވި ނަމަވެސް ޒީނާ އެވާހަކަތައް އަޑުއަހަން އިނީ ކެތްކޮށްލައިގެންނެވެ. އޭރުވެސް ދައްކަން ޖެހޭ ހުރިހާ ވާހަކަތަކެއް ހުއްޓާނުލާ ދައްކަމުން ދިޔައީ ސަމާއެވެ. ސަމާގެ ވާހަކަތަކުން އޭނަ އަޒުލީމަށް ނަފުރަތު ކުރާ ވަރު ހާމަވަމުން ދިޔައެވެ.

“އެނގޭތަ ޒީއަށް.. މިކަން ވެގެން ހޮސްޕިޓަލަށް ގެންދިޔަ ދުވަހު އައި މެޓް އިޒްވާން..” ޒީނާއަށް ލިބުނީ ކުއްލި ސިހުމެކެވެ. އިޒުވާނުގެ ނަން އިވުމުން އޭނަގެ ހިތް ބާރުބާރަށް ތެޅިގަތެވެ. ސަމާއަށް ހަޤީގަތް އެނގިދާނެތީ ޒީނާ އިނީ ކަންތައްބޮޑުވެފައެވެ. ހިތްވަރުކޮށްފައިވެސް އިޒުވާނުގެ ވާހަކަ ސަމާގާތު ބުނަން ހިތްއެދުނެވެ. ނަމަވެސް ޒީނާއަށް ހިތްވަރެއް ނުލިބުނެވެ. އޭރުވެސް ސަމާ ޒީނާގެ އަނގަޔަށް ނޫޑްލްސްކޮޅެއް ލަވައިދެމުން ދިޔައެވެ.

“ހީވަނީ ދޮރުގައި މީހަކު ޓަކި ޖެހިހެން.!. އެބަ އަންނަން..” ޒީނާއަށް ކާންދޭން ހިފައިގެން އިން ތަށި ބަހައްޓަމުން ސަމާ ތެދުވެގެން ހިނގައިގަތީ ދޮރުގައި ޓަކި ދިނީ ކާކުތޯ ބެލުމަށެވެ. ޒީނާ އެނދުގައި ހަމަޖެހުނެވެ. ސަމާ ގޮސް ދޮރުހުޅުވާލިއެވެ. އޭރު ދޮރުމަތީގައި ހުރީ އިޒުވާނެވެ.  ލުއި ހިނިތުންވުމަކާއެކު އެތެރެއަށް ވަނުމަށް އެދުނެވެ. އޭރު އިޒުވާނުގެ އަތުގައި ރަތް ފިނިފެންމަލެއްވެސް އޮތެވެ. ސަމާ ގެ ފަސްފަހަތުން އިޒުވާނު އެތެރެއަށް ވަދެގެން ޒީނާ އޮތް ކޮޓަރިއާ ދިމާއަށް ހިނގައިގަތެވެ.
ޒީނާއަށް އިޒުވާނު ފެނުމާއެކު މޫނު އަނެއް ފަރާތަށް އަނބުރާލިއެވެ. ހީވަނީ އިޒުވާނުގެ ސިފަ ވެސް ދެކެން ބޭނުންނުވަނީ ހެންނެވެ. ސަމާ ބޭނުންވީ އެމީހުންނަސް ވަގުތުކޮޅެއް ދޭށެވެ. އިޒުވާނަށް ހިނިތުންވުމެއް ފޮނުވާލަމުން ސަމާ ކޮޓަރިން ނުކުތެވެ. ސަމާ ކޮޓަރިން ނުކުތުމުން އިޒުވާނު އެނދުގެ މަގަތުގައި އިށީނެވެ. އޭރުވެސް ޒީނާ ބަލާނުލާ މޫނު އަނެއް ފަރާތަށް އަނބުރައިގެން އިނެވެ.

“ދެން މަވެސް ބޭނުމެއްނޫން އިތުރަށް އެއްވެސް ވާހަކަތަކެއް ދައްކާކަށް..” އިޒުވާނު އިންތަނުންތެދުވިއެވެ. އޭރު ޒީނާއަށް ރޮވެމުން ދިޔައެވެ. އިޒުވާނަށް ބަލާކަށް މިހާރު ޒީނާގެ ހިތެއް ނޭދެއެވެ. ހިތް އެދުނަސް ކުރާނެ އެއްވެސް ފައިދާ އެއް ނެތެވެ. އިޒުވާނު ގެނައި ރަތްކުލައިގެ ފިނިފެންމާ ޒީނާއަށް ދިއްކޮށްލިއެވެ. ނަމަވެސް ޒީނާ އޭގައި ހިފާނެ ހިތްވަރެއް ނުލިބުނެވެ. ޒީނާއަށް ދެލޯ މަރާލެވުނެވެ. ކޮންމެ ގޮތެއް ވިޔަސް އިޒުވާނު ދޭ އެއްވެސް އެއްޗެއްގައި ހިފާނެ ހިތްވަރެއް ނެތެވެ.

“ޒީ މަގޭ މީހަކަށް ވާނަންތަ؟ މުޅި އުމުރަށް!!..” އިޒުވާނަށް އެހެން ބުނެވުނީ ޒުހުރީ އައިސް ދޮރުމައްޗަށް އަރާ ހުއްޓުނު ވަގުތެވެ. ޒުހުރީ އަތުގައި އޮތް މާބޮނޑި ބިންމައްޗަށް ވެއްޓުނު ވަގުތު ޒީނާއަށާއި އިޒުވާނަށް އެއްފަހަރާ ދޮރާއި ދިމާއަށް ބަލާލެވުނެވެ. ޒުހުރީއަށް އާދެވުނީ އެންމެ ނުބައި ވަގުތަށެވެ. ޒުހުރީ އެގެއަށް އައީ ޒީނާގެ ހާލު ދެކިލުމަށެވެ.  އޭނަގެ ހިތުގައި ޒީނާއަށް ދެވިފައިވާ ލޯބި ހާމަ ކުރުމަށެވެ. ނަމަވެސް ފެނުނީ ދުވަހަކުވެސް ދެކެން ބޭނުންވި މަންޒަރެއް ނޫނެވެ. އިވުނީ އަޑުއަހަން ކުޅަދާނަވާވަރުގެ އަޑެއް ނޫނެވެ. ނަމަވެސް ކަންތައް ވެގެން ދިޔައީ ޒުހުރީވެސް ހީނުކުރާވަރުގެ ކަމެކެވެ. އިވުނު ޖުމުލައިން އޭނަގެ ހިތް ދެކަފިވެގެން ދިޔަ ކަހަލައެވެ. އޭނައަށް ހީވީ އޭނަގެ ފައިން ބިންގަނޑު ދެމިގަތްހެންނެވެ. ޒުހުރީ އަށް އެމަންޒަރު ބަލާކަށް ކެތެއް ނުކުރެވުނެވެ. މުޅި އުމުރުގައި ވެސް ލޯބިވި މަލިކާވެސް އޭނައަށް ގެއްލުނީއެވެ. ހިތުގައި ޒީނާގެ ލޯބި ވަގުތުން ކަފުން ކުރެވުނެވެ. ހިތަށް ލިބެމުން ދިޔަ ކެކުޅުން އިންތިހާއަށް އުތުރި އަރައިގެން ދިޔައެވެ.

“ސޮރީ. ނުބައި ގަޑިއެއް..” ޒުހުރީ އެންމެ ސިކުންތުކޮޅަކުވެސް އެތަނުގައި ހުންނާކަށް ބޭނުމެއް ނުވިއެވެ. ފަސްފަހަތަށް ފިޔަވަޅު އަޅަމުން އެތަނުން ދުރައްދިޔައީ އެމަންޒަރު އިތުރަށް ބަލަން ކެތް ނުކުރެވިގެންނެވެ. އެމަންޒަރު ބަލާކަށްވެސް އޭނަގެ ދެލޮލަށް ކުޅާދާނައެއް ނުވިއެވެ. ގަބޫލު ކުރެވުނަސް ފެނުނު މަންޒަރަކީ ބަލާލަން ކެތްވާވަރުގެ މަންޒަރެއް ނޫނެވެ. ޤަބޫލުކުރަން ބޭނުން ނުވިއަސް އެއީ ހަޤީގީ މަންޒަރެކެވެ. ހިޔާލީ ފިލްމެއް ނޫނެވެ.

ޒުހުރީ ދިއުމުން ޒީނާ ވަރަށް އުނދަގުލުން ކަހަލަ ގޮތަކަށް އެނދުން ތެދުވިއެވެ. ތެދުވަން އުޅުނު ވަގުތު ޒީނާ އަރިއަޅައިލިއެވެ. އެވެގުތު އިޒުވާނުގެ އަތުތެރެއަށް އޭނަވެއްޓުނެވެ. އެންމެ ފުރަތަމަ އެދެމީހުންގެ ބައްދަލުވުން ފެށިގެން ދިޔައީވެސް އެކަހަލަ ގޮތަކަށެވެ. ދެމީހުންނަށްވެސް އެދުވަސް ހިޔާލުކުރެވިގެން ދިޔައެވެ. ދެމީހުންވެސް އެކަކު އަނެކަކުގެ ދެލޮލަށް ނަޒަރު ހުއްޓިގެން ދިޔައެވެ. އޭނަގެ ދެލޮލުން އިޒުވާނަށްޓަކައި ހަޤީޤީ ލޯބި ފެންނަމުން ދިޔައެވެ. އެދެމީހުން އެކަކު އަނެކަކުގެ ނޭވާ އިހްސާސް ކުރެވޭހާ ވެސް ދެމީހުން ތިބީ ތަތްވެފައެވެ. އޭނަގެ ހާލަތު ހުރިގޮތުންނާއި މޫނުމަތިންވެސް އަދިވެސް ޒީނާގެ ގައިގައި އެހާ ވަރެއްނެތްކަން މޭރުންވެގެންދިޔައެވެ. ޒީނާ ބަލިގޮތަކަށް އިޒުވާނުގެ އަތުގެ މުށުތެރެއިން ސަލާމަތްވެގަތެވެ.

“ކީއްވެ ޖަވާބެއް ނުދިނީ؟” ޒީނާ މަޑުމަޑުން އިޒުވާނާއި ދުރައްދިޔައެވެ. އިޒުވާނު ކޮށްލީ ސުވާލެކެވެ. ޒީނާ އާދައިގެ ހިނގުމެއްގައި ލަސްފިޔަވަޅުތަކެއް އަޅަމުން ގޮސް މަޑުޖެހުނެވެ. ދެލޯ މަރާލުމަށްފަހު ފަސް އެނބުރި އިޒުވާނަށް ބަލައިލިއެވެ. ހިތްވަރުކޮށްފައި ޒީނާ ވާހަކަ ދައްކަން ބޭނުންވިއެވެ. އެ ބެލުމުގައިވަނީ ލޯތްބެވެ. އެ ލޯތްބަށް އެދި އެދޭ އެދުމެވެ. އިޒުވާނަށްވެސް ޒީނާއަށް ބަލަހައްޓައިގެން ހުރެވުނެވެ. ޒީނާއަށް އިތުރަކަށް ކެތެއްނުކުރެވުނެވެ. ފަޔަށް ލެވުނު ބާރެއްލަމުން ގޮސް އިޒުވާނުގެ ގައިގައި އޮޅުލައިގަތެވެ.

“އާނ އާނ އަހަރެން …” ޒީނާއަށް ދުނިޔޭގެ ހުރިހާ އުފަލެއް ހާސިލްވެގެން ދިޔައެވެ. އެލޯތްބަށްޓަކައި ކުރި އުއްމީދުތަކުގައި ހަޤީގީ ކުލަ ޖެހިގެން ދިޔައެވެ. އިޒުވާނު ވެސް އުފަލުން ޒީނާގެ ގައިގައި ބައްދާލެވުނެވެ. އެކަކު އަނެކަކަށް ބޮސްދެމުން ބައްދަމުން ދިޔައެވެ. ހީވަނީ މުޅި ދުނިޔެވެސް އެމީހުންގެ ލޯބީގައި ބައިވެރިވަމުންދާހެންނެވެ. ޒީނާއަށް ހީވީ މުޅި ދުނިޔެވެސް އޭނަގެ އެ ލޯބީގެ ކާމިޔާބީގައި ބައިވެރިވަމުން ދިޔަހެންނެވެ. އެ ލޯތްބަށްޓަކައި ކުރި އިންތިޒާރުގެ ނިމުން އައީއެވެ. އެންމެފަހުން އިޒުވާނުވެސް އޭނަގެ ހައްޤަކަށް ވީއެވެ. އެ ލޯތްބަށްޓަކައި ރުއި ރުއިމާއި އެޅިހާ ކަރުނަތަކާއި ކެކުޅުންތަކުގެ ބަދަލުގައި މިއަދު ޒީނާ އެވަނީ އިޒުވާނުގެ މީހަކަށް ވެފައެވެ.

“އަހަރެން ދުވަހަކުވެސް ޒީނާ ދެރަވާވަރުގެ ކަމެއް ނުކުރާނަން. ޒީނާ ވައްޓާލި ކޮންމެ ކަރުނަތިއްކެއްގެ ބަދަލުގައި ޒީނާއަށް ލޯތްބާއި އަޅާލުން ދޭނަން. ޒީ އަހަރެންދެކެ ވީ ހަޤީގީ ލޯބީގެ ބަދަލުގައި އަހަރެންގެ ފަރާތުން ހުރިހާ ލޯތްބެއް ދޭން އަހަރެން ވައުދުވަން..” ޒީނާ ގައިގައި ބައްދާލައިގެން ހުރެ އިޒުވާނު ލޯތްބާއެކު ޒިނާގެ ބޮލުގައި ފިރުމާލުމަށްފަހު އޭނަގެ ނިތްކުރިއަށް ބޮސްދިނެވެ. ޒީނާ އެދެމުންދިޔަ ފަރާތުގެ އޯގާތެރި ފިރުމުންތަށް އެމީހެއްގެ ފަރާތުން ލިބެމުން ދިޔައެވެ.

***

ޒުހުރީ އެތަނުން ނުކުމެގެން ދިޔަ ގޮތަށް ސައިކަލުގައި މާލެ ދިޔައީ ހިތް އަތަށްލައިގެން ކަހަލަ ގޮތަކަށެވެ. ޒީނާގެ ލޯބި ބީވުމުން ޒުހުރީ ހިތްވެސް ފުނޑުފުޑުވެގެން ދިޔައެވެ. މާލެ ދެވުމާއެކު ބެލީ ވީހާވެސް އަވަސް ގޮތަކުން ގެއަށް ދާށެވެ. ގެއަށް ގޮސް ކޮޓަރިއަށް ވަދެވުމާއެކު އަވަސް އަވަހަށް ގޮސް ފާހަނާއަށް ވަނެވެ. ފާހަނާއަށް ވަދެވުމާއެކު މާގަނޑު ދޫކޮށްލިއެވެ. އިސާހިތަކު ޒުހުރީގެ ހަށިގަނޑު ތެމި ފޯވެގެން ދިޔައެވެ. މާގަނޑު ދަށުގައި ހުރެ ފާރުގައި ދެއަތުން ތަޅަންފެށިއެވެ. މޫނުމައްޗަށް ޖަހައިގެން ހުރެ ބާރަށް “ޒީނާ” އޭ ކިޔައި ހަޅޭއްލަވައިގަތެވެ. އެ އަޑުގައި ވަނީ ވޭނާއި ކެކުޅުމެވެ. ދެލޯ މަރާލެވުމާއެކު ޒުހުރީއަށް ފެނުނު މަންޒަރު ސިފަވަމުން ދިޔައެވެ. އެ މަންޒަރު ސިފަވެގެން ދިޔަ ވަގުތު އޭނަގެ ދެލޮމުން ފައިބަމުން ދިޔަ ކަރުނަތައްވެސް މާގަނޑުން އޮހެމުންދިޔަ ތިކިތަކާއެކު ޓައިސް މައްޗަށް ފައިބަމުން ދިޔައެވެ. ޒީނާގެ ލޯތްބަށްޓަކައި ކުރެވުނު ހުރިހާ އުއްމީދެއް އެފެންތަކާއެކު ހިނދުނީއެވެ. ލޯތްބަކީ ވާއެއްޗެއްނަމަ ޒުހުރީއަށް ޒީނާދެކެ ލޯބި ވެވޭނެހެއްޔެވެ؟ ޒުހުރީއަށް އޭނަގެ އަމިއްލަ ނަފުސަށްވެސް މަލާމާތްކުރެވުނެވެ. ޝަކުވާވެސް ކުރެވުނެވެ. ޒީނާއާއި ނުލައި އުޅެންވެސް ޒުހުރީއަށް އުނދަގޫވަމުންދިޔައީ ޒީނާ ދެކެ ލޯބިވެވުނު ހިސާބުންނެވެ. މިއަދު އޭނަގެ މަންޒިލަކަށް ވެފައި ވަނީ ޒީނާއެވެ. އޭނަގެ މީހަކަށް ވިނަމަ ދުނިޔޭގައި ލިބޭނެ ހުރިހާ އުފަލެއް މިއަދު ޒުހުރީއަށް ހާސިލުވެގެން ދާނެއެވެ. ނަމަވެސް އެ ހުރިހާ އުއްމީދެއް ކުޑަ ސިކުންތުކޮޅެއްގެ ތެރޭގައި ވިއްސިވިހާލެވިގެން ދިޔައީއެވެ.

***

ކޮޓަރީގައި ދެކޮޅަށް ހިނގާލަ ހިނގާލާ ހައުލާ ހުއްޓެވެ. އޭނަގެ މޫނުމަތިން ފެންނަމުންދަނީ ރުޅިވެރިކަމާއި ނަފުރަތެވެ. ހައުލާގެ ހިތުގައި އަނދަމުންދަނީ ބަދަލުހިފުމުގެ ރޫހެކެވެ. އޭނަގެ ނަޒަރު ކުއްލިއަކަށް ގޮސް ހުއްޓުނީ ފާރުގައި ހަރުކޮށްފައި އިން އިޒުވާޏުގެ ފޮޓޯ ފްރޭމަށެވެ. ކިތައްމެ ލޯތްބެއް އޭނަގެ ހިތުގައި އިޒުވާނަށްޓަކައި އޮތް ނަމަވެސް ހިތުގައި ހަމަ އެވަރަށް ނަފުރަތުގެ އަލިފާންވެސް ރޯވެ އަނދަމުން ދިޔައެވެ. ދިޔަ ގޮތަށް ގޮސް ފާރުގައި ހަރުކޮށްފައި އިން އިޒުވާނުގެ ތަސްވީރު ނަގާ ބިމަށް ޖެހިއެވެ. އެވަގުތު އެ ބިއްލޫރި ފްރޭމް ތަޅައިގެންގޮސް ފުނޑުފުނޑުވެގެން ދިޔައެވެ.

“އަދިވެސް، އަދިވެސް މަށަށް ހަމަޖެހުމުގެ ނޭވާއެއް ލެވޭނީ ކަލޭގެ ދިރިއުޅުން ހަމަ މިގޮތަށް ފުނޑުފުނޑު ކޮށްލައިގެން. ހިތަން އަރާ ފެނުނީމަ ގޮސް ކަރުގައި ހިފާ މަރާލާނަމޭ.. މަށަށް އޮޅުވާލާފަ ލާހިކެއްނޫންހަމަޖެހިލައިގެން ދުވަހަކުވެސް ދިރިއުޅުމައިގެން ކުރިއަށްދާކަށް..” ހައުލާގެ ރުޅި ދިޔައީ އިންތިހާއަށް ގަދަވަމުންނެވެ. ދެލޯ ކުޑަކޮށްލުމަށްފަހު ބިންމަތީގައިވާ ތަސްވީރު މައްޗަށް ފައިން އެރިއެވެ. އެވަގުތު މުށިކޮޅެއް އޭނަގެ ފަޔަށް ހެރި ލޭވެސް އަންނަމުން ދިޔައެވެ. ނަމަވެސް އޭނަގެ އެއްވެސް ފަރުވާލެއްނެތެވެ.

***

“ވަގުތު ޖެހުނީމަ މެރީ ކުރަންވީ.. މަވެސް ބޭނުންވަނީ ހަމަޖެހިލައިގެން އުފަލުގައި ދިރިއުޅުމެއް އުޅެން.. ޒީގެ ކޮންމެ އުފަލަކީވެސް މަގޭ ހިންހަމަ ޖެހުން. ޒީ އުފާކޮށްދޭން ކޮންމެ ކަމެއްވެސް ކުރަން މިހުރީ ތައްޔާރަށް.. ޒީ ދެކެ މަ ވަރަށް ލޯބިވޭ..” އިޒުވާނު ވާހަކަ ދައްކަމުން ބުންޏެވެ. އެދެމީހުން ވާހަކަ ދައްކަން ތިބީ ޒީނާގެ ގޭގައެވެ. ސޯފާގައި ތިބި އިރު ޒީނާ އިނީ އިޒުވާނުގެ ކޮނޑުގައި ބޯއަޅާލައިގެންނެވެ. އޭނައަށް އިޒުވާނުގެ މޫނަށް ބަލާލެވުނެވެ.

“އަހަރެން މިއަދު ވަރަށް އުފާވޭ.. މަގޭ މީހަކަށް އިޒުވާނު ވީމަ. ކޮން އިރަކުން ޑިއުޓީއަށް ދަނީ..” ޒީނާ އުފަލުން އިނދެ ވާހަކަ ދައްކަމުން ބުންޏެވެ.

“ދެން ދާންވީ. މިހާރު ދެގަޑި ބައިވަނީ ދޯ. ހަވީރު ޑިއުޓީ ހަފްތާ މި ފެށުނީ. ރޭގަނޑު މީޓްކޮށްލަންވެސް ނާދެވޭނެ. އެކަމަކުވެސް ގުޅާނަން. ދެން ދަނީ އިނގޭ..” އިޒުވާނު ހިނިތުންވަމުން ޒީނާ ގެނެސް ގަޔާ ކައިރިކޮށްލިއެވެ. ޒީނާ ލަދުވެތި ގޮތަކަށް ހިނިތުން ވެލިއެވެ. އިޒުވާނު އެގޮތަށް ލޯބި ކޮށްލުމުން ޒީނާގެ ހިތް އުފަލުން ފުރުނެވެ.

“ދެން ދޭ އަވަހަށް. ޒީވެސް ދެން މިދަނީ ފެންވަރާލަން..” އިޒުވާނުގެ އަތުގައި ހިފައިގެން ގޮސް ދޮރު ހުޅުވާލުމަށްފަހު ދއުމަށް އަތުގެ އިޝާރާތެއް ޒީނާ ކޮށްލިއެވެ. އިޒުވާނު ބަލަން ފެށިގޮތުން ޒީނާ ލަދުވެސްގަތެވެ.

“ދޭ އަވަހަށް ޑިއުޓީއަށް ދާން.. ފްރީވެފަ ގުޅައްޗޭ ޕްލީޒް..” ޒީނާ އެހެން ބުނުމަށްފަހު އިޒުވާނުގެ ގައިގައި ބައްދާލިއެވެ. އިޒުވާނު އުފަލުން ހުރެ ޑިއުޓީއަށް ދިއުމަށް ގެއިން ނުކުތެވެ. ޒީނާ މިހާރު ހުންނަނީ ވަރަށް ވެސް އުފަލުންނެވެ. އިޒުވާނުގެ ލޯތްބަށް އެދި އެދި ހުއްޓާ އެ ލޯބި ލިބުމުން އޭނައަށް ދުނިޔޭގެ ހުރިހާ އުފަލެއް ލިބުނު ކަހަލައެވެ.،

ޒީނާ ކޮޓަރިއަށް ވަންނަން ހިނގައިގަތް ވަގުތު މީހަކު ދޮރުގައި ޓަކިދިނެވެ. އިސްތަށިގަނޑު ރީތިކޮށްލަމުން ޒީނާ ދޮރާއި ދިމާއަށް ހިނގައިގަތެވެ. ޒީނާގޮސް ދޮރު ހުޅުވާލިއެވެ. ޒުހުރީ ފެނުމުން ޒީނާ ހިނިތުންވެލިއެވެ. ލޮލުގެ އިޝާރާތުން އެތެރެއަށް ވަނުމަށް އެދުނެވެ.

“ޒުޒު..” ޒުހުރީ ފެނުމުން ޒީނާ ހިތަށް ހަމަޖެހުމެއް ލިބުނެވެ. އެކަން އޭނަގެ މޫނުމައްޗަށް ވެރިވެގެން ދިޔަ ހިނިތުންވުމުންވެސް ހާމަ ވެގެން ދިޔައެވެ. ޒުހުރީއަށް އައިސްފައިވާ ހެޔޮ ބަދަލު އެއީ ޒީނާ ހެޔޮހިތުން ގަބޫލުކުރިކަމެކެވެ. އޭނަގެ އެކުވެރިކަން ޒުހުރީ ޤަބޫލުކުރި ކަމުގެ ހެއްކެކެވެ. ޒީނާ ފެނުމުން ޒުހުރީއަށް ހިތްހަމަ ޖެހުމެއް ލިބުނު ނަމަވެސް ހިތުގައި އަޅަމުންދިޔަ ވޭންތަކަކަށް ކެތެއް ނުކުރެވުނެވެ. ޒީނާގެ ހުރިހާ ހަރަކާތަކަށް ޒުހުރީ ދިޔައީ ބަލަމުންނެވެ. ޒީނާގެ އަތުގައި އަޅާފައިވާ ބެންޑޭޖް ފެނުމުން ޒުހުރީގެ ހިތަށް އިތުރަށް ތަދުވެގެން ދިޔައެވެ.

“އަދިވެސް ރަނގަޅެއްނޫންދޯ.. ޒީ އޮތް ހާލުފެނިފަ މަވެސް ވަރަށް ދެރަވި.. ޒީ މަރުވިނަމަ ..” ސޯފާގައި އިށީންނަމުން ޒުހުރީގައި ވާހަކަ މެދުކަނޑާލިއެވެ. ސޯފާގައި އިށީންނަމުން ޒީނާއަށް  ބަލާލެވުނެވެ. ޒުހުރީ ވާހަކަ ދެއްކި ރާގާއި އަޑުގައި ހުރި ތުރުތުރުލުމެއްގެ ސަބަބުން ޒީނާއަށް އެކަން ފާހަގަ ކުރެވުނެވެ.

ޒީނާ ބަލަން ފެށުމުން ޒުހުރީ އިސްދަށަށް ޖެހިއެވެ. ޒުހުރީ ވާހަކަ ދެއްކުމުގެ ރާގު ހުރިގޮތުން ކޮންމެވެސް ކަމެއް ފާހަގަ ކުރެވުނެވެ. ޒުހުރީ ކިތައްމެ ފޮރުވަން މަސައްކަތް ކުރިއަސް ޒީނާއަށް އެކަން ފާހަގަ ކުރެވުނެވެ. ސޯފާގައި ހަމަޖެހިލަމުން ޒުހުރީއަށް ބަލަމުން ދިޔައެވެ. ޒީނާ ބަލަން ފެށިގޮތުން ޒުހުރީއަށް އުނދަގޫވިއެވެ. ޒުހުރީއަށް ޒީނާއަށް ބަލާކަށްވެސް ނުކެރުނެވެ. އޭނަ މަސައްކަތް ކުރަމުންދިޔައީ ހަމަޖެހޭގޮތް ދެއްކޭތޯއެވެ. އެހެނަސް ޒުހުރީ އުޅުނުގޮތުން ޒީނާއަށް އެކަން އުނދަގޫ ކުރުވަންފެށިއެވެ.

“ޒުހުރީ..” ޒީނާ މަޑުމަޑުން ޒުހުރީއަށް ގޮވައިލިއެވެ. ނަމަވެސް ޒުހުރީއަށް ޒީނާއަށް ބަލައިލާކަށްވެސް ނުކެރުނެވެ. އިސްދަށަށް ޖަހައިގެން ބިމަށް ތުންހެރިފައި އިންނަހެން ޒުހުރީ އިނީ ޒީނާ ބަލާކަށް އެނގުމުންނެވެ. ޒީނާއަށް ބަލައިލާނެހާ ހިތްވަރެއްވެސް  ނުލިބުނެވެ. ޒުހުރީ ދެކޭގޮތުގައި އޭނަ ކަހަލަ ހިލަ ހިތެއްގެ ވެރިޔަކަށް ޒީނާ ކަހަލަ ސާފު ހިތެއްގެ ކުއްޖަކާ ލޯބިވެނުކަމީ އޭނަގެ ވެސް މޮޔަކަމެވެ. އޭނަގެ އުޅުމަށާއި ސިފަތަކަށް އެހާބޮޑު ބަދަލެއްވެސް އައީ ޒީނާދެކެ ލޯބިވެވުނު ހިސާބުންފެށިގެންނެވެ.

ޒުހުރީގެ ލޮލުން ވެއްޓުނު ކަރުނަތިކި ޓައިލްސް މަތީގައި ޖެހުނުތަން ވަރަށް ރީއްޗަށް ޒީނާއަށް ފެނިގެންދިޔައެވެ. ޒުހުރީއަށް ވަމުންދާގޮތް ޒީނާއަށް ވަރަށް ރަނގަޅަށް އިހްސާސް ކުރެވުނެވެ. އޭރުވެސް ޒުހުރީ އިންގޮތަށް އިނީއެވެ. އެއްވެސް ވާހަކަ އެއް ނުދައްކާ އިނީއެވެ.

“ޒުހުރީ އަހަރެންދެކެ ލޯބިވޭތަ؟” އިތުރު އެއްވެސް ވާހަކަތަކެއް ދައްކާކަށް ޒީނާ ބޭނުމެއް ނުވިއެވެ. ޒީނާގެ ސުވާލުން ޒުހުރީއަށް ބޭއިޙްތިޔާރުގައި ޒީނާއަށް ބަލާލެވުނެވެ. ޒުހުރީގެ ދެލޮލުގައި ޖަމާވެފައިވާ ކަރުނަތަށް ޒީނާއަށް ފެނުނެވެ. އެދެލޮލުން ޒީނާއަށް ހުރިހާ ސުވާލުތަކެއްގެ ޖަވާބު ލިބިގެން ދިޔަ ކަހަލައެވެ. ޒުހުރީ ކިތައްމެ ފޮރުވަން މަސައްކަތް ކުރަން އުޅުނު ނަމަވެސް ޒީނާއަށް އެކަން ވަރަށް ރަނގަޅަށް ސާފުވެގެން ދިޔައެވެ.

ޒުހުރީ ބަލައިލިގޮތުން ޒީނާއަށް އެކަން ވަރަށް ރަނގަޅަށް އެނގިގެން ދިޔައެވެ. ޒީނާ ތެދުވެގެން ގޮސް ޒުހުރީ ގާތުގައި އިށީނެވެ. ޒުހުރީގެ ނޭވާ ހިނގުންވެސް އަވަސް ވެގެން ދިޔައެވެ. ޒުހުރީއަށް ކެތް ނުވެގެން އިންތަނުން ތެދުވިއެވެ. އެތަނުގައި ހުންނާކަށްވެސް ބޭނުމެއް ނުވިއެވެ. ލޯބިވާކަށް ސިއްރު ކުރަން އުޅުނަސް ޒީނާއަށް އެކަން އެނގި ހާމަވުމުން ޒުހުރީ ހައިރާން ވިއެވެ. ޒުހުރީއަށް އެގެއަށް އާދެވުނު މޮޔަ ހީކުރެވުނެވެ.

“ދެން ދަނީ. ހީކުރަން ކޮންމެވެސް ދުވަހަކުން ދިމާވާނެކަމަށް. މަ ޒީ ދެކެ ލޯބިވިއަސް ޒީގެ ދިރިއުޅުމަށް ވަންނާކަށް ނެތިން. މަ ކޮންމެ ތާކު އުޅުނަސް ޒީގެ ހުރިހާ ކަމެއްވެސް ވަރަށް ގާތުން ބަލާނަން. މަ ޒީ ދެކެ ލޯބިވުން އެއީ ހަޔާތުގައިވެސް ކުރެވުނު އެންމެ އުފާވާ ކަންތައް. މިވާހަކަ ދައްކަން ބޭނުންވިއަސް ނުވިއަސް އަބަދުވެސް ޒީ ދެކެ މަ ލޯބިވާނަން. ޒީ ނޫން އެއްވެސް ކުއްޖެއް މަގޭ ދިރިއުޅުމަކަށް ނާންނާނެ.” ޒުހުރީ އިތުރަށް އެތަނުގައި މަޑުކުރާކަށް ބޭނުމެއް ނުވިއެވެ. ބުނަން ބޭނުން ހުރިހާ ވާހަކަތަކެއް ބުނެލިއެވެ. ހިތަށް ހަމަޖެހުމެއް ލިބޭތޯއެވެ. ޒީނާ އަށް ބަލަން ހުރުމަށްފަހު އޭނަގެ ޖީބުން ފޯނުނެގިއެވެ.

“ސްމައިލް ޕްލީޒް..” ފޯނުން ކެމެރާ އިން ޒީނާގެ ހަނދާނަކަށް ފޮޓޯއެއް ނެގިއެވެ. ޒީނާ ހިނިތުންވުން ފޮޓޯއިން ފެނުނު ކަމުގައި ނުވިއަސް ޒުހުރީއަށް އެވަރުންވެސް ފުދިގެން ދިޔައެވެ. ޒީނާއަށް ހުރެވުނީ ބުނާނެ އެއްޗެއް ނޭންގިފައެވެ. ޒުހުރީގެ ހިތަށް ކުރަމުން ދިޔަ އަސަރު އޭނަގެ ދެލޮލުންވެސް ފާޅުވަމުން ދިޔައެވެ. ޒީނާދެކެ ޒުހުރީއަށް ވެވުނީ ހަޤީގީ ލޯތްބެވެ. ޒީނާއަށް އެންމެ ފަހު ނަޒަރަކުން ބަލާލަމުން ޒުހުރީ އެގެއިން ނުކުތެވެ. އޭނަ ބަލައިގޮތުން ހީވަނީ މުޅި އުމުރަށްވެސް އެސޫރައާއި ވަކިވެގެން ދަނީ ހެންނެވެ. ޒީނާއަށް ހުރެވުނީއެވެ. ޒުހުރީއަށް ލޯބި ހައްޤު ނުވިއަސް ހިތުގެ އަޑިން ޒީނާއަކީ އޭނަގެ މީހެއްކަމަށް ޤަބޫލުކުރިއެވެ.

***

ޒުހުރީ އުޅުނީ ކޮޓަރީގައި ވަރަށް އަވަދިނެތިއެވެ. އޭނަގެ މޫނުމަތިން ފެންނަމުން ދިޔައީ މާޔޫސްކަމެވެ. އަވަދިނެތި ފޮއްޓަށް އެއްޗެހިތައް އެޅުމުގައެވެ. ހީވަނީ ކޮންމެވެސް ތަނަކަށް ދާން އުޅެނީހެންނެވެ. ކޮޓަރިއަށް ނަޒަރު ހިންގާލުމަށްފަހު ފުންނޭވާއެއް ބޭރުކޮށްލިއެވެ. އެނދުމަތީގައި އޭނަގެ ޕާސްޕޯޓާއި ޓިކެޓްވެސް ބާއްވާފައި އޮތެވެ. ޖީބުން ފޯނު ނެގުމަށްފަހު ޓެކްސީއަށް ގުޅިއެވެ. ފޮށި ހިފައިގެން  ތިރިއަށް ދަމުން ކޮޓަރިތެރެއަށް ނަޒަރު ހިންގާލުމަށްފަހު ކޮޓަރިން ނުކުތެވެ. ފޮށިހިފައިގެން މަގުމައްޗަށް ނުކުމެވުނީ ހައުލާގެ ކުރިމައްޗަށެވެ.

“ތަނަކަށް ފުރަނީތަ؟” ހައިރާންވެފައި ހުރެ ހައުލާއަށް އަހާލެވުނެވެ. ޒުހުރީގެ މޫނުމަތިން ފެންނަމުންދިޔައީ މާޔޫސްކަމެވެ. އޭނަގެ މޫނުމަތިން އެއްވެސް ތާޒާކަމެއް ނެތެވެ.

“ފުރަން މިއުޅެނީ.. ރާއްޖެ ދޫކޮށްފައި މަންމަމެން ގާތަށް މެލޭއަށް” ޒުހުރީ މަޑުމައިރިކަމާއެކު ޖަވާބު ދިނެވެ. ހައުލާއަށް ހުރެވުނީ ބުނާނެ އެއްޗެއް ނޭންގިފައެވެ. ޒުހުރީއަށް އެވަރުގެ ބޮޑު ނިންމުމެއް ނިންމީ ކީއްވެބާއޭ ހައުލާގެ ހިތަށް އެރިއެވެ.

“އަހަރެން ނެތަސް އަހަރެން މަތިން ހަނދާންކުރާތި. އަބަދުވެސް ހައު އަށް ހިތްހެޔޮ ކުރާނަން. ކުށެއް ކުރެވިފައިވާނަމަ މާފަށް އެދެން. އަހަރެމެން ދެމީހުންގެ މެދުގައި ހިނގާދިޔަ ކަންތައް އެއީ އަހަރެމެންގެ ކުށް.. މަ ވަރަށް ކެތްކޮށްފިން މިތާ އުޅެވޭތޯ.. އެކަމަކު ދެން ނޫޅެވޭނެ…” ޒުހުރީގެ ވާހަކަތަކުން ކޮންމެވެސް ބޮޑުކަމެއް ވެއްޖެކަން ހައުލާއަށް ވިސްނުނެވެ.

“އަހަލެވީދާނެތަ ޒުޒުއަށް ތިވަރުގެ ބޮޑު ޗޭންޖެއް އައީ ކީއްވެކަން.؟ މަށަށް އެނގޭހާވެސް ކަމަކީ ޒުޒު ޒީނާދެކެ ލޯބިވާކަށް. އެކަމަކު ތިވަރުގެ ބޮޑު ޑިސިޝަނެއް ނަގަންޖެހުނު އެއްވެސް ރީޒަންއެއް ނޭންގުނު..” ޒުހުރީ އެވަރުގެ ބޮޑުކަމެއް ނިންމައިގެން ރާއްޖެ ދޫކޮށްލާފައި ދާން ޖެހޭނީ ކޮންމެވެސް ބޮޑުކަމެއް ވެގެންނެވެ. ހައުލާއަށް އެނގޭހާވެސް ކަމަކީ ޒުހުރީއަށް ބަދަލުތަކެއް އައިކަމެވެ.

“ޒީނާ ލޯބިވަނީ އެހެން މީހަކުދެކެ. މިހާރު އެދެމީހުން އުޅެނީ އެކަކު އަނެކާއެކު ނުލާހިކު ލޯބިން.. ޒީނާ އުފަލުގައި އުޅެންޏާ އަހަރެންވެސް އުޅޭނީ އުފަލުގައި..” ޒުހުރީގެ ހިތުގައި އަލަމުންދިޔަ ވޭނަކަށް ޒުހުރީއަށް ކެތެއްނުކުރެވުނެވެ. އޭނަގެ ދެލޯ ފެންކަޅިވިއެވެ. ވެވުނު ލޯބިމަތިން ހަނދާން ނައްތާލަން އޭނައަށް ގޮތެއް ނިންމާލެވުނީ ވަރަށް ވިސްނުމަށްފަހުގައެވެ. އެއީ ފަސްގަނޑު ދޫކޮށްލާފައި ފުރައިގެން ދިއުމެވެ. ބައެއްގެ ދިރިއުޅުމަށް ވަންނާކަށް ޒުހުރީއެއް ބޭނުމެއް ނުވިއެވެ.

“އޭނަ ލޯބިވަނީ އިޒުވާނު ދެކެ. ހައުލާ އޭނަގެ ދިރިއުޅުން ހަލާލުކޮށްނުލާތި. އަހަރެންގެ ވަރަށް ބޮޑު އެދުމެއް. އެދެނީވެސް އެކަހަލަ ކަމެއް ހައުގެ ފަރާތުން ނުފެންނާނެ ކަމަށް. ހައު ވެސް ހައުގެ ދިރިއުޅުމާއިގެން ކުރިއަށް ދޭ..” ޒުހުރީ ވާހަކަދައްކައި ނިމުނު އިރު ޓެކްސީވެސް އައިސް މަޑުކޮށްލިއެވެ. ހައުލާއާއި ސަލާމްކޮށްލުމަށްފަހު  ގޮސް ޓެކްސީއަށް އެރިއެވެ. އޭރުވެސް އޭނަގެ ލޮލުން ކަރުނަތައް ޖަމާވަމުން ދިޔައެވެ.

ޒުހުރީ ޓެކްސީއަށް އެރުމާއެކު ޓެކްސީވެސް އޭނަގެ ދަތުރުގެ މަންޒިލަށް މިސްރާބު ފެށިއެވެ. ޒީނާ ދެކެ ވެވެނު ލޯބި ރާއްޖެ ފަސްގަނޑަށް ކަފުން ކުރުމަށްފަހު ޒުހުރީ ފުރައިގެން ދަނީ ޒީނާމަތިން ހަނދާންނައްތާލެވޭތޯއެވެ. ޒީނާ ނޫން އެހެން އަންހެންކުއްޖެއް އޭނަގެ ދިރިއުޅުމަށް ގެންނާކަށް ޒުހުރީ ބޭނުމެއް ނޫނެވެ. ޒުހުރީގެ އުއްމީދަކީ ކޮންމެވެސް ދުވަހަކުން ޒީނާއާ ބައްދަލުވުމެވެ. އޭނަގެ މީހަކަށް ވުމެވެ.

“ބަކަރ. ކަލޭ ހީކުރީ އެ އިޒުވާނަށް ހަމަޖެހިލައިގެން ދިރިއުޅެވޭނެކަމަށްތަ؟ މަ ހަށީގަ ނޭވާ ހިންގާހާ ހިނދަކު އޭނައަށް ކުޑަނަމަވެސް އުފަލެއް ލިބޭކަށް މަ ބޭނުމެއްނޫން. ލޯތްބަކީ ކިހާ ވޭނެއް ހުރިކަމެއްކަން ދައްކާލަފަ ނޫނީ ލޮލުފިޔައެއްވެސް ޖަހާނުލާނަން..” ޒުހުރީ ދިއުމުން ހައުލާ އަމިއްލަ ނަފުސާއި ވާހަކަ ދައްކަމުން ދިޔައެވެ. ހައުލާގެ މަޤުސަދަކީ އަދިވެސް އިޒުވާނަށް ލޯތްބަކީ ކޮބައިކަން އޭގެ އެންމެ ހިތިގޮތުގައި ދައްކާލުމެވެ.

ފެރީއިން ފައިބައިގެން ދަބަސް ދަމަމުން ޓާރަމިނަލް ތެރެއަށް  ހިނގަމުން ދިޔައެވެ. އޭނަގެ މޫނުމަތިން ފެންނަމުން ދިޔައީ މާޔޫސްކަމެވެ. ހިތާމައެވެ. ޒުހުރީ ދަނީ ދުވަހަކުވެސް ރާއްޖެ ފަސްގަނޑަށް ނާރަން އަޒުމު ކަނޑައަޅައިގެންނެވެ. ޒީނާގެ ލޯތްބާއި ދުރަށް ފުރައިގެން ދަނީ ދިވެހި ފަސްގަނޑުގައި އުޅެން ކެތް ނުކުރެވޭނެތީއެވެ. ރާއްޖޭގައި އުޅެންނާއި ޒީނާ ފެންނަން ހިސާބަށް ޒުހުރީއަށް ދެވޭނެތީއެވެ.

ޒުހުރީ ހިނގަމުންދިޔައީ ފުންވިސްނުމެއްގެ ތެރޭގައި ހުރެގެންނެވެ. ޒުހުރީ ހުއްޓުނީ މީހަކު އޭނަގެ އަތުގައި ހިފުމުންނެވެ. ފަސް އެނބުރިފައި ބަލާލެވުނެވެ.

“ޒީ” ޒުހުރީއަށް ޒީނާ ފެނުމާއެކު ޒީނާއަށް ބަލަހައްޓައިގެން ހުރެވުނެވެ. ހިތް ބާރު ބާރަށް ތެޅިގަތެވެ. އެންމެ ފަހުވަގުތުގައިވެސް ޒީނާގެ ސޫރަފެނުނީއެވެ.

“ޒުހުރީ ދަނީތަ؟” ކޮންތާކަށް؟” ސުވާލުން ފުރިގެންވާ ގޮތަކަށް ޒީނާ ބަލަހައްޓައިގެން ހުރެފައި ބުންޏެވެ. ޒުހުރީއަށް ދޭނެ ޖަވާބެއްވެސް ނޭންގުނެވެ. ޒީނާއަށް ބަލަހައްޓައިގެން ހުރެވުނީއެވެ. އެންމެ ފަހުވަގުތުވެސް ޒީނާގެ ސޫރަ ފެނުމުން ހިތްހަމަޖެހުން ލިބުނެވެ. ނަމަވެސް މިއަދު އޭނަ އެދަނީ އޭނަގެ ހިތުގައި ޒީނާގެ ސޫރަ ރައްކާކޮށްފޮރުވައިގެން އެ ލޯތްބާއިވެސް ދުރަށެވެ. މުޅިން އެހެން މަންޒިލަކަށް ދާށެވެ. މުޅިން އެހެން ދިރިއުޅުމެއް ލިބޭނެ ކަމަށް އުއްމީދުކޮށްގެންނެވެ.

“ފުރަން މިދަނީ. ޒީ އުޅޭ ތަނެއްގައި އުޅޭނެހާ ހިތްވަރެއް ނެތް. ޒީ ދެކެ ލޯބިވެވުނީ. އެއީ މަށަށް ކުރެވުނު ކުށެއް ނަމަވެސް އެކަމާ އުފާކުރަން. މަ ފުރައިގެން މިދަނީ ޒީގެ ދިރިއުޅުމާއި މިފަސްގަނޑާއި ދުރަށް. ޒީގެ ކޮންމެ އުފަލަކީވެސް ހަމަ އަހަރެންގެ އުފަލެއް ގޮތުގައި ދެކޭނަން.. ކޮންމެ ހިތްހަމަ ޖެހުމަކީ ހަމަ އަހަރެންގެ ވެސް ހިތްހަމަ ޖެހުމެއްކަމުގައި ބަލައިގަންނާނަން. ޒީ ދެކެ ވެވުނު ލޯބި މަތިން ހަނދާން ނައްތާލެވޭތޯ އަހަރެން ވަރަށް މަސައްކަތް ކުރާނަން…” އިތުރު އެއްވެސް ވާހަކަތަކެއް ނުދައްކާ ޒީނާގެ އަތުގައި މަޑުމަޑުން ހިފާލަމުން ސަލާމްކޮށްލިއެވެ. ޒުހުރީ ފަސްއެނބުރިބަލައިވެސް ނުލާ ހިނގައިގަތެވެ. އޭނަގެ ހިތަށް ކުރަމުންދާ އަސަރު އޭނަ ނޫން ދެވަނަ އެހެން މީހަކަށް އިހްސާސްވެސް ނުކުރެވޭނެއެވެ. އޭރުވެސް އޭނަގެ ލޮލުގައި ކަރުނަތައް ޖަމާވަމުން ދިޔައެވެ. ޒީނާއަށް ޒުހުރީއަށް ބަލަހައްޓައިގެން ހުރެވުނެވެ. ޒުހުރީ ފަސްއެނބުރި ބަލައިވެސް ނުލާ އެތެރެއަށް ވަދެގެން ދިޔައީއެވެ.

ޒީނާއަށް ކޮންމެ ގޮތެއްވިއަސް ޒުހުރީ ގެއްލުނީއެވެ. ޒީނާގެ ހިތަށްވެސް އަސަރު ކުރުވައިފިއެވެ. އެކަން އޭނަގެ މޫނުމަތިން ހާމަ ވަމުން ދިޔައެވެ. ޒުހުރީ އޭނަ ދެކެ ލޯބިވުން އެއީ އޭނަގެ ކުށެއް ނޫނެވެ. ލޯތްބަކީ ބުނެދޭންވެސް ނޭންގޭ ޖަޒުބާތެކެވެ. ޒުހުރީއަކީ ގޯސް އިންސާނެއް ނޫނެވެ. ހިތްހެޔޮ އޯގާތެރި މީހެކެވެ. ނަމަވެސް ޒުހުރީ ވަކިވެގެން ދިޔައީއެވެ. ޒުހުރީ ވަކިވެގެން ދިއުންވެސް އެއީ ޒީނާގެ ހަޔާތަށް ލިބުނު ވަރަށް ބޮޑު ފަޅުކަމެކެވެ.

***

ސަމާއާއި ޒީނާ ހަވީރުގެ ހިތްގައިމު ވަގުތު ސެންޓްރަލް ޕާރކުގައި ހުރި ގޮނޑިއެއްގައި ހަމަ ޖެހިލައިގެން ތިއްބެވެ. ޒީނާގެ މޫނުމަތިން ފެންނަމުންދަނީ އުފާވެރިކަމެވެ. ޕާރކު ތެރޭގައި ކުޑަކުއްޖަކު ކުޅެ ދުވެ އުޅެމުންދާ މަންޒަރު ބަލަން ސަމާ އިނީ ރީތި ހިނިތުންވުމަކާއެކުގައެވެ.

“މިހާރު ދެން މަވެސް ހިތްހަމަ ޖެހިއްޖެ.. އަޒުލީމު ހުންނާނެ އޭނަގެ ކުރި ކުށުގެ އިހްސާސްކުރެވިފަ. ވަރި ވެވުނީތީ މިހާރު އުފާކުރަން. އެހެން އަންހެނުންހެން މަށެއް ނުހުންނާނަން.” ސަމާ ފުންނޭވާއެއްލަމުން ވާހަކަ ދެއްކިއެވެ.

“އިޒުވާނުގެ މައްސަލަވެސް މިހާރު ނިމިއްޖެ. ސަމާ އަށް އެނގޭތަ؟ އިޒުވާނަށް އަހަރެން މައާފު ދިނީތީ އޭނަވެސް ސަލާމަތް ވެއްޖެ. އެއްވެސް ހާލެއްގައި މަ އެގޮތަށް ކަންތައްކުރީ އިޒުވާނު ދެކެ ލޯބިވާތީއޭ ކިޔާފައެއްނޫން. އީމާގެ މަރު އިޒުވާނު އަތުންވެގެން ދިޔައީ.. މިއަދު އަހަރެންނަށް އެހެންވީ ނަމަވެސް އީމާ ކަންތައްކުރާނީ ހަމަ މިހެންކަން ޔަޤީން. އީމާއަކީ ދުވަހަކުވެސް މީހަކަށް ދެރަގޮތެއްވާން އެދުނު ކުއްޖެއްނޫން. އިޒުވާން އޭނަގެ ކުށްވެސް ޤަބޫލުކުރި. އީމާގެ ހުރި މީހަކީވެސް އަހަރެން. އަހަރެން ބަޔާން އަނބުރާ ގެނައީ އިޒުވާނަށްވެސް ރަނގަޅަކަށް. މައްސަލަތަކެއް ކްރިއޭޓްކޮށްގެން ކޯޓުތަކަށް ގޮސް އުޅޭނެ ހިތްވަރެއް ނެތް. ކުށް ކުރެވޭނީވެސް އިންސާނުންނަށް. މާފު ދިނަސް ބަދަލު ނުވާނެ މީހުން ދުނިޔޭގައި އުޅޭނެ. މަންމަ އަބަދުވެސް ބުނާނެ އެމީހަކު ކުރިކަމެއް އެމީހަކަށޭ. މައާފު ކުރައްޗޭ..” ޒީނާގެ ވާހަކަތަކުން ސަމާގެ ދެލޯ ފެންކަޅިވިއެވެ. ޒީނާ ކަހަލަ ހެޔޮ ވިސްނޭ ކުއްޖަކު އޭނަގެ ދިރިއުޅުމުގައި ލިބުނު ކަމަށްޓަކައި ﷲއަށް ޙަމްދު ކުރެވުނެވެ.

“ދެން މިހާރު ލައިފްވެސް ސަޅިއެއްނު. އިޒުވާނުވެސް ޒީގެ މީހަކަށްވީ. މަވެސް ކުޑަދުވަސްކޮޅަކު މިހެން ހުންނާނީ. މީހަކާ ރައްޓެހިވިއަސް ދެން ވަރަށް ވިސްނާފަ ނޫނީ ނުވާނަން. ލައިފް އިޒްސޯ ސްޓްރޭންޖު ދޯ..” ޒީނާގެ މޫނަށް ބަލާލަމުން ސަމާ ހިނިތުން ވެލިއެވެ.

***

ދުވަހަކަށްވުރެ ދުވަހެއް ދިޔައީ ފާއިތުވަމުންނެވެ. މީހުންގެ ދިރިއުޅުމާއި އިހްސާސްތައް ވެސް އެއީ ބަދަލުވަމުންދާ ކަމެކެވެ. ސަމާއަށްވެސް އަޒުލީމުގެ ކިބައިން މިނިވަންވެ ދިރިއުޅުމައިގެން އާ ހަޔާތަކަށް ދަތުރުކުރަން ފެށިއެވެ. ޒީނާއާއި އިޒުވާނު ލޯބީގެ ސަފްހާތަކެއް އަމާން އޮމާންކަމާއެކު ކަޑައްތު ކުރަމުން ދިޔައެވެ. ނަމަވެސް ހައުލާ އަކީ އޭނަގެ ގޮތުގައި ބަދަލުވުމެއްނެތި ދިރިއުޅުމައިގެން ދަތުރުކުރަމުންދާ ހަމަ އެކަނި މަޙްލޫޤަށްވުން އެކަށީގެން ވެއެވެ. އަދިވެސް ހައުލާގެ މަންޒިލަކީ އަމާން އޮމާން ފަސްގަނޑަކަށް ވާސިލުވުމެވެ. އެދިމާއަށް ދަތުރު ކުރަމުންދަނީ ވަރަށް ބޮޑު މަޤްސަދެއް އޮވެގެންނެވެ.

މެންދުރުގެ ހޫނުގަދަ ވަގުތެކެވެ. ހައުލާ އިނީ އާންމުކޮށް އޭނަ ކޮފީބޯން އައިސް އިންނަ ޕޮއިންޓް ކެފޭ އަތިރިމަތީގައި ހުންނަ މޭޒެއްކައިރީގައެވެ. ކޮފީ އަކީ ޒުވާނުންގެ ދިރިއުޅުމާއި ގުޅިފައިވާ އެއްބައެވެ. އަތުގައި އޮތް ކެމަލް ލައިޓް ސިނގިރޭޓް ދަމާލުމަށްފަހު މައްޗަށް ދުންތައް ފޮނުވާލަމުން ދިޔައެވެ. މޭޒުމަތީގައި ސިނގިރޭޓް ފޮއްޓާއި ލައިޓަރުވެސް އެއްފަރާތެއްގައި ބާއްވާލާފައި އޮތެވެ. ޖެހިގެން ހުރި ގޮނޑިމަތީގައި ގެންގުޅޭ އަތްދަބަސް ބާއްވާލާފައި އޮތެވެ. ޖެހެމުންދާ ވައިރޯޅިން ހައުލާގެ އިސްތަށިގަނޑު ކޮޅުކޮޅަށް ވަޔާ ކުޅެމުން ދިޔައެވެ.

މޭޒުމަތީގައި ބާއްވާފައި އޮތް އައިނު ނަގާ މޫނަށް ހެޔޮވަރުކޮށްލަމުން ވެއިޓަރު މީހާއަށް އިޝާރާތްކޮށްލިއެވެ. ހަމަ އެވަގުތު އެމީހާ އާދައިގެ ހިނިތުންވުމަކާއެކު އައިސް އެތަނުގައި ހުއްޓުނެވެ. އެމީހާ އަމަލުތައް ހުރިގޮތުން ހައުލާ އާ އެމީހާ ހުންނަ ގާތްކަމެއް ފާހަގަކުރެވުނެވެ. އެތަނަށް އާންމުކޮށް އެމީހުން އައިސް އުޅޭތީ ހައުލާއަށް ކުރި އިހްތިރާމު އެމީހާ އުޅުނުގޮތުންވެސް ހާމަ ވެގެން ދިޔައެވެ.

ހައުލާ ކޮންމެވެސް އެއްޗެކޭ ބުނުމުން އެމީހާ ހިނގައިގަތެވެ. ދެން އައިސް ހުއްޓުނީ ބޭންކް އޮފް މޯލްޑިވްސް ކާރޑު މެޝިން ހިފައިގެންނެވެ. ބިލަށް ފައިސާ ކެނޑުމަށްފަހު އެމީހާ އަތަށް ސަތޭކަ ރުފިޔާ ވޮލެޓުން ނަގައި ދިނުމަށްފަހު އެމީހާއަށް ހިނިތުންވުމެއް ފޮނުވާލަމުން ގޮޑިން ތެދުވިއެވެ. ހައުލާ ހިނގާލާފައި ދިޔަ ގޮތުން އޭނަ ހުރީ ހަމައިގައިނޫންކަންވެސް އެނގިގެންދިޔައެވެ. މަސްކިރާ ބޯޓެއް ހޫރެމުންދާހެން ހޫރެމުން ދިޔައެވެ. ދެއަތަށް ފާޑަކަށް ކިރެމުންގޮސް މަގުމައްޗަށް ވާގޮތަށް މަޑުކޮށްލިއެވެ.

ޒީނާއާއި އިޒުވާނު އަތާއި އަތް ގުޅުވާލައިގެން ހެމުން ސަކަރާތް ޖަހަމުން އަންނަ މަންޒަރު ހައުލާގެ ލޮލުގައި އަޅައިގަތެވެ. އިޒުވާނު ފެނުމާއެކު ލޮލުގައި އަޅާފައިވާ އައިނު ނަގާ ލައިގެން ހުރި ހެދުމުގެ ކަރުގައި އަޅުވާލިއެވެ. ދެލޯ ކުޑަކޮށްލުމަށްފަހު ޔަޤީން ކޮށްލުމުގެ ގޮތުން ފާޑަކަށް ބަލާލުމަށްފަހު އެއްމިޔަކަނުން ހީލިއެވެ. އަނެއްކާވެސް އައިނު ނަގައި މޫނަށް ހެޔޮވަރުކޮށްލިއެވެ.

ޖާހިލު ގޮތަކަށް އެމަންޒަރު ބަލަން ހައުލާ ހުއްޓެވެ. އިޒުވާނާއި ޒީނާ އެހިސާބަށް އަރައި ހަމަވަންދެން ހައުލާ މަޑުކޮށްލައިގެން ހުއްޓެވެ. އެމީހުން އެހިސާބަށް އަރައި ހަމަވުމާއެކު ހައުލާ ގަސްތުގައި ގޮސް އިޒުވާނުގެ ގައިގައި ބާރަށް ޖެހިގަތެވެ. މީހަކު ޖެހުނުލެއް ބާރުކަމުން އިޒުވާނަށް ބަލައިލެވުނެވެ. ޒީނާއަށްވެސް ސިހިފައި ބަލައިލެވުނެވެ.

“ބޮއެގެން ހޭބަލިވެގެން އުޅެވޭ ނޫޅެވޭގޮތެއްވެސް ނޭންގޭދޯ.. ބަލައިގެން އުޅެބަލަ. ކަލޭމެން ނޫނަސް އެހެން މީހުން އުޅޭކަން ދަނެގެން ހިނގާބަލަ..” އިޒުވާނު އެ ހުރިހާއެއްޗެއް ކިޔަމުން ދިޔައިރުވެސް ހައުލާ ހުރީ އެމީހުންނަށް ފުރަގަސްދީގެންނެވެ. އިޒުވާނު ވާހަކަ ދެއްކިގޮތުން ހައުލާގެ މޫނުމަތިން ވިހަ ހިނިތުންވުމެއް ފާޅުވަމުންދިޔައެވެ. ހައުލާ އިސްތަށިގަނޑު އެއްފަރާތަކަށް އަތުން ރީތިކޮށްލަމުން އެމީހުންނާއި ދިމާއަށް މޫނު ހަރަކާތްކޮށްލިއެވެ. ވިހަ ހިނިތުންވުމަކާއެކުގައެވެ. ޒީނާއަށާއި އިޒުވާނަށް ލިބުނީ ކުއްލި ސިހުމެކެވެ. އެންމެ ބޮޑު ސިހުމެއް ލިބިގެން ދިޔައީ އިޒުވާނަށެވެ. ދުވަސްތަކަކަށްފަހު ހައުލާ ފެނުމުންނެވެ.

“އޫޕްސް. ސޮރީ.. އަހާން. އިޒުވާނުތަ؟” ހައުލާ ކުރިއަށް ފިޔަވަޅެއް އަޅާލަމުން އިޒުވާނާއި ގާތްވެލިއެވެ. ޗޮކެއް ކަނޑާލުމަށްފަހު އަނެއްކާވެސް ހައުލާ ވާހަކަ ދައްކަން ފެށިއެވެ.

“އެއްޗެކޭ ދޯ ތިބުނެލީ.. ޗީ ޗީ. ތިގޮތަށް ވާހަކަ ދައްކަން މާ ރަނގަޅުމީހެއްނޫން ތިއީ. ނުވެސް ގުޅޭ ތިބަހުރުވަތަކުން ވާހަކަ ދައްކާކަށް. ބަލަ އެހެންމީހުންވެސް ދުނިޔޭގައި އުޅޭކަން ދަނެގެން މަ އުޅެނީ.. ކަލޭ ތިއުޅެނީ ވޯލްޑް ރެކޯޑެއް ހަދަންތަ؟ ސޯ މަޗް ލަވް… ޒީނާގެ ބޭނުން ފުދެންދެން ކަލޭ އުޅޭނެ ތިހެން. ބޭނުން ފުދުނީމަ އަނެއްކާވެސް އެހެން މަންޒިލެއް. ތީ އިންސާނެއްވެސް ނޫންތާ ދޯ! ކުއްތާއެއް. ކުއްތާގެ ވެސް ނަގޫ. ގައިމު މުސްކުޅިންބުނޭ ކުއްތާގެ ނަގޫ ސަންފާ އޮނަކަށްލާފަ ތެދު ކުރަން އުޅުނަސް އެ ތެދެއްނުވާނެޔޭ. އެ އޮންނާނީ ބަޅަށޭ. ތީ އޭގެ އެއްޗެއް..” އިޒުވާނަށް ފާޑަކަށް ހައުލާއަށް ބަލައިލެވުނެވެ. ހައުލާ ހިތަން އެރިހާ އެއްޗެއް ގޮވާލީ ޒީނާއަށްވެސް އިއްވާލުމުގެ ނިޔަތުގައެވެ. ބަދަލު ހިފާލުމަށް އެއަށްވުރެ ވަކި ރަނގަޅު ފުރުސަތެއް ހައުލާއަށް ނުލިބޭނެއެވެ. ވަގުތުގެ ބޭނުން ހައުލާ ހިފާލީ ވަރަށް ފުރިހަމައަށެވެ.

“ހައު ދަންނަތަ އިޒުވާނު؟” ޒީނާއަށް ކޮށްލެވުނީ ސުވާލެކެވެ. ހައުލާ އޭނަގެ ލޮލުގައި އަޅާފައިވާއައިނު ނަގާ ބޮލަށް ހެޔޮވަރުކޮށްލަމުން ޒީނާއަށް ބަލައިލިއެވެ. އަނެއްކާވެސް އިޒުވާނުގެ މޫނަށް ކަޅިއެއްލިއެވެ.

“އާން. ތެދެއް ދަންނަތަ؟” އިޒުވާނަން ބަލާލަމުން ހައުލާ ބުންޏެވެ.

“ވަރަށް ރަނގަޅަށް ދަންނަން. އޭނަގެ ބޮލުގެ އެހެރަ ހެލެނީ އެންނު އިސްތަށިކޮޅެއް.. އެ ހިސާބުން ފެށިގެން އަރައިގެން ހުރި ފައިވާނުގަ މިހާރު ތަތްވެފައި ހުރި ވެލިތަކަށްދާންދެން މަ ތި އިޒުވާނު ދަންނަން..” ބޮއިގެން ހުރެވެސް ހައުލާ ބެލީ އަމިއްލަ ނަފްސު ކޮންޓްރޯލު ކުރެވޭތޯއެވެ. ހައުލާގެ ވާހަކަތަށް ހުރިގޮތުން ޒީނާއަށް ހުރެވުނީ ބުނާނެ އެއްޗެއްނޭންގިފައި ހައުލާއަށް ބަލާށެވެ.

އިޒުވާނު އެއްވެސް ވާހަކައެއް ޒީއަށް ކިޔައެއް ނުދޭތަ؟ އަދި އެނގޭނެ. ބާއީ…” ހައުލާ ލާނެއް ގޮތަކަށް ހިނިގަނޑެއް ޖަހާލަމުން ހިނގައިގަތެވެ. ޒީނާއަށް ހުރެވުނީ ވާނުވާ ނޭންގިފައެވެ. ހައުލާ ދިޔަ އިރު އިޒުވާނަށް ހުރެވުނީ ފާޑަކަށް މޫނު ކުނިކޮށްގެން ހައުލާއަށް ބަލަހައްޓައިގެންނެވެ. ހައުލާ ދެއްކި ވާހަކަތަށް ޒީނާއަށް އުނދަގޫކުރަމުން ދިޔައެވެ. ވިސްނާލަން ހުރުމަށްފަހު ޒީނާ ހިނގައިގަތުމުން އިޒުވާނުވެސް އޭނަގެ ފަސްފަހަތުން ހިނގައިގަތެވެ. ޒީނާ އެކަމާ ގުޅޭގޮތުން އެއްވެސް ވާހަކައެއް ނުދެއްކިއެވެ. އޭނަ ބޭނުންވީ އިޒުވާނު އަމިއްލައަށް ފެނިގެން އެވާހަކަތައް އޭނައަށް ކިޔައިދޭނެ ވަގުތަކަށެވެ. ހިތްހަމަ ނުޖެހުނަސް ޒީނާ އެއްވެސް ވާހަކައެއް އޮޅުން ފިލުވާކަށް ބޭނުމެއް ނުވިއެވެ.

***

 ޑިއުޓީގައި އުޅުމަށްފަހު ފަސިންޖަރުން އަންނަ ސަރަހައްދުގައި މަޑުކޮށްލައިގެން  އިޒުވާނު ހުއްޓެވެ. ހީވަނީ ކޮންމެވެސް މީހެއްގެ އިންތިޒާރުގައި ހުރި ހެންނެވެ. އަވަސް އަވަހަށް އެދިމާއަށް ބަލައިލައެވެ. ދޮރާށި ހުޅުވުމާއެކު ރާއްޖެއިން މާލެއައި ގިނަ މީހުން ނުކުންނަންފެށިއެވެ. ދިވެހިންނާއި އެކި ޤައުމުތަކުގެ މީހުން ހެވިލާފައި ދިމަ ދިމާލަށް މިސްރާބު ޖަހަމުން ދިޔައެވެ. ރިސޯޓްތަކުގައި މަސައްކަތްކުރާ މުއައްޒަފުން އެމީހުންގެ ބެލުމުގެ ދަށުގައި ޒިޔާރަތްކުރި ފަތުރުވެރިނަން މަރުހަބާ ކިޔުމުގައި ރިސޯޓްގެ ނަންބޯޑު ހިފައިގެން އެމީހުންގެ އިސްތިޤުބާލުގައި ހަރަކާތްތެރިވަމުން ދިޔައެވެ.

އަނެއްކާވެސް ދޮރާށި ހުޅުވުމާއެކު އިޒުވާނު ކުރަމުން ދިޔަ އިންތިޒާރުގެ ނިމުންއައީކަން އޭނަގެ މޫނުމަތިން ފެންނަމުންދިޔަ ހިނިތުންވުމުން ހާމަވެގެން ދިޔައެވެ. ދޮރާށިން ޓްރޮލީއެއް ހިފައިގެން ޖުމާން ނުކުތްތަން ފެނުމުން އިޒުވާނު އުފަލުން ހުރެ ޖުމާނަށް އަތް ހޫރާލިއެވެ. ޖުމާން އައިސް އޭނަގާތުގައި މަޑުކޮށްލިއެވެ. ދެމީހުން އެކަކު އަނެކަކާއި އަތާއި އަތް ޖޯޑުކޮށްލަމުން ސަލާމްކޮށްލިއެވެ. ކޮނޑާއި ކޮނޑު ޖައްސާލަމުން އެކަކު އަނެކަކަށް ބަލާލަމުން ހިނިތުން ވެލިއެވެ. ދުވަސްތަކަކަށްފަހު ބައްދަލުވީތީ ދެމީހުންވެސް ތިބީ ވަރަށް އުފަލުންނެވެ.

“އާފްޓާ ލޯންގް ޓައިމް.. ޗުއްޓީ އަށްވެސް މިކޮޅަށް އަންނަން ހިޔާލު ކުރީތީ ވަރަށް އުފާވެއްޖެ..” އިޒުވާނު އޭނަގެ އެކުވެރިޔާ އަތުން ޓްރޮލީ އަތުލަމުން ހިނގައިގަތެވެ.

“އައްސު ނުވޭ މިކޮޅަށް އަންނަ ހިތެއް. އެކޮޅުގަ މާ މަޖާގަޅާފަ އުޅެވޭ. ކްލާސް ނިންމާފަ ރޭގަނޑު ނައިޓްލައިފް. ނުލާހިކު ފްރީ.. ޗިކުން އެހާ ގިނަ. ޔޫކޭ އެއީ ޗިލް ތަނެއް. ކުލަބިންވެސް އެހާ ފައްކާ. މިތާ ކޮންކަމެއް އޮތީ. ޤައުމު ސިޔާސީވެ ހަލާކުވެފަ. މިނިވަންކަމެއް ނެތް. މަ ކިޔަވާ ނިމުނަސް އައި ޑޯން ވޮނަ ކަމް ބެކް ބްރޯ.. އައި ވިލް ސްޓޭ ދެއަ.. މިތާގަ ޖޮބަށް ގޮއްސަ އައިސް ހަތަރު ގަޑިއިރުވަންދެން ކޮފީއަށްއަރާ މީހުންގެ މަސްކައިގެން ނިދުން… މީ ހަމަ ކަޑަ ތަނެކޭ..” ރާއްޖެއިން ބޭރުގައި އުޅެމުންދާ މަޖާގޮތުގެ ވާހަކަ ޖުމާން ކިޔައިދެމުން ދިޔައިރު އިޒުވާން ހެވިފައި އެވާހަކަތައް އަޑުއަހަމުން ދިޔައެވެ. އެއީ ޖުމާންގެ އާދައެވެ. ކޮންމެވެސް ފޮނި ވާހަކަތަކެއް އަބަދުވެސް ދައްކާނެއެވެ.

މާލެ ދިއުމަށް ޓިކެޓް ކައުންޓަރަށް ގޮސް ޓިކެޓް ނަގައިގެން އިޒުވާނާއި ޖުމާން ފެރީއަންނަދެން މަޑުކޮށްލައިގެން ތިއްބެވެ. އެއަރޕޯޓާށް އަންނަމުންދާ ތަރައްޤީގެ ކުލަވަރު ފެނި އަންތަރީސްވެފައި ބަލަން ޖުމާނަށް ހުރެވުނެވެ.

“މިކުޑަ ރާއްޖެވެސް ފާޑަކަށް ތަރައްޤީ ވޭދޯ..” މަލާމާތުގެ ރާގަކަށް ޖުމާން ހުރެފައި ބުންޏެވެ. އިޒުވާނު ފާޑަކަށް ހެވިފައި ޖުމާނަށް ބަލަން ހުއްޓެވެ.

“ދެން ތިއެއްނޫނޭ.. ނެތްތަ މިރޭ ތަޅާލަން ރަނގަޅު ޗިކެއް.؟” ޖުމާންގެ ސުވާލުން އިޒުވާނުގެ މޫނުމަތިން ވިހަ ހިނިތުންވުމެއް ވެރިވެގެން ދިޔައެވެ.

“ނޫނޭ. ޗިކުން އެބަތިބި.. ޖުމާނަށް ކުރަން ކެރުނު ވަރެއް..” އިޒުވާނު ޖަވާބުދިނެވެ.

“މިރޭ ނޫނަސް އޯކޭވާނެ. މިރޭ ދެން ރެސްޓް ކޮށްލާނީ. އެގޮތް އޯކޭ އެންނު.. ފެރީ ވެސް އެ އައީ. މަ ކަމެއް ބަލާފަ ކައެއަށް ހަބަރެއް ވާނަން..” ޖުމާން ފެރީ ކައިރިކޮށްލުމުން އެދިމާއަށް ހިނގައިގަންނަމުން ޖަވާބު ދިނެވެ. ފެރީ މަޑުކޮށްލުމުން އިޒުވާނުވެސް ޓްރޮލީ ހިފައިގެން އެދިމާއަށް ހިނގައިގަތެވެ.

“އޯކޭ ބޮރޯ.. ކައެ ގުޅާ. އެކަމް ފައްކާ ޗިކެއް ބޭނުންވާނީ އިނގޭ..” ކުޑަވަގުތުކޮޅަކަށް އަލްވަދާއު ކިޔަމުން ޖުމާން ގޮސް ފެރީއަށް އެރިއެވެ.

***

ހަވީރުގެ ހިތްގައިމު ވަގުތު ޖުމާނާއި އިޒުވާނު ކޮފީ އެއްބޯލަން ތިބީ ފާން ރެސްޓޯރަންޓް އަތިރިމަތީ ސަރަހައްދުގައެވެ. ދެމީހުންވެސް ތިބީ ވަރަށް އޮލަ ވާހަކައެއްގައެވެ. އެ މަންޒަރު ބަލަން ހައުލާ ތަންކޮޅެއް ދުރުގައި ހުރި މޭޒެއްކައިރީގައި އިނެވެ. ހައުލާގެ ކަމަކަށްވެފައި އޮންނަނީ އިޒުވާނަށް ފާރަލުމެވެ. އޭނަ އުޅެމުންދާ ހުރިހާ ގޮތެއް ހައުލާ ދިޔައީ ވަރަށް ގާތުން ބަލަމުންނެވެ. އިޒުވާނުގެ ކޮންމެ ހަރަކާތަކަށް އަޅާ ފިޔަވަޅަކަށް ހައުލާގެ ދުވަސްތައް ދެމިގެން ދެއެވެ. ބަދަލު ހިފުމަށް ހައުލާ ދަނީ ކެނޑިނޭޅި މަސައްކަތް ކުރަންނެވެ. ހައުލާ އަށް ވިސްނޭގޮތުގައި ކޮންމެވެސް ދުވަހަކުން އެކަން ކާމިޔާބުވާނެއެވެ. އެކަން ހައުލާ އަބަދުވެސް ދިޔައީ ގަބޫލުކުރަމުންނެވެ.

“އޭތް މިތާ މަޑުކުރައްޗޭ. މަ އަންނާނަން ޒީ ޑިއުޓީއަށްދާން ބަހަށް ވައްޓާލާފަ. އޭނަ ޑިއުޓީއަށް ދާން ގަޑި ޖެހޭތީ މެސެޖްކޮށްފި..” އިޒުވާނު ތެދުވިތަން ހައުލާއަށް ފެނުނެވެ. ޖުމާން އާއެކޭ ބުނުމުގެ ގޮތުން ބޯޖަހައިލިއެވެ. އިޒުވާނު ސައިކަލުގައި ދުއްވާލިތަން ފެނުމާއެކު ހައުލާ ގޮޑިން ތެދުވިއެވެ. ރަނގަޅަށް ކޮޅުކޮޅަށް ނަޒަރު ހިންގާލުމަށްފަހު ތެދުވެގެން ޖުމާން އިން މޭޒާއި ދިމާއަށް ހިނގައިގަތެވެ. ޖުމާން ސިނގިރޭޓެއް ދަމާލުމަށްފަހު ފޯނާއި ކުޅެން މަސްއޫލުވެގެން އިނެވެ.

“ޖުމާ…” ކޮންއިރަކު މާލެ އައީ..؟ އަންގާވެސް ނުލާ..” ހައުލާ މޭޒުކައިރީގައި ހުރި ގޮޑި ދުރައްޖައްސާލަމުން ޖުމާނަށް ގޮވާލިއެވެ. ޖުމާން ސިހިފައި ކަހަލަ ގޮތަކަށް ހައުލާއަށް ބަލައިލިއެވެ. ހައުލާ އެ ގޮޑީގައި އިށީނެވެ.

“ވަޓް ދަ.. ހައު ދޯ.. ނުވެސް އެނގުނު. ހާދަ ހިއްކާލާފަ…” ހައުލާ ފެނުމުން ޖުމާން ފޯނު މޭޒުމަތީގައި ބާއްވަމުން ވާހަކަ ދައްކަން ފެށިއެވެ. ހައުލާ ކުރިން ހުރިގޮތާއި ތަފާތުކަމެއް ފެންނަން ހުރުމުން ޖުމާނަށްވެސް ބުނެލެވުނީ އެވާހަކައެވެ. އިޒުވާނާއި ހައުލާ ރައްޓެހިވެގެން އުޅުނު އިރު ޖުމާނާއި ހައުލާވެސް ގާތްގުޅުމެއް އޮތެވެ. ނަމަވެސް ކަންތައް ހިނގާދިޔަ ގޮތުން އެދެމީހުންގެ ގުޅުން ވެސް ދުވަސްކޮޅަކަށް މެދުކެނޑިގެން ދިޔައީއެވެ.

“ދެން މިހެންވެސް ވާނެ ދޯ. ހުޅުމާލެގަ ކޮންކަމެއް؟’ ހަޤީގަތް އެނގިހުރެވެސް ހައުލާކޮށްލީ ސުވާލެކެވެ. ދަބަހުން ސިނގިރޭޓް ފޮށި ނަގައި ސިނގިރޭޓެއް ރޯކޮށްލަމުން ޖުމާނަށް ބަލައިލިއެވެ.

“މިހާރު ފެގުވެސް ދަމަންތަ؟” ހައުލާ ސިނގިރޭޓް ރޯކޮށްލުމުން ޖުމާންކޮށްލީ ސުވާލެކެވެ.

“ކަމޯން. ލައިފް އިޒް ސޯ ހާޑް. ޖަސްޓް ލައިކް ދެޓް ޔޫ ނޯ ދޯ.. ފެގް ކީއްކުރަން ދެން ހުރި ކަންތައްވެސް..” ހައުލާ ބޭނުންވި ދިމާއަށް މައުޟޫއު ބަދަލުކޮށްލިއެވެ.

“މަވެސް މިއައީ އިޒޭ މިކޮޅުގަ އުޅޭތީ.. އޭނަ ދިޔައީ ބިޓު ބަހައް ވައްޓާލަން.” ޖުމާން އެހެން ބުނުމުން ހައުލާ މޫނަށް ފާޑެއްގެ ގޮތެއް ހަދާލިއެވެ. އެމަންޒަރު ޖުމާނަށްވެސް ފެނުނެވެ.

“އެހެންވީމާ ނުބައި ގަޑިއެއްދޯ މީ.. މިރޭ ފްރީތަ؟’ ހައުލާ ވިސްނާލަން އިނުމަށްފަހު ބުންޏެވެ.

******************

“މަންމައަށް ފެންނަނީ ދަރިފުޅު އެކޮޅަށް ދާން. ކުއްޔަށް އުޅޭ މީހުންނަށްވެސް ވަރަށް އުނދަގޫވާނެ އެކޮޅުގަ އެއްވެސް މީހަކު ނެތީއްޔާ. ދަރިފުޅަށް ހަމަ ރަނގަޅަށް އެނގޭނެއެކަން. މަންމަ ބޭނުމެއްނުވޭ ދަރިފުޅު މިތަނަށް އައިސް ތިހެން އޮންނާކަށް. ދަރިފުޅުވެސް ދެން ރަނގަޅު ކުއްޖެއް ހޯދައިގެން ދިރިއުޅުމެއްފަށައިގެން މާލޭގައި އުޅެންވީ އެންނު. މަންމަ ބޭނުމެއް ނުވޭ ރާއްޖޭގައި ދިރިއުޅެންދާކަށް. އެހެން ނޫނަސް ބައްޕަ ކަންތައް ކުރިގޮތުން އެފަސްގަނޑުދެކެ ވެސް މަންމަ ފޫހިވެއްޖެ..” އެނދުމަތީގައި އޮށޯވެލައިގެން އޮތް ޒުހުރީ އަށް ނަސޭހަތް ދިނުމުގެ ގޮތުން އޭނަގެ މަންމަ ވާހަކަ ދައްކަމުންދިޔައެވެ. ޒުހުރީ ބަނޑުވަތަށް އޮށޯވެލައިގެން އޮތްއިރު މީހަކު ކައިރީގައި އިނދެ އެއްޗެކޭ ކިޔާހެންވެސް އޭނައަށް ހީނުވާ ކަހަލައެވެ. ޒުހުރީގެ އަމަލުތައް ހުރި ގޮތުން އޭނަގެ މަންމަ އޭނައަށް ނަސޭހަތްތެރި ވަމުން ދިޔައެވެ.

މެލޭޝިޔާއަށް އައިސްސުރެ ޒުހުރީގެ ކަމަކީ ކޮޓަރީގައި އޮތުމެވެ. ބޭރަށް ދިއުމެއް މީހަކާ ވާހަކަދެއްކުމެއް ނެތެވެ. އޭނަގެ މަންމަ  ވިސްނައިދެވޭތޯ މަސައްކަތް ކުރަމުންދިޔައެވެ. ޒުހުރީއަށް އެހާ ބޮޑު ބަދަލުތަކެއް އައިސްފައިވާތީ އެކަމާ ޒަމީރާވެސް އަޖައިބުވިއެވެ. ނަމަވެސް ޒަމީރާގެ ހުރިހާ ވާހަކަތަކެއް ނަސޭހަތްތަކެއް ވެގެން ދަނީ ފޫނެއް ފަޔަކަށް ފެންފުރުން ކަހަލަ ކަމެއްގެ ގޮތުގައެވެ.

“ދަރިފުޅާ. މަންމަ މިވާހަކަ ދައްކަނީ މިހިރަ ބާލީސްތަކާއެއްނޫނޭ. މަންމައަށް އެނގޭ މިތަނަށް ތިއައީ އަންނަން ބޭނުންވެގެންނޫންކަން. އެންމެ ފުރަތަމަ ދުވަހުވެސް މެލޭއަށް އަންނަން ބުނީމަ ނައިސް މިހާރު … ދަރިފުޅު މަންމައަށް ކަމެއް ސިއްރު ކުރަނީތަ؟” ޒަމީރާ ވާހަކަ ދެއްކުމުންވެސް ޒުހުރީ އެއްވެސް ޖަވާބެއް ނުދިނެވެ. އޭރުވެސް ޒުހުރީގެ ލޮލުން ކަރުނަތައް އޮހެމުން ދިޔައެވެ. ޒުހުރީ ކަމެއް ސިއްރު ކުރާކަށް ޒަމީރާއަށް އެނގުނު ނަމަވެސް އެވާހަކަތައް އިތުރަށް ދައްކާކަށް  ބޭނުމެއް ނުވިއެވެ. އެންމެ ފަހުން ޒަމީރާ ކޮޓަރިން ނުކުމެގެން ދިޔައީ ޒުހުރީގެ ފަރާތުން އެއްވެސް ޖަވާބެއް ނުލިބުމުންނެވެ.

ޒަމީރާ ވެސް މެލޭޝިއާ އަށް ދިރިއުޅުން ބަދަލުކުރީ ފިރިމީހާގެ ފަރާތުން ލިބެމުންދިޔަ އަނިޔާތަކަށް ކެތްނުކުރެވިގެން ރާއްޖޭގައި ދިރިއުޅެން ފޫހިވެ އެ އަނިޔާތަކުން ސަލާމަތް ވުމުގެ ގޮތުންނެވެ. ޒަމީރާ ކޮޓަރިން ނުކުމެގެން ދިއުމުން ޒުހުރީ އޭނަގެ ފޯނުގައިވާ ޒީނާގެ ތަސްވީރަށް ބަލައިލިއެވެ. ޒުހުރީގެ ހުރިހާވެސް އުފަލަކީ އެތަސްވީރެވެ. ހިތްހަމަ ޖެހުމަކީވެސް އުފަލަކީވެސް އެފޯނުގައި ރައްކާކުރެވިފައިވާ ޒީނާގެ ތަސްވީރެވެ.

******

“މިރޭ ފްރީ ވާނެ. ގުޅާލަބަލަ..” ޖުމާން ސިނގިރޭޓް ބިންމައްޗަށް ވައްޓާލަމުން ބުންޏެވެ.

“މިރޭ ގުޅާނަން. އިޒުވާނުއަތުވެއްޖެއްޔާ މަންޒަރު މާ ރީއްޗެއް ނުވާނެ… ދެން ދަނީ..” ހައުލާ ގޮޑިން ތެދުވަމުން ބުންޏެވެ.

“ޖުމާންގެ ނަމްބަރު ގެނޭ. އޭރުންދޯ ހަބަރެއްވެސް ވެވޭނީ…..” ހައުލާ ތެދުވަމުން ޖުމާންގެ ނަމްބަރު ދިނުމަށް އެދުނެވެ. ޖުމާން ނަމްބަރު ކިޔާލުމުން ހައުލާ އޭނަގެ ފޯނުގައި ނަމަބަރު ރައްކާކޮށްލިއެވެ. ވިހަ ޒާތަކަށް ޖުމާން ބަލާލުމަށްފަހު ހައުލާ އެތަނުން ދިއުމަށް ހިނގައިގަތެވެ.

*****

ހައުލާއާއި އޭނަގެ މަންމަ ތިބީ ޓީވީއަށް ގެއްލިފައިއެވެ. އޭރު މަޣްރިބް ނަމާދު ބަންގިއަށް ވަގުތު ކައިރުވަމުންދިޔައެވެ. ބަންގި ވަގުތު ޖެހުމާއެކު ހައުލާގެ މަންމަ ގޮސް ކޮޓަރިއަށް ވަނެވެ.  ވަގުވަގަށް އޭނަގެ މަންމަ ކަންތައް ކުރަންއުޅުނު ގޮތް ބަލަން އިނެވެ. މަންމަ ގޮސް ކޮޓަރިއަށް ވަނުމާއެކު ތަންވަޅު ބަލާފައި ފޯނުން ޖުމާނަށް ގުޅިއެވެ.

“ފްރީތަ؟” ޖުމާން ފޯނު ނެގުމާއެކު ހައުލާ ކޮށްލީ ސުވާލެކެވެ.

‘އާން ދެން ފްރީ..” ޖުމާން ފޯނުން ވާހަކަ ދައްކަމުން ބުންޏެވެ. އޭރު އޭނަ އިނީ އިޒުވާނު ދިރިއުޅޭ އެޕާރޓްމަންޓުގައި އިޒުވާނާއި ވާހަކަ ދައްކާށެވެ.

“އާދޭ މިގެއަށް.. ހައުލާ އެގެއަށް އައުމަށް ދައުވަތު ދެމުން އަންނަންވިތަނާއި ހިސާބުގަނޑު ކިޔައިދެމުން ފޯނު ކަނޑައިލިއެވެ.

“ކާކު؟” ޖުމާން ފޯނު ކަނޑައިލުމުން އިޒުވާނު އަހައިލިއެވެ.

 “ބިޓެއް. އޭތް މަ އަންނާނަން އިނގޭ. ކައެއަށްމަ ގުޅާނަން ނިންމާލާފަ..” އިޒުވާނަށް ދޮގުހަދަމުން ޖުމާން ނުކުތީ ހައުލާގާތަށް ދިއުމަށެވެ.

ސައިކަލަށް އެރުމަށްފަހު ޖުމާން މިސްރާބު ޖެހީ ހައުލާގާތަށް ދިއުމަށެވެ. ހައުލާ ބުނި ހިސާބަށްދެވުމާއެކު ޖީބުން ފޯނު ނެގުމަށްފަހު  ގުޅާލިއެވެ. ޖުމާން ވާހަކަ ދެއްކުމަފަހު ފޯނު ކަނޑައިލިއެވެ.

ހައުލާ ދޮރޮހުޅުވާލިއެވެ. އޭރު ޖުމާން ހުރީ އެގޭ ދޮރުމަތީގައެވެ. އަވަސް އަވަހަށް ޖުމާން އަތުގައި ހިފައިގެން ގޮސް ކޮޓަރިއަށް ވެއްދިއެވެ. ކޮޓަރީގެ ދޮރު ތަޅުލުށްފަހު ޖުމާން ބަލައިލިއެވެ. ޖުމާން ހުރީ ހަދާނެ ގޮތެއް ނޭންގިފައެވެ. ހައުލާ ގެ ބެލުމުގައި ވަހުޝީ ގޮތެއް ހުއްޓެވެ. މާ ގިނައިރުވަންދެން ބަލާކަށް ހައުލާއަށް ނުހުރެވުނެވެ. އަވަސް ފިޔަވަޅުތަކާއެކު ޖުމާންގެ މޭގައި އަތްއަޅާ ކޮށްޕާލިއެވެ. ޖުމާން ބާރަކަށްގޮސް އެނދުމައްޗަށް ޖެހުނެވެ. ވާހަކަ ދައްކަން ޖުމާނަށް ފުރުސަތެއްވެސް ނުދީ ހައުލާ ގޮސް ޖުމާންގެ ގައިމައްޗަށް ޖެހިގަތެވެ. ތެދުވަން މަސައްކަތް ކުރި ނަމަވެސް އެފުރުސަތުވެސް ޖުމާނަކަށް ނުލިބުނެވެ. ޖުމާނަށް ހައުލާގެ އަވަސް ހަރަކާތުން އެނދުން ބޯ ހިއްލާލަންވެސް ވަގުތުކޮޅެއް ނުލިބުނެވެ. ދެމީހުން އެކަކު އަނެކަކަށް ބަލަހައްޓާއިގެން އޮވެވުނީވެސް މަދު ސިކުންތުކޮޅަކަށެވެ.  ބަލަން ނޯވެ ޖުމާންގެ ތުންފަތުގައި އަނގަޖެހިއެވެ. ޖުމާނަށް އެކަމުގެ ލައްޒަތު ލިބެން ފެށުމުން ހައުލާގެ ގައިގައި ދެއަތްވަށާލުމާއެކު އެނދަށްވެސް ލޮޅުން އަރައިގެން ދިޔައެވެ.

“ހައު. ކިހިނެއް ތި ހެދީ.. އިޒޭ އެއީ ހާދަ ކަޑަ ޅ އެކޭ ދޯ..” ބޮކްސާލަމުން ޖުމާން ބުންޏެވެ. ހައުލާ އޮތީ އެނދުމަތީގައި ބެޑްޝީޓުން އަޅައި ހަށިގަނޑު ނިވާކޮށްލައިގެންނެވެ. އޭނަގެ މޫނުމަތިން ފެންނަމުން ދިޔައީ ވިހަ ހިނިތުންވުމެކެވެ. ޖުމާން އެއްޗެހިލައިގެން ފުންނޭވާއެއް ބޭރުކޮށްލިއެވެ. އޭރުވެސް ހައުލާ ވިހަ ގޮތަކަށް ހެވިފައި ޖުމާނަށް ބަލަން އޮތެވެ.

“ދެން ދަނީ. އަދި އަންނާނަން ހައު އެއްކޮށް…. ބެޑަށް ހަމަ އެއްވަނަ..” ޖުމާން އެއްލޯ މަރާލަމުން ކޮޓަރިން ނުކުތުމަށް ހިނގައިގަތެވެ. އޭރުވެސް ހައުލާ ޒާތަކަށް ހެވިފައި އޮތެވެ. ކޮޓަރީގެ ދޮރުހުޅުވާލުމަށްފަހު ސިޓންރޫމަށް ނަޒަރު ހިންގާލުމަށްފަހު މީހަކު ފެންނަންނެތުމުން ވަރަށް ސިއްރުން އެގެއިން ނުކުތެވެ.

“ހައުލާ ބެޑްޝީޓް ހޫރާލަމުން ކަހަލަ ގޮތަކަށް އެނދުން ތެދުވިއެވެ. ހަމަ އެވަގުތު އޭނަގެ ރީތި ހަށިގަނޑުގެ ފަރުދާ ކެހިގެން ދިޔައެވެ. އޭނަގެ މޫނުމަތިން ފެންނަމުން ދިޔައީ އުފާވެރިކަމެވެ. ކުއްލިއަކަށް ހައުލާއަށް ނުބައި ޒާތަކަށް ހޭންފެށިއެވެ. މުޅި ކޮޓަރިއަށް ހުނުމުގެ އަޑު ގުގުމައިގެން ދިޔައެވެ. ހީވަނީ ކުރަންބޭނުންވި ވަރަށް ބޮޑު މަޤުސަދެއް ހާސިލްވީހެންނެވެ.

***

“އަދިވެސް ކައެ މަށަށް ޗިކެއް ހޯދާ ނުދެމެންނު. މިހާރު އޭގެ ފަހުންވެސް ތިން ދުވަސް ފާއިތުވެގެން މިދިޔައީ. ރަނގަޅު ރައްޓެއްސެއް ތިއީ އިނގޭ. މަ މިހާރު ބޮލަށް އަރާފަ މިހުންނަނީ.. ކައެ މިހާރު މިކުޅިގަނޑު ހުއްޓާލީތަ؟ ޖުމާން ވާހަކަ ދެއްކީ އިޒުވާނުގާތުގައެވެ. އެ ދެމީހުން ތިބީ ތަޕާސްގައި ކޮފީއެއް ބޯލާށެވެ. ވަގުތަކީ ހަވީރު ވަގުތުކަމުން ފުދޭވަރަކަށް މީހުންވެސް އެތަނުގައި ތިއްބެވެ.

“ހާސްނުވެބަލަ. އަދި ކަމެއް ނުވެފައެއް ނެތެއްނު” އިޒުވާނު ހިނިތުންވެލަމުން ބުންޏެވެ.
***

ހައުލާ އުޅުނީ ލާނެ ހެދުމެއް އިސްތިރިކުރާށެވެ. އެނދުމަތީގައި އިސްތިރިކޮށްފައި ބާއްވާފައި އޮތް ޖީސްވެސް އޮތެވެ. އެނދުގެ އެއްފަރާތެއްގައި ފޯނުވެސް އޮތެވެ. ފޯނު ރިންގްވާން ފެށުމުން ހައުލާ ގޮސް ފޯނު ބަލައިލިއެވެ. ޔަގީންކޮށްލުމުގެ ގޮތުން ހައިރާންކަމާއެކު ފޯނަށް ބަލަހައްޓައިގެން ހުރެވުނެވެ. އަތަށް ފޯނު ނެގުމަށްފަހު ވިސްނާލިއެވެ. ކުޑަވަގުތުކޮޅަކު ވިސްނާލަން ހުރުމަށްފަހު ފޯނަށް ޖަވާބުދިނެވެ.

***

“އަދި ތިކަން ނުވެފަ ނެތެއްނު.. ތިކަން ކޮށްދޭނަމޭ. އަދިވެސް މަ މިހުރީ މަގޭ ގޮތުގަ. އަޒުމަކަށް ހިތްވަރަކަށް ބަދަލެއް ނޭދޭ..” އިޒުވާނު އަނެއްކާވެސް ވާހަކަ ދައްކަން ފެށިއެވެ. އިޒުވާނު ޖަވާބުދިން ގޮތުން ޖުމާނަށް ލާނެއް ގޮތަކަށް އިޒުވާނަށް ބަލާލެވުނެވެ.

“އޯކޭ ޗިލް. އެކަމަކު މިރޭ ވާނެ ޗިކެއް ހޯދަން..” ޖުމާން ޖަވާބުދެމުން އަތުގައި އޮތް ސިނގިރޭޓް ދަމައިލިއެވެ. އިޒުވާނުގެ ވާހަކަ ތަކުން އަދިވެސް އޭނަގެ އުޅުމަށް މާބޮޑު ބަދަލުތަކެއް އައިކަމެއް ފާހަގައެއް ނުކުރެވުނެވެ.

ޑިއުޓީ ނިންމާލުމަށްފަހު ޒީނާއަށް ބަހުގައި ހުޅުމާލެއަށް އާދެވުނީ ރޭގަނޑު އެކެއްވެސް ޖަހާ ބޮޑުވިފަހުންނެވެ. ބަސް އައިސް ބަސްހުއްޓިއަށް މަޑުކޮށްލުމުން ޒީނާ ފޯނު ނަގައި އިޒުވާނަށް ގުޅައިލީ ބަލާ އާދެވޭނެތޯ ބަލާލުމަށެވެ.

“ހަލޯ. ބަސް ސްޓޮޕް ކައިރީގައި..” ޒީނާ ފޯނުކުރުމުން އިޒުވާނު ފޯނު ނެގުމަށްފަހު ފޯނަށް ޖަވާބުދިނެވެ. ޒީނާ ލުއި ހިނިތުންވުމަކާއެކު އުނގުމަތީގައި އޮތް ދަބަސް ތެރެއަށް އޭނަގެ ފޯނު ލިއެވެ. ބަހުން ފޭބިއިރު އޭނަގެ އިންތިޒާރުގައި އިޒުވާނު ސައިކަލުގައި އައިސް އިނެވެ. ޒީނާ އިސްތަށިގަނޑު ނިއުޅާލަމުންގޮސް އިޒުވާނުގައި ސައިކަލު ފަހަތަށް އެރުމަށްފަހު އިޒުވާނުގެ އުނަގަނޑުގައި އަތްވަށާލިއެވެ.

އިޒުވާނު ސައިކަލު ދުއްވާލިއެވެ. ވަކި ހިސާބަކުން އޭނަގެ ފަހަތުން އެހެން ދެ ސައިކަލަކުވެސް ދުއްވަމުން ދިޔައެވެ. އެމީހުންގެ ސައިކަލުގެ މިސްރާބުވެސް ހުރީ ހަމަ އިޒުވާނުގެ ސައިކަލު ހުރި މިސްރާބަށެވެ.  ސައިކަލު ދުއްވަމުން ގޮސް މަޑުކޮށްލީ ޒިނާ ދިރިއުޅޭ ފްލެޓްކައިރިއަށެވެ. ސައިކަލު މަޑުކޮށްލުމުން ޒިނާ ސައިކަލުން ފޭބިއެވެ. އިޒުވާނުވެސް ސައިކަލުގެ ލައިޓް ނިއްވާލަމުން ތަޅުދަނޑި ޖީބަށް ލަމުން ސައިކަލުން ފޭބިއެވެ.

“ގޭގަ ނެތްތަ ކާއެއްޗެއް؟ ވަރަށް ބަނޑުހައި.” އިޒުވާނު ބަނޑުގައި އަތްކާއްތާލަމުން ބުންޏެވެ. ލުއި ހިނިތުންވުމެއް ފޮނުވާލަމުން އިޒުވާނުގެ އަތުގައި ހިފިއެވެ.

“ހުންނާނެ މެންދުރު ކެއްކި މަސްބަތާއި ރިހާކުރު ވެސް. ހިނގާ ދާން ކާން..” ޒީނާ އިޒުވާނުގެ އަތުގައި ހިފައިގެން އެތެރެއަށް ވަނުމަށް ހިނގައިގަތެވެ.

ދޮރު ހުޅުވާލުމަށް އިޒުވާނުގާތު މަޑުކުރުމަށް ބުނުމަށްފަހު ޒީނާގޮސްވަނީ ކޮޓަރިއަށެވެ. ލައިގެން ހުރި އެއްޗެއްހި ބަދަލުކޮށްލައިގެން ބޭރަށް ނުކުތްއިރު އިޒުވާނު ސޯފާގައި ޓީވީއަށް ގެއްލިފައި އިނެވެ. ޒީނާ ފެނުމުން އިޒުވާނު ލޯބިން ހީލިއެވެ. ޒިނާވެސް ހިނިތުންވުމެއް ފޮނުވާލަމުން އަވަސްވެގަތީ އިޒުވާނަށް ކާންހެދުމަށެވެ. މޭޒުމައްޗަށް ކާން ތައްޔާރު ކުރުމަށްފަހު ފްރިޖުން ފެންފުޅިއެއް ނަގައިގެން ޖޫސްތައްޓެއް ތައްޔާރުކޮށްލިއެވެ.

“އިޒުވާން. އާދޭ ކާން. ޒީވެސް އަންނާނަން ފާހަނާއަށް ވަދެލާފައި. މަވެސް ވަރަށް ބަނޑުހައި..” ޒިނާ އެހެން ބުނުމަށްފަހު ގޮސް ކޮޓަރިއަށްވަނެވެ. އިޒުވާނު ސޯފާއިން ތެދުވިއެވެ. ޒިނާ ދިއުމުން އިޒުވާނު ތެދުވެގެން ގޮސް ހުއްޓުނީ އެގޭ މައިދޮރާށި ކައިރީގައެވެ. ސިއްރު ސިއްރުން ދެކޮޅު ހޯދާ ބަލާލުމަށްފަހު ދޮރު ހުޅުވާލިއެވެ. ކުއްލިއަކަށް މީހަކު ދޮރުން އެތެރެއަށް ދެމިގަތެވެ. އެމީހަކު ވަތްގޮތަށް ގޮސްވަނީ ޒީނާގެ ކޮޓަރިއަށެވެ. އިޒުވާނު ދޮރު ލައްޕާލިއެވެ. ނަމަވެސް ދޮރު ތަޅުލާކަށް ހަނދާނެއް ނެތެވެ.

 ފާހަނާގައި އުޅުމަށްފަހު ފާހަނާގެ ދޮރު ހުޅުވާލިއެވެ. އޭރު ކޮޓަރީގައި އެއްވެސް އަލިކަމެއް ނެތެވެ. ކޮޓަރީގެ ބޮކި އެނދީކަމަށް ބަލާފައި ފާހަނާގެ ބޮކިވެސް ނިއްވާލިއެވެ. ފާހަނާގެ ބޮކި ނިއްވާލުމާއެކު މުޅި ކޮޓަރިވެސް އަނދިރި ގުދަނަކަށްވެގެން ދިޔައެވެ. އާދައިގެ ފިޔަވަޅުތަކާއެކު ކުރިއަށް ހިނގައިތީ ކޮޓަރިން ނުކުތުމަށެވެ. ކުއްލިއަކަށް އޭނަގެ ފުރަގަހުން މީހަކު އައިސް އަނގަމަތީގައި އަތްއެޅިއެވެ. ލިބުނު ސިހުމަކާއެކު ޒީނާގެ ދެލޯ ބޮޑުވެގެން ދިޔައެވެ. ސަލާމަތްވުމަށް ތެޅިގަނެވުނެވެ. ހަޅޭއްލަވަން މަސައްކަތް ކުރި ނަމަވެސް އެކަން ކާމިޔާބުވާގޮތެއް ނުވިއެވެ. އޭނަގެ އަނގަވަނީ ބައްދުވެފައެވެ. ގަދަ ބާރު ދެއްކި ނަމަވެސް ކުރެވޭނެ ކަމެއްނެތެވެ. ސަލާމަތްވޭތޯ ކުރެވުނު ހުރިހާ މަސައްކަތެއް ކުރަމުން ދިޔައެވެ. އެމީހެއްގެ ބާރު ގަދަކަމުން ޒީނާއަށް މާބޮޑު ކަމެއް ކުރެވޭގޮތެއް ނުވިއެވެ. ނަމަވެސް  ހިތްވަރު ކޮށްފައިވެސް ބެލީ ސަލާމަތްވޭތޯއެވެ. އެމީހާ ޒީނާ ގެންގޮސް އެނދުމައްޗަށް ވައްޓާލިއެވެ. އެމީހާގެ ބާރު މާގަދައެވެ. ހަޅޭއްލަވައިގަތް ނަމަވެސް އިޒުވާނުގެ ހިލަމެއްވެސް ނުވިއެވެ. ޒީނާ ރޯމަހެއްހެން ސަލާމަތްވޭތޯ ތެޅިފޮޅެމުން ދިޔައެވެ.

އިޒުވާނު ކާންވެގެން މޭޒުކައިރީގައި ހަމަޖެހިލައިގެން އިނެވެ. ކަމުން ދިޔައިރުވެސް އޭނަގެ މޫނުމަތިން ހާސްވެ ކަންބޮޑުވުމުގެ އެއްވެސް އަސަރެއް ފެންނާކަށްނެތެވެ. އިޒުވާނުގެ މޫނުމަތިން ފެންނަމުންދިޔައީ ވިހަގަދަ ޖާހިލު ހިނިތުންވުމެކެވެ. ކައި ނިންމާލުމަށްފަހު ފުންނޭވާއެއްލަމުން ޖޫސްތަށި ދަމާލިއެވެ. ތަށި މޭޒުމަތީގައި ބަހައްޓަމުން ކޮޓަރީގެ ދޮރަށް ބަލައިލަމުން ލާނެއްޒާތަކަށް ހިނިތުންވެލިއެވެ. އެ ބަލާލުމުގައިވެސް ރަހުމެއް ހަމްދަރުދީއެއް ނެތެވެ.

އިޒުވާނަކީ ކޮންކަހަލަ އަޑިނުބައި މީހެއް ހެއްޔެވެ. މުސްކުޅިންބުނެއުޅެނީ ތެދެކެވެ. އެއްފުޅައްމަތިން ފުންމާލި ބަކަރި އަނެއްފުޅައްމަތިންވެސް ފުންމާލާނެއެވެ. ޒީނާއަށް އެވަރުގެ އަނިޔާއެއްދޭން ކެރުނީ އެފަކީރުގެ ކޮންކުށެއް އޮވެގެން ހެއްޔެވެ. އިންސާނެއްވިއްޔާ ގޮތެއްވެސް ހުންނަން ޖެހޭނެއެވެ. މިއަދު ޒީނާގެ ހުރިހާވެސް އުއްމީދެއް ވެއްޔާއި މޮޑެވިގެންދާން ދޫކޮށްލަން އިޒުވާނަށް ކެރުނީ ކީއްވެހެއްޔެވެ.؟ ޒީނާ އޭނަދެކެ ވި ލޯބީގެ ބަދަލުގައި އެވަރުގެ ރަހުމެއްނެތް ގޮތަކަށް ކަންތައް ކުރަންކެރުނީ ކީއްވެހެއްޔެވެ؟. ޒީނާގެ އިއްފަތްތެރިކަން ވިއްކާލަން އިޒުވާނަށް އޮތީ ކޮން ހައްޤެއް ހެއްޔެވެ.؟ ލޯބިވުމަކީ ކުށަކަށްވާނަމަ ޒީނާއަށް އެކުށުގެ ސަޒާލިބެމުން އެދަނީއެވެ.

ޒީނާ ތެޅިފޮޅެމުން ދިޔައީ އެމީހާގެ ކިބައިން ސަލާމަތްވޭތޯއެވެ. މީގެކުރިންވެސްވަނީ މީހެއްގެ ޝިކާރައަކަށްވެ އިއްޒަތްވެއްޔާއި މޮޑެވިފައެވެ. އަނެއްކާވެސް ޒީނާގެ އިއްފަތްތެރިކަން ފޭރިގަންނަން މީހަކު އެދަނީ ކެނޑިނޭޅި މަސައްކަތްކުރަމުންނެވެ. އިންސާނުންގެ ސިފައިގައި އުޅޭ މީހުންނަކީ ހަމަ ޖަނަވާރުންނެވެ، ޤަބޫލުކުރަންޖެހޭ ހަގީގަތަކީ ޖަނަވާރުންގެ ސިފައިގައި އިންސާނުން އުޅޭކަމެވެ.

ކައިނިމިގެން ގޮސް ސޯފާގައި އިށީނެވެ. އޭނަގެ ހިތުގައި ޒީނާއަށް ލޯބިނެތްތާގައި ހަމްދަރުދީއެއްވެސް ނެތެވެ. ޓީވީގެ އަޑު ބާރުކޮށްލަމުން އަނެއްކާވެސް ނުބައި ފާޑަކަށް ހެމުން ކޮޓަރިއާ ދިމާއަށް ބަލައިލިއެވެ.

އިޒުވާނު ސިހިފައި ތެދުވީ މީހަކު އެގޭ ބޮޑުދޮރުގެ ތަޅުގައި ހިފާލުމުންނެވެ. ދޮރުހުރީ ތަޅުނުލައިކަން ހަނދާންވީ ދެނެވެ. ކަންތަކާ ޖެހުނީތާއޭ ހިތައި ފުންމައިގެން ސޯފާއިން ތެދުވިއެވެ. އަވަސްއަވަހަށް ދޮރާއި ދިމާއަށް ދުއްވައިގަނެވުނެވެ. ދޮރުގެ ތަޅުގައި ހިފާލުމާއެކު ދޮރު ކޮށްޕާލިއެވެ. ނަމަވެސް ބޭރުން ދޮރު ހުޅުވަން ހިފާލި މީހަކު އެއަށްވުރެ ބާރަށް ދޮރު ކޮށްޕާލުމަށްފަހު އެތެރެއަށް ދެމިގަތެވެ. ހައުލާ އާއި ޒުހުރީ ފެނުމުން އިޒުވާނުގެ ދެލޯ ބޮޑުވެ ހަދާނެގޮތް ހުސްވިއެވެ. ޒުހުރީ ދުއްވައިގަތީ ޒީނާ އުޅޭ ކޮޓަރިއާ ދިމާއަށެވެ.

“ގޮތްކުޑަ ޖަނަވާރު. މިރޭ މަ ކަލެއަށް ދައްކާލާނަން ކޮބައިގެން ހައުލާގެ އަސްލު ސޫރަ..” ހައުލާ އައި ރުޅީގައި އަތްދަމާފައި އިޒުވާނުގެ ކަނދުރާމަތީގައި ޖެހިއެވެ.

ޒުހުރީ ކޮޓަރިއަށްވަތްގޮތަށް ސްވިޗް ހޯދަމުން ގޮސް ސްވިޗް ބޯޑުގައި އަތްޖެހުމާއެކު ހޮޅުބުރި ދިއްލާލިއެވެ. ކޮޓަރިއަށް އަލިކަން ވެރިވުމާއެކު ޒީނާއަށްވެސް ލިބުނީ ބޮޑު ހައިރާންކަމެކެވެ. އޭނަގެ ގައިމަތީގައި އޮތީ އިޒުވާނުގެ އެންމެ ގާތްއެކުވެރިޔާ ޖުމާނެވެ. ހައުލާއަށް ބުނާނެ އެއްވެސް އެއްޗެއްނޭންގިފައި ޖުމާނަށް ބަލަން އޮވެވުނެވެ. ގަބޫލުކުރިއަސް ނުކުރިއަސް ލޮލަށް ފެންނަމުން ދިޔައީ ހަގީގަތެވެ.

ޒުހުރީ ފެނުމާއެކު ޖުމާން ތެދުވިއެވެ. ޒުހުރީ އައިގޮތަށް އައިސް ޖުމާނާއި ސަލާމްކޮށްލިއެވެ. ޒީނާއަށް އެމަންޒަރު ފެނުމުން ހިތުގައި އެތަކެއް ސުވާލުތަކެއް އުފެދުނެވެ. ބަސްހުއްޓިފައި މަންޒަރު ބަލަން އޮވެވުނެވެ.

“ތޭންކސް ޖުމާން..” ޒީނާ އެނދުމަތީގައި އޮތީ ވާނުވާ ނޭންގިފައެވެ. ޒުހުރީ ލޯތްބާއި އޯގާތެރިކަމުގެ ބެލުމަކުން ޒީނާއަށް ބަލަމުންދިޔައެވެ. ޒިނާ ފެނުމުން ޒުހުރީގެ ހިތަށް ފިނިކަމެއް ލިބުނެވެ. ޒީނާއަށްޓަކައި ވެވުނު ލޯބި އޭނަގެ މޫނަށް އަންނަ ބަދަލުތަކުންވެސް ފާޅުވަމުން ދިޔައެވެ. ޒީނާއަށްޓަކައި ފުރާނަވެސް ދޭން އެލޯތްބަށް އެދިއެދި ހުރި ޒުހުރީ ބަލަމުންދިޔައިރު ޒީނާއަށްވެސް ޒުހުރީއަށް ބަލަހައްޓައިގެން އޮވެވުނެވެ. ޒުހުރީ އާދައިގެ ހިނގުމެއްގައި ގޮސް ޒީނާގެ ކޮނޑުގައި ހިފަމުން އެނދުމަތިން ނެގިއެވެ. ޒީނާގެ ދެލޮލަށް ވަރަށް ފަރުވާތެރިކަމާއެކު ބަލާލެވުނެވެ. ޒުހުރީގެ ދެލޮލުން ޒީނާއަށް ފެނުނީ ލޯތްބާއި ހަމްދަރުދީއެވެ. ކެތްތެރި ކަމެވެ. ކުލުނެވެ.

 ޒީނާގެ އަތުގައި ހިފާލިއެވެ. އޭރުވެސް ޒީނާ ހުރީ ވާނުވާ ނޭންގިފައެވެ. ބުނާނެ އެއްޗެއް ނޭންގިފައެވެ. ޒުހުރީ ކުއްލިއަކަށް އޭނަ ދޫކޮށްލާފައި ފުރައިގެން ދިޔަ މީހަކު މިއަދު އޭނަގެ ކުރިމަތީގައި އައިސް ހުރީ ކީއްވެބާއެވެ. ވާން މިއުޅެނީ ކިހިނެއްކަމެއް ނޭންގި އަޖައިބުވެ ބަސްހުއްޓިފައި ޒީނާއަށް ހުރެވުނެވެ. ޒުހުރީ މަޑުމަޑުން ޒިނާގެ އަތުގައި ހިފައިގެން ކޮޓަރިން ނުކުތެވެ.

“ޖުމާންވެސް އާދޭ..” ޒުހުރީ ނުކުންނަމުން ބުންޏެވެ. ޖުމާންވެސް އެމީހުންގެ ފަސްފަހަތުން ނުކުތެވެ.

ސިޓިންރޫމުގައި ހައުލާއާއި އިޒުވާނު ތިއްބާ ފެނުމުން ޒީނާއަށް ލިބުނީ އިތުރު ހައިރާންކަމެކެވެ. ފުރަ ދަންވަރުގައި ވާންމިއުޅޭނީ ކީއްބާއެވެ؟ ފެންނަމުން ދިޔަ މަންޒަރުތަކުން ޒީނާގެ ހިތަށް އުނދަގޫވަމުން ދިޔައެވެ. ސިކުނޑިއަށްވެސް އުނދަގޫވަމުން ދިޔައެވެ. ޒުހުރީއައިސް އިޒުވާނުގެ މޫނަށް ނަފުރަތުން ފުރިގެންވާ ގޮތަކަށް ބަލަމުން ދިޔައެވެ. ޒިނާއަށްވެސް އިޒުވާނަށް ބަލަހައްޓާއިގެން ހުރެވުނެވެ. ޒީނާ އަނެއްކާވެސް ހައުލާއަށް ބަލައިލިއެވެ.

އިޒުވާނަށްވެސް ހުރެވުނީ ވާނުވާ ނޭންގިފައެވެ. އެތަނަށް ޒުހުރީއާއި ހައުލާ އަންނަންޖެހުނީ ކީއްވެކަން ނޭންގިފައި އެމީހުންނަށް ބަލަން އިޒުވާނަށް ހުރެވުނީއެވެ. އިޒުވާނަށް ކުއްލިއަކަށް ޖުމާނަށް ބަލާލެވުނެވެ. ޖުމާން ޒާތަކަށް ހަމަ ހިމޭންވެފައި ހުއްޓެވެ. އެ ހަމަހިމޭންކަން ފޫދުއްވާލީ ހައުލާގެ ވަރުގަދަ އަޑެވެ.

“ޒީނާ ގާތު މަބުނިންދޯ ވަރަށް އަވަހަށް އިޒުވާނަކީ ކާކުކަން އަންގައިދޭނަމޭ. ޒީއަށް އެނގޭނެ މިރޭ ހުރިހާކަމެއްވެސް. މިހިރަ އިޒުވާނަކީކާކުކަން، މި ހައުލާއަކީ ކާކުކަން މިރޭ މަ ޒީއަށް އަލިފުން ޔާއަށް ކިޔައިދޭނަން..” ހައުލާ އިޒުވާންގެ މޫނަށް ބަލާލުމަށްފަހު ދެލޯ ބޮޑުކޮށްލިއެވެ.

“މިހިރަ ބީތާޔާ. ހައުލާގެ ސިކުނޑިއަކީ މީދާ ކޭ އުނބެއްނޫނޭ. މަ ބުނީމެއްނު ކަލޭގެ ދިރިއުޅުން އަނދާ އަޅިއަށް ހަދާލާނަމޭ. ހަނދާންވޭތަ؟’ އިޒުވާނަށް ބަލަހައްޓައިގެން ހުރެ ހައުލާ ގޮތްދައްކާލިއެވެ.

“ޒީ ގަބޫލުކުރިއަސް ނުކުރިއަސް މިރޭ އިޒުވާނުގެ އަސްލު ސޫރަ އެނގިގެންދާނެ” ޒީނާއަށް ބަލާލަމުން ހައުލާ އަނެއްކާވެސް ވާހަކަ ދައްކަން ފެށިއެވެ.

“މަ އިޒުވާނު ދަންނަތާ މިވީ ހަތަރު އަހަރު. ވީހާވެސް ވިއްޔާ ވާނީ ގިނަ. މަމީ އޭނަގެ އެކްސް ބިޓު..” ހައުލާ ވާހަކަ ދައްކަން ފެށުމުން ޒީނާ ހައިރާންވެ ހުރެ އިޒުވާނަށް ބަލައިލިއެވެ.

“ހަގީގަތަކީ އެއީ އިންސާނެއްނޫންކަން.. މަ އޭނަ އަށް ވަރަށް ވަފާތެރިވިން. ވަރަށް ލޯބިވެސް ވިން.. ވަރަށް ކެތްވެސް ކުރިން..”ހައުލާގެ އަޑުމަޑުވަމުން ދިޔައެވެ. އޭނަގެ ހިތުގައި އިޒުވާނަށްޓަކައި ވެވުނު ލޯބި އޭނަގެ ވާހަކައިގެ ރާގުން ހާމަވެގެން ދިޔައެވެ.

“މަށާއެއްކޮށް އުޅެމުންވެސް އޭނަ ގަޔަށް ނާރާ އަންހެނަކު ހިއެއްނުވޭ މިއުޑު ދަށުގައިވެސް އުޅޭނެހެން. އޯކޭ ކުރިކަމެއްކުރީ. ދޮގު ހަދައި އޮޅުވާލައިގެންވެސް އުޅުނީ.. ލޯބި ނުވަންޏައި ރީތިކޮށް ބުނި ނަމަވެސް މަ އުފަލުން ދިޔައީމުސް. މީހުންނަށް އޮޅުވާނުލައި ރީއްޗަށް ބުނި ނަމަ މިއަދު ކަލޭ މިތާކު ތިހެންނެއް ނުހުންނާނެ. އެކަމަކު މިހިރަ ޝައިތާނާބަދަލެއް ނުވާނެ. ދުވަހަކުވެސް.” އަތުގެ އިޝާރާތުން ހައުލާ އަތްދިއްކޮށްލީ އިޒުވާނާ ދިމާލަށެވެ. އޭރުވެސް ޒިނާ ހުރީ ވާނުވާ ނޭންގިފައި ހައުލާ ދައްކަމުންދިޔަ ވާހަކަތައް އަޑުއަހާށެވެ.

“ކިތައް އަންހެނުންގެ ދިރިއުޅުން ހަލާކުކޮށްލީ. ރީތި ސިފައެއް ލިބުނީތީ އޭނައަށް ހީވަނީ ސަހަރޯއޭ. މަ ހިތަންއަރާ ދަތްހުރި ދުވަހު ކާށިކެއަސް މިއީ ދެން ބޮޑުވަރޭ..” ހައުލާ ވާހަކަ ދައްކަމުންގޮސް ހުއްޓުނީ ޖުމާންގާތުގައެވެ. ހައުލާ ގޮސް ޖުމާންގެ ކޮނޑުގައި އަތްބާއްވާލިއެވެ. އިޒުވާނަށްވެސް ހުރެވުނީ ވާނުވާނޭންގިފައެވެ.

 “މިކިޔާދެނީ ތި އިޒުވާނުގެ ނުބައި ނުލަފާކަށް. ބިޓެއް ހޯދަން ބެސްޓްފެރެންޑް އެދުމުން ކަލޭ ބޭނުންވީ ޒީގެ ދުވަސް ދުއްވާލަން. ކީއްވެ؟ އޭނައަށް އެކަންނޫވިތީ. އިޒުވާނު ބޭނުންވީ ޒިނާ ބޭނުންވެގެން އޭނަގަޔަށް އަރަން. އެކަމަކު އެ ޗާންސް ޒީނާއެއް ނުދިން. ދޮގެއްތަ އިޒުވާނު. އެއްޗެކޭ ބުނަން ކެރޭނެތަ؟ ގޮތްކުޑަ ބަކަރި..” އޭރުވެސް އެމީހުން ތިބީ އަސްލުވަނީ ކީއްކަން ނޭންގިފައެވެ. އިޒުވާނަށް ބަލާލެވުނީ ޖުމާނަށެވެ.

“އިޒުވާން ގާތު ބިޓެއްގެ ވާހަކަ ބުނުމުން ތިކަން ކޮށްދޭނަމޭބުނެ އޭނަ ދެއްކީ ކާކުކަން އެނގޭތަ؟ ޒީނާ.. ޒީނާ ހޭބަލިވެގެން ތިއުޅޭ އިޒުވާނު..” ހައުލާގެ ފަހު ޖުމުލައިން ޒީނާއަށް ހީވީ މީހަކު އޭނަގެ މެއަށް ތޫނު ހަންޖަރެއް ހަރާލިހެންނެވެ. ޒިނާއަށް އިޒުވާނަށް ބަލާލެވުނެވެ. ސުވާލުން ފުރިގެންވާ ގޮތަކަށެވެ. އޭނަގެ ފުރާނައަށްވުރެ ބޮޑަށް ލޯބިވި އިންސާނާ އޭނަ އެހެން މީހަކަށްޓަކައި ޖިސްމު ވިއްކާލާނެ ކަމަށް ގަބޫލުކުރަންވެސް ދަތިވިއެވެ.

“އެއީ ތެދެއް ޒީ. އަހަރެން އެހެން ބުނިން އިޒޭ ގާތު. އެކަމަކު ކޮފީއަށް ދިޔަ ދުވަހަކު މަ އެހެން ބުނީމަ އޭނަ ބުނި ޒީގެ ވާހަކަ. މަ ހިތަން އެރި އިޒޭ ހާދަ ގޮތެއްފޮތެއް ނެތޭ. ކިތައްމެ ގާތް މީހެއްނަމަވެސް އޭނަގެ ލޯބިވެރިޔާ ވިއްކާލާނީ ވަރަށް މުޑުދާރު މީހެއް. މަވެސް އެކަހަލަ ކަމެއް ނުކުރާނަން. މަވެސް މީ މާ ރަނގަޅު މީހެއްނޫން. އެއްވެސް އިރެއްގައި އެމީހަކު ރައްޓެހިވެގެން އުޅޭ މީހަކު މިހެން ހަދާނެކަމަށް މަވެސް ގަބޫލެއް ނުކުރަން.. އެކަމަކު..” ޖުމާން ތަފްސީލާއެކު ވާހަކަ ދައްކަމުން ދިޔައިރު ޒީނާއަށް ރޮވިއްޖެއެވެ. އިޒުވާނު ދެކެ ވެވުނު ސާފު ލޯބީގެ ބަދަލުގައި އޭނަގެ ހަށިގަނޑު އެހެން މީހަކަށް ވިއްކާލާނެ ކަމަށް ގަބޫލުކުރަން އަދިވެސް އުނދަގޫވެގެން ދިޔައެވެ. ޒުހުރީއަށް ޒީނާގެ މޫނަށް ބަލައިލެވުނެވެ. ޒީނާ ރޯތަން ބަލަން ހުރުމަކީ ޒުހުރީއަށް ކެތްވާވަރުގެ ކަމެއްނޫނެވެ. ނަމަވެސް ކެތްކޮށްލައިގެން ހުރީއެވެ.

“އަދި ނިމުނީއެއްނޫނޭ” އިޒުވާނު ފުރަގަހަށް ގޮސް އޭނަގެ ކޮނޑުގައި އަތް ބާއްވާލަމުން ވިހަގޮތަކަށް އިޒުވާނަށް ހައުލާ ބަލަމުން ދިޔައެވެ.

“މަބުނީމެއްނު ކަލޭގެ ދިރިއުޅުން އަނދާ އަޅިއަށް ހަދާލާނަމޭ.. މަމީ ނުބައި ނުލަފާ އަނެހެނެއް. އެކަމް ތިކަހަލަ ޖާހިލު މީހެއްނޫން..” އިޒުވާނާއި ދިމާއަށް ޝަހާދަތް އިނގިލި ދިއްކޮށްލަމުން ހައުލާ ބުންޏެވެ.

“ދެންކަންތައް ވެސް ވީ މަބޭނުންވި ގޮތަށް… ޖުމާންއާ މީޓްވީ އިޓްސް މައި ލަކް.. ޖުމާންވެސް މަށަށް އެވާހަކަތައް ކިޔައިދޭން މަޖުބޫރު ކުރުވީމަ އެނގުނީ. ދެން އެވާހަކަ ފަހުން..” ހައުލާ ލާނެއް ގޮތަކަށް ހިނިތުން ވެލިއެވެ. “އެއްވެސް އިރެއްގަ މަ ނުބުނާނަން ޖުމާނަކީވެސް ރަނގަޅު މީހެކޭ. އެކަމަކު ކޮންމެ މީހެއްގެ ގައިގަވެސް ގޯސް ސިފަތަކާއި ރަނގަޅު ސިފަތަކެއް ހުންނާނެ. އެކަމް މިއަދު އޭނައަކީވެސް ކަލެއަށްވުރެ މާ މާތް އިންސާނެއް. އެޓްލީސްޓް އޭނައަށް އަންހެނުންގެ އިހްސާސްތައް އެނގިއްޖެ.. އަދިވެސް ކަލޭ އުޅޭނީ ތިހެން..” އިޒުވާނަށް ހަގީގަތް އެނގެމުން ދިޔަވަރަށް އޭނަ ހާސްވަމުންދިޔައެވެ. އެންމެންގެ ކުރިމަތީގައި އިޒުވާނު ފަޟީހަތްވަމުން ދިޔައެވެ.

“ހައިރާންވާނެ ކަމެއްނެތް. މަ ޖުމާންގެ ބޯ ކާލީ. އޭނަ ކޮނެލީވެސް މި ހައުލާ. މަށަށް ކަލޭގެ ހަގީގަތް އެނގެން ލިބުނީ ކުޑަ ދުވަސް ކޮޅެއް. ކަލޭ ޒީނާ ވިއްކާލީ ކަލޭގެ ބެސްޓް ފްރެންޑަށް. ތިހުރީ ކަލޭގެ ފެންވަރު.. ކާކަށް މިޒަމާނު ޓްރަސްޓް ކުރާނީ..” އިޒުވާނު ހުރީ ބުނާނެ އެއްޗެއް ނޭންގި ބަސްހުއްޓިފައެވެ. ޒީނާ އޭރުވެސް ހަގީގަތަކީ ކޮބައިކަން ނޭންގިފައި ހުރެވުނެވެ. އެކަމަކު އިޒުވާނުގެ އަސްލު ސިފަ އެންމެންގެ ކުރިމަތީގައި ބޭޒާރުވެގެން ދިޔައެވެ.

“ޒީނާގެ ކަންތައް ނިންމާލަން ޖުމާންގެ ބޭނުންކުރަން ކެރުނުކަންވެސް އެއީ ކަލޭގެ ފިޑިކަމުން ކުރެވުނު ކަމެއް. ޖުމާން މަށަށް އެވާހަކަތައް ކިޔައިނުދިންނަމަ ދެން.. މަ ބުނިގޮތަށް ޖުމާން އައިސް ޒިނާ ގަޔަށް އަރަންދެއްކީ އާރޓް. މަ ބުނެގެން އޭނަ އެހެންކަންތައްކުރީ.. އަހަރެން ކޮންމެ ގޮތަކަށް އުޅުނަސް ރޭޕްކުރުމުގެ އެއްވެސް ހައްޤެއް ކަލޭމެން ފިރިހެނުންނަކަށް ނޯންނާނެ..” ހައުލާ ތަފްސިލާއެކު ވާހަކަތައް ކިޔައިދެމުން ދިޔައެވެ.

ހައުލާގެ ވާހަކަތައް އަޑު އަހަމުންދިޔައިރު ޒީނާ ގިސްލާފައި ރޮމުން ދިޔައެވެ. އިޒުވާނަށްޓަކައި ޒީނާވީ ޤުރުބާނީވެސް ކުޑަވަގުތުކޮޅެއްގެ ތެރޭގައި ވިއްސިވިހާލެވިގެން ދިޔައީއެވެ. އެ ލޯތްބަށްޓަކައި އޮއްސާލެވުނު ކަރުނުތައް އެއީ ބޭކާރު އެއްޗެއް ގޮތުގައި ކުރެވުނު ކަމެއްކަމަށް އިހްސާސްކުރެވުނެވެ. އިޒުވާނުގެ މަކަރުވެރިކަން ހާމަވެގެން ދިޔައިރު ޒީނާއަށް ދުނިޔެމަތިންވެސް ފޫހިވެއްޖެއެވެ. ހިތް އެދިމާލަކަށްދަތުރުކުރީތީ ޒީނާ ލަދުވެސް ގަތެވެ. ދެރަވެސް ވިއެވެ. ފޫހިވެސް ވެއްޖެއެވެ. ލޯތްބެއް ވެވިގެން ދިޔަ އިންސާނާވެގެން ދިޔައީ ދަށުދަރަޖައިގެ ނިކަމެއްޗަކަށެވެ.

‘ޒީނާ ދޫކޮށްލާފައި ދެވުނީ އަހަރެންގެ މޮޔަކަށް..” ޒުހުރީއަށް ކެތް ނުވެގެން ވާހަކަ ދައްކަން ފެށިއެވެ. އެ އަޑާއި ވާހަކަދެއްކި ރާގުންވެސް އޭނަގެ ހިތުގައ ޒީނާދެކެވާލޯބި އިހްސާސްކުރެވިގެން ދިޔައެވެ. ޒުހުރީގެ މޫނުމަތިން ފެންނަމުންދިޔަ މައުސޫމުގޮތް ޒީނާއަށް ތަސައްވަރު ކުރެވުނެވެ. ޒީނާގެ ދެލޯ ވަނީ ރުއިމުގެ ސަބަބުން ރަތްވެފައެވެ. މޫނުގެ ކުލަވަރު ވަނީ ބަދަލުވެފައެވެ. އުޖާލާކަންވަނީ ގެއްލިފައެވެ. ޒުހުރީއަށް ޒީނާއަށް ބަލާލެވުނީ ލޯތްބާއި އޯގާތެރި ނަޒަރަކުންނެވެ.

“ޒުހުރީއަށް މާލެ އާދެވުނީ ޒުހުރީގެ ނަސީބު ރަނގަޅުކަމުން. އޭނައައިސް ފުރަތަމަ ވެސް ގުޅީ މަށަށް. އޭރު އިޒުވާނުގެ ހުރިހާ ރޭވުމެއްގެ ހަގީގަތް އޮތީ މަށަށް އެނގިފަ. ޒުހުރީ އެދުނީ އަހަރެންގާތު ޒީނާގެ ދިރިއުޅުން ހަލާކުކޮށްނުލުމަށް. އަހަރެންވެސް މިއީ އަންހެނެއް. އަންހެނެއްގެ ހިތުގައި އަޅާވޭނާ ކެކުޅުން އަހަރެންނަށްވެސް އިހްސާސްކުރެވޭ.” ހައުލާގެ އަޑުމަޑުވެ މަޑުމޮޅިވެއްޖެއެވެ. ހައުލާއަށްވެސް ރޮވޭގޮތްވިއެވެ.

“މަ އިޒުވާނުދެކެ ވީ ހަގީގީ ލޯބި. އަދިވެސް އިޒުވާނުދެކެ ލޯބިވޭ. އެކަމް ގޮތްކުޑަ ގޮތެއްފޮތެއްނެތް ވިޔާނުދާ އިންސާނެއްދެކެ ލޯބި ވެވުނީތީ ލަދުވެސް ގަނޭ.. ޒީނާއަށް ދެރަގޮތެއްވާކަށް މަވެސް ނޭދެން. ޒީ އަކީ ރަނގަޅު މާތްކުއްޖެއް. މިކަހަލަ ގޮތްކުޑަ ޖަނަވާރަކަށް ޒީނާ ހައްޤެއްވެސް ނުވާނެ..” ހައުލާ އައިސް އިޒުވާނުގެ ލައިގެން ހުރި ގަމީހުގެ ގިރުވާނުގައި ހިފިއެވެ. އިޒުވާނު ދުރަށްދާން މަސައްކަތްކުރަން ފެށިއެވެ. ހައުލާގެ ދެއަތުގައި ހިފިއެވެ. ޖުމާން އައިގޮތަށް އައިސް ހައުލާ ދުރުކުރުވިއެވެ. ހައުލާ ރުޅިއައިސްގެން ޖުމާންގެ ގައިން ވީއްލިގަންނަން މަސައްކަތްކުރަމުން ދިޔައެވެ.

“މިކުއްތާ ހަމަ މަރަންވީ. ކަލޭ ހީކުރީ އަންހެނުންނަކީ ކަލޭ ނާޗަރަންގީ ތަޅަން ގެންގުޅޭ ޖާރިޔާތަކެއް ކަމަށްތަ؟ ގޮތްކުޑަ ހިމާރު.. މަ ބުނިންދޯ ކަލޭގެ ދިރިއުޅުން އަނދާ އަޅިއަށް ހަދާލާނަމޭ.. މަ ހަށީގަ ނޭވާ ހިނގާހާ ހިނދަކު ލާހިކެއްނޫން އަންހެނަކަށް ބަލައިލާންވެސް..” ހައުލާ ރުޅިއައިސްގެން ޖުމާންގެ ގައިން ވީއްލިގަންނަން މަސައްކަތްކުރަމުން ހަޅޭއްލަވަމުން ދިޔައެވެ. ޖުމާން ހުރީ ހައުލާގައިގައި ބާރަށް ހިފަހައްޓައިގެންނެވެ. ހައުލާ ގޯހެއް ހަދާފާނެތީ ޖުމާން ހުރީ ވަރަށް ހުޝިޔާރުވެގެންނެވެ. ހައުލާގެ ހުރިހާ ހިއްސެއް އެއްފަހަރާ ކެކި އަރަމުން ދިޔައެވެ.

ޒުހުރީ މާލެއައީ ޒީނާގެ ލޯބި ލިބޭނެކަމަށް އުއްމީދުކޮށްގެން ނޫނެވެ. ޒީނާއާނުލައި އުޅެން އުނދަގޫވެގެންނެވެ. މެލޭޝިޔާގައި ހުރި ދުވަސްކޮޅު ޒުހުރީއަށް އެއްވެސް ހިތްހަމަ ޖެހުމެއް ނުލިބުނެވެ. ދެވުނީތީވެސް މޮޔަ ހީކުރެވުނެވެ. ޒީނާ ނުލިބުނަސް ޒީނާ އުޅޭ ގޮތް ބަލަންހުރުމުންވެސް އެ ހިތްހަމަ ޖެހުންވެސް ލިބޭނެތީ އައީއެވެ. ލޯތްބަކީ ދަގަނޑަށް ދަގައްފާނުގެ ބާރު ހުންނަވަރަށްވުރެ ބާރުގަދަ ދަމާބާރެކެވެ. ޖަޒުބާތެކެވެ. ޒުހުރީ މާލެ އައީ ހަމައެކަނި ޒީނާއަށްޓަކައެވެ. ލޯބި ލިބުނަސް ނުލިބުނަސް ޒީނާގެ ގާތްމީހެއްގެ ގޮތުގައި ހުންނަން އަޒުމު ކަނޑައަޅައިގެންނެވެ. އެގޮތަށްވެސް ހިތްހަމަޖެހުމެއް ލިބޭނެނަމަ އެގޮތްވެސް ވަރިހަމަ ވެގެންނެވެ.

ޒީނާ އާދައިގެ ހިނގުމެއްގައިގޮސް އިޒުވާނުގާތުގައި ހުއްޓުނެވެ.  އިޒުވާނަށް ބަލަންހުރި ނަމަވެސް އެލޮލުގައި ކުޑަނަމަވެސް ލޯތްބެއް ފެނިގެނެއް ނުދިޔައެވެ. ކަރުނުންފުރިގެންވާ ޒީނާގެ ލޮލުން އިޒުވާނު ދެކެވީ ލޯބިވަރަށް ސާފުކޮށް ފެންނަމުން ދިޔައެވެ. ޒިނާއަށް އިޒުވާނުގެ މޫނަށް ބަލަންވެސް ބޭނުމެއް ނުވިއެވެ. ކެތް ނުކުރެވިގެންނެވެ. ކޮންމެ ގޮތަކަށް ކަންތައްވެގެން ދިޔަ ނަމަވެސް  އިޒުވާނު ދެކެވީ ތެދުވެރި ލޯތްބެވެ. ޒީނާއަށް ލިބުނުހާވެސް އެއްޗަކީ ކަރުނައެވެ. ހަޔާތުގައި ކަރުނައާއި ހިތާމަނޫން އެހެން އެއްވެސް އެއްޗެއް ނުލިބުނެވެ. ޒީނާގެ ހަޔާތުގައި އުފަލެއް ނެތީހެއްޔެވެ؟

ޒީނާއަށް އިޒުވާނުގެ ފައިބުޑަށް ތިރިވެވުނެވެ. އިސްޖެހިގޮތަށް އިހުނަށްވުރެ ބޮޑަށް ރޮވޭގޮތްވިއެވެ. އެމަންޒަރު ބަލާކަށް ޒުހުރީއަށް ކެތެއް ނުކުރެވުނެވެ. އެހެނަސް ގޮތެއް ނިންމަން ހުރީ ޒިނާއެވެ. އޭނަގެ ކޮންމެ ނިންމުމަކަށް ޒުހުރީ އިހްތިރާމްކުރާނެއެވެ. އިޒުވާނު އެއްވެސް ހަރަކާތެއްނެތި ހުރިގޮތަށް ހުއްޓެވެ. އޭނަގެ އަމަލުތަކުން ޒީނާދެކެ ލޯބިނުވާކަށް ވަރަށް ރަނގަޅަށް ހާމަވެގެން ދިޔައެވެ. ދޮގުތަކެއް ހަދައިގެން ޒިނާދެކެ ލޯބިވާކަށް ދެއްކުމަށްވުރެ ތެދުތެދަށް ބުނި ނަމަވެސް ޒިނާގެ ހިތަށް ހަމަޖެހުމެއް ލިބުނީސްތާއެވެ.

އެ ފުރަ ދަންވަރުގައި އެގޭތެރޭގައި އަޑުގަދަވެގެން ސަމާއަށްވެސް ހޭލެވުނެވެ. ކޮޓަރިން ބޭރަށް ނުކުނަންނަށްވެސް ހިތަން އެރުމުން އޮތީ ސަމާ ޓީވީ ބަލަން އިނީކަމަށް ހިތަން އަރުވައިގެންނެވެ. ކޮޓަރިން ބޭރަށް ނުކުތްއިރު ފެންނަމުންދިޔައީ އެހެން މަންޒަރެކެވެ. ސަމާ ނުކުމެ ކޮންމެ މީހެއްގެ މޫނަށް ވަކި ވަކިން ބަލަމުން ދިޔައެވެ. ވެގެން އުޅޭގޮތް ނޭންގިފައިހުއްޓާ އިޒުވާނުގެ ފައިބުޑަށް ތިރިވެ އިން ޒީނާ އޭނަގެ ލޮލުގައި އަޅައިގަތެވެ. ސަމާއަށް ފާޑަކަށް ބަލަހައްޓައިގެން ހުރެވުނެވެ. ކޮންމެވެސް ބޮޑުކަމެއް ވެއްޖެކަން އެންމެންގެ މޫނުމަތިން ފެންނަމުން ދިޔައެވެ.

“މަ ހިއެއް ނުކުރަން އިޒުވާނު ތީ ތިހާ ދަށުދަރަޖައިގެ މީހެއްކަމަކަށް. އަންހެނުންނަކީ ކަލޭމެންކުޅެން ގެންގުޅޭ ބައެއްކަމަށް ދެކިގެން އުޅުމަށްވުރެ ރަނގަޅުވާނެ ދުރުގަ ތިއްބަސް. އެކަމަކު މަގޭ އޮތީ ވަކި ކޮންކުށެއް..” ޒީނާގެ ގިސްލުމުގެ އަޑު އެންމެންގެ ކަންފަތުގައި ޖެހުނެވެ. ޒުހުރީ އެހެން ހުއްޓަސް ހުރީ ކޮންމެހެން ހުންނަން ބޭނުންވާތީއެއްނޫނެވެ. މަޖުބޫރުވާތީއެވެ. އެ ހިތަށް ކުރަމުންދިޔަ އަސަރު ހިތެއް އޮތް ކޮންމެ އިންސާނެއްގެ ހިތަށް އަސަރުކުރުވާހާ ޒީނާގެ ރުއިމުގައި އަސަރު ހުއްޓެވެ.

“މަ ހިތަންއަރާ މަގޭ ހިއްސު ސަލާމަތުންބާއޭ ހުރީ.. އިތުރަށް އަހަރެން ދައްކަން ހުރީ ކޮންވާހަކައެއް. އިޒުވާނަށް އަހަރެން މައާފުކުރިން ކުރަންނުޖެހޭ ހުރިހާކަމަކަށް. އީމާގެ ފުރާނައަށްވެސް ހަމަ ޖެހުމެއްނެތްކަން މިހާރު ވިސްނިއްޖެ..” ސަމާއަށްވެސް ކެތެއްނުކުރެވުނެވެ. ވެގެން އުޅޭގޮތް ނޭންގުނަސް އިޒުވާނުގެ ހަގީގަތެއް ފަޅާއަރައިފިކަން ސަމާއަށް ގަބޫލުކުރެވުނެވެ. ޒުހުރީއަށް ކެތެއް ނުކުރެވުނެވެ. ދިޔަ ގޮތަށްގޮސް ޒީނާ ނަގައި އޭނަގެ މޭގައި ކަރިކޮށްލަމުން ދެއަތްވަށާލަމުން ބައްދާލިއެވެ. ޒުހުރީގެ އަމަލުތަކުން އޭނަ ޒީނާދެކެވަނީ ހަގީގީ ލޯބިކަން އެންމެންނަށްވެސް ފެންނަމުން ދިޔައެވެ. ޒީނާއަށް ވަރަށް ރީތިކޮށް ޒުހުރީގެ ހިތުގެ ތެޅުމުގެ އަޑު އިވެމުން ދިޔައެވެ. އޭރުވެސް ޒީނާގެ ރުއިމަކަށް ބަދަލެއްނާދެއެވެ.

“އަހަރެން ދުވަހަކުވެސް އިޒުވާނަކަށް މައާފެއް ނުކުރާނަން. ހައު ޕޮލިހަށް ގުޅާ. އިތުރަށް އެއްވެސް ވާހަކައެއް ދައްކާކަށް ބޭނުމެއްނޫން. އީމާގެ މަރުގެ ބަދަލު ވެސް ހިފާނަން. އަލުން އަނބުރާ ދައުވާވެސް ކުރާނަން. އަހަންނަށް ތިލޯބި ހައްޤުވިއަސް ތި ލޯތްބެއް ބޭނުމެއް ނޫން. ކަލެއަށް އަހަރެން ނަފުރަތު ކުރަން..” ޒީނާއަށް ދެލޯ މަރާލެވުނެވެ. އިޒުވާނު ދެކެ ލޯބިވިއަސް އޭނައަށްޓަކައި އިޒުވާނުގެ ލޯބި ކަފުންކޮށް ވަޅުލިއެވެ. މިހާރު އިޒުވާނު އެއީ އޭނަގެ ހަޔާތަށް މުހިއްމު މީހެއްނޫންކަން ކަށަވަރުވެސް ކުރެވުނެވެ.

“ސޮރީ އިޒޭ. ހަމަ ކަލޭގެ ކުށް..” ޖުމާން އެތަނުންނުކުމެގެން ދަމުން އިޒުވާނުގެ މޫނަށް ބަލައިލިއެވެ. އިޒުވާނަށް ކުރެވުނު ކަންތައް ހިތަންއަރާފައި ދެރަވިނަމަވެސް ވަގުތު ފާއިތުވެއްޖެއެވެ. ކުރާނެ ކަމެއްނެތެވެ. އެންމެގެ ކުރިމަތީގައި އޭނަ ބޭޒާރުވެ ނިމިއްޖެއެވެ.

“އަދިވެސް ކަލެއަށް ނުވިސްނޭނެ. މިހާރު ތިހުރީ ރާކަނި މަސްކެވިފަ. ދެން ކަލޭ އޮންނަން ޖެހެނީ ޖަލުގެ ހަތަރުފާރުން އެތެރޭގައި އަނދިރި ހަޔާތެއް ވޭތުކުރަން. މާދަމާ ކަލޭ މިނިވަންވެގެން އަޔަސް މި ހައުލާގެ ކަރިއަކުން ސަލާމަތެއް ނުވާނެ.. މި އެ ހައުލާ..” ހައުލާ ފޯނު ނަގަމުން ފުލުހުންނަށް ގުޅިއެވެ. ސަމާ އޭރުވެސް މަންޒަރު ބަލަން ހުއްޓެވެ.

ޒުހުރީ ލޯތްބާއި އޯގާތެރިކަމާއެކު ޒީނާގެ މޫނަށް ބަލައިލިއެވެ. އެ ނާޒުކު ދެލޮލަށް ފަރުވާތެރިކަމާއެކު ބަލައިލެވުނެވެ. ޒުހުރީއަށް އެއްޗެއް ވިސްނުނީ ކަންނޭގެއެވެ. ޒީނާއާ ދުރައްޖެހެމުން ފަސް އެނބުރިފައި ހިނގައިގަތީ އެތަނުންދާށެވެ. ކިތައްމެ ވަރަށް ޒީނާދެކެ ލޯބިވިއަސް ޒީނާގެ ހިތުގައި އޭނައަށްޓަކައި ލޯތްބެއް ނެތްކަން ޒުހުރީއަށް ވިސްނުނީއެވެ. ލޯބިވާ މީހަކު ލޯބިނުވާނެކަން އެނގިހުރެ އެމީހެއްގެ ކުރިމަތީގައި ހުރުމަކީ ކެތްވާވަރުގެ ކަމެއް ނޫނެވެ. ޒުހުރީގެ އެ ހަރަކާތުން ވެސް އެކަން ވަރަށް ރަނގަޅަށް ހާމަ ވެގެން ދިޔައެވެ.

“ޒުޒު..” ޒީނާގެ އަޑު ޒުހުރީގެ ކަންފަތުގައި ޖެހުނެވެ. ޒުޒު އޭ ބުނުމުން ޒުހުރީގެ ދެފައި ތުރުތުރު އަޅައިގެން ދިޔައެވެ. އެހެން ނަމަވެސް ފަސްއެނބުރި ބަލާކަށް ޒުހުރީގެ ހިތެއް ބޭނުމެއް ނުވިއެވެ.

“ޒީ ދޫކޮށްލާފައި ދަނީތަ؟” ޒުހުރީއަށް ފަސްއެނބުރިފައި ޒީނާއަށް ބަލާލެވުނެވެ. އޭރު ޒުހުރީގެ އެސްފިޔަތަކުގެ ތެރެއިން ކަރުނަ ތިއްކެއް އޭނަގެ ކޯތާފަތަށް ވެއްޓެމުންދިޔައެވެ. އުފަލުންގޮސް ބައްދާލަންވީމަކެއް އުރާލަންވީކަމެއް ނޭންގުނެވެ. އޭރުވެސް ޒީނާ ދުރުގައި ޒުހުރީއަށް ބަލަން ހުއްޓެވެ. ލޯބިން ފުރިގެންވާ ގޮތަކަށެވެ. ޒުހުރީއަށް ޒީނާގެ ދެލޮލުން ލޯބި ފެންނަމުން ދިޔަކަހަލައެވެ. ޒުހުރީއަށް އެއްވެސް ހަރަކާތެއް ގެންނާނެހާވެސް ހިތްވަރެއް ނުލިބުނެވެ.

“ޒުޒޫ. އަހަރެންގެ ލޯބި ހަމަ އެކަނި ހައްޤުވާ ފަރާތަކީ ތީ” ޒީނާ ދުވެފައި ކަހަލަގޮތަކަށް ގޮސް ޒުހުރީގައިގައި ބައްދައިގަތެވެ. ޒުހުރީއަށް ހީވީ މުޅި ކައުނުވެސް އެކަމުގެ އުފަލުގައި ބައިވެރިވަމުން ދިޔަހެންނެވެ. އުފަލުން ޒީނާގެ ގައިގައި އަތްވާށާލެވުނެވެ. އުފަލުންގޮސް ޒުހުރީގެ ދެލޯ ކަރުނުން ފުރުނެވެ. އެލޯތްބަށް އެދި އެދި ހޯދަމުންދިޔަ ލޯބިވެރިޔާ މިއަދު އޭނަގެ މީހަކަށް ވީއެވެ. އޭނަގެ ހައްޤަކަށްވީއެވެ. ލޯތްބަކީ ކޮބައިކަން ޒީނާއަށް ވިސްނުނެވެ. ޒުހުރީއަށް އޭނަގެ ލޯބި ވެސް ހައްޤުވީއެވެ. ޒީނާ ބޭނުންވީ އޭނަ ދެކެ ލޯބިވާ މީހަކު އޭނަގެ ހަޔާތަށް އައީއެވެ. ޒުހުރީއަކީ ލޯބިވާން އެނގޭ އިންސާނެކެވެ.

ހައުލާއަށް އުފަލުން ރޮވުނެވެ. ލޯތްބަކީ ވޭންދެނިވި އެއްޗެއް ނަމަވެސް އޭގެ ފޮނިކަން އޭނަގެ ލޯ ކުރިމަތީގައި ފެންނަމުން ދިޔައެވެ. ސަމާއަށް ހުރިހާ ހަގީގަތެއް ހައުލާ ކިޔައިދެމުން ދިޔައެވެ. ކުޑައިރުކޮޅެއްނުވެ އެގެއަށް ފުލުހުންއައިސް މައުލޫމާތު ސާފުކުރަންފެށިއެވެ. ހައުލާހުރިހާ ވާހަކަތަކެއް ކިޔައިދެމުން ދިޔައެވެ. ބަޔާންވެސް ދިނީ ހައުލާއެވެ. އިޒުވާނު ހައްޔަރުކޮށްގެން ގެންދެވުނެވެ. އިޒުވާނު އިސްއޮބާލައިގެން ހުރެ ނުކުމެގެން ފުލުހުންނާއެކު ނުކުމެގެން ދިޔުމަށް ހިނގައިގަތެވެ.

އިޒުވާނަށް ހަމަ އެކަނި ބުނެލެވުނީ “އަހަންނަށް މައާފުކުރޭ.”

ޒީނާ ފަސް އެނބުރި ބަލައިވެސް ނުލިއެވެ. ޒުހުރީގެ ގައިގައި ބައްދާލައިގެން ހުރީއެވެ. ޒުހުރީއަށް އޭނަގެ ލޯބި ހައްޤުވެގެން ދިޔައެވެ. އިޒުވާނަށް ލޯބި ނުލިބުނުތާ ހަޔާތުގައި ހަމަ ޖެހުމެއްވެސް ނުލިބުނެވެ. ޖަލުގެ ހަތަރުފާރު ތެރޭގައި ދުވަސްތައް ހޭދަކުރަން ޖެހުނެވެ. އިޒުވާނަށް ޒީނާހައްޤެއްވެސް ނޫނެވެ. ޒީނާއަށް އިޒުވާނުގެ ލޯބި ހައްޤު ނުވިއަސް ޒުހުރީއަށް ޒީނާގެ ލޯބި ހައްޤުވެގެން ދިޔައެވެ. އިޒުވާނަށް އޭނަގެ ލޯބި ގެއްލުނީއެވެ. މުޅި އުމުރަށެވެ. ހަގީގީ ލޯތްބަކީ ކޮބައިކަން ޒީނާ އަށް ވިސްނުނީ ޒުހުރީގެ ފަރާތުންނެވެ.

***
“ޑެޑީ” ތިން އަހަރުގެ ޒިނާދު ކުޅެން އުޅެމުން ދުވެފައި އައިސް ޒުހުރީ ގާތުގައި އިށީންނަމުން ޒުހުރީއަށް ގޮވާލިއެވެ. ޒީނާ އޭނަގެ އަށްމަހުގެ ބަނޑާއެކު އައިސް ޒުހުރީގާތުގައި ދޮންވެލިގަނޑުމަތީ އިށީނެވެ. ޒުހުރީއާ ކައިވެނިކޮށްގެން ޒީނާ އުޅެމުން ދިޔައީ ވަރަށްވެސް އުފާވެރި ދިރިއުޅުމެކެވެ. ޒުހުރީއަށް ޒީނާގެ ފަރާތުން ލޯތްބާއި އަޅާލުން ލިބެމުން ދިޔައެވެ. އުފާވެރި ދުވަސްތަކެއް އެދެމަފިރިންނަށް މާތްﷲ މިންވަރުކުރެއްވިއެވެ. ޒީނާގެ ލޯބި ޒުހުރީއަށް ހައްޤުވެގެން ދިޔައެވެ. ޒުހުރީއަށް އޭނަގެ ލޯބިވެސް ކާމިޔާބުކުރެވުނެވެ.

(ނިމުނީ)

ޙައްޤުވިއަސް 2 (އިންތިޒާރުކޮށްލައްވާ)

ލިޔުންތެރިޔާގެ ފުރަމަލަ

ޙުސައިން އަސްލަމް

ވާހަކަ ލިޔުމުގައި ނަން ހިނގާ ލިޔުންތެރިއެކެވެ. ލޯބީގެ ވާހަކަތަކަކީ އަސްލަމްގެ ފާހަގަކޮށްލެވޭ ޖޮންރާއެކެވެ.

މި ލިޔުންތެރިޔާގެ ބައެއް އެހެން ލިޔުންތައް

• 12 ޖެނުއަރީ 2021ވާހަކަޙައްޤުވިޔަސް
• 16 އޭޕްރިލް 2019ވާހަކަޙައްޤުވިއަސް – 25 (ފަހުބައި)
• 11 އޭޕްރިލް 2019ވާހަކަޙައްޤުވިއަސް – 24
• 27 މާރޗް 2019ވާހަކަޙައްޤުވިއަސް – 23