ފައި ސްޓައިލްގައި ޕާސްތާ ތައްޔާރުކޮށްލާނެގޮތް މިއަދު މުނިއަވަސް ރަހަފަތުގައި ގެނެސްދޭނަމެވެ.
ބޭނުންވާ ތަކެތި:
– 1 ޕެކެޓް ޕާސްތާ
– 1 ބޮޑު ފިޔާ (ކުދިކޮށް ކޮށާފަ)
– 1 ގިތެޔޮ މިރުސް
– 4 ދަޅު ޓޮމާޓޯ ޕޭސްޓް (ކުދި)
– 2 ލޮނުމެދު (ކުދިކޮށް ކޮށާފަ)
– 1 ހިކަނދިފަތް
– 1 މަސްދަޅު(ތެޔޮ)
– ރަހަލާވަރަށް ލޮނު
– ކުޑަ ތެޔޮފޮދެއް (ޕާސްތާ ކައްކާއިރު އެޅުމަށް)
– 1 ޖަގު ފެން
– 6 ހިކިމިރުސް
ތައްޔާރުކުރާނެގޮތް:
– ތެއްޔަކަށް ފެން އެޅުމަށްފަހު ކައްކަން އުދާށެވެ. ކުޑަލޮނު ކޮޅަކާއި ތެޔޮފޮދެއްވެސް އަޅާށެވެ. ފެންގަނޑު ކެކެން ފެށުމުން ޕާސްތާ ޕެކެޓް ފެންއެއްޗެއް އަޅާލައި ޕާސްތާތައް މަޑުވަންދެން މަޑުގިނީގައިކައްކާލާށެވެ.
– ޕާސްތާ މަޑުވުމުން ތަށްޓަކަށް ޕާސްތާތައް ނަގާފައި ބަހައްޓާށެވެ.
– ލޮނުމެދު، ފިޔާ، މިރުސް، ހިކަނދިފަތް، ހިކިމިރުސް، މަސްދަޅު ތެލާއި އެކު ތެއްޔަކަށް އަޅާފައި މަޑުގިނީގައި ފިޔާތައް ވަޅޯވަންދެން ކައްކާލާށެވެ.
– އެއަށްފަހު ޓޮމާޓޯޕޭސްޓް އަދި ލޮނުމިރުސް ހަވާދު އެޅުމަށްފަހު ކުޑަފެންފޮދެއް އަޅައި 2 މިނިޓް ވަންދެން ކައްކާލާށެވެ.
– ސޯސް ގަނޑު ތައްޔާރުވުމުން ކުރިން މަޑުކޮށްފައިހުރި ޕާސްތާތައް ސޯސްގަނޑުތެރެއަށް އެޅުމަށްފަހު އެއްކޮށްލާށެވެ.
– ފައި ސްޓައިލްގައި ޕާސްތާ އެހުރީ ތައްޔާރުވެފައެވެ. މި ޕާސްތާ އެންމެ މީރުވާނީ ކުޑަ ސަބްމެރިން ސޯސްކޮޅެއް (ފައި ސްޕެޝަލް ސަބްމެރިން ސޯސް) އަޅައިގެން ކާއިރުއެވެ.
ލިޔުންތެރިޔާގެ ފުރަމަލަ
- ތަފާތު މައުޟޫތަކަށް އާއިޝަތު ފައިނާޒް (އައިޗަތު) ލިޔާނެއެވެ. އެގޮތުން ބަހާއި އަދަބިއްޔާތު، އިޖްތިމާޢީ ރޮނގުންނާއި އިތުރު ދާއިރާތަކުންވެސް ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 11 ޖޫން 2024ވައްޓަފާޅިފޮނަދޫ މީހުން ބޮޑައީދަށް ތައްޔާރަވުން
- 5 އޭޕްރިލް 2024ރަހަފަތްޗީޒީ އެގް ޓޯސްޓް – މުނިއަވަސް ރަހަފަތް
- 31 މާރޗް 2024ރަހަފަތްބިސްގަނޑު ރިހަ – މުނިއަވަސް ރަހަފަތް
- 11 މާރޗް 2024ރަހަފަތްޗޮކްލެޓް އައިސްކްރީމް ކޭކް – މުނިއަވަސް ރަހަފަތް
