މުނިފޫހިފިލުވުމުގެ ދާއިރާއިން، ދިވެހި ފިލްމުތަކުގައި ހެއްވާ މަޖާ ބައިތަކުން ފެނިގެން ދިޔަ ހާރޫން އަޙްމަދު (ޖޮނީ) އުމުރުން 72 އަހަރުގައި މިއަދު ނިޔާވެއްޖެ އެވެ.

މަޝްހޫރުވެގެންދިޔަ ދިވެހި ފިލްމު ‘ދޮން މަންމަ’، ‘ގުންޑޮޅި’ އާއި ‘ކެހި’ ފަދަ ޑްރާމާތަކުން ބެލުންތެރިން ހެއްވާލާފައިވާ ޖޮނީ އަކީ ކުރީގެ މަޝްހޫރު ހިންދީ ކޮމީޑިއަން ޖޯނީ ވޯކާ ނަކަލުކޮށްގެން ‘ޖޮނީ’ގެ ކެރެކްޓަރ ގައި ފާހަގަކޮށްލެވޭ ބައިތަކެއް ކުޅެފައިވާ ފަންނާނެކެވެ.

ޖޮނީ އަކީ ފިލްމީ ދާއިރާގެ އެންމެ ކުރީކޮޅު، މީހުން ހެއްވާލުމުގައި އެތައް ބައެއްގެ މަގުބޫލުކަން ހޯދާފައިވާ މީހެކެވެ. ޚާއްސަކޮށް ޔޫސުފް ރަފީއު (ޔޫސޭ) ގެ ކޮމީޑިއަން ފިލްމުތަކުގައި ހާރޫނު ވަނީ އެތައް ބައެއްގެ ހިތް އަތުލައިފަ އެވެ.

ހާރޫން އަޙްމަދު (ޖޮނީ)ގެ ކަށުނަމާދު އޮންނާނީ މިރޭ ފަތިސް ނަމާދަށްފަހު މާލޭ އާސަހަރާ މިސްކިތުގައެވެ.

ހާރޫނަކީ ގިނަ ދުވަސްތަކެއް ވަންދެން ސަރުކާރުގެ އެކި އިދާރާތަކުގައި ވަޒީފާ އަދާކޮށްފައިވާ ޚިދުމަތްތެރި އެކެވެ.

https://www.youtube.com/watch?v=Be5ioLsvQcI

https://www.youtube.com/watch?v=_QqDmkNjXd8&t=12s

https://www.youtube.com/watch?v=x83LQMkO2Ec

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: