ހުކުރު ދުވަހުގެ މެންދުރު ކެއުން ފުރިހަމަވެގެންދާނީ ފޮނި ކާއެއްޗެއްވެސް މެނޫގައި ހިމެނިގެންނެވެ. މިއަދު މިގެނެސްދެނީ ރަވާ ޕިރިނީ ތައްޔާރުކޮށްލާނެ ފަސޭހަ ގޮތެކެވެ.
މި ރެސިޕީއިން ތައްޔާރު ކުރެވޭނީ: 6-8 މީހުންނަށް ވާވަރަށެވެ.
ބޭނުންވާނތަކެތި:
– ½ ޖޯޑު ސެމޮލިނާ (ރަވާ)
– 1 ޖޯޑު ފުލް ކްރީމް ކިރު
– ¼ ޖޯޑު ހަކުރު
– 6 އިންޗީގެ ރާނބާފަތް ކޮޅެއް
– 1 ދަޅު ގެރިކިރު
– 1 ސައިސަމުސާ މުގުރި ފޮނިތޮށި ކާފޫރުތޮޅި
ހަދާނެގޮތް:
1. ރަވާ، ފުލްކްރީމް ކިރު، ހަކުރު އަދި ރާނބާފަތްކޮޅު ތެއްޔަށް އަޅާފައި ރަނގަޅަށް އެއްކުރަމުން ކައްކާށެވެ. ކައްކާނީ ތެލީގައިވާ ތަކެތި އޮލަވަންދެނެވެ. ކައްކާ ނިމުމުން ރާނބާފަތްކޮޅު ނަގާށެވެ.
2. ދެން، ގެރިކިރުދަޅު ތެއްޔަށް އެޅުމަށްފަހު އަނެއްކާވެސް އެއްކުރަމުން 5 މިނިޓް ވަންދެން ކައްކަމުން ގެންދާށެވެ.
3. ޓްރޭއަކަށް ތެލީގައިވާ ތަކެތި އޮއްސާލާށެވެ. އޮއްސާލުމަށްފަހު ފުރޭންޏެއް ބޭނުން ކޮށްގެން ފޮނިތޮށި ކާފޫރުތޮޅިކޮޅު އޭގެ މައްޗަށް ބުރުއްސާލާށެވެ.
އެއަށްފަހު ޕިރިނީ ފްރިޖްގައި ނުވަތަ ބޭރުގައި 20 މިނިޓވަންދެން ބަހައްޓާ ލާށެވެ. ޕިރިނީ މިހިރީ ތައްޔާރު ކުރެވިފައެވެ.
ލިޔުންތެރިޔާގެ ފުރަމަލަ
- ތަފާތު މައުޟޫތަކަށް އާއިޝަތު ފައިނާޒް (އައިޗަތު) ލިޔާނެއެވެ. އެގޮތުން ބަހާއި އަދަބިއްޔާތު، އިޖްތިމާޢީ ރޮނގުންނާއި އިތުރު ދާއިރާތަކުންވެސް ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 11 ޖޫން 2024ވައްޓަފާޅިފޮނަދޫ މީހުން ބޮޑައީދަށް ތައްޔާރަވުން
- 5 އޭޕްރިލް 2024ރަހަފަތްޗީޒީ އެގް ޓޯސްޓް – މުނިއަވަސް ރަހަފަތް
- 31 މާރޗް 2024ރަހަފަތްބިސްގަނޑު ރިހަ – މުނިއަވަސް ރަހަފަތް
- 11 މާރޗް 2024ރަހަފަތްޗޮކްލެޓް އައިސްކްރީމް ކޭކް – މުނިއަވަސް ރަހަފަތް
