ވީމީޑިއާ އިން އުފައްދާ ދެވަނަ ޑްރާމާ ސިލްސިލާ އަކީ މުނިއަވަސްގެ ލިޔުންތެރިޔާ ޒާނާގެ ތަނަވަސް ޚިޔާލުން އުފައްދައި ލިޔެ، މުނިއަވަސްގެ ކިޔުންތެރިންނާއި ހަމައަށް ގެނެސްދީފައިވާ ވާހަކައަކަށް ތައްޔާރުކުރާ، އަހަރު ދުވަހަށް ދެމިގެންދާ ދިގު ސީރީޒެކެވެ. ސީރީޒްގެ ނަމަކީ “ލަފުޒަކުން” އެވެ.
“ލަފުޒަކުން”ގެ ނަމުގައި ޒާނާ ލިޔެފައިވާ ވާހަކައަކަށް ދިގު ސީރީޒެއް ތައްޔާރުކުރުމަށް ނިންމާފައިވާކަން މުނިއަވަސް އަށް ޔަޤީންވެފައިވާއިރު، މިމަހުގެ 15 ވަނަ ދުވަހުގެ ރޭ “ވީމީޑިއާ ނައިޓް” ކޯޕަރޭޓް އެޑިޝަންގެ ނަމުގައި ބޭއްވި ޚާއްޞަ ހަފުލާއެއްގައި ވަނީ މި ސީރީޒްގެ ނަން އިޢުލާނުުކޮށްފައެވެ.
“ލަފުޒަކުން” ސީރީޒް ޑައިރެކްޓް ކުރުމަށް ހަމަޖެހިފައިވަނީ ހުނަރުވެރި ސްކްރީން ރައިޓަރ، މޮޅު ޑައިރެކްޓަރ އަދި އެކްޓަރ ޔޫސުފް ޝަފީޢު (ޔޫއްޕެ) އެވެ. “ލަފުޒަކުން” މި ސީރީޒް އަކީ މުނިއަވަސް އިން ޒާނާ ގެނެސްދީފައިވާ ވާހަކައެއްކަން ޔޫއްޕެ މުނިއަވަސް އަށް ކަށަވަރުކޮށްދެއެވެ.
ނަމަވެސް، “ލަފުޒަކުން” ސީރީޒް ފެނިގެންދާއިރު މުނިއަވަސް އިން ޒާނާގެ ވާހަކަތައް ކިޔާފައިވާ ބޭފުޅުންނަށް ސަޕްރައިޒެއް ލިބިގެންދާނެ ތަފާތުކަމެއް “ލަފުޒަކުން” މި ސީރީޒް ފެށުމާއެކު ފެނިގެންދާނެއެވެ.
ވީމީޑިއާ އިން އުފައްދާ މިއަހަރުތެރޭގައި ދައްކަން ފެށުމަށް އަމާޒު ހިފާފައިވާ “ލަފުޒަކުން” އަކީ ޒާނާ ލިޔެފައިވާ ވަރަށް އަސަރުގަދަ ލޯބީގެ ވާހަކައަކަށް އުފައްދާ ސީރީޒެކެވެ.
ލިޔުންތެރިޔާގެ ފުރަމަލަ
- މުނިއަވަސް ގެ ފައުންޑަރ އަދި އެޑިޓަރ
މި ލިޔުންތެރިޔާގެ ބައެއް އެހެން ލިޔުންތައް
- 22 ސެޕްޓެމްބަރ 2023ޚަބަރުދުވާލެއްގެ މައްޗަށް 08 ލީޓަރުގެ މިނިކިރު އުފެދޭ މީހެއްގެ ވީޑިއޯ!!
- 17 ސެޕްޓެމްބަރ 2023އިޖްތިމާޢީލޯންޑްރީ ޓްރިކްސް : ހުދު ފޭރާން އިތުރަށް ހުދުކޮށް ބެހެއްޓުމަށް ތިން އުކުޅެއް!
- 29 އޭޕްރިލް 2021ރެސިޕީއަނބު މޮހީޓޯ – މުނިއަވަސް ރަހަފަތް
- 18 ނޮވެމްބަރ 2019ޚަބަރުސޮނާލިކާ އަކީ ކޮމޯލިކާ ކަން ޕްރޭނާއަށް ފަޅާއަރަނީ
