| MUNIAVAS

ޑާކްރެއިން އެންޓަޓެއިންމެންޓްގެ ކޮމެޑީ ފިލްމު ”މާމުއި”ގެ ހައުސްފުލް 19 ޝޯ އޮލިމްޕަހުގައި ދެއްކިވާހަކައާއި ފިލްމަކީ މިހައިތަނަށް ރާއްޖޭގައި އުފެއްދި ރެކޯޑް ބްރޭކިން ކޮމެޑީ ފިލްމެކޭ ބުނެ، މާގިނަ ހާސަރުތަކެއް ދަމާކަށް ނެތީމެވެ. ނ. މަނަދޫން ފިލްމު “މާމުއި” ބެލުމަށް ކެތްމަދުވެފައި ތިބި ބެލުންތެރިންނަށް ދޭން އޮތީ އުފާވެރި ޚަބަރެކެވެ. އޯގަސްޓް ނުވަވަނަ ދުވަހުގެރޭ ނ. މަނަދޫ ވިލަރެސް ކުލަބު ހޯލުގައި “މާމުއި” ދައްކާނެއެވެ.

މަނަދޫގައި ”ދަޢުވަތު“ ދެއްކުމަށް ހަރަކާތްތެރިވާ ޓީމުން ބުނީ މަނަދޫ ކޮމްބަސް ފިހާރައިން ފިލްމުގެ ޓިކެޓް ލިބެން ހުންނާނެ ކަމަށެވެ. ޓިކެޓް ބްކިން ހެއްދުމަށާއި އިތުރު މަޢުލޫމާތު ހޯދުމަށް 7470388 ނަންބަރަށް ގުޅައިގެންވެސް ކުރިއަށްދެވިދާނެ އެވެ.

ރާއްޖޭގެ ރަށްރަށުން ދިވެހި ފިލްމު ބެލުމުގެ ފޯރި އެންމެ ވަރުގަދަ ރަށްރަށުގެ ތެރޭގައި މަނަދޫ ހިމެނޭކަން ފާހަގަކޮށްލެވެއެވެ.

ދިވެހި ބައެއް އޮންލައިން ތަކުން “މާމުއީ” އަށް ދީފައިފާ ކުރު އަދި ފޮނި ރިވިއުތައް – ފޮޓޯ: ޑާކް ރެއިން އެންޓަޓެއިންމެންޓް

”މާމުއި”ގެ ސްކްރީންޕްލޭ ލިޔުނީ އައިޝަތު ފުއާދު އަދި އަޙްމަދު ޠަލާލް އެވެ. ޑައިރެކްޓްކުރީ މިވަގުތު ރާއްޖޭގައި ހުރި އެންމެ ކާމިޔާބު، ހުނަރުވެރި ޢަލީ ޝިފާޢު އެވެ.

”މާމުއި” ގައި ހަރަކާތްތެރިވާ ތަރިންގެ ތެރޭގައި ޖުމައްޔިލް (ޖުމަލް) ނިމާލް، މަރިޔަމް އައްޒަ، އަޙްމަދު ސަޢީދު، މުހައްމަދު ފައިސަލް، މަރިޔަމް މަޖުދާ (މަޖޫ)، ޝީލާ ނަޖީބް، ނުޒުހަތު ޝުއައިބް (ނުޒޫ)، އިބްރާހީމް ޝާފިއު (ފުބޫ)، އިސްމާއިލް ޖުމައިހް (ޖުމާ)، އަހުމަދު ސުނީ، ހަމްދާން ފާރޫގް، މަރިޔަމް ނޫރާ، އަލީ ޝަޒްލީމް، އާދަމް ރިޒްވީ (ރެކްސް)، އަހުމަދު ޝާކިރު (ޝާއްކޮ އައްމަޑޭ) އަދި އިބްރާހީމް އަމާން ފަދަ ތަރިން ހިމެނެ އެވެ. މީގެ އިތުރުން ”މާމުއި” ގެ ކާސްޓުންގެ ތެރޭގައި މަޝްހޫރު ފިލްމީ ތަރި އިސްމާޢީލް ވަޖީހްގެފެންނައިރު، ޗިއްޕެގެ އަންހެނުން އައިޝަތު ޔާދާ ވެސް މި ފިލްމުން ފެނިގެންދާނެ އެވެ.

ފިލްމުގެ ސިނެމަޓޯގްރާފީގެ މަސައްކަތް ކޮށްފައިވަނީ ޗިއްޕެ އާއި އަޙުމަދު ޝިނާނެވެ. ޝިނާން ވަނީ ޑާކް ރެއިންގެ އެހެން ގިނަ ފިލަމުތަކެއްގެ ސިނަމަޓޯގްރަފީ ހަދައި، އެ ސްޓޫޑިއޯއިން މި އަހަރު ނެރުނު ފުރަތަމަ ފިލްމު، ގޮށްރާޅު ޑައިރެކްޓްވެސް ކޮށްފައެވެ.