2020 ވަނަ އަހަރު ބާއްވާ ޔުއެފާ 17 އަހަރުން ދަށުގެ އަންހެނުންގެ ޔޫރޯ ފުޓްބޯޅަ މުބާރާތުގެ ކޮލިފައިންގެ “އެލީޓް” ބުރަށް ޕޯޗުގަލްގެ ޓީމް ދަތުރުކުރުމުން އެކަން ފާހަގަކޮށް ހިތްވަރު ދިނުމުގެ ގޮތުން މަޝްހޫރު ފުޓްބޯޅަ ތަރި ކްރިސްޓިއާނޯ ރޮނާލްޑޯ އެ ޓީމުގެ ކޮންމެ ކުޅުންތެރިއަކަށް ނައިކީގެ “މާކިއުރިއަލް ޑްރީމް ސްޕީޑް” ފުޓްބޯޅަ ބޫޓެއް ހަދިޔާކޮށްފިއެވެ.
“އަހަރެން މި މާކިއުރިއަލް ޑްރީމް ސްޕީޑް ބޫޓް ހަދިޔާ މިކުރަނީ ތިކުދިންގެ ހުވަފެން ހަގީގަތަކަށް ހެދުމަށް އެހީވެދިނުމުގެ އުއްމީދުގަ.” ރޮނާލްޑޯގެ މި ހަދިޔާ އާއެކު ފޮނުވި ސިޓީގައި ބުނެފައިވެއެވެ.
ރޮނާލްޑޯ މޮޅު ފުޓްބޯޅަ ކުޅުންތެރިޔަކަށްވުމަށް ދެކުނު ހުވަފެނާއި، އެ ހުވަފެނުގައި ކުލަޖެއްސުމަށް ކުރި ބުރަ މަސައްކަތަށް އަލި އަޅުވާލަމުން ރޮނާލްޑޯ އިތުރަަށް ބުނެފައިވަނީ “އަހަރެންނަށް އަހަރެންގެ ހުވަފެން ދެނެގަނެވުނު ފަދައިން އަހަރެން އުންމީދުކުރަނީ ތިކުދިންނަށްވެސް ތިކުދިންގެ ހުވަފެން ދެނެގަނެވި އެކަން ހަގީގަތަކަށް ހެދުމަށް ފަސްނުޖެހި މަސައްކަތް ކުރާނެކަމަށް. އަހަރެންނަށް އެކަން ހާސިލްކުރެވުނު ފަދައިން ތިކުދިންނަށްވެސް ކުރެވޭނެ.”
ދުނިޔޭގެ މޮޅު ކުޅުންތެރިޔާގެ މަގާމު ފަސް ފަހަރު ހޯދާފައވާ ރޮނާލްޑޯ އަކީ މޮޅު ކުޅުންތެރިއެއްގެ އިތުރުން އެހެންމީހުނަށް ހިތްވަރުދީ މޯޓިވޭޓް ކުރުމުގައި ފާހަގަކޮށްލެވޭ ޝަޚްޞިއްޔަތެކެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
