އަންނަ ޑިސެމްބަރު މަހު 1 ވަނަ ދުވަހުންފެށިގެން 10 ވަނަ ދުވަހުގެ ނިޔަލަށް ނޭޕާލްގައި ބޭއްވުމަށް ހަމަޖެހިފައިވާ 13 ވަނަ ސައުތު އޭޝިއަން ގޭމްސް ގައި ވާދަކުރާ ގައުމީ އަންހެން ބެޑްމިންޓަން ޓީމު އެ މުބާރާތަށް ތައްޔާރުވުމުގެ ގޮތުން ތަމްރީނުތައް ހެދުމަށްޓަކައި މިއަދު އިންޑިއާ އަށް ފުރައިފިއެވެ.
ފަހަކަށް އައިސް ގައުމީ އަންހެން ބެޑްމިންޓަން ޓީމުން ބައިނަލްއަގުވާމީ މައިދާނުގައި ދައްކަމުން އަންނަ މޮޅުކުޅުމާއި، ނެރެމުންދާ ނަތީޖާތަކުގެ ސަބަބުން ސައުތު އޭޝިއަން ގޭމްސް ގައި ރަނގަޅު ޗެލެންޖެއް ދެވޭނީ ހަމަ އެކަނި އަންހެން ޓީމަށް ކަމަށް ގަބޫލުކުރެވޭތީ، ބެޑްމިންޓަންގައި މިފަހަރު ރާއްޖެ އިން ވާދަކުރާނީ ހަމައެކަނި އަންހެން ޓީމު ކަމަށް ބެޑްމިންޓަން އެސޯސިއޭޝަނުން މަޢުލޫމާތު ދީފައިވެއެވެ.
ސައުތު އޭޝިއަން ގޭމްސް ގައި ބެޑްމިންޓަން އިން ރާއްޖެއަށް އަދި މެޑެއްޔެއް ހޯދިފައި ނުވި ނަމަވެސް، މެޑަލް އަކާއި ހަމައަށް ދެވިދާނެ ކަމުގެ އުއްމީދު މިފަހަރު ވަަރަށް ބޮޑެވެ.
އިންޑިއާ އަށް ކުރާ މި ތަމްރީނު ދަތުރުގައި، އެ ގައުމުގެ ފާހަގަކޮށްލެވޭ ބައެއް ބެޑްމިންޓަން ކުޅުންތެރިންނާއެކު ރާއްޖޭގެ ކުޅުންތެރިން މެޗުތަކެއް ކުޅުމަށް ވަނީ ހަމަޖެހިފައެވެ. އަންހެން ބެޑްމިންޓަން ޓީމު ސައުތު އޭޝިއަން ގޭމްސް އަށް ނޭޕާލަށް ދިއުމަށް ހަމަޖެހިފައިވަނީ އިންޑިއާ އިންނެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
