ބޮލީވުޑްގައި މިހައިތަނަށް އެންމެ ދިގުކޮށް ގެނެސްދޭ ފްރެންޗައިޒް ފިލްމް ކަމުގައިވާ ގޯލްމާލްގެ 5 ވަނަ ފިލްމުންވެސް އަޖޭ ދޭވްގަން ފެނިގެންދާނެކަމަށް ރިޕޯޓްތައް ބުނެފިއެވެ.

ކުޅަދާނަ  ޑައިރެކްޓަރ ރޯހިތު ޝެޓީގެ ގޯލްމާލް 5 ވަނަ ފިލްމްގެ މަސައްކަތް ފަށާފައިވާއިރު މިއީ މިހާތަނަށް 5 ފިލްމު ނެރޭ ފުރަތަމަ ފްރެންޗައިޒެވެ.

ރޯހިތު ޝެޓީގެ އެންމެ ފަހުގެ ފިލްމް ކަމުގައި ވާ ސިމްބާ ގެ ލަަވަ އާކް މާރޭގައި ވަނީ ގޯލްމާލްގެ ކާސްޓް ދައްކާލައި ބެލުންތެރިންނަށް ގޯލްމާލް 5 ގެ ހިންޓެއް ދީފައެވެ.

2006 ވަނަ އަހަރު ގޯލްމާލްގެ ނަމުގައި މި ފްރެންޗައިޒްގެ ފުރަތަމަ ފިލްމް ނެރުނެވެ. އެއަށް ފަހު 2008 ވަނަ އަހަރު ގޯލްމާލް ރިޓާންސްގެ ނަމުގައި މީގެ 2 ވަނަ ފިލްމް ވަނީ ނެރެފައެވެ. 2010 ވަނަ އަހަރު ގޯލްމާލް 3 ނެރުނު އިރު މީގެ 4 ވަނަ ފިލްމް ނެރެފައިވަނީ 2017 ވަނަ އަހަރު ގޯލްމާލް އަގެއިން ގެ ނަމުގައެވެ.

ގޯލްމާލްގެ ކޮންމެ ފިލްމެއްވެސް ބެލުންތެރިން ވަނީ ބަލައިގަނެފައެވެ.

ލިޔުންތެރިޔާގެ ފުރަމަލަ

އާމިނަތު ސަޒްރާ
މުނިއަވަސްގެ ޑެޕިއުޓީ އެޑިޓަރ ސަޒްރާ އަކީ ކުރިން ރާއްޖެ ޓީވީގައި މަސައްކަތްކޮށްފައިވާ ތަޖުރިބާކާރު ނޫސްވެރިއެކެވެ. މުނިފޫހިފިލުމުގެ ދާއިރާގެ އިތުރުން އިޖުތިމާޢީ ދާއިރާގައިވެސް ސަޒްރާ ޚާއްޞައެވެ.

ގުޅުންހުރި ލިޔުން: