ހަތަރު ރަހްމަތްތެރިއަކާއެކު ހަސަނު މިސްރަށް ކުރި ދަތުރެކެވެ. މިސްރުގައި ތިބީ ފެންވަރު ރަނގަޅު ހޮޓަލެއްގައެވެ. ބާޒާރު ކުރާށާއި ކަރު ތެންމާލުމަށް ފަސް އެކުވެރިން އާންމުކޮށް ދަނީ އެކީގައެވެ. ހެނދުނުގެ ނާސްތާ ހޮޓަލުން ހިލޭ ލިބެއެވެ. ނަމަވެސް ކައިރީގައި ހުރި ކެފޭއަކުން ނުވަގަޑިސައި ބޮއިނުލާ ފަރަކު ނުޖެހެއެވެ.
ކަން ދިމާކުރި ގޮތުން ހަސަނުގެ ޓީމުގައި އަރަބި ބަހަށް ފަރިތަ މީހަކު ހުއްޓެވެ. މިސްރުގެ ގިނަ މީހުންނަށް އިނގިރޭސި ބަސް ނޭނގޭތީ ބާޒާރު ކުރުމުގައާއި އެހެނިހެން މުއާމަލާތު ކުރުމުގައި އޭނާގެ އެހީތެރިކަން އެންމެންނަށްވެސް ލިބެއެވެ. ހަސަނަކަށް އެއްގޮތަކަށްވެސް އަރަބި ބަހެއް ނޭނގެއެވެ.
އެންމެން އެކުގައި ނުވަގަޑި ސަޔަށް ކެފޭއަށް ދިޔަ ދުވަހެކެވެ. ސަޔަށް އޯޑަރުދޭއިރު ބުނާގޮތް ކަނުލައި އަޑުއަހަން ހަސަނު އިނެވެ. އަރަބި ދަންނަމިހާ ފަސް ސައި ގެންނަން އޯޑަރު ދިނެވެ. “ޚަމްސަ ޝާއީ” އޭ އޭނާ ބުނުމުން ހަސަނު އަޑުދަށުން މިހެން ކިޔާލިއެވެ. ދަތުރުގައި ދެދުވަސް ވީއިރު ހަސަނަށްވެސް ކުދިކުދި އަރަބި ލަފުޒު ބުނެލަން ދަސްވެއްޖެއެވެ. ފަސް ސައި ގެނައުމުން މަޖާ ވާހަކައިގެ ތެރެއިން ސައިބޮއި ނިންމާލައިފިއެވެ.
އެހެން ދުވަހެކެވެ. މާހެނދުނަކާ އަނެއް ހަތަރު މީހުން ކޮންމެވެސް ތަކަނަށް ހިނގައްޖެއެވެ. އެވަގުތު ހަސަނު ނުފެނުމުން އަންގާވެސް ނުލެވުނީއެވެ. ހަސަނު އެކަނި ވީއެވެ. ސައިބޯ ގަޑި ޖެހުނީއެވެ. މަޑުމަޑުން ހަސަނު އެކަނި ގޮސް ކެފޭއަށް ވަނެވެ. މޭޒެއްގެ ދޮށުގައި ޖައްސާލާފައި ހަސަނު ސަޔަށް އޯޑަރު ދިނެވެ. “ޚަމްސަ ޝާއީ”. ވެއިޓަރު ހައިރާންވިއެވެ. ކުޑަ އިރުކޮޅެއްގެ ތެރޭގައި ވެއިޓަރު ތަބަކެއް ގެނެސް ހަސަނުގެ ކުރިމަތީގައި ބަހައްޓާލިއެވެ. ތަބަކުގައި 5 ތަށި ސައި ހުއްޓެވެ.
ލިޔުންތެރިޔާގެ ފުރަމަލަ
- އާއްމުކޮށް ނަޒީރުގެ ލިޔުންތައް ނުފެނުނަސް، ނަޒީރަކީ ތަޖުރިބާކާރު ބޭފުޅެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 29 އޮކްޓޯބަރ 2024މަޢުލޫމާތުތުނބުން ފުމުނީ ކާކު؟
- 23 ސެޕްޓެމްބަރ 2023އިޖްތިމާޢީމުށިބިހާއި ހުދުބިހުގެ ސިއްހީ ފައިދާ ތަފާތުތަ؟
- 10 ފެބްރުއަރީ 2023މަޢުލޫމާތުލުނބޯފެން – ކިހާ މުހިންމު އެއްޗެއްކަން އެނގޭތަ؟
- 9 ފެބްރުއަރީ 2023ރިޕޯޓްދޮންކޭލާއި ކިރު އެއްކުރުން ރަނގަޅުތަ؟
