އޭއެފްސީގެ ރައީސްގެ ޚާއްޞަ ޕްރޮޖެކްޓް، “އޭއެފްސީ ޕްރެޒިޑެންޓްސް އިންފްރާސްޓްރަކްޗަރ އިނިޝިއޭޓިވް ޕްރޮޖެކްޓް” ގެ ދަށުން ވިލިމާލޭ ގައި ތަރައްޤީ ކުރާ ފުޓްބޯޅަ ޓްރެއިނިންގ ސެންޓަރުގެ ބިންގާ އަޅައިފި އެވެ.
އިއްޔެ މެންދުރު ވިލިމާލޭ ގައި ބޭއްވި ޚާއްސަ ރަސްމިއްޔާތެއްގައި ބިންގާ އަޅުއްވައި ދެއްވީ މިނިސްޓަރ އޮފް ޔޫތް، ސްޕޯޓްސް، އެންޑް ކޮމިއުނިޓީ އެމްޕަވަރމަންޓް އަހްމަދު މަޙްލޫފާއި، އެފްއޭއެމް ގެ ރައީސް ބައްސާމް އަދީލް ޖަލީލް އެވެ.
މި ޕްރޮޖެކްޓްގެ ދަށުން ވިލިމާލޭ ގައި ބޮޑު ޓާފް ދަނޑަކާއި، އެކޮމަޑޭޝަން އިމާރާތަކާއި، ފެސިލިޓީ އިމާރާތެއް އެޅުމަށް ނިންމާފައިވެއެވެ. ދެ ޗޭންޖިން ރޫމާއި، ރެފްރީންނަށާއި، މެޗު ކޮމިޝަނަރަށް ޚާއްޞަ ދެ ކޮޓަރީގެ އިތުރުން ކުޅުންތެރިންނަށް ވަކި ސަރަހައްދެއް ފެސިލިޓީ އިމާރާތުގައި ހިމެނޭނެ ކަމަށް އެފްއޭއެމް އިން ބުނެފައިވެއެވެ.
ފޮޓޯ: އެފްއޭއެމް
އެކޮމަޑޭޝަން އިމާރާތުގައި ދެ ކޮޓަރީގެ 8 އެޕާޓްމަންޓް އެޅުމަށް ނިންމާފައި ވާއިރު، އެ އެޕާޓްމަންޓްތައް ޚާއްޞަކޮށްފައި ވަނީ ފުރަތަަމަ ޑިވިޝަނުގެ ޓީމުތަކަށެވެ. ކުރިއަށް އޮތް ހަތަރު މަސްދުވަސް ތެރޭގައި އެއްކޮށް ނިންމައި ހަވާލުކުރާގޮތަށް މި ޕްރޮޖެކްޓް ހަވާލުކޮށްފައިވަނީ ފިއުޗާ ހޯމްސް ޕްރައިވެޓް ލިމިޓެޑް ކިޔާ ކުންފުންޏަކާއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
