މުނިއަވަސްގެ ފުރަތަމަ އަހަރީ ދުވަހާއި ދިމާކޮށް، ފިލްމީ ދާއިރާއާއި މިއުޒިކީ ދާއިރާގެ ފަންނާނުން، މުނިއަވަސްއާމެދު ދެކިލައްވާގޮތް އޮޅުންފިލުވައިލުމަށް ކުރެވުނު މަސައްކަތަށް ފަންނުވެރިންގެ ފަރާތުން ވަރަށް ބޮޑު ތަރުހީބެއް ލިބިގެންދިޔައެވެ. އެގޮތުން ވަރަށް ގިނަ އަދަދެއްގެ ފަންނުވެރިން ވަނީ އެބޭފުޅުންގެ ޝުޢޫރުތައް އަޅުގަނޑުމެންނާއި ހިއްސާކޮށްފައެވެ.

މުނިއަވަސް އަށް ނުހަނު ބޭނުންތެރި މި ޚިޔާލުތައް ގެނެސްނުދެވި ލަސްވެގެން މި ދިޔައީ ދިމާވި ޓެކްނިކަލް މައްސަލައެއްގެ ސަބަބުންނެވެ. އޯޑިއޯ ފައިލްތައް ރިކަވަރކުރެވި އަލުން އަނެއްކާވެސް ފަންނުވެރިންގެ ތެރެއިން ކުރިން ގެނެސްދީފައި ނުވާ ބައެއް ބޭފުޅުންގެ މުއްސަނދި ޚިޔާލުފުޅުތައް ހުށައަޅައިލާނަމެވެ.

ޅެންވެރިޔާ ޢިއްޒަ އަޙްމަދު ނިޒާރު

“މުނިއަވަސްއަކީ ޚަބަރާއި މަޢުލޫމާތު ފެތުރުމުގައި ވަރަށް މުރާލި ނޫހެއް.. ރާއްޖެއާއި ރާއްޖޭން ބޭރުގައި ހިނގާ ކަންކަމުގެ ސައްޙަ މަޢުލޫމާތާއި ޚަބަރު މި ނޫހުގެ ޒަރިއްޔާއިން ހަލުވިކަމާއެކު ފޯރުކޮށްދޭ.. އެއް އަހަރުގެ ކުރު މުއްދަތުގެ ތެރޭގައި މުނިއަވަސް ދުރު ރާސްތާއެއް ކަޑައްތުކޮށްފި.. ކިޔާހިތްވާ މަޢުލޫމާތުން މުއްސަނދި ލިޔުންތައް ހިއްސާކޮށްފި.. ނޫސްވެރިކަމުގެ ދުނިޔެއިން މުނިއަވަސްއަށް އިތުރު ކާމިޔާބީއަށް އެދެން.”

ޑައިރެކްޓަރ އަދި ކެމެރާމަން ޢަލީ ޝިފާޢު

“މުނިއަވަސްއަކީ ދިވެހިރާއްޖޭގެ މުނިފޫހިފިލުވުމުގެ ދާއިރާގެ ޚަބަރުތައް އޭގެ އެންމެ ތާޒާކަމާއި އެންމެ ފުރިހަމަކަމާއި އަދި ތެދުވެރިކަމާއެކީ ގެނެސްދޭ ހަމައެކަނި އޮންލައިން ނޫސް މީޑިއާ.. މިކަމުގައި އަޅުގަނޑުމެން ވަރަށް އުފާކުރަން މުނިއަވަސްއަށް.. މުނިއަވަސްއަށް 1 އަހަރު ފުރުމުގެ މުނާސަބަތުގައި ޑާކްރެއިންގެ ނަމުގައި އަދި އަޅުގަނޑުގެ އަމިއްލަ ނަމުގައި ވަރަށް ބޮޑަށް ތަހުނިޔާއި މުބާރިކުބާދީ އަރިސްކުރަން.. ޝުކުރިއްޔާ”

އެކްޓަރ، ޑައިރެކްޓަރ، ކެމެރާމަން އަދި ޕްރޮޑިއުސަރ ޙުސައިން މުނައްވަރު

“ވޭތުވެދިޔަ 5 އަހަރުތެރޭގަވެސް ފިލްމީ ދާއިރާއަށް އެއްވެސް އޮންލައިން ނޫހަކުން މިހާ އިސްކަން ދީގެން ފިލްމީ ދާއިރާއަށް ކަމެއް ކޮށްދިން ފަރާތެއް މުނިއަވަސް ނޫނިއްޔާ ނެތް.. މި ވޭތުވެދިޔަ 1 އަހަރުތެރޭގައި މުނިއަވަސްއިން މި ކޮށްދިން ބުރަ މަސައްކަތް އަޅުގަނޑު ހިތުގެ އެންމެ ފުންމިނުން އަގު ވަޒަންކުރަން.. ދެން ހަމަ މި ނޭވާގަ މުނިއަވަސްއަށް 1 އަހަރު ފުރުމުގެ މުނާސަބަތުގައި މުބާރިކުބާދީ އަރިސްކުރަން..”

އެކްޓްރެސް ޒީނަތު އައްބާސް

“އަޅުގަނޑު ކައިރިން ޚިޔާލަށް އެދުނީމަ އަޅުގަނޑު ވަރަށް އެދެން ތިބޭފުޅުން އެފްބީ އަށް ޕަބްލިޝް ކުރުމުގެ ކުރިން ތިބޭފުޅުންގެ ޓައިޕިންގ މިސްޓޭކްސްތަކާ އެއްޗެހި ބައްލަވާލައްވާފަ.. އަޅުގަނޑަށް ކިޔަން ވަރަށް އުނދަގޫ.. ހުންނަނީ ވަރަށް ބޮޑަށް ޓައިޕިންގ މިސްޓޭކް.. އެހެންވީމަ ޕަބްލިޝް ކުރުމުގެ ކުރިން ރީޗެކް ޖަހާލާފަ ފޮނުވާލަދީފިއްޔާ އަޅުގަނޑުމެންނަށް ކިޔާލަން ތަންކޮޅެއް ފަސޭހަވާނެ ކަންނޭނގެ.. އެކަންތައް އެކަނި ފާހަގަކޮށްލަން އޮތީ.. ވަރަށް ބޮޑަށް ހެޕީ އެނިވާސަރީ.”

އަދިވެސް މިފަދަ އެތަކެއް ޚިޔާލުތަކެއް ލިބިފައިވާކަން ވަރަށް ޝުކުރުވެރިކަމާއެކު ފާހަގަކޮށްލަމެވެ.

ލިޔުންތެރިޔާގެ ފުރަމަލަ

ސާޖިދު ޢަބްދުﷲ
ސާޖިދު ޢަބްދުﷲ
މުނިއަވަސްގެ ޑެޕިއުޓީ އެޑިޓަރ ސާޖިދު އަކީ ވާހަކަ ލިޔުމުގެ އިތުރުން ޚަބަރު ލިޔުމުގައިވެސް ހުނަރުވެރި ލިޔުންތެރިއެކެވެ.

ގުޅުންހުރި ލިޔުން: