ނިއުމާ އާއި އޭނާގެ ދަރިފުޅު ޒޯޔާ ހަސަންގެ ފިލްމު ކުންފުނި ‘ނިއުޒޯ ފިލްމްސް’ އިން އުފައްދާ ދެވަނަ ފީޗާ ފިލްމު “ކަޅަކި”ގެ ޝޫޓިން އަށް ފިލްމު ކްރޫ އާއި ކާސްޓުން މިއަދު ފުރައިފިއެވެ.

”ނިވައިރޯޅި“ގެ ނަމުގައި ނިޢުމާ ސްކްރީނުން ފެނިގެންދިޔަ އެންމެ ފަހު ފިލްމު އުފެއްދުމަށްފަހު، ‘ނިއުޒޯ ފިލްމްސް’ އިން އުފެއްދުމުގެ މަރުހަލާގައި ފިލްމުތަކެއް ހުރިއިރު، “ކަޅަކި” ޝޫޓްކުރުމަށް ހަމަޖެހިފައިވަނީ އަވަށްޓެރި ސްރީލަންކާގައި ކަމަށް ނިޢުމާ މުޙައްމަދު މުނިއަވަސް އަށް ބުންޏެވެ.

ނިޢުމާ ބުނީ އަދި ރޭވިފައިވާގޮތުން “ކަޅަކި”ގެ ޝޫޓިން އެއްކޮށް ނަގަން ހަމަޖެހިފައިވަނީ ލަންކާގައެވެ.

ފިލްމު “ކަޅަކި” ޝޫޓިންއަށް ލަންކާއަށް ފުރުމުގެ ކުރިން – ފޮޓޯ: ނިއުޒޯ ފިލްމްސް

“ކަޅަކި”ގެ ކާސްޓުގައި ހިމެނެނީ ޔޫސުފް ޝަފީޢު (ޔޫއްޕެ)، ޢަލީ ސީޒަން، މުޙައްމަދު މަނިކް، ރިޝްފާ، ލަހޫގެ އިތުރުން ޝިޔާ އެވެ. މި ފިލްމުގެ ސްކްރީންޕްލޭ އާއި ޑައިރެކްޝަން ހަދަނީ މިވަގުތު ރާއްޖޭގައި ހުރި އެންމެ ހުނަރުވެރި އެއް ސްކްރީންޕްލޭ ލިޔުންތެރިޔާ އަދި ޑައިރެކްޓަރ ޔޫއްޕެއެވެ. ސަސްޕެންސް ތްރިލާ “ކަޅަކި” ކެމެރާކުރަނީ ދަބާ އެވެ.

ނިޢުމާ ފިލްމީ ހަޔާތުގައި ހޭދަކުރި 25 އަހަރު ފާހަގަކުރުމަށް ބޭއްވި ޚާއްޞަ ހަފުލާގައި “ކަޅަކި” ލޯންޗްކޮށް ޓީޒާއެއް ދައްކާލާފައި ވާއިރު ހަމަ އެ ހަފުލާގައި ‘ނިއުޒޯ ފިލްމްސް’ އިން ގެނެސްދޭ “ގޯނާ” ވެސް ވަނީ ލޯންޗްކޮށްފައެވެ. ފިލްމް ”ގޯނާ“ގެ ޓީޒާއެއްވެސް އެ ހަފުލާގައި ދައްކައިލިއެވެ. މި ފިލްމު ޑައިރެކްޓް ކުރާނީ ހުނަރުވެރި ޑައިރެކްޓަރު ރަވީ ފާރޫޤްކަމަށް ވެސް އެ ހަފުލާގައި ހާމަކުރިއެވެ.

“ކަޅަކި”ގެ އޮންލައިން މީޑިއާ ޕާޓްނަރަކީ މުނިއަވަސް އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!