އިޓާލިއަން ލީގު ގެ ތާރީޚުގައި ދެވަނައަށް އެންމެ އަވަހަށް 50 ގޯލު ހަމަކުރި ކުޅުންތެރިއަކަށް ދުނިޔޭގައި އުފެދުނު އެންމެ މޮޅު އެއް ފުޓްބޯޅަ ކުޅުންތެރިޔާ، ޔުވެންޓަސް ގެ ކްރިސްޓިއާނޯ ރޮނާލްޑޯ ވެއްޖެއެވެ.
2018 ވަނަ އަހަރު ޔުވެންޓަސް އާއި ގުޅުނު ރޮނާލްޑޯ އޭނާގެ ފުރަތަަމަ ސީޒަނުގައި ވެސް އެޓީމަށް 28 ގޯލު ޖަހާދީފައިވެއެވެ. އިޓާލިއަން ލީގުގައި އެންމެ ފަހުން ޔުވެންޓަސް ކުޅުނު މެޗުގައި ފިއޮރެންޓީނާ ކޮޅަށް ޖެހި ދެ ގޯލާއި އެކު، މި ސީޒަނުގައި މިހާތަނަށް އޭނާ ވަނީ 22 ގޯލު ޖަހާފައެވެ.
އިޓާލިއަން ލީގުގައި ރޮނާލްޑޯ 50 ގޯލު ޖަހާފައިވަނީ ޖުމުލަ 70 މެޗުންނެވެ. ރޮނާލްޑޯ އަށްވުރެ އަވަހަށް 50 ގޯލު ޖަހާފައިވަނީ އޭސީ މިލާނުގެ ލެޖެންޑް އަންދްރޭ ޝެވްޗެންކޯ އެވެ. އޭނާ 50 ގޯލު ޖަހާފައިވަނީ 69 މެޗު ކުޅެގެންނެވެ.
އިޓާލިއަން ލީގުގައި އެންމެ އަވަހަށް 50 ގޯލު ހަމަކުރި ދިހަ ކުޅުންތެރިން:
1. އަންދްރޭ ޝެވްޗެންކޯ – 69 މެޗު
2. ކްރިސްޓިއާނޯ ރޮނާލްޑޯ – 70 މެޗު
3. ލުއިސް ރޮނާލްޑޯ – 77 މެޗު
4. މާކޯ ވެން ބާސްޓެން – 83 މެޗު
5. މިޝޭލް ޕްލެޓިނީ – 84 މެޗު
6. ގެބްރިއަލް ބަޓިސްޓޫޓާ – 85 މެޗު
7. ޑޭވިޑް ޓްރެޒެގޭ – 86 މެޗު
8. އެޑިން ޒެކޯ – 92 މެޗު
9. އެޑްރިއާނޯ – 95 މެޗު
10. ގޮންޒާލޯ ހިގުއައިން – 96 މެޗު
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
