ރާއްޖޭގެ އެންމެ ގިނަ ކަސްޓަމަރުންނަށް ޚިދުމަތް ފޯރުކޮށްދެމުން އަންނަ މުވާސަލާތީ ކުންފުނި، ދިރާގުން ޕޯސްޓްޕެއިޑް ކަސްޓަމަރުންނަށް، ޚާއްޞަކޮށްގެން 20 ޖީބީ ޑޭޓާ އާއި ހަމައަށް ހިލޭ އިންޓަނެޓް ލިބޭ ޕްރޮމޯޝަނެއް ފަށައިފިއެވެ.

މާރޗް މަހުގެ ނިޔަލަށް ކުރިއަށް ގެންދާ މި ޕްރޮމޯޝަންގެ ދަށުން ދިރާގުގެ ޕޯސްޓްޕެއިޑް ޕްލޭންތައް ބޭނުންކުރާ ކަސްޓަމަރުން މީސްމީޑިއާ ބޭނުންކުރުމަށް ވަކި އަދަދަކަށް އިތުރު ޑޭޓާ ހިލޭ ލިބިގެންދާނެއެވެ.

ދިރާގުގެ ޕޯސްޓްޕެއިޑް ޕްލޭންތައް:

ދިރާގުގެ ޕޯސްޓްޕެއިޑް ޕްލޭންތައް / ފޮޓޯ: ދިރާގު

ދިރާގުގެ ޕޯސްޓްޕެއިޑް ކޮންމެ ޕްލޭނަކަށް ވަކި އަދަދެއްގެ ޑޭޓާ ލިބޭއިރު، ޕޯސްޓްޕެއިޑް 150 ގެ ޕްލޭން ފިޔަވައި ކޮންމެ ޕްލޭނަކުން ވެސް ފޭސްބުކް، ވަޓްސްއެޕް، ވައިބާ، އިންސްޓަގްރާމް އަދި ސްނެޕްޗެޓު ހިލޭ ބޭނުން ކުރެވޭނެއެވެ. ރާއްޖޭގެ އެޕްލިކޭޝަންތައް ކަމުގައިވާ ދިރާގުގެ އެޕްލިކޭޝަނާއި، ބީއެމްއެލް މޯބައިލް ބޭންކިންގ  އާއި، ސަލާތު އެމްވީ އަދި ކިޔޫބީ އެޕްލިކޭޝަން ޕޯސްޓްޕެއިޑް ކޮންމެ ޕްލޭނަކުން ވެސް ހިލޭ ބޭނުންކުރެވޭނެއެވެ.

ދިރާގުގެ ޕޯސްޓްޕެއިޑް 150 ގެ ޕްލޭން ފިޔަވައި، ކޮންމެ ޕްލޭނަކުން ދިރާގުގެ ނަމްބަރުތަކަށް ހިލޭ ގުޅޭނެއެވެ. ޕޯސްޓްޕެއިޑް 150 ގެ ޕްލޭނުން ދިރާގާއި، އެހެން ނެޓްވޯކްތަކަށް ގުޅާލުމަށް 300 މިނެޓް ލިބޭނެއެވެ. ރާއްޖޭގެ އެހެން ނެޓްވޯކުތަކަށް ގުޅާލަން ޕޯސްޓްޕެއިޑް 350 އަދި 550 ގެ ޕްލޭނުން 300 މިނެޓު ލިބޭއިރު، ބާކީ ޕްލޭންތަކުން ރާއްޖޭގެ އެހެން ނެޓްވޯކްތަކަށް ވެސް މުޅިން ހިލޭ ގުޅާލެވޭނެއެވެ.

ދިރާގުން ފެށި މި ޕްރޮމޯޝަނާއި އެކު، އެކުންފުނީގެ ޕޯސްޓްޕެއިޑް ކަސްޓަމަރުންނަށް ވަރަށް ބޮޑު ހިތްހަމަޖެހުމެެއް ލިބިގެންދާނެއެވެ.

ލިޔުންތެރިޔާގެ ފުރަމަލަ

އަޙްމަދު ޝާމިން
އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.

ގުޅުންހުރި ލިޔުން: