ފައްތާހުގެ ފިލްމެކޭ ބުނެފި ނަމަ، އެ ފިލްމަކަށް ކުރެވޭ އުންމީދު އަބަދުވެސް ވަރަށް ބޮޑު ވާނެ އެވެ. ދެ އަހަރެއްހާ ދުވަސް ފަހުން އޭނާ މިހާރު މި ވަނީ މުޅިން އާ ފިލްމެއް ލޯންޗްކޮށްފަ އެވެ. ލޯބީގެ އަސަރުގަދަ ވާހަކަތަކަށް ފިލްމު އުފެއްދުމަށް ކުޅަދާނަ ޑައިރެކްޓަރ އަބްދުލް ފައްތާހުގެ އެންމެ ފަހުގެ ފިލްމު “ހައްދު” ގެ ޓްރެއިލާ މިހާރު މިވަނީ ނެރެފައެވެ.

މިފިލްމަކީ މަހުދީ އަޙްމަދު ލިޔެފައިވާ ލޯބީގެ އަސަރުގަދަ ސްކްރީންޕްލޭ އަކަށް އުފައްދާ ފިލްމެކެވެ. މިއީ ނިއުމާ މުހައްމަދު އަދި ފައްތާހު ޕްރޮޑިއުސްކުރާ ފިލްމެކެވެ. ފިލްމަށް ހެދުންތައް ފަރުމާކޮށްފައިވަނީ ނާޒިޔާ އެެވެ.

މި ފިލްމުން ހަމަ ގައިމުވެސް ކަންކަމުގައި “ހައްދު ފަހަނަ އެޅުމުން” ވާނެ ގޮތް އެނގިގެން ދާނެ ކަމަށް ފިލްމު އުފައްދާ ފަރާތުން މިވަނީ ބުނެފަ އެވެ. މި ފިލްގެ ޝޫޓިންތައް  ކުރިއަށް ގެންދަނީ ހއ. ކެލާ، ރ. ވާދޫ، މާލެ އަދި މާލެ ކައިރި ރިސޯޓްތަކުގައެވެ.

މިހާތަނަށް ރާއްޖޭގެ ފިލްމީ ދާއިރާ އިން ހޯދާފައިވާ ރިކޯޑުތައް މުގުރާލެވޭނެ ފިލްމަކަށް ވެގެންދާނެ ކަމުގެ ޔަގީންކަން އެބައޮތް ކަމަށް ފައްތާހު ބުނާ ހައްދު ގައި ތަރިންގެ ރޯލުން ފެނިގެން ދަނީ މަރިޔަމް އައްޒަ، އައިމިނަތު ރިޝްފާ އަދި މި ދާއިރާއަށް އަލަށް ތައާރަފްވާ ޝިބާން އަހުމަދު އެވެ. ފައްތާހް ބުނެފައިވަނީ ގިނަ އެވޯޑުތައް ވެސް މިފިލްމުން ހާސިލް ކުރާނެކަމާ މެދު އެއްވެސް ޝައްކެއް ނެތް ކަމަށާއި މިހާތަނަށް ދިވެހި ފިލްމަކަށް ނުލިބޭ ވަރަށް އާމްދަނީ މި ފިލްމުން ހޯދާނެ ކަމަށެވެ. ފައްތާހު ބުނީ ފިލްމުގެ ރީތިކަން ފެންނާނީ ބޮޑުސްކްރީނުން ކަމަށެވެ.

މިފިލްމްގެ ލަވަތައް ކިޔައިދީފައިވަނީ މުހައްމަދު އަބްދުލް ޣަނީ ( ތޭރަވާ) އާއި އަޝްފާއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: