ހަލުވިކަމާއިއެކު ދުނިޔެއަށް ފެތުރެމުން އަންނަ ނުރައްކާތެރި ކޮވިޑް-19 މި ވަނީ ރާއްޖެއާ ހަމައަށްވެސް ފޯރާފައެވެ. ހިތާމައިގެ ކޮޅެއްވެސް ނެތެވެ. ހެޔޮ ދުއާކޮށް اللهގެ ހަޟްރަތުގައި ދެންނެވުން ނޫންގޮތެއްނެތެވެ. ނަމަވެސް ފެންނަމުންދަނީ އެހެން މަންޒަރެކެވެ.

ބައްޔަށް 2 މިީހުން ޕޮޒިޓިވްވުމާއިއެކު ހުރިހާ އެންމެން ފާޑު ކިޔުމާއި ޝަކުވާތައް ދިމާވީ ސީދާ ސަރުކާރަށެވެ. ހެލްތު މިނިސްޓްރީއަށެވެ. އެ މިނިސްޓްރީއިން ގަސްދުގައި ރައްޔިތުންނަށް ބަލި ޖައްސަފާނެހެއްޔެވެ.؟ ނޫނީ ބައްޔަށް ރައްކާތެރިވުމަށް އިންސާނުންނަށް ކުރެވޭނީ ކޮންކަމެއް ހެއްޔެވެ.؟ ހިތްތިރިކޮށްލާފަ މިންވަރަށް ޝުކުރުކޮށްލާށެވެ. އިންސާނުންނަށްވުރެ މަތިން އަމުރުތައް ކުރައްވާ ފަރާތެއްވާކަން ހަނދުމަފުޅު ބަހައްޓަވާށެވެ. އެއްވެސް އިންސާނަކަށް ނުއުފުލޭވެ ބުރައްއެއް އެކަލާނގެ ނުޖައްސަވާނެއެވެ.

ހަނދާން ބަހައްޓާށެވެ. މީހުންނާ ދިމާއަށް ބަދުވަސް ބުނަމުންދާއިރު އިންސާނާގެ ދުލަކީ ވަރަށް ނުރައްކާތެރި އެއްޗެކެވެ. އުފާކުރާށެވެ. ތިމާމެންގެ ސިއްހީ ރައްކަތެރިކަން ފޯރިކޮށްދިނުމަށް އަމިއްލަ އާއިލާވެސް ދޫކޮށްފައި އައިސް ތިބި ހިތްވަރުގަދަ ނަރުހުންނާއި ޑޮކްޓަކުން ތިބީތީއެވެ. ތިމާމެންނަށް ކުރިމަތިވެދާނެ ނުރަކަލަށް ބިރެއްނެތި އެތިބީ ހަށި ފޮޅާލައިގެންނެވެ.

ހެލްތު ދާއިރާގައި މަސައްކަތްކުރާ، ހެލްތު ވޯކަރުންނާ އަދިވެސް އެހެނިހެން މެޑިކަލް ޕްރޮފެޝަނަލުން މި ވައިރަހުން ދިވެހިން ސަލާމަތް ކުރުމަށްޓަކައި ފުރާނަ އަތްމައްޗަށް ލައިގެން އެ ކުރަމުންދާ މަސައްކަތަށް ޝުކުރު ހައްގު ނޫންތޯއެވެ؟

ރައްކާތެރިކަމަށްޓަކައި އެބޭފުޅުން އެކުރާ މަސައްކަތާއި އެއްވަރަށް އަހަރުމެންގެ އަމިއްލަ ފަރުދީ ޒިންމާ އަދާކުރުންވެސް މުހިންމެވެ.​

ލިޔުންތެރިޔާގެ ފުރަމަލަ

މުޙައްމަދު ރިފާޒް

ރިފާޒަކީ ސަން އޮންލައިން އާއި ޗެނަލް 13 ގައި މަސައްކަތްކޮށްފައިވާ ތަޖުރިބާހުރި ނޫސްވެރިއެކެވެ.

މި ލިޔުންތެރިޔާގެ ބައެއް އެހެން ލިޔުންތައް

• 18 ޖުލައި 2020ރިޕޯޓްމުޅި އާއިލާއާއި އަރިއަތޮޅުވެސް ޝާހުގެ އިންތިޒާރުގައި!
• 25 ޖޫން 2020ޚަބަރު“އަރި އަރި” އަށް ޖެހިލާ ސިމްބޮލިކްސް ގާދޫ ކޮލުން ބޭރަށް
• 2 ޖޫން 2020ޚަބަރުމުނިއަވަސް، ޤުރުއާން މުބާރާތުގެ ވީޑިއޯތައް ޝާއިޢުކުރި ފަހުންވެސް ބޮޑު ތަރުހީބެއް!
• 2 ޖޫން 2020ޚަބަރުމުނިއަވަސް ވާހަކަ މުބާރާތުގެ އެއްވަނަ “ތާދި” އަށް