މޯލްޑިވްސް ފިލްމު އެސޯސިއޭޝަންގެ 4 ވަނަ ފިލްމު އެވޯޑަށް ފިލްމު ހުށައެޅުމުގެ ފުރުޞަތު، އެ އެސޯސިއޭޝަނުން މިއަދު ހުޅުވާލައިފިއެވެ.

މޯލްޑިވްސް ފިލްމު އެސޯސިއޭޝަން (އެމްއެފްއޭ) އިން މިއަދު ބުނީ އެވޯޑުގައި ފިލްމު ބައިވެރިކުރުމަށް އެދޭ ފޯމު އެމްއެފްއޭ އިން މިހާރު ލިބެން ހުންނާނެ ކަމަށެވެ.

“އެމްއެފްއޭ އެވޯޑް 04 އަށް” ފިލްމުތައް ހުށައެޅުމުގެ ސުންގަޑިއަކީ 27 މާރިޗް 2020 ވަނަ ދުވަހު 18:00 ކަމަށް އެމްއެފްއޭ އިން ބުނެއެވެ. މިފަހަރުގެ އެވޯޑުގައި ބައިވެރިކުރެވޭނީ 2014 އިން 2018 އާއި ދެމެދު އުފައްދާފައިވާ ދިވެހި ފިލްމުތަކެވެ. އެގޮތުން 2014 ،2015 އަދި 2016 ގެ ފިލްމުތައް އެއީ އެއް ދާއިރާއަށް ކަނޑައަޅާފައިވާއިރު 2017 އާއި 2018ގެ ފިލްމުތައް އެއީ އަނެއް ދާއިރާ ކަމަށް ވަނީ ކަނޑައަޅާފައެވެ.

އެޕްލިކޭޝަން ފޯމު ޑައުންލޯޑް ލިންކް

2011 ވަނަ އަހަރު ބޭއްވި އެމްއެފްއޭ ފިލްމު އެވޯޑްސް ގެ ތެރެއިން- ފޮޓޯ: ރައީސް އޮފީސް

މިފަހަރުގެ އެވޯޑްގައި ތިރީގައިވާ ކެޓަގަރީތަކަށް އެވޯޑް ދޭނެކަމަށް އެމްއެފްއޭ އިން ހާމަކުރެެެއެވެ.

1- އެންމެ މޮޅު ފިލްމު
2- އެންމެ މޮޅު ޑައިރެކްޓަރ
3- ލައިފްޓައިމް އެޗީވްމެންޓް އެވޯޑް
4- އެންމެ މޮޅު އަންހެން އެކްޓަރ
5- އެންމެ މޮޅު ފިރިހެން އެކްޓަރ
6- އެންމެ މޮޅު އަންހެން ސަޕޯޓިން އެކްޓަރ
7- އެންމެ މޮޅު ފިރިހެން ސަޕޯޓިން އެކްޓަރ
8- އެންމެ މޮޅު ނެގެޓިވް ރޯލް ކުޅުނު އެކްޓަރ
9- އެންމެ މޮޅު ކޮމިކް ރޯލް ކުޅުނު އެކްޓަރ
10- އެންމެ އުއްމީދީ ނިއުކަމަރ އަންހެން
11- އެންމެ އުއްމީދީ ނިއުކަމަރ ފިރިހެން
12- އެންމެ އުއްމީދީ ޗައިލްޑް އާޓިސްޓް
13- އެންމެ މޮޅު ސްކްރީންޕްލޭ
14- އެންމެ މޮޅު ވާހަކަ
15- އެންމެ މޮޅު އެޑިޓިން
16- އެންމެ މޮޅު ޑެބިއުޓެންޓް ޑައިރެކްޓަރ
17- އެންމެ މޮޅު އާޓް ޑައިރެކްޓަރ
18- އެންމެ މޮޅު ވިޒުއަލް އެފެކްޓްސް
19- އެންމެ މޮޅު ސިނެމޮޓޮގްރަފީ
20- އެންމެ މޮޅު ކޮސްޓިއުމް ޑިޒައިނަރ
21- އެންމެ މޮޅު ސައުންޑް މިކްސިން
22- އެންމެ މޮޅު ސައުންޑް އިންޖިނިއަރިން
23- އެންމެ މޮޅު ލިރިކްސް
24- އެންމެ މޮޅު އަންހެން ލަވަކިޔުންތެރިޔާ
25- އެންމެ މޮޅު ފިރިހެން ލަވަކިޔުންތެރިޔާ
26- އެންމެ މޮޅު މޭކަޕް
27- އެންމެ މޮޅު ބެކް ސްކޯ
28- އެންމެ މޮޅު ކޮރިއޮގްރާފަރ

އެމްއެފްއޭ އިން މިފަހަރު ފިލްމު އެވޯޑް ބާއްވަން ނިންމާފައިވަނީ އެވޯޑް ނުބާއްވާތާ ހަ އަހަރު ފަހުންނެވެ. އެންމެފަހުން އެ އެވޯޑް ބޭއްވީ 2014 ވަނަ އަހަރު އެވެ. އެވޯޑް ދިނުން މެދުކެނޑުނީ، ތިން އަހަރެއްގެ މަތިން ބޭއްވުމަށް ފަހު އެވެ.

2011 ވަނަ އަހަރުގެ އެމްއެފްއޭ ފިލްމު އެވޯޑްގެ ތެރެއިން “ހަވީރު ވީޑިއޯސް” ގައި ޝާއިޢުކޮށްފައިވާ ވީޑިއޯއެއް

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: