އަނެއްކާވެސް ޑާކް ރެއިން އެންޓަޓެއިންމެންޓުން ގެނެސްދީފައިވާ ޕަބްލިކް ސަރވިސް އެނައުންސްމެންޓެކެވެ. އެ ޕްރޮޑަކްޝަން ހައުސްގެ ފަރާތުން ކޮވިޑް-19 އަށް ދިވެހިން ހޭލުންތެރިކުރުމަށް ހެދި ދެވަނަ އިޝްތިހާރުންވެސް ދެނީ ވަރަށް ރަނގަޅު މެސެޖެކެވެ.
މިފަހަރުގެ މެސެޖާއެކު ޑާކް ރެއިންގެ ފޭސްބްކްގައި ވަރުގަދަ ސްޓޭޓަސް އެއްވެސް ޖަހާފައިވެއެވެ. އެ ސްޓޭޓަސްގައި ބުނަނީ ޑާކް ރެއިން އެންޓަޓެއިންމެންޓުން ޤަބޫލުކުރާގޮތުން ކޮރޯނާވައިރަސް އިން ޖެހޭ ބަލިޖެހުމުން ދުރުވުމަށް އެޅެން އޮތް މައިގަނޑު ފިޔަވަޅަކީ ބައްޔާމެދު ރައްކާތެރިވުން ކަމަށާއި އެމީހުންގެ އިޝްތިހާރުގައި މަޖާ ގޮތެއް ގެނެސްފައިވަނީ ގިނަ ބަޔަކާއި ހަމައަށް އިޝްތިހާރުން ދޭ މެސެޖް ފޯރުކޮށްދިނުމަށް ކަމަށެވެ.
ދިގު ޑިސްކްލެއިމަރ އަކާއެކު މިފަހަރު އިޝްތިހާރު ގެނެސްދީފައިވަނީ ޑާކް ރެއިން އެންޓަޓެއިންމެންޓުން މިކަމަށް ގެނެސްދޭ އިޝްތިހާރުގައި މަޖާގޮތެއް ހުންނާތީ އެކަމާ ބައެއް ފަރާތްތަކުން އެހެން ގޮތަކަށް ދެކޭތީކަމަށް އެ ޑިސްކްލެއިމަރ އިން ދޭހަވެއެވެ.
މިފަހަރުގެ އިޝްތިހާރުން ފެނިގެންދަނީ ސުނީގެ އިތުރުން ފުބޫއެވެ. މައިގަނޑު މެސެޖަކީ ހާސްވެ ކަންބޮޑުވެގެން މުދާ އެއްކުރުމުގެ ބަދަލުގައި ހަމަޖެހިގެން އުޅުމަށެވެ. ރައްކާތެރިކަމުގެ ފިޔަވަޅުތައް އެޅުމަށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
