ކުރެއްދޫ އައިލެންޑް ރިޒޯޓުން ކޮވިޑް-19 އަށް ޓެސްޓް ކުރި 10 މީހުންގެ ތެރެއިން އެކަކު ވައިރަހަށް ޕޮޒިޓިވްވެފައި ވާކަމަށް އެޗްޕީއޭ އިން ހާމަކޮށްފިއެވެ.
މިކަން ހާމަކޮށް އެޗްޕީއޭއިން ކޮށްފައިވާ ޓުވީޓެއްގައި ބުނެފައިވަނީ، ކުރެއްދޫ އައިލެންޑް ރިޒޯޓުން ކޮވިޑް-19 އަށް ޝައްކުކުރެވޭ ދިހަ މީހެއްގެ ސާމްޕަލް ނެގައި ޓެސްޓްކުރެވިފައި ވާކަމަށާއި އޭގެ ތެރެއިން ބިދޭސީއެއް ބައްޔަށް ޕޮޒިޓިވް ވެފައިވާކަމަށެވެ. ބާކީ 9 މީހުން ބައްޔަށް ނެގެޓިވްކަމަށް އެޗްޕީއޭއިން ވަނީ ހާމަކޮށްފައެވެ.
ކުރެއްދޫއިން ޕޮސިޓިވް މީހާ މިހާރު ފަރުކޮޅުފުށީގައި ޤާއިމުކޮށްފައިވާ އައިސޮލޭޝަން ފެސިލިޓީއަށް ބަދަލުކޮށްފައިވާކަމަށް އެޗް.ޕީ.އޭއިން ވަނީ ވިދާޅުވެފައެވެ.
10 individuals, identified through contract tracing, from Kuredu have been tested for #COVID19:
One foreign national from Kuredu Island Resort, has tested POSITIVE.
Tests of 9 other individuals from the resort tested NEGATIVE.
— HPA Maldives (@HPA_MV) March 14, 2020
ރާއްޖެއިން އެންމެ ފުރަތަމަ ކޮވިޑް-19 ގެ ކޭސްއެއް ފެނިފައިވަނީ ކުރެއްދޫ އިންނެވެ. ހުކުރު ދުވަހުގެ ނިޔަލަށް ރާއްޖެއިން 09 މީހެއް ކޮވިޑް-19 އަށް ޕޮޒިޓިވްވެފައިވާއިރު، ކަރަންޓީން ފެސިލިޓީޒްގައި 17 މީހަކު އަދި އައިސޮލޭޝަންގައި 09 މީހަކު އެބަތިބި ކަމަށެވެ. އަދި ދަރުމަވަންތަ ހޮސްޕިޓަލުގައި ކޮވިޑް-19އަށް ޕޮޓިވްވި ދެމީހަކަށް ދަނީ ފަރުވާދެމުންނެވެ. މިއަދު ޕޮޒިޓިވް ވި މީހާއެކު ކޮވިޑް-19 ޖެހުނު މީހުންގެ އަދަދު ވަނީ ޖުމްލަ 10 އަކަށް އަރާފައެވެ.
ރާއްޖޭން ކޯވިޑް-19 އަށް މިހާތަނަށް ޕޮސިޓިވެފައިވާ އެންމެންނަކީވެސް ބިދޭސީންނެވެ. މީގެ ތެރޭގައި ރާއްޖެއަށް ޗުއްޓީ ހޭދަކުރުމަށް ޒިޔާރަތްކުރި ފަތުރުވެރިންނާއި، ރިސޯޓުތަކުގައި މަސައްކަތްކުރަމުން އަންނަ ބިދޭސީ މުވައްޒަފުން ހިމެނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 19 ސެޕްޓެމްބަރ 2024ޚަބަރު“އުދަބާނި” މިރޭ އޮލިމްޕަހަށް
- 17 ސެޕްޓެމްބަރ 2024ޚަބަރު“ބިބީ” ގެ ޓިކެޓް ވިއްކަން ފަށައިފި
- 16 ސެޕްޓެމްބަރ 2024ރިޕޯޓްބުލީގެ ޝިކާރައެއް! އެހަނަސް، މިއީ ފިސާރި ހުނަރުވެރިއެއް!
- 13 ސެޕްޓެމްބަރ 2024ޚަބަރުއައިފިލްމްސް އަދި ކަޒްމިކްގެ “ދޭދަރު ރުއިން” ފިލްމުގެ ޓީޒާ ދައްކާލައިފި
