މާލެ ސަރަހައްދުގައި ދިރިއުޅެމުންދާ ފަރާތްތަކަށް ބާޒާރު ކުރުމަށް ދެން ގެއިން ބޭރަށް ނުކުމެވޭނީ ހަފްތާއަކު އެއްދުހު ކަމުގައި ފުލުހުން ކަނޑައަޅައިފިއެވެ.
މިކަމާއި ގުޅިގެން ފުލުހުން ކޮށްފައިވާ ޓުވީޓުގައި ބުނެފައިވަނީ “މިއަދުން ފެށިގެން ބާޒާރު ކުރުމަށް ދޫކުރެވިފައިވާ ހުއްދަތަކަށް ބަދަލެއް ގެނެވޭނެ ކަމަށާއި، މިގޮތުން ކުރިޔަށް އޮތްތަނުގައި ބާޒާރަށް ދެވޭނީ ހަފްތާއަކު އެއްފަހަރު ކަމަށާއި، އަދި ކަނޑައެޅިފައިވާ އައު ގަޑިތައް މެސެޖަކުން ލިބިވަޑައިގަންނާނެ ކަމަށާއި އަދި އަލުން ރަޖިސްޓްރީ ކުރަން ނުޖެހޭނެ ކަމަށެވެ.”
މީގެކުރުން ވެސް ޒަރޫރީ ބޭނުންތައް ފުއްދުމަށް ބާޒާރަށް ނުކުމެ އުޅުމުގެ ހުއްދަދެމުން އައިސްފައިވަނީ ދިވެހި ފުލުހުންގެ ފަރާތުންނެވެ. މިގޮތުން މާލެ ފުރަބަންދުގައި ކުރިން ދިޔަ ދުވަސްތަކުގައި އެފަދަ ބޭނުންތަކުގައި ހަފްތާއަކު ދެދުވަހު ބާޒާރު ކުރުމަށް ފުރުޞަތުވަނީ ދީފައެވެ.
ފުރަބަންދުގެ މިހާލަތުގައި ފިޔަވަޅުތަށް އިތުރަށް ވަރުގަދަކޮށްފައި މިވަނީ ސިއްހީ މާހިރުން ކުރިޔަށް އޮތް ދެ ހަފްތާ ރާއްޖޭގެ ހާލަތު އިތުރަށް ގޯސްވެދާނެކަމަށް ލަފާދީފައިވާ ދަނޑިވަޅެއްގައެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ އިބްރާހިމް ޚަލީލްގެ ޚާއްޞަ ދާއިރާ ތަކަކީ ދީނީ، އިޖްތިމާޢީ އަދި އަދަބިއްޔާތެވެ. ކަރަންޓް އެފެއާޒަކީވެސް އޭނާ ފަރިތަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 24 ޖެނުއަރީ 2024ރިޕޯޓްބަރުދަން އިތުރުވާން ހާސްދުވަސް، ލުއިކުރަން އެއްދުވަސް!
- 28 ޖޫން 2020ޚަބަރުކާނިވާ ސަރަޙައްދުގައި ޕާރކިންގ ޒޯނެއް ހެދުމަށް އެތަން ހުސްކުރުމަށް އަންގައިފި
- 27 ޖޫން 2020ޚަބަރުމާލޭ މަސް މާރުކޭޓު އަލުން ހުޅުވަނީ
- 27 ޖޫން 2020ޚަބަރުމުއްދަތު ހަމަވެފައިވާ އައިޑީ ކާޑަށް ޚިދުމަތް ފޯރުކޮށްދެވޭ މުއްދަތު އިތުރުކޮށްފި
