ކޮވިޑް-19 އަށް ފަރުވާކުރަމުންދިޔަ އިތުރު 9 މީހަކު ބަލިން ރަނގަޅުވެއްޖެއެވެ. މިއާއި އެކު ރާއްޖެއިން މި ބަލިން ރަނގަޅުވީ މީހުންގެ އަދަދު މިވަނީ 58 އަށް އަރާފައެވެ.
ރާއްޖޭގައި މި ބަލި ޖެހުނު މީހުން ރަނގަޅުވަމުންދާ ރޭޓު ލަސް ކަމަށް ނޭޝަނަލް އެމަޖެންސީ އޮޕަރޭޝަން ސެންޓަރުން ހާމަކޮށްފައިވެއެވެ. މި ފެށޭ ދުވަސް ތަކަކީ ރާއްޖޭގައި މި ބަލީގެ އެންމެ ނުރައްކާތެރި ދުވަސްތަކައެއް ކަމަށް ސިއްޙީ މާހިރު ލަފާދެއްވާފައި ވާއިރު، މި މަހުގެ ފަހުކޮޅުގައި ބޮޑު ޕީކެއް ފެނިދާނެ ކަމަށް ވެސް އެ ބޭފުޅުން ލަފާކުރައްވައެވެ.
ދިވެހިރާއްޖޭގައި މި ބައްޔަށް ފައްސިވާ މީހުންގެ ތެރޭގައި ގިނައީ އެއްވެސް ޢަލާމާތެއް ނުފެނި ބަލި ޖެހޭ މީހުން ކަމަށް ނޭޝަނަލް އެމަޖެންސީ އޮޕަރޭޝަން ސެންޓަރުން މަޢުލޫމާތު ދެއެވެ. ރާއްޖެއިން މިބަލި ޖެހުނު މީހުންގެ ޢަދަދު މިހާރު 1078 އަށް އަރާފައިވާކަން ފާހަގަކޮށްލެވެއެވެ. އަދި މި ބަލީގައި މިހާތަނަށް 4 މީހަކު ވަނީ ނިޔާވެފައެވެ.
ލިޔުންތެރިޔާގެ ފުރަމަލަ
- މުޚްތާރަކީ ނޫސްވެރިކަމުގައި ތަޖްރިބާ ހޯދުމަށް ނުކުމެހުރި ތަމްރީނު ލިބިފައިވާ ނޫސްވެރިއެކެވެ.
