ކޮވިޑް-19 ގެ ސަބަބުން ވަޒީފާ ގެއްލުމާއި މުސާރަ ނުލިބޭ ގޮތަށް ފޮނުވާލުމާއި އާމްދަނީ އަށް ނުރަނގަޅު އަސަރުކޮށްފައިވާ ފަރާތްތަކުން “އިންކަމް ސަޕޯޓު އެލަވަންސް” އަށް އެދި ފޯމު ހުށަހެޅުމުގެ ސުންގަޑިތަކެއް އިކޮނަމިކް މިނިސްޓްރީން ކަނޑައަޅައިފި އެވެ.

މި އެލަވަންސް ދޭނީ ކޮވިޑް-19 ގެ ސަބަބުން 1 މާރިޗް 2020 ގެ ފަހުން، ވަޒީފާއިން ވަކިކޮށްފައިވާ ފަރާތްތަކާއި، މުސާރަ ނުލިބޭގޮތަށް މުސާރަ ނުލިބޭ ގޮތަށް ޗުއްޓީއަށް ފޮނުވާލާފައިވާ ފަރާތްތަކުގެ އިތުރަށް މުސާރައިގެ ގޮތުގައި ލިބޭ އެއްޗަކުން ބައެއް އުނިކޮށްފައިވާ ފަރާތްތަކަށެވެ.

ވަޒީފާއިން ވަކިކޮށްފައިވާ ފަރާތްތަކަށް މި އުސޫލުގެ ދަށުން 5،000 ރުފިޔާ ލިބޭނެ އެވެ. މި އެލަވެންސް ދޭނީ ރާއްޖޭގައި މަސައްކަތްކުރާ، ދިވެހިންނަށެވެ. އަދި އެއީ، 1 މާރިޗް 2020 އާ ހަމައަށް ވަޒީފާގައި ދެމިހުރި އުމުރުން 18 އަހަރާއި 65 އަހަރާއި ދެމެދުގެ މީހަކަށް ވާން ޖެހޭނެ ކަމަށް މިއުސޫލުގައި ބަޔާންކޮށްފައިވެއެވެ.

“އިންކަމް ސަޕޯޓު” އެލަވެންސަށް ހުށަހެޅުމަށް ހަމަޖެހިފައިވަނީ “jobcenter.mv” މެދުވެރިކޮށް އޮންލައިން ފޯމަކުންނެވެ. އޮންލައިންކޮށް ހުށަހެޅުމަށް އުޒުރުވެރިވާ ފަރާތްތަކުން އެޕްލިކޭޝަން ފޯމު ފުރުމަށް ފަހު، ޖޮބް ސެންޓަރުގެ އީމެއިލް އެޑްރެސް [email protected] އަށް އީމެއިލް ކުރުމަށް އިކޮނޮމިކް މިނިސްޓްރީން އެދިފައިވެއެވެ.

ލިޔުންތެރިޔާގެ ފުރަމަލަ

ޙަސަން މުޚްތާރް

މުޚްތާރަކީ ނޫސްވެރިކަމުގައި ތަޖްރިބާ ހޯދުމަށް ނުކުމެހުރި ތަމްރީނު ލިބިފައިވާ ނޫސްވެރިއެކެވެ.

މި ލިޔުންތެރިޔާގެ ބައެއް އެހެން ލިޔުންތައް

• 3 ޖޫން 2020ޚަބަރުޓީޗަރުން ސުކޫލުތަކަށް ރިޕޯޓުކުރަން ޖެހޭ ވަކި ތާރީހެއް އަންގާފައެއް ނުވޭ
• 25 މެއި 2020ޚަބަރުއުލިގަމުގައި ބަނދަރުކުރާ ޔޮޓުތަކަށް ލުއިތަކެއް
• 19 މެއި 2020ޚަބަރުއިތުރު 6 މީހަކު ކޮވިޑް 19 އިން ރަނގަޅުވެއްޖެ
• 19 މެއި 2020ޚަބަރުއިތުރު 15 މީހަކު ކޯވިޑް 19 އިން ރަނގަޅުވެއްޖެ