ދުނިޔޭގެ އެންމެ ބޮޑު އެއް ކުންފުނި، މައިކްރޯސޮފްޓުން އެކުންފުނީގައި މަސައްކަތްކުރާ ނޫސްވެރިންތަކެއް ވަކިކޮށް، އެމީހުންގެ ވަޒީފާތައް ރޮބޮޓުންނާ ހަވާލުކޮށްފިއެވެ.
ދުނިޔޭގެ އެކި ކަންކޮޅުތަކުގައި އެތައް މިލިއަން ބަޔަކު ބޭނުންކުރަމުންދާ މައިކްރޯސޮފްޓުގެ އެމްއެސްއެން އާއި، އެޖް ބްރައުޒަރ ގައި މަސައްކަތްކުރާ 27 މުވައްޒަފަކަށް އެއް މަސްދުވަހުގެ ނޯޓިސް ދިނުމަށް ފަހު، އެކުންފުނިން ބުނެފައިވަނީ، އެ މަސައްކަތްތައް ކުރުމަށް ދެ އިންސާނުން ބޭނުންނުވާ ކަމަށެވެ.
“އަހަރެންގެ ހުރިހާ ވަގުތުއް ހެން ބޭނުންކުރަމުން ދިޔައީ އާޓިފިޝަލް އިންޓެލިޖެންސުން އަހަރެންމެންގެ ވަޒީފާތައް އަތުލާނެ ގޮތްތައް ހޯދުމަށް. މިހާރު އާޓިފިޝަލް އިންޓެލިޖެންސުން މިވަނީ އަހަރެންގެ ވަޒީފާ އަތުލާފަ.”
ވަޒީފާ އިން ކަނޑާލި ނޫސްވެރިއަކު މީޑިއާތަކަށް ދިން އިންޓަވިއުއެއްގައި ބުނެފައިވެއެވެ.
އޭނާ އިތުރަށް ބުނެފައިވަނީ އިންސާނުންގެ ބަދަލުގައި ސޮފްޓްވެއަރ އެއް ބޭނުންކޮށްގެން އެ މަސައްކަތް ކުރުމަކީ ވަރަށް ރިސްކު ބޮޑުކަމެއްް ކަމަށާއި، ލިޔުންތައް ލިޔެ، ޕަބްލިޝްކޮށް ހެދުމުގައި ޢަމަލުކުރުމަށް ހަރުކަށި ގަވާއިދުތަކެއް ހަދާފައި ހުންނަ ކަމަށާއި، އެ ގަވާއިދުތަކާ އެއްގޮތަށް މަސައްކަތް ކުރުމަށް އެ މީހުން އަބަދުވެސް މަސައްކަތް ކުރާ ކަމަށެވެ. ޚާއްސަކޮށް ހަމަނުޖެހުންތަކަށް މަގުފަހިވާ ޒާތުގެ ލިޔުންތަކާއި، އާންމު އަޚުލާޤީ މިންގަނޑަށް ނުފެތޭ ލިޔުންތައް ޕަބްލިޝް ނުކުރުމަށް އެމީހުން ވަރަށް އިސްކަމެއްދޭ ކަމަށެވެ.
މިކަމާއި ގުޅިގެން މީޑިއާތަކާ ވާހަކަދައްކަމުން މައިކްރޮސޮފްޓުގެ ތަރުޖަމާނަކު ބުނެފައި ވަނީ، އެ ކުންފުނީގެ މީޑިއާ ޑިޕާޓްމަންޓަށް ބަދަލުތަކެއް ގެންނަމުންދާ ކަމަށާއި، އެކަމާއި ގުޅިގެން ނޭދެވޭ އަސަރުތައް ފޯރާ ފަރާތްތަކަށް ވީ ވަރަކުން އެހީތެރިކަން ފޯރުކޮށްދެމުން އަންނަ ކަމަށެވެ. އަދި، މައިކްރޮސޮފްޓުގެ ނިންމުމާއި މެދު، އެކުންފުނިން ފަޚުރުވެރިވާ ކަމަށާއި، ބޭނުންވަނީ ފެންވަރު ރަނގަޅު ޚިދުމަތެއް ފޯރުކޮށްދިނުމަށް ކަމަށެވެ.
ވަޒީފާ އިން ކަނޑާލި ބައެއް ނޫސްވެރިންނަކީ އެ ކުންފުނީގައި ވަރަށް ދިގު މުއްދަތަކަށް މަސައްކަތް ކޮށްފައިވާ ބައެކެވެ. ކޮވިޑް-19 އާއި ގުޅިގެން އިޤްތިޞާދަށް ކުރިމަތިވެފައިވާ ހީނަރުކަމުގެ ސަބަބުން އެހެންތަނަކުން ވަޒީފާ ހޯދުމުގައި އެ މީހުންނަށް ދަތިތަކާއި ކުރިމަތިލާން ޖެހިފައިވާ ކަމަށް ޚަބަރުތައް ބުނެއެެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
