ކޮވިޑް-19 ޖެހިގެން ރާއްޖެއިން 7 ވަނަ މީހަކު ނިޔާވެއްޖެއެވެ.

ދާދި ދެންމެ އަކު ހެލްތު ޕްރޮޓެކްޝަން އެޖެންސީން ކުރި ޓްވީޓެއްގައި ބުނެފައިވަނީ ހުޅުމާލޭ އައިސޮލޭޝަން ފެސިލިޓީ ގައި އޮތް އުމުރުން 84 އަހަރުގެ ދިވެހި އަންހެނެއް މިއަދު ހެނދުނު 6:20 ގައި ނިޔާވެފައިވާ ކަމަށެވެ.

https://twitter.com/HPA_MV/status/1267692051187011585?s=19

މިއާއެކު ރާއްޖެ އިން ކޮވިޑް-19 ޖެހިގެން ނިޔާވި މީހުންގެ އަދަދު މިވަނީ 7 އަކަށް އަރާފައެވެ. ކޮވިޑް-19 އަށް މިހާތަަނަށް ރާއްޖެ އިން 1829 މީހުން ފައްސިވެފައި ވާއިރު، 488 މީހުން ވަނީ ރަނގަޅުވެފައެވެ. ކަރަންޓީނުގައި 1390 މީހުން ތިބިއިރު، އައިސޮލޭޝަން ގައި 1427 މީހުން މިވަގުތާ ހަމައަށް އެބަތިބި ކަމަށް ހެލްތު ޕްރޮޓެކްޝަން އެޖެންސީގެ ޑޭޝްބޯޑުގެ އެންމެ ފަހުގެ ހިސާބުތަކުން ދައްކައެވެ.

ލިޔުންތެރިޔާގެ ފުރަމަލަ

އަޙްމަދު ޝާމިން
އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.

ގުޅުންހުރި ލިޔުން: