މަރުގެ މައްސަލަތައް ތަހްޤީޤްކުރުމާގުޅޭ ހުނަރުވެރިކަން އިތުރުކުރުމުގެ ގޮތުން ތ. ގުރައިދޫ އަދި މަޑިފުށީގައި މަސައްކަތްކުރާ ފުލުހުންނަށް އަމާޒުކޮށްގެން މައުލޫމާތުދިނުމުގެ ސެޝަނެއް މޯލްޑިވްސް ޕޮލިސް ސަރވިސްގެ ސީރިއަސް އެންޑް އޯގަނައިޒްޑް ކްރައިމް ޑިޕާރޓްމަންޓްގެ ކަމާގުޅޭ ތަޖުރިބާކާރު ފުލުހުންގެ އެހީތެރިކަމާއެކު ކުރިއަށް ގެންގޮސްފިއެވެ.
މި ޖޫން މަހުގެ 5 ވަނަ ދުވަހުގެ ރޭ ގުރައިދޫ ޕޮލިސް ސްޓޭޝަނުގައި ކުރިއަށް ގެންދިޔަ މިސެޝަނުގައި މަރުގެ މައްސަލަތައް ތަހުގީގު ކުރުމުގައި، އިންވެސްޓިގޭޝަން އޮފިސަރުން ސަމާލުކަންދޭންޖެހޭ މުހިއްމު ނުކުތާތަކުގެ މައްޗަށް އަލިއަޅުވާލާފައިވެއެވެ. އަދި މަރުގެ ހާދިސާއެއް ހިނގާފައިވާ ކުށުގެ ވެށްޓެއްގައި ހަރަކާތްތެރިވާއިރު ސަމާލުކަން ދޭންވީ ކަންތައްތައް ބުނެދިނުމުގެ އިތުރުންވެސް އަމަލީ ތަޖުރިބާ ހިއްސާކުރުމާއެކު ބައިވެރިންނަށް މުހިއްމު މަޢުލޫމާތުތައް ފޯރުކޮށްދީފައިވެއެވެ.
މިއީ ފުލުހުންގެ ތެރޭގައި ތިއްބެވި ކަމާގުޅޭ ފަންނުވެރިންގެ އެހީތެރިކަމާއެކު މަޢުލޫމާތު ބަދަލުކުރުމާއި ހުނަރުވެރިކަން އިތުރުކުރުމުގެ މަޤުސަދުގައި ތ. އަތޮޅު ޕޮލިސް ސްޓޭޝަނުން އިންތިޒާމްކޮށްގެން ކުރިއަށް ގެންދިޔަ ސެޝަނެއް ކަމަށް ފުލުހުން މަޢުލޫމާތުދެއްވައެވެ. މިސެޝަނުގައި ތ. ގުރައިދޫ އަދި މަޑިފުށީގައި މަސައްކަތްކުރާ ގިނަ އަދަދެއްގެ ފުލުހުން ބައިވެރިވިއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 10 އޭޕްރިލް 2025ޚަބަރު“ސޮރީ” ގެ ޓްރެއިލާއިން ރެކޯޑެއް މުގުރާލައިފި
- 9 އޭޕްރިލް 2025ޚަބަރުރާއްޖޭގެ “ޓޫ އޮފްއަސް” ބޭންޑުން އިންޑިއާގެ ޖަޖުން އާޝޯޚްކޮށްލާ ފަދަ ހުށައެޅުމެއް!
- 9 އޭޕްރިލް 2025ޚަބަރު“ސޮރީ” ގެ ޓްރެއިލާ އަދި ލަވަތަކަށް ބެލުންތެރިންގެ ބޮޑު ތަރުހީބެއް!
- 6 އޭޕްރިލް 2025ޚަބަރު“އަބަދަށް” ފިލްމުގެ ޓިކެޓް ބްކިން މިއަދު ފަށަނީ!
