މިދުވަސްކޮޅު އިންޓަރނެޓް ގައި ވައިރަލް ވެފައިވާ އެންޖެލީނާ ޖޯލީ އާއި ވައްތަރުވާން މަސައްކަތްކުރި މީހެއްގެ ފޮޓޯ ތަކެއް އާއްމުވެ، ފަތުއަޑުކިޔާފައިވާ ފޮޓޯތަކާއި ގުޅޭ ޚަބަރުތަކެއްވެސް ވަނީ ފެތުރިފައެވެ. ނަމަވެސް މިހާރު މިވަނީ އެ ފޮޓޯ ތަކަކީ ފޭކެއް ކަން ހާމަވެފައެވެ.
އިންޓަރނެޓްގައި އާއްމުވި ފޮޓޯތަކުން ވަނީ މީހުންނަށް ޝޮކެއް ލިބިފައެވެ. އެ ފޮޓޯ ތަކާއި އެކު އާއްމުވެފައި ޚަބަރުގައި ބުނަނީ ފޮޓޯއިން އެ ފެންނަނީ އެންޖެލީނާ ޖޯލީ އާއި ވައްތަރުވުމަށް އޭނާ ކޮށްފައިވާ ޕްލާސްޓިކް ސާޖަރީ އަށްފަހު އޭނާގެ ސޫރަ އަށް އައިސްފައިވާ ބަދަލު ކަމަށެވެ.
މުޅި މީޑިއާ ގައި ސަހާރް ތަބާރް ގެ ވާހަކަތައް އާއްމުވެފައި ވަނިކޮށް އޭނާ މިވަނީ އެއީ އޭނާ ޖެއްސި ބޮޑު ފޭކެއް ކަމަށް ބުނެފައެވެ. އަދި އޭނާ ޖެއްސީ ފޭކެއްކަން އެނގޭ ހެކިތަކެއްވެސް ހުންނާނެ ކަމަށް އޭނާ ބުނެފައި ވެއެވެ.
އިރާނަށް އުފަން 19 އަހަރު ސަހާރް މިކަމުގެ ޙަޤީޤަތް ހާމަކޮށްފައިވަނީ ކީއްވެގެން ކަން ބުނެފައި ނުވިޔަސް އެނގޭ އެއްކަމަކީ އެ ފޮޓޯ ތަކުގެ ސަބަބުން ސަހާރް އަށް ބޮޑު ލަދުވެތި ކަމަކާއި ކުރިމަތިލާން ޖެހުނު ކަމެވެ. މިހާރު ވަނީ ސަހާރް ގެ އިންސްޓަގްރާމް އެކައުންޓް ވެސް ޕްރައިވެޓް ކޮށްފައެވެ.
ރަޝިޔާ ގެ ނޫހެއް ކަމަށްވާ ސްޕްޓްނިކް އަށް ކިޔައިދިން ގޮތުގައި އޭނާގެ ފޮޓޯ ތަކަކީ މަޖަލަކަށް ހަދާފައިވާ ފޮޓޯ ތަކެއް ކަމަށެވެ.
“މިހާރު އަހަންނަށް ފެނޭ މަށާ އެންޖޮލީނާ ޖޯލީ އާއި އެއްގޮތް ކަމެއް ހުރިކަން، ނަމަވެސް މީހަކާއި ވައްތަރު ވުމަށް މަސައްކަތް ކުރުމަކީ އަހަރެންގެ އަމާޒެއް ނޫން.”
ފުރާވަރު އުމުރުގެ މި އަންހެންކުއްޖާ ގެ ފޮޓޯ ތަކަކީ ޕްލާސްޓިކް ސާޖަރީ އެއް ކޮށްގެން ހަދާފައިވާ ފޮޓޯތަކެއް ނޫނެވެ. އެ ފޮޓޯތައް ހަދާފައި ވަނީ މޭކަޕް ކޮށްގެންނާއި ފޮޓޯޝޮޕް ބޭނުންކޮށްގެންނެވެ.
މި ފޮޓޯ ތަކަކީ ފޭކެއްކަން ސަހާރް ހާމަކުރުމުގެ ކުރިން މީސްމީޑިއާ ބޭނުންކުރާ އެތައް ބައެއް ވަނީ މިއީ އަސްލު ފޮޓޯތަކެއް ނޫންކަމަށް ބުނެފައެވެ. އެމީހުން ވަނީ އެ ފޮޓޯ ތަކުގެ ފަސްމަންޒަރު ގައި ހުރި އުނި ސިފަތަކާއި ނުގުޅޭ އެންގަލްތަކާއި މެދު ފާޑުކިޔާފައެވެ.
ފޯޓޯޝޮޕުން ހަދާފައިވާ ފޮޓޯތަކާއި ބެހޭގޮތުން ސަހާރް ބުނީ، “މިއީ އަސްލު މަގޭ މޫނު ނޫންކަން މަގޭ ސަޕޯޓަރުންނަށް އެނގޭނެ’ ކަމަށެވެ. އޭނާ އެ ބުނަނީ ކޮން ސަޕޯޓަރުންނެއްގެ ވާހަކަ ކަމެއް މީޑިއާ އަށް ހާމަކޮށްފައެއް ނުވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
