އިޓާލިއަން ކަޕުގެ ފައިނަލުގައި ރޮނާލްޑޯގެ ފަރާތުން ފެނުނު ކުޅުމަށް ޔުވެންޓަސްގެ ކޯޗު މައުރީޒިއޯ ސާރީ ފާޑުކިޔުމުން އެކަމާ ހިތްހަމަނުޖެހިގެން ރޮނާލްޑޯގެ ދައްތަ އެލްމާ އަވެއިރޯ އޭނާ އަށް ރައްދު ދީފިއެވެ.
އިޓާލިއަން ކަޕުގެ ފައިނަލް މެޗަށްފަހު ނޫސްވެރިންނާ ވާހަކަދައްކަމުން ސާރީ ބުނެފައިވަނީ ރޮނާލްޑޯ އަށް މޮޅަށް ނުކުޅެވެނީ އޭނާގެ ތޫނުފިލިކަމާއި، ކުޅުމުގެ ފެންވަރު ދަށްވުމުގެ ސަބަބުން ކަމަށެވެ. ސާރީގެ މިވާހަކަތަކަށް ރައްދު ދެމުން ރޮނާލްޑޯގެ ދައްތަ އެލްމާ އޭނާގެ އިންސްޓަގްރާމް އެކައުންޓުގައި ކުރި ޕޯސްޓެއްގައި ބުނެފައިވަނީ ރޮނާލްޑޯ އެކަނި ކުޅެގެން “މިރަކަލް” އެއް ނުފެންނާނެ ކަމަށެވެ. އަދި، ޔުވެންޓަސް ލައްވާ ސާރީ ކުޅުވާގޮތަށް ފާޑުކިޔައި، އޭނާގެ ރޭވުންތަކަށް ވެސް ފާޑުކިޔާފައިވާ ކަން ފާހަގަކޮށްލެވެއެވެ.
“ދެން އިތުރަށް މީހަކަށް ކުރެވޭނީ ކޮންކަމެއް؟ އަހަރެންގެ ކޮއްކޮ އެކަނި ކުޅެގެން “މިރަކަލް” އެއް ނުފެންނާނެ. ނަމަވެސް، އަހަރެންނަކަށް ނުވިސްނޭ އެޓީމު ލައްވާ ކަލޭ އެގޮތަށް ކުޅުވަންވީ ކީއްވެ ކަމެއް… އިސްއުފުލާ އަހަރެންގެ ރަސްގެފާނު.”
ރޮނާލްޑޯގެ ދައްތަ އެލްމާ ބުނެފައިވެއެވެ.
މިއީ ރޮނާލްޑޯގެ އާއިލާގެ ފަރާތުން ސާރީ އަށް ރައްދު ދިން ފުރަތަަމަ ފަހަރު ނޫންކަން ފާހަގަކޮށްލެވެއެވެ. މިދިޔަ އަހަރުގެ ނޮވެމްބަރު މަހުގައި އޭސީމިލާން އާއި ދެކޮޅަށް ޔުވެންޓަސް ކުޅުނު މެޗުގައި ރޮނާލްޑޯ ބަދަލުކުރުމުން ވެސް ސާރީ އަށް ރޮނާލްޑޯގެ އާއިލާ އިން ފާޑުކިޔުންތައް އަމާޒުކޮށްފައިވެއެވެ.
އިޓާލިއަން ކަޕުގެ ފައިނަލުގައި ރޭ ނަޕޯލީ އަތުން ބަލިވި ބަލިވުމަކީ ރޮނާލްޑޯގެ 18 އަހަރުވީ ފުޓުބޯޅަ ކެރިއަރުގައި ޖެހިޖެހިގެން ދެ ފައިނަލެއްގައި ބަލިވި ފުރަތަަމަ ފަހަރެވެ. އިޓާލިއަން ކަޕުގެ ކުރިން އިޓާލިއަން ސުޕަ ކަޕުގެ ފައިނަލުގައި ލާޒިއޯ އަތުން ވެސް ޔުވެންޓަސް ވަނީ ބަލިވެފައެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
