ކޮވިޑް-19 ބަލިމަޑުކަމާއި ގުޅިގެން ރާއްޖޭގެ ސްކޫލުތައް ބަންދުކޮށްފައި އޮތްއޮތުމަށް ނިމުމެއް ގެނެސް “ނިއުނޯމަލްގައި” ޖުލައި އެއްވަނަ ދުވަހު ސްކޫލުތައް ހުޅުވުމަށްޓަކައި، ވާންޖެހޭ ތައްޔާރީތަކުގެ ތެރެއިން ސްކޫލުތަކަށް ބޭނުންވާ ޑިޖިޓަލް އައިއާރު ތާމޯމީޓަރ ހޯދުމަށް މިނިސްޓްރީ އޮފް އެޑިއުކޭޝަނުން ކޮށްފައިވާ އިޢުލާނު ( IUL)22-PU/22/2020/52) ބާތިލުކޮށްފިއެވެ.

އެ އިޢުލާން ބާތިލުކޮށް މިއަދު އެ މިނިސްޓްރީން ނެރެފައިވާ އިޢުލާނުގައިވަނީ، ސްކޫލުތަކުގެ ކިޔެވުން ފެށުމުގެ ކުރިން ތާމޯމީޓަރުތައް ސްކޫލްތަކަށް ފޯރުކޮށްދިނުމަށް ހަމަޖެހިފައިވާތީ، ހުށަހަޅާފައިވާ ބީލަންތަކުގައި ތަކެތި ސަޕްލައިކުރުމަށް ބީލަންވެރިން ހުށަހަޅާފައިވާ މުއްދަތުގައި އެ ތަކެތި ހޯދުމަށްފަހު އަތޮޅުތެރޭގެ ސްކޫލްތަކަށް 2020 ޖުލައި 1 ގެ ކުރިން ފޮނުވޭނެކަމަށް ނުފެންނަކަމަށެވެ.

މިނިސްޓްރީ އޮފް އެޑިޔުކޭޝަނުން ތާމޯމީޓަރު ހޯދުމަށް އިޢުލާންކޮށްފައިވަނީ މި މަހުގެ ފަސްވަނަ ދުވަހުއެވެ. މިވަގުތަކީ ކޮވިޑް-19 ގެ ބަލިމަޑުކަމުގެ ސަބަބުން ގިނަ ޤައުމުތަކެއްގެ ބޯޑަރުތައް ބަންދުކުރެވިފައިވާ ވަގުތަކަށްވެފައި މިފަދަ ތަކެތި ބޭރު ޤައުމުތަކުން ގެނައުމުގައި ބީލަންވެރިންނަށް ވަނީ ބޮޑެތި ގޮންޖެހުންތަކާއި ކުރިމަތިވެފައެވެ.

ލިޔުންތެރިޔާގެ ފުރަމަލަ

އިބްރާހިމް ޚަލީލް
އިބްރާހިމް ޚަލީލް
މުނިއަވަސްގެ ޑެޕިއުޓީ އެޑިޓަރ އިބްރާހިމް ޚަލީލްގެ ޚާއްޞަ ދާއިރާ ތަކަކީ ދީނީ، އިޖްތިމާޢީ އަދި އަދަބިއްޔާތެވެ. ކަރަންޓް އެފެއާޒަކީވެސް އޭނާ ފަރިތަ ދާއިރާއެކެވެ.

ގުޅުންހުރި ލިޔުން: