މިޞްރުގެ ގީޒާގައި ހުރި ބޮޑު 3 ޕިރަމިޑާއި، އެހިސާބުގައިވާ ސްފިންކްސް ބުދުތައް ހުންނަ ސަރަހައްދަކީ ފަތުރުވެރިންގެ އެންމެ މުހިއްމު އެއް މަންޒިލެވެ. މިހައިތަނަށް އައިއިރު މިފަދަ ޕިރަމިޑް ތަކާާއި ސްފިންކްސް ފެނިފައިވަނީ އިސްލާމީ ގަދީމީ ރަށްތަކުންނެވެ. ޚާއްޞަކޮށް މިސްރުންނެވެ. ނަމަވެސް މިއަދު މިވަނީ މިފަދަ ސްފިންކްސް އެއް އެމެރިކާގެ ކެލިފޯނިޔާ އިން ފެނިފަ އެވެ.

އާކިއޮލޮޖިސްޓުން، ގަދީމީ ބިނާތަކާއި ތަންތަން ހޯދުމަކީ އަބަދުވެސް ގިނަ ބައެއްގެ ލޯތައް އެކަމަށް އަމާޒުވެފައިވާ ކަންކަމެވެ. ނަމަވެސް އެފަދަ ބިނާ އެއް ނުވަތަ މިސްރުން ހޯދާފައިވާފަދަ ސްފިންކްސް އެއް އަހަރުމެން އުއްމީދުވެސް ނުކުރާފަދަ ތަނަކުން ފެނުންވާނީ އިތުރަށް އެކަމާއިމެދު މީހުންގެ ޝައުގުވެރިކަން ދަމައިގަންނަ ފަދަ ކަމަކަށެވެ. އެހެންކަމުން، ދާދިފަހުން އެމެރިކާގެ ކެލިފޯނިޔާ ސްޓޭޓުން ސްފިންކްސް އެއް ފެނުން ވެގެން ދިޔައީ ފާހަގަކޮށް ނުލައި ދޫކޮށްލެވޭ ވަރަށްވުރެން މުހިންމު ކަމަކަށެވެ.

އެހެން ނަމަވެސް މި ސްފިންކްސް އަކީ މިސްރުން ހޯދާފައިވާ ޒާތުގެ ގަދީމީ ސްފިންސް އެއް ނޫނެވެ. ނަމަވެސް މިއީވެސް ތާރީޚެއް އެކުލެވިގެންވާ ސްފިންކްސް އެކެވެ.

މި ސްފިންކްސް ކެލިފޯނިޔާ އާއި ހަމައަށް އައީ ކިހިނެތް؟!

އެނގިފައިވާ ގޮތުން މިއީ ފިލްމެއް ހެދުމުގައި ބޭނުންކުރި ސެޓެއްގައިވާ ‘ޕްރޮޕް’ އެކެވެ. މި ސެޓަށް ގަރުނެއް ވެފައިވާ ކަމަށްވެސް މަޢުލޫމާތު ލިބެއެވެ. 300 ޕަައުންޑުގެ ބަރުދަން ހުންނަ މި ސްފިންކްސް އަކީ 1923 ވަނަ އަހަރު އަޑު ނުހިމެނޭ ގޮތަށް އުފެއްދި ފިލްމެއް ކަމަށްވާ ‘ދަ ޓެން ކޮމާންޑްމެންޓްސް’ ގެ ޝޫޓިންގ ގައި ބޭނުންކޮށްފައިވާ 21 ސްފިންކްސް ގެ ތެރެއިން އެކައްޗެވެ. އެ ފިލްމަކީ ބައިބްްލް ގައި ވާގޮތަށް މޫސާ އަލައިހިއްސަލާމުގެ ވާހަކަ ގެނެސްދީފައިވާ ފިލްމެކެވެ. އެ ފިލްމުގައި ވަރަށް ގިނަ ޕްރޮޕްސް ތަކެއް ބޭނުންކޮށްފައި ވެއެވެ. އެގޮތުން ސްފިންކްސް އާއި ފިރުއައުނުންނާއި ބޮޑު ފައްޅިއެއްގެ ގޭޓް ހިމެނެއެވެ.

ފިލްމުގެ މަންޒަރެއް – ޕެރަމައުންޓް ޕިކްޗަރސް އިން

ހިމުން ވެލި ފުންޏެއްގައި އެ ސްފިންކްސް ވަޅުލެފިވާ ވަނީ ކީއްވެ؟

ފިލްމުގެ ޝޫޓިންގ އަށް ފަހު ޕްރޮޕްސް ތައް ގެންގޮސް ވަޅުލީ މެދުތެރޭ ކެލިފޯނިޔާ ގައި ހުންނަ ގުއާޑަލޫޕޭ ނީޕޯމޯ ޑިއުންސް ގައެވެ. އެތަނަކީ ލޮން އެންޖެލަސް އާއި 175 މޭލު ދުރުގައިވާ ތަނެކެވެ. ގިނަ މީހުން ގަބޫލުކުރާގޮތުން ފިލްމުގެ ޕްރޮޑިއުސަރު ޑެމިލޭ އެ އެއްޗެހި ނައްތާލީ އެތަކެތި އެހެން ބަޔަކަށް ބޭނުން ނުކުރެވޭނެފަދަ ގޮތަކަށެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: