މާލޭގައި ދިރިއުޅެމުންދާ ގިނަބަޔަކު ކަސްރަތުކުރުމަށް ބޭނުންކުރަމުންދާ ކުޅިވަރު އެކުވެނީގައި އޮންނަ ދުވާ ޓްރެކް 24 އަހަރަށް ފަހު، އާކުރުމުގެ މަސައްކަތް މިއަދު ފަށައިފިއެވެ.
މިކަން ހާމަ ކުރައްވައި، މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަޙުމަދު މަޙުލޫފް ކުރެއްވި ޓްވީޓެއްގައި ވިދާޅުވީ 1996 ވަނަ އަހަރު އަލަށް ހެދި އެކުވެނި ޓްރެކް 24 އަހަރު ފަހުން އާ ޓްރެކަކަށް ބަދަލުކުރުމުގެ މަސައްކަތް މިއަދު ފަށާފައިވާ ކަމުގައެވެ.
“ކޯޕަރޭޓް ސޯޝަލް ރެސްޕޮންސިބިލިޓީ” ގެ ދަށުން އެ މަސައްކަތް ކޮށްދެއްވާ އާރުކޭއެލް ކުންފުންޏަށް ޝުކުރު އަދާކުރައްވާ ކަމަށް މިނިސްޓަރުގެ ޓްވީޓުގައި ވިދާޅުވެފައިވެއެވެ. އަދި، އެކަމުގެ ސަބަބުން އެކުވެނި ޓްރެކް ބޭނުންކުރާ ފަރާތްތަކަށް ގިނަ ފަސޭހަތަކެއް ލިބިގެންދާނެ ކަމަށް މިނިސްޓަރު މަޙުލޫފް ވަނީ ފާހަގަކުރައްވާފައެވެ.
އެކުވެނީގައި އާ ޓްރެކެއް އެޅުމަށް ހަމަޖެހިފައިވަނީ، މިހާރު އޮތް ޓްރެކް އެއްކޮށް ނަގާފައި، އެތަން އެއް ފޫޓަށް ކޮނެ، އަލުން ފަސްއަޅާ އެއްވަރު ކުރުމަށް ފަހުގައި ކަމަށް ޔޫތު މިނިސްޓްރީން ވިދާޅުވިއެވެ. އަދި، އެ މަސައްކަތް 25 ދުވަހުގެ ތެރޭގައި އެއްކޮށް ނިންމާލެވޭނެ ކަމުގައި އެ މިނިސްޓްރީން ވިދާޅުވިއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
