އެވިޑް ކޮލެޖުން މިއަހަރު ބޭއްވުމަށް ހަމަޖައްސާފައިވާ ވެބިނަރ ސިރީޒްގެ ފުރަތަމަ ސެޝަން، 200 ބައިވެރިންނާއެކު ފަށިއިފިއެވެ. މިއީ އެވިޑް ކޮލެޖުގެ ފެކަލްޓީއޮފް ރިސާރޗް އެންޑް އިނޮވޭޝަންގެ ފަރާތުން އިންތިޒާމްކޮށްގެން ބާއްވާ އޮންލައިން ވެބިނާރ އެކެވެ.
މިމަހު 22 އިން ފެށިގެން ތިން ދުވަހަށް ދެމިގެންދާ މި ވެބިނަރ އަމާޒު ކުރެވިފައިވަނީ ހެދިފައިވާ ޕީ.އެޗް.ޑީ ތީސިސް، މާސްޓަރސް ޑިޒަރޓޭޝަން އަދި އެހެނިހެން ދިރާސާ ޕްރޮޖެކްޓްތައް ބައިނަލް އަޤުވާމީ ގޮތުން ފުންނާބު އުސް ޕިއަރ ރިވިއުޑް ޖާނަލް ތަކުގައި ޝާއިޢު ކުރުމުގައި ލިޔަންޖެހޭ އުޞޫލުތަކާއި އުކުޅުތައް އުނގަންނައި ދިނުމަށެވެ. އެހެންކަމުން ވެބިނަރގެ ބައިވެރިންގެ ތެރޭގައި މުޅިންވެސް ހިމެނެނީ ރިސަރޗް ދާއިރާތަކުގެ ބޭފުޅުންނާއި މަތީތަޢުލީމު ހާޞިލްކުރައްވަމުންގެންދަވާ ދަރިވަރުންނާއި، ލެކްޗަރާއިންނާއި، ސްކޫލްތަކު މެނޭޖްމެންޓްގެ ބޭފުޅުންނާއި ޓްރެއިނަރސް ކަމަށް އެވިޑް ކޮލެޖުން މައުލޫމާތު ދެއްވައެވެ.
އެވިޑް ކޮލެޖްގެ ފެކަލްޓީ އޮފް ރިސަރޗްގެ ޑީން ނާހީދު ރަޝާދު ވިދާޅުވިގޮތުގައި ފަށައިގެން ކުރިއަށް މިގެންދާ ވެބިނަރގައި ޕީ.އެޗް.ޑީ ހައްދަވަމުންގެންދަވާ 38 ބޭފުޅުން، މާސްޓަރސް ލެވެލްގައި މަތީ ތަޢުލީމު ޙާޞިލް ކުރައްވަމުންގެންދަވާ 90 ބޭފުޅުން، ފުރަތަމަ ޑިގްރީއާއި އެނޫން ލެވެލްތަކުގެ 75 ބޭފުޅުން ހިމެނެއެވެ. އޭގެތެރޭގައި ރާއްޖެއިން ބޭރުގެ 25 ބޭފުޅުންވެސް ހިމެނެއެވެ. އެބޭފުޅުން ނިސްބަތްވެލައްވާ ޤައުމުތަކުގެ ތެރޭގައި އިންޑޮނިޝިއާ، ސްރީލަންކާ، އިންޑިއާ އަދި މެލޭޝިޔާ ހިމެނެއެވެ.
ވެބިނާރގައި ތަޤުރީރު ކުރައްވަމުންގެންދަވަނީ މެލޭޝިޔާގެ މަޝްހޫރު ޔުނިވަރސިޓީ އެއް ކަމުގައިވާ “ޔުނިވަރސިޓީ ސައިންސް މެލޭޝީއާ” ގެ ޕްރޮފެސަރ ޑޮކްޓަރ މުޙައްމަދު ކަމަރުލް ކަބިލާން އެވެ.
ޕްރޮފެސަރ ޑޮކްޓަރ ކަބިލާން އަކީ ޢިލްމީ ދިރާސާކުރުމާއި ޕަބްލިޝްކުރުމުގައި ވަރަށް ފުންނާބު އުސްބޭފުޅެކެވެ. ގޫގުލް ސްކޮލާރގައި އެބޭފުޅާގެ ލިޔުންތަކަށް ނަކަލުކޮށްފައިވާ ޢަދަދު އުޅެނީ 1900 އާއި ގާތްކުރާ އަދަދެއްގައެވެ. މީގެ އިތުރުން އެބޭފުޅާއަކީ މަޝްހޫރު ޖާރނަލްއެއް ކަމުގައިވާ “ބްރިޓިޝް ޖަރނަލް އޮފް އެޑިޔުކޭޝަނަލް ޓޭކްނޮލޮޖީ” ގެ އެޑިޓޯރިއަލްބޯޑުގެ މެމްބަރެއްވެސް މެއެވެ.
ޒޫމް ބޭނުންކޮށްގެން އޮންލައިންކޮށް މިބޭއްވޭ ވެބިނަރ ސީރީސްގައި ބައިވެރިންނަށް މަރްހަބާ ދެންނެވުމުގެ ގޮތުން ވާހަކަފުޅު ދެއްކެވީ އެވިޑް ކޮލެޖްގެ ޗެއަރމަން ޢަބްދުﷲ މުސްތާޤް ރަޝާދުއެވެ.
އެވިޑް ކޮލެޖަކީ ދިވެހިރާއްޖޭގައި ހިންގާ އަމިއްލަ އެންމެބޮޑު އެއް ކޮލެޖެވެ. މިހާރުވެސް އެކި ދާއިރާތަކުން ތަފާތު ކޯސްތަކުގައި ދެހާހަށްވުރެ ގިނަކުދިން އެވިޑް ކޮލެޖްގައި މަތީ ތަޢުލީމު ހާޞިލްކުރަމުން ގެންދެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
